News @ M-Media

Tag: featured

  • မိတ္ထီလာမြို့မှ အကြမ်းဖက်ခံရသည့် အားကိုးရာမဲ့ ဒုက္ခသည်များ၏ ဆန္ဒများ

    ဇွန် ၁၀၊ ၂၀၁၃
    M-Media
    KK

    A man walks in Meikhtila,
    ဓါတ်ပုံအညွှန်း- မိတ္ထီလာမြို့မှ မီးရှို့အကြမ်းဖက်ခံရသည့် မွတ်စလင်မ်ရပ်ကွက်တခု
    Photo Credit- AFP

    မိတ္ထီလာ  ။          ။        မန္တလေးတိုင်းဒေသကြီး မိတ္ထီလာမြို့တွင် ၂၀၁၃-ခု မတ်လနှောင်းပိုင်းက ဖြစ်ပွားခဲ့သော အကြမ်းဖက်မှုများကြောင့် ဒုက္ခသည်အဖြစ်သို့ ရောက်ရှိသွားခဲ့သော ချမ်းအေးသာယာရပ်ကွက်မှ ဒုက္ခသည်များ၏ ဆန္ဒများကို M-Media သို့ ဆက်သွယ်ပြောပြလာတာဖြစ်ပါတယ်။

    “မိတ္ထီလာမြို့ ချမ်းအေးသာယာရပ်ကွက်မှာ မွတ်စလင်မ် အိမ်တွေရှိပါတယ်။ မတ်လက အကြမ်းဖက်ခံရလို့ မွတ်စလင်မ်အိမ်တွေဟာ မီးလောင်သွားခဲ့ရပါတယ်။ မွတ်စလင်မ်အိမ်တွေက တစ်ရပ်ကွက်လုံး နီးပါးပါပဲ။ အဲ့ဒီ မီးလောင်သွားခဲ့တဲ့ အိမ်တွေအားလုံးကို အခုကျ တိုက်ခန်းကိုပဲ ပြန်ပေးတော့မယ်။ ကိုယ့်မြေနေရာတွေ ပြန်မပေးတော့ဘူး။ ဒါကြောင့် ဒုက္ခသည်တွေက စိတ်မချမ်းမမြေ့ဖြစ်နေရပါပြီ။ အရင်မြေကွက်တွေက တချို့က ပေ ၃၀ – ၅၀ပိုင်ကြတယ်။ တချို့က ပေ ၁၀၀ လောက်ပိုင်ကြတယ်။ အခုကျတော့ ပေ ၂၀ – ပေ ၄၀ တစ်ခန်းပဲ ရတော့မယ်။ နောက်ပြီးတော့ ရပ်ကွက်မှာ ပြန်ဆောက်ပေးရမယ့် မွတ်စလင်မ်အိမ်ခြေက ၆၀၀ လောက်ရှိတာ။ အခုတော့ ၁၂၀၀ လောက်ဆောက်ပြီး ၆၀၀ ကို ဒုက္ခသည်တွေကိုပေးပြီး ၆၀၀ လောက်ကို ကန်ထရိုက်ကို ရောင်းစားတယ်။ ဒါကြောင့် ကျွန်တော်တို့ ဒုက္ခသည်တွေအနေနဲ့ တော်တော်စိတ်ညစ်နေရပါတယ်။

    အဲဒါနဲ့ပတ်သက်လို့ ကျွန်တော်တို့ကို ဘယ်သူကမှ ဘာမှ အကူအညီ မပေးကြပါဘူး။ နိုင်ငံတော် အစိုးရကရော၊ ဘာသာရေးအဖွဲ့တွေကရောပေါ့။ ရန်ကုန်က အိုလမာသာသနာ့ပညာရှင်များရုံးကို ဖုန်းဆက်ပြီး ဒီကိစ္စကို စီစဉ်ပေးဖိုိ့ တောင်းဆိုတဲ့အခါ၊ ဒုက္ခသည်တွေအတွက်ကို လောလောဆယ် မစီစဉ်ပေးနိုင်သေးပဲ ဟာဂ်ျကိစ္စအတွက် လုံးပမ်းနေရတယ်လို့ ဆိုလာပါတယ်။ ဟာဂ်ျကိစ္စလုပ်တာကိုလည်း ကျွန်တော်တို့လက်ခံပါတယ်။ အဲဒါက ပိုက်ဆံရှိတဲ့သူတွေအတွက်ပါ။ အခုလို ဒီအချိန်မှာ ဒီဘက်ကို အာရုံစိုက်ပြီး လုပ်ပေးစေချင်ပါတယ်။ ဒီက ဒုက္ခသည်တွေကလည်း သမ္မတဆီ စာရေးပြီးတင်ချင်ကြပါတယ်။ ကျွန်တော်တို့ ဆက်သွယ်ပြီးပြောတဲ့အခါမှာ အဲ့ဒီဘာသာရေးအဖွဲ့ ဥက္ကဋ္ဌက ဝေ့လည်လည်စကားပြောပါတယ်။ ဒုက္ခသည်တွေရဲ့အဖြစ်ကို မကြည့်ပဲပစ်ထားကြပါတယ်။

    အခု တိုက်ခန်းတွေ ဆောက်မယ်ဆိုတာ စီစဉ်မှုသက်သက်မဟုတ်ပါဘူး။ မြေထိုးစက်တွေ မြေကော်စက်တွေနဲ့ သူတို့ စလုပ်နေကြပါပြီ။ ဒါကြောင့် ကျွန်တော်တို့မှာ တဘက်က ဒုက္ခတွေကြောင့် စိတ်ဒုက္ခရောက်ရတာကတစ်မျိုး ဘာသာရေးအဖွဲ့တွေက ဒုက္ခသည်တွေအတွက် ဆက်ပြီး အကူအညီမပေးတာကြောင့် ကျွန်တော်တို့ တော်တော်သောက ဖြစ်ရပါတယ်။ မိတ္ထီလာက ဒုက္ခသည်တွေအတွက်လည်း ၀ိုင်းဝန်းစဉ်းစားပေးကြပါဦးလို့ M-Media ကနေ တဆင့် ကျွန်တော်ပြောပြချင်ပါတယ်။”လို့ ဒုက္ခသည်များ၏ ခံစားချက်များကို ဒုက္ခသည်တစ်ဦးမှ M-Media ကို ဆက်သွယ်ပြောပြလာပါတယ်။

  • ရွာဆော်ကြီးစပ်သမျှ PR သင်ပုန်းကြီးဖတ်စာ

    ရွာဆော်ကြီးစပ်သမျှ PR သင်ပုန်းကြီးဖတ်စာ

    ဇွန် ၁၀၊ ၂၀၁၃
    M-Media
    ရေးသူ- ရွာဆော်ကြီး

    ရွာဆော်ကြီးစပ်သမျှ PR သင်ပုန်းကြီးဖတ်စာ

    ငယ်ငယ်တုန်းကတည်းက ကြားဖူးကြသည့်မြန်မာစကားရှိသည်။
    “ပွဲဆူအောင်လုပ်တယ်” “ပွဲစည်အောင်လုပ်တယ်’’ ‘’ပွဲလန့်တုန်းဖျာခင်းတယ်’’ ဆိုပဲ။
    ပွဲနဲ့ပတ်သက်သောစကားများဖြစ်သည်။
    “ပွဲကြိုက်ခင်’’ ‘’ပွဲကြိုက်မောင်’’များလည်း ရှိသည်။
    ‘’ပွဲပျက်အောင်’’တော့ မလုပ်ကြပါစေနှင့်။

    မြန်မာပြည်ကြီးမှာ မိုးတွေရွာနေသည်။
    မိုးတွင်းမို့ မိုးရွာတာမဆန်းပါ။
    မိုးတွင်းမိုးသာမက ‘’အနမ်းမိုး’’ များပါ ရွာနေကြသည်။
    အမေရိကန် သမ္မတကြီးက စ သည်။
    မင်းသား/မင်းသမီးများ စတန့်ထွင်လာပြီ။
    PR မိုးတွေလည်းရွာနေသည်။
    PR သုံးပြီး ပွဲဆူအောင် ဖွကြသည်။
    facebook မှာ နမ်းတဲ့ပုံတွေတင်ကြသည်။
    ကလော်တဲ့သူက ကလော်၊ ပျော်တဲ့သူက ပျော်
    ကလော်သူနဲ့ ပျော်သူတို့ ‘’ဆော်’’ ကြသည်။
    ပွဲဆူသွားသည်။

    ကလော်တာပဲဖြစ်ဖြစ်၊ ပျော်တာပဲဖြစ်ဖြစ်
    ဆော်တာပဲဖြစ်ဖြစ်
    ပို့စ်တင်သူတို့ကြိုက်ကြသည်။
    ကလော်ရာ၊ ဆော်ရာမှ
    တော်တော်အလုပ်ဖြစ်သွားသည်။
    Comment များ သတိထားရေးကြစေလိုသည်။
    PR ထောင်ချောက်ကြီးထဲဝင်သွားမှာ စိုး၍ဖြစ်သည်။
    မျိုးဆက်သစ်များအတွက် ရင်လေးစရာဖြစ်လာသည်။

    အချို့အချို့သောလူကြီးများက
    ၀ံသာနုတရားကို
    ဘယာနကရသမြောက်အောင် ဟောနေကြသည်။
    ရေကူးဝတ်စုံနဲ့ မယ်ပြိုင်တဲ့မိန်းကလေး
    မင်္ဂလာအနမ်းနဲ့ ပွဲကြမ်းတဲ့ အဆိုတော်လေး
    မွေးနေ့အမှတ်တရနဲ့  မင်းသမီးကိုချီ,မ ပြတဲ့
    ရှမ်းပြည်နယ်က စိုင်းလူငယ်လေးတို့ကို
    မည်သို့သဘောထားကြမည်လဲ?

    ဂလိုဘယ်လိုက်ဇေးရှင်းပင်လယ်ကြီးထဲက
    ယဉ်ကျေးမှုလှိုင်းတံပိုးအောက်မှာ
    ယဉ်ကျေးမှုတွေ သင်္ဂြိုဟ်ခံနေကြရသည်။
    အချို့ယဉ်ကျေးမှုများ လှိုင်းပေါ်တွင် လူးလွန့်နေသည်။
    အချို့ယဉ်ကျေးမှုများကတော့ လှိုင်းပေါ်မှာ မားမားရပ်တည်နိုင်ကြသည်။
    ‘’လှိုင်းကြီးလှေအောက်”ဟုဆိုသည်မဟုတ်ပါလား
    မြန်မာ့ယဉ်ကျေးမှုလှေကြီး လှိုင်းအောက်မရောက်စေလိုပါ။
    မျိုးဆက်သစ်ပန်းကလေးများကို
    ကောင်းမြတ်သော ယဉ်ကျေးမှု၊ သီလတရားရေစင်များဖြင့်
    ဥာဏ်သစ်လောင်းပေးသင့်သည်။

    PR တွေ တော်တော် ပေါနေသည်။
    မင်းသား/ မင်းသမီး မွေးနေ့လည်း PR
    မင်းသမီး ကလေးမွေးလည်း PR
    ၀ိတိုရိယဆေးရုံကြီးမှာ
    အူဝဲ က အူဝဲလေးမွေးတာ
    ကလေးရဲ့  Stem Cell သိမ်းထားသည်ဆိုပါလား
    ရွာဆော်ကြီးတို့ရွာမှာတော့ ထူးခြားဖြစ်စဉ်ဖြစ်သည်။
    မတော်လို့များ ကလေးကြီးလာလို့ နေမကောင်းဖြစ်လျှင်
    ထို Cell ဖြင့် အစားထိုးကုသလို့ရသည်ဆိုပါလား။
    PR သုံးပြီး ဖွ လိုက်ကြသည်။
    ၀ိတိုရိယရော၊ မီဒီယာရော၊ ဒေါက်တာရော၊ လူနာပါ
    အဆင်ပြေသွားကြသည်။
    ဘာပဲဖြစ်ဖြစ် ဒီလို PR မျိုးကတော့ အများအကျိုးဖြစ်စေသဖြင့် ကြိုဆိုပါသည်။

    Facebook မှာ ကွန်ပျူတာနည်းပညာ အခမဲ့သင်တန်းပေးသည့် Fun Page များပေါ်လာသည်။
    ၀ိုင်းပြီး like လုပ်ကြ၏
    ကွန်ပျူတာ၊ တယ်လီဖုန်း Software များ
    Free download ရသည်။
    Open Source System (O/S) ဖြင့်ရေးထားသော
    Software အများစုဖြစ်သည်။
    Share ပေးသော ကွန်ပျူတာပညာရှင်ကြီးများကို လေးစားပါ၏။
    Like လုပ်သူတွေများလာပြီ။
    ကွန်ပျူတာပညာရှင်ကြီးများအရောင်နည်းနည်း စ ပြောင်းပြီ
    နိုင်ငံရေး/ဘာသာရေး/လူမျိုးရေး/ ဟိုအရေး/ဒီအရေးတွေကို
    ‘’ဆွ”လာ ‘’ဖွ”လာကြသည်။
    သြော်….”သူတို့လည်းလေ PR သမားပေမို့”
    သဘောပေါက်လိုက်ပါပြီ
    Fun Page များ အားလုံးကို မပြောရဲပါ။
    လူ့အကျိုးပြု Fun Page များစွာရှိသည်။
    ရွာဆော်ကြီးသဘောပေါက်ပါသည်။

    အားကစားလောက၊ အနုပညာလောက၊ စီးပွားရေးလောက
    အစရှိသည့် လောကပေါင်းများစွာမှ ကျော်ကြားသူအချို့
    နိုက်ကလပ်တွင် မူးပြီးရန်ဖြစ်ကြ
    နောက်ဆုံးပေါ်ကားတွေကို မူးပြီး မောင်းပြီး တိုက်ကြ
    ပြဿနာတွေတက်ကြ၊ ရှင်းကြ။
    မိဘမဲ့ကလေးများဂေဟာ
    ဘိုးဘွားရိပ်သာ၊ ဆေးရုံ၊ ဆေးခန်းများမှာ
    သာရေး/နာရေးအသင်းများမှာ
    ငွေတွေသွားလှူကြ၊ မီဒီယာတွေမှာ ဓါတ်ပုံရိုက်ဖေါ်ပြကြ
    လူထုက သာဓုခေါ်ကြ
    ကဲ…ပြီးသွားပြီ၊ အတိတ်ကဇာတ်လမ်းတွေ
    PR ကန့်လန့်ကာချ။

    ရုပ်ရှင်မင်းသားတစ်ယောက် ဒူးထောက်နေသည်။
    ရယ်ရယ်မောမော ပေါ့ပေါ့ပါးပါး(အဲလေ…ယောင်လို့)
    ရှုတည်တည်ကြီးနှင့်ဖြစ်သည်။
    မီဒီယာသမားများ ၀ိုင်းရံလာကြပြီ
    ဘုရားကျောင်းလူကြီးများရှင်းပြကြသည်။
    ထိုလူကြီးများ တော်တော်, တော် ပါသည်။
    လူအများနားလည်အောင် ရှင်းပြနိုင်ကြသည်။
    ဘုရားကျောင်းထဲကို ဘာသာမရွေးဝင်ခွင့်ရှိကြောင်းကို ဦးစွာပထမထားပြီး ပြောသည်။
    ဓါတ်တော်၊ မွေတော်များထားသည့် နေရာများကဲ့သို့သော
    ဘာသာဝင်များ အမြတ်တနိုးထားသည့်နေရာများအကြောင်းကို
    လူအများနားလည်အောင် ဥပမာပေး၍ ရှင်းပြကြသည်။
    ဒူးထောက်သူမင်းသား၏
    ၀တ်စားဆင်ယင် ပြောဆိုဟန်မှာ
    မြန်မာ့ယဉ်ကျေးမှုနှင့်မလျော်ညီကြောင်း ရှင်းပြသည်။
    ၎င်းတို့ဘာသာအကြောင်းတောင် သိပ်မပြောကြပါ။
    လိုအပ်သလောက်သာပြောသွားကြသည်။
    အများနားလည်အောင်ရှင်းပြသောအခါ
    အားလုံးလက်ခံသွားကြသည်။
    ထိုပုဂ္ဂိုလ်များ၏ PR ကြွယ်ပုံကို လေးစားပါသည်။

    တစ်ကမ္ဘာလုံး၊ တစ်နိုင်ငံလုံး၊ တစ်ရွာလုံး
    PR ခေတ်ပြောင်းရေစီးကြောင်းကြီးထဲ ပါဝင်လာကြပြီ။
    ရွာဆော်ကြီးတို့လူစုတွေ ဘာလုပ်ကြမည်လဲ?
    PR ကို လေ့လာသင့်ပြီ၊ Social Psychology တွေကို နားလည်သင့်ပြီဟုတော့
    မရဲတရဲဖြင့် အကြံပေးပါရစေ။
    တစ်ဖက်မှာလည်း တုတ်နဲ့ဓါးနဲ့
    တစ်ဖက်မှာလည်း PR နဲ့ ၊ Media နဲ့
    ကြားညှပ်သွားလျှင် “မိအေးအခါတစ်ရာမကနာပါလိမ့်မည်”။
    ရွာဆော်ကြီးလည်း PR အကြောင်း လေ့လာပါဦးမည်။

    အခုတော့ သွားလေရာထီးဆောင်နေရသည်။
    စောစောကပြောသလို မြန်မာပြည်ကြီးမှာ မိုးတွေရွာနေသည်မဟုတ်ပါလား
    ကိုယ့်ကိုကိုယ်တော့ လုံအောင် “ကာ” မှဖြစ်မည်။
    ကာရင်းနဲ့ “ကား” မသွားဖို့တော့ လိုမည်ထင်သည်။
    ဒီတစ်ခေါက်တော့ ဒီမျှနှင့်တော်ဦးမည်။
    တစ်ကမ္ဘာလုံး၊ တစ်နိုင်ငံလုံး၊ တစ်ရွာလုံး
    ကျန်းမာချမ်းသာကြပါစေ။
    ပြောချင်တာပြောပြီးမှ
    Comment များတွင် အကြိမ်းခံရမှာစိုး၍
    PR သုံးတာ မဟုတ်ပါ။
    ရိုးသားဖြူစင်စွာမေတ္တာပို့ခြင်းဖြစ်ကြောင်းဝန်ခံရင်း….
    အမှားပါရင်ခွင့်လွှတ်ကြပါရန် ပန်ကြားရင်း….။   ။

    • PR – Public Relation – လူမှုပေါင်းသင်းဆက်ဆံရေးနည်းဗျူဟာ / လူမှုပေါင်းသင်းဆက်ဆံရေးအတတ်ပညာ
    • ဘယာနကရသ – ကြောက်ရွံ့ထိတ်လန့်မှုဖြစ်စေသည့် ရသခံစားမှု။
    • ၀ံသာနုတရား – မျိုးစောင့်တရား/မျိုးချစ်တရား

  • မန္တလေးမှ ဗလီအတွင်းသို့ အစ္စလာမ်ဘာသာဝင် အယောင်ဆောင်ကာ မသင်္ကာဖွယ်လူစိမ်း တစ်ဦး ၀င်ရောက်

    ဇွန် ၉၊ ၂၀၁၃
    M-Media
    ရဲရင့်သူ

    မန္တလေး  ။          ။        မန္တလေးတိုင်း၊ မန္တလေးမြို့၊ အောင်မြေသာစံမြို့နယ်အတွင်းရှိ ဗလီအတွင်းသို့ မသင်္ကာဖွယ် လူစိမ်းတစ်ဦး ယနေ့ည ၈-နာရီဝန်းကျင်က ၀င်ရောက်လာသည်ကို တွေ့ရှိရသဖြင့် သက်ဆိုင်ရာသို့ပို့ဆောင်လိုက်ကြောင်း သတင်းရရှိသည်။

    23 mosque

    ဖြစ်ပွားပုံမှာ မန္တလေးမြို့၊ အောင်မြေသာစံမြို့နယ်၊ ၈၂လမ်းနှင့် ၈၃လမ်းကြား ၂၃-လမ်းရှိ ကျောက်ဗလီအတွင်းသို့ မသင်္ကာဖွယ်လူတစ်ဦးတွေ့ရှိရသည်ဟု သိရသည်။ ယင်းသူမှာ ယနေ့ည အိရှာဟ်ဆွလာသ် (၈-နာရီ ၀တ်ပြုချိန်)တွင် ဗလီအတွင်းသို့ ၀င်ရောက်လာပြီး ၀တ်ပြုမှုပုံစံအတိုင်း လိုက်လံ ၀တ်ပြုနေသည်ကို တွေ့ရှိရပြီး သူကပုံစံမှာ မူမမှန်သဖြင့် ၀ိုင်းဝန်းစစ်ဆေးမေးမြန်းရာ သူထံမှ အရက်နံ့များရပြီး၊ စိတ်မနှံ့သူတစ်ဦး သဏ္ဍာန်ဖြစ်နေပြီး မွတ်စလင်မ်တစ်ဦး မဟုတ်ကြောင်း သိရသည်။ ထိုသူမှာ မိုးကုတ်မြို့တွင်နေသူ ဂေါ်ရခါး လူမျိုးတစ်ဦးဖြစ်ကြောင်းလည်း သိရသဖြင့် သက်ဆိုင်ရာသို့ အပ်နှံလိုက်တာကြောင့် သက်ဆိုင်ရာမှ သူ့အား အိမ်ပြန်ပို့မည်ဟုဆိုကာ ပြန်လည်ခေါ်ဆောင်သွားကြောင်းသိရသည်။

    အဆိုပါကိစ္စနှင့်ပတ်သက်ပြီး မန္တလေးမြို့ခံတဦးရဲ့ လူမှုကွန်ရက်စာမျက်နှာမှာ သူရဲ့ ကိုယ်တွေ့ အဖြစ်အပျက်ကို အောက်ပါအတိုင်းရေးသားထားပါတယ်။

    “နမားဇ်ဖတ်နေတဲ့အချိန် ဝင်လာတယ်၊ နမာဇ်ဖတ်တဲ့ပုံစံ လုပ်တယ်၊ လုပ်သာလုပ်တာ တလွဲ၊ လက်နှစ်ဖက်ကို မိုးပေါ်မြှောက်ပြီး ပါးစပ်က လျှောက်ရွတ်တယ်၊ ထိုင်ချပြီး မြေကြီးနဲ့ခေါင်း စိုက်လုပ်တယ်။ မင်္သကာလို့ ခေါ်မေးတော့ အနောက်ထဲဝင်ပြေးတယ်။ မိသွားတော့ မေးတော့ ဂေါ်ရခါး မုစ်လင်မ်လို့ ပြောတယ်ဗျာ။ လူကြီးတွေ ရောက်လာပြီး ထပ်မေးတယ်။ ဘာသာမဲ့ပါဆိုပြီးဖြေတယ်။ အရက်စော်လည်း နံလို့။

    ၁၀ မိနစ်လောက်နေတော့ ရဲတစ်ယောက်နဲ့ လူတစ်ယောက် ယောက်လာတယ်။ အဲဒီလူကိုလည်း မြင်ရော ဒီကောင့်မျက်ခွက် ပြောင်းသွားတယ်။ ရဲနဲ့ပါလာတဲ့ လူကပြောတယ်။ ဒီကောင် မနေ့ညကလည်း ၁၉ လမ်းဘက်မှ ပတ်မွှေပြီးပြီတဲ့။ ပိုက်ဆံ ၁၀၀၀ ပေးလိုက်ရင် ပြန်ထွက်သွားတယ်တဲ့။ အဲဒါ အခုလည်း ပိုက်ဆံ ၁၀၀၀ ပေးမယ်ဆိုပြီး ဆိုင်ကယ်ပေါ်တင်ပြီး ခေါ်သွားတယ်။ ရဲစခန်းတော့ မဟုတ်ဘူး။ ပြန်ပို့မယ်ဆိုပြီး ဘယ်ခေါ်သွားလည်းမသိ။

    နောက်ရက်ကစပြီး ဘာသာပေါင်းစုံက မိတ်ဆွေများ ဒီကောင့်ကို အဲလိုမသင်္ကာဖွယ် လုပ်တာတွေ့ရင် အရင်ဆုံးမလွှတ်လိုက်ပါ။ ပြီးမှ ရဲလက်အပ်ပါ။ အရူး အရူးနဲ့ လားရှိုးလည်း ပြာကျပြီးပြီ။ ”

    ယခုကဲ့သို့ ဗလီများအတွင်း အစ္စလာမ်ဘာသာမဟုတ်သူများအနေနှင့် အစ္စလာမ်ဘာသာဝင်တစ်ဦး အသွင်ဖြင့် ၀င်ရောက်လာပြီး ဘာသာရေးကို အကြောင်းပြပြီး ပဋိပက္ခဖြစ်စေမည့်အသွင် ဖန်တီးမှုများ ပေါ်ပေါက်လာမည်ကိုလည်း အစ္စလာမ်ဘာသာဝင်များအနေနှင့် စိုးရိမ်မှုများရှိနေကြောင်းနှင့် ဗလီများတွင် CCTV ကင်မရာများ အမြန်ဆုံးတပ်ဆင်ထားသင့်ကြောင်းလည်း တိုက်တွန်းအကြံပြု ပြောကြားလာကြပါတယ်။

  • တောင်ကြီးတွင် ဦးဝီရသူ၏ ၉၆၉ တရားပွဲပြုလုပ်ရန် ကြေညာဘုတ်များ လိုက်လံ စိုက်ထူလျက်ရှိ

    M-Media
    ဇွန်လ ၉၊ ၂၀၁၃
    ကျောက်ခဲ

    wirathu
    တောင်ကြီးမြို့ပေါ်မှာ ၉၆၉ တရားပွဲ ကြေညာဘုတ်များ

    တောင်ကြီးမြို့ တွင် ဂျွန်လ ၈ ရက်နေ့ မှစ၍ ၉၆၉ တရားပွဲကြေညာ ဗီနိုင်းဘုတ်များကို လိုက်လံစိုက်ထူလျက်ရှိသည်။ ယင်းတရားပွဲကို ဇွန်လ ၁၇ ရက် မှ ၁၈ ရက်အထိ တောင်ကြီးမြို့  ရှိသိမ်တောင် ပရိယတ္တိစာသင်တွင် ည ၇ နာ၇ီတွင်ကျင်းပ မည်ဖြစ်ကြောင်း သိရသည်။

    “အေးဗျာ ကျွန်တော်တို့ မှာ ဟိုသတင်းကြားလိုက် ဒီသတင်းကြား လိုက်နဲ့ စိုးရိမ်နေရတဲ့ကြားက အခု ဦးဝီရသူတရားပွဲကို ဒီမှာ လာလုပ်မယ် ဆိုတော့ တော်တော်စိတ်ပျက်မိ တယ်ဗျာ။ နောက် အခုလုပ်မယ့်တရားပွဲကြေညာဘုတ်တွေကိုလည်း လူစည်ကားရာ လမ်းတွေမှာ သင်္ကန်းဝတ်တွေကိုယ်တိုင် လိုက်လံတပ်ဆင်နေကြ တာ။ ကျွန်တော့်တစ်သက်ဒီလောက် တက်တက်ကြွကြွလုပ်တဲ့ တရားပွဲမျိုးမမြင်ဖူးပါဘူးဗျာ” ဟု ဒေသခံနည်းပညာကျောင်းသား တစ် ဦးကM-Media သို့ ပြောကြားခဲ့သည်။

    မကြာခင်လများအတွင်းက မူဆယ်မြို့ တွင် အစွန်းရောက် ၉၆၉ တရားများဟောကြားပြီးနောက် လာရှိုးမြို့ ၌ အစွန်းရောက် ဗုဒ္ဓသာသာများ၏ အကြမ်းဖက်ရမ်းကားမီးရှို့ မှု၊ သတ်ဖြတ်မှုများ ကိုလာရှိုးမြို့ ရှိမွတ်စလင်များ ခံစားခဲ့ရသည်။ ယခုတဖန် ၉၆၉ အစွန်းရောက် တရားခွေများပြန့် နှံ့လျက်ရှိသော ရှမ်းပြည်တောင်ပိုင်းဒေသ များ တွင်လည်း ငြိမ်းချမ်းစွာနေထိုင်လိုသော ဗုဒ္ဓဘာသာဝင်များနှင့် ဒေသခံမွတ်စလင် များက ယင်းကဲ့သို့ အကြမ်းဖက် မှုများဖြစ် လာမည်ကိုစိုးရိမ်လျက်ရှိကြသည်။

    ယင်းသို့ နိုင်ငံအရပ်ရပ်တွင် မငြိမ်သက်မှုများတစ်မြို့ ပြီးတမြို့ ဖြစ်ပျက်လျက်ရှိနေစဉ်မှာပင် ယခုကဲ့သို့ အစွန်းရောက်တရားပွဲများကို ထပ်မံပြုလုပ်ကြ ခြင်းဖြစ်သည်။

    tgi
    တရားပွဲအတွက် လုံးပန်းနေကြသည့် သင်္ကန်းဝတ်များနှင့် လူဝတ်ကြောင် အချို့

    “ကျွန်တော် မသိတာတစ်ခုက နိုင်ငံနဲ့ အနှံ့ဒါမျိုးတွေဖြစ်နေတယ်ဗျာ။ နောက်ပြီးဘာသာတရားတစ်ခုကို ဒီလိုပေါ်ပေါ်ထင်ထင်စော်ကားတယ်ဆိုတာ ဥပဒေနဲ့ လည်းမညီဘူး။ ယဉ်ကျေးတဲ့လူ့ အဖွဲ့ အစည်းရဲ့စရိုက်လည်းမဟုတ်ဘူးဗျာ။ ဒါတွေကိုအစိုးရက ဘာလို့ မတားဆီးတာလဲဆိုတာ ကျွန်တော်ဘယ်လိုမှမစဉ်းစားတတ်ဘူးဗျာ။ ဒီလိုသာဆို ကျွန်တော်တို့ နိုင်ငံရဲ့ရှေ့ဆက်ရမယ့် အနာဂတ်ကို တော်တော်ရင်လေးမိတယ်ဗျာ” ဟု ဥပဒေပညာရှင် တစ်ဦးက မှတ်ချက်ပေး ပြောကြားခဲ့ပါသည်။

  • ရေးမှ ရန်ကုန်သို့ထွက်လာသည့် ရာဇာမင်းအထူးကား ဓါးမြတိုက်ခံရ

    ရေးမှ ရန်ကုန်သို့ထွက်လာသည့် ရာဇာမင်းအထူးကား ဓါးမြတိုက်ခံရ

    ဇွန် ၉၊ ၂၀၁၃
    M-Media
    ဇာဏီ

    မွန်ပြည်နယ် ။ ။ မွန်ပြည်နယ်၊ ရေးမြို့မှ ရန်ကုန်သို့ ထွက်လာသည့် ရာဇာမင်းအထူးယာဉ်လိုင်းအား မနေ့ည ၉-နာရီခန့်က သရက်တောအနီးတွင် ဓါးမြတိုက်ပြီး ယာဉ်မောင်းအား သေနတ်ဖြင့် ပစ်သတ်ခဲ့ကြောင်း သတင်းရရှိပါသည်။

    ဖြစ်ပွားပုံမှာ မွန်ပြည်နယ် ရေးမြို့မှ ရန်ကုန်မြို့သို့ မနေ့ည ၇-နာရီကထွက်လာသည့် ရာဇာမင်းအထူးကားအား ရင်းညိမ်နှင့် သထုံကြားရှိ သရက်တောအနီးသို့အရောက် ည ၉-နာရီခန့်တွင် ဓါးမြတိုက်ခဲ့ကြောင်းသိရပါတယ်။ ရာဇာမင်းကားပေါ်တွင် ပါလာသော ခရီးသည်များထဲမှ မော်လမြိုင်ဘက် ပါလာသော ၂-ယောက်သည် သရက်တော အနီးသို့အရောက်တွင် ၎င်းတို့အား ကြိုတင်စောင့်နေသည့် သူတို့၏အဖွဲ့များနှင့်အတူ ကားမောင်းသူအား သေနတ်နှင့်ထောက်၍ လမ်းကြောင်းပြောင်းမောင်းစေခဲ့ပါတယ်။ ကားမောင်းသူမှ လမ်းကြောင်းပြောင်း မမောင်းသည့်အတွက် သေနတ်နှင့်ပစ်သတ်လိုက်ရာ ကားမောင်းသူမှာ နေရာတွင်ပင် ပွဲချင်းပြီး သေဆုံးသွားခဲ့ပါတယ်။ ထို့နောက် ယာဉ်နောက်လိုက်မှ ခရီးသည်များအား အန္တရာယ်မပြုရန် တောင်းပန်သည့်အတွက် ပါးစပ်ကို သေနတ်နှင့်ပစ်လိုက်ရာ ပါးနှစ်ဖက်မှ ထုတ်ချင်းပေါက် ကျည်ဆံဖောက်ထွက်သွားသည့်အတွက် အသက်မသေခဲ့ပါ။ အခြား ခရီးသည်များအား အန္တရာယ်ပြုခြင်းမရှိပဲ ပစ္စည်းများကိုသာ လုယက်ယူငင်သွားတယ်လို့ သိရပါတယ်။

    ဓါးမြတိုက်ခံရစဉ်တွင် ကားပေါ်၌ ခရီးသည်အပြည့် တင်ဆောင်လာခြင်းဖြစ်ပြီး၊ ယခုကဲ့သို့ ဓါးမြတိုက်ခံရသည့်အတွက် သထုံအပါအ၀င် ပြည်နယ်ရဲများမှ အဆိုပါဓါးမြတိုက်မှုအား စုံစမ်းနေပြီဖြစ်ကြောင်းနှင့် ရန်ကုန် မော်လမြိုင်လမ်း တလျှောက်တွင်လည်း စစ်ဆေးမှုများ ပြုလုပ်နေပြီဖြစ်ကြောင်းလည်း သိရပါတယ်။

    “ကျွန်တော်ခန့်မှန်းလို့ရတာက မွန်ပြည်နယ်ဘက်မှာ အစ္စလာမ် ဆန့်ကျင်ရေးအဖွဲ့တွေက ရာဇာမင်းကားကို မစီးဖို့ လှုံ့ဆော်နေတယ်။ အခုလိုဖြစ်သွားခဲ့ရင် နောက်ဆို လူတွေ မစီးရဲအောင် လုပ်တာလည်းဖြစ်နိုင်တယ်။ နောက်ပြီးတော့ သူတို့ထင်တာက ရာဇာမင်းကားက မွတ်စလင်မ်တွေပဲစီးတာ၊ အခုလိုလုပ်ရင် မွတ်စလင်မ်တွေပဲ နစ်နာမယ်လို့ တွက်ဆထားပုံရပါတယ်။ အခုကတော့ ကားပေါ်ပါလာတဲ့ ခရီးသည်က မွတ်စလင်မ်အများစု မဟုတ်ဘဲ ဗုဒ္ဓဘာသာ ပိုများပါတယ်။ ရာဇာမင်းကားစီးရင် ဒီလိုဖြစ်မယ်ဆိုတဲ့ ပုံစံနဲ့ ခြိမ်းခြောက်မှုတစ်ခုလုပ်တယ်လို့ ကျွန်တော် သုံးသပ်ကြည့်မိတယ်”လို့ မော်လမြိုင်မြို့ခံ တစ်ဦးက M-Media ကို ပြောပြခဲ့ပါတယ်။