News @ M-Media

Tag: featured

  • အစ္စလာမ် ဆန့်ကျင်ရေး စာအုပ်ရေးခဲ့သူ ဟိန္ဒူ ပညာရှင်ရဲ့ အစ္စလာမ်အပေါ် ပြောင်းလဲသွားတဲ့ အမြင်

    ဖေဖော်ဝါရီ ၁၀ ၂၀၁၃
    M-Media

    “အစ္စလာမ်သာသနာသည် အံသြဖွယ်ကောင်းသော သာသနာဖြစ်ပြီး၊ တမန်တော် မုဟမ္မဒ်သခင်သည်လည်း လူ့သမိုင်းတစ်လျှောက်တွင် အမြင့်မြတ်ဆုံးသော လူသားဖြစ်သည်။”

    ဤ သက်သေခံချက်မှာ မွတ်စလင်တစ်ယောက်၏ ထွက်ဆိုချက်မဟုတ်ဘဲ အိန္ဒိယနိုင်ငံမှ ကျော်ကြားသော ဟိန္ဒူပညာရှင်၏ ထွက်ဆိုချက်ပင်ဖြစ်သည်။ အစ္စလာမ်သာသနာကို သင်ယူလေ့လာရန်နှင့် နားလည်စေရန်အတွက် တမန်တော် မုဟမ္မဒ်သခင်(ငြိမ်းချမ်းမှုသက်ရောက်ပါစေ)၏ သွန်သင်မှုများနှင့် တမန်တော်၏ ထေရုပ္ပတ္တိသည် အကောင်းဆုံးသော အရင်းအမြစ်ဖြစ်သည်ဟု သူကဆိုသည်။

    Swami Lakshmi Shankaracharya

    “ကျနော်တို့ တမန်တော် မုဟမ္မဒ်သခင်(ငြိမ်းချမ်းမှုသက်ရောက်ပါစေ) အကြောင်း ပြောကြဆိုကြတယ်။ ပြီးတော့ သူဟာ သမိုင်းမှာ အကြီးကျယ်ဆုံး လူတစ်ယောက်ဖြစ်တယ်ဆိုတာကိုလည်း ကျနော်တို့ စိတ်ထဲမှာ မှတ်ယူထားသင့်ပါတယ်။ တကယ်လို့ တစ်ယောက်ယောက်က အစ္စလာမ်အကြောင်း သိချင်တယ်ဆိုရင် တမန်တော်ရဲ့ ဘ၀ဖြစ်စဉ်နဲ့ သင်ကြားမှုတွေအရသာ သာသနာကို အကဲဖြတ်သင့်ပါတယ်။” ဟု ဟိန္ဒူပညာရှင်ဖြစ်သူ ဆွာမိ လက်ရ်ှမီ ရှန်ကာရာချာယ (Swami Lakshmi Shankaracharya) က ဆိုသည်။

    ပြီးခဲ့သည့်လက Bihar ပြည်နယ်တွင် ကျင်းပသည့် “Seerat-un-Nabi” (တမန်တော်၏ ဖြောင့်မတ်သော ဓလေ့) ဟု အမည်ရသည့် အခမ်းအနားတွင် ပြောကြားသော မိန့်ခွန်း၌ ငြိမ်းချမ်းမှုနှင့် လူသားဝါဒမှာ အစ္စလာမ့်သင်ကြားမှု၏ အနှစ်သာရဖြစ်ပြီး၊ ကံမကောင်းစွာပင် အစ္စလာမ်သာသာဝင်အများစုမှာ သာသာနာ၏ သွန်သင်ချက်များကို လိုက်နာမှုမရှိ၊ တမန်တော် မုဟမ္မဒ်သခင်(ငြိမ်းချမ်းမှုသက်ရောက်ပါစေ) ၏ ဘ၀ဖြစ်စဉ်များမှလည်း သင်ယူမှုနည်းပါသည်ဟု သူက ဆိုသည်။

    ၎င်းအပြင် “သာသနာတော်ရဲ့ သွန်သင်ချက်အရ လူသားဝါဒကို ကာကွယ်ထိန်းသိန်းဖို့ဟာ မွတ်စလင်တိုင်းရဲ့ တာဝန်ဖြစ်ပါတယ်။ တမန်တော်မုဟမ္မဒ်သခင် (ငြိမ်းချမ်းမှုသက်ရောက်ပါစေ) ဟာ သူရဲ့ရန်သူကို အမြဲတမ်း ခွင့်လွှတ်ခဲ့တယ်၊ အခြားသူတွေက သူ့ကို နာကျင်အောင် လုပ်ရင်တောင် ခွင့်လွှတ် သည်းခံခဲ့တယ်။ ဒါတွေဟာ အစ္စလာမ်ကို နိုင်ငံတကာ ဘာသာတစ်ခုဖြစ်အောင် ပြုလုပ်ခဲ့တဲ့ သူ့ရဲ့ ကိုယ်ကျင့်တရားတွေပါပဲ။” ဟု သူက ပြောဆိုသွားသည်။

    ထပ်မံ၍ သူက မက္ကာမြို့ကို အောင်နိုင်ခြင်း(Makkah Conquer) ဖြစ်စဉ်ကို ကိုးကားပြောဆိုခဲ့လေသည်။ ထိုအချိန်က အစ္စလာမ့် ရန်သူများဖြစ်ကြသည့်မက္ကာမြို့သားများမှာ စစ်သုံ့ပန်းများဖြစ်နေလင့်ကစား မွတ်စလင်များမှ လွတ်ငြိမ်းချမ်းသာခွင့်ပေးခဲ့လေသည်။ ၄င်းအပြင် အကြမ်းဖက်ဝါဒ၊ အပြစ်မဲ့များအား သတ်ဖြတ်ခြင်းသည် ဂျီဟတ်နှင့် ဘာမှမဆိုင်ဟူ၍ သူက ရှင်းပြခဲ့သည်။

    မွတ်စလင်တို့အား လက်နက်ကိုင်တွန်းလှန်ရန် ပထမဦးဆုံးခွင့်ပြုချက်ပေးခြင်းကို ကုရ်အာန်ကျမ်းတော်မြတ် ကဏ္ဍ ၂၂ ပါဒတော် ၃၉ တွင် ဤသို့ တွေ့မြင်နိုင်သည်။

    “(ယခုသော်) တိုက်ခိုက်ခြင်းခံနေကြရသော (မွတ်စလင်တို့သည်) ခုခံတိုက်ခိုက်ခွင့်ရရှိလေပြီ။ အကြောင်းမူကား ၎င်းတို့ နှိပ်စက်ညှင်းပန်းခြင်းကို ခံခဲ့ကြရလေသည်။” (ကုန်အာန် ၂၂၊ ၃၉)

    ၎င်းအပြင် ကုရ်အာန်၏ အခြားတစ်နေရာတွင် “အလ္လာဟ်အရှင်မြတ်အလို့ငှာ အသင်တို့ကို တိုက်ခိုက်သူများအား ပြန်လည် ခုခံတိုက်ခိုက်ကြ။ သို့ရာတွင် လွန်ကျူးခြင်းမပြုကြနှင့်” ဟူ၍ မိန့်ဆိုထားလေသည်။

    အစ္စလာမ်နှင့်ပက်သက်၍၊ ဂျီဟတ်နှင့် ပတ်သက်၍ လွန်စွာ ဝေဖန်ပုတ်ခတ်ခဲ့သော သူတစ်ဦးက ယခုကဲ့သို့ ထုတ်ဖော်ပြောဆိုမှုမှာ စိတ်ဝင်စားစရာဖြစ်သည်။ သူက ကမ္ဘာလုံးဆိုင်ရာ အကြမ်းဖက်ဝါဒ၏ အရင်းအမြစ်မှာ အစ္စလာမ်သာဖြစ်သည်ဟု ယခင်က ယူဆခဲ့သည်။ မွတ်စလင်တစ်ချို့၏ အပြုအမူများ၊ အစ္စလာမ်သာသနာအပေါ် အဆိုးမြင်သည့် အချက်အလက်များကို လေ့လာမှုများကြောင့် သူ၏ စိတ်နှလုံးတွင် ထိုကဲ့သို့ အယူအဆများ ပေါ်ပေါက်လာခြင်းဖြစ်သည်။

    သူသည် အစ္စလာမ့်မစ် အကြမ်းဖက်ဝါဒ သမိုင်း (The History of Islamic Terrorism) ဟုခေါ်သည့် စာအုပ်တစ်အုပ်ကိုလည်း ရေးသားခဲ့သေးသည်။ သို့သော်လည်း အစ္စလာမ်သာသနာကို မူလ အရင်းအမြစ်များမှ လေ့လာရန် တိုက်တွန်းခံရသောကြောင့် ဆွာမိသည် ကုရ်အာန်ကျမ်းတော်မြတ်ကို အစမှ အဆုံးတိုင် ဖတ်ရှုလေ့လာခဲ့သည်။ ၎င်းအပြင် တမန်တော် မုဟမ္မဒ်သခင် (ငြိမ်းချမ်းမှုသက်ရောက်ပါစေ) ၏ ထေရုပ္ပတ္တိကိုလည်း လေ့လာခဲ့ပြီး နောက်ဆုံးတွင် သူသည် အစ္စလာမ်အပေါ် နားလည်မှု လွဲမှားနေခြင်းဖြစ်ကြောင်း အသိတရားရလာခဲ့သည်။ သူ၏အမှားကို လက်ခံခဲ့ပြီး အစ္စလာမ်နှင့်ပက်သက်သည့် အဆိုးမြင် အချက်အလက်များကို ပြန်လည်ဖြေရှင်းရန် (Islam – Terror or Ideal Path ) ဟု အမည်ရသည့် စာအုပ်တစ်အုပ်ကို ရေးသားခဲ့သည်။

    ထိုစာအုပ်တွင် ဂျီဟတ်၏ အဓိပ္ပါယ်အစစ်အမှန်နှင့် အစ္စလာမ်သည် ငြိမ်းချမ်းရေး သာသနာဖြစ်ကြောင်း ရှင်းလင်းတင်ပြထားသည်။ နိဂုံးချုပ်အနေဖြင့် အစ္စလာမ်သာသနာက မွတ်စလင်များအား အကြမ်းဖက်မှုကို အားပေးရန်မဟုတ်ဘဲ မိမိကိုယ်ကို ကာကွယ်ရန်နှင့် ငြိမ်းချမ်းရေးကို တည်ဆောက်ရန်အတွက် တိုက်ခိုက်ခွင့် ပေးထားခြင်းသာဖြစ်သည်ဟု သူက ရေးသားထားသည်။

    Seerat-un-Nabi အခမ်းအနားကို Bihar ပြည်နည်ရှိ Jamaat-e-Islami Hind အဖွဲ့က ဦးစီးကျင်းပခဲ့ခြင်းဖြစ်ပြီး အဖွဲ့၏ အကြီးအကဲဖြစ်သူ နေယာရွတ်ဇမန် (Nayyaruzzaman) က သဘာပတိအဖြစ် ဆောင်ရွက်ခဲ့သည်။ သဘာပတိက စစ်မှန်သည့် အစ္စလာမ့် ဗဟုသုတများ၊ တမန်တော်မြတ်ကြီး၏ နောက်လိုက် တပည့်သာဝကကြီးများ၏ လက်တွေ့ကျင့်ဆောင်ချက်များကို ရှာမှီးခြင်းနှင့်ပတ်သက်၍ အလေးထားပြောဆိုသွားခဲ့သည်။

    Ref:http://abna.ir

  • နိုက်ဂျီးယားမှ ၃ နှစ်သမီး ကမ္ဘာ့ အသက်အငယ်ဆုံး ကုရ်အာန်ကျမ်း အာဂုံဆောင် နိုင်သူဖြစ်လာ

    ဖေဖော်ဝါရီ ၁၀ ၊ ၂၀၁၃
    M-Media

    Nigerian Girl Memorizes Qur’an at Three
    အသက် ၃ နှစ်နှင့် ၈ လ အရွယ်မှာ ကုရ်အာန်ကျမ်းတော်မြတ် တစ်အုပ်လုံး အလွတ်အာဂုံဆောင်နိုင်သူ သမိးငယ်အား မိခင်နှင့် အတူတွေ့ရစဉ်

    ကိုင်ရို။ ။နိုက်ဂျီးရီးယားမှ အသက် ၃ နှစ်အရွယ်ရှိ သမီးငယ်တစ်ဥိးသည် ကုရ်အာန်ကျမ်းတော်မြတ် တစ်အုပ်လုံးကို ကျက်မှတ်နိုင်ခဲ့ကာ နိုက်ဂျီးရီးယားနိုင်ငံကို အံအားသင့်စေခဲ့ပြီး ကမ္ဘာ့အငယ်ဆုံး ကုရ်အာန်ကျမ်းတော်မြတ် အာဂုံဆောင်နိုင်သူ တစ်ယောက်ဖြစ်လာခဲ့သည်။

    “ရိုးရိုးသားသားဆိုရရင် ကျမ အများကြီးမပြောတတ်ပါဘူး။ ဒါပေမယ့် ဒီ(အာဂုံဆောင်နိုင်မှု)အတွက် အလ္လာဟ်အရှင်မြတ်ကို အထူးကျေးဇူးတင်မိပါတယ်။ တကယ်တော့ ဒါဟာ အလ္လာဟ်အရှင်မြတ်ထံပါးမှ ကောင်းချီးမင်္ဂလာဖြစ်ပါတယ်။ ဒီအတွက် အလ္လာဟ်အရှင်မြတ်ကို ကျေးဇူးတင်ပါတယ်။” ဟု ကလေးငယ်၏ မိခင်ဖြစ်သူ ဆိုက်ယဒါ မိုင်မွန်နာသု ရှိခ် ဒါဟီရု (Sayyada Maimunatu Sheikh Dahiru) က ဖေဖော်ဝါရီ ၁၀ရက်နေ့၌ Sunday Tribune  သတင်းစာသို့ ပြောကြားခဲ့သည်။

    သူမ၏ သမီးဖြစ်သူ ရွတ်ကယာသု ဖာသာဟု အူမာရ် (Rukkayatu Fatahu Umar) မှာ အသက် ၃ နှစ်နှင့် ၈ လ အရွယ်မှာပင် ကုရ်အာန်ကျမ်းတော်မြတ် တစ်အုပ်လုံးကို အာဂုံဆောင်နိုင်ခဲ့သည်။

    ထိုကလေးငယ်သည် ကုရ်အာန်ကျမ်းတော်မြတ် သင်ယူမှုကို ထင်ရှားသော အစ္စလာမ့် ဓမ္မပညာရှင်ဖြစ်သည့် ရှိခ် ဒါဟီရူ အွတ်စမန်း ဘောချီ (Sheikh Dahiru Usman Bauchi) တည်ထောင်သည့် အစ္စလာမ့် ဓမ္မသင်တန်းကျောင်းတွင် စတင်ခဲ့သည်။

    “ကုရ်အာန်ကျမ်းတော်မြတ် သင်ယူဖို့အတွက် အတန်းများစွာ ခွဲထားတဲ့ ခန်းမကြီးတစ်ခုကို ကျမတို့ အသုံးပြုခဲ့ပါတယ်။ ကျမ စာသင်နေတဲ့အချိန်မှာ သူမ(ကလေး)ကို တစ်ချိန်လုံး ကျမရဲ့ ကျောမှာ ပိုးထားပါတယ်။ အဲဒီအချိန်ကစလို့ သူမဟာ သင်တန်းသားတွေနဲ့အတူ ကုန်အာန်ကျမ်းတော်မြတ်ကို စတင် ရွတ်ဆိုခဲ့ပါတယ်။ မကြာခင်မှာပဲ သူမဟာ အချို့ ပါဒတော်တွေကို အလွတ်ရနေခဲ့ပါပြီ။ ဒီလိုပုံစံနဲ့ သူမဟာ ကျမ်တော်မြတ်ကျတ်မှတ်မှုသင်တန်းကို စတင်တက်ရောက်ခဲ့တာပါ။ အခုဆိုရင် သူမဟာ ကုရ်အာန်ကျမ်းတော်မြတ်တစ်အုပ်လုံးကို အာဂုံဆောင်နိုင်ခဲ့ပါပြီ။” ဟု ထို သင်တန်းကျောင်းတွင် သင်ကြားပေးသူ ဆရာမဖြစ်တစ်ဦးပြီး ကလေးငယ်၏ မိခင်ဖြစ်သူ မိုင်မွန်နာသု (Maimunatu) က ဂုဏ်ယူစွာဖြင့် ပြောကြားသည်။

    ကုရ်အာန်ကျမ်းတော်မြတ်တွင် ကဏ္ဍပေါင်း ၁၁၄ ခုပါဝင်လေသည်။ ထိုသင်တန်းကျောင်းသို့ နံနက် ၇ နာရီမှ ညနေ ၆ နာရီအထိ နေ့စဉ် သွားရောက်ရခြင်းကြောင့် ကလေးငယ်မှာ သက်တူရွယ်တူများနှင့် ကစားချိန် အနည်းငယ်သာရရှိလေသည်။

    “သူမရဲ့ သူငယ်ချင်းတွေနဲ့ မကစားဘဲနေတာမဟုတ်ပါဘူး။ ကစားပါတယ်။ အထူးသဖြင့် ကုန်အာန်ကျမ်းတော်မြတ်ကို ကျက်မှတ်ကြတဲ့ သူမလို ကလေးမျိုးတွေနဲ့ပါ။ ကုရ်အာန်ကျမ်းတော်မြတ် အာဂုံဆောင်နိုင်ရေးဆိုတဲ့ တူညီတဲ့ရည်ရွယ်ချက်ပန်းတိုင်ကို သူတို့ရဲ့ အာရုံစူးစိုက်မှု၊ ရည်ရွယ်ချက်တွေဟာ တိုက်ရိုက် ဦးတည်နေတဲ့အတွက် ဒါဟာ  ကလေးတွေအားလုံးကို ပိုပြီး လွယ်ကူသက်သာစေပါတယ်။ ” ဟု သူမက ဆိုသည်။

    ပညာရေး

    ကာယကံရှင် ကလေးငယ်မှာ ထိုကဲ့သို့ ငယ်ရွယ်သောအချိန်၌ ကုရ်အာန်ကျမ်းတော်မြတ်တစ်အုပ်လုံးကို အာဂုံဆောင် မှတ်သားနိုင်မည်ဟု မယုံကြည်ခဲ့ပေ။

    “ကျမ အလ္လာဟ်အရှင်မြတ်ကို ကျေးဇူးတင်ပါတယ်။” ဟု သူမကဆိုသည်။

    မိသားစု၏ ရိုးရာဓလေ့ထုံးစံဖြစ်သည့် မိန်းကလေးများအား အသက် ၁၀ နှစ်အရွယ်တွင်မှ ပညာသင်ယူရန် စေလွှတ်မှုကို ချိုးဖျက်ကာ မကြာခင်အချိန်အတွင်း ထိုကလေးငယ်အား ကျောင်းသို့ပို့နိုင်ရန် အတွက် ပြင်ဆင်လျက်ရှိသည်။

    “ကမ္ဘာကြီးဟာ ပြောင်းလဲနေတယ်၊ နေရာတိုင်းမှာ ယဉ်ကျေးတဲ့ လူ့အဖွဲ့အစည်းတွေ ရှိနေတယ်လို့ ကျမအမျိုးသားက ပြောဖူးပါတယ်။ သူပြောသလိုပါပဲ။ ကျမတို့ရဲ့ သမီးကလေးဟာ အသက်ခြောက်နှစ်ပြည့်တဲ့အခါ ကျောင်းတက်ရောက်ဖို့အတွက် အခွင့်အရေး ရမှာပါ။” ဟု မိခင်ဖြစ်သူက ဆိုသည်။ သူမကိုယ်တိုင်မှာလည်း အသက် ၁၂ နှစ်အရွယ်တွင် ကုရ်အာန်ကျမ်းတော်မြတ် တစ်အုပ်လုံးကို အာဂုံဆောင်နိုင်ခဲ့သည်။

    ၎င်းအပြင် သူမ၏ကလေးအား ယခုကဲ့သို့ ငယ်ရွယ်သော အသက်အရွယ်တွင် ကုန်အာန်ကျမ်းတော်မြတ်ကို ကျက်မှတ်ရန် အခွင့်အရေးပေးခဲ့သော သူမ၏ ဖခင်ဖြစ်သူကို ချီးမွမ်းပြောဆိုခဲ့လေသည်။

    “ရှိခ် ဒါဟီရူ အွတ်စမန်း ဘောချီ လို ဖခင်တစ်ယောက်မျိုးရှိတာ ကျမ အရမ်းဂုဏ်ယူမိပါတယ်။ အခြားလူတွေကို အစ္စလာမ့်သာသနာ့ လမ်းကြောင်းပေါ်မှာမြဲမြံစေခဲ့သလို အဖေက ကျမရဲ့ ခြေအစုံကိုလည်း သာသနာ့ လမ်းကြောင်းပေါ်မှာ မြဲမြံစေခဲ့ပါတယ်။  အလ္လာဟ်အရှင်မြတ် ကျမရဲ့ဖခင်ကို အသက်ရှည်စေတော်မူပါ…၊ ဒါမှသာ အလ္လာဟ်အရှင်မြတ်ရဲ့ တာဝန်ကို ဆက်လက်ထမ်းဆောင်နိုင်မယ်၊ အစ္စလာမ်သာသနာတော်အတွက်၊  လူသားမျိုးနွယ်အတွက် ဆက်လက်အသုံးဝင်နေမှာပါ” ဟု သူမက ဆိုသည်။

    ကလေးငယ်များအား ငယ်ရွယ်သောအချိန်ကပင် ကုရ်အာန်ကျမ်းတော်မြတ် သင်ကြားပေးခြင်း၊ အစ္စလာမ်၏ စည်းမျဉ်းစည်းကမ်းများကို သင်ကြားပေးခြင်းမှာ မွတ်စလင်မိဘတိုင်း၏ တာဝန်ပင်ဖြစ်သည်။ အစ္စလာမ်က သွန်သင်ထားသည့် လူမှုကျင့်ဝတ်များကို သင်ကြားပေးရန်အတွက် ငယ်ရွယ်သောအချိန်သည် အကောင်းဆုံးသော အချိန်ကာလပင်ဖြစ်သည်။

    ကုရ်အာန်ကျမ်းတော်မြတ်ကို အာဂုံဆောင်ထားခြင်းမှာ အလ္လာဟ်အရှင်မြတ်၏ အမိန့်တော်များ၊ သတင်းစကားများကို ထိန်းသိမ်းရန် အရေးအကြီးဆုံး နည်းလမ်းမှာထဲမှ တစ်ခုပင်ဖြစ်သည်။

    တမန်တော်မြတ် မုဟမ္မဒ်သခင်(ငြိမ်းချမ်းမှုသက်ရောက်ပါစေ)က “အသင်တို့ထဲမှ အကောင်းဆုံးသောသူမှာ ကုရ်အာန်ကျမ်းတော်မြတ်ကို သင်ယူလေ့လာပြီးသကာလ အခြားသူများကို ပြန်လည် သင်ကြားပေးသူသာဖြစ်သည်” ဟု မိန့်ကြားတော်မူခဲ့လေသည်။

    Ref:http://www.onislam.net/

  • အမျိုးသား ညီညွတ်ရေး ကွန်ဂရက်ပါတီ(လျှောက်ထားဆဲ)၏ (တကြိမ်) နိုင်ငံရေး ဆွေးနွေးပွဲ ပြုလုပ်ခဲ့

    ဖေဖော်ဝါရီလ၊ ၁၀၊ ၂၀၁၃
    M-Media
    ပသီဆောင်းနှင်းမှုံ

    OLYMPUS DIGITAL CAMERA
    အမျိုးသားညီညွတ်ရေး ကွန်ဂရက်ပါတီ(လျှောက်ထားဆဲ) ၏ တတိယအကြိမ်မြောက် နိုင်ငံရေးဆွေးနွေးပွဲ တစ်ခုကို ဇန်န၀ါရီလအတွင်းက အမှတ်၄၀၊ ၁၅၅လမ်း၊ တာမွေမြို့နယ် ဦးလှဝင်းနေအိမ်၌ ကျင်းပပြုလုပ်ခဲ့ကြောင်း သတင်းရရှိသည်။         အခမ်းအနားသို့  United Kingdom (UK)၊ Canada (ကနေဒါ)၊ ရန်ကုန်၊ မန္တလေး၊ မြစ်ကြီးနား၊ ဗန်းမော်၊ ပဲခူးတိုင်း၊ ရှမ်းပြည်နယ်၊ ဒိုက်ဦးစသည့် မြို့အသီးသီးမှ ပါတီဝင်များ၊ဧည်သည့်တော်များနှင့် မီဒီယာများစုံလင်စွာ တက်ရောက်ခဲ့သည်။

    အခမ်းအနားတွင်  အခမ်းအနားမှူး အဖြစ် ပသီဦးလှမြင့်က ဆောင်ရွက်ပြီး သဘာပတိ- ဦးအေးကြူမှ အဖွင့်အမှာစကားပြောကြားခြင်း၊ အဖွဲ့ခေါင်းဆောင်(၁) ဦးမြင့်ဝေမှ ပါတီပေါ်ပေါက်လာပုံကို ရှင်းလင်းတင်ပြခဲ့ပြီးနောက် အဖွဲ့ခေါင်းဆောင် (၂) ပသီဦးမောင်မောင်စိုး မှ ပါတီ၏ နိုင်ငံရေးမူဝါဒများ ကိုရှင်းလင်းတင်ပြခဲ့ကြသည်။ ပါတီအမျိုးသမီးရေးရာ တာဝန်ခံ ပသီဒေါ်ကြည်ကြည်ဌေး မှ“ မွန်းတည့်နေ” စာစောင်တွင်ပါရှိသော ဗိုလ်ချုပ်အောင်ဆန်းမှ ပေးပို့သည့် လူမျိုးစုဆိုင်ရာ သ၀ဏ်လွှာကိုဖတ်ကြားခဲ့သည်။

    အခမ်းအနားသို့ ဦးညွှန့်မောင်သျှိန် မှ တက်ရောက်လေ့လာ အားပေးခဲ့ပြီး အထောက်အထားများကို စနစ်တကျ ထိမ်းသိန်းရန် နှင့် ကော်မတီတစ်ရပ်ထားရှိရန် အကြံပြုတင်ပြခဲ့သည်။

    သဘာပတိ- ဦးအေးကြူမှ “ပသီတစ်မျိုးသားလုံးနှင့် နိုင်ငံတော်အတွက် ပါတီထောင်ရခြင်းဖြစ်ပါတယ်။ လူမျိုးစုအမျိုးသားတွေ တန်းတူအခွင့်အရေးရဖို့၊ အမျိုးသား စရိုက်လက္ခဏာတူတဲ့ လူ့အစုအဝေးပေါ် အခြေခံပြီး မြန်မာတစ်ပြည်လုံးအတိုင်းအတာနှင့် စည်းရုံးသွားမယ်။ ဘာသာနဲ့လူမျိုးမခွဲခြားတဲ့ အခြေခံစိတ်ဓာတ်ကို ထောက်ခံတယ်။ နိုင်ငံရေးမှာ ဘာသာရေးနဲ့ လူမျိုးရေး ခွဲခြားမှုမရှိဘဲ ပသီတစ်မျိုးသားလုံးရဲ့ အကျိုးစီးပွား၊ နိုင်ငံတော် အကျိုးစီးပွား ဖြစ်ထွန်းလာအောင်ဆောင်ရွက်သွားမယ်။ အကျိုးစီးပွားတူ ပါတီတွေနဲ့လည်း ပူးပေါင်းဆောင်ရွက်သွားမယ်။ ဒါ့ကြောင့် ပါတီအမြန်ဆုံး ကျလာမှသာ ရှေ့ဆက်လုပ်ကိုင်ဆောင်ရွက်နိုင်မှာ ဖြစ်တယ်”ဟု ထည့်သွင်းပြောကြားခဲ့သည်။

    ပါတီခေါင်းဆောင် တစ်ဦးဖြစ်သော ဦးမြင့်ဝေ မှ“အမျိုးသားညီညွတ်ရေး ကွန်ဂရက်ပါတီကို ၂၀၁၂  နိုဝင်ဘာ ၁၂ရက်နေ့ မှာ ပါတီမှတ်ပုံတင်ကြေး ငွေသုံးသိန်းသွင်းပြီး မှတ်ပုံတင်လျှောက်ထားခဲ့ပါတယ်။ နိုဝင်ဘာ၊ ၁၃ရက်နေ့မှာ သတင်းစာတွေမှာ ပါတီအလံနဲ့ တံဆိပ်ကို သတင်းထဲမှာ ထည့်သွင်းလျှောက်ထားပြီး ကန့်ကွက်သူရှိပါက ၇ ရက်အတွင်း ကန့်ကွက်နိုင်ကြောင်း လျှောက်ထားခဲ့ပါတယ်။ဒါပေမဲ့ ကန့်ကွက်မယ့်သူ မရှိပါဘူး။ လုပ်ရိုးလုပ်စဉ် အရဆိုလျှင် တစ်လအတွင်းမှာ ပါတီမှတ်ပုံတင် ကျရမှာဖြစ်ပါတယ်။ ဒါပေမဲ့ နှစ်လကျော်သွားတာတောင် ပါတီမှတ်ပုံတင် မကျသေးပါဘူး။  ပါတီမှတ်ပုံတင် မကျသေးရင် ရွေးကောက်ပွဲကော်မရှင်ကို စာရေးပါ့မယ်။ ပါတီကျလာဖို့ ကျွန်တော်တို့ မျှော်လင့်နေပါတယ်”ဟုM-Media သို့ပြောကြားခဲ့သည်။

    ပါတီ၏ပြောရေး ဆိုခွင့်ရှိသူ ပသီဦးလှမြင့်မှ“အမျိုးသားရေးဝါဒမှ လူမျိုးစုံ သွေးစည်းရေး ၀ါဒသို့ …ဆိုတဲ့ ဆောင်ပုဒ်အရ၊ ပသီကွန်ဂရက်ဆိုပြီးထောင်တယ် စနစ်တကျပေါ်ထွန်းရေး၊ ပသီလူမျိုးစုကို တိုင်းရင်းသားလူမျိုးတစ်ခုအဖြစ် နိုင်ငံတော်အစိုးရက လက်ခံအသိအမှတ်ပြုလာအောင် ကြိုးစားရေးသည် ပါတီရဲ့ အဓိကတာဝန် ရည်မှန်းချက်ပါ။ တရားဥပဒေဘောင် အတွင်းမှ အထောက်အထားခိုင်လုံစွာဖြင့် နည်းမျိုးစုံ တိုင်းရင်းသားလူမျိုးစု ဖြစ်လာရေး – ဒုတိယအချက်က – အခြားသော တိုင်းရင်းသားလူမျိုးစုငယ်များ၏ ရပိုင်ခွင့် အခွင့်အရေးများ ၊နိုင်ငံသားအခွင့်အရေး လူ့အခွင့်အရေးများ မဆုံးရူံးစေရေး နိုင်ငံတော်မှ အသိအမှတ်ပြု ဖော်ဆောင်ပေးရန် ၀ိုင်းဝန်း၍ ရရှိအောင်ကြိုးစားသွားမည်။ တတိယ အချက်က -ပသီတိုင်းရင်းသားများ၏ ပညာရေး စီးပွားရေး လူမှုရေး နိုမ့်ကျမှုတွေကို လူနည်းစု လူမျိုးစုငယ်များ နှင့် ပူးပေါင်းပြီး မြင့်တက်အောင် မြန်မာနိုင်ငံအတွင်းမှာရှိတဲ့ ပသီတိုင်းရင်းသား အရည်အတွက် စာရင်းနှင့် တကွ လူဦးရေနှင့် တကွ ဖော်ထုတ်ရေးတို့ဖြစ်တယ်။

    ပြန့်ကျဲနေသော လူမျိုးစုများ ဖြစ်တဲ့အတွက် နယ်မြေ သို့မဟုတ် ပြည်နယ် တောင်းခံမည်မဟုတ်။ မြန်မာနိုင်ငံတော်ရဲ့ ကာကွယ်ရေး ကိစ္စများတွင် အခြားလူမျိုးစုများနှင့်အတူ ပူပေါင်းဆောင်ရွက်မယ်။ ပသီလူမျိုးစုရဲ့ ယဉ်ကျေးမှူ၊ စာပေ၊ ဓလေ့ထုံးစံ အသိအမှတ်ပြု မှတ်တမ်းတင် ထားရှိရေး၊ လိုက်နာကျင့်သုံးနိုင်ရေး၊ အခြားသော မြန်မာနိုင်ငံအတွင်းရှိ နေထိုင်သော တိုင်းရင်းသား လူမျိုးစုများနှင့်အတူ တန်းတူညီမျှစွာ ခံစားရယူလိုပါတယ်။ လွတ်လပ်စွာ ယုံကြည်ကိုးကွယ်မှု ရှိရပါမည်။ ပသီလူမျိုး ဘာသာမတူ လူမျိုးတွေလည်း ရှိပါတယ်။ သို့သော်လည်း သူတို့ရဲ့ ကိုယ်ပိုင်ပြဌာန်းချက်အရ ဗုဒ္ဓဘာသာ၊ ခရစ်ဟာန်ဘာသာ မည်သည့်ဘာသာဝင်ပဲဖြစ်ဖြစ် ပသီလူမျိုးအဖြစ် လက်ခံပါတယ်”ဟု M-Media သို့ပြောကြားသည်။

    ပါတီခေါင်းဆောင် တစ်ဦးဖြစ်သော ဦးမောင်စိုးမှ “မြန်မာပြည်မှာရှိတဲ့ ပါတီတွေ မှတ်ပုံတင် ရဖို့အတွက် တင်တဲ့အခါမှာ နှစ်နဲ့ ချီကြာတာဆိုလို့ ကျွန်တော်တို့ပါတီပဲ ရှိတဲ့အတွက် ၀မ်းနည်းပါတယ်။ ဒီလကုန်မှ မကျရင် နိုင်ငံတော်သမ္မတဆီရယ်၊ လွှတ်တော်ဥက္ကဌ ဒေါ်အောင်ဆန်းစုကြည် တို့ဆိ စာပို့မယ်။

    မြန်မာမူစလင်ခေါ် ပသီတော်တော်များများဟာ ကျွန်တော်တို့ ပါတီကျလာပြီဆိုရင် ပျော်ရွှင်ကျမယ် ၀မ်းသာကြမယ်။ ဒီနေ့မြန်မာနိုင်ငံမှာ လူမျိုးစုအသီးသီး ပါတီထောင်ကြတယ်။ မြန်မာမွတ်စလင်တွေဟာလည်း ငါတို့ရဲ့ နိုင်ငံရေးပါတီကြီး ပေါ်လာပြီဆိုပြီး နှစ်ပေါင်း ၆၀ လောက် တိမ်မြုပ်နေတဲ့ ဆရာကြီးဦးရာဇာတ် ပါတီ ဗမကလိုပဲ ပြန်လည်ပေါ်ထွန်းလာပြီဆိုပြီး သူတို့ဝမ်းသာကြမယ်။

    မြန်မာနိုင်ငံမှာရှိတဲ့ လူမျိုးရေးပါတီ အသီးသီးဟာ လွတ်လပ်စွာ လူမျိုးစုံပါဝင်တဲ့ ပါတီညီလာခံကြီးကို အမြန်ဆုံးအကောင်အထည်ဖော် ဆောင်ရွက်မယ်လို့ မျှော်လင့်တယ်။ တိမ်မြုပ်ပျောက်ကွယ်နေသော လူမျိုးစုများနှင့် ပတ်သက်ပြီးတော့ ဒီမိုကရေစီ လူမျိုးရေးပါတီများစွာ ၀ိုင်းဝန်းပြီး ဆောင်ရွက်ပေးရမယ် မြန်မာနိုငငံမှာ တိကျတဲ့ လူမျိုးရေးစရင်းနဲ့ လူဦးရေ စာရင်းကို ပူတွဲပြီး သက်မှတ်ပြဌာန်းရန်လိုပါတယ် အချို့လူမျိုးစုများက အမည်နာမ အမျိုးမျိုးဖြစ်နေတယ်။ အမည်မှန်ပေါ်ပေါက်ရေး အထူးလိုအပ်တယ်””ဟု M-Media သို့ပြောကြားသည်။
    အမျိုးသားညီညွှတ်ရေး ကွန်ဂရက်ပါတီ (လျှောက်ထားဆဲ) ၏ ရည်ရွယ်ချက်မှာ

    • – ပြည်ထောင်စုသမ္မတ မြန်မာနိုင်ငံတော်အတွင်း မှီတင်းနေထိုင်းသော မြန်မာနိုင်ငံသူ မြန်မာနိုင်ငံသား လူမျိုးနွယ်စုအား   ကိုယ်စားပြုသည့် အမျိုးသား အဖွဲ့အစည်းအဖြစ် ရပ်တည်သွားရန်
    • -မြန်မာနိုင်ငံသူ၊ နိုင်ငံသား လူမျိုးနွယ်စု အားလုံး၏ စည်းလုံးညီညွတ်မှု ရှိစေရေးကို ထိန်းသိမ်းဖော်ဆောင်သွားရန်
    • -မြန်မာနိုင်ငံသူ၊ နိုင်ငံသား လူမျိုးနွယ်စုများအား အဆင့်အတန်းခွဲခြားမှု မရှိဘဲ၊တရားမျှတခြင်း၊ လွက်လပ်ခြင်း၊ တန်းတူညီမျှခြင်း၊  လွက်လပ်စွာ ဖော်ထုတ်ရေးသားပြောဆိုနိုင်ခွင့် ရရှိစေရေး၊ လွတ်လပ်စွာ စီပွားကုန်သွယ်လုပ်ပိုင်ခွင့် ရရှိစေရေး စသည့်အခြေခံ  ရပိုင်ခွင့်များကို ရရှိခံစားစေပြီး စစ်မှန်သော ဖက်ဒရယ် ဒီမိုကရေစီ ပြည်ထောင်စုသမ္မတ မြန်မာနိုင်ငံတော်ကြီး ပေါ်ပေါက်လာစေရန်  ဖြစ်ကြောင်း သိရသည်။

        ထိုပါတီ၏ ဆောင်ပုဒ်မှာ “အမျိုးသားရေး ၀ါဒမှ လူမျိုးစုံ သွေးစည်းရေး ၀ါဒသို့- ” ဖြစ်ကြောင်း သိရသည်။

  • ကိုဖြိုးဝေအောင် အတွက် ပြုလုပ်ခဲ့သည့် သတင်းစာ ရှင်းလင်းပွဲမှ အသံများ

    ဖေဖော်ဝါရီ ၉၊၂၀၁၃
    M-Media
    သတင်း-ပသီဆောင်းနှင်းမှုံ

    X2O ဗုံးပေါက်မှု မတရားစွပ်စွဲ သေဒဏ်ပြစ်ဒဏ် ချမှတ်ခံခဲ့ရသော ကိုဖြိုးဝေအောင်သည် အဆိုပါ ပြစ်မှု့တွင် အမှန်တကယ်ကျူးလွန်သူမဟုတ်ဘဲ အပြစ်ဒဏ်ခံခဲ့ကြောင်း သတင်းစာရှင်းလင်းပွဲတစ်ရပ်ကို ၂၀၁၃ ခုနှစ် ဖေဖော်ဝါရီလ ၄ ရက်နေ့ ညနေ ၄ နာရီမှာ ၆ နာရီအထိ ရန်ကုန်မြို့ ရွှေဂုံတိုင် တော်ဝင်နှင်းဆီ ခန်းမ တွင် ကျန်ရစ်သူ မိသားစုများက ပြုလုပ်ခဲ့ကြပါသည်။

    သေဒဏ်နဲ့ ထောင်ဒဏ် တစ်သက်တစ်ကျွန်း အပြစ်ဒဏ်ချမှတ်ခံရရာမှ ၂၀၁၂ခုနှစ် သြဂုတ်လ ၃ရက်နေ့တွင် နိုင်ငံတော်သမ္မတ အမိန့်ဖြင့် ပြန်လည် လွတ်မြောက်လာသော ကိုဖြိုးဝေအောင်ထောင်တွင်း၌ လုံလောက်သော ဆေးကုသမှုများမရှိခဲ့ကြောင့် အသည်းကင်ဆာနှင့် အခြားသော နောက်ဆက်တွဲ ရောဂါများခံစားခဲ့ရပြီး ၂၀၁၃ ခုနှစ် ဇန်နဝါရီလ ၄ ရက်နေ့မှာ ကွယ်လွန်ခဲ့ခြင်းဖြစ်သည်။

    P2040196

    ကိုဖြိုးဝေအောင်၏ ဇနီး မဌေးဌေးမှ “ကျွန်မတို့ ဒီနေ့ သတင်းစာရှင်းလင်းပွဲ ပြုလုပ်ရခြင်းအကြောင်းက ကျွန်မခင်ပွန်းဟာ ၂၀၁၀ သင်္ကြန် X2O မဏ္ဏပ် ဗုံးပေါက်ကွဲမှုမှာ ဗုံးဖောက်တဲ့သူတွေကို အားပေးကူညီတယ်လို့ သတ်မှတ်ခံရပြီး ထောင်ဒဏ်နှင့် သေဒဏ် အမြောက်အမြား ချခံရသူဖြစ်ပါတယ်။ ကျွန်မတို့ဟာ ၂နှစ်ကျော် အမှူရင်ဆိုင်ခဲ့ရပါတယ်။ အကျဉ်းထောင်အတွင်းမှာ ဆိုးဝါးတဲ့ ကျန်းမာရေး စောင့်ရှောက်မှုတွေကြောင့် Bပိုးမှတဆင့် အသည်းကင်ဆာ ဖြစ်ပြီးတော့ ဇန်န၀ါရီလ ၄ရက်နေ့မှာ ကွယ်လွန်သွားခဲ့ပါပြီ။ ကျွန်မခင်ပွန်းဟာ အကျဉ်းထောင်မှ သမ္မတအမိန့်နဲ့ လွတ်ခဲ့ပါတယ်။ ဒီ X2O ဗုံးပေါက်ကွဲမှူဟာ သူနဲ့ဘယ်လိုမှ မသက်ဆိုင်ဘူးဆိုတဲ့ အကြာင်းကို ရှင်းလင်းပွဲလုပ်ဖို့ ကျွန်မခင်ပွန်းဟာ တအားဆန္ဒပြင်းပြခဲ့ပါတယ်။ သူတကယ် မသက်ဆိုင်ဘူးဆိုတဲ့ အကြောင်းကလည်း တရားဝင်စစ်ထားတဲ့ တရားရုံးအမှုတွဲတွေမှာ အထင်အရှားပေါ်ပေါက်နေပါတယ်။ ကျွန်မခင်ပွန်းရဲ့ ဂုဏ်သိက္ခာရယ်၊ ကျွန်မ သားသမီးလေးတွေရဲ့ အနာဂတ်အတွက် ရည်ရွယ်ပြုလုပ်ခြင်း ဖြစ်ပါတယ်” ဟုထည့်သွင်းပြောကြား၍ အခမ်းအနားကို စတင်ဖွင့်လှစ် ခဲ့သည်။

    ဆက်လက်၍ ကိုဖြိုးဝေအောင်၏ညီ ထက်ဝေအောင်မှ “ကိုဖြိုးဝေအောင် မကွယ်လွန်ခင် ဆေးရုံပေါ်မှာ ပြင်ဆင်ခဲ့သော အချက်အလက်တွေ၊ အထောက်အထားတွေကို တင်ပြမှာဖြစ်ပါတယ်။ တရားလိုရဲ့ စွပ်စွဲမှုတွေကို တင်ပြသွားမှာ ဖြစ်ပါတယ်။ ဒါတွေကို ရှင်းလင်းတင်ပြရခြင်းက ကျွန်တော်တို့နိုင်ငံမှာ ပြည်သူတွေကို လွယ်လွယ်ကူကူ တရားစွဲဆိုမှုတွေ ရှိနေမယ်ဆိုရင် ဒီနိုင်ငံတရားဥပဒေစိုးမိုးမှု ရှိမှာမဟုတ်ဘူးလို့ ကျွန်တော့်အကိုက ပြောခဲ့ပါတယ်”ဟု ထည့်သွင်းပြောကြားသွားသည်။

    P2040224

    ဆရာတော် ဦးပဏာဝံသ(ခ)ဦးပြည်ကျော်(ရွှေဝါရောင်)ဆရာတော် မိန့်ကြားချက်မှာ“ကိုဖြိုးဝေအောင်လိုပဲ ဒီမိုကရေစီ အင်အားစုတွေထဲက ကိုအောင်နိုင်ဆိုတာ အောင်မင်္ဂလာလမ်းထဲမှာနေတယ်။သူလည်း အစ္စလာမ်ဘာသာဝင် တစ်ယောက်ပဲ၊သူက မြို့တော်ခန်းမ ဗုံးပေါက်ကွဲမူနဲ့ပတ်သက်ပြီး သူလည်း မတရား အစွပ်စွဲခံခဲ့ရတယ်။ အဲဒါလည်း ဘယ်လိုထင်ရှားလဲဆိုရင် အခုလိုမျိုးထုချေလွှာတွေ ဘာမှပြောစရာမလိုပဲ ပေါ်တင်ကြီးဖြစ်သွားတယ်။ မဟုတ်ပါဘူး မဟုတ်ပါဘူး ငြင်းတဲ့ကြားထဲက သူ့ကိုသေဒဏ်ပေးတယ်။သေဒဏ်ကနေ တစ်ကျွန်းကျတယ်။သရက်ထောင် ကိုပို့တယ်။အဲဒီ့ သရက်ထောင်ကို သူ့ကို ပို့ပြီးတဲ့ ၉၃ခုနှစ်မှာပဲ တကယ့်တရားခံ အစစ်ဖြစ်တဲ့ ကိုကိုနိုင်ဟာ ကျွန်တော် ဒါတွေကို ကျွန်တော်ဖောက်တာပါ ကျွန်တော်လုပ်တာပါလို့ ၀န်ခံတယ်။အဲလို တရားခံအစစ်က ၀န်ခံခဲ့ပေမယ့် ကိုအောင်နိုင်ကိုတော့ ပြန်မလွှတ်ပေးခဲ့ဘူး။နောက်ဆုံးမှာ ကိုအောင်နိုင်ဟာ ထောင်ထဲမှာ စိတ်ကျန်းမာရေးမကောင်းတဲ့ သူတစ်ယောက်ရဲ့ ရိုက်နှက်မူကြောင့် ခေါင်းကွဲပြီး သေဆုံးခဲ့ရတယ်။ကိုအောင်နိုင်ရဲ့ ဖိနှိပ်မူနဲ့ ကိုဖြိုးဝေအောင်ရဲ့ဖိနှိပ်မူမှာ မတူဘူးလို့ ဦးဇင်းအနေနဲ့ ခံစားရတယ်။ဘာဖြစ်လို့လဲဆိုတော့ ဖြိုးဝေအောင် ကသင်္ကြန်မဏ္ဍပ်ကြီးမှာ ဖြစ်တာ။ဒါဟာ ကိုဖြိုးဝေအောင်နဲ့ ပြည်သူလူထုကို တိတိကျကျကြီး ရန်တိုက်ပေးလိုက်တာ၊ကြံစည်လိုက်တာဟာ ကိုဖြိုးဝေအောင်တင်မက သူမွေးထားတဲ့ မျိုးဆက်တွေ အထိပါ အမြင်စောင်းသွားနိုင်ပါတယ်။အခု တရားရေးမဏ္ဍိုင်ကလည်း ဘာမှန်းမသိဘူး။မြန်မာနိုင်ငံမှာ ကျင့်သုံးနေတဲ့ဥပဒေဆိုတာလည်း စာရွက်ထဲမှာ ရှိတယ်။ပြည်သူအများကို ဒီထက့် ထဲထဲဝင်ဝင်ပိုပြီးတော့ ဘယ်လို ဖွင့်ချ သွားမလဲ ။ဒီထက် အခြားအစီအစဉ်တွေ မရှိတော့ဘူးလား၊သတင်းစာ ရှင်းလင်းပွဲလေးနဲ့ ပြီးသွားတော့မှာလား လို့ ဦးဇင်းအနေနဲ့မေးချင်တာပါဟု မေးကြားသည်။

    ကိုထက်ဝေအောင်မှ“ကျွန်တော်တို့ဟာ အဆိုးဝါးဆုံးထိ ရင်ဆိုင်ခဲ့ရတယ်။ရင်နှီးတဲ့ ဆွေးမျိုးရင်းချာတွေကတောင် ကျွန်တော်တို့ကို မခေါ်ရဲ မပြောရဲဖြစ်ြကတဲ့အထိပါပဲ။ကျွန်တော်တို့ လုပ်ပိုင်ခွင့် ရှိသလောက် လုပ်လို့ရသလောက်လုပ်သွားမှာပါ။ဒီထက် ပိုပြီး လုပ်နိုင်တဲ့ နည်းတွေရှိရင်လည်း ထပ်စဉ်းစားပြီး လုပ်မှာဖြစ်ပါတယ်။ကျွန်တော်တို့ ဒီကနေ့ သတင်းစာ ရှင်းလင်းပွဲ လုပ်တာဟာလည်း ပြည်သူတွေကို မီဒီယာက တဆင့် ပြောတာပါ။ကျွန်တော်တို့ အကို သေဆုံးသွားလို့ သတင်းစာရှင်းလင်းပွဲပြီးသွားလို့ ဆိုပြီး ဒီမှာတင် ပြီးသွားမှာ မဟုတ်ပါဘူး။ကျွန်တော်တို့မလျော့သော ဇွဲနဲ့ ကျွန်တော်တို့ သက်တမ်းထိ မရသေးဘူးလား ကျွန်တော်တို့ တူတွေ တူမတွေ အထိ တရားမျှတမူ ရရှိတဲ့ အချိန်ထိ ဆက်ပြီး လုပ်သွားမှာဖြစ်ပါတယ်”ဟု ပြန်လည်ဖြေကြားခဲ့သည်။

    ဆရာဦးစန်းအောင်မှ “ပြီးခဲ့တဲ့ နအဖ အစိုးရလက်ထက်မှာ ကိုဖြိုးဝေအောင်ဟာ သားကောင်ဖြစ်ခဲ့ရတယ်။အဲဒါနဲ့ ပတ်သက်ပြီး ဒီဘက်က လည်း အမူမှန်ပေါ်ဖို့ ကြိုးစားခဲ့တယ်၊ပုံစံအမျိုးမျိုးနဲ့ ဖိနှိပ်ခံရတယ် ဆိုတာကို အရင်က အပြင်က ကြားရတယ်။အခုတော့ ကာယကံရှင်တွေ ကိုယ်တိုင်ပြောတာကို ကြားခဲ့ရတယ်။အဲလိုပြောတဲ့ အခါမှာလည်း လက်လွတ်စပယ်မပြောဘဲ အထောက်အထားတွေနဲ့ တင်ပြတယ်။အခုလို ပွင့်လင်းလာပါပြီလို့ပြောနေတဲ့ ဒီလို အခြေအနေမျိုးမှာကော ကိုဖြိုးဝေအောင်နဲ့ပတ်သက်တဲ့ အမှုက အမှန်တရား မပေါ်ပေါက်ခဲ့ဘူး ဆိုလို့ရှိရင် လက်ရှိသွားနေသည့် အစိုးရသည်  မြန်မာနိုင်ငံအတွင်းမှာ တရားမျှတမူ မရှိသေးဘူးဟု မဌေးဌေးအနေနဲ့ လက်ခံပါသလား။”ဟုမေးသည်။

    P2040164

    “ဟုတ်ကဲ့ အရမ်းကို စိတ်ဝင်စားပါတယ် ဒီမေးခွန်းနဲ့ ပတ်သက်ပြီး။အခု စစ်အစိုးရ လက်ထက်ကနေ အခု သမ္မတလက်ထက်ရောက်လာတဲ့အချိန်မှာ ပြုပြင်ပြောင်းလဲမူတွေ အများကြီးတွေ့ရပါတယ်။ခု ဒေါ်အောင်ဆန်းစုကြည် ကိုယ်တိုင် တရားဥပဒေစိုးမိုးမူနဲ့ ပတ်သက်ပြီး သူတာဝန်ယူနေတယ်။

    ကျွန်မပြောနိုင်တာကတော့ ပြောင်းနိုင်ပါတယ်၊ဖြစ်နိုင်ပါတယ်။ ဒါပေမယ့် ဒီထက်တော့ ကျွန်မတို့ ပိုကြိုးစားရလိမ့်မယ်လို့ ထင်ပါတယ်။ဘာဖြစ်လို့လဲဆိုတော့ သမ္မတကြီးအစိုးရ လက်ထက်မှာ တကယ်လဲပြုပြင်ပြောင်းလဲမူတွေ ဖြစ်ပေါ်လာဖို့ဆိုရင် ကူညီမယ့်သူတွေ အများကြီးလိုမယ်လို့ ထင်ပါတယ်။ တရားဥပဒေ စိုးမိုးမူဆိုတာ ပါးစပ်က ပြောနေတာ မဟုတ်ပဲ အချက်အလက်တွေ အပြည့်အစုံနဲ့ ကျွန်မတို့ သမ္မတကြီးဆီကို ရောက်အောင်တင်နိုင်မယ်ဆိုလို့ ရှိရင် ဒါတွေဟာ ရလိမ့်မယ်လို့ ကျွန်မယုံကြည်ပါတယ်” ဖြေကြားခဲ့သည်။

    ဆက်လက်ပြီး ဦးစန်းအောင်မှ“ယနေ့တက်လာတဲ့ ပုဂ္ဂိုလ်တွေ အားလုံးဟာ ကိုဖြိုးဝေအောင်ကို ချစ်ခင်လို့ ၊နောက်တစ်ခုက မတရားမူကို မကျေနပ်လို့ တက်လာတာ အဲဒီတော့ ဒီက ကာယကံရှင် မဌေးဌေးတို့ ကိုထက်ဝေအောင်တို့ အနေအထားနဲ့ ယနေ့တက်ရောက်လာတဲ့ ပရိသတ်တွေဆီကနေ ဘယ်လို အကူအညီမျိုး လိုချင်ပါသလဲ၊”ဟူ မေးကြားသည့် အပေါ် “ကျေးဇူးတင်ပါတယ်ရှင် ၊ကျွန်မ အမျိုးသားအပါအ၀င် ဒီနိုင်ငံမှာ မတရား အဖြစ်ခံရတဲ့သူ တွေများပါတယ်။စနစ်ဆိုး တစ်ခုရဲ့ သားကောင်ဖြစ်ရတဲ့ အထဲမှာ ကျွန်မရဲ့ အမျိုးသား တစ်ယောက်ထဲ မဟုတ်ပါဘူး။အဲဒီအထဲက ကျွန်မအမျိုးသားနဲ့ ပတ်သပ်ပြီး ရှင်းလင်းတဲ့ အပေါ်မှာ ပရိသတ်ဆီက အခုလို စကားကြားရတဲ့ အတွက် အရမ်းဝမ်းသာပါတယ် ကျွန်မတို တရားမျှတမူအတွက်ရယ် လူ့အခွင့်အရေး အတွက်ရယ်ကို အားလုံးဝိုင်းဝန်းပြီး ရယူကြမယ် တောင်းဆိုကြမယ် ဆိုရင်တော့ ကောင်းတာပေါ့ရှင် ပြောပေးတဲ့ အတွက် ကျေးဇူးအများကြီး တင်ပါတယ်”ဟုမဌေးဌေးမှ ဖြေကြားခဲ့သည်။

    ဇေယျာမြတ်ခိုင်မှလည်း“ကိုဖြိုးဝေအောင်ရဲ့ မတရား ဖမ်းဆီးခံရမူနဲ့ပတ်သက်ပြီး ဘယ်သူတွေကို တိုင်ကြားသွားဖို့ အစီအစဉ် ရှိပါသလား၊စာရင်းပြုစုထားပြီးသွားပြီလား ဆိုတာ သိချင်ပါတယ်”ဟု မေးခွန်းမေးခဲ့သည်။

    “တရားဥပဒေဘောင်ထဲက လုပ်သင့်လုပ်ထိုက်တာ အကုန်လုံးကို လုပ်သွားမှာပါ။အခု ဒီမှာ လူ့အခွင့်အရေးချိုးဖောက်မူနဲ့ ပတ်သက်ပြီးတော့ ခုမှ မဟုတ်ပါဘူး။အဆင့်ဆင့် အချက်အလက်တွေနဲ့စာတွေ တင်ပြီး တိုင်ကြားခဲ့ပါတယ်။ယခင် စစ်အစိုးရ လက်ထက်မှာလည်း တိုင်ကြားစာကြီးပဲ ၃၀ကျော် ရှိပါတယ်။အခု သမ္မတ လက်ထက်မှာလည်း တိုင်ကြားစာ ၂၀ကျော်ရှိပါပြီ။ဒါပေမယ့် ဥပဒေရဲ့ နားတွေဟာ အခုချိန်ထိ မကြားသေးပါဘူး။ကျွန်မတို့ တိုင်ကြားတဲ့ စာတွေအပေါ်မှာ မှားတယ် မှန်တယ် ဆိုတဲ့ အချက်နှစ်ချက်ပဲ ရှိပါတယ်။မှားတယ်ဆိုရင် သူတို့ဥပဒေအရ အရေးယူလို့ရပါတယ်။ဒါပေမယ့် အခုချိန်ထိ အရေးမယူခဲ့ပါဘူး။ဆိုလိုတဲ့ သဘောက ကျွန်မတို့ စဉ်ဆက်မပြတ် တင်ပြခဲ့တဲ့ တိုင်ကြားခဲ့တဲ့ အပေါ်နိုင်ငံတော်က အရေး မယူတာဖြစ်ပါတယ်”ဟူ မဌေးဌေးမှ ပြန်လည်ဖြေကြားခဲ့သည်။

    P2040218

    “အခုဒီကိစ္စကို နိုင်ငံတော်နှင့် အဖွဲ့အစည်းအားလုံးက မလုပ်ပေးဘူးဆိုရင် ခင်ဗျားတို့အနေနဲ့ နိုင်ငံတကာ လူ့အခွင့်အရေး ကော်မရှင်နှင့် နိုင်ငံတကာ တရားရုံးကို တိုင်ဖို့ရှိပါသလား”ဟု ဦးစိုမြင့်ဝင်း၏ မေးခွန်းကို – “နောက်ဆုံးအဆင့် တရားဥပဒေဘောင်အတွင်းမှ ဒီနိုင်ငံမှာရှိတဲ့ တရားရုံးများမှ တိုင်ကြားချက်တွေအပေါ် ကျွန်မတို့အတွက် ဘာမှမထူးခြားလာဘူးဆိုရင် ကျွန်မတို့အနေနဲ့ အပြည်ပြည်ဆိုင်ရာအထိ တက်ဖို့ရှိပါတယ်။ ကျေးဇူးတင်ပါတယ် ရှင်” ဟု ကိုဖြိုးဝေအောင်၏ ဇနီးမဌေးဌေးမှ ပြန်လည်ဖြေကြားခဲ့သည်။

    မင်းသိန်းထွန်း (နိုင်/ကျဉ်း) မှ “ကိုဖြိုးဝေအောင်နဲ့ပတ်သက်ပြီ ကိုထက်ဝေအောင်မှ အချက်အလက်တွေ တင်ပြသွားတယ်။ ဒီပါဝင်ပတ်သက်မှုမှာ ရဲချုပ်ခင်ရီပါတယ်။ အစိုးရကိုယ်တိုင် တရားစီရင်ရေး ဥပဒေပြုရေးတွေကိုပါ အလွဲသုံးစားလုပ်သလိုပေါက်နေတယ်။ အချက်အလက်တွေ ဒီလောက် တိကျခိုင်မာစွာ တင်ပြထားတာကို နိုင်ငံတော် ကိုယ်တိုင်က အရေးမယူနိုင်ဘူး ဆိုတဲ့နေရာမှာ ဘာကြောင့် ဒီနိုင်ငံရဲ့ တရားစီရင်ရေးက မှန်ကန်တဲ့ အမှုမဖြစ်နိုင်အောင် မလုပ်ပေးနိုင်တာလဲ။ ဘယ်လိုအားနည်းချက်များ ရှိနေတယ်လို့ မဌေးဌေးအနေနဲ့ ထင်ပါသလဲ ဟုမေးကြားချက်အပေါ် ကိုဝေဖြိုးအောင်၏ ဇနီးမှ “၂၀၁၀ ဧပြီ X2O သင်္ကြန်ဗုံးဆိုတာ အားလုံးသိတဲ့အတိုင်း အဲဒီ မဏ္ဏပ်ပိုင်ရှင်ဟာ ဖိုးလပြည့်ပါ အရင် စစ်အစိုးရ ဗိုလ်ချုပ်မှူးကြီး သန်းရွှေရဲ့ မြေး မဏ္ဏပ် ဖြစ်ပါတယ်။ အဲဒီမဏ္ဍပ်မှာ ဗုံးပေါက်ကွဲမှုဖြစ်ပါတယ်။ လူတွေအများကြီး သေကြပါတယ်။ ဒီဗုံးပေါက်ကွဲမှု ရဲ့ နောက်ကွယ်ဖြစ်စဉ် အတွက် တရားခံ တစ်ယောက် သို့မဟုတ် လူတစ်စု အသည်းအသန် လိုအပ်လာပါတယ်။ လိုအပ်လာတဲ့အပေါ်မှာ ရွေးချယ်မှုပြုလုပ်ခဲ့ပါတယ်။ အဲဒီရွေးချယ်မှုမှာ လူအများအပြားနဲ့အတူ ကျွန်မအမျိုးသားပါ ပါဝင်ခဲ့ပါတယ်။ အဲဒီထဲမှာ ကျွန်မအမျိုးသားဟာ သူရဇော် ဆိုတဲ့ ပုဂ္ဂိလ်နဲ့ ဆက်နွယ်ပြီး ဗုံးဖောက်ခွဲသူတွေကို အားပေးကူညီတယ် ဆိုပြီး ကျွန်မအမျိုးသား ရွေးချယ်ခံရပါတယ်။ ရဲချုပ်ခင်ရီက ကမ္ဘာသိ နိုင်ငံသိ သတင်းစာရှင်းလင်းပွဲ လုပ်လိုက်ပါတယ်။ အဲလို လုပ်လိုက်တဲ့အပေါ်မှာ အရာအားလုံးပြီးဆုံးသွားပါပြီ။ ကျွန်မတို့ကြုံရမယ့် အခက်အခဲကိုလည်း သိလိုက်ပါပြီ။ ဒီဖြစ်စဉ်ရဲ့ ပတ်သက်မှုဟာ ဘယ်လောက်ကြီးလဲဆိုတာ အထူးပြောစရာ မလိုဘူးလို့ထင်ပါတယ်။ ဒီမဏ္ဏပ်ဟာ ဦးသန်းရွှေရဲ့ မြေး မဏ္ဍပ်ဖြစ်နေလို့ပါ။ အဲဒီအတွက် ရဲချုပ်ခင်ရီက တရားခံလို့ လုပ်ထားတဲ့ ကျွန်မ ခင်ပွန်းသည် အတွက်  ရသင့်ရထိုက်တဲ့ အခွင့်အရေးတွေ အားလုံးဟာ တားဆီ ပိတ်ဆို့မှုတွေ အများကြီးနဲ့ လုပ်ကိုလုပ်ရမယ်ဆိုတဲ့ မူကိုချပြီး လုပ်တာကို ကျွန်မတို့ ခံရတာဖြစ်ပါတယ်” ဟု ပြန်လည်ဖြေကြားခဲ့သည်။

    ကိုဖြိုးဝေအောင်၏  X2O ဗုံးပေါက်ကွဲမှုတွင် မကျူးလွန်ကြောင်း ပေါ်ပေါက်နေသော တရားလိုသက်သေချက်များ စာတမ်းနိဂုံး၌ “မြန်မာနိုင်ငံရှိ ရဲတပ်ဖွဲ့ဝင်တွေရဲ့ တရားဥပဒေမဲ့ ဖမ်းဆီးမှု၊ မတရားမှု၊ ညှင်းပန်းမှု၊ လူ့အခွင့်အရေး ချိုးဖောက်မှု၊ ယုတ်မာကောက်ကျစ်စွာ အမှုဆင်မှုတွေ ရှိတယ် ရှိခဲ့တယ် ဆိုတာကို တရားသူကြီးတွေရဲ့ ဘယာအဂတိ ဘယ်လောက်ထိ ဆိုးဝါးခဲ့တယ်၊ အခြေခံ တရားမျှတမှုတောင် ဘယ်လောက်ထိ ကင်းမဲ့ခဲ့တယ်ဆိုတာကို ကျွန်တော်ဟာ ကျွန်တော့်ဘ၀ တစ်ခုလုံးနဲ့  ရင်းပြီး မှတ်တမ်းတင်ခဲ့ပါတယ်။ ကျွန်တော့်ရဲ့ တရားမျှတမှု ဖြူစင်မှုအတွက်လည်း ဆက်လက်တိုက်သွားပါဦးမှာ ဖြစ်ပါတယ်” ဟုသူ မကွယ်လွန်မှီ ၂၈၊၈၊၂၀၁၂ နေ့က သတင်းစာရှင်းလင်းပွဲ ပြုလုပ်ရန်အတွက် သူကိုယ်တိုင် ဆေးရုံတွင် ပြင်ဆင်ခဲ့သော စာတမ်းများမှ သိရသည်။

  • တောင်စွန်း တွင် ဘာသာရေး အဓိကရုဏ်း ဖြစ်ပေါ်စေရန် လုပ်ကြံဖန်တီး လှုံ့ဆော်မှုများ ဖြစ်ပေါ်နေ

    တောင်စွန်း တွင် ဘာသာရေး အဓိကရုဏ်း ဖြစ်ပေါ်စေရန် လုပ်ကြံဖန်တီး လှုံ့ဆော်မှုများ ဖြစ်ပေါ်နေ

    M-Media
    နေသစ်ထွန်း

    ဘီးလင်းမြို့နယ် တောင်စွန်းကျေးရွာတွင် တရားပွဲအမည်ခံ အဓိကရုဏ်းလှုံဆော်ရေးဟောကြားမှုများ ၁၃ရက် ဆက် တိုက်ကျင်းပခဲ့ပြီးနောက် အစ္စလာမ် ဘာသာဝင်များအပေါ်ရန်လိုမှု ၊ ပဋိပက္ခဖြစ်ပေါ်စေရန် အကွက်ချ ဖန်တီးမှု တစ်ရပ် ဖြစ်ပေါ်ခဲ့သည်။ “ ဇန်န၀ါရီလ မှာ ၉၆၉ မိတ်ဆက်ပွဲကို ဘုန်းကြီးငါးပါး နဲ့ ကျင်းပတယ်။ အဲဒါပြီးနောက် တောင် စွန်းက လူငယ်တွေ အဖွဲ့ဖွဲ့ပြီး မွတ်စလင် ဆိုင်တွေမှာ ဈေးမ၀ယ်ရေး ၊ ဆက်ဆံရေး မလုပ်ရေး စတာတွေ ကို လိုက်လံ လှုံ့ဆော် ပါတယ်။ ဇန်န၀ါရီ ၂၄ရက်နေ့ကစတင်ပြီး ၁၃ရက်ဆက်တိုက် တရားပွဲလုပ်တယ်။ အဲဒီတရားပွဲမှာ သိမ်ဇရပ်က ဆရာ တော် ဦးပညာဝရ က ရခိုင်ကိစ္စတွေ ၊ အစ္စလာမ် ဘာသာ နဲ့ ပတ်သက်လို့ ဆိုးဆိုးဝါးဝါး တိုက်ခိုက် ဟောပြော ခဲ့တယ်။ ” ဟု တောင်စွန်းမြို့ခံ တစ်ဦးက ပြောပါသည်။

    ယင်းတရားပွဲများ ကျင်းပပြုလုပ်ခဲ့ပြီးနောက် အစ္စလာမ်နှင့် ဗုဒ္ဓဘာသာဝင်များအကြား အထင်အမြင်လွဲမှားမှု ဖြစ်ပေါ်စေရန် ရည်ရွယ်၍  လုပ်ကြံဖန်တီးမှု တစ်ရပ်ဖြစ်ပွား ခဲ့ကြောင်းသိရသည်။

    “ကုလားဗလီကျောင်း အိမ်သာမှာ ဗုဒ္ဓဘာသာ သင်္ကေတ ၉၆၉ ကို ကုလားဗလီ ကျောင်းအိမ်သာ မှာ ရိုင်းရိုင်းစိုင်းစိုင်း ရေးထားတယ်လို့ ဖေဖော်ဝါရီ ၇ ရက်နေ့မနက်မှာ မမှန် သတင်းလွင့်တယ်။ ဒီတော့ မြို့ခံတွေလည်း စုရုံး ၊စုရုံးဖြစ်ကုန်ကြ တယ်။ တကယ် တော့ အဲဒီစာကို ဗလီ မဒ်ရဆာ ကျောင်းအိမ်သာမှာ ရေးထား တာမဟုတ်ပဲ ဗလီနားက မွတ်စလင် အိမ် တစ်အိမ်ရဲ့ အိမ်သာမှာ ရေးထားတာကို တွေ့ တယ်။ ဒါနဲ့ ရဲတွေက အဲဒါကို ဓါတ်ပုံရိုက် ၊ မှတ်တမ်း တင်ပြီး အိမ်ပိုင်ရှင် မွတ်စလင်ကောင်လေး ကိုခေါ်စစ်တယ်။ နောက် တော့ ပြန်လွတ်ပေးလိုက်တယ်။ မွတ်စလင် ကောင်လေးက အဲဒါကို သူလုပ်တာမဟုတ် ဘူး။  အဲဒီစာကို တွေ့ တာက လည်း မနက် အစောကြီး ဗုဒ္ဓ ဘာသာကောင်လေး တစ်ယောက် တွေ့ တာပါ။  မြို့ခံ တွေကတော့ မွတ်စလင် နဲ့ ဗုဒ္ဓ ဘာသာအကြား ပဋိပက္ခဖြစ်အောင် ဒီလိုမျိုး အကွက်ချစီစဉ်တာဆိုတာ သိ နေကြတယ်။ ”ဟု ၄င်းမြို့ခံ ကပြောပါသည်။

    ပြီးခဲ့သည့် ၂၀၁၂ နှစ် တန်ဆောင်တိုင်လပြည့်နေတွင်လည်း ဘီးလင်းမြို့နယ် နှင်းပုလဲကျေးရွာတွင် အလားတူ မမှန် သတင်း ထုတ်လွင့်မှု တစ်ရပ်ဖြစ်ပွားခဲ့သည်။ ဘုန်းတော်ကြီးကျောင်းတွင် ဆွမ်းဘုန်းရန် စီစဉ်ထားသော အိုးခွက်ပန်းကန် များကို မွတ်စလင်တစ်ဦးမှ ပစ်ခွဲသွားသည်ဟု လုပ်ကြံသတင်းလွင့်ခဲ့သည်။ ယင်းကိစ္စအား နှင်းပုလဲ နှင့် ဘီးလင်း အခြေစိုက် နယ်မြေခံ ရဲတပ်ဖွဲ့မှ အချိန်မှီဖြေရှင်းပေးခဲ့ရကြောင်းသိရသည်။