သြဂုတ် ၆၊ ၂၀၁၆
M-Media
– ပြင်သစ်နိုင်ငံ နော်မန်ဒီဒေသ မြို့တော် ရူအန်တွင် မွေးနေ့ကိတ် ဖယောင်းတိုင်မီးမှ အစပြုကာ မီးလောင်မှုကြောင့် အနည်းဆုံး လူ ၁၃ ဦး သေဆုံးခဲ့ပြီး ၆ ဦး ဒဏ်ရာရှိခဲ့သည်ဟု သိရသည်။
သြဂုတ်လ ၅ ရက်နေ့ သန်းခေါင်းယံအချိန်တွင် ရူအန်မြို့အတွင်းရှိ အရက်ဘားတစ်ခု၌ လူငယ်တစ်စုက မွေးနေ့ပါတီ ကျင်းပနေစဉ် ထိုကဲ့သို့ မီးလောင်ခဲ့ခြင်းဖြစ်ပြီး မြို့တော်ဝန် ဗွန်ရောဘတ်ကမူ မီးလောင်မှုမှာ မတော်တဆမှုမှ ဖြစ်ပွားခဲ့ခြင်းဖြစ်သည်ဟု ပြောကြားခဲ့သည်။ ထို့ပြင် ထိုအဖြစ်အပျက်မှာ အဆိုးဝါးဆုံး ဖြစ်ရပ်ဆိုးကြီးဖြစ်သည်ဟုလည်း ၎င်းက ကင်ပွန်းတပ်ခဲ့သည်။
ပြင်သစ် ပြည်ထဲရေးဝန်ကြီးကလည်း ထိုအဖြစ်အပျက်အတွင်း ၁၃ ဦးသေဆုံးကာ ၆ ဦး ဒဏ်ရာရရှိမှုကို အတည်ပြုခဲ့ပြီး မီးလောင်နေသည့်ဘားအား ငြှိမ်းသတ်ရန်အတွက် မီးသတ်တပ်ဖွဲ့ဝင် ၅၀ ကျော် အသုံးပြုခဲ့ရသည်ဟု ဆိုသည်။
မီးလောင်မှုမှာ မွေးနေ့ကိတ်တွင် ထိန်းညှိထားသော ဖယောင်းတိုင် အောက်သို့ ပြုတ်ကျခဲ့ပြီးနောက် ကောဇောများကို မီးလောင်ရာမှ အစပြုခဲ့ခြင်းဖြစ်သည်။ ထို့နောက် ပိုလီစထရင်းဖြင့် ပြုလုပ်ထားသည့် မျက်နှာကျက်ကို မီးကူးကာ ထွက်လာသော အဆိပ်ငွေ့များက လူငယ်များကို သေဆုံးစေခဲ့ခြင်းဖြစ်သည်ဟု ရဲတပ်ဖွဲ့က ပြောကြားခဲ့သည်။
Ref: RT
