ဒီဇင်ဘာ ၁၈ ၊ ၂၀၁၂
M-Media
Al Jazeera မှ ၂၀၁၂ ခုနှစ် ဒီဇင်ဘာ ၉ ရက်နေ့က တင်ဆက်ခဲ့သည့် ကန့်လန့်ကာအကွယ်မှ မျိုးဖြုတ်သတ်ဖြတ်မှုကြီး ဗွီဒီယိုမှတ်တမ်းကို M-Media စာဖတ်ပရိတ်သတ်အတွက် မြန်မာစာတန်းထိုးပြီး တင်ဆက်လိုက်ပါသည်။
The Hidden Genocide with Myanmar Subtitle Download Link
အင်တာနက်ကော်နက်ရှင်မကောင်း၍ Download လုပ်ကြည့်ရှု့လိုသူ M-Media စာဖတ်ပရိတ်သတ်များ အောက်ပါ လင်ခ်များတွင် Download လုပ်နိုင်ပါပြီ။
High Quality (660MB)
https://docs.google.com/
Standard Quality (200MB)
https://docs.google.com/
ဒီဇင်ဘာ ၁၀ ၊ ၂၀၁၂
M-Media
Hidden Genocide ဖုံးကွယ်ထားတဲ့ လူမျိုးတုန်းသတ်ဖြတ်မှုလို့ အမည်ပေးထားတဲ့ ရခိုင်ပြည်နယ် ပဋ္ဋိပက္ခဆိုင်ရာသတင်း မှတ်တမ်းကားကို ဒီကနေ့ကစလို့ အယ်လ်ဂျာဇီယာ ရုပ်မြင်သံကြားက နေထုတ်လွင့်ပြသနေပါပြီ။
အယ်လ်ဂျာဇီယာ ရုပ်မြင်သံကြားဌာနရဲ့ အဆိုအရ ရခိုင်ဒေသမှာ ရိုဟင်ဂျာဆိုတဲ့ ဘင်္ဂလီ မွတ်ဆလင်တွေကို လူမျိုးတုန်း သတ်ဖြတ်မှုတွေ ရှိနေတယ်ဆိုတဲ့ အဲ့ဒီသတင်း မှတ်တမ်းကားနဲ့ ပတ်သက်လို့ ပြီးခဲ့တဲ့ရက်ပိုင်းကပဲ မြန်မာအစိုးက ပြင်းပြင်းထန်ထန်ကန့်ကွက်ထားပါတယ်။ ဒီတော့ ဒီစွပ်စွဲချက်တွေနဲ့ ပတ်သက်လို့ ဒီ သတင်းမှတ်တမ်းတင်ကားကို ရိုက်ကူးခဲ့သူ Phil Rees ကို ဆက်သွယ်မေးမြန်းခဲ့ရာမှာ ….
Phil Rees ။ ။ ဂျီနိုဆိုက်ဆိုတဲ့ အသုံးအနှုန်း ကို သုံးရတာကတော့ လူမျိုးတစ်ခုပျက်စီးရာ ပျက်စီးကြောင်း အသေချာစီစဉ်ပြီး ဆောင်ရွက်တဲ့ ကိစ္စဆိုလို့ရှိရင် ဒီသဘော အဓိပ္ပာယ် သက်ရောက်တယ်ဆိုပြီးတော့ ဂျီနိုဆိုက်ကွန်ဗင်းရှင်း သဘောတူစာချုပ်တွေမှာ ပါသလို ရှေ့နေရှေ့ရပ်တွေနဲ့လည်းပဲ တိုင်ပင်ပြီးတော့မှ ဒီလိုသုံးရတာဖြစ်ပါတယ်။ လူတွေကို အစုလိုက်အပြုံလိုက်သတ်တဲ့ ကိစ္စမျိုး ဥပမာ ဂျာမဏီမှာ ဂျူးတွေကိုသတ်တဲ့ ကိစ္စမျိုးကျမှ ဂျီနိုဆိုက်လို့ပြောတာမဟုတ်ပါဘူး။ ရခိုင်ပြည်ရဲ့ ပြသနာကိုကြည့်မယ်ဆိုရင် ရိုဟင်ဂျာတွေကို ရည်ရွယ်ချက်ရှိရှိနဲ့ လူဦးရေမတိုးအောင်လို့၊ လူသားအဖြစ်ရည်တည်မှု မရအောင်လို့ ၊ခရီးသွားလာခွင့် ကန့်ကွက်တာတွေ၊ ပညာရေးအရ ဖိနှိပ်တာတွေ ဒါတွေဟာသူတို့ရဲ့ ရှင်သန်ခွင့်ကို ပိတ်ပင်တားမြစ်တာဖြစ်ပါတယ်။ ဒါကြောင့်မို့လို့ရှေ့နေတွေကလည်းပဲဂျီနိုဆိုက်ဆိုတဲ့ အဓိပ္ပာယ်နဲ့ ကိုက်ညီတယ် ဒီအခု ကျွန်တော်တို့တင်ပြတဲ့ documentary ထဲမှာလည်း ကျွန်တော်မေးတဲ့ ရှေ့နေကရှင်းပြထားပါတယ်။
BBC ။ ။ ဒါပေမယ့် ဒီစွပ်စွဲချက်တွေနဲ့ပတ်သက်ပြီး မြန်မာအစိုးရဖက်က ပြင်းပြင်းထန်ထန် ငြင်းဆိုထားပါတယ်။ ဒီတော့ ဒီကားရိုက်ကူးစဉ်တုန်းကရောဒီစွပ်စွဲချက်တွေနဲ့ ပတ်သက်ပြီး မြန်မာအစိုးရဖက်ကို မေးမြန်းတာတွေ လုပ်ခဲ့သေးလားရှင့် ။
Phil Rees ။ ။ ကျွန်တော့အနေနဲ့ ၇ခိုင်အစိုးရဖက်က အာဏာပိုင်တွေနဲ့ စကားပြောဖြစ်ပါတယ်။ အခုတကယ်ဖြစ်နေတာက ၁၉၈၂ ခုနှစ်နိုင်ငံသားဥပေဒေအရ ရိုဟင်ဂျာတွေကို နိုင်ငံသားအဖြစ် အသိအမှတ်မပြုတဲ့ကိစ္စက နေ စတယ်လို့ပြောနိုင်ပါတယ်။ ပြီးတော့ ရခိုင်ပြည်မှာလက်ရှိအာဏာရနေတဲ့ ပါတီတွေကလဲပဲ အမျိုးသားရေးပါတီတွေဖြစ်သလို သူတို့ကလဲ ဒီကိစ္စတွေကြီးထွားလာအောင် တစ်ဖက်တစ်လမ်းကနေ ဆောင်ရွက်နေပါတယ်။ အစိုးရကလဲပဲ ရိုဟင်ဂျာတွေကို သတ်ဖြတ်မှုတွေကို အကာအကွယ်မပေးပါဘူး။ အခုရိုဟင်ဂျာတွေထွက်ပြေးတဲ့အတွက် ပင်လယ်ထဲမှာ သေဆုံးတာတွေအများအပြားရှိတယ် ။ဘယ်လောက်သေတယ်ဆိုတာ အတိအကျမပြောနိုင်သလို အစိုးရရဲ့ ကိန်းဂဏန်းတွေကိုလဲပဲ အတည်ယူလို့မရပါဘူး။ ဘင်္ဂလားဒေရှ့် နိုင်ငံမှာကိုပဲ ဒီဒုက္ခသည်ပေါင်း လေးသောင်းလောက်ရောက်နေတဲ့အတွက် ဒီနေရာမှာ ပြသနာမရှိပဲသူတို့ဘယ်လိုမှ ထွက်ပြေးမှာမဟုတ်ပါဘူး။ ကျွန်တော့အနေနဲ့ ဘင်္ဂလားဒေရှ့်နိုင်ငံကို ထွက်ပြေးရောက်ရှိလာတဲ့ မျက်မြင်သက်သေဆယ့်နှစ်ယောက်ကို မေးမြန်းပြီးတော့ ဒီဇာတ်လမ်းတွဲထဲမှာ သူတို့ရဲ့ ဖြစ်စဉ်တွေကို ဖော်ပြထားတာဖြစ်ပါတယ်။
BBC ။ ။ ရခိုင်ဒေသကို ကုလသမဂ္ဂ၊ အိုအိုင်စီ စတဲ့ နိုင်ငံတကာအဖွဲ့တွေကိုလဲ လွတ်လွတ်လပ်လပ် ၀င်ခွင့်ပြုခဲ့တာမျိုးတွေ့ရပါတယ်။ ဒီတော့ သူတို့ကရော ရခိုင်ဒေသမှာ လူမျိုးတုန်းသတ်ဖြတ်မှုတွေ ရှိနေတယ်ဆိုပြီးတော့ ဘာကြောင့်စွပ်စွဲပြောဆိုတာမျိုးမတွေ့ရတာပါလဲရှင့်။
ကျွန်တော် ယူအန် ကတာဝန်ရှိတဲ့ အကြီးအကဲ တစ်ယောက်နဲ့ စကားပြောကြည့်ပါတယ်။ သူကတော့ ဘယ်သူဆိုတာ အမည်ဖော်လိုတဲ့ သဘောမရှိပါဘူး။ သူ့အနေနဲ့ ဒီမျိုးနွယ်စုတွေကို ဖယ်ရှားစေလိုတဲ့ စစ်ရာဇ၀တ်မှုသဘောလို့သူမြင်တယ်တဲ့။ နောက်တခါ အန်ဂျီအိုလို့ခေါ်တဲ့ ရခိုင်ဒေသမှာသွားရောက်အလုပ်လုပ်ကိုင်နေတဲ့ တာဝန်ရှိသူအချို့ကို မေးမြန်းတဲ့အခါမှာလဲ ကျွန်တော်ပြောသလို ဂျီနိုဆိုက်လို့တော့ သူတို့ကမသုံးချင်ဘူး။ ဘာကြောင့်လဲဆိုတော့ အခုမြန်မာပြည်မှာ ဖြစ်နေတဲ့ အပြောင်းအလဲတွေကို ကမ္ဘာကစောင့်ကြည့်နေတယ်။ အဲ့ဒီအပြောင်းအလဲတွေကို ထိခိုက်ပျက်စီးမှာကိုလဲ မလိုလားဘူး။ အထူးသဖြင့် အမေရိကန်ပြည်ထောင်စုဟာဆိုလို့ရှိရင် ဒီအာရှ ပစိဖိတ်ဒေသထဲမှာ သူတို့ကွန်ယက်ကိုချဲ့ထွင်နေတဲ အချိန်မှာ မြန်မာကလဲ အရေးကြီးတဲ့ မဟာမိတ် အဖြစ်သူတို့ ရှုမြင်ကျတယ်။ ဒါကြောင့်မို့လို့ ပွင့်ပွင့်လင်းလင်း ဂျီနိုဆိုက်ဆိုပြီး ဝေဖန်စွပ်စွဲမှုတွေ မလုပ်ဖူးလို့ ကျွန်တော်ထင်ပါတယ်။
အဲ့ဒါကတော့ Hidden Genosce သတင်းမှတ်တမ်းကား ရုပ်ရှင်ရိုက်ကူးခဲ့သူ Phil Rees ကို ဆက်သွယ်မေးမြန်းခဲ့တာပါ။
BBC ။ ။ တခါ ရခိုင်ဒေသမှာရှိတဲ့ ဘင်္ဂလီမွတ်စလင်တွေဟာ မြန်မာနိုင်ငံရဲ့ တိုင်းရင်းသား မျိုးနွယ်ထဲမှာ မပါကြောင်း သမိုင်း အထောက်အထားတွေနဲ့အတူ အဲ့ဒီသတင်း မှတ်တမ်းကားထဲမှာ ထောက်ပြပြောဆိုခဲ့သူ ဂျပန်နိုင်ငံ ခန်းဒ တက္ကသိုလ်က သမိုင်းပညာရှင် ပါမောက္ခ ဒေါက်တာအေးချမ်းကတော့ ဒီမှတ်တမ်းကားနဲ့ ပတ်သက်လို့ အခုလို ဝေဖန်ထောက်ပြထားပါတယ်။
ဒေါက်တာအေးချမ်း။ ။ သူတို့ရိုက်ပြတဲ့ အချက်ပေါ့လေ။ ကျွန်တော် အားနည်းချက်တွေ အများကြီးတွေ့ပါတယ်။ ဥပမာအားဖြင့် ကျောက်နီမော်မှာ မသီတာထွေး မုဒိမ်းကျင့်ခံရတဲ့ ကိစ္စ၊ တောင်ကုတ်မှာ မွတ်စလင် တွေအသတ်ခံရတဲ့ ကိစ္စ ပေါ့လေ။ ဒါပေမယ့် ဒါတွေက တကယ်တမ်း ဟိုဟာဖြစ်မယ်ဆိုလို့ရှိရင် ရာဇ၀တ်မှုတွေပါပဲ။ မောင်းတောမှာ စပြီးတော့ ဖြစ်တဲကိစ္စကို သူတို့ကအပေါ်ယံရှပ်ပြီးတော့ ပြောသွားတယ်လေ။ မောင်းတောမှာက တကယ်တော့ အဲ့ဒီမှာ ဗလီဆင်းတဲ့ အချိန်နဲ့ မြို့ထဲမှာ တစ်ခါထဲ အကုန်လုံး လူတွေစုပြီးတော့ ပေါက်ကွဲပြီးတော့ ရခိုင်အိမ်တွေကို တိုက်ခိုက်၊ ဒီရပ်ကွက်တွေကို တိုက်ခိုက်၊ ရခိုင်တွေကို သတ် အဲ့ဒလို လုပ်တာပေါ့။ နောက်တစ်ချက်က အဲ့မှာ ပြောသွားတဲ့ အချက်က ဒီရခိုင်တွေကပဲ မောင်းတောဆေးရုံကို တိုက်ခိုက်သလိုလို အဲ့လိုပြောသွားတယ်လေ။ အဲ့ဒါလုံးဝမှားတယ်။ အဲ့ဒီမောင်းတော ဆေးရုံကို ၀င်ပြီးတော့ တိုက်ခိုက်တာဟာ ဘင်္ဂလီတွေက ၀င်ပြီးတော့ တိုက်ခိုက်တာ။ အဲ့ဒီမှာ ဘင်္ဂလီ အမျိုးသမီးက သူဆေးရုံတက်နေတဲ့ အချိန်မှာ ရခိုင်တွေက ၀င်တိုက်တယ်လို့ပြောတယ်ဆိုတာ မဟုတ်ဖူးလေ ကျွန်တော်တို့ ကြားရသလောက်။ နောက်တစ်ချက်က ဘာလဲဆိုရင် သူရိုက်ပြနေတဲ့ဟာက မိသားစု တစ်ခုထဲကိုပဲ ရိုက်ပြနေတာ ဖြစ်နေတယ်လေ။ ဖြစ်နေတဲ့ အခါကျတော့ ဒီမိသားစုက ဘယ်မှာနေတာလဲ။ မောင်းတောမှာ နေတာလား၊ စစ်တွေမှာ နေတာလား၊ နောက်တစ်ခု အဲ့ဒီ ဘင်္ဂလီ စင်တာ ပရိုဂရမ်လို ဖြစ်နေတာ ။ ဒီဘင်္ဂလီတွေကိုပဲ ဗဟိုပြုပြီးတော့ ရိုက်ပြတဲ့အစီစဉ်လိုဖြစ်နေတယ်။
BBC ။ ။ ဟုတ်ကဲ့ရှင့်။ အဲ့တော့ သူ့ရဲ့ အဓိကခေါင်းစဉ်ကိုက ဒီဘင်္ဂလီ မွတ်စလင်တွေကို လူမျိုးတုန်းသတ်ဖြတ်ခံနေရတယ်ဆိုတဲ့ အကြောင်းကို မှတ်တမ်းတင် ရိုက်ပြသွားပါတယ်။ အဲ့တော့ အဲ့သလို သူတို့ စွတ်စွဲပြောဆိုထားသလိုပေါ့လေ လူမျိုးတုန်းသတ်ဖြတ်တဲ့ အခြေအနေမျိုးရော တွေ့ရပါသလား။ အဲ့ဒါကရော ဘယ်လောက် အဖြစ်မှန်နဲ့ နီးစပ်တယ်လို့ တွေ့ရပါလဲရှင့်။
ဒေါက်တာအေးချမ်း။ ။ ကျွန်တော်တောက်လျှောက်ကြည့်လာတာ ဒီရဲအဖွဲ့ကပဲ ထိန်းသိမ်းသွားတာကို သိရတယ်ပေါ့လေ။ တောက်လျောက် . ပထမအကြိမ်ဖြစ်တဲ့ အခါမှာရော ။ ဒီ န.စ.က က နောက်ကမှ ရံပြီးတော့ ဒီလူကို ရဲအဖွဲ့ကမနိုင်မှ ၀င်တဲ့ အနေထားရှိတယ်ပေါ့လေ။ သူတို့က ဒီ န.စ.က ကပဲ ၀င်ပြီးတော့ ဘင်္ဂလီတွေကို သတ်ဖြတ်နေတယ်ဆိုတဲ့ ပုံစံမျိုး အဲ့လိုရိုက်ပြတယ်ဆိုတဲ့ဟာ တကယ်တမ်း one sided version တဖက်သတ်စကား၊ တဖက်သတ်စွတ်စွဲချက်လိုပဲ ဖြစ်နေတယ်လို့ ကျွန်တော်ယူဆပါတယ်။ အဲ့တော့ ဒီအပေါ်မှာပြောနေတာကလဲ အကုန်လုံးက ဘင်္ဂလီတွေကပဲ ပြောနေတယ်။ တခြားရခိုင် အရပ်သားတွေ၊ ခံစားနေရတဲ့ ရခိုင် ဒုက္ခသည်တွေကိုကျတော့ သူက ဘာဖြစ်လို့ မမေးနိုင်ရတာလဲ။ အဲ့ဒီဟာက သိပ်ပြီးတော့ ရိုးသားမှုမရှိဘူးလို့ ကျွန်တော်ထင်တယ်။
ဂျပန်နိုင်ငံ ခန်းဒ တက္ကသိုလ်က သမိုင်းပညာရှင် ဒေါက်တာအေးချမ်းကို ဆက်သွယ်မေးခဲ့တာပါ။
ဒီဇင်ဘာ ၇ ၊ ၂၀၁၂
M-Media
ကာတာနိုင်ငံအခြေစိုက်နာမည်ကြီး အယ်လ်ဂျဇီးရားသတင်းဌာနက ဒီဇင်ဘာလ (၈) ရက်နေ့ကစပြီး (၁၃) ရက်နေ့ထိ The Hidden Genocide လို့ခေါင်းစဉ်တပ်ထားတဲ့ မှတ်တမ်းဗီဒီယို တစ်ခု ပြသမည်ဖြစ်ကြောင်းကို ဒီဇင်ဘာလ (၃) ရက်နေ့မှာ ကြေငြာခဲ့ပါတယ်။
အဲဒီ ဗီဒီယို မှတ်တမ်းမှာ
စသည်တို့ ပါဝင်မည်ဖြစ်ကြောင်းကို အယ်လ်ဂျဇီးရား သတင်းဌာနရဲ့ ကြော်ငြာမှာ တွေ့ရပါတယ်။
အဆိုပါ ဗီဒီယို မှတ်တမ်းပြမည့် အစီအစဉ်မှာ အယ်လ်ဂျဇီးရားသတင်းဌာန မှ လုပ်ကြံပုံကြီးချဲ့ပြီး မဟုတ်မမှန် လုပ်ဆောင်မှု ဖြစ်ကြောင်း နိုင်ငံခြားရေးဝန်ကြီး ဌာနမှ တဆင့် မြန်မာအစိုးရမှ ပြင်းထန်စွာ ကန့်ကွက်လိုက်တဲ့ ကြေငြာချက်တစောင်ကို ထုတ်ပြန်လိုက်ပါတယ်။ ကြေငြာချက် အပြည်အစုံမှာ အောက်ပါအတိုင်းဖြစ်ပါတယ်။
ရခိုင်ပြည်နယ် ပဋိပက္ခကို မဟုတ်မမှန်လုပ်ကြံ ပုံကြီးချဲ့ကာ သတင်းမှတ်တမ်းအဖြစ် ထုတ်လွှင့်ပြသရန် အယ်လ်ဂျာဇီးရား သတင်းဌာန၏ လုပ်ဆောင်ချက်များကို မြန်မာနိုင်ငံ အစိုးရအနေဖြင့် ပြင်းထန်စွာ ကန့်ကွက်
ပြည်ထောင်စုသမ္မတမြန်မာနိုင်ငံတော်
နိုင်ငံခြားရေးဝန်ကြီးဌာန
သတင်းထုတ်ပြန်ချက်
၁။ ကာတာနိုင်ငံအခြေစိုက် အယ်လ်ဂျာဇီးရားသတင်းဌာနက မြန်မာနိုင်ငံရှိ ၄င်းတို့အခေါ် ရိုဟင်ဂျာများနှင့် ပတ်သက်သည့် သတင်းအစဉ်တစ်ခုကို ၂၀၁၂ ခုနှစ် ဒီဇင်ဘာလ ၈ ရက်နေ့မှ ၁၂ ရက်နေ့အထိ အာရပ် ဘာသာဖြင့် လည်းကောင်း၊ ဒီဇင်ဘာလ(၉)ရက်နေ့မှ (၁၃)ရက်နေ့အထိ အင်္ဂလိပ်ဘာသာဖြင့် လည်းကောင်း၊ ထုတ်လွှင့် ပြသသွားမည် ဖြစ်ကြောင်း သိရှိရသည်။ အဆိုပါအစီအစဉ်တွင် ၄င်းတို့အခေါ် ရိုဟင်ဂျာများအား လူမျိုး တုံးအောင် သတ်ဖြတ်လုပ်ဆောင်နေမှုများကို ထည့်သွင်း ဖော်ပြသွားမည်ဟုလည်း ဖော်ပြထားသည်ကို တွေ့ရှိ ရပါသည်။
၂။၂၀၁၂ ခုနှစ် မေလနှင့် ဇွန်လတွင်လည်းကောင်း၊ ၂၀၁၂ ခုနှစ် အောက်တိုဘာလတွင်လည်းကောင်း ဖြစ်ပွား ခဲ့သော ရခိုင်ပြည်နယ်အတွင်း ဘင်္ဂါလီလူမျိုးစုများနှင့် ဒေသခံရခိုင်တိုင်းရင်းသားများအကြား အကြမ်းဖက် မှုများနှင့် စပ်လျဉ်း၍ မြန်မာနိုင်ငံအစိုးရအနေဖြင့် အဆိုပါကိစ္စ စတင်ဖြစ်ပွားခဲ့သည့်အချိန်မှစ၍ ပွင့်လင်း မြင်သာ မှုရှိစွာ ကိုင်တွယ်ဖြေရှင်းဆောင်ရွက်ခဲ့ပါသည်။
၃။ အဆိုပါ လူမှုအုပ်စု နှစ်ခုအကြား ဖြစ်ပွားသည့် အကြမ်းဖက်မှုများ ဖြစ်ပွားရာနေရာများသို့ ကုလသမဂ္ဂ လက်အောက်ခံ အဖွဲ့အစည်းများ၊ အပြည်ပြည်ဆိုင်ရာ အစိုးရမဟုတ်သော အဖွဲ့အစည်းများ၊ သံတမန်များ၊ Muslim Aidအဖွဲ့တို့အား ကိုယ်တိုင်သွားရောက် ကြည့်ရှုခွင့်ပေးခဲ့သည်။ ထိုအပြင် တူရကီ၊ အင်ဒိုနီးရှား၊ မလေးရှား စသည့်နိုင်ငံများနှင့် အစ္စလာမ်မစ် ပူးပေါင်း ဆောင်ရွက်ရေး အဖွဲ့(OIC )မှ နိုင်ငံခြားရေးဝန်ကြီး၊ အဆင့်မြင့် ကိုယ်စားလှယ်များကိုလည်း သွားရောက်ခွင့်ပြုခဲ့သည်။
၎။ထို့ပြင် ပဋိပက္ခကြောင့် အိုးမဲ့အိမ်မဲ့ဖြစ်နေသူများ ဒုက္ခသည်များအား နေရာချထားပေးရေး၊ ပြန်လည် ထူထောင်ရေး၊ စားနပ်ရိက္ခာ၊ ကျန်းမာရေးနှင့် အခြားလူမှုရေးလိုအပ်ချက်များ ပံ့ပိုးပေးရေး စသည့် လူသားချင်း စာနာထောက်ထားသည့် အကူအညီများကိုလည်း ခွဲခြားမှုမရှိဘဲ ထိခိုက်နစ်နာသူ အုပ်စုနှစ်ခုလုံး အတွက် မျှတစွာ ထောက်ပံ့ကူညီပေးအပ်ခဲ့သည်။
၅။နိုင်ငံတော်အစိုးရအနေဖြင့် အကြမ်းဖက်မှုများ ချုပ်ငြိမ်းရေးနှင့် တရားဥပဒေစိုးမိုးရေး အတွက် ဥပဒေနှင့ အညီထိန်းသိမ်း ဆောင်ရွက်ခဲ့ပြီး ဤကိစ္စနှင့်စပ်လျဉ်း၍ အသေးစိတ် စုံစမ်းစစ်ဆေးမှုပြုလုပ်နိုင်ရန် လွတ်လပ် သည့် စုံစမ်းစစ်ဆေးရေးကော်မရှင်တစ်ရပ်ကိုလည်း ဖွဲ့စည်းပေးခဲ့ပြီးဖြစ်သည်။
၆။ရခိုင်ပြည်နယ်အတွင်း ဖြစ်ပွားခဲ့သည့် ဖြစ်စဉ်များအပေါ်တွင် သတင်းဌာနအချို့နှင့် အဖွဲ့အစည်းအချို့က စွပ်စွဲသကဲ့သို့ အစိုးရလုံခြုံရေးတပ်ဖွဲ့ဝင်များနှင့် အာဏာပိုင်တို့က ပူးပေါင်းပါဝင်ပတ်သက်ခြင်း၊ လူမျိုးရေး၊ ဘာသာရေး ခွဲခြားဖိနှိပ်ခြင်းများ လုံးဝမရှိကြောင်းကို ထပ်လောင်းအတည်ပြုဖော်ပြပါသည်။ ဤသို့ ပတ်သက်မှု မရှိကြောင်းကို နိုင်ငံတော်အကြီးအကဲနှင့်တာဝန်ရှိသူများက ကုလသမဂ္ဂအထွေထွေ ညီလာခံ တွင်း လည်းကောင်း၊ အာဆီယံထိပ်သီးအစည်းအဝေးနှင့် ဘက်မလိုက်လှုပ်ရှားမှု ထိပ်သီး အစည်းအဝေးတွင် လည်းကောင်း ကမ္ဘာသို့ အတိအလင်းထုတ်ဖော်အသိပေးပြောကြားခဲ့ပြီးဖြစ်သည်။
၇။သို့ဖြစ်၍ ရခိုင်ပြည်နယ် ပဋိပက္ခကို မဟုတ်မမှန် လုပ်ကြံ၍ ပုံကြီးချဲ့ကာ သတင်းမှတ်တမ်းအဖြစ် ထုတ်လွှင့် ပြသရန် အယ်လ်ဂျာဇီးရား သတင်းဌာန၏ လုပ်ဆောင်ချက်များကို ပြည်ထောင်စု သမ္မတ မြန်မာနိုင်ငံတော် အစိုးရ အနေဖြင့် ပြင်းထန်စွာ ဆန့်ကျင်ကန့်ကွက်လိုက်သည်။
နိုင်ငံခြားရေးဝန်ကြီးဌာန
နေပြည်တော်။
၂ဝ၁၂ခုနှစ်၊ ဒီဇင်ဘာလ ၆ရက်။
ကိုးကား- http://www.ministryofinformation.gov.mm/index.php/announcement/1591-2012-12-07-01-22-26.html
http://aljazeerapressoffice.tumblr.com/post/37105815318/expert-warns-of-rohingya-genocide
http://burmese.rohingyablogger.com/2012/12/blog-post_3.html
အောက်တိုဘာ၊ ၂၅ ၊ ၂၀၁၂
သို့ အမေရိကန်နိုင်ငံခြားရေးရာဌာန –
ကျွန်ုပ်သည် အမေရိကန်နိုင်ငံသား ဆရာဝန်တစ်ဦးဖြစ်ပါသည်။ ၂၀၀၆ တွင် MSF အဖွဲ့နှင့်အတူ ရခိုင်ပြည်နယ် မြောက်ပိုင်းသို့ ရောက်ရှိခဲ့ပါသည်။ ထိုလုပ်အားပေးတွင် ဆေးဘက်ဆိုင်ရာ ဆရာဝန်အဖြစ် တာဝန်ထမ်းခဲ့ပြီး ရိုဟင်ဂျာများ၏ လူ့အခွင့်အရေးဆိုင်ရာ ရှေ့နေအဖြစ်လည်း ဆောင်ရွက်ခဲ့ပါသည်။
ပြီးခဲ့သည့် ရက်ပေါင်း ၄ ရက်အတွင်း ရခိုင်ပြည်နယ် အလယ်ပိုင်း၌ ရခိုင်ရဟန်းများနှင့် အရပ်ဘက်ပြည်သူများပါဝင်သည့် ဆိုးသွမ်းလူအုပ်စုကြီးသည် ရိုဟင်ဂျာမိသားစုပေါင်း ၁ ထောင်ကျော်ကို အင်အားသုံးမောင်းထုတ်ပြစ်ခဲ့ပါသည်။ တွေ့ရာနေရာများ၌ ရိုဟင်ဂျာများကို သတ်ပစ်ခဲ့သဖြင့် သတင်းအချက်အလက်များအရ ရိုဟင်ဂျာပေါင်း ၂၀၀ မှ ၅၀၀ အထိ သေဆုံးခဲ့ရပါသည်။ ရိုဟင်ဂျာ ရွာ ၄ ရွာကို မီးရှို့ပစ်ခဲ့ပါသည်။ ထိုသို့သော အခြေအနေများဖြစ်ပွားနေစဉ်တွင် ရဲများနှင့် စစ်သားများပါ ရှိနေခဲ့ကြသော်လည်း တစုံတရာ တားဆီးဟန့်တားခြင်းမျိုး မရှိခဲ့ပါ။ အချက်အလက်များအရ မီးသတ်ရဲဘော်အချို့က မီးကိုငြိမ်းသတ်ဖို့ ကြိုးပမ်းခဲ့ခြင်းမျိုး ရှိပါသည်။
လက်ရှိဖြစ်ပျက်နေသည့် သောင်းကျန်းခိုက်ရန်ပွားမှုများသည် ဗုဒ္ဓဘာသာဆိုင်ရာ အဖွဲ့အစည်းများသို့ လျင်မြန်စွာ ပျံ့နှံ့သွားပြီး ယင်းအဖွဲ့အစည်းများက ရိုဟင်ဂျာများကို ဆက်သွယ်ခြင်း၊ စားရေရိက္ခာထောက်ပံ့ခြင်းများ မပြုလုပ်နိုင်ဖို့ တားဆီးနေကြပြီး အကယ်၍ ပြုလုပ်ခဲ့ပါကလည်း ယင်းသူကို သစ္စာဖောက်အဖြစ် ကင်ပွန်းတပ်ကြပါတော့သည်။
ရန်ကုန်မြို့မှ အေပီသတင်းတွင်ဖော်ပြထားသည့် အချက်အလက်များသည် ယနေ့နိုင်ငံတကာ မီဒီယာသို့ ပျံ့နှံ့ရောက်ရှိခဲ့ပါသည်။ ထိုသတင်းတွင် ဖြစ်ပျက်လျက်ရှိသော ဆူပူသောင်းကျန်းမှုများသည် နှစ်ဘက်သော လူမျိုးစုများအကြား ရန်လိုမှုများနှင့် အိုးအိမ်ပစ္စည်းများကို ဖျက်ဆီးပစ်ခြင်းများ ပါဝင်ကြောင်း ဖော်ပြသည်။ ထိုသတင်းကို မြန်မာအစိုးရဘက်မှ ရခိုင်အရေး ပြောခွင့်ရပုဂ္ဂိုလ် မျိုးသန့်နှင့် ရခိုင်ပြည်နယ် အုပ်ချုပ်ရေးကိုယ်စားလှယ် ဗိုလ်ချုပ်လှသိန်းတို့က အတည်ပြုပေးခဲ့ပါသည်။. ထိုပုဂ္ဂိုလ်နှစ်ဦးမှာ လက်ရှိအာဏာရအစိုးရဘက်မှဖြစ်ကြပါသည်။ ဇွန်နှင့် ဇူလိုင်လများအတွင်း ရိုဟင်ဂျာများကို တိုက်ခိုက်ခဲ့သည်များကို လူ့အခွင့်အရေးစောင့်ကြည့်မှုအဖွဲ့အစည်းမှ မှတ်တမ်းတင်ထားပြီး အစိုးရအနေဖြင့် ထိုဆူပူမှုများကို တားဆီးနိုင်သင့်ကြောင်း ဖော်ပြခဲ့ပါသည်။
မကြာသေးမီက သမ္မတသိန်းစိန်၏ သဘောထားကြီးစွာဖြင့် မွတ်စလင်မ်များအား ဖိတ်ခေါ်ကမ်းလှမ်းခဲ့သည်မှာ သင့်မြတ်သော်လည်း တဖက်တွင် ဆူပူသောင်းကျန်းနေသူ များကို တားဆီးပိတ်ပင်နိုင်သည်အထိ ထိရောက်အကျိုးဖြစ်ထွန်းမှုမရှိပါ။ ဆူပူသောင်းကျန်းမှုများကိုလည်း တိုက်ရိုက်အကျိုးမသက်ရောက်စေခဲ့သလို ရိုဟင်ဂျာများအပေါ် လူ့အခွင့်အရေးချိုးဖောက်နေမှုများကိုလည်း မဟန့်တားနိုင်ခဲ့ပါ။
အမေရိကန်နှင့် နိုင်ငံတကာအဖွဲ့အစည်းများက ဤသို့သော ဆူပူသောင်းကျန်းမှုကြီးကို “ဂျီနိုဆိုက်ဒ်” သို့မဟုတ် “မျိုးတုန်းသတ်ဖြတ်ပွဲကြီး” အဖြစ် သတ်မှတ်ရန်လည်းကောင်း၊ ထိုဆူပူသောင်းကျန်းမှုကြီးကို ဟန့်တားဖို့ ချဉ်းနင်းဝင်ရောက်ကြရန်လည်းကောင်း လိုအပ်လျက်ရှိပါသည်။
ထိုဆူပူသောင်းကျန်းမှုကြီးမှာ မြင့်မားသောအခြေအနေနှင့်အတူ လွယ်ကူစွာပျံ့နှံ့နေပြီး ရိုဟင်ဂျာများသည် ဘဏ်ဌာနများမှ (မိမိတို့ထံရောက်ရှိလာသော ငွေများကို) ထုတ်ယူဖို့ အိမ်အပြင်သို့ပြင် ထွက်မလာနိုင်ကြပါ။ ရခိုင်ပြည်နယ်အပြင်ဘက်သို့ ထွက်ပြေးဖို့လည်း ဆက်သွယ်ရေးတစ်စုံတစ်ရာမျှ မရှိပါ။ သူတို့အတွက် ထွက်ပေါက်မှာ တဘက်တွင် ပိတ်ကာထားသည့် ဘင်္ဂလားဒေ့ရ်ှသာရှိပါသည်။ ရိုဟင်ဂျာများမှာ ရခိုင်တွင် ထောက်ချောက်ထဲသို့ ရောက်ရှိနေသူများအသွင် ရှိနေကြရပါသည်။
ရိုဟင်ဂျာများသည် ၄င်းတို့နေထိုင်ရာနေရာ၊ ၄င်းတို့ဘိုးဘွားများနေထိုင်ခဲ့ရာနေရာတွင် ဆက်လက်နေထိုင်ဖို့ အခွင့်အရေးရှိကြောင်းကို ကျွန်ုပ်အနေဖြင့် များပြားစွာ သဘောတူပါသည်။ မြန်မာပြည်တွင်းရှိ ၊ အထူးသဖြင့် ရခိုင်ရှိ အဖိနှိပ်အခြိမ်းခြောက်ခံရိုဟင်ဂျာများအနေဖြင့် ၄င်းတို့ကိုယ်ပိုင် ထွက်သွားလိုသည် သို့မဟုတ် ဆက်လက်နေထိုင်လိုသည်ကို လွတ်လပ်စွာဆုံးဖြတ်ဖို့ အခွင့်အရေးရှိသင့်ပါသည်။ ၄င်းတို့အနေဖြင့် ဆက်လက်အသက်ရှင်နေထိုင်ဖို့နှင့် အရှုံ့ချခံနှင့် အဖိနှိပ်ခံများ ဘ၀မှ လွတ်မြောက်ကြဖို့ကသာ ဦးစားပေးအခြေအနေဖြစ်ကြောင်း ကျွန်ုပ်ယုံကြည်မိပါသည်။ ၄င်းတို့မှာကား အစိုးရလုံခြုံရေးများ၏ ပါဝင်ဟန့်တားခြင်းမျိုးမရှိဘဲ လက်ပိုက်၍သာ ကြည့်နေကြသည့်ရခိုင်ဆူပူသောင်းကျန်းမှုကြီးထဲတွင် ငုတ်တုတ်ထိုင်နေကြရပါသည်။
ကျွန်ုပ်အနေဖြင့် မြန်မာပြည်မှ ထွက်ခွာဖို့အလိုရှိသည့် ရိုဟင်ဂျာများကို အမေရိကန်ဦးဆောင်ပြီး အထောက်အပံ့ဖြင့်ထွက်ခွာသွားနိုင်ဖို့ ညှိနှိုင်းဆောင်ရွက်ပေးရန် အကြံပြု တင်ပြအပ်ပါသည်။ အိုအိုင်စီကမူ ပြန်လည်ထူထောင်ရေးအတွက် ဒေါ်လာမီလီယံ ၂၀၀ (ထုတ်ပေးဖို့)တင်ပြထားပါသည်။ ထိုငွေကြေးများက မြန်မာပြည်မှ ထွက်ခွာခြင်းမရှိ ဘဲ ဆက်လက်နေထိုင်ရန် ရွေးချယ်ကြမည့် ရိုဟင်ဂျာများအတွက် ဆက်သွယ်ရေးနှင့် လူမှုကယ်ဆယ်ရေးလုပ်ငန်းများကို လုပ်ဆောင်နိုင်ပါလိမ့်မည်။ ဤသည် လုပ်ဆောင်၍ မရသော အခြေအနေတွင် ရှိနေသည်မဟုတ်ပါ။ မွတ်စလင်မ်ကမ္ဘာက အမေရိကန်မပါဝင်သော ဤသည့်အခြေအနေကို တုန်လှုပ်နေပြီး အနောက်နိုင်ငံများ၏ အာရုံစူးစိုက်မှုသည်လည်း ရိုဟင်ဂျာများကိုယ်စား မာမာတင်းတင်း စေ့စပ်ညှိနှိုင်းပေးဖို့ သို့မဟုတ် ကြားဝင်ဆောင်ရွက်ပေးဖို့ (လိုအပ်ပါသည်။) အခြားသော အသိအမှတ်ပြုနိုင်သည့် ဒေါသူပုန်ထမှုရော အသိအမှတ်မပြုနိုင်သည့် ဒေါသူပုန်ထမှုများကိုပါ ရိုဟင်ဂျာများ၏ အတိဒုက္ခများအဖြစ် သတ်မှတ်ပြီး စောဒကတက်ကြရပါလိမ့်မည်။
ပြည်သူလူထုအနေဖြင့် ဤသည်ကို အခြားသော ဘော့စနီးယားမျိုးဖြစ်မလာဖို့ ၊ အခြားသော နာဇီဂျာမနီဖြစ်မလာဖို့၊ အခြားသော ရ၀မ်ဒါဖြစ်မလာဖို့ လုပ်ဆောင်ကြရပါမည်။ ထိုနေရာများတွင်မူကား နိုင်ငံတကာအဖွဲ့အစည်းများသည် အလောင်းကောင်များကို မြှုပ်နှံဖို့အချိန်ရောက်မှသာ ချဉ်းနင်းဝင်ရောက်နိုင်ခဲ့ကြပါသည်။
ကျေးဇူးတင်ပါသည်။
Nora E. Rowley MD MPH
https://www.facebook.com/nora.rowley.5
ဝါးလုံးရှည် အတီး
ဒီဓာတ်ပုံလေးထဲက ကလေးငယ်တဦး ကတော့ ၁၉၉၄ခုနှစ် အာဖရိကတိုက် ရဝမ်ဒါနိုင်ငံက လူမျိုးတုန်းသတ်ဖြတ်ပွဲကြီးအပြီး အသက်မသေပဲ လွတ်မြောက်ရှင်သန်ရစ်သူများအနက်မှတစ်ဦးပဲ ဖြစ်ပါတယ်။အရှေ့အာဖရိက ဒေသတခုဖြစ်တဲ့ ရဝမ်ဒါ လူမျိုးတုံးသတ်ဖြတ်မှူလို့ဆိုရင် လူတိုင်းကြားဖူးကြမှာဖြစ်ပေမယ့်အသေးစိတ်ကိုတော့ သိသူနည်းပါးလာလိမ့်မယ်။ ဆက်လက်ပြီးတော့ ဒီအကြောင်းနဲ့ပတ်သက်ပြီး အတီး လေ့လာထားသမျှလေးတွေကို တင်ပြပါရစေ။
ရက်ပေါင်း (၁ဝဝ) ကျော်ကြာမြင့်ခဲ့တဲ့ သတ်ဖြတ်မှုကြီးအတွင်းမှာ ဟူတူလူမျိုးစုတွေရဲ့ လက်ချက်ကြောင့် တွတ်စီလူမျိုး ရှစ်သိန်းကျော် (သို့) တစ်သန်းကျော်နဲ့ တွတ်စီတွေကို သနားပြီးဝှက်ပေးခဲ့တဲ့၊ အားနည်းသူတွေဘက်က ရပ်တည်ပေးခဲ့တဲ့ ဟူတူလူမျိုး တစ်သိန်းကျော်ပါ အသတ်ခံခဲ့ရပါတယ်။ ဒီအရေအတွက်ဟာ အဲ့ဒီအချိန်က ရဝမ်ဒါလူဦးရေရဲ့ ၂၀ ရာခိုင်နှုံးရှိနေပါတယ်။ ဤမျှလောက် အရေအတွက် မြင့်မားအောင် သတ်ဖြတ်မှူကြီးအပြီးမှာတော့ ရဝမ်ဒါနိုင်ငံဟာ ယနေ့ထက်တိုင်အောင်ပဲ ပြဿနာပေါင်း များစွာ ရင်ဆိုင်ရကာ ပြည်တွင်းစစ်ရဲ့ အကျိုးဆက်ကို ခံစားနေရပါသေးတယ်။
နောက်ခံသမိုင်းကြောင်း
တကယ်တမ်းမှာတော့ ရဝမ်ဒါနိုင်ငံရဲ့သမိုင်းမှာ ဒီအရေးအခင်းကြီးဟာ ပထမဆုံးအကြိမ်တော့လဲ မဟုတ်ခဲ့ပါဘူး။ ၁၉၅၉ခုနှစ်မှာ ဟူတူလူမျိုး နိုင်ငံရေးသမားတဦးကို တွတ်စီလူမျိုးစုတွေက လုပ်ကြံတယ်ဆိုတဲ့ ကောလဟာလကို အခြေပြုပြီး စတင်ဖြစ်ပွါးခဲ့တဲ့ အဓိကရုန်းအတွင်းမှာလည်း ဘယ်ဂျီယမ် ကွန်မန်ဒိုပျောက်ကျားတပ်တွေ ရောက်ရှိလာပြီး အခြေအနေတွေကို မထိန်းသိမ်းမှီအထိ တွတ်စီလူမျိုး နှစ်သောင်းမှတစ်သိန်းခန့် သုတ်သင်ခံခဲ့ရပြီးနောက် ဒုက္ခသည် ထောင်ပေါင်းများစွာဟာ အိုးပစ်အိမ်ပစ်နဲ့ အနီးအပါးအိမ်နီးချင်းနိုင်ငံတွေကို ပြေးဝင်သွားခဲ့ရပါသေးတယ်။ ၁၉၆၀ခုနှစ်မှာ ဘယ်ဂျီယမ် အစိုးရရဲ့အကူအညီနဲ့ ကျင်းပခဲ့တဲ့ အထွေထွေရွေးကောက်ပွဲအတွင်းမှာတော့ ဟူတူလူမျိုးတွေဟာ တွတ်စီလူမျိုးတွေအပေါ် အနိုင်ယူပြီး နိုင်ငံရေးအရ အသာစီးရသွားပါတော့တယ်။ ဒီအပြောင်းအလဲဟာ ရဝမ်ဒါနိုင်ငံမှာ အုပ်စိုးခဲ့တဲ့ တွတ်စီလူမျိုးဘုရင်စနစ်ကို အဆုံးသတ်သွားစေပါတော့တယ်။ တဖန် ၁၉၆၂ခုနှစ်မှာ အိမ်နီးချင်း နိုင်ငံကတွတ်စီလူမျိုး စစ်ပြေးဒုက္ခသည်တွေနဲ့ ဖွဲ့စည်းထားတဲ့ တွတ်စီဂွါရီလာ အမည်ရလက်နက်ကိုင် အင်အားစုဟာ ဂလဲ့စားချေထိုးစစ် ဆင်နွှဲရာမှ အာဏာရ ဟူတူအစိုးရတပ်များနှင့် တိုက်ပွဲများဖြစ်ပွါးပြီး နောက်ထပ် လူဦးရေ ခုနစ် သောင်းလောက် ထပ်မံ ဆုံးရှုံးရပြန်ပါတော့တယ်။ ဒီလို အမုန်းပွါးမှူတွေရဲ့ စတင်မြစ်ဖျားခံလာရာ အရင်းအမြစ်ကတော့ ကိုလိုနီ အမွေအနှစ်ဆိုးတွေကပဲ ဖြစ်ပါတယ်။
၁၉၁၁ခုနှစ်မှာပဲ ဂျာမဏီကိုလိုနီ တပိုင်းဖြစ်နေတဲ့ ရဝမ်ဒါနိုင်ငံမှာ မြောက်ပိုင်းမှာရှိတဲ့ တွတ်စီတွေရဲ့ ဩဇာကို မခံလိုကြတဲ့ဟူတူလူမျိုးတွေကို တွတ်စီတွေက ရှင်းလင်းနိုင်ရန်အတွက် ဂျာမန်အစိုးရက ခြေထိုးခဲ့ပါသေးတယ်။ ပထမကမ္ဘာစစ် အပြီးမှာတော့ဗာဆိုင်း စာချုပ်အရ ရဝမ်ဒါနိုင်ငံဟာ ဘယ်ဂျီယမ်နိုင်ငံရဲ့ ထိန်းချုပ်မှုအောက်ကို ကျရောက်ခဲ့ပါတော့သည်။ ဘယ်ဂျီယမ် အစိုးရ အုပ်ချုပ်မှုအောက်မှာပဲ ဒီပြဿနာတွေရဲ့ မြစ်ဖျားခံရာ ဖြစ်တဲ့ ဟူတူနဲ့ တွတ်စီတွေကို သီးခြား မှတ်ပုံတင်ထုတ်ပေးခြင်း။ ပညာရေးစနစ်တွင်လည်း ခွဲခြားဆက်ဆံရေးစနစ်တွေကို စတင် ကျင့်သုံးပါလေတော့တယ်။ ကိုလိုနီစနစ် မတိုင်မှီရော၊ ကိုလိုနီကာလ အတွင်းမှာပါ တွတ်စီလူမျိုးစုတွေဟာ လူနည်းစုတွေ ဖြစ်နေပေမဲ့ ပညာတတ်ဦးရေ များပြားပြီး အုပ်ချုပ်ရေးပိုင်းမှာ ဝင်ဆန့်နိုင်ခဲ့ကြပါတယ်။ ဒီကွာခြားမှုတွေဟာ အပြင်ပန်းအားဖြင့်တော့ မထူးခြားလှပေမဲ့ နှစ်ပေါင်းများစွာကြာလာတဲ့ အခါမှာတော့ လူများစုဖြစ်တဲ့ အောက်ခြေက ဟူတူလူမျိုးတွေ အတွက်တော့ ၁၉၉၄ခုနှစ်မှာဖြစ်ပေါ်လာမဲ့ အစုလိုက် အစုလိုက် အပြုံလိုက် သတ်ဖြတ်မှုကြီးရဲ့ စတင် မြစ်ဖျားခံရာ အကြောင်းအရင်းအမှန်ပဲဖြစ်လာပါတယ်။
ဝါဒဖြန့်စစ်ပွဲ
၁၉၉၀ခုနှစ် အစောပိုင်းမှာပဲ ရဝမ်ဒါဘာသာ စကားနဲ့”နိုးထကြလော့”ဟု အဓိပ္ပာယ်ရပြီး “ကန်ဂူရ(Kangura)” ဆိုတဲ့ ဂျာနယ်တစောင်ကို ဟဆန်ဂီဇီ (၂၀၀၃ခုနှစ်တွင် နိုင်ငံတကာ တရားရုံးမှ တသက်တကျွန်းအမိန့်ကျပြီး ယခု မာလီနိုင်ငံ အကျဉ်းထောင်တွင် အပြစ်ဒဏ်ကို ခံစားလျှက်ရှိသူ) ဆိုတဲ့ အစွန်းရောက် ဟူတူအမျိုးသားတစ်ယောက်က စတင်တည်ထောင်ခဲ့ပါတယ်။ အရေးအခင်းကာလ အတွင်းမှာလဲ ကန်ဂူရဂျာနယ်ဟာ ဟူတူတွေအပေါ် လွန်ကဲတဲ့ မျိုးချစ်စိတ်ဓာတ်ပြင်းထန်လာအောင် တိုက်တွန်းပြီး တွတ်စီတွေအပေါ်မှာ သနားကြင်နာဖို့မလိုကြောင်းကို မှန်မှန်တင်ဆက်ပေးနေပါတော့တယ်။ ဒါ့အပြင် ရဝမ်ဒါအစိုးရပိုင် ရေဒီယိုနှစ်ခုဟာ အရေးအခင်းကာလအတွင်း အသံလွှင့်တဲ့နေရာမှာ တွက်စီလူမျိုးတွေဟာ ရဝမ်ဒါနိုင်ငံမှာ၊ ပိုးဟပ်များလို အသုံးမဝင်ဘဲ ဆိုးကျိုးကိုသာ ပေးတာမို့သတ်ဖြတ်ပစ်ဖို့လိုကြောင်း ဝါဒဖြန့်ခဲ့တာ ဖြစ်ပါတယ်။ အဲသလို ရေဒီယိုကနေ လှုံ့ဆော်အပြီး နာရီပိုင်းအတွင်းမှာ တွတ်စီလူမျိုးများ စတင်အသတ်ခံရပါတော့တယ်။ ဖြစ်ပေါ်လာတဲ့ နောက်ဆက်တွဲ ရလဒ်ကတော့ သိပ်ပြီးမကောင်းလှပါဘူး။ ယခုလက်ရှိကာလမှာ ရေဒီယိုအစီအစဉ်နှစ်ခုက တာဝန်ရှိသူတွေဟာ တသက်တကျွန်းပြစ်ဒဏ်ကို ကန်ဂူရဂျာနယ်တိုက်ပိုင်ရှင်နဲ့ အတူခံစားနေရပါတယ်။
သတ်ဖြတ်မှူအတွက် ကြိုတင်ကြံစည်ကြခြင်း
ဟူတူအစွန်းရောက်တွေကို ဟူတူအစိုးရက ပြည်သူ့စစ်များ အဖြစ်လေ့ကျင့်ပေးခဲ့ပါတယ်။ တူစီလူမျိုးစုကို ဖိနှိပ်သတ်ဖြတ်ရာ မှာ အစိုးရစစ်တပ်က တိုက်ရိုက်သတ်တယ်လို့ အဖြစ်မခံလိုတဲ့အတွက် လူမျိုးစုအရပ်သားခြင်းအကြားမှာ ဖြစ်နေတဲ့ သာမန်ပဋိပက္ခအသွင်မျိုး ဖန်တီးလိုတာကလည်းတကြောင်းဖြစ်ပါတယ်။ ဟူတူသမ္မတဖြစ်သူက သူ့အပေါ်မှာ အပြစ်တင်မခံရလေအောင် ကစားခဲ့တာဆိုရင်လည်း မမှားပါဘူး။ အရေးအခင်းကာလ မတိုင်မီလေးမှာပဲ အစိုးရနဲ့နီးစပ်တဲ့ ဟူတူစီးပွါးရေးလုပ်ငန်းရှင် တစ်ယောက်ဟာ တရုတ်နိုင်ငံကနေပြီးတော့ ဓားအလက် ၅၈၁၀၀၀ ကို တင်သွင်းခဲ့ပါတယ်။ ရည်ရွယ်ချက်ကတော့ ဓားတွေဟာ သေနတ်တွေနဲ့စာရင် အဖိုးနှုန်းချိုသာပြီး ထိရောက်စွာကိုင်တွယ်ဖြေရှင်းနိုင်လို့ပါပဲ။
အရေးအခင်းကာလအတွင်း
ဇန်နဝါရီလ ၁၂ရက်နေ့ ၁၉၉၄ခုနှစ်မှာ ဟူတူလူမျိုး လက်ရှိအာဏာရသမ္မတနဲ့ အိမ်နီးချင်းနိုင်ငံဖြစ်တဲ့ ဘူရန်ဒီနိုင်ငံက သမ္မတဖြစ်သူတို့ စီးနင်းလိုက်ပါလာတဲ့ လေယာဉ်ဟာ ရဝမ်ဒါနိုင်ငံအတွင်းရှိ ကီဂါလီမြို့ကို ဆင်းသက်ဖို့ ပြင်ဆင်နေတဲ့ အချိန်မှာပစ်ချခံခဲ့ရပါတယ်။ လုပ်ကြံမှုအတွင်းမှာ သမ္မတ နှစ်ဦးလုံး သေဆုံးခဲ့ရပါတယ်။ အဲဒီနောက်မှာတော့ ဒီလုပ်ကြံမှုဟာ တွတ်စီလူမျိုး သူပုန်တွေရဲ့လက်ချက်ဖြစ်တယ်လို့ ရေဒီယိုကစွပ်စွဲအပြီး နာရီပိုင်းအတွင်းမှာတော့ ရဝမ်ဒါနိုင်ငံ တစ်ဝှမ်းမှာ သတ်ဖြတ်ပွဲကြီး စတင်ပါတော့တယ်။ ဟူတူအစွန်းရောက် ပြည်သူ့စစ်တွေဟာ တွတ်စီလူမျိုးတွေ အပေါ်မှာ ရရာရွှေငွေတွေကိုလုယူ၊ တရုတ်နိုင်ငံက တင်သွင်းလာခဲ့တဲ့ဓားတွေနဲ့ယောကျာ်းတွေကိုအရင်သတ်၊ မိန်းမတွေကို မုဒိန်းကျင့်ပြီး ရက်ရက်စက်စက်ကို သတ်ဖြတ်ပါတော့တယ်။ ထူးခြားချက်ကတော့ ဟူတူအစွန်းရောက်တွေဟာ တွတ်စီတွေအပေါ် သနားပြီးဝှက်ပေးကာ အားနည်းတဲ့ဘက်က ရပ်တည်ပေးခဲ့တဲ့ ဟူတူတစ်သိန်းကျော်ကိုပါ အချင်းချင်း လက်စတုန်းလုပ်ခဲ့ပါသေးတယ်။ ဒါ့အပြင် ကုလသမ္မဂ္ဂ ငြိမ်းချမ်းရေးထိန်းသိမ်းရေး တပ်သား ၁၀ယောက်ပါ အဆစ်ပါသွားပါတော့တယ်။ အဆိုပါအခြေအနေကို ကုလသမ္မဂ္ဂငြိမ်းချမ်းရေးတပ် ခေါင်းဆောင်ဖြစ်သူ ဗိုလ်ချုပ် ရိုမီရိုဒလဲ က သက်ဆိုင်ရာ အထက် အဆင့်ဆင့်ကို အမြန်တင်ပြခဲ့ပေမဲ့ ဘယ်သူကမှ စိတ်ဝင်စားဟန် မပြခဲ့ပါဘူး။
ဘယ်အင်အားကြီးနိုင်ငံတွေကမှ သူတို့စစ်တပ်တွေကို ရဝမ်ဒါကိုလွှတ်ဖို့ စိတ်မဝင်စားခဲ့ပါဘူး။ လက်ရှောင်တဲ့အပိုင်းလည်း ရှိနေတယ်လို့ အစွပ်စွဲခံခဲ့ရပါသေးတယ်။ ဘာဖြစ်လို့တုံး ဆိုတော့ ရဝမ်ဒါ ပြဿနာမတိုင်ခင် လေးလလောက်တုန်းက ဖြစ်ပွားခဲ့တဲ့ ဆိုမာလီယာက အရှုပ်အရှင်းကြောင့် လက်ရှောင်ခဲ့ကြတယ်လို့လဲ ဆိုပါတယ်။ ဆိုမာလီယာမှာ ဖြစ်ခဲ့တဲ့ ပြဿနာက ဘယ်လိုလဲဆိုတော့၊ ကုလသမ္မဂ္ဂငြိမ်းချမ်းရေးတပ်ဖွဲ့ဝင် ပါကစ္စတန်စစ်သားများနဲ့ အမေရိကန်စစ်သားများဟာ ဆိုမာလီယာ သူပုန်များနဲ့ တိုက်ပွဲဖြစ်ရာက သေဆုံးခဲ့ကြရပါတယ်။ အဲသလို ပူပူနွေးနွေး ဖြစ်ထားခဲ့တာကြောင့် အဲသလို အဖြစ်မျိုးကို နိုင်ငံကြီးတွေက ရဝမ်ဒါမှာ ထပ်ပြီးကြုံတွေ့လိုတဲ့ ဆန္ဒမရှိတဲ့အတွက်ကြောင့်လည်း ဖြစ်ပါတယ်။
အဲသလို အခြေအနေမျိုးအောက်မှာ ဗိုလ်ချုပ်ဒလဲက ကုလသမ္မဂ္ဂဌာနချုပ်ကို သူတို့အနေနဲ့ဝင်ရောက်စွက်ဖက်ဖို့လိုကြောင်း အစီရင်ခံပါတယ်။ အဲသလို မစွက်ဖက်ဖူးဆိုရင် နောက်ထပ်လူပေါင်းများစွာ သေကြေနိုင်တယ်လို့လည်း တင်ပြခဲ့ပါတယ်။ ဒါကြောင့် ၃၆နာရီအတွင်း ဝင်ရောက်စွက်ဖက်ဖို့တင်ပြခဲ့ပါတယ်။ သို့သော် ထိုတင်ပြချက်ကို အဲသည်အချိန်က ကုလအထွေထွေအတွင်းရေးမှူးချုပ်ဖြစ်သူ ကိုဖီအာနန်က ပယ်ချခဲ့ပါတယ်။ ဒီလိုဝင်ရောက် စွက်ဖက်တာဟာ ကုလရဲ့ လုပ်ပိုင်ခွင့်ကို ကျော်လွန်နေတယ်လို့လည်း အကြောင်းပြခဲ့ပါတယ်။ အဲသည့်အချိန်မှာ အမေရိကန် သမ္မတဖြစ်တဲ့ ကလင်တန်က အမေရိကန်အစိုးရ အနေနဲ့ အကူအညီမပေးတဲ့အပြင် ကုလသမ္မဂ္ဂငြိမ်းချမ်းရေးတပ်ကို ရဝမ်ဒါကနေ ပြန်ခေါ်ဖို့ ကိုဖီအာနန်ကို ဖိအားပေးခဲ့ပါတယ်။ ဒါကြောင့် ကုလတပ်ကို ရဝမ်ဒါကနေ ပြန်ပြီး ရုပ်သိမ်းခဲ့ ပါတယ်။
အမှန်မှာတော့ ၁၉၄၈ Genocide ဥပဒေအရ အဲသလိုသတ်ဖြတ်နေခြင်းကို ကာကွယ်တားဆီးနိုင်ခွင့် ကုလသမဂ္ဂမှာ တရားဝင် အခွင့်အရေးရှိပါတယ်။ သို့သော်လည်း ကုလသမဂ္ဂအနေနဲ့လည်း ဘယ်လိုနည်းကိုမှအသုံးပြုပြီး တားဆီးခဲ့တာ မရှိခဲ့ပါဘူး။ ဒါကြောင့် သတ်ဖြတ်မှုများ စတင်ခဲ့တဲ့ ပထမနှစ်ပတ် သုံးပတ်အတွင်းမှာတင် လူပေါင်းသိန်းချီပြီး အသတ်ခံခဲ့ရတာ ဖြစ်တယ်လို့ အိုင်အာစီ အဖွဲ့ရဲ့ တွက်ချက်မှုများအရသိရပါတယ်။ အဲဒီအချိန်တုန်းက အမေရိကန်နိုင်ငံက ကလင်တန် အစိုးရဟာလည်း ငြိမ်းချမ်းရေး ထိန်းသိမ်းရေးတပ်တွေကို ပြန်ခေါ်ဖို့ကိုသာ ကုလသမဂ္ဂကို တွင်တွင်ဖိအားပေးနေခဲ့ပါတယ်။ နောက်ပိုင်းမှာ ကလင်တန်ဟာ အဆိုပါလုပ်ရပ်အတွက် ရဝမ်ဒါ ပြည်သူတွေကို တရားဝင် တောင်းပန်ခဲ့ရပါတယ်။ ဒီအဖြစ်အပျက်တွေဟာ တွတ်စီလူမျိုး ကာဂါမီ ဦးဆောင်တဲ့ ရဝမ်ဒါ မျိုးချစ်တပ်ဦးဟာ နိုင်ငံတကာ အကူအညီ ရယူပြီး ရဝမ်ဒါနိုင်ငံရဲ့ အာဏာကို ပြန်လည်ရယူလိုက်တဲ့ ဂျူလိုင်လ နှောင်းပိုင်းမှာမှ အဆုံးသတ်သွားပါတော့တယ်။ ဒါပေမဲ့လဲ အမျိုးသားပြန်လည်ညီညွတ်ရေးအနေဖြင့် တွတ်စီတွေဘက်က ရပ်တည်ခဲ့တဲ့ ဟူတူလူမျိုး ဘီဇီမန်ဂူ ကိုသာ သမ္မတ ရာထူးခန့်အပ်ပြီး ကာဂါမီ ကိုယ်တိုင်ကတော့ ဒုသမ္မတ ရာထူးကို သာ ရယူခဲ့ပါတယ်။
အရေးအခင်းကာလ အပြီး ဆိုးကျိုးရလဒ်များ
၁၉၉၄ခုနှစ် အစုလိုက်အပြုံလိုက် သတ်ဖြတ်မှု အပြီးမှာတော့ သတ်ဖြတ်မှုတွက် အဓိကတာဝန်ရှိသူတွေကို နိုင်ငံတကာတရားရုံးမှ တရားစွဲဆိုခဲ့ရာမှာ လက်ရှိ တရားရင်ဆိုင်ဆဲ ၁မှု၊ အယူခံဝင်ဆဲ ၁၇မှု၊ ဆိုင်းငံ့နှင့် အကျယ်ချုပ် ၁၀မှု၊ အမိန့်ချမှတ်ပြီး ၃၃မှုနဲ့ ရဝမ်ဒါပြည်တွင်း တရားရုံးကို လွှဲပြောင်းပေးအပ်ခဲ့တာကတော့ ၁၀မှုပဲဖြစ်ပါတယ်။ ဒီအထဲမှာ မီဒီယာ သမားသုံးယောက်လဲ ပါဝင်ပါတယ်။ ပြစ်ဒဏ်ကျခံပြီး သူများထဲမှ ၁၁ယောက်ကတော့ ရက်စေ့လို့ လွတ်မြောက်သွားပြီဖြစ်ပြီး ၃ယောက်ကတော့ ထောင်တွင်းမှာပဲ ကွယ်လွန်သွားခဲ့ပြီး ဖြစ်ပါသည်။
စီးပွါးရေး
ဒီလူမျိုးတုန်း သတ်ဖြတ်မှုကြီး အပြီးမှာတော့ ကော်ဖီနဲ့လက်ဖက်ခြောက်သာ အဓိကတင်ပို့နေရပြီး ကွန်ဂိုနဲ့တန်ဇီးနီးယားတို့လို နိုင်ငံကြီးတွေကြားမှာ ညပ်နေတဲ့ အာဖရိက ကုန်းတွင်းပိတ် နိုင်ငံငယ်လေးဟာ ဒီနေ့အထိ ဘယ်လိုမှနာလန်မထူနိုင်အောင် ဖြစ်နေရပါတယ်။ ၇၀ရာခိုင်နှုန်းသောရဝမ်ဒါနိုင်ငံက အိမ်ထောင်စုတွေဟာ မိန်းမတွေက ဦးဆောင်နေရပြီး အကြောင်းရင်းကတော့ သူတို့ရဲ့ ယောကျာ်းတွေဟာ သတ်ဖြတ်မှုအတွင်းမှာ သေဆုံးသွားခဲ့လို့ပါပဲ။
လူမှူရေး
ဒီအရေးအခင်းကြီး အပြီးမှာတော့ ရဝမ်ဒါလူထုဟာရုပ်ပိုင်းအပြင် စိတ်ပိုင်းဆိုင်ရာလူမှုဒုက္ခတွေကို ယနေ့တိုင်ခံစားနေရဆဲပါ။ အရေးအခင်းကာလအတွင်းမှာ မုဒိန်းကျင့်ခံရတဲ့ အမျိုးသမီးတွေ အပါအဝင် ရဝမ်ဒါနိုင်ငံဟာ အာဖရိကမှာ အေအိုင်ဒီအက်စ်ရောဂါပိုး အများဆုံးတွေ့ရှိရတဲ့နိုင်ငံတွေထဲမှာ တစ်ခုအပါအဝင်ဖြစ်နေပါတယ်။ အသက်မသေပဲ လွတ်မြောက်လာတဲ့ကလေးငယ်တယောက်ဆိုရင် အစာကိုလိုသည်ထက်လွန်ကဲစွာ စားသုံးတတ်တဲ့စိတ်ရောဂါ စွဲကပ်နေပါတယ်။ အကြောင်းကတော့ သူမိဘတွေရှိစဉ်က အစာကျွေးတာကို ငြင်းပယ်ပြီး နာရီပိုင်းအတွင်းမှာပဲ မိဘနှစ်ပါးလုံးဟာသတ်ဖြတ်ခံခဲ့ရပြီးတော့ ကလေးငယ်ဟာ ကံကောင်းစွာနဲ့လွတ်မြောက်လာခဲ့ပြီး ဒီစိတ်ရောဂါဟာ တသက်လုံးစွဲကပ်ခံနေရပါတော့တယ်။
Genocide ဆိုတာ
ဂျီနိုဆိုက်ဒ်သည် လူမျိုးတုန်းရာဇဝတ်မှုများ၏ အစိတ်အပိုင်းဖြစ်ပြီး စစ်ကာလအတွက်သာမက စစ်မဖြစ်သည့်ကာလအတွက်လည်း အကျုံးဝင်သည်။ ကျူးလွန်သည့် နိုင်ငံများတွင် လူ့အသက်ကို တန်ဖိုးမထားသည့် သဘောထား ဓလေ့ထုံးတမ်းများ ပျံ့နှံ့နေပြီး အာဏာရှင်ဘက်တော်သားတို့က ကျန်နိုင်ငံသားတို့အား ဘာသာကွဲဒိဋ္ဌိများ၊ အရိုင်းအစိုင်းများ၊ ဥပဒေဘောင် ပြင်ပကလူများ၊ အောက်တန်းစားလူမျိုးများ၊ ခွဲထွက်ရေးသမားများ၊ သောင်းကျန်းသူအဖျက်သမားများ၊ မင်းမဲ့ဝါဒီများ၊ အကြမ်းဖက်သမားများ၊ နယ်ချဲ့လက်ပါးစေများ၊ ပုဆိန်ရိုးများ၊ လူတန်းစားရန်သူများ၊ တန်ပြန်တော်လှန်ရေးသမားများ စသည်ဖြင့် တံဆိပ်အမျိုးမျိုးကပ်ပြီး ဂျီနိုဆိုက်ဒ်ကို အများနဲ့မတူသည့်နေရာသို့ရောက်အောင်။ ကွဲပြားစေရန်ကြိုတင်လုပ်ဆောင်လေ့ရှိကြသည်။ ကိုယ့်အတွက်ကိုမူ မြင့်မြတ်သောတာဝန်ထမ်းဆောင်နေသူများ၊ မြင့်မြတ်သောလူမျိုးများ၊ အမျိုးဘာသာသာသနာသန့်ရှင်းတည်တံ့ရေးကို စောင့်ထိန်းသူများ၊ တိုင်းပြည်ကို အဓိကစောင့်ရှောက်နေရသူများ၊ နိုင်ငံအတွက် အဓိကအနစ်နာခံနေသူများ၊ အမျိုးသားနိုင်ငံရေးသမားများ၊ စစ်မှန်သည့် တော်လှန်ရေးသမားများ စသည်ဖြင့် မိမိတို့ကိုယ်မိမိ သတ်မှတ်ကြသည်။ အထူးသဖြင့်၊ အမျိုးသား၊ မျိုးချစ်၊ ဝံသာနု၊ စည်းလုံးညီညွတ်ရေးဟူသော စကားလုံးများကို အသုံးပြုကာ မျိုးချစ်စိတ်ဓာတ်ကို ပိုမိုပြင်းထန်အောင်ပြုလုပ်ကာ မီဒီယာများမှတဆင့်တွန်းပို့လေ့ရှိကြသည်။ ကုလသမဂ္ဂက ၁၉၄၈ ခုတွင် ဂျီနိုဆိုက်ဒ် ကွန်ဗင်းရှင်း စာချုပ်ကို အသေအချာ ရေးဆွဲပြဋ္ဌာန်းခဲ့ရာ ၁၉၅၁ ခုမှာ စတင်အသက်ဝင်ခဲ့ပြီး ယခုအခါ မြန်မာအပါအဝင် ကမ္ဘာ့နိုင်ငံ ၁၃ဝ ကျော်က လက်ခံအတည်ပြုထားသည်။ ဤသဘောတူစာချုပ် ပုဒ်မ ၂ တွင် ဂျီနိုဆိုက်ဒ်ကို ယခုလို အဓိပ္ပာယ်ဖွင့်ထားသည်။
“နိုင်ငံလုံးဆိုင်ရာ လူအုပ်စု သို့မဟုတ် တိုင်းရင်းသားလူမျိုးဆိုင်ရာ လူအုပ်စု သို့မဟုတ် ဘာသာရေးဆိုင်ရာ လူအုပ်စုတခုကို တခုလုံးသော်လည်းကောင်း၊ တစိတ်တပိုင်းသော်လည်းကောင်း ဖျက်ဆီးပစ်ရန် ရည်ရွယ် ချက်ဖြင့် အောက်ပါလုပ်ရပ်များကို ကျူးလွန်ခြင်း။
(က) ယင်းလူအုပ်စု အဖွဲ့ဝင်များကို သတ်ဖြတ်ခြင်း၊
(ခ) ယင်းလူအုပ်စု အဖွဲ့ဝင်များကို ရုပ်ခန္ဓာပိုင်းအရ သော်လည်းကောင်း၊ စိတ်ပိုင်းအရ သော်လည်းကောင်း ဆိုးဆိုးဝါးဝါး ထိခိုက်နစ်နာစေခြင်း၊
(ဂ) တစ်ခုလုံးအရ သို့မဟုတ် တစ်စိတ်တစ်ပိုင်းအရ ရုပ်ပိုင်းဆိုင်ရာ ပျက်စီးမှုဖြစ်စေရန် အသေအချာ စီစဉ် ထားသည့် ဘဝအခြေအနေများကို ယင်းလူအုပ်စုအပေါ်၌ သက်ရောက်စေခြင်း၊
(ဃ) ယင်းလူအုပ်စုအတွင်း ကလေးမွေးဖွားမှုများကို တားမြစ်ရန် ရည်ရွယ်သည့် အစီအမံများ ချမှတ်ခြင်း၊
(င) ယင်းလူ အုပ်စုမှ ကလေးသူငယ်များကို အခြားလူစုသို့ အတင်းအဓမ္မ ရွှေ့ပြောင်းပစ်ခြင်း။”
၁၉၉၄ ခု ရဝမ်ဒါနိုင်ငံဆိုင်ရာ အပြည်ပြည်ဆိုင်ရာ ခုံရုံးက ဂျီနိုဆိုက်ဒ်ကို ယခုလို ထပ်မံချဲ့ထွင်၍ အဓိပ္ပာယ် ဖွင့်ဆိုခဲ့သည်။
“လူအုပ်စုတခုကို မသေရုံတမယ် မဝရေစာ ကျွေးထားခြင်း၊ နေအိမ်များမှ စနစ်တကျ မောင်းထုတ်ခြင်း၊ ကျန်းမာရေး စောင့်ရှောက်မှုကို အနိမ့်ဆုံးလိုအပ်ချက်ထက် နှိမ့်ချပစ်ခြင်း၊ ယင်းလူအုပ်စုကို တခုလုံးအရ သို့မဟုတ် တစိတ်တပိုင်းအရ ဖျက်ဆီးပစ်ရန် အထူးရည်ရွယ်ချက်ဖြင့် မုဒိမ်းမှု၊ လိင်ကိစ္စ အကြမ်းဖက်မှု ကျူးလွန်ခြင်း။”
ဟူ၍ဖြစ်လေသည်။
ဂျီနိုဆိုက် ကျူးလွန်သည့် အဆိုးဆုံးအာဏာရှင်တို့ကို ပြင်ပမှအင်အားသုံးသည့်နည်းဖြင့်သာ နိဂုံးချုပ်စေနိုင်ခဲ့သည်ကို တွေ့ရသည်။ ကမ္ဘောဒီးယား၊ ရဝမ်ဒါ၊ အရှေ့တိမော၊ ဘော့စ်နီးယား- ဟာဇီဂိုဗီးနား၊ ကိုဆိုဗို၊ လိုင်ဘေးရီးယား၊ ဆီယာရာလီယွန်း၊ ဟေတီ၊ ပနားမား၊ အီရတ်၊ အာဖဂန်နစ္စတန် စသည့် ဥပမာများ အထင်အရှားရှိနေသည်။ မည်သူမျှ ငြင်းမရနိုင်သည့် သက်သေ သာဓကများဖြစ်သည်။သတိချပ်စရာပင်ဖြစ်သည်။
ကဲ ဒီနေ့တော့ သုံးသပ်တင်ပြမှုကို ဒီလောက်နဲ့ပဲရပ်နားပါရစေ။ ရဝမ်ဒါဖြစ်စဉ်များကို အသေးစိတ်ဆက်လက်လေ့လာချင်သူများကတော့ “ဟိုတယ်ရဝမ်ဒါ” ဆိုတဲ့ တကယ့်အဖြစ်အပျက်ကို အခြေခံပြီးရိုက်ကူးထားတဲ့ ရုပ်ရှင်ကို ယူကျူ့ပေါ်မှာ သွားရောက်ကြည့်ရှူဖို့တိုက်တွန်းလိုက်ပါရစေ။
Rwanda Genocide documentary Part I
Rwanda Genocide documentary Part II
Rwanda Genocide documentary Part III
Rwanda Genocide documentary Part IV
Rwanda Genocide documentary Part V
Rwanda Genocide documentary Part VI
Rwanda Genocide documentary Part VII
Rwanda Genocide documentary Part VIII
Hotel Rwanda
ဝါးလုံးရှည် အတီး ရဲ့ Facebook စာမျက်နှာမှ ကူးယူဖော်ပြပါသည်။
ဝါးလုံးရှည်အတီး၏ ခွင့်ပြုချက်ဖြင့် စာလုံးပေါင်းသတ်ပုံအပါအဝင် အနည်းငယ် ပြင်ဆင်မှုရှိပါသည်။