မတ် ၁၄၊ ၂၀၁၇
M-Media
– ဂျာမနီဝန်ကြီးချုပ် အိန်ဂျလာမာကဲလ်မှာ အကြမ်းဖက်သမားများကို ထောက်ပံ့ပေးနေသည်ဟု တူရကီဝန်ကြီးချုပ် အာဒိုဂန်က စွပ်စွဲပြောဆိုလိုက်ပြီး ဥရောပခေါင်းဆောင်များအပေါ် တူရကီ၏ ပုတ်ခတ်ပြောဆိုမှုများတွင် နောက်ဆုံးပေါ်ထွက်လာခြင်းလည်းဖြစ်သည်။
ယမန်နေ့က တူရကီရုပ်သံလိုင်း A Haber TV နှင့်အင်တာဗျူးတွင် အာဒိုဂန်က ထိုကဲ့သို့ ပြောကြားလိုက်ခြင်းဖြစ်ပြီး၊ အကြမ်းဖက်သံသယရှိသူ ၄၅၀၀ နှင့်ပတ်သက်၍ တူရကီက အချက်အလက်များ ပေးပို့ထားမှုကို ဂျာမနီမှ တုန့်ပြန်ခြင်းမရှိဘဲ အကြမ်းဖက်သမားများကို ၀ှက်ထားသည်ဟုလည်း ဆိုသည်။
“မစ္စစ် မာကဲလ် ဘာ့ကြောင့် အကြမ်းဖက်သမားတွေကို ခင်ဗျားရဲ့ တိုင်းပြည်ထဲမှာ ၀ှက်ထားတာလဲ။ ဘာ့ကြောင့် ဘာမှ မလုပ်တာလဲ။ မစ္စစ် မာကဲလ် ခင်ဗျားဟာ အကြမ်းဖက်သမားတွေကို ပံ့ပိုးပေးနေတာပဲ” ဟု အာဒိုဂန်က ပြောကြားခဲ့သည်။
မာကဲလ်၏ ပြောရေးဆိုခွင့်ရှိသူ စတက်ဖင် စီဘာ့တ်က ၀န်ကြီးချုပ်အနေဖြင့် ရန်စမှုကစားပွဲတွင် ပါဝင်လိုစိတ်မရှိဟု ပြန်လည် တုန့်ပြန်ခဲ့သည်။
အာဒိုဂန်အား အာဏာပိုရစေမည့် ဖွဲ့စည်းပုံအခြေခံဥပဒေ ပြင်ဆင်မှုအား ထောက်ခံသော ချီတက်လမ်းလျှောက်မှုများ ၎င်းတို့၏မြေတွင် ပြုလုပ်ရန် ဥရောပအစိုးရများက ငြင်းဆန်ခဲ့ပြီးနောက် တူရကီခေါင်းဆောင်များမှာ ဥရောပ ခေါင်းဆောင်များအပေါ် ဝေဖန်ပုတ်ခတ်မှုများကို ဆက်တိုက်ပြုလုပ်လာခဲ့သည်။
ထိုချီတက်လမ်းလျှောက်မှုကို ပိတ်ပင်ကာ၊ တူရကီနိုင်ငံခြားရေးဝန်ကြီးကို ပြည်ဝင်ခွင့်မပေးခဲ့သည့် နယ်သာလန်ကို အာဒိုဂန်က နာဇီကဲ့သို့ ပြုမူဆောင်ရွက်နေသည်ဟု ပြီးခဲ့သည့် ရက်ပိုင်းက ၂ ကြိမ်တိုင်တိုင် ပြောကြားခဲ့သည်။ တို့ပြင် နယ်သာလန်နှင့် အဆင့်မြင့်သံတမန်ဆက်ဆံရေးကို ရပ်တန့်မည်ဟုလည်း ကြေငြာခဲ့သည်။
ဒုတိယ၀န်ကြီးချုပ် နူမန် အာတူလ်မက်စ်က တူရကီကမ်းခြေများမှ ဥရောပသို့ ပြောင်းရွှေ့အခြေချသူများ စီးဆင်းမှု ရပ်တန့်ရေး ဥရောပနှင့် သဘောတူထားမှုကို မိမိတို့က ပြန်လည်သုံးသပ်သွားမည်ဟု ပြောကြားခဲ့သည်။
Ref: Aljazeera
