Tag: health

စက်တင်ဘာ ၄၊ ၂၀၁၅
M-Media

– တစ်နေ့တာအတွင်း နာရီများစွာ အင်တာနက်သုံးခြင်း၊ ရုပ်ရှင်ကြည့်ခြင်းနှင့် ကွန်ပျူတာဂိမ်းကစားသည့် ဆယ်ကျော်သက်များမှာ ထိုကဲ့သို့ မပြုလုပ်သူများထက် ပညာရေးအဆင့် ပို၍လျော့ကျသည့် အန္တရာယ် ရှိသည်ဟု ဗြိတိန်သိပ္ပံပညာရှင်များ၏ သုတေသနပြုမှုအရ သိရသည်။

အသက် ၁၄ နှစ်နှင့် ၁၅ နှစ်အရွယ်ရှိသော ဆယ်ကျော်သက် ၈၀၀ ကျော်ကို ကမ်းဘရစ်ခ်ျတက္ကသိုလ်မှ သုတေသနပြုခဲ့ခြင်းဖြစ်ပြီး ရုပ်ပိုင်းဆိုင်ရာဖြင့် အားအင်အသုံးပြု၍ ပြုလုပ်ရသော လှုပ်ရှားမှုများမှာ ဆယ်ကျော်သက်များ၏ ပညာရေးစွမ်းဆောင်ရေအား မထိခိုက်ဟု ဆိုသည်။

အဆိုပါစမ်းသပ်မှုအတွင်း သုတေသနပညာရှင်များမှာ ကျောင်းသားများကို စောင့်ကြည့်ခဲ့ကာ ၎င်းတို့၏ အပြုအမူများက ပညာရေးစွမ်းဆောင်အပေါ် မည်ကဲ့သို့ သက်ရောက်မှုရှိသည်ကို လေ့လာခဲ့ကြပြီး ကွန်ပျူတာ၊ တီဗီစခရင်များရှေ့အတွင် အချိန်များစွာ ကုန်ခြင်းက ပညာရေးအောင်မြင်မှုကို လျော့ကျစေနိုင်သည်ဟု ကောက်ချက်ချခြင်းမှာ ကျိုးကြောင်းသင့်လျော်သည်ဟု ဆုံးဖြတ်ခဲ့ကြသည်။

ထိုလေ့လာမှုမှ တွေ့ရှိချက်ကို နိုင်ငံတကာထုတ် Behavioral Nutrition and Physical Activity ဂျာနယ်တွင် ဖော်ပြခဲ့ပြီး၊ တစ်နေ့တာအတွက် ကွန်ပျူတာနှင် တီဗီစခရင်များရှေ့တွင် ကုန်သင့်သော ပျမ်းမျှအချိန်မှာ ၄ နာရီသာဖြစ်သည်ဟု ဆိုသည်။

အသက် ၁၄ နှစ်ခွဲ ဆယ်ကျော်သက်များအနေဖြင့် ထိုထက် တစ်နာရီပို၍ တီဗီ သို့မဟုတ် အွန်လိုင်းရှေ့တွင် အချိန်ကုန်ခြင်းကြောင့် စာမမေးပွဲအမှတ်များတွင် ထိခိုက်လေ့ရှိပြီး၊ အသက် ၁၆ နှစ်အရွယ် လူငယ်များမှာမူ အဆင့် ၂ ဆင့်အထိ ကျသွားသည်ကို တွေ့ရသည်။ ထို့ပြင် ၂ နာရီပိုပါက ပို၍ အမှတ်များ လျော့ကျလေ့ရှိသည်။

သိပ္ပံပညာရှင်များကမူ ထိုအကျိုးသက်ရောက်မှုကို အပြည့်အ၀အတည်ပြုရန် လိုအပ်သည်ဟု ပြောကြားခဲ့ပြီး မိဘများအနေဖြင့် ၎င်းတို့၏ ကလေးများအား ကွန်ပျူတာနှင့် တီဗီစခရင်ရှေ့တွင် အချိန်ကုန်ဆုံးချိန်ကို ကန့်သတ်ရန် အကြံပြုခဲ့သည်။

Ref: Channelnewsasia

သြဂုတ် ၂၈၊ ၂၀၁၅
M-Media

– ကမ္ဘာပေါ်ရှိ ပြည်သူများ၏ မျှော်မှန်းသက်တမ်းမှာ တိုးလာသော်လည်း ရောဂါဘယဖြစ်နေသော အခြေအနေတွင် နေရသည့်အချိန်မှာ ပိုမိုရှည်ကြာလာသည်ဟု နိုင်ငံပေါင်း ၁၈၈ နိုင်ငံရှိ အဓိကရောဂါများနှင့် ထိခိုက်ဒဏ်ရာရရှိမှုများအားလုံးကို လေ့လာမှုများအရ သိရသည်။

ယေဘူယျ ကျန်းမာရေးစောင့်ရှောက်မှုမှာ ကမ္ဘာတစ်ဝှမ်းတွင် တိုးတက်လာခဲ့ပြီး HIV/AIDSနှင့် ငှက်ဖျားတို့ကဲ့သို့ ကူးစက်တတ်သည့် ရောဂါများနှင့်ပတ်သက်၍ ပြီးခဲ့သည့် ဆယ်စုနှစ်တွင် သိသာသော တိုးတက်မှုများ ရရှိခြင်းနှင့် ကိုယ်ဝန်ဆောင်ချိန် ရောဂါဖြစ်မှုနှင့် ကလေးငယ်များ ရောဂါဖြစ်မှုတို့ကို တွန်းလှန်ရာတွင် အောင်မြင်မှုရရှိခြင်းတို့ကြောင့်ဖြစ်သည်။

သို့သော်လည်း ရောဂါဘယကင်းစင်သည့် မျှော်မှန်းသက်တမ်းမှာ များများစားစား တိုးလာခြင်းမရှိဘဲ၊ လူအများစုမှာ ကျန်းမာရေးမကောင်းသည့် အခြေအနေနှင့် မသန်စွမ်းသည့် အခြေအနေမျိုးတွင် နှစ်ပေါင်းများစွာ အသက်ရှင်ရသည်ဟု The Lancet ဂျာနယ်တွင် ဖော်ပြထားသည့် အဆိုပါ လေ့လာမှုက ဆိုသည်။

ထိုလေ့လာမှုအရ ကမ္ဘာလုံးဆိုင်ရာ မျှော်မှန်းသက်တမ်းမှာ ကျား၊ မ နှစ်ဦးစလုံးအတွက် ၆.၂ နှစ် တိုးလာခဲ့ပြီး ၁၉၉၀ တွင် ၆၅.၃ နှစ် ရှိခဲ့ရာမှ ၂၀၁၃ ခုနှစ်တွင် ၇၁.၅ နှစ် ရှိခဲ့သည်။ ရောဂါဘယကင်းစင်ပြီး ကျန်းမာစွာ နေထိုင်နိုင်သည့် မျှော်မှန်းသက်တမ်းမှာလည်း ၅.၄ နှစ် တိုးလာခဲ့ကာ ၁၉၉၀ တွင် ၅၆.၉ နှစ် ရှိခဲ့ရာမှ ၂၀၁၃ ခုနှစ်တွင် ၆၂.၃ နှစ် ရှိလာခဲ့သည်။

ကျန်းမာစွာ နေထိုင်နိုင်သည့် မျှော်မှန်းသက်တမ်းတွင် သေဆုံးခြင်း၊ နှလုံးရောဂါ၊ အဆုတ်ရောဂါ၊ ဆီးချိုးနှင့် ဆိုးရွားသော ထိခိုက်ဒဏ်ရာများကဲ့သို့ ရောဂါများ၏ ရိုက်ခတ်မှုကို ထည့်တွက်ထားသည်။ အဆိုပါ ရောဂါများမှာ ဘ၀၏အရည်အသွေးကို လျော့ကျစေပြီး ငွေကုန်ကြေးကျများက ၀န်ထုတ်ဝန်ပိုးဖြစ်စေသည့် ရောဂါများဖြစ်သည်။

နိုင်ငံပေါင်း ၁၈၈ နိုင်ငံ၌ လေ့လာရာတွင် ကျန်းမာစွာနေထိုင်နိုင်သည့် မျှော်မှန်းသက်တမ်းမှာ ၁၉၉၀ မှ ၂၀၁၃ အထိ ကာလအတွင်း သိသိသာသာ တိုးတက်လာသော်လည်း ဘဲလီဇီ၊ ဘော့စ်ဝါနာနှင့် ဆီးရီးယားတို့တွင် ခြားနားခြင်း မရှိခဲ့ပေ ။

တောင်အာဖရိက၊ ပါရာဂွေးနှင့် ဘီလာရုစ်နိုင်ငံများအပါအ၀င် အချို့သောနိုင်ငံများတွင် ရောဂါဘယကင်းစင်သည့် မျှော်မှန်းသက်တမ်းမှာ ကျလာခဲ့ပြီး လီဆိုသိုနှင့် နယူးဇီလန်နိုင်ငံများတွင် ၂၀၁၃ ခုနှစ်တွင်မွေးဖွားသူများမှာ လွန်ခဲ့သည့် နှစ် ၂၀ က မွေးဖွားသူများထက် ကျန်းမာသည့် မျှော်မှန်းသက်တမ်းမှာ ၁၀ နှစ်ခန့် လျော့ကျသွားနိုင်သည်ဟု တွေ့ခဲ့ရသည်။

ရောဂါဘယကင်းစင်သည့် မျှော်မှန်းသက်တမ်း အမြင့်ဆုံးနှင့် အနိမ့်ဆုံးနိုင်ငံများအကြား ခြားနားမှုမှာ သိသာနေပြီး နီဂါရာကွာနှင့် ကမ္ဘောဒီးယားနိုင်တို့၏ ၁၉၉၉၀ ကတည်းက စတင်၍ ၁၄.၇ နှင့် ၁၃.၉ နှစ်စီ အသီးသီး တက်လာခဲ့သည်။

Ref: Reuters