ဇွန် ၁၄၊ ၂၀၁၉
M-Media
-အဆိပ်သင့်နေတဲ့ လိုက်ချီးသီးကနေတစ်ဆင့် ဖြစ်ပွားတဲ့ ဦးနှောက်ရောဂါတစ်မျိုးကြောင့် အိန္ဒိယနိုင်ငံမြောက်ပိုင်း ဘီဟာရ်ပြည်နယ်မှာ အနည်းဆုံး ကလေးငယ် ၅၀ သေဆုံးခဲ့တယ်လို့ သိရပါတယ်။
ဦးနှောက်ရောင်ယမ်းတဲ့ ရောဂါ encephalitis syndrome ကြောင့်သေဆုံးတာဖြစ်ပြီး စုစုပေါင်း ၄၇ ဦး ရှိပြီလို့ ဘီဟာပြည်နယ် အစိုးရက သတင်းထုတ်ပြန်ပါတယ်။ အခုနှစ်ဇန်နဝါရီလကနေစလို့ ဒီရောဂါဖြစ်ပွားတဲ့ ဦးရေဟာ ၁၇၉ ဦးရှိနေပြီး၊ သေဆုံးမှုကတော့ ပြီးခဲ့တဲ့သီတင်းပတ် အနည်းငယ်ကမှ ဖြစ်တာလို့ မူဇက်ဖာရ်ပူးမြို့မှာရှိတဲ့ ဆေးရုံ ၂ ခုက ထုတ်ပြန်ထားပါတယ်။
၂၀၁၃ ခုနှစ်ကလည်း encephalitis syndrome ရောဂါကြောင့် အိန္ဒိယနိုင်ငံမြောက်ပိုင်း အူတာပရာဒက်ရ်ှပြည်နယ်မှာ အနည်းဆုံး ၃၅၁ ဦး သေဆုံးခဲ့ပါတယ်။ ပြည်နယ်အစိုးရ ကျန်းမာရေးဆိုင်ရာ တာဝန်ရှိသူ ဆန်ဂျေးကူးမားရ်က အခုနှစ်အတွင်း သေဆုံးမှုအရေအတွက်ဟာ မြင့်တက်လာတယ်လို့ ပြောကြားခဲ့ပါတယ်။
ကလေးငယ်တွေ ဒီလိုသေဆုံးရတာဟာ ဟိုက်ပိုဂလိုက်ဆီးမီးယား (hypoglycemia) လို့ခေါ်တဲ့ သွေးတွင်း သကြားဓာတ်နည်းမှုကြောင့်ဖြစ်ပြီး နိုင်ငံမြောက်ပိုင်းမှာ ကျယ်ကျယ်ပြန့်ပြန့် စိုက်ပျိုးတဲ့ လိုက်ချီးသီးနဲ့ ဆက်နွယ်နေတယ်လို့ အိန္ဒိယ ကျန်းမာရေးအာဏာပိုင်တွေက ထုတ်ပြန်ထားပါတယ်။
အဲဒီလိုက်ချီးသီးတွေမှာ အဆိပ်သင့်မှုတစ်ခုရှိပြီး စားလိုက်တဲ့အခါ အသည်းမှာ အဆိပ်က သွာစုကြောင်း၊ အပူအချိန်မြင့်တက်လာတဲ့အခါမှာ အဆိပ်က အသည်းကနေထွက်ကာ ပြန့်နှံတာကြောင့် ဦးနှောက်ရောင်ယမ်းကာ သေဆုံးရတာဖြစ်ကြောင်း နိုင်ငံတကာကျွမ်းကျင်သူတွေက
လေ့လာဆန်းစစ် ထုတ်ပြန်ထားပါတယ်။
အိန္ဒိယနိုင်ငံမြောက်ပိုင်းက လိုက်ချီးသီး စိုက်ပျိုးကြတဲ့ ကျေးရွာတွေမှာ မိဘတွေဟာ ကလေးငယ်တွေကို ထမင်းအစား လိုက်ချီးသီးတွေကို ကျွေးတာကြောင့် ဒီလို ဘေးထွက်ဆိုးကျိုးတွေ ခံစားရတာဖြစ်တယ်လို့ ကူးမားရ်က ထည့်သွင်း ပြောကြားခဲ့ပါတယ်။
encephalitis syndrome ရောဂါကြောင့် ဦးနှောက်ရောင်ယမ်းတာ၊ ဖျားနာတာ၊ ကယောကယမ်းဖြစ်တာတွေ ဖြစ်ပွားတတ်ပြီး နောက်ဆုံးမှာ မေ့မြောက သေဆုံးတဲ့အထိ ဖြစ်တတ်ပါတယ်။ ရာသီဥတုပူပြင်းတာ၊ အဟာရချို့တဲ့တာနဲ့ စိုစွတ်တာတွေကာ ရောဂါဖြစ်ပွားမှုကို အထောက်အပံ့ဖြစ်စေတဲ့ အကြောင်းအရင်းတွေဖြစ်ပါတယ်။
Ref: CNN
