Tag: India

ဇူလိုင် ၂၇၊ ၂၀၁၈
M-Media

– အိန္ဒိယနိုင်ငံမြို့တော် နယူးဒေလီမှာ ငတ်မွတ်ခေါင်းပါးမှုကြောင့် ကလေးငယ် ၃ ဦး သေဆုံးခဲ့တယ်လို့ အာဏာပိုင်တွေက အတည်ပြုပြောကြားလိုက်ပြီး ဒီသတင်းအတွက် အိန္ဒိယပြည်သူတွေက တုန်လှုပ်နေကြပါတယ်။

သေဆုံးသွားသူတွေဟာ အသက် ၈ နှစ်အရွယ်၊ မန်ဆီ၊ အသက် ၄ နှစ်အရွယ် ရှီခါနဲ့ အသက် ၂ နှစ်အရွယ် ပါရူလို့ဖြစ်ကြပြီး အဟာရမပြည့်ဝမှု၊ ငတ်မွတ်မှုတွေကြောင့် သေဆုံးကြောင်း နယူးဒေလီဆေးရုံက အင်္ဂါနေ့မှာ ထုတ်ပြန်ခဲ့ပါတယ်။

ဒီသတင်းကို မယုံကြည်တဲ့အတွက် အာဏာပိုင်တွေက အလောင်းတွေကို ဒုတိယအကြိမ် ခွဲစိပ်စစ်ဆေးခဲ့ကာ ထပ်မံအတည်ပြုခဲ့ပါတယ်။

ရဲတပ်ဖွဲ့ကတော့ ကလေးငယ်တွေရဲ့ ဖခင်ဟာ ပျောက်ဆုံးနေပြီး၊ အသက်၂၉ နှစ်အရွယ် မိခင်ကလည်း စိတ်ဝေဒနာရှင်ဖြစ်တာကြောင့် ကလေးတွေဟာ ပစ်ထားခံခဲ့ရတယ်လို့ ပြောကြားခဲ့ပါတယ်။

နယူးဒေလီ Lal Bahadur Shastri ဆေးရုံက ဆရာဝန် ဒေါက်တာ အမီတာရ် ဆာဇီနာက အလောင်းခွဲစိပ်စစ်ဆေးမှုတွေအရ ကလေးတွေရဲ့ အစာအိမ်၊ သည်းခြေနဲ့ အူတွေဟာ ဟောင်းလောင်းဖြစ်နေတာကို တွေ့ရပြီး လွန်ခဲ့တဲ့ ၈ ရက်ကနေ ၉ ရက်အတွင်း ဘာမှ မစားခဲ့ရဘူးလို့ ကောက်ချက်ချလို့ရကြောင်း ပြောကြားခဲ့ပါတယ်။

နိုင်ငံအနောက်ပိုင်း ရာဂျက်စတန်ပြည်နယ်က အလုပ်သမားအဖွဲ့အစည်းတစ်ခုရဲ့ ခေါင်းဆောင်ဖြစ်တဲ့ မဇ်ဒူရ် ကီဆန် ရှက္ကတီ ဆာဂါသမ်က ဒီလို အဟာရပြတ်လပ် သေဆုံးမှုဟာ အိန္ဒိယနိုင်ငံတစ်ဝှမ်းက ရွာတော်တော်များများမှာ အမြဲလိုလို ဖြစ်ပွားနေပြီး အခု ဒေလီအဖြစ်အပျက်မှ လူတွေ အာရုံစိုက်လာတာဖြစ်တယ်လို့ ပြောကြားခဲ့ပါတယ်။

၂၀၁၁ ခုနှစ် အိန္ဒိယအစိုးရရဲ့ အချက်အလက်တွေအရ နိုင်ငံတစ်ဝှမ်း လူပေါင်း ၆၅ သန်းလောက်ဟာ ကျူးကျော်ရပ်ကွက်တွေမှာ မီးမရှိ၊ ရေမရှိ ချို့တဲ့စွာနေထိုင်နေရတယ်လို့ ဆိုပါတယ်။ နိုင်ငံရဲ့ အဆင်းရဲဆုံးပြည်နယ်ထဲက တစ်ခုဖြစ်တဲ့ ဂျာ့ခ်ဟန်းမှာလည်း အဟာရပြတ်လပ် သေဆုံးမှု တော်တော်များများဖြစ်ပွားခဲ့တယ်လို့ အခုနှစ်အတွင်း သတင်းတွေ ထွက်ခဲ့ပါတယ်။

Ref: Aljazeera

ဇူလိုင် ၂၆၊ ၂၀၁၈
M-Media

– အိန္ဒိယနိုင်ငံ အနောက်ပိုင်း မဟာရက်ရ်ှထရာပြည်နယ်မှာ အလုပ်အကိုင်၊ အစိုးရရာထူးနဲ့ ပညာရေးတွေမှာ ခွဲတမ်းရရေး မာရာသာ လူနည်းစုတွေဟာ အခုတစ်ပတ်အစောပိုင်းမှာ ဆန္ဒပြခဲ့ပြီး ရဲတပ်ဖွဲ့နဲ့ ထိပ်တိုက်တွေ့ဆုံမှုတွေရှိခဲ့ပါတယ်။

ပြည်နယ်လူဦးရေ သန်းပေါင်း ၁၁၀ မှာ မာရာသာလူမျိုးတွေက ၃၀ ရာခိုင်နှုန်းရှိနေပြီး အခြားသော လူမျိုးစုတွေနည်းတူ အလုပ်အကိုင်၊ အစိုးရရာထူးနဲ့ ပညာရေးတွေမှာ ခွဲတမ်းလိုချင်နေတာ ဖြစ်ပါတယ်။

ရဲတပ်ဖွဲ့ကတော့ ဆန္ဒပြမှုအတွင်း မီးတုတ်နဲ့ပစ်တာတွေ၊ ခဲနဲ့ပစ်တာတွေ ရှိခဲ့ပြီး ၄၄၇ ဦးကို မနေ့က ဖမ်းဆီးထိန်းသိမ်းခဲ့တယ်လို့ ပြောကြားခဲ့ပါတယ်။

ပြည်နယ်မြို့တော် သာနီမှာ တနင်္လာနေ့ကစတင်ခဲ့တဲ့ ဆန္ဒပြမှုဟာ နောက်ပိုင်းမှာ ပြည်နယ်တစ်ဝှမ်း ပြန့်နှံ့သွားခဲ့ပြီး ဆန္ဒပြသူတွေဟာ ဘတ်စ်ကားတွေ၊ အိမ်စီးကားတွေကို မီးရှို့တာ၊ ရထားတွေကို ခဲနဲ့ပစ်တာ၊ ရထားလမ်းတွေနဲ့ အဓိကလမ်းမကြီးနှစ်ခုကို ပိတ်ပစ်တာတွေ လုပ်ခဲ့ကြပါတယ်။

ဆန္ဒပြမှုနောက်ဆက်တွဲအဖြစ် မာရာသာ တက်ကြွလှုပ်ရှားသူနှစ်ဦးဟာ တံတားပေါ်က ခုန်ချသတ်သေတာ၊ အဆိပ်သောက်သေတာတွေ လုပ်ခဲ့ပြီး၊ ရဲတပ်ဖွဲ့ဝင်တစ်ဦးလည်း အင်္ဂါနေ့မှာ သေဆုံးခဲ့ပါတယ်။

မဟာရက်ရ်ှထရာပြည်နယ်မှာ မာရာသာလူမျိုးတွေဟာ အလုပ်အကိုင်မှာ ခွဲခြားဆက်ဆံမှုတွေကို နှစ်ချီ ခံစားခဲ့ရပါတယ်။

ပြီးခဲ့တဲ့နှစ်တုန်းကလည်း မွမ်ဘိုင်းမှာ မရာသာလူမျိုးတွေ ထောင်ချီ ဆန္ဒပြခဲ့ကြပါတယ်။

Ref: Alarabiya

ဇူလိုင် ၂၃၊ ၂၀၁၈
M-Media

– ရာဂျစ္စတန်ပြည်နယ်မှာ လူအုပ်စုရဲ့ ရိုက်နှံခံထားရသူကို ရဲတပ်ဖွဲ့က ဆေးရုံမပို့ဘဲ ပစ်ထားကာ လက်ဖက်ရည်သောက်နေတဲ့ ကိစ္စအတွက် စုံစမ်းစစ်ဆေးမှု ပြုလုပ်သွားမယ်လို့ အိန္ဒိယရဲတပ်ဖွဲ့က ကြေငြာလိုက်ပါတယ်။

အလ်ဝါရ်ခရိုင်မှာ အသက် ၂၈ နှစ်အရွယ် အက္ကဘာရ်ခန်းဆိုသူဟာ သောကြာနေ့က နွားတွေကို တင်ဆောင်လာတဲ့ကားကို မောင်းလာစဉ် ဟိန္ဒူ နွားချစ်သူများအဖွဲ့ရဲ့ ၀ိုင်းဝန်းရိုက်နှက်ခံရမှုကြောင့် ရရှိတဲ့ဒဏ်ရာတွေနဲ့ သေဆုံးသွားခဲ့ပါတယ်။

ဒီကိစ္စကြောင့် ဒေသတွင်း တင်းမာမှုတွေ မြင့်တက်လာတဲ့အချိန် အိန္ဒိယမီဒီယာတွေက ရဲတပ်ဖွဲ့ဟာ သွေးအိုင်ထဲလဲနေတဲ့ အက္ကဘာရ်ခန်းကို ဆေးရုံမပို့ဘဲ လက်ဖက်ရည်သောက်နေကြောင်း၊ အဲဒီနောက်ပိုင်းမှာလည်း နွားတွေကို ဆေးရုံထက် ပိုဝေးတဲ့ တင်းကုပ်ကို အရင်ယူဆောင်သွားခဲ့ကြောင်း ဖော်ပြခဲ့ပါတယ်။

“ဒေသခံရဲတွေရဲ့ ကနဦးတုန့်ပြန်မှုနဲ့ပတ်သက်ပြီး သံသယဖြစ်စရာတွေ ရှိနေပါတယ်။ နှောင့်နှေးကြန့်ကြာမှုနဲ့ အခြား ဆက်စက်ကိစ္စတွေကို စစ်ဆေးဖို့အတွက် အဖွဲ့တစ်ခု ဖွဲ့စည်းပြီးပါပြီ” လို့ ရာဂျစ္စတန်ပြည်နယ် ရဲတပ်ဖွဲ့အကြီးအကဲ အိုပီ ဂါလိုထရာက ပြောကြားခဲ့ပါတယ်။

ဟိန္ဒူဘာသာမှာ နွားကို အမြတ်တနိုးထားပြီး ဟိန္ဒူနွားချစ်သူများအဖွဲ့ဟာ အခုနှစ်ပိုင်းအတွင်းမှာ အမဲသားလုပ်ငန်းလုပ်တဲ့ မွတ်စလင်တွေ၊ ဟိန္ဒူဇာတ်နိမ့်တွေကို အုပ်စုဖွဲ့ ရိုက်နှက်သတ်ဖြတ်မှုတွေ လုပ်ခဲ့ပါတယ်။

ဝန်ကြီးချုပ်မိုဒီ ဦးဆောင်တဲ့ လက်ယာအစိုးရဟာ ဒီလုပ်ရပ်တွေကို ထိထိရောက်ရောက် အရေးယူမှုမရှိဘဲ လစ်လျူရှုထားတယ်လို့ ဝေဖန်ခံနေရပါတယ်။

သောကြာနေ့ကကိစ္စအတွက် သံသယရှိသူ ၂ ဦးကို ဖမ်းဆီးထားတယ်လို့ ရဲတပ်ဖွဲ့က ပြောပါတယ်။

အိန္ဒိယမှာ အုပ်စုဖွဲ့ ရိုက်နှက်သတ်ဖြတ်မှုဟာ အခုနောက်ပိုင်းမှာ အဖြစ်များလာပြီး ပြီးခဲ့တဲ့ သီတင်းပတ်တွေအတွင်း ကလေးသူခိုးကောလဟာလကြောင့် နိုင်ငံပေါင်း လူ ၂၀ ကျော် ရိုက်နှက်သတ်ဖြတ်ခံခဲ့ရပါတယ်။

Ref: Alarabiya

ဇူလိုင် ၁၂၊ ၂၀၁၈
M-Media

– အမျိုးသမီးငယ်တစ်ယောက်ကို အဓမ္မပြုကျင့်မှုနဲ့ အာဏာရ ဟိန္ဒူအမျိုးသားရေးပါတီ BJP က နိုင်ငံရေးသမားတစ်ယောက်ကို အိန္ဒိယရဲတပ်ဖွဲ့က တရားစွဲဆိုလိုက်ပါတယ်။

ကူလ်ဒီပ် ဆင်း ဆန်ဂါဖြစ်ပြီး ၂၀၁၇ ခုနှစ်က အူတာပရာဒက်ရ်ှပြည်နယ်မှာ အသက် ၁၆ နှစ်အရွယ် အမျိုးသမီးငယ်တစ်ယောက်ကို အဓမ္မပြုကျင့်ခဲ့တာ ဖြစ်ပါတယ်။ ဆန်ဂါဟာ BJP ပါတီက သြဇာရှိတဲ့ ပြည်နယ်လွှတ်တော်အမတ်လည်း ဖြစ်ပါတယ်။

ဒီအမှုကို ရဲတပ်ဖွဲ့နဲ့ နိုင်ငံရေးသမားတွေက ဖုံးကွယ်ခဲ့ကြပြီး အဓမ္မပြုကျင့်ခံရသူရဲ့ ဖခင်ဖြစ်သူဟာ အမှုမှန်ပေါ်ပေါက်ရေး ကြိုးစားရင်း အဖမ်းခံရကာ အချုပ်ထဲမှာ အရိုက်ခံရတဲ့ ဒဏ်ရာတွေကြောင့် သေဆုံးသွားခဲ့ပါတယ်။

အဓမ္မကျင့်ခံရသူ အမျိုးသမီးငယ်က ဧပြီလမှာ သူ့ကိုယ်သူ မီးရှို့သတ်သေဖို့ ကြိုးစားခဲ့ပြီးတဲ့နောက် ဒီအမှုကို လူတွေက အာရုံစိုက်လာခဲ့ပြီး ရဲတပ်ဖွဲ့က ဆန်ဂါကို ဖမ်းဆီးခဲ့ပါတယ်။

အိန္ဒိယ ထောက်လှမ်းရေးအဖွဲ့ CBI က ပြောရေးဆိုခွင့်ရှိသူ အဘီရှက် ဒါယာလ်က ဆန်ဂါကို အဓမ္မမှု၊ ပူးပေါင်းကြံစည်မှု၊ အသက်မပြည့်သေးသူအပေါ် လိင်စော်ကားမှုတွေနဲ့ တရားစွဲဆိုတာဖြစ်တယ်လို့ ပြောကြားခဲ့ပါတယ်။

အဓမ္မပြုကျင့်ခံရသူရဲ့ ဖခင်ကို သတ်ဖြတ်မှုအတွက် ဆန်ဂါရဲ့ညီနဲ့ အခြား ၄ ဦးကိုလည်း ရဲတပ်ဖွဲ့က ဖမ်းဆီး တရားစွဲဆိုထားပါတယ်။

အာဏာရ ဟိန္ဒူအမျိုးသားရေးပါတီ BJP က ပါတီဝင်တွေ၊ နိုင်ငံရေးသမားတွေ ရာဇ၀တ်မှု ကျူးလွန်တဲ့အခါ အရေးယူခံရမှုကနေ လွတ်ကင်းနေလေ့ရှိပြီး မေလတုန်းကလည်း ဂျာမူးဒေသမှာ မိန်းကလေးငယ်တစ်ဦးကို ဟိန္ဒူအစွန်းရောက်အုပ်စုက ဖမ်းဆီးကာ အုပ်စုဖွဲ့အဓမ္မပြုကျင့်မှု ကျူးလွန်တဲ့သူတွေကို BJP ပါတီဝင်တွေက ကာကွယ်ပေးမှုကြောင့် ပြည်သူတွေက ဝေဖန်ရှုတ်ခဲ့ကြပါတယ်။

Ref: Alarabiya

ဇူလိုင် ၉၊ ၂၀၁၈
M-Media

– ၂၀၁၂ ခုနှစ် ဒေလီမြို့က ဘတ်စ်ကားပေါ်မှာ ကျောင်းသူတစ်ဦးကို အုပ်စုဖွဲ့ အဓမ္မကျင့်သူ ၄ ဦးအပေါ် လွန်ခဲ့တဲ့တစ်နှစ်က ချမှတ်ထားတဲ့ သေဒဏ်ကို အိန္ဒိယတရားရုံးချုပ်က နောက်ဆုံးအနေနဲ့ အတည်ပြုလိုက်ပါတယ်။

အသက် ၂၃ နှစ်အရွယ် ကျောင်းသူကို ရက်ရက်စက်စက် အုပ်စုဖွဲ့ အဓမ္မကျင့်တဲ့ အဲဒီအဖြစ်အပျက်ကြောင့် အိန္ဒိယနိုင်ငံမှာ ဆန္ဒပြမှုတွေ ဖြစ်ပေါ်ခဲ့ပြီး ကျူးလွန်သူတွေကို ပြင်းပြင်းထန်ထန် အပြစ်ပေးဖို့ အဏာပိုင်တွေကို တောင်းဆိုခဲ့ပါတယ်။ အဓမ္မကျင့်ခံရတဲ့ အမျိုးသမီးကတော့ ဒဏ်ရာတွေကြောင့် ကွယ်လွန်သွားခဲ့ပါတယ်။

“တရားရုံးက အယူခံကို သုံးသပ်တာ တစ်နှစ်တောင်ကြာပါတယ်။ ဒါပေမယ့် ကျွန်တော့်သမီးဟာ နောက်ဆုံးမှာ တရားမျှတမှုကို ရရှိသွားတဲ့အတွက် ကျွန်တော် ကျေနပ်မိပါတယ်” လို့ သေဆုံးသူရဲ့ ဖခင် ဘဒ်ရီနသ်ဆင်းက ပြောကြားခဲ့ပါတယ်။

အဓမ္မကျင့်မှုအတွက် လူ ၆ ဦးကို အိန္ဒိယ ရဲတပ်ဖွဲ့က ဖမ်းဆီးခဲ့ပြီး ၁ ဦးက ၂၀၁၃ ခုနှစ် ထောင်ထဲမှာပဲ ကိုယ့်ကိုယ်ကို သတ်သေခဲ့ပါတယ်။ နောက်ထပ်တစ်ဦးက အသက်မပြည့်သေးတဲ့အတွက် လူငယ် လေ့ကျင့်ရေးသင်တန်းကျောင်းမှာ ထောင်ဒဏ် ၃ နှစ်ကျခံစေဖို့ အမိန့်ချမှတ်ခဲ့ပြီး ၂၀၁၅ ခုနှစ်မှာ လွတ်မြောက်ခဲ့ပါတယ်။ နောက်ဆုံး ၄ ဦးကို ကြိုးပေးကွပ်မျက်ဖို့အတွက် အိန္ဒိယတရားရုံးချုပ်က ၂၀၁၇ ခုနှစ်မှာ ဆုံးဖြတ်ခဲ့ပါတယ်။

ဒေလီက အဲဒီအဓမ္မကျင့်မှုနောက်ပိုင်း အိန္ဒိယအစိုးရက ဥပဒေတွေကို ပိုမိုတင်းကျပ်ခဲ့ပေမယ့် အဓမ္မပြုကျင့်မှုဟာ လျော့ကျမသွားပါဘူး။

၂၀၁၆ ခုနှစ်မှာ အဓမ္မပြုကျင့်မှုအတွက် တိုင်ကြားမှုပေါင်း ၃၈၉၄၇ ခု ရှိခဲ့ပြီး ၂၀၁၅ ခုနှစ်ကထက် ၃ ထောင်ကျော် ပိုများလားခဲ့ပါတယ်။ မြို့တော်ဒေလီမှာ အဓမ္မကျင့်မှုဖြစ်စဉ်ဟာ ပြီးခဲ့တဲ့ ၅ နှစ်အတွင်း ၃ ဆကျော်လောက် တက်လာခဲ့ပါတယ်။

Ref: Aljazeera