News @ M-Media

Tag: India

  • အိန္ဒိယရေကြီးမှု သေဆုံးသူ ရာချီရှိနေ

    အိန္ဒိယရေကြီးမှု သေဆုံးသူ ရာချီရှိနေ

    သြဂုတ် ၁၊ ၂၀၁၇
    M-Media

    – အိန္ဒိယနိုင်ငံအနောက်ပိုင်း ဂူဂျာရတ်ပြည်နယ်တွင် ရေကြီးမှုများကြောင့် သေဆုံးသူမှာ ၂၁၈ ဦး ရှိသွားပြီဟု အိန္ဒိယအစိုးရ အာဏာပိုင်များက အတည်ပြုပြောကြားခဲ့သည်။

    မိုးရာသီရောက်ရှိနေသည့် အိန္ဒိယနိုင်ငံတွင် ပြီးခဲ့သည့်ရက်များအတွင်း မိုးသည်းထန်စွာ ရွာသွန်းမှုကြောင့် အိန္ဒိယရှိ ပြည်နယ် ၂၀ တွင် ရေကြီးရေလျှံမှုများ ဖြစ်ပွားခဲ့သည်။

    ဂူဂျာရတ်ရေကြီးမှုတွင် သေဆုံးသူများမှာ တနင်္ဂနွေနေ့က ၁၀၀ ခန့်သာ ရှိသော်လည်း ၂ ရက်အတွင်း အလောင်း ၁၀၀ ကျော်ကို တွေ့ရှိခဲ့ခြင်းကြောင့် ယခုကဲ့သို့ အရေအတွက် မြင့်တက်လာခြင်းဖြစ်သည်။ ဂူဂျာရတ်တွင် ပြည်သူပေါင်း ၄၅၀၀၀၀ ခန့်မှာ ရေကြီးရေလျှံမှုဒဏ်ကို ခံနေရသည်။

    နိုင်ငံအရှေ့မြောက်ပိုင်း အာသံပြည်နယ်တွင်လည်း ရေကြီးမှုကြောင့် လူ ရာနှင့်ချီ သေဆုံးခဲ့ပြီး ထောင်ပေါင်းများစွာ အိုးအိမ်စွန့်ခွာ ထွက်ပြေးခဲ့ရသည်။

    လက်ရှိတွင် အစိုးရမှာ ကယ်ဆယ်ရေးနှင့် ကူညီရေးလုပ်ငန်းများကို ဆောင်ရွက်နေပြီး ၀န်ကြီးချုပ်မိုဒီကလည်း ယနေ့တွင် အာသံသို့ သွားရောက်ရန် ရှိနေသည်။

    Ref: BBC

  • အိန္ဒိယက ထူးခြားသည့် မြွေပွဲတော်

    အိန္ဒိယက ထူးခြားသည့် မြွေပွဲတော်

    ဇူလိုင် ၃၀၊ ၂၀၁၇
    M-Media

    – အိန္ဒိယနိုင်ငံက ဟိန္ဒူဘာသာဝင်တွေဟာ နှစ်စဉ် ဇူလိုင်နဲ့ သြဂုတ်လတွေမှာ နဂ်ပန်ချာမီလို့ခေါ်တဲ့ မြွေပွဲတော်ကို ကျင်းပကြပါတယ်။

    ဘာသာရေးနဲ့ ဖျော်ဖြေရေးရောစပ်ထားတဲ့ ဒီပွဲတော်ဟာ နိုင်ငံတစ်ဝှမ်းက မြွေလမ္ပာယ်ဆရာတွေ၊ မြွေကို လေးစားကြည်ညိုသူတွေ၊ မြွေချစ်သူတွေ လက်လွတ်မခံကြတဲ့ ပွဲတော်တစ်ခုပါ။

    မြွေဆရာတွေရဲ့ ပညာစွမ်းအမျိုးမျိုးကို တွေ့မြင်ရမှာဖြစ်သလို၊ ကလေးပါမကျန် ကြည်ညိုသူတွေက မြွေတွေကို ထိတွေ့ကိုင်တွယ်ကာ ကောင်းချီးခံယူမှုကိုလည်း တွေ့မြင်နိုင်ပါတယ်။

    ဒီဗီဒီယိုကတော့ မကြာခင်ကမှ ကျင်းပပြီးစီးခဲ့တဲ့ မြွေပွဲတော် ပုံရိပ်တစ်ချို့ ဖြစ်ပါတယ်။

  • အိန္ဒိယ၏ မွတ်စလင်သမ္မတဟောင်း အဘ်ဒူလ်ကလမ်၏ အောက်မေ့ဖွယ်ဗိမာန်ကို ၀န်ကြီးချုပ်မိုဒီ ဖွင့်လှစ်

    အိန္ဒိယ၏ မွတ်စလင်သမ္မတဟောင်း အဘ်ဒူလ်ကလမ်၏ အောက်မေ့ဖွယ်ဗိမာန်ကို ၀န်ကြီးချုပ်မိုဒီ ဖွင့်လှစ်

    ဇူလိုင် ၂၇၊ ၂၀၁၇
    M-Media

    အဘ်ဒူလ်ကလမ် အောက်မေ့ဖွယ်ဗိမာန်၏ ၀င်ပေါက်

     

    – အိန္ဒိယနိုင်ငံ၏ သမ္မတအဖြစ် တာဝန်ထမ်းဆောင်ခဲ့သူ မွတ်စလင်သိပ္ပံပညာရှင်ကြီး ဒေါက်တာ အဘ်ဒူလ် ကလမ်၏ အောက်မေ့ဖွယ်ဗိမာန်ကို ၎င်း၏ဇာတိရွာဖြစ်သော တမီလ်နာဒူးပြည်နယ် ရာမီဆွာရမ်၌ ယနေ့တွင် ဖွင့်လှစ်ခဲ့ပြီး ၀န်ကြီးချုပ် နရန်ဒရာမိုဒီ တက်ရောက်ခဲ့သည်ဟု သိရသည်။

    အိန္ဒိယ ကာကွယ်ရေး သုတေသနနှင့် ဖွံ့ဖြိုးရေးအဖွဲ့ (DRDO) မှ တည်ဆောက်ပေးသည့် အဆိုပါဗိမာန်တွင် မိုဒီမှာ အိန္ဒိယနိုင်ငံတော်အလံကို လွှင့်တင်ပေးခဲ့ပြီး၊ အဘ်ဒူလ်ကလမ်၏ ကိုယ်တစ်ပိုင်း ရုပ်တုကိုလည်း ဖွင့်လှစ်ပေးခဲ့သည်။

    အခမ်းအနားကို ပြည်ထောင်စုအစိုးရ တာဝန်ရှိသူများ၊ ပြည်နယ်အစိုးရ တာဝန်ရှိသူများ၊ အာဏာရ BJP ပါတီမှ ကိုယ်စားလှယ်များ တက်ရောက်ခဲ့ကြသည်။

    ၀န်ကြီးချုပ်မိုဒီမှာ အဘ်ဒူလ်ကလမ်၏ မိသားစုနှင့် တွေ့ဆုံကာ အားပေးစကားပြောကြားခဲ့သည်။ အဘ်ဒူလ် ကလမ်အကြောင်း နိုင်ငံတစ်ဝှမ်း လှည့်လည်ပြသမည့်ကားကို ဖွင့်လှစ်ပေးခြင်းအပါအ၀င် အဘ်ဒူလ်ကလမ် ကွယ်လွန်သည့် ၂ နှစ်ပြည့်အထိမ်းအမှတ် အခမ်းအနားများကိုလည်း မိုဒီက တက်ရောက်ခဲ့သည်။

    “ကျွန်တော်တို့အတွက် ပျော်ရွှင်စရာကောင်းတဲ့ အခိုက်အတန့်ပါ။ ဒီစီမံကိန်းစတင်ဖို့ ကြန့်ကြာခဲ့ပေမယ့် DRDO ဟာ ၉ လအတွင်း ပြီးအောင် ဆောင်ရွက်နိုင်ခဲ့ပါတယ်။ မကြာခင် ဒီနေရာဟာ ကလေးတွေ နှစ်သက်မယ့်အနေရာတစ်ခု ဖြစ်လာပါလိမ့်မယ်” ဟု အဘ်ဒူလ်ကလမ်၏ တူဝမ်းကွဲဖြစ်သူ ရှိခ်စလင်းက ပြောကြားခဲ့သည်။

    ရူပီး ကုဋေ ၂၀ ကုန်ကျခဲ့သည့် အဆိုပါ ဗိမာန်ကို မဂိုနှင့် အိန္ဒိယ ဗိသုကာလက်ရာများဖြင့် တည်ဆောက်ထားပြီး ၀င်ပေါက်မှာ ဒေလီရှိ နာမည်ကျော် India Gate နှင့် ဆင်တူသည်။ အမိုးခုံးမှာ အိန္ဒိယသမ္မတ စံအိမ်တော်မှ အမိုးခုံးနှင့် တူအောင် ဖန်တီးထားပြီး ၀င်ပေါက်တံခါးကြီးကို တန်ဂျာဗူရ်ရှိ Brihadiswara ဘုရားကျောင်း၏ တံခါးပေါက်အတိုင်း ဆောက်လုပ်ထားသည်။

    ဒေါက်တာ အဘ်ဒူလ်ကလမ်၏ ကိုယ်တစ်ပိုင်းရုပ်ထု

    ဗိမာန်အတွင်းပိုင်းတွင် Pokhran နျူကလီးယား စမ်းသပ်မှုအပါအ၀င် ဒေါက်တာ အဘ်ဒူလ် ကလမ်၏ နိုင်ငံအတွက် ကြိုးပမ်းမှုများ၊ ၎င်း၏ ဘ၀ဇာတ်ကြောင်းများကို ပြသထားကာ အိန္ဒိယနိုင်ငံ၏ အာကာသသိပ္ပံ အဆင့်အတန်းကို တိုးတက်အောင် ဆောင်ရွက်ပေးခဲ့မှုကို ဖော်ကျူးသည့်အနေဖြင့် ဒုံးပျံပုံတူတစ်ခုကိုလည်း အဆိုပါ ဗိမာန်တွင် ပြသထားသည်။

    “ဒီဗိမာန်က ကျွန်တော်တို့အတွက် တော်တော်ထူးခြားပါတယ်။ ကျောက်ဝါတုန်းတွေဟာ ပါကစ္စတန် နယ်စပ်ကလာပြီး သဲ၊ ရေနဲ့ အခြားပစ္စည်းတွေကလည်း နိုင်ငံတစ်ဝှမ်းက ရယူထားတာပါ။ ဒါဟာ အမျိုးသားပေါင်းစည်းမှု အမှတ်သညာလည်း ဖြစ်ပါတယ်” ဟု အောက်မေ့ဖွယ်ဗိမာန်ကို တာဝန်ယူခဲ့သည့် ဆောက်လုပ်ရေးလုပ်ငန်းမှ ပီကေ ဂွပ္ပတာက ပြောကြားခဲ့သည်။

    ‘ဒုံးပျံလူသား’ ဟု အိန္ဒိယတွင် လူသိများသည့် ဒေါက်တာ အဘ်ဒူလ်ကလမ်မှာ ၂၀၀၂ ခုနှစ်မှ ၂၀၀၇ ခုနှစ်အထိ နိုင်ငံ၏ ၁၁ ယောက်မြောက် သမ္မတအဖြစ် တာဝန်ထမ်းဆောင်ခဲ့ပြီး ၂၀၁၅ ခုနှစ် ဇူလိုင်လ ၂၇ ရက်နေ့ အသက် ၈၃ နှစ်အရွယ်တွင် တက္ကသိုလ်တစ်ခု၌ စာသင်ကြားနေစဉ် နှလုံးရောဂါဖြင့် ကွယ်လွန်အနိစ္စရောက်ခဲ့သည်။

    ဗိမာန်အတွင်းမှ ဒုံးပျံပုံတူ

    Ref: NDTV

  • အငြင်းပွားပိုင်နက်မှ တပ်များရုပ်သိမ်းရန် အိန္ဒိကို တရုတ် ထပ်မံသတိပေး

    အငြင်းပွားပိုင်နက်မှ တပ်များရုပ်သိမ်းရန် အိန္ဒိကို တရုတ် ထပ်မံသတိပေး

    ဇူလိုင် ၁၈၊ ၂၀၁၇
    M-Media

    – နှစ်နိုင်ငံတင်းမာမှုများကို ရှောင်ရှားလိုပါက ဟိမ၀န္တာတောင်တန်းရှိ ပိုင်ဆိုင်မှုအငြင်းပွားနေသော ဒေသတွင် ချထားသည့် တပ်ဖွဲ့များကို ပြန်ရုပ်သိမ်းရန် တရုတ် အိန္ဒိယကို ထပ်မံ တိုက်တွန်းလိုက်သည်။

    တရုတ်၊ အိန္ဒိယနှင့် ဘူတန်တို့ ၃ နိုင်ငံဆုံရာ ဒွတ်ကလန် ကုန်းပြင်မြင့်နှင့် ပတ်သက်၍ ဘူတန်နှင့် တရုတ်တို့မှာ ပိုင်ဆိုင်မှု အငြင်းပွားနေပြီး အိန္ဒိယကမူ ဘူတန်ပိုင်နက်ဖြစ်သည်ဟု ပြောကြားထားသည်။

    အဆိုပါကုန်းပြင်မြင့်တွင် တရုတ်အဖွဲ့များက ဇွန်လ ၁၆ ရက်နေ့တွင် လမ်းတစ်ခု စတင်ဖောက်လုပ်သည့်အချိန် ဘူတန်က အိန္ဒိယကို အကူအညီတောင်းရာမှ ထိုနယ်စပ်သို့ အိန္ဒိယတပ်များ ရောက်လာပြီးနောက် တရုတ်နှင့် အိန္ဒိယတို့အကြား တင်းမာမှုများ မြင့်တက်လာခဲ့ခြင်းဖြစ်သည်။

    ယနေ့ပြုလုပ်သည့် သတင်းစာရှင်းလင်းပွဲတွင် တရုတ်နိုင်ငံခြားရေးဝန်ကြီးဌာန တာဝန်ရှိသူ လူကန်က နယ်စပ်တွင် ရောက်နေသည့် ၎င်းတို့၏တပ်များကို ရုပ်သိမ်းရန် အိန္ဒိယကို တိုက်တွန်းခဲ့သည်။

    “အိန္ဒိယအနေနဲ့ အခြေအနေကို ရှင်းရှင်းလင်းလင်း နားလည်မယ်လို့ ကျွန်တော်တို့ မျှော်လင့်ပြီး၊ တရားမ၀င် နယ်ကျော်လာတဲ့ အိန္ဒိယတပ်တွေ အိန္ဒိယဖက် ချက်ခြင်းပြန်ဆုတ်ပေးဖို့ ကျွန်တော်တို့ အကြိမ်ကြိမ် ပြောခဲ့ပြီးပါပြီ” ဟု လူကန်က ပြောကြားခဲ့ကာ ပိုင်နက်အငြင်းပွားမှုအတွက် ဆွေးနွေးမှုမလုပ်ခင် အိန္ဒိယတပ်ဖွဲ့များအနေဖြင့် လုံးဝ ဆုတ်ပေးရမည်ဟုလည်း ဆိုသည်။

    အိန္ဒိယကမူ တရုတ်က ဖောက်လုပ်နေသည့် အဆိုပါလမ်းမှာ နိုင်ငံမြောက်ပိုင်း ပြည်နယ် ၇ ခုနှင့် ချိတ်ဆက်နေသည့် ဒေသသို့ ၀င်ရောက်ခွင့်ရမည် ဖြစ်သောကြောင့် လုံခြုံရေးကို ဆိုးဆိုးဝါးဝါး စိုးရိမ်စရာဖြစ်သည်ဟု သတိပေးခဲ့သည်။

    တရုတ်မှာ ဒွတ်ကလန် ကုန်းပြင်မြင့်နှင့် ကပ်နေသည့် တိဘက်တွင် တနင်္လာနေ့က ၁၁ နာရီကြာ ကျည်အစစ်များဖြင့် စစ်ရေးလေ့ကျင့်မှု ပြုလုပ်ခဲ့ပြီး၊ အိန္ဒိယ၏လုပ်ရပ်ကို တုန့်ပြန်သောအနေဖြင့် ဟိန္ဒူနှင့် ဗုဒ္ဓဘာသာဝင်များ အထွဋ်အမြတ်ထားရာ တိဘက်ရှိ ကိုင်လက်ရှိတောင်ကို ရောက်ရှိနိုင်သော တောင်ကြားလမ်းကို ပိတ်ပစ်ခဲ့သည်။

    Ref: RT

  • အဟ်မဒ်ဒါဘတ်မြို့ (သို့) ကမ္ဘာကတန်ဖိုးထားလာတဲ့ အိန္ဒိယက မွတ်စလင်တို့၏ အမွေအနှစ်တစ်ခု

    အဟ်မဒ်ဒါဘတ်မြို့ (သို့) ကမ္ဘာကတန်ဖိုးထားလာတဲ့ အိန္ဒိယက မွတ်စလင်တို့၏ အမွေအနှစ်တစ်ခု

    ဇူလိုင် ၁၈၊ ၂၀၁၇
    M-Media

    ဂျွမ္မာဗလီဝတ်ကျောင်းတော်ကြီး

    – ပြီးခဲ့တဲ့နှစ်တွေအထိ ဆိုးဆိုးဝါးဝါး လူမျိုးရေးတိုက်ခိုက်မှုတွေကြောင့် နာမည်ဆိုးနဲ့ ကျော်ကြားခဲ့တဲ့ အိန္ဒိယက သမိုင်းဝင်မြို့တစ်မြို့ဟာ နောက်ဆုံးမှာတော့ ဂုဏ်ယူစရာ အမှတ်သညာတစ်ခုဆိုတဲ့ အဆင့်အတန်းကို ရရှိခဲ့ပါပြီ။

    ခရစ်နှစ် ၁၄၁၁ ခုက မဂိုအင်ပါယာပြည့်ရှင် အဟ်မဒ်ရှားဟာ ဆာဘာရ်မတီမြစ်ကမ်းနဖူးပေါ်မှာ တည်ဆောက်ခဲ့ပြီး ၅.၅ စကွဲယားကီလိုမီတာအကျယ်ရှိ အဟ်မဒ်ဒါဘတ် တံတိုင်းခတ်မြို့ဟာ ရှုပ်ထွေးတဲ့ လူသွားတွေ၊ လမ်းသွယ်ပေါင်း ၅၀၀ နဲ့အတူ သမိုင်းဝင်နေရာ ၂၆၀၀ တည်ရှိတဲ့နေရာဖြစ်ပြီး မကြာသေးခင်ကမှ ယူနက်စကိုရဲ့ ကမ္ဘာ့အမွေအနှစ်စာရင်းသွင်းမှုကို ခံခဲ့ရပါတယ်။ ဂူဂျာရတ်ပြည်နယ်ရဲ့ မြို့တော်လည်းဖြစ်တဲ့ အဟ်မဒ်ဒါဘတ်ဟာ ‘အရှေ့တိုင်းက မန်ချက်စတာမြို့’ လို့ အမည်တွင်ခဲ့ဖူးပါတယ်။

    လွတ်မြောက်မှု အမှတ်သညာ

    ဒေသတွင်း ဘာသာရေးပွဲတော်တစ်ခုတွင် ခရီးသွားများ ပါဝင်နေကြစဉ်

    ဒီလို ဂုဏ်သိက္ခာရှိတဲ့ အဆင့်အတန်းတစ်ခုကို ရရှိခဲ့ပြီး သိပ်မကြာခင်မှာပဲ ယူနက်စကိုက အိန္ဒိယဆိုင်ရာ အမြဲတမ်းကိုယ်စားလှယ် ရူချီရာ ကမ်ဘော့ဂ်ျက ဒေလီနဲ့ မွမ်ဘိုင်းမြို့တွေကိုကျော်ပြီး အဟ်မဒ်ဒါဘတ်ကို ဦးစားပေးရတာဟာ အိန္ဒိယလွတ်မြာက်ရေးခေါင်းဆောင်ကြီး မဟတ္တမဂန္ဒီ ၁၉၁၅ ခုနှစ်ကနေ ၁၉၃၀ ခုနှစ်အထိ နေထိုင်သွားတဲ့ ငြိမ်းချမ်းရေး ပြယုတ်၊ ငြိမ်းချမ်းရေး သမိုင်းမှတ်တိုင် ဖြစ်နေတာကြောင့် ဖြစ်တယ်လို့ Twitter စာမျက်နှာ ရေးသားခဲ့ပါတယ်။ ဒေလီနဲ့ မွမ်ဘိုင်းမြို့တို့ဟာ မနှစ်ကအထိ ကမ္ဘာ့အမွေအနှစ်စာရင်းအတွက် အဟ်မဒ်ဒါဘတ်နဲ့အပြိုင် ရေးပန်းစားခဲ့တာပါ။

    သက်တမ်း ၆၀၆ နှစ်ရှိပြီဖြစ်တဲ့ ဒီမြို့ဟာ နှစ်ပေါင်း ၅၀၅ နှစ်လောက် မဂိုဘုရင်ခံတွေရဲ့ ရုံးစိုက်ရာ မြို့တော်ဖြစ်ခဲ့ပြီး ရွှေအိုရောင် သဲကျောက်တွေနဲ့ ဖန်တီးထားတဲ့ သမိုင်းဝင်အဆောက်အဦးတွေ၊ သလင်းကျောက်ဖြူတွေနဲ့ လက်ရာမြောက် ဟိန္ဒူဘုရားကျောင်း၊ ဂျိန်းဘုရားကျောင်းတွေ တည်ရှိရာနေရာလည်း ဖြစ်ပါတယ်။

    အိန္ဒိယက ပထမဆုံး ကမ္ဘာ့အမွေအနှစ်မြို့တော်ဖြစ်တဲ့ ဒီမြို့မှာ ထူးခြားဆန်းပြားတဲ့ မုခ်ဦး ၃ ခု တန်း မြို့ဝင်ဂိတ်ပေါက် ၁၂ ခုပါဝင်ပြီး အင်မတန်လက်ရာမြောက်တဲ့ နံရံကပ်ပန်းပုတွေ၊ ခမ်းနားတဲ့ သက်တမ်းရင့် ရိုးရာအိမ်ဂေဟာကြီးတွေလည်း မြောက်များစွာ ရှိနေပါတယ်။

    ကြွယ်ဝတဲ့ကုန်သည်တွေ ဆောက်လုပ်ထားတဲ့ အထပ်မြင့်သစ်သားအိမ်ကြီးတွေ၊ အင်ဒို-အစ္စလာမ့်မစ် ဗိသုကာလက်ရာတွေ လှိုင်လှိုင်ပါဝင်တဲ့ ဗလီတွေ၊ အထိမ်းအမှတ်ဗိမာန်ကြီးတွေ၊ အ၀င်အထွက်ဂိတ်နဲ့ ငှက်အိမ်လေးတွေ စီတန်းထားတဲ့ လမ်းကလေးတွေ၊ ဘုံရေတွင်း၊ အတိတ်ခေတ်က သူတော်စဉ်တွေရဲ့ ဂူဗိမာန်တွေကလည်း မြို့ရဲ့ ကျက်သရေကို တိုးစေပြီး၊ အဲဒီအဆောက်အဦးတွေရဲ့ ဗိသုကာအမွေအနှစ်ကတော့ မလွတ်တန်း သွားရောက်ကြည့်ရှုရမယ့် အရာတွေ ဖြစ်ပါတယ်။

    ရွှေအိုရောင် သဲကျောက်အဆောက်အဦးဖြစ်တဲ့ ‘ဂျွမ္မာ’ ဗလီဝတ်ကျောင်းတော်ကြီးဟာ အနိမ့်အမြင့်မတူညီတဲ့ ‘မင်နာရတ်’ မျှော်စင် ၁၅ ခု ပါဝင်ပြီး၊ တိုင်ပေါင်း ၂၆၀ လောက်နဲ့ တည်ဆောက်ထားကာ ကမ္ဘာပေါ်မှာ အလှဆုံးနဲ့ ရင်သပ်ရှုမောစရာအကောင်းဆုံး အဆောက်အဦးထဲက တစ်ခု ဖြစ်ပါတယ်။ ဂူဂျာရတ်က ထင်ရှားတဲ့ဘုရင် မဟ်မူဒ် ဘဂ္ဂဒါရဲ့ ကြင်ရာတော် ဘုရင်မ ဆောက်လုပ်ခဲ့တဲ့ ‘ရာနီး စီပရီ’ ဗလီဝတ်ကျောင်းတော်က အနုစိတ် ကနုတ်ပန်းလက်ရာတွေ ထွင်းထုထားတဲ့ သစ်သားပြတင်းပေါက်ကြီးတွေကလည်း ကမ္ဘာလှည့်ခရီးသွားတွေ မျက်စိကျစရာ ဖြစ်နေပါတယ်။

    အံ့ချီးဖွယ် ဗိသုကာလက်ရာများ

    ‘အမွေအနှစ်ဂေဟာ’ (Heritage House)

    “အဟ်မဒ်ရှားဘုရင်ရဲ့ ကြင်ယာတော်တွေကို မြှုပ်နှံထားတဲ့ ‘ရာနီး နို ဟဂ်ျရို’ ဂူဗိမာန်တော်ကြီးဟာ ငွေနဲ့ထွင်းထားတဲ့ ပန်းကနုတ်လက်ရာတွေကြောင့် ကျော်ကြားပြီး၊ ‘ရာနီး ရုပ်မာတီ ဗလီ’ က အနုစိတ်လက်ရာနဲ့ ၀တ်ပြုဆောင်တွေ၊ ကျောက်ထွင်းလက်ရာတွေ၊ ထုထည်ကြီးပြီး မြင့်စွင့်တဲ့ မင်နာရတ်မျှော်စင်တွေ အားလုံးဟာလည်း အံ့ချီးဖွယ် ဗိသုကာလက်ရာတွေ ဖြစ်ပါတယ်” လို့ သမိုင်းအမွေအနှစ်ဆိုင်ရာ သုတေသနပညာရှင်နဲ့ ဂူဂျာရတ်ဗဟိုတရားရုံးက တာဝန်ရှိသူ အစ်က်ဘားလ်ခန်းက ပြောကြားခဲ့ပါတယ်။ သူဟာ အဟ်မဒ်ဒါဘတ်က အစားထိုးလို့မရတဲ့ အဆောက်အဦးတွေကို ထိန်းသိမ်းခွင့်ရရေး ဥပဒေကြောင်းအရ အကြိမ်ကြိမ် တိုက်ပွဲဝင်ခဲ့သူလည်း ဖြစ်ပါတယ်။

    အစိုးရအဖွဲ့တွေ၊ ဒေသန္တရအဖွဲ့တွေကလည်း အဟ်မဒ်ဒါဘတ်မှာ သမိုင်းအမွေအနှစ် လေ့လာရေးခရီးစဉ်တွေ စီစဉ်ပေးပြီး အတိတ်သမိုင်းက ဘာသာပေါင်းစုံ သဟဇာတဖြစ်မှု၊ လူနေမှုအဆင့်အတန်း တိုးတက်မြင့်မားမှုတွေကို သိရှိနားလည်ဖို့ နိုင်ငံသားတွေနဲ့ ခရီးသွားတွေကို ဒီ တံတိုင်းခတ်မြို့ဆီ လိုက်လံပြသကြပါတယ်။

    မြို့ထဲမှာ ဈေးမြင့်တဲ့ဟော်တယ်တွေအစား ‘အမွေအနှစ်ဂေဟာ’ (Heritage House) နဲ့ ရှေးဟောင်း အိမ်ဂေဟာကြီးတွေလည်း ရှိနေပြီး ဒီမြို့ကို လာလည်တဲ့ နိုင်ငံခြားသားတွေ၊ ကျောင်းသားတွေထဲက ယဉ်ကျေးမှုအနုပညာကို မြတ်နိုးသူတွေဟာ ဒီလိုနေရာမျိုးတွေမှာ ရက်အနည်းလောက် နားခိုကုန်ဆုံးလေ့ရှိပါတယ်။

    “မိသားစုအရင်းတွေလို သူတို့ကို ကျွန်တော်တို့ ဆက်ဆံတယ်။ ခေတ်သစ်ဝန်ဆောင်မှုတွေလည်း ပေးတယ်။ ကျွန်တော်တို့ရဲ့ ဟင်းချက်နည်းတွေ သင်ပေးတယ်။ ဈေးဝယ်ခေါ်သွားတယ်။ တံတိုင်းခတ်ခံမြို့တစ်ဝိုက် လိုက်ပြတယ်။ ဂူဂျာရတ်က ပွဲတော်တွေကို သူတို့နဲ့အတူ ကျင်းပပါတယ်” လို့ ဂျက်ဒပ် မဟ်တာက ပြောကြားခဲ့ပါတယ်။

    မဟ်တာပိုင်ဆိုင်တဲ့ အထပ်မြင့် အိမ်ဂေဟာကြီးတွေဟာ မျက်စိပသာဒရှိပြီး ခရီးသွားတွေရဲ့ နှစ်ခြိုက်မှုကိုလည်း ရရှိနေပါတယ်။

    အခက်အခဲများ

    ယူနက်စကိုက ကမ္ဘာ့သမိုင်းဝင်အမွေအနှစ်စာရင်း သွင်းခဲ့ပြီးတဲ့နောက်ပိုင်း ကမ္ဘာလှည့်ခရီးသွားတွေဟာ အဟ်မဒ်ဒါဘတ်ကို ပြုံဆင်းလာကြပေမယ့် သမိုင်းဝင်နေရာတွေကို လစ်လျူရှုထားတာ၊ အများပိုင်မြေတွေ ဆုံးရှုံးလာတာ၊ ကားပိတ်ဆို့တာ၊ အမှိုက်ပုံတွေများနေတာ၊ ရေနဲ့ မိလ္လာစနစ် ပြည့်စုံမှုမရှိတာတွေက ဒီမြို့ရဲ့ အမှ
    တ်သညာကို မှေးမှိန်စေပြီး ဖွံ့ဖြိုးရေးလုပ်ဆောင်ဖို့အတွက် အလျင်အမြန်လိုအပ်နေပါတယ်။

    ၂၀၀၂ ခုနှစ် လူမျိုးရေးအကြမ်းဖက်မှုတွေ မဖြစ်ခင်က ဟိန္ဒူဘာသာဝင်တွေ၊ ဂျိန်းဘာသာဝင်တွေနဲ့ ကျွန်းကိုင်းမီ၊ ကိုင်းကျွန်းမီ နေလာခဲ့တဲ့ကြ မွတ်စလင်တွေဟာ တိုက်ခိုက်မှုတွေကြောင့် ပိုပြီးလုံခြုံမယ့်နေရာတွေကို ပြောင်းရွှေ့ခဲ့ရပြီးတဲ့နောက် မတူညီတဲ့ဘာသာတရား၊ လူမျိုး၊ ယဉ်ကျေးမှုနောက်ခံ ရောပြွမ်းနေတဲ့ လူပေါင်း ၄ သိန်းလောက် နေထိုင်ရာ ဒီတံတိုင်းခတ်မြို့က လူမှုနေထိုင်မှုအနေအထား ပြောင်းလဲသွားတာကလည်း သတိထားစရာ ဖြစ်လာနေပါတယ်။

    ယူနက်စကို လုပ်ငန်းစဉ်

    ကမ္ဘာ့လှည့်ခရီးသည်များ အကြိုက်တွေ့သည့် ရှေ့ဟောင်း အိမ်ဂေဟာ အတွင်းပိုင်း

     

    ၂၀၁၉ ခုနှစ်မှာ ဒီတံတိုင်းခတ်မြို့ အခြေအနေတွေကို ယူနက်စကိုတာဝန်ရှိသူတွေက သုံးသပ်မှာဖြစ်ပြီး အဟ်မဒ်ဒါဘတ် မြို့တစ်ခုလုံးမှာ နေထိုင်ကြတဲ့ လူပေါင်း ၇ သန်းလောက်ဟာ သူတို့ ချမှတ်ထားတဲ့ လူနေမှုစံနှုန်းတွေနဲ့ မညီဘူးဆိုရင်တော့ ကမ္ဘာ့အမွေအနှစ်စာရင်းကနေ ပယ်ဖျက်မှာဖြစ်ပါတယ်။

    အနုပညာနှင့် ယဉ်ကျေးမှုအမွေအနှစ်ဆိုင်ရာ အမျိုးသားအဖွဲ့ရဲ့ တာဝန်ရှိသူဖြစ်ပြီး၊ House of MG ရဲ့ ဒါရိုက်တာလည်းဖြစ်သူ အဘ်ဟေ မန်ဂါလ်ဒက်စ်က အစိုးရအနေနဲ့ အခြေအနေတွေကို တိုးတက်အောင်လုပ်ပြီး၊ ကမ္ဘာလှည့်ခရီးသွားတွေ မျှော်လင့်ထားတာနဲ့ ကိုက်ညီမယ့် ထိန်းသိမ်းစောင့်ရှောက်မှုတွေ လုပ်ဖို့လိုတယ်လို့ ပြောကြားခဲ့ပါတယ်။

    သမိုင်းအမွေအနှစ်ကိုမြတ်နိုးတဲ့ အိန္ဒိယ နာမည်ကြီး ခရစ်ကတ်ကစားသမား မန်ပရစ် ဂျူနီဂျာက လက်ရှိမှာ အဟ်မဒ်ဒါဘတ်မြို့ဟာ ပဲရစ်၊ ဗီယင်နာ၊ ကိုင်ရို ဘရပ်ဆဲလ်၊ ရောမ၊ အေဒင်ဘတ်မြို့တွေလို ကမ္ဘာ့အမွေအနှစ်စာရင်းဝင်ခဲ့တာကြောင့် နိုင်ငံသားတွေအနေနဲ့ ဒီအမွေအနှစ်တွေကို ထိန်းသိမ်းရး လှုပ်ရှားမှုတွေမှာ တက်တက်ကြွကြွ ပါဝင်သင့်တယ်လို့ အကြံပြုခဲ့ပါတယ်။

    ကမ္ဘာ့လှည့်ခရီးသည်များ အကြိုက်တွေ့သည့် ရှေ့ဟောင်း အိမ်ဂေဟာ အတွင်းပိုင်း

    Re: Alarabiya

    (Alarabiya သတင်းဌာနမှ Riding on Mughal glory, India’s Ahmedabad makes it to world heritage list ဆောင်းပါးကို ကိုတင်ရီက ကောက်နှုတ်ပြန်ဆိုသည်)