Tag: India

သြဂုတ် ၃၁၊ ၂၀၁၇
M-Media

– အိန္ဒိယနိုင်ငံ စီးပွားရေးမြို့တော် မွမ်ဘိုင်းတွင် လူနေ ၄ ထပ်တိုက်တစ်လုံး ပြိုကျမှုကြောင့် အနည်းဆုံး ၁ ဦးသေဆုံးပြီး ၄၀ ခန့်မှာ အပျက်အဆီးများအောက်တွင် ပိတ်မိနေကာ သေဆုံးသူစာရင်းမှာ မြင့်တက်လာဖွယ် ရှိနေသည်။

လူနေထူထပ်သည့် ဘန်ဒီဘဇားဧရိယာတွေင် ယနေ့မနက် ဒေသစံတော်ချိန် ၈ နာရီ ၄၀ တွင် ဖြစ်ပွားခဲ့ခြင်းဖြစ်ပြီး အပျက်အဆီးများကြားမှ အလောင်းတစ်လောင်း ရရှိထားသည်ဟု အိန္ဒိယအာဏာပိုင်များက ပြောကြားခဲ့သည်။

မွမ်ဘိုင်းတွင် မိုးသည်းထန်စွာ ရွာသွန်းပြီး ရေကြီးမှုကြောင့် လူ ၁၀ ဦး သေဆုံးခဲ့သည်ဟု စောစောပိုင်းက အစိုးရမှ သတင်းထုတ်ပြန်ထားသည်။

ယခု တိုက်ပြိုကျမှုအတွင်း ၄ ဦးကို အသက်ရှင်လျက် ကယ်တင်ထားနိုင်ပြီး အပျက်အဆီးများအောက်တွင် ပိတ်မိနေသူ အများအပြား ရှိနေသည်။

“အထဲမှာ လူ ၄၀ လောက် ပိတ်မိနေတယ်လို့ ယုံကြည်ရပါတယ်။ လူ ၄၃ ယောက်ပါတဲ့အဖွဲ့က ကယ်ဆယ်ရေးလုပ်ငန်းတွေကို လုပ်ဆောင်နေပါတယ်” ဟု အိန္ဒိယ အမျိုးသား ဘဘာဝဘေး ကယ်ဆယ်ရေး အဖွဲ့ (NDRF) မှ တာဝန်ရှိသူတစ်ဦးက ပြောကြားခဲ့သည်။

ထိုအဆောက်အဦးတွင် မိသားစု ၈ စုမှ ၉ စုအထိ နေထိုင်ဖွယ်ရှိသည်။ မိုးရာသီတွင် မိုးသည်းထန်စွာရွာသွန်ပြီး ရေကြီးမှုကြောင့် အိန္ဒိယတွင် အဆောက်အဦးများ ပြိုကျမှုမှာ ပုံမှန်လိုလိုဖြစ်ပွားလေ့ရှိသည်။

Ref: CNA

သြဂုတ် ၂၈၊ ၂၀၁၇
M-Media

– လွန်ခဲ့သည့် ၁၅ နှစ်က ဒကာမနှစ်ဦးအား အဓမ္မကျင့်မှုအတွက် ဟိန္ဒူဘုန်းတော်ကြီးတစ်ဦးကို အိန္ဒိယတရားရုံးက အမှုတစ်ခုအတွက် ထောင်ဒဏ် ၁၀ နှစ်စီ ယနေ့တွင် ချမှတ်လိုက်ပြီး စုစုပေါင်း ထောင်ဒဏ် နှစ် ၂၀ ကျခံရမည်ဖြစ်သည်။

အသက် ၅၀ အရွယ်ရှိ ဂူရ်မစ် ရမ် ရာဟင်း ဆင်း ဆိုသူဖြစ်ပြီး နိုင်ငံမြောက်ပိုင်း ရိုဟ်တက်မြို့ တရားရုံးတွင် ၎င်းအား အမိန့်ချမှတ်ခဲ့ခြင်း ဖြစ်သည်။

ဆင်းကို သောကြာနေ့က အပြစ်ရှိကြောင်း ဆုံးဖြတ်ခဲ့ပြီးကတည်းက ဖမ်းဆီးခဲ့ပြီး ၎င်းအား ထောက်ခံသူများမှာ ထိုဆုံးဖြတ်ချက်ကို မကျေနပ်သောကြောင့် ဟာရ်ယာနာပြည်နယ်နှင့် ပန်ဂျပ်ပြည်နယ်တို့တွင် အစိုးရအဆောက်အဦးများ၊ ရဲကားများအား ဖျက်ဆီးမီးရှို့ခြင်း၊ ရဲတပ်ဖွဲ့နှင့် သတင်းသမားများအား တိုက်ခိုက်ခြင်းတို့ကို ပြုလုပ်ခဲ့သည်။

ဆန္ဒပြလူအုပ်ကို ရဲတပ်ဖွဲ့နှင့် စစ်တပ်က အင်အားသုံး နှိမ်နင်းခဲ့သောကြောင့် လူ ၃၀ ကျော် သေဆုံးခဲ့ကာ ဒါဇင်နှင့်ချီ၍ ဖမ်းဆီးခြင်း ခံခဲ့ရသည်။

ဆင်းတည်ထောင်ထားသည့် Dera Sacha Sauda ဂိုးဏ်မှ ပြောရေးဆိုခွင့်ရှိသူ ၀ိပဿနာ အင်ဆန်က ဂိုးဏ်ဝင်များအနေဖြင့် တရားရုံး၏ ဆုံးဖြတ်ချက်ကို လေးစားရန် တိုက်တွန်းခဲ့သည်။

တရားလိုရှေ့နေက ဆင်းကို ယခုထက်ပို၍ ပြစ်ဒဏ်ကျစေရန် ကြိုးစားသွားမည်ဖြစ်ပြီး အခြားသော ရာဇ၀တ်မှု သံယများအတွက်လည်း ဆင်းအား စုံစမ်းစစ်ဆေးမှုပြုလုပ်ရန် ဖက်ဒရယ်အစိုးရကို တိုက်တွန်းခဲ့သည်။

လက်ရှိတွင် ဆင်း၏ ဌာနချုပ်များ တည်ရှိရာ ရိုဟ်တက်နှင့် ဆီရ်ဆာဒေသများတွင် အစိုးရက လုံခြုံရေးကို တင်းကြပ်စွာ ချထားသည်။

Ref : Aljazeera

သြဂုတ် ၂၅၊ ၂၀၁၇
M-Media

– ဒကာမနှစ်ဦးအား အဓမ္မပြုကျင့်မှုဖြင့် မိမိကိုယ်ကို နတ်ဘုရားဟု ကြွေးကျော်ထားသည့် ဟိန္ဒူဘုန်းကြီးတစ်ဦးကို အိန္ဒိယတရားရုံးက အပြစ်ရှိကြောင်း ဆုံးဖြတ်ခဲ့ပြီးနောက် ၎င်းအား ထောက်ခံသူများက တိုက်ခိုက်မှုများ ပြုလုပ်ခဲ့ပြီး အနည်းဆုံး လူ ၁၃ ဦး သေဆုံးခဲ့သည်ဟု သိရသည်။

အပြစ်ရှိကြောင်း တွေ့ရှိခဲ့ရသူမှာ ဂူရ်မိ ရမ် ရာဟင် ဆင်း ဂျီ အင်ဆန် ဆိုသူဖြစ်ပြီး နိုင်ငံမြောက်ပိုင်း ဟာရ်ယာနာပြည်နယ် ပန့်ခ်ျကူလာမြို့ရှိ တရားရုံး၌ ယနေ့တွင်ပြုလုပ်သည့် ကြားနာမှုသို့ အစီးအနင်း ၁၀၀ ပါသည့် ယာဉ်တန်းနှင့် လာရောက်ခဲ့သည်။

၎င်းတည်ထောင်ထားသော Dera Sacha Sauda ဂိုဏ်း၏ ဆီရ်ဆာမြို့တွင် တည်ရှိသော ရုံးချုပ်၌ ၂၀၀၂ ခုနှစ်တွင် ဒကာမနှစ်ဦးအား အဓမ္မကျင့်ခဲ့သည်ဟူသော စွဲချက်ဖြင့် ဆင်းမှာ တရားစွဲဆို ခံထားရခြင်းဖြစ်ပြီး ၎င်းကမူ စွဲချက်များကို ငြင်းဆိုထားသည်။

ထိုအမှုအတွက် စီရင်ချက်ကို သောကြာနေ့တွင် ချမှတ်မည်ဖြစ်ပြီး ဆင်းမှာ ထောင်ကျမည်ဟု အစိုးရက ရှေ့နေက ပြောကြားခဲ့သည်။

တိုက်ခိုက်မှုဖြစ်

အပြစ်ရှိကြောင်း ဆုံးဖြတ်ခဲ့ပြီးနောက် ပန်ဂျပ်ပြည်နယ်နှင့် ဟာရ်ယာနာပြည်နယ်တို့မှ ၎င်းအား ထောက်ခံသူများမှာ အစိုးရအဆောက်အဦးများအား မီးရှို့ခြင်း၊ ရထားဘူတာများနှင့် ဆီဆိုင်များကို တိုက်ခိုက်ခြင်း၊ ရုပ်သံလွှင့် ဗန်ကားများကို ဖျက်ဆီးခြင်းတို့ကို ပြုလုပ်ခဲ့ကြသည်။

အမှုစီရင်သည့် ပန့်ခ်ျကူလာမြို့တွင် ရဲတပ်ဖွဲ့နှင့် စစ်သား ၁၅၀၀၀ ကျော် တပ်ဖြန့်ချထားပြီး မျက်ရည်ယိုဗုံးများ၊ မီးသတ်ပိုက်များဖြင့် လူအုပ်အား ဖြိုခွဲနေရသည်။

“ပန့်ခ်ျကူလာမှာ အခုအချိန်အထိ ၁၃ ဦးသေဆုံးကြောင်း အတည်ပြုနိုင်ပါတယ်။ ဆိုးဆိုးဝါးဝါး ဒဏ်ရာရသူ ၂ ဦးရှိပါတယ်” ဟု ရဲတပ်ဖွဲ့ ပြောရေးဆိုခွင့် ရှိသူတစ်ဦးက ပြောကြားခဲ့သည်။

Dera Sacha Sauda ဂိုဏ်းအားကောင်းသည့် ပန်ဂျပ်မှ ခရိုင်များတွင် ညမထွက်ရအမိန့်များ ထုတ်ပြန်ထားကာ၊ မလိုလားအပ်သည့် ကောလဟာလများ မပြန့်နှံ့ရန်အတွက် ပန်ဂျပ်နှင့် ဟာရ်ယာနာ ပြည်နယ်တို့တွင် အင်တာနက်လိုင်းများကို အိန္ဒိအစိုးရက ဖြတ်တောက်ထားသည်။

ဆင်း၏ အဆိုပါဂိုးဏ်မှာ နောက်လိုက် သန်း ၅၀ ရှိနေသည်။ ဆင်းမှာ အဓမ္မကျင့်မှုအပြင် ၎င်း၏နောက်လိုက် အမျိုးသား ၄၀၀ ကို သင်းကွပ်ထားမှုဖြင့်လည်း စုံစမ်းစစ်ဆေးမှုကို ခံနေရသည်။

Ref: Aljazeera