Tag: international short news

မေ ၇၊ ၂၀၁၅
M-Media

AK-47 ရိုင်ဖယ်အသစ် လာတော့မည်
…………………………………….

ရုရှားရှိ ထိပ်တန်းရိုင်ဖယ်ထုတ်လုပ်သည့် ကာလာရှင်ကော့ဗ် ကုမ္ပဏီက ခေတ်မီ AK-47 ရိုင်ဖယ်အသစ်ကို မေလ ၉ ရက်နေ့တွင် ပြုလုပ်မည့် စစ်ရေးပြအခမ်းအနား၌ ထုတ်ပြသွားမည်ဟု ပြောကြားလိုက်သည်။ အဆိုပါ ရိုင်ဖယ်တွင် ခေတ်မှီ မှန်ပြောင်း၊ လေဆာပစ်မှတ်ချိန် စနစ်နှင့် မြင်နိုင်စွမ်းနည်းပါသည့်နေရာတွင် အသုံးပြုနိုင်ရန် ဖလက်ရ်ှမီးလည်း ပါဝင်မည်ဖြစ်ကာ ယခင် ရိုင်ဖယ်များထက် ၅၀ ရာခိုင်နှုန်း ပိုမိုတိကျသည်ဟု ဆိုသည်။ ထိုရိုင်ဖယ်အသစ်မှာ အသံတိတ်ပစ်ခတ်နိုင်မည့် ကိရိယာလည်း ပါဝင်ပြီး ၄၀ မမ ဗုံးလောင်ချာနှင့် လှံစွပ်လည်း ပါဝင်မည်ဖြစ်ကာ မည်သည့် ရာသီဥတုအခြေအနေမျိုး၌မဆို အသုံးပြုနိုင်မည်ဟု ကုမ္ပဏီက ပြောကြားခဲ့သည်။

အိန္ဒိယ၏ ငလျင်သတင်းတင်ပြမှု နီပေါပြည်သူများ ဝေဖန်
…………………………………….
လက်ရှိအချိန်အထိ လူပေါင်း ၈ ထောင်ကျော် သေဆုံးခဲ့သည့် နီပေါငလျင်နှင့် ပတ်သက်၍ အိန္ဒိယမီဒီယာများ၏ သတင်းထုတ်ပြန်မှုများမှာ နီပေါပြည်သူများ ကြုံတွေ့နေရသည့် ဒုက္ခများထက် အိန္ဒိယစစ်တပ်နှင့် မိုဒီအစိုးရ၏ ကောင်းကြောင်းများကိုသာ ကြေညာနေခြင်းဖြစ်သည်ဟု နီပေါပြည်သူများက ယခုရက်ပိုင်းအတွင်း ဆိုရှယ်မီဒီယာများ၌ ကျယ်ကျယ်ပြန့်ပြန့် ဝေဖန်ခဲ့သည်။ အိန္ဒိယမှာ နီပေါငလျင် ကယ်ဆယ်ရေး လုပ်ငန်းများ လုပ်ဆောင်ရန်အတွက် ကယ်ဆယ်ရေးလုပ်သား ၇၀၀၀ ကျော်နှင့် လေယာဉ်များကို ပို့လွှတ်ပေးထားသည်။

ဖမ်းထားသည့် ကွန်တိန်နာသင်္ဘော အီရန်ပြန်လွှတ်ပေး
………………………………….
ဧပြီ ၂၈ ရက်နေ့က ဟော်မုဇ်ရေလက်ကြားတွင် ဖမ်းဆီးခဲ့သည့် မာရှယ်ကျွန်းအလံလွှင့် ကွန်တိန်နာသင်္ဘော Maersk Tigris အား လွှတ်ပေးလိုက်ပြီဟု အီရန်က ယနေ့တွင် ကြေညာလိုက်သည်။ သင်္ဘောကုမ္ပဏီနှင့် ငွေရေကြေးရေးကိစ္စ ရှင်းစရာရှိသည်ဟု အီရန်ကုမ္ပဏီတစ်ခုက တိုင်ကြား ထားသောကြောင့် ဖမ်းဆီးခဲ့ခြင်းဖြစ်ပြီး ယခုအခါ ပြဿနာကို ဖြေရှင်းပြီးသွားပြီဟု ဆိုသည်။ သင်္ဘောကုမ္ပဏီကလည်း ၎င်းတို့သင်္ဘော ပြန်လည်လွတ်မြောက်လာကြောင်း အတည်ပြုခဲ့သည်။

ပြင်သစ်စစ်တပ် လိင်ပိုင်းဆိုင်ရာစော်ကားမှု လူပုဂ္ဂိုလ်များကိုစစ်ဆေး
………………………………………
ဗဟိုအာဖရိကတွင် ပြင်သစ်စစ်တပ်က ကလေးငယ်များအား လိင်ပိုင်းဆိုင်ရာ စော်ကားခဲ့သည်ဟူသော သတင်းနှင့်ပတ်သက်၍ လူပုဂ္ဂိုလ်များအား စတင် စုံစမ်းမှုများ ပြုလုပ်နေသည်ဟု ပဲရစ်ရှိ တရားသူကြီးများက ပြောကြားလိုက်သည်။ သို့သော်လည်း မည်သူမည်ဝါများ ဖြစ်သည်ကို ထုတ်ပြန်ခဲ့ခြင်းမရှိချေ။

Ref: News Agencies

မေ ၅၊ ၂၀၁၅
M-Media

ထိုင်းမှာ လူကုန်ကူးစခန်းတစ်ခု ထပ်တွေ့
————————————-
ပြီးခဲ့သည့် တစ်ပတ်က တွေ့ရှိခဲ့သည့် လူကုန်ကူးစခန်းနှင့် လူများအစုလိုက်အပြုံလိုက်မြှုပ်နှံထားရာ ထိုင်းနိုင်ငံ ဆွန်ခ်လာပြည်နယ်ရှိ မလေးရှားနယ်စပ်အနီး တောင်ပေါ်တွင် နောက်ထပ် လူကုန်ကူးစခန်းတစ်ခုကို ထပ်မံတွေ့ရှိခဲ့ရသည်ဟု ထိုင်းရဲတပ်ဖွဲ့က ယနေ့တွင် ပြောကြားလိုက်သည်။ အဆိုပါ စခန်းတွင် ၀ါးဖြင့်ပြုလုပ်ထားသည့် တဲ ၈ လုံး၊ အိပ်ရန်ဆောက်လုပ်ထားသည့် တဲ ၃ လုံးနှင့်
ဖြစ်သလိုပြုလုပ်ထားသော မီးဖိုဆောင် ၂ ခု ပါဝင်ကာ လူသေများ မြှုပ်နှံထားသည့် နေရာ ၅ နေရာကိုလည်း တွေ့ရှိခဲ့သည်။ သို့သော်လည်း အလောင်းများအား တာဝန်ရှိသူများက တူးဖော်ရခြင်း မရှိသေးပေ။

နယူးယောက်ရဲတစ်ဦး ပစ်သတ်ခံရ
————————————
စနေနေ့က သေနတ်ဖြင့် ပစ်ခံခဲ့ရသည့် နယူးယောက် ရဲတပ်ဌာနမှ တပ်ဖွဲ့ဝင် ဘရိုင်ယန်မိုးမှာ ယမန်နေ့က အဆိုပါ ဒဏ်ရာကြောင့် သေဆုံးသွားခဲ့သည်။ မိုးနှင့် ၎င်း၏ လုပ်ဖ်ာကိုင်ဖက်ဖြစ်သူတို့ နယူးယောက်ရှိ ကွင်းရွာတွင့် အရပ်ဝတ်ဖြင့် ကားမောင်းသွားစဉ် အသက် ၃၅ နှစ်အရွယ် ဒီမီထရီယက်စ် ဘလက်ဝဲလ်ဆိုသူက သေနတ်ဖြင့် ပစ်ခဲ့ခြင်းဖြစ်သည်။ ဘလက်ဝဲလ်မှာ ခါးပတ် စောင့်ဆွဲနေသည်ကို မြင်ရသောကြောင့် မိုးက မိမိမှာ ရဲတပ်ဖွဲ့ဝင်တစ်ဦးဖြစ်ပြီး ခါးတွင် မည်သည့်အရာရှိသည်ကို စစ်ဆေးချင်သည်ဟု ပြောကြားရာမှ ဘလက်ဝဲလ်က ခါးမှသေနတ်ထုတ်ကာ ပစ်ခတ်ခဲ့ပြီး မိုး၏ ပါးကို ထိမှန်ခဲ့သည်။ ဘလက်ဝဲလ်မှာ လက်ရှိအချိန်တွင် ရဲတပ်ဖွဲ့၏ ထိန်းသိမ်းခြင်းကို ခံထားရပြီး ပထမအဆင့် လူသတ်မှုဖြင့် တရားစွဲဆို ခံထားရသည်။

ဟောင်ကောင်ပြန်ပေးသမားတွေ တရုတ်တွင်ဖမ်းမိ
———————————
အသက် ၂၉ နှစ်အရွယ် ဟောင်ကောင် အမျိုးသမီးတစ်ဦးအား ပြန်ပေးဆွဲခဲ့ပြီး ၎င်း၏ မိသားစုမှ ပေးခဲ့သည့် ပြန်ပေးငွေ ဟောင်ကောင်ဒေါ်လာ ၂၈ သန်း (ကန်ဒေါ်လာ ၃.၆၁ သန်း) နှင့်အတူ ထွက်ပြေးလာခဲ့သည့် ပြန်ပေးသမား ၅ ဦးကို တရုတ်နိုင်ငံ ဂွမ်ဒုန်းပြည်နယ် ရှန်ဇန်းမြို့တွင် ပြန်ပေးငွေများနှင့်အတူ ယမန်နေ့က ဖမ်းမိခဲ့သည်။ ပြန်ပေးသမားမှာ ၆ ဦးဖြစ်ပြီး တစ်ဦးကို ဟောင်ကောင်အာဏာပိုင်များက နယ်စပ်တွင် စောစာပိုင်းက ဖမ်းဆီးရမိထားသည်။

ဥရောပသို့ ၀င်လာသူအာဖရိကန်တွေကို လစ်ဗျားတွင် ထိန်းသိမ်း
—————————————-
ဥရောပသို့ ၀င်ရောက်ရန် ကြိုးစားစဉ် လစ်ဗျား ကမ်းခြေစောင့်တပ်ဖွဲ့မှ တနင်္လာနေ့တွင် ဖမ်းဆီးခဲ့သည့် အာဖရိကမှ ပြောင်းရွှေ့ အခြေချလာသူ ၅၀၀ ခန့်ကို လစ်ဗျားနိုင်ငံရှိ ထိန်းသိမ်းရေးစခန်းများသို့ ယနေ့တွင် ပို့ဆောင်ခဲ့သည်။ သောကြာနေ့မှ တနင်္ဂနွေနေ့အထိ ၃ ရက်တာအတွင်း ဥရောပသို့ ၀င်ရောက်ရန် ကြိုးစားခဲ့ကြသည့် အာဖရိကန် ၆၇၀၀ ခန့်ကို ကယ်ဆယ်နိုင်ခဲ့ပြီး သေဆုံး သူများလည်း ရှိခဲ့သည်။

Ref: News Agencies

မေ ၄၊ ၂၀၁၅
M-Media

တမန်တော် ကာတွန်းပြပွဲ သေနတ်ပစ်ခံရ
————————-
အမေရိကန်ပြည်ထောင်စု တက္ကဆက်ပြည်နယ် ဒါးလက်စ်မြို့တွင် ယမန်နေ့က ပြုလုပ်ခဲ့သော တမန်တော်မိုဟာမက် ကာတွန်းပြပွဲသို့ လူ ၂ ဦးက သေနတ်ဖြင့် ၀င်ရောက်ပစ်ခတ်ခဲ့ပြီး ရဲတပ်ဖွဲ့ဝင်များက ထိုသေနတ်သမားများအား အသေပစ်သတ်နိုင်ခဲ့သည်။ ထိုပစ်ခတ်မှုအတွင်း ရဲတပ်ဖွဲ့ဝင်တစ်ဦးလည်း အနည်းငယ် ဒဏ်ရာရှိခဲ့သည်။ အမေရိကန်ရှိ မွတ်စလင်အဖွဲ့အစည်းများကမူ ထိုသို့ တိုက်ခိုက်မှုကို ရှုတ်ချခဲ့ပြီး တစ်ချိန်တည်းမှာပင် တမန်တော်မိုဟာမက်အား စော်ကားသော ရုပ်ပြောင်ရေးဆွဲပြသမှုကိုလည်း
ကန့်ကွက်ခဲ့သည်။

ပြင်သစ်တိုက်လေယာဉ်တွေ ကာတာဝယ်မယ်
———————-
ပြင်သစ်နိုင်ငံမှ ထုတ်လုပ်သော Rafale တိုက်လေယာဉ် ၂၄ စင်းကို ကာတာမှ ၀ယ်ယူရန်အတွက် ကန်ဒေါ်လာ ၇.၀၂ ဘီလီယံတန် စာချုပ်တစ်ခုကို ကာတာခေါင်းဆောင် ရှိခ် တာမင် ဘင် ဟာမဒ် အလ် သာနီနှင့် ပြင်သစ် သမ္မတ ဟော်လန်ဒေးတို့ ယနေ့တွင် ချုပ်ဆိုခဲ့သည်။ အဆိုပါ စာချုပ်တွင် MBDA ဒုံးကျည်များ ၀ယ်ယူရန်၊ ကာတာ လေယာဉ်မှူး ၃၆ ဦးနှင့် စက်မှုပညာရှင် ၁၀၀ တို့ကို ပြင်သစ်စစ်တပ်မှ လေ့ကျင့်သင်ကြားပေးရန် တို့လည်း ပါဝင်သည်။ ဟော်လန်ဒေးကမူ ထိုသဘောတူညီချက်အတွက် ချီကျူးခဲ့သည်။

ကင်ညာကျောင်းသားတွေအတွက် ဂျွန်ကယ်ရီ ပန်းခွေချ
———————–
၁၉၉၈ ခုနှစ် ကင်ညာရှိ အမေရိကန်သံရုံး ဗုံးခွဲခံရမှုတွင် သေဆုံးခဲ့သူများနှင့် ပြီးခဲ့သည့်လက တက္ကသိုလ်တစ်ခုအား အကြမ်းဖက်တိုက်ခိုက်မှုအတွင်း သေဆုံးခဲ့သူ တက္ကသိုလ်ကျောင်းသားများအတွက် ကင်ညာနိုင်ငံသို့ ရောက်ရှိနေသည့် အမေရိကန်နိုင်ငံခြားရေးဝန်ကြီး ဂျွန်ကယ်ရီက ယနေ့နံနက်ပိုင်းတွင် လွမ်းသူ့ပန်းခွေ ချခဲ့သည်။ ထို့ပြင် အကြမ်းဖက်အဖွဲ့များအား ချေမှုန်းရေး အမေရိကန်က ထောက်ပံ့ပေးသွားမည်ဖြစ်ပြီး အကြမ်းဖက်သမားများမှာလည်း ကျဆုံးလိမ့်မည်ဟု ဂျွန်ကယ်ရီက ထည့်သွင်းပြောကြားခဲ့သည်။

ရှာဖွေကယ်ဆယ်ရေးတွေ ရပ်ဖို့ နီပေါပြော
———————
ပြီးခဲ့သည် ၉ ရက်က ငလျင်လှုပ်ခတ်ပြီးနောက် ရှာဖွေကယ်ဆယ်ရေးလုပ်ငန်းများကို လာရောက်လုပ်ဆောင်နေသော နိုင်ငံရပ်ခြားမှ အဖွဲ့များအနေဖြင့် လုပ်ငန်းများ ရပ်တန့်ရန် နီပေါအစိုးရက တောင်းဆိုလိုက်သည်။ နီပေါတွင် ကယ်ဆယ်ရေးလုပ်ငန်းများကို လုပ်ဆောင်နေသော နိုင်ငံရပ်ခြားမှ အဖွဲ့များမှာ တစ်ဒါဇင်ကျော်ခန့်ရှိပြီး နီပေါအစိုးရက ကျွမ်းကျင်မှုရှိသောသူများသာ ဆက်နေနိုင်မည်ဟု ဆိုသည်။ ငလျင်ကြောင့် သေဆုံးသူများမှာ လက်ရှိအချိန်တွင် ၇၂၀၀ ကျော်သွားခဲ့ပြီး အပျက်အဆီးများကြားတွင်
ပိတ်မိနေသူများမှာ အသက်ရှင်ဖွယ် မရှိတော့ပေ။

ဟိန္ဒူဘာသာသို့ သွတ်သွင်းခံရသူ အစ္စလာမ်သို့ ပြန်ပြောင်း
——————————-
လွန်ခဲ့သည့် ၅ လက ဟိန္ဒူတို့၏ ghar wapsi အခမ်းအနားတွင် ဟိန္ဒူဘာသာသို့ သွတ်သွင်းခံလိုက်ရသည့် အိန္ဒိယမြောက်ပိုင်း အူတာ ပရာဒက်ရှက်ပြည်နယ် အဂ္ဂရာမြို့မှ မိသားစုတစ်စုမှာ သောကြာနေ့က အစ္စလာမ်သို့ ပြန်လည် သက်ဝင်ခဲ့သည်။ ဗလီဝတ်ကျောင်းတော်မှ ရှေ့ဆောင်အီမာမ်များက ထုံးတမ်းစဉ်လာအတိုင်း ဆောင်ရွက်ပေးခဲ့ပြီး အစ္စလာမ်ဘာသာမှ ထွက်သွားပြီးနောက် အလိုအလျောက် ပျက်ပြယ်သွားခဲ့သည့် ထိုမိသားစုမှ ဇနီးမောင်နှံ ၂ ဦး၏ လက်ထပ်မင်္ဂလာကိုလည်း ပြန်လည်ပြုလုပ်ပေးခဲ့သည်။

Ref: News Agencies