မတ် ၈၊ ၂၀၁၅
M-Media
– ဂါဇာကမ်းမြှောင် ကမ်းရိုးတမ်းတွင် ငါးဖမ်းနေသည့် တံငါလှေတစ်စင်းကို အစ္စရေးရေတပ်မှ ယမန်နေ့တွင် ပစ်ခတ်ခဲ့သောကြောင့် တံငါသည်တစ်ဦး သေဆုံးခဲ့ပြီး ၂ ဦးမှာ ဖမ်းဆီးခံခဲ့ရသည်။ အစ္စရေးစစ်တပ်ကမူ အဆိုပါ ငါးဖမ်းလှေမှာ သတ်မှတ်ဧရိယာထက် ကျော်လွန်သွားသည့်အတွက်ကြောင့် ပစ်ခတ်ခဲ့ခြင်းဟု ပြောကြားခဲ့သော်လည်း ဂါဇာပြည်သူများကမူ သတ်မှတ်ဧရိယာအတွင်း ငါးဖမ်းနေလျှင်လည်း အစ္စရေး စစ်တပ်မှ ပုံမှန်လိုလို ပစ်ခတ်တတ်သည်ဟု ပြောကြားခဲ့သည်။
– အီရတ်နိုင်ငံမြောက်ပိုင်းရှိ ကာ့ဒ်တပ်ဖွဲ့များနှင့် သောကြာနေ့က မှားယွင်းပစ်ခတ်မှုကြောင့် IS အဖွဲ့အား တိုက်ခိုက်နေသည့် အမေရိကန်ဦးဆောင်သော မဟာမိတ်တပ်ဖွဲ့မှ ကနေဒါစစ်သားတစ်ဦး သေဆုံးခဲ့ကာ သုံးဦး ဒဏ်ရာရရှိခဲ့သည်ဟု အမေရိကန်စစ်တပ်က ယမန်နေ့တွင် ပြောကြားခဲ့သည်။
– အိမ်ဖြူတော်အနီးရှိ နေရာမှ ကျယ်လောင်သော ပေါက်ကွဲသံ ထွက်ပေါ်လာမှုကြောင့် အိမ်ဖြူတော်ကို ယမန်နေ့ နံနက်ပိုင်းက ပိတ်ပစ်ခဲ့ရပြီး လုံခြုံရေးကိုလည်း တင်းကြပ်ခဲ့ရသည်ဟု အမေရိကန်အစိုးရ တာဝန်ရှိသူများက ပြောကြားခဲ့သည်။ သို့သော်လည်း အဆိုပါအသံမှာ အိမ်ဖြူတော်အား ခြိမ်းခြောက်မှုမဟုတ်ဘဲ လမ်းထောင့်ရှိ အစားအသောက်ပို့သည့်ကား မီးလောင်ခြင်းမှ ထွက်ပေါ်လာသည့်အသံ ဖြစ်သည်ဟု နောက်ပိုင်းတွင် တွေ့ရှိခဲ့ရသည်။
– နှစ်နိုင်ငံ ပိုင်ဆိုင်မှုအငြင်းပွားနေသည့် နယ်စပ်ပြဿနာအတွက် အိန္ဒိယနှင့် ဆွေးနွေးမှုမှာ တိုးတက်မှုများ ရှိနေသည်ဟု တရုတ်နိုင်ငံခြားရးဝန်ကြီး ၀မ်ယီက ယနေ့တွင် ပြောကြားလိုက်ပြီး အဆိုပါပြဿနာကို သမိုင်းတွင် ထားခဲ့တော့မည်ဟု ဆိုသည်။
– မာလီနိုင်ငံမြောက်ပိုင်း ကီဒဲလ်မြို့ဆင်ခြေဖုံးရှိ ကုလသမဂ္ဂ အခြေစိုက်စခန်းအနီးတွင် ယနေ့နံနက်ပိုင်းက ဒုံးကျည် တစ်ဒါဇင်ခန့် ကျရောက်ပေါက်ကွဲမှုကြောင့် ကုလ ငြိမ်းချမ်းမှုထိန်းသိမ်းရေးတပ်မှ အနည်းဆုံး ၃ ဦး သေဆုံးခဲ့သည်ဟု ကုလသမဂ္ဂမှ ပြောကြားလိုက်သည်။ သို့သော် အဆိုပါဒုံးကျည်ကို မည်သူက ပစ်ခတ်ကြောင်းကို သိရှိရခြင်း မရှိသေးပေ။
– ဗယ်လက်ကာနိုအား ၆ ဂိုး ၁ ဂိုးဖြင့် အနိုင်ရရှိခဲ့သည့် ယနေ့ လာလီဂါပွဲတွင် ဟက်ထရစ်သွင်းယူနိုင်ခဲ့သည့် ဘာစီလိုနာတိုက်စစ်မှူး မက်ဆီမှာ ပြိုင်ပွဲအားလုံးတွင် ၎င်း၏ ၃၂ ကြိမ်မြောက် ဟက်ထရစ်ဖြစ်ခဲ့ပြီး စပိန်ဘောလုံးသမိုင်းတွင် ဘီဘာအိုတိုက်စစ်မှူးဟောင်း တဲလ်မို ဇာရာ သွင်းယူထားသည့် ဟက်ထရစ်စံချိန်နှင့် တူညီသွားပြီဖြစ်သည်။ ထိုပွဲတွင် တိုက်စစ်မှူး ဆွာရက်ဇ်ကလည်း ၂ ဂိုး သွင်းယူပေးခဲ့သည်။
Ref: News agencies