Tag: international short news

ဇန်န၀ါရီ ၂၂၊ ၂၀၁၄
M-Media

– မြို့တော်ဘန်ကောက်နှင့် အနီးတစ်ဝိုက်ဧရိယာများအတွင်း ၀န်ကြီးချုပ် ယင်းလပ် ရှင်နာဝပ်ထရာအား ဖြုတ်ချရန် ရည်ရွယ်သော ဆန္ဒပြမှု များကို ထိန်းချုပ်နိုင်ရန် အတွက် ဘန်ကောက်မြို့အား ထိုင်းအစိုးရက အရေးပေါ် အခြေအနေကြေညာခဲ့သည်ဟု သိရသည်။

အရေးပေါ်အခြေအနေကို ယမန်နေ့က ကြေညာခဲ့ခြင်းဖြစ်ပြီး ယနေ့တွင် စတင် သက်ရောက်ခြင်း ဖြစ်ကာ ရက်ပေါင်း ၆၀ ကြာမြင့်မည်ဟု ထိုင်းအလုပ်သမား ၀န်ကြီး Chalerm Yubumrung က ပြောကြားခဲ့သည်။

“ဆန္ဒပြသူတွေက အစိုးရအဆောက်အအုံတွေ၊ ဘဏ်တွေကို ပိတ်ဆို့ထားပြီး ဆန္ဒပြမှုတွေကို အရှိန်မြှင့် လုပ်ဆောင်လာခဲ့ကာ ဒဏ်ရာရမှုတွေ၊ သေဆုံးမှုတွေ ရှိလာခဲ့တာကြောင့် ဒီလိုအရေးပေါ် အခြေအနေ ကြေညာဖို့ လိုအပ်ခဲ့တာပါ” ဟု Yubumrung က ဆိုသည်။

ထိုကဲ့သို့ အရေးပေါ်အခြေအနေ ကြေညာလိုက်ခြင်းကြောင့် လုံခြုံရေး တပ်ဖွဲ့ဝင်များ အနေဖြင့် ညမထွက်ရ အမိန့်ထုတ်ခွင့်၊ သံသယ ရှိသူများအား ပုဒ်မ မတပ်ဘဲ ထိန်းသိမ်းထားနိုင်ခွင့်၊ မီဒီယာများအား ဆင်ဆာဖြတ်ခွင့်၊ လူငါးဦးထက် ပိုမစုရန် တားမြစ်ခွင့်နှင့် နယ်နမိတ် အချို့အား ကန့်သန့်ခြင်း တို့ကို လုပ်ဆောင်နိုင်မည် ဖြစ်သည်။

လက်ရှိ အိမ်စောင့်အစိုးရ ၀န်ကြီးချုပ် ယင်းလပ်ကမူ ရဲတပ်ဖွဲ့ဝင်များ အနေဖြင့် ဆန္ဒပြသူများအား အကြမ်းဖက် နှိမ်နင်းသွားမည် မဟုတ်ကြောင်း၊ နိုင်ငံတကာ စံနှုန်းနှင့်အညီ အတိုက်အခံများနှင့် ဆွေးနွေး ညှိနှိုင်းမှုများကို ပြုလုပ်သွားမည် ဖြစ်ကြောင်း ပြောကြားခဲ့သည်။

ထိုင်းနိုင်ငံအတွင်း အစိုးရ ဆန့်ကျင်ရေး ဆန္ဒပြမှုမှာ သုံးလနီးပါးသို့ ရောက်ရှိလာခဲ့ပြီး ယခင် ပါလီမန်အား ဖျက်သိမ်းခဲ့ကာ ရွေးကောက်ပွဲ ကျင်းပပေးမည်ဟု ယင်းလပ်က ကတိပေးခဲ့သော်လည်း ဆန္ဒပြသူများ အနေဖြင့် ကျေနပ်မှုမရှိဘဲ ဆက်လက် ဆန္ဒပြနေကြသည်။

Ref : Aljazeera

ဇန်န၀ါရီ ၂၀ ၂၀၁၄
M-Media

– နိုင်ငံရှိ စစ်အင်အားကို သုံးဆခန့်မြင်တက်စေမည့် လူငယ်များ စစ်မှူမထမ်းမနေရ ဥပဒေအား အာရဗ်ဆော်ဘွားများ ပြည်ထောင်စု ယူအအီးနိုင်ငံက ပြဌာန်းရန်ရှိနေသည်ဟု ၀န်ကြီးချုပ် ရှိခ် မိုဟာမက် ဘင် ရရှစ် အလ် မက်တိုအန်က ပြောကြားခဲ့သည်။

ထိုဥပဒေမူကြမ်းအရ ယူအေအီးရှိ အသက် ၃၀ နှစ်အောက် အမျိုးသားများမှာ စစ်တပ်ထဲသို့ ၀င်ရောက် အမှူးထမ်းရမည် ဖြစ်ပြီး အထက်တန်း ပညာရေး မရှိသူများက ၂ နှစ်နှင့် ဘွဲ့ရများက ၉ လ အသီးသီး ကြာမြင့်မည် ဖြစ်သည်။ ထိုဥပဒေတွင် အမျိုးသမီးများမှာ အကြုံးဝင်မည် မဟုတ်ဘဲ မည်သည့် အချိန်တွင် ထိုဥပဒေအား စတင် အကောင်အထည် ဖော်မည်ကိုလည်း တာဝန်ရှိသူများက ထုတ်ဖော်ပြောကြားခဲ့ခြင်းမရှိပေ။

ယခုလက်ရှိ ယူအေအီး၏  စစ်သားအရေအတွက်မှာ ၅၁၀၀၀ ရှိနေပြီး၊ ယူအေအီးနိုင်ငံမှာ ကာတာနိုင်ငံပြီးနောက်  စစ်မှူမထမ်းမနေရ ဥပဒေ ပြဌာန်းသည့် ဒုတိယပင်လယ်ကွေ့နိုင်ငံဖြစ်လာမည် ဖြစ်ကာ စစ်သားအရေအတွက်မှာလည်း ၂ ဆ ကျော်လာနိုင်ဖွယ်ရှိသည်။

Ref : RT

ဇန်န၀ါရီ ၂၀၊ ၂၀၁၄
M-Media

– ဆန္ဒပြသူများအား ကန့်သတ်သည့် ဥပဒေတစ်ခုပြဌာန်းခြင်းအား ယူကရိန်းအစိုးရက ပြဌာန်းလိုက်ခြင်းကို မကျေနပ်သောကြောင့် ပြုလုပ်ခဲ့သည့် ဆန္ဒပြမှုများအတွင်း ရဲတပ်ဖွဲ့ဝင်များနှင့် ထိပ်တိုက်တွေ့ဆုံမှုများ ဖြစ်ပွားခဲ့ကာ ဒဏ်ရာရရှိမှုများရှိခဲ့သည်ဟု သိရသည်။

မြို့တော်ကိဗ်တွင် ယနေ့နံနက်အစောပိုင်းက ဖြစ်ပွားခဲ့ခြင်းဖြစ်ပြီး ရာနှင့်ချီသော လူအုပ်စုကြီးက ရဲတပ်ဖွဲ့ဝင်များအား ကျောက်တုံးများ၊ တုတ်ချောင်းများ၊ မီးတုတ်များဖြင့် ပစ်ပေါက်ခဲ့ကြပြီး ရဲတပ်ဖွဲ့ကလည်း ရေပိုက်များ၊ မျက်ရည်ယိုဗုံးများအသုံးပြုကာ လူစုခွဲခဲ့ကြသည်။

ထိုရုန်းရင်းဆန်ခတ်မှုအတွင်း အနည်းဆုံး လူ ၇၀ ကျော်ဒဏ်ရာရရှိခဲ့သည်ဟု ရဲတပ်ဖွဲ့က ပြောကြားခဲ့ပြီး လူ ၁၀-ဦးကိုလည်း ဖမ်းဆီး ထိန်းသိမ်း ထားသည်ဟု ပြည်ထဲရေးက သတင်းထုတ်ပြန်ခဲ့သည်။

ရုရှားနှင့် ဆက်ဆံရေးထိခိုက်မည်ကို စိုးရိမ်သောကြောင့် ဥရောပ၏ ကုန်သွယ်ရေး သဘောတူညီချက်အား လက်မှတ်မထိုးရန် ယူကရိန်း အစိုးရက ဆုံးဖြတ်ခဲ့ပြီးနောက် လွန်ခဲ့သည့် ၂-လ ကတည်းက ကိဗ်မြို့တွင် ဆန္ဒပြမှုများ အဆက်မပြတ် ဖြစ်ပွားလျက်ရှိပြီး လွန်ခဲ့သည့် ရက်ပိုင်းများက အနည်းငယ်ငြိမ်းသက်ခဲ့သည်။

သို့သော်လည်း ဆန္ဒပြသူများအနေဖြင့် မိမိတို့၏မျက်နှာများကို ဖုံးကွယ်ခြင်းမပြုရဟု အစိုးရက ဥပဒေ ထုတ်ပြန်ခဲ့ပြီးနောက် ယခုကဲ့သို့ ဆန္ဒပြမှုများ ပြန်လည် ဖြစ်ပွားလာခြင်းဖြစ်သည်။

Ref : Aljazeera

ဇန်န၀ါရီ ၂၀၊ ၂၀၁၄
M-Media

– မလေးရှားနိုင်ငံ၌ ကျင်းပပြုလုပ်ခဲ့သည့် မလေးရှားအိုးပင်း ကြက်တောင်ရိုက် ပြိုင်ပွဲတွင် မလေးရှား နာမည်ကြီး ကြက်တောင်သမား လီချုံဝေက ဗိုလ်စွဲခဲ့သည်ဟု သိရသည်။

ယမန်နေ့က ကစားခဲ့သည့် ဗိုလ်လုပွဲတွင် လီချုံဝေမှာ နိုင်ခြေအဆင့် ၄ ရှိ အင်ဒိုနီးရှား ကြက်တောင်သမား တွမ်မီ ဆူဂီအာတိုအား ၂၁-၁၉၊ ၂၁-၁၉ ဖြင့် နှစ်ပွဲပြတ်အနိုင်ရရှိခဲ့ခြင်းဖြစ်ပြီး မလေရှားအိုးပင်း ချန်ပီယံဘွဲ့အား ၁၀ ကြိမ်မြောက် ဗိုလ်စွဲနိုင်ခဲ့ခြင်းလည်းဖြစ်သည်။

အဆိုပါပြိုင်ပွဲတွင် ၂၀၀၈-ခုနှစ်ကတည်းကစတင်၍ ရှုံးပွဲမရှိခဲ့သည့် လီချုံဝေက ယခုနှစ်အတွင်းကျင်းပမည့် အာရှ အားကစားပြိုင်ပွဲနှင့် ဓနသဟာယ ပြိုင်ပွဲတွင် ပါဝင်ယှဉ်ပြိုင်နိုင်ရန်အတွက် ပြင်ဆင်နေကြောင်း၊ သို့သော်လည်း လာမည့် ၂၀၁၆ ခုနှစ် အိုလံပစ်ပြိုင်ပွဲတွင်ကစားနိုင်ရန်မှာ မသေချာကြောင်း ပြောကြားခဲ့သည်။

Ref : Channel News Asia

ဇန်န၀ါရီ ၂၀၊ ၂၀၁၄
M-Media

– ယခုတစ်ပါတ်အတွင်း ပြုလုပ်မည့် ဆီးရီယား ငြိမ်းချမ်းရေး ဆွေးနွေးပွဲသို့ တက်ရောက်ရန် အီရန်နိုင်ငံအား ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်က ဖိတ်ခေါ်လိုက်သည်ဟု သိရသည်။

ဆီးရီးယားအစိုးရ အတိုက်အခံများက ထိုဆွေးနွေးပွဲမှ နှုတ်ထွက်မည်ဟု ခြိမ်းခြောက်ထားပြီး၊ အမေရိကန်နိုင်ငံကလည်း ဆွေးနွေးပွဲနှင့် ပက်သက်၍ သတိပေးထားချိန်တွင် ဘန်ကီမွန်က ထိုကဲ့သို့ တိုက်တွန်းလိုက်ခြင်း ဖြစ်ပြီး၊ ဆီးရီးယားစစ်ပွဲ ပြီးဆုံးရန် ကြိုးပမ်းမှုတွင် အပြုသဘောဆောင်သော နေရာမှ ပါဝင်ဆောင်ရွက်မည်ဟု အီရန်နိုင်ငံက ကတိပေးထားကြောင်းကိုလည်း ဘန်ကီမွန်က ထည့်သွင်းပြောကြားခဲ့သည်။

အဆိုပါ ငြိမ်းချမ်းရေးဆွေးနွေးပွဲကို လာမည့် ဗုဒ္ဓဟူးနေ့တွင် ဆွစ်ဇလန်နိုင်ငံ၌ ကျင်းပပြုလုပ်ရန် စီစဉ်ထားပြီး၊ အာဆတ်အစိုးရအား ထောက်ပံ့ပေးထားသည့် အီရန်နိုင်ငံအနေဖြင့် ထိုဆွေးနွေးပွဲအား ရှင်းရှင်းလင်းလင်း အားပေးမှုမရှိပါက ကုလက ထိုဆွေးနွေးပွဲမှ နှုတ်ထွက်သင့်သည်ဟု အမေရိကန်က ပြောကြားထားသည်။

Ref : Channel News Asia