ဧပြီလ ၂၈၊ ၂၀၁၃
M-Media
သတင်း – ဆူးထက်
သွေးမေတ္တာ ပရဟိတ အသင်း(ရန်ကုန်)၏ ဥက္ကဌ ဦးမြတ်ကျော်မှ “ဒီလိုမျိုး သွေးကွန်ယက်ဖွဲ့ဖို့ ၅-နှစ်ကျော် ၇-နှစ်လောက်က ဒီအမျိုးသား သွေးဌာနမှာပဲ တစ်ကြိမ်ပြုလုပ်ခဲ့ဖူးပါတယ်။ အဲဒီတုန်းက မိမိအတွေ့အကြုံများ နည်းသေးလို့ ဆိုရပါမယ် အောင်မြင်သင့်သလောက် မအောင်မြင်ခဲ့ပါဘူး။ အခုဆိုရင် ဂေါတမ မြတ်စွာဖုရား ကိုယ်တော်တိုင် မြတ်နိုးခဲ့တဲ့ စည်းလုံးခြင်း၊ ညီညွှတ်ခြင်းဖြစ်တဲ့ ဘာသာရေး၊ လူမူရေး၊ ပရဟိတ အသင်းအဖွဲ့ပေါင်း ၅၀-ကျော် တက်ရောက် ပါဝင်လာပါတယ်။ ဘာသာကြီးလေးဘာသာအပြင် ဘဟာအီ ဆိုတဲ့ ဘာသာပါ ပါလာပါတယ်၊ ဘဘတို့ရဲ့ ဘာသာပေါင်းစုံ ကွန်ရက်ကြီးမှာ ကောင်းတာတွေကို အတူ လက်တွဲပြီး လုပ်ကြမယ်။ လူတိုင်းမှာ ဘာသာတိုင်းမှာ အစွန်းရောက်တဲ့သူတွေဆိုတာ ရှိပါတယ်၊ ဘဘတို့ ဗုဒ္ဓဘာသာ မှာလည်း အစွန်းရောက်တွေ ရှိပါတယ်၊ ဘာသာတိုင်းမှာ အစွန်းရောက်တဲ့ သူတွေရှိတယ်၊ အဲဒီတော့ ဘဘတို့က အစွန်းမရောက်တဲ့ သူတွေနဲ့ လက်တွဲပြီးတော့ ကောင်းကျိုး လုပ်ကြမယ်။ ဘဘတို့က ဘယ်ဘာသာဝင်ပဲဖြစ်ဖြစ် လူသားတွေလို့ပဲ မြင်ပါတယ်၊ လူသားတွေဟာ ဘယ်ဘာသာဝင်ပဲ ဖြစ်ဖြစ် လူသားတွေ လို့ပဲ မြင်ပါတယ်။ အဲဒီလို လူသားတွေလို့ပဲမြင်တဲ့ အတွက် လူသားအကျိုးပြု လုပ်ငန်းတွေကို ဘာသာပေါင်းစုံနဲ့ အဘတို့ လက်တွဲပြီးတော့ လုပ်မှာပါ။ ညီတာတွေကို အတူလုပ်ပြီး မညီတာတွေကို ထပ်ညှိပြီး အတူ လုပ်ပါမယ်။ ညီညွှတ်ခြင်းသည် အင်အားဆိုတဲ့ ဆောင်ပုဒ်ကို ကိုင်စွဲထားပါတယ်။ ညီညွှတ်လာတဲ့ အတွက် ဘယ်အရာ မဆို လူမူရေး၊ အမျိုးသားရေး ကိစ္စတွေမှာ ဒီထက် ပိုပြီး ဆောင်ရွက်လာနိုင်မယ်။ ကျွန်တော်ကိုယ်တိုင်လည်း သွေးလှူဒါန်းတာ (၆၉)ကြိမ် မြောက်ပါပြီ။ သူတစ်ပါးရဲ့ အသက်ကို မိမိ အသက်ရင်းပြီး လှူတာကြောင့် ဒါန ပရဌနာ ပါရမီမြောက်တယ်လို့ ထင်ပါတယ်” ဟု M-Media သို့ပြောသည်။
သွေးမေတ္တာ ပရဟိတအသင်း(ရန်ကုန်)၏ ဒုတိယဥက္ကဌ ကိုဝေဠုကျော် မှ “ လူမျိုး ဘာသာပေါင်းစုံ သွေးကွန်ယက်က စုစည်းထားတာပါ။ နောင်ကို အခြားသော မတက်ရောက်နိုင်သေးတဲ့ အသင်းအဖွဲ့တွေ အနေနဲ့ တက်ရောက်ပါ။ အသင်းအားလုံးက ဦးစီးဦးဆောင် ဆောင်ရွက်ကြတာပါ။ ဘာသာပေါင်းစုံဆိုတာကတော့ သွေးသည် လူမျိုးမရွေး ဘာသာမရွေး သုံးလို့ရတယ်၊ သူ့သွေးလည်း ဒါပဲ၊ ကိုယ့်သွေးလည်း ဒါပဲ၊ မည်သည့် ဘာသာသွေးပဲ ဖြစ်ဖြစ် မည်သည့် ဘာသာကိုပဲ ဖြစ်ဖြစ် သွေးထည့်လို့ရတယ်။ ဘယ်လူမျိုးရဲ့သွေးဖြစ်ဖြစ် အခြားဘယ်လူမျိုးရဲ့သွေးကိုမဆို ထည့်လို့ရတယ်။ အဲလိုပဲ ကျန်တဲ့ ဘာသာရေး၊ လူမူရေး ကိစ္စတွေမှာလည်း အစွန်းမထွက်ပဲနဲ့ တစ်ဘာသာနဲ့ တစ်ဘာသာ ညီညီညွှတ်ညွှတ်လေးနဲ့ ဆက်ပြီးတော့ ဒီမိုကရေစီ နိုင်ငံတော်ကြီးကို တည်ထောင်တဲ့ နေရာမှာ တတပ်တအား ပါဝင်နိုင်ကြဖို့ အတွက် စတင်စုစည်းခြင်း ဖြစ်ပါတယ်။ ဘာသာပေါင်းစုံနဲ့ အခုက စတင်ပြီး ညီညွှတ်ရေး အတွက် စတင်စုစည်းတာ ဖြစ်ပြီး နောက်ပိုင်း ကွန်ရက်ကြီး တစ်ခု ဖြစ်သွားမယ်ဆိုရင်တော့ သွေးကိစ္စရော၊ ဘာသာရေး ကိစ္စရော၊ သဘာဝဘေးကိစ္စရော အားလုံးကို ဒီကွန်ယက်ကြီးကနေပြီးတော့ တစ်ညီတညွှတ်တည်းနဲ့ အားလုံး လုပ်သွားဖို့ ကျွန်တော်တို့ ကြိုးစားသွားမှာပါ။ ဘယ်လို လူမျိုးရေး ပဋိပက္ခမျိုးတွေ အထိ ကျွန်တော်တို့ လုပ်နိုင်တဲ့ အတိုင်းအတာ တစ်ခုထိ၊ လုပ်ခွင့်ရတဲ့ အတိုင်းအတာ တစ်ခုထိ ကျွန်တော်တို့ တတ်နိုင်သလောက် ကြိုးစားသွားမှာပါ ” ဟု M-Media သို့ပြောသည်။
MMSY အဖွဲ့မှ သွေးလှူဒါန်းသူ တစ်ဦးဖြစ်သော ကိုလူမင်းဟန်မှ “ကိုယ့်ရဲ့ သွေး တစ်ခုနဲ့ သူများရဲ့အသက်တစ်ချောင်းကို ကယ်ဖို့ အတွက် ဆိုတဲ့ ရည်ရွယ်ချက်နဲ့ ပါ။ အခုလို လှူရတာဟာ အရမ်းစိတ်ချမ်းသာ ဖို့ကောင်းပါတယ်။ အခြားသူတွေ အနေနဲ့လည်း တတ်နိုင်လို့ ရှိရင် လာပြီးလှူကြပါလို့ တိုက်တွန်းချင်ပါတယ်။ ခုလို ဘာသာပေါင်းစုံ ပူပေါင်းပြီး ဆောင်ရွက်တဲ့ အတွက် ၀မ်းသာပါတယ်။ ဘာဖြစ်လို့လဲ ဆိုတော့ ကျွန်တော်တို့က မွတ်စလင် ဆိုပေမယ့် မြန်မာနိုင်ငံမှာပဲ နေတဲ့ မြန်မာနိုင်ငံသားပါပဲ။ အားလုံး မခွဲခြားဘဲနဲ့ အတူတကွ စည်းစည်းလုံးလုံးနဲ့ လာပြီးတော့ လှူကြတယ်ဆိုတော့ ၀မ်းသာဖို့ ကောင်းပါတယ်။ ဒီလိုမျိုး ပွဲလေးတွေ မကြာ မကြာ ပြုလုပ်ပေးခြင်းအားဖြင့် ပိုပြီးတော့ တစ်ယောက်နဲ့ တစ်ယောက် စည်းလုံး ညီညွှတ်မှု ရမယ်၊ နားလည်မှု ရလာမယ်” ဟု M-media သို့ပြောသည်။
၅၉-လမ်းဗလီ အဖွဲ့မှ ဦးကမားဘိုင် (ဆွာဝါဒီ) ကလည်း “ ဒီမြန်မာနိုင်ငံ အတွင်းမှာ ဘာသာပေါင်းစုံ ညီညီ ညွှတ်ညွှတ်နေချင်တာပါ။ ကိုယ့်မွတ်စလင်တွေကြီးပဲ သီးသန့်ခွဲပြီး မြန်မာနိုင်ငံမှာ မနေချင်ပါဘူး။ ကျွန်တော်တို့ ၅၉-လမ်း ဗလီ အဖွဲ့နေနဲ့ သွေးလှူဖို့လာတာ ၂၇-ယောက်ပါ။ ကျွန်တော်တို့ အဖွဲ့အနေနဲ့ အမွန်မြတ်ဆုံး သွေးလှူဒါန်းတဲ့ သွေးအလှူရှင်တွေကို ကျွန်တော်တို့ နိုင်သလောက် ကျွေးမွေး လှူဒါန်းမူ ပြုပါတယ်။ ရှေ့ဆက်ပြီးတော့ ဒီလို လူမူရေးကိစ္စတွေ မှာ ကွန်ရက်တွေနဲ့ ချိတ်ပြီးတော့လည်း လုပ်ဆောင်သွားဖို့ ရှိပါတယ်” ဟု M-Media သို့ ပြောကြားခဲ့သည်။
သွေးမေတ္တာ ကွန်ယက်၏ အမှုဆောင် တစ်ဦးဖြစ်သော မမိုခမ်း(သရုပ်ဆောင်) မှ “ ဒီနေ့မှာတော့ ကျွန်မက အခမ်းအနားမှူးတစ်ယောက် အနေနဲ့ တာဝန်ယူပါတယ်။ အခုမှ စတင် စုစည်းတဲ့ သွေးမေတ္တာကွန်ရက်ရဲ့ ရည်ရွယ်ချက်မှာ အဓိကက လူမျိုးရေးမှာ ငြိမ်းချမ်းရေးကို ရှေ့ရှုတယ် ပရဟိတ အသင်းဖြစ်တဲ့ အတွက် ၀င်လာတဲ့ ကွန်ရက်ကြီး အတွင်းမှာ ရှိတဲ့ သူတွေ အကုန်လုံးကလည်း ပရဟိတ လုပ်တဲ့အတွက် ဘာသာလူမျိုး မခွဲခြား စေချင်ကြဘူး။ သွေးလိုအပ်တဲ့ သူတွေက်ို သွေးပေးမယ် သင့်မြတ်တဲ့သူရော မသင့်မြတ်တဲ့သူရော ကိုကိုယ်တွေက ကြားထဲကနေပြီး ကွန်ရက်အနေနဲ့ငြိမ်းချမ်းရေး ရအောင် ဖြေရှင်းပေးမယ်ဆိုတဲ့ ဆန္ဒလေးလည်း ပါပါတယ်။ အခု ကျွန်မတို့ ကွန်ရက်မှာ ဆိုရင် ခရစ်ယာန်ပါတယ်၊ ဟိန္ဒူပါတယ်၊ ဗုဒ္ဓဘာသာ ပါတယ်၊ ဘဟာအီ ပါတယ်။ တမီလ် ပါတယ် လူမျိုးတော်တော် စုံပါတယ်။ အရမ်းကြီး စည်းမရုံး ရဘူး၊ ဘာဖြစ်လို့လဲ ဆိုတော့ အစ္စလာမ်ဆို ၅၉-လမ်းဗလီက ခေါင်းဆောင်တွေကလည်း သူတို့ရဲ့ အစ္စလာမ်လူတွေကို စုစုပြီးတော့ သွေးလှူဒါန်းပွဲတွေ လာလာလှူဒါန်းကြတယ်လို့ ကြားရတယ်။ အဲဒီတော့ ဘာသာ ပေါင်းစုံရဲ့ခေါင်းဆောင်တွေ အကုန်လုံးက သူတို့ရဲ့ နောက်ခံက သွေးလှူတဲ့ ပရဟိတကို အမြဲလုပ်တဲ့ အတွက် အများကြီး စည်းရုံးစရာမလိုဲ့ ဒီကွန်ရက်ထဲကို ၀င်လာပြီး ဘာသာပေါင်းစုံ စုစည်းလိုက်တာ ဖြစ်တယ်။ လူမျိုးဘာသာတွေ အရေခွံတွေပဲ မဲတာ ဖြူတာပဲ ဘာသာပဲ ကွဲသွားတယ်။ သွေးကိုကျတော့ ကြိုက်သလောက် လူမျိုးပေါင်းစုံရဲ့ သွေးတွေကို ခွက်ထဲကိုထည့် သွေးက သွေးပဲ။ သွေးက လုံးဝ ခွဲလို့မရပါဘူး။ အဓိကက ကိုယ့်သွေး တစ်စက်နဲ့ လူတစ်ယောက် အသက်ရှင်တယ်ဆိုတာ အင်မတန်မှ ဒါနပါရမီ ဆိုတာ လုံးဝ ဘ၀ဆက်တိုင်းကို အကျိုးပေးမယ့် ပါရမီ ဖြစ်တာကြောင့်မို့ ဒီအလှူကြီးဟာ ကြီးမြတ်တဲ့ အလှူပါ။ ကိုယ့်အတွက်လည်း သွေးအဟောင်းထွက်သွားပြီး သွေးအသစ်တွေ ထပ်ရပါတယ်။ ကွန်မ ကိုယ်တိုင်လည်း ဒီနေ့နဲ့ဆိုရင် (၉)ကြိမ်မြောက် လှူမှာ ဖြစ်ပါတယ်။
လောလောဆယ် မမိုက အနုပညာရှင် တစ်ယောက် ဖြစ်တဲ့အတွက် ကားရိုက်က တစ်ဖက်၊ ဒီ ပရဟိတ ကတစ်ဖက် အချိန်ပေးပြီး လုပ်ပါတယ်။ အခု ဂျွန်ဂိုနဲ့ သန်လျင်မှာ ဗီဒီယို ကားလေးရိုက်နေပါတယ်။ ဒါရိုက်တာက သန့်စင်အောင် နဲ့ပါ” ဟု M-Media သို့ ပြောကြားခဲ့သည်။
