Tag: interview

” အခက်အခဲတွေ ဘယ်လောက်ရှိရှိ ဆင်ခြေတွေ မပေးဘဲ ကြိုးစားရပါ့မယ်” ဆိုတဲ့ ၃ ဘာသာ ဂုဏ်ထူးရှင် ရိုဟင်ဂျာ ကျောင်းသားလေး မုဟမ္မဒ် အာယုပ်

ဇွန်လ ၂၂၊ ၂၀၁၃
M-Media
သတင်း – ဆူးထက်

၂၀၁၃-၁၄ ပညာသင်နှစ် တက္ကသိုလ် ၀င်တန်း စာမေးပွဲတွင် ရခိုင်ပြည်နယ်၊ ဘူးသီးတောင်မြို့နယ်တွင် နိုင်ငံရေးအခြေအနေ မတည်ငြိမ်မှုများကြားမှ အခက်အခဲများကို ကျော်လွှားကာ ကြိုးစား၍ ဂုဏ်ထူး သုံးဘာသာ စုစုပေါင်း ရမှတ် (၄၅၉)မှတ်ဖြင့် ထူးချွန်စွာ အောင်မြင်ခဲ့သော ကျောင်းသားလူငယ် မုဟမ္မဒ် အာယုပ် အား M-Media မှ ဆက်သွယ်မေးမြန်းခဲ့ပါသည်။

M-Media – မောင်လေးရဲ့ နာမည်က
ဖြေ – မုဟမ္မဒ် အာယုပ်ပါ ခင်ဗျာ။

M-Media – မောင်လေးရဲ့ မွေးသက္ကရာဇ်က
ဖြေ – ၁၉၉၆ ခုနှစ်မှာ မွေးတာပါ

M-Media – မောင်လေး ဂုဏ်ထူး ရခဲ့တဲ့ ဘာသာရပ်တွေက..
ဖြေ – ဓာတုဗေဒ၊ ရူပဗေဒ၊ ဇီဝဗေဒပါ။

M-Media- ကျောင်းစာမေးပွဲ မဖြေမှီ ကြုံတွေ့ ဖြတ်သန်းရတဲ့ အခြေအနေက
ဖြေ – ဆူပူမှု အကြမ်းဖက်ခံ ကာလမှာ ကျောင်းတက်ရတာ အခက်အခဲတွေ ရှိခဲ့ပါတယ်။ ခွဲခြား ဆက်ဆံမှုတွေ အနည်းနဲ့ အများတော့ ရှိပါတယ်။

M-Media – မောင်လေး ငယ်ငယ်က ကျောင်းမှာ ထူးချွန်ဆုတွေ ရခဲ့ဘူးလား
ဖြေ – ငယ်ငယ်လေးထဲက အဆင့်(၁)၊ အဆင့်(၂) အမြဲ ရခဲ့ပါတယ်။

M-Media – ဘယ်လို စိတ်ဓာတ်နဲ့ အခက်အခဲပေါင်းများစွာကို ကျော်ဖြတ်ခဲ့တာပါလဲ။
ဖြေ – စာမေးပွဲမှာ ဂုဏ်ထူးရအောင်ကြိုးစားမယ်ဆိုတဲ့ စိတ်ဓာတ်နဲ့ ကြိုးစားခဲ့တာပါ။ ကျွန်တော့် ရည်ရွယ်ချက်တွေ ပြည့်မှီဖို့ အတွက်ရောပါ။

M-Media – မောင်လေးရဲ့ အနာဂတ် ပန်းတိုင်ကဘာလဲ။
ဖြေ – ဆေးကျောင်းတတ်ခွင့်တော့ ရချင်ပါတယ်။

M-Media – တက္ကသိုလ်ဆက်တက်ဖို့ လျှောက်ထားခွင့် ရပါသလား။
ဖြေ – တက္ကသိုလ် တက်ရောက်ဖို့ အတွက် ပြင်ဆင်ထားပါတယ်။ တက်ခွင့်တော့ မကျသေးပါဘူး။ ကျောင်းဆက်တက်ခွင့် ရမယ်ဆိုရင်တော့ တက်ရောက်သင်ကြားခွင့်ရမယ့် ဘာသာရပ်မှာ ကြိုးစားပြီးတော့ သင်ယူပါ့မယ်။

M-Media – ဆေးကျောင်းတက်ဖို့ အမှတ်မမှီရင်ရော ဘာဆက်လုပ်ဖို့ ရှိပါသလဲ
ဖြေ – ဆေးကျောင်းတက်ဖို့ မမှီခဲ့ရင်တော့ ကျွန်တော် စက်မှု တက္ကသိုလ် တက်မှာပါ။

M-Media – မောင်လေး တက်ခဲ့တဲ့ ကျောင်းက
ဖြေ – အ.ထ.က (၁) ဘူးသီးတောင် ပါ။

M-Media – မောင်လေးအနေနဲ့ စာမေးပွဲအတွက် ဘယ်လို ပြင်ဆင်ခဲ့တာလဲ။
ဖြေ – ကျွန်တော် မနက် စောစောလည်း ထပြီး စာကျက်တယ်၊ ကျောင်းတက်တယ်၊ ပြန်လာရင်လည်း ညအထိ စာတွေကို ကျက်တယ်။

M-Mediaး – အစ္စလာမ်ဘာသာဝင် အမျိုးသား တစ်ယောက် အနေနဲ့ မြန်မာပြည် တစ်ပြည်လုံးမှာ ရှိတဲ့ အစ္စလာမ်ဘာသာဝင် ကျောင်းသူ ကျောင်းသားတွေကို ဘာများ ပြောစရာရှိပါသလဲ။
ဖြေ – အခက်အခဲတွေ ဘယ်လောက်ရှိရှိ ဆင်ခြေတွေ မပေးဘဲ ကြိုးစားရပါ့မယ်။

June 22, 2014
၆-ဘာသာ ဂုဏ်ထူးရှင် မဝေမာသက်နိုင်နှင့် တွေ့ဆုံခြင်း (ထူးချွန်လူငယ်ကဏ္ဍ)

ဇွန်လ ၁၈ ရက်၊ ၂၀၁၄
M-Media
.မေးမြန်းသူ – ဆူးထက်

၂၀၁၃-၂၀၁၄ ပညာသင်နှစ် ဆယ်တန်း (တက္ကသိုလ်ဝင်တန်း) စာမေးပွဲကို တစ်ပြည်လုံးက ၅၈၈၆၁၂ ဦး၊ ၀င်ခွင့်လျှောက်ထားသူ ၉၀ % ၀င်ရောက်ဖြေ ဆိုခဲ့ပြီး အောင်ချက် ၃၄.၃၃ ရှိကြောင်း သိရပါတယ်။ ယခုနှစ်တွင် မော်ဒေးရှင်း (Moderation) မရှိကြောင်း၊ အောင်ချက်ကျ၊ ဂုဏ်ထူးထွက်သူနည်း၊ သချာင်္မေးခွန်း သတ်သည်ဟု အသံများ ဝေဖန်ထွက်ပေါ်နေသည့်ကြားမှ သင်္ချာ ဘာသာ ၉၆ မှတ် စုစုပေါင်းရမှတ် ၅၃၇ မှတ်ဖြင့် (၆)ဘာသာ ဂုဏ်ထူး ရရှိခဲ့သည့် ကျောင်းသူလေး မဝေမာသက်နိုင် ကို M-Media မှ တွေ့ဆုံ မေးမြန်းခဲ့ပါတယ်။

မေး – ညီမလေးရဲ့ အသက်က
.ဖြေ – (၁၆) နှစ်ပါရှင်။

မေး – ဂုဏ်ထူး (၆)ဘာသာ ထွက်အောင် ဘယ်နှစ်တန်းလောက်ကတည်းက အခြေခံ ခိုင်အောင် စပြီး ကြိုးစားသင့်တယ်လို့ ညီမလေး အတွေ့အကြုံအရ အကြံပြု ပြောကြားပေးပါ။

.ဖြေ – သူငယ်တန်းကစပြီး အခြေခံခိုင်အောင် ကြိုးစားရင် ပိုပြီးတော့ လိုကူပြီး ဖြစ်နိုင်ခြေ အများကြီး ရှိပါတယ်။ အ.မ.က (၁) ပန်းဘဲတန်းမှာ ညီမလေး သူငယ်တန်းကနေ လေးတန်းအထိ တက်ခဲ့ပါ တယ်။ ပထမ၊ ဒုတိယ၊ တတိယ အမြဲဝင်ပါတယ်။ စာစီစာကုံး အမြဲဝင်ပြိုင်တယ်။ အတန်းကြီးလာ တော့ စာဘက်မှာပဲ အာရုံစိုက်လိုက်တယ်။ ဒါပေမယ့်လည်း (၅) တန်းလောက်က စပြီးတော့ ပြုပြင် ပြောင်းလဲ ကြိုးစားရင် ဂုဏ်ထူးထွက်ဖို့ မှီပါတယ်။

မေး – ညီမလေးရဲ့ စာကျက်နည်းလေးကိုလေး မျိုးဆက်သစ်တွေအတွက် မျှဝေပေးပါဦး။

.ဖြေ – အဓိက ပုံမှန်လုပ်ဖို့ လိုပါတယ်။ ပေးတဲ့လေ့ကျင့်ခန်း စာတွေကိုပြီးအောင် လုပ်နိုင်ရင် ရပါတယ်။ ညနက် သန်းခေါင်အထိ အမြဲစာကျက်ဖို့ မလိုပါဘူး။ ခေါင်းထဲမှာ အမြဲအစီအစဉ် ချထားတယ်။ ဘယ်ဘာသာကိုတော့ အပြီးသတ် လုပ်မယ်ဆိုပြီး အချိန်ဇယားနဲ့ လုပ်ရင်းကနေ စာမေးပွဲအတွက် အသင့်ပြင်ဆင်ထားပြီးသလို ဖြစ်သွားပါတယ်။

မေး – ဘ၀ကို တန်းတူရည်တူကနေ အနိမ့်အမြင့် ကွာခြားမှုအဖြစ် အဆုံးအဖြတ်ပေးမယ့် တက္ကသိုလ်ဝင် တန်းစာမေးပွဲမှာ ဘယ်လိုတွန်းအားမျိုးတွေက လက်ရှိ အခြေအနေကို ပိုင်ဆိုင်ဖို့ စေ့ဆော်ခဲ့တာလဲ။

.ဖြေ – အဓိက အဖွားနဲ့ မိဘအသိုင်းအ၀ိုင်းက ဖြစ်စေချင်ကြတယ်။ ဆုမွန်တွေ တောင်းပေးကြတယ်။ ညီမလေးရဲ့ အဒေါ်က ဆရာဝန် တစ်ယောက် ဖြစ်တာမို့ သူ့ကိုအရမ်း အားကျတယ်။ အဒေါ်ကလည်း သူ့လို ဖြစ်စေချင်တဲ့အတွက် တွန်းအားတွေ အများကြီးပေးတယ်။
အဓိက အမှတ်များများနဲ့ ဂုဏ်ထူးတွေနဲ့ အောင်မြင်ဖို့ပါ။ ဒါမှသာ ကိုယ်လိုချင်တဲ့ လမ်းကြောင်းကို ကြိုက်တာ ရွေးချယ်လို့ ရမှာပါ။ ကျောင်းကလည်း သမီးတို့ A အတန်းကို အများကြီး အားထားပြီး တွန်းအားပေးပါတယ်။

မေး – တစ်နိုင်ငံလုံးမှာရှိတဲ့ စာမေးပွဲမှာ မျှော်မှန်းထားသလောက် ဖြစ်မလာဘဲ အောင်မြင်ခဲ့တဲ့ သူတွေ အတွက် အားပေးစကား ပြောကြားပေးပါ။

.ဖြေ – အဓိက က အောင်မြင်ဖုိ့ပါပဲ။ ကိုယ်လိုချင်တဲ့ လိုင်း မရခဲ့ရင်တောင် ကိုယ်ရောက်နေတဲ့ နေရာမှာ အကောင်းဆုံး ကြိုးစားပါ။

မေး – ညီမလေးရဲ့ အနာဂတ် ရည်မှန်းချက်က ဘာလဲ။

.ဖြေ – ဆေးတက္ကသိုလ်တက်ဖို့ စိတ်ကူးထားပါတယ်။

မေး – ကိုယ်ရွေးချယ်မယ့် အနာဂတ် ရည်မှန်းချက်လိုင်းပေါ် ဘယ်လိုမျိုး ကြိုးစားမှုတွေ ဘယ်လိုမျိုး ခွန်အားတွေနဲ့ ကျော်ဖြတ်ပြီး ပြည်သူအတွက် အကျိုးပြုမယ်ဆိုတဲ့ အစ္စလာမ် ဘာသာဝင် တစ်ယောက်ရဲ့ စိတ်ရင်းစေတနာကို ပြောပြပေးပါ။

.ဖြေ – ဆေးကျောင်းတက်ပြီဆိုရင် အများကြီးသူများတွေထက် အဆမတန် ကြိုးစားရမယ်။ ဆရာဝန် ကောင်း တစ်ယောက်ရဲ့ အရည်အချင်း ပြည့်မှီအောင် ကြိုးစားသွားမယ်။ လူမျိုး ဘာသာ မရွေး ပြည်သူတွေကို ဆေးဝါးကုသပြီး ကယ်တင်သွားပါမယ်။ တိုင်းပြည်အတွက် အကျိုးပြုတဲ့ ဆရာဝန် ကောင်း တစ်ယောက်အဖြစ် ရပ်တည်နိုင်အောင် ကြိုးစားသွားမယ်။

မေး – လက်ရှိ မြန်မာ့ ပညာရေး စနစ်ကို ဘယ်လိုဝေဖန် အကြံပြု ပြောကြားလိုပါသလဲ။

.ဖြေ – အလွတ်ကျက် ပညာရေးစနစ်လို့ လူကြီးသူမတွေက ပြောနေကြတယ်။ နိုင်ငံတကာနဲ့ ယှဉ်ရင် မပြည့်မှီသေးပါဘူး။ အဲဒီအတွက် ပညာရေးစနစ်တွေ အများကြီး ပြုပြင်ပြောင်းလဲဖို့ လိုပါသေးတယ်။

မေး – ညီမလေးရဲ့ ဘ၀မှာ စွဲကိုင်လျှောက်လှမ်းတဲ့ ဆောင်ပုဒ်လေးက ..

.ဖြေ – အနာခံမှ အသာစံရမယ်၊ လှေခွက်ချည်းကျန် အလံမလဲ။

မေး – အစ္စလာမ် အမျိုးသမီး တစ်ယောက်အနေနဲ့ လူငယ်အမျိုးသမီးထု ငယ်လေးတွေကို ဘာများ ပြောချင်ပါသလဲ။

.ဖြေ – မွတ်စလင် အမျိုးသမီးတွေ အနေနဲ့ ပညာသင်ခွင့် မရှိတဲ့ အချို့နိုင်ငံတွေလည်း ရှိတယ်။ ဒီမှာတော့ ပညာသင်ခွင့်ရတုန်း အတက်နိုင်ဆုံး ကိုယ့်ဘက်က ကြိုးစားစေချင်ပါတယ်။ မွတ်စလင် အမျိုးသမီး တစ်ယောက်အနေနဲ့ ကိုယ့်ရဲ့ အရည်အချင်းကို အများသိအောင် အစွမ်းကုန် ကြိုးစားစေချင်ပါတယ်။

M-Media သို့ ထူးချွန်လူငယ်ကဏ္ဍ ဆက်သွယ်လိုလျှင် [email protected] သို့ အီးမေးလ် ပို့၍ ဖြစ်စေ M-Media FB Page သို့ Message ပို့၍ ဖြစ်စေ ဆက်သွယ်နိုင်ပါတယ်။

June 18, 2014
သားဖွားမီးယပ် အထူးကု ဆရာဝန်မကြီး ဖြစ်ချင်တဲ့ တက္ကသိုလ်ဝင်တန်း ဘာသာစုံ ဂုဏ်ထူးရှင် မ၀တ်မှုံဖူး

ဇွန် ၁၇၊ ၂၀၁၄
M-Media
ချမ်းငြိမ်းအေး

၂၀၁၃-၂၀၁၄ တက္ကသိုလ်ဝင်တန်းစာမေးပွဲတွင် ဘာသာစုံဂုဏ်ထူးဖြင့်အောင်မြင်ခဲ့ပြီး သားဖွားမီးယပ် အထူးကု ဆရာဝန်မကြီး ဖြစ်ချင်သည်ဆိုသော မ၀တ်မှုံဖူး ကို M-Media မှ တွေ့ဆုံမေးမြန်းခဲ့တာဖြစ်ပါတယ်။ မ၀တ်မှုံဖူးဟာ မွေးချင်းမောင်နှမ ၃-ယောက်အနက် အငယ်ဆုံးဖြစ်ပြီး အစ်ကိုအကြီးဆုံးမှာလည်း ဆေးကျောင်း တက်နေသူ တစ်ဦးဖြစ်ကာ ယခုအခါ မိဘများနှင့်အတူ ရန်ကုန်မြို့တွင် အတူနေထိုင်လျက်ရှိပါတယ်။

မေး – ညီမလေးရဲ့ နာမည်၊ မွေးသက္ကရာဇ်နဲ့ မိဘတွေကို ပထမဦးဆုံး ပြောပြပေးပါလား။

.ဖြေ – ညီမလေးနာမည်က မ၀တ်မှုံဖူးပါ။ အိမ်မှာခေါ်တာကတော့ ဖူးဖူးလို့ခေါ်ပါတယ်။ အာရဗီနာမည်က ဟဂျဒါးဘီပါ။ အသက်က ၁၆-နှစ် ပြည့်ပြီးပြီ မွေးသက္ကရာဇ်က ၂၅.၃.၁၉၉၈ ပါ။ အဖေက ဟာဂျီဦးမောင်မောင်မြင့်နဲ့ အမေက ဟာဂျီမဒေါ်မိုးမိုးသန်းပါ။ ညီမလေးမှာ အစ်ကို ၂-ယောက်ရှိပါတယ်။

မေး – ဒီ ၂၀၁၄-ခု တက္ကသိုလ်ဝင်တန်းမှာ ညီမလေးက ဘာသာစုံ ဂုဏ်ထူးနဲ့ အောင်မြင် ခဲ့တယ်ဆိုတော့ ဘယ်ဘာသာတွဲနဲ့ အောင်မြင်ခဲ့တာပါလဲ။

.ဖြေ – ညီမလေးက Bio တွဲနဲ့ အောင်ခဲ့တာပါ။ မြန်မာစာ၊ အင်္ဂလိပ်စာ၊ သင်္ချာ၊ ဇီဝ၊ ဓါတု၊ ရူပ ဘာသာတွေပါ။

မေး – ညီမလေးက ဘယ်ကျောင်းကနေ တက္ကသိုလ်ဝင်တန်း စာမေးပွဲကို အောင်မြင်ခဲ့ပါသလဲ။

ဖြေ – ညီမလေး အ.ထ.က (၂) လသာ မိန်းကလေးကျောင်း ကနေ အောင်မြင်ခဲ့တာပါ။

မေး – ဘာသာစုံဂုဏ်ထူးနဲ့ အောင်မြင်ခဲ့တယ်ဆိုတော့ ၆ ဘာသာကို အမှတ်ပေါင်း ဘယ်လောက်နဲ့ ရရှိခဲ့တာပါလဲ။

.ဖြေ – ဟုတ်ကဲ့။ မြန်မာစာ-၇၈၊ အင်္ဂလိပ်စာ-၇၅၊ သင်္ချာ-၉၃၊ ဓာတုဗေဒ-၉၆၊ ရူပဗေဒ-၉၀၊ ဇီဝဗေဒ-၉၄ စုစုပေါင်းအမှတ် ၅၂၆-မှတ်ရရှိခဲ့တာပါ။

မေး – ညီမလေး အခုလို ဘာသာစုံဂုဏ်ထူးနဲ့အောင်မြင်ဖို့ကို ဆယ်တန်း ကျောင်းသူ ဘ၀မှာဘယ်လို ကြိုးစားခဲ့ရပါသလဲ။

.ဖြေ – ဘာသာစုံဂုဏ်ထူးရမယ်လို့ မှန်းတော့မထားပါဘူး။ ဒါပေမဲ့ အကောင်းဆုံးတော့ဖြစ်ရမယ်ဆိုပြီး ကြိုးစားခဲ့တာပါ။ စာတွေကိုတစ်နေ့စာ တစ်နေ့လုပ်တယ် အကြွေးမထားဘူး။ ပြန်လည်လေ့ကျင့်ခန်းကို များများလုပ်တယ်။ တစ်နေ့စာ တစ်နေ့မှန်မှန်ကျက်ပါတယ်။

မေး – ညီမလေးက အစိုးရကျောင်းဖြေအနေနဲ့ အောင်မြင်ခဲ့တာဆိုတော့ အဲ့ဒီအပေါ်မှာရော ဘယ်လို ကြိုးစားခဲ့ရလဲ။

.ဖြေ – ကျောင်းက ညီမလေးအခုလို ဘာသာစုံဂုဏ်ထူးရဖို့ကို အထောက်အကူ အများကြီးဖြစ်ခဲ့ပါတယ်။ ကျောင်းမှာ လစဉ် စာမေးပွဲတွေလည်းစစ်ပေးတယ်။ လိုအပ်တဲ့ဘာသာရပ်တွေကိုလည်း ဆရာ/ ဆရာမတွေက သေချာလေ့ကျင့်ပေး ခဲ့ပါတယ်။

.မေး – အခု ဒီမှာတွေ့ရတာက ဆုတွေ အများကြီးပဲလေ။ အဲဒါက ညီမလေး ရရှိခဲ့တဲ့ ဆုတွေလား။

ဖြေ – ဟုတ်ကဲ့ ညီမလေး ရခဲ့တာတွေရော အစ်ကို ရခဲ့တာတွေရောပါတယ်။

မေး – ညီမလေးအနေနဲ့ ငယ်စဉ်ကတည်းက အတန်းစဉ်တွေမှာ ဆုရခဲ့တာတွေကို နည်းနည်းပြောပြပေးပါလား။

.ဖြေ – ညီမလေးက သူငယ်တန်းကနေ စတုတ္ထတန်းအထိ နှစ်စဉ် ဆုရခဲ့တယ်။ နောက် ကျောင်းကြီးကို ပြောင်းသွားတော့ ဆုရတာ မရှိတော့ဘူး။ ၈-တန်း ၉-တန်း မှာလည်း ဂုဏ်ထူးတွေနဲ့အောင်ပါတယ်။ ဒါပေမယ့် ဆုယူခဲ့ရတာမျိုးတော့ မရှိခဲ့ပါဘူး။

မေး – ညီမလေး အရင်အတန်းတွေကရော ဘယ်လိုဆုတွေရရှိခဲ့ပါသလဲ။

.ဖြေ – သူငယ်တန်းကနေ တတိယတန်းထိ ဒုတိယဆုရခဲ့ပါတယ်။ စတုတ္တတန်းကျတော့ ပထမဆုရပါတယ်။ အဌမတန်း၊ န၀မတန်း တို့မှာတော့ ဘာသာစုံ ဂုဏ်ထူးထွက်ခဲ့ပါတယ်။

.မေး – ညီမလေး အခုလို ဘာသာစုံဂုဏ်ထူးနဲ့ အောင်မြင်သွားခဲ့တော့ ညီမလေးရှေ့ဆက်ပြီးတော့ အနာဂတ်အတွက် ဘယ်လိုရည်မှန်းချက်ထားထားပါသလဲ။

ဖြေ – ညီမလေးက သားဖွားမီးယပ် အထူးကုဆရာဝန်မကြီးဖြစ်ချင်တော့ ဆေးကျောင်းပဲတက်မှာပါ။

မေး – ဒါဆို ညီမလေးက ၉-တန်းအောင်ပြီး ၁၀-တန်း တက်တဲ့အချိန်ကတည်းက ဆရာဝန်ဖြစ်ရမယ်ဆိုတဲ့ ရည်မှန်းချက် ရှိခဲ့တာလား။

.ဖြေ – ဟုတ်ကဲ့ ရှိခဲ့ပါတယ်။ ဆရာဝန် မဖြစ်ဖြစ်အောင်လုပ်မယ်ဆိုတဲ့စိတ်ကလည်း ရှိခဲ့ပါတယ်။

မေး – ကိုယ်တိုင်က ဘာသာစုံ ဂုဏ်ထူးနဲ့အောင်မြင်ပြီးခဲ့သူ တစ်ယောက် အနေနဲ့ နောက်တက်လာမယ့် မောင်ညီမတွေကိုလည်း စာကျက်ပုံနဲ့ပတ်သက်ပြီး ဘယ်လို အကြံပေးချင်လဲ။

.ဖြေ – အဓိကကတော့ ကိုယ်တိုင် အစွမ်းကုန် ကြိုးစားဖို့လိုပါတယ်။ ကိုယ်ပိုင် စာကျက်ချိန်ထားပြီး တစ်နေ့ကို ၅-နာရီလောက် စာကျက်ချိန် ထားသင့်ပါတယ်။ ကျောင်းတက်တာ ကျူရှင်တက်တာ များရင်လည်း ကိုယ်ပိုင်စာကျက်ချိန်မရှိ ဖြစ်သွားတတ်ပါတယ်။ ပြီးရင် ကိုယ့်ရဲ့ အားနည်းတဲ့ ဘာသာရပ်ကိုလည်း ကိုယ်သိရပါမယ်။ ကိုယ့်ကိုယ်ကို ပြန်သုံးသပ်နေရပါမယ်။ ညီမလေး အနေနဲ့ကတော့ ဘာသာရပ်အလိုက်မှာ မြန်မာစာ အင်္ဂလိပ်စာကို နည်းနည်းဖော့ကျက်ပါတယ်။ သူက အမှတ်အများကြီး မရနိုင်တော့လေ။ သင်္ချာကိုတော့ နေ့တိုင်းနီးပါး ပြန်တွက်ရတယ်။ Bio ကတော့ ကျက်စာဆိုတော့ နည်းနည်းပိုကျက်ဖြစ်တယ်။

မေး – ညီမလေး အခုလို ဘာသာစုံဂုဏ်ထူးနဲ့အောင်မြင်တဲ့အတွက် ဘယ်လိုပီတိမျိုးကိုခံစားရပါသလဲ။

.ဖြေ – ဟုတ်ကဲ့။ အရင်ဆုံး ဖန်ဆင်းအရှင်ကို ကျေးဇူးတင်မိပါတယ်၊ အဖေ နဲ့ အမေ တို့လည်း ပျော်ရွှင်နေကြတဲ့အတွက် သူတို့ကိုကြည့်ပြီး အရမ်းကိုပျော်ရွှင်မိပါတယ်။

မေး – ဟုတ်ကဲ့ပါ။ နောက်တစ်ခု မေးချင်တာက ညီမလေးအနေနဲ့ မွတ်စလင် အမျိုးသမီးငယ် တစ်ယောက်ဖြစ်တဲ့ အပေါ်မှာ နောက်မျိုးဆက်သစ် မောင်နှမတွေရယ် အထူးသဖြင့် မွတ်စလင် အမျိုးသမီးတွေရယ်ကို ဘယ်လို အားပေးစကားပြောချင်လဲ။

.ဖြေ – အဖေက အမြဲပြောတဲ့စကားရှိတယ်။ သူများတစ်ဆ ကြိုးစားရင် ကိုယ်က မွတ်စလင်ဖြစ်တဲ့အတွက် ဆယ်ဆ ကြိုးစားရမယ်တဲ့။ ညီမလေးလည်းအဲ့လိုပဲ ထင်တယ်။ ကိုယ်တွေအတွက် အခွင့်အရေးနည်းနေတဲ့အတွက် ပိုပြီး ကြိုးစားရမယ်။ သူများတွေနဲ့ ရင်ဘောင်တန်းနိုင်အောင်၊ ပညာတတ်တွေများလာအောင် အခုအချိန်မှာ ပိုကြိုးစားသင့်ပါတယ်။ ကြိုးစားပါလို့ပြောချင်ပါတယ်။

မေး – Community အတွက်ရော ဘယ်လိုအကျိုးပြုအလုပ်တွေ လုပ်သွားမယ်လုိ့စဉ်းစားထားပါသလဲ။

.ဖြေ – ညီမလေး တတ်နိုင်သလောက်လုပ်သွားမှာပါ။ အခုလောလောဆယ်တော့ MUSLIM YOUTH NETWORK ကိုဝင်ပြီးတော့ အကျိုးရှိမယ့်အလုပ်တွေလု ပ်ဆောင်သွားမှာပါ။ နိုင်ငံနဲ့ နိုင်ငံသားတွေအတွက် အကျိုးပြုနိုင်အောင် ကြိုးစားသွားမှာပါ။

မေး – ကျေးဇူးတင်ပါတယ် ညီမလေး။

.ဖြေ – ဟုတ်ကဲ့ ကျေးဇူးတင်ပါတယ် အစ်မ။

သမီးအနီးတွင် ရှိနေသော မ၀တ်မှုံဖူး၏ ဖခင်ဖြစ်သူ ဦးမောင်မောင်မြင့်အား သမီး၏ အောင်မြင်မှုအပေါ် ပီတိကို မေးရာ “သမီးအခုလို ဘာသာစုံ ဂုဏ်ထူးနဲ့အောင်မြင်တာကို အရမ်းကိုပျော်မိပါတယ်။ သားသမီး သုံးယောက်ထဲမှာ အငယ်ဆုံးလည်းဖြစ်တယ်။ သူကငယ်ငယ်လေး ကတည်းက စာကိုပုံမှန်ကြိုးစားပြီး လိုချင်စိတ်လည်းရှိပါတယ်။ အခုလို ဖြစ်လာတာကို အရမ်းကို ပီတိဖြစ်မိပါတယ်” လို့ ဖြေကြားခဲ့ပြီး မိဘတစ်ယောက်ရဲ့ ရင်တွင်းပီတိက မျက်နှာအထိ ထင်ဟပ်နေတာကို မြင်ခဲ့ရပါတယ်။

M-Media သို့ ထူးချွန်လူငယ်ကဏ္ဍ ဆက်သွယ်လိုလျှင် [email protected] သို့ အီးမေးလ် ပို့၍ ဖြစ်စေ M-Media FB Page သို့ Message ပို့၍ ဖြစ်စေ ဆက်သွယ်နိုင်ပါတယ်။

June 17, 2014
“ကျားကို သက်သက်လွတ်စားဖို့ မျှော်လင့်ရင် ကျားရဲ့ အပြစ် မဟုတ်ပါဘူး” အလ်ဟဂ်ျ ဦးအေးလွင် နှင့် တွေ့ဆုံခြင်း

ဇွန်လ ၁၆ ရက် ၊ ၂၀၁၄
M-Media
.ကျော်စိုးဝင်း (M-Media CJ တွေ့ဆုံမေးမြန်းသည်။)

၁၅/၀၆/၂၀၁၄ လိင်ပိုင်းဆိုင်ရာ အကြမ်းဖက်မှုများ ရပ်တန့်ရေး ကမ္ဘာလုံးဆိုင်ရာ ထိပ်သီး အစည်းအဝေးသို့ မြန်မာနိုင်ငံမှ အစ္စလာမ် ဘာသာဝင်များ ကိုယ်စားပြု တက်ရောက်ရန် လန်ဒန်မြို့သို့ ခေတ္တရောက် ရှိနေသော အလ်ဟဂ်ျ ဦးအေးလွင်နှင့် ယူကေရောက် မြန်မာ မိသားစုများ တွေ့ဆုံပွဲ အခမ်းအနားကို ဇွန်လ (၁၅) ရက်မှာ ပြုလုပ်ခဲ့ပါတယ်။ အင်္ဂလန်ရောက် မြန်မာမွတ်စလင်မ် မိသားစုဝင် (၆၀) ခန့် တက်ရောက်ခဲ့ကြပါတယ်။ အဆိုပါ အခမ်းအနားမှာ အလ်ဟဂ်ျ ဦးအေးလွင်ကို အမ်မီဒီယာမှ တွေ့ဆုံပြီး မေးခွန်းအချို့ မေးမြန်းခွင့်ရခဲ့ပါတယ်။

မေး- အလ်ဟဂ်ျ ဆရာ ဦးအေးလွင် ခင်ဗျာ….
* ဒီနေ့ အစ္စလာမ်မုန်းတီးရေး ပေါ်ပေါ်ထင်ထင်ဟောပြောမှုတွေ ပပျောက်အောင် အစိုးရ အသိအမှတ်ပြု ဘာသာရေး အဖွဲကြီးတွေ ဘယ်လိုများ လုပ်ဆောင်သင့်ပါသလဲ?

* ၂၀၁၅ ရွေးကောက်ပွဲမှာ မွတ်စလင်တွေ ဘယ်လို ပါတီမျိုးကို မဲပေးသင့်သလဲ။?

* မွတ်စလင် လူထုကို ရွေးကောက်ပွဲမှ မှန်ကန်တဲ့ေ၇ွးချယ်မှု (ရပိုင်ခွင့်နဲ့ အခွင့်အရေး၊ တာဝန်) တွေကို အာမခံနိုင်မယ့် ပါတီကို ရွေးချယ်နိုင်ဖို့ အောက်ခြေလူထုကို ဘယ်လို ပညာပေး လှုံဆော်မလဲ။?

* ဒုက္ခသည်စခန်းက လူတွေ နေအိမ်ပြန်နိုင်ဖို့ ၊ နိုင်ငံသားအခွင့်အရေး ဆုံးရှုံးနေတဲ့ မွတ်စလင် လူထုအတွက် အခွင့်အရေးတွေ တောင်းယူ တိုက်ယူဖို့ အစ္စလာမ် အဖွဲ့ကြိး (၅) ဖွဲ့မှာ တာဝန်ရှိပါသလား ။ သူတို့လုပ်ဆောင်မှုများ လုံလောက်ပြီလို့ ထင်ပါသလား ၊ဘာတွေ ထပ်ပြီး လုပ်ဆောင်သင့်ပါလဲ။ သူတို့ လုပ်ဆောင်ဖို့ အခွင့်အရေး မပေးရင် လုပ်ဆောင်နိုင်ဖို့ မွတ်စလင် လူထု အားလုံးကို အသံထုတ်ဖို့ ဘာလုပ်သင့်ပါသလဲ။?

အလ်ဟဂ်ျ ဦးအေးလွင် ဖြေကြားမှု

ဥက္ကဌမရှိ၊ ညီညွတ်မှုမရှိ၊ ရွေးချယ်ပဲမရှိ၊ ညီလာခံ မရှိ၊ ဘုရားကျွန်တွေ အဖြစ် အလုပ်အကျွေးပြုတယ်ဆိုတဲ့ ကျွန်တွေလို ဆိုတဲ့ အဖွဲ့မှာ ကျွန်တော် လုပ်နေပါတယ်။ အဖွဲ့ကြီးငါးဖွဲ့ကိုလည်း ကျွန်တော်က မျက်စိမှိတ်ပြီး ထောက်ခံနေတာ မဟုတ်ပါဘူး။

အဲဒီတော့ အဖွဲ့ကြီးငါးဖွဲ့က ဘာလုပ်နေသလဲဆိုတော့ အခုန ညီလေးကို ကျွန်တော်မေးချင်တာက ခင်များက အွန်လိုင်းမီဒီယာက။ မီဒီယာက In Touch ဖြစ်နေ ရမယ်လေ။ ငါးဖွဲ့က သူတို့ရဲ့ လှုပ်ရှားမှု မှန်သမျှတိုင်းကို တင်ပါတယ်။ဘာလို့မကြည့်တာလဲ။ ကျွန်တော်သူတို့ဘက်က ရပ်တည်ပြီးပြောနေတာ မဟုတ်ပါဘူး။ ခင်များ Record တွေ ရှိတယ် ပြန်ကြည့်ပါ။ ငါးဖွဲ့ ဘာတွေလုပ်ခဲ့လဲ။ဘယ် ဗလီကို သိမ်းဖို့ အချိန်မှာ ဘာလုပ်သလဲ။ဘယ် မဒါရ်ဆာကို ဖျက်မဲ့ အခါမှာ ဘာလုပ်သလဲ။ ဘယ်မြို့ကိုဝိုင်းရံထားတဲ့ အချိန်မှာ ဘာလုပ်လဲ။ ဓာတ်ပုံတွေနဲ့ တကွ သူတို့ တင်နေပါတယ်။ အဲဒါကို ဘာကြောင့်မကြည့်တာတုန်း။ အခုလည်း တောက်လျှောက်သူတို့သည် Hate Speech အတွက်နဲ့ ပတ်သက်ပြီးတော့ သမ္မတ ဆီကိုစာတင်ပါသည်။

ပထမတော့ သက်ဆိုင်ရာ ပြန်ကြားရေး ဝန်ကြီးဆီ တင်ပါတယ်။ သမ္မတက ပြန်ကြားရေး ဆီကို ပို့လိုက်ပါတယ်။ပြန်ကြားရေးက စာနယ်ဇင်းကောင်စီကို ပို့ပါတယ်။ စာနယ်ဇင်းကောင်စီက စာပြန်တယ်။ ကျွန်တော်တို့သည် အဲဒီ အောင်ဇေယျတု မှာပါတဲ့၊ သာကီသွေးမှာပါတဲ့ လူတွေကို ခေါ်တွေ့ပြီးပါပြီ၊ ဘာပြောပြီးပါပြီ၊ ညာပြောပြီးပါပြီ။ သို့သော် နောက်တစ်ပါတ်ထုတ်မှာ ပိုဆိုးလာပါတယ်။အဲတော့ သူတို့ လုပ်နိုင်တာကို သူတို့လုပ်နေပါတယ်။

ဒါဖြင့်ရင် သူတို့မလုပ်နိုင်တဲ့ အတွက် တို့ဘာလုပ်မလဲ။ လမ်းပေါ်ကိုထွက်မလား။ဒို့အရေးအော်မလား။အဲဒီလို ဥပဒေဘောင် အတွင်းက လုပ်လို့ အကျိုး မဖြစ်ထွန်းဘူးဆိုရင် အဲလိုထွက်မယ်လို့ ကြုံးဝါးတဲ့လူတွေရှိတယ်။ လုပ်လို့ ရနိုင်လား အခြေအနေပေးသလား။ကျွန်တော် အခုနပြောနေတာ သူရဲဘောကြောင်တဲ့ စကားပြောနေတာမဟုတ်ပါဘူး။ လုပ်နိုင်တဲ့နည်းရှိသလား။အဲသလိုအော်နေတဲ့လူတွေ လူပါ အရိုးဆွေးတော့မယ်။ ဒီ ကျူးးတွေကို နှင်နှင်ထုတ်တာ၊ တကယ်ကို ထိုက်တန်တဲ့ လူတွေတောင်မှ နေရာတွေ ပြောင်းပြောင်းပြီးတော့ ဆန္ဒပြပွဲတွေ လုပ်နေတယ်။ အစာငတ်ခံပွဲတွေ လုပ်နေတယ်။

ကျွန်တော် တစ်ခါတစ်ခါ သူတို့ရဲဘော်တွေကိုပြောတယ်။ ကျားကို သက်သက်လွတ်စားဖို့ မျှော်လင့်ရင် ကျားရဲ့ အပြစ် မဟုတ်ပါဘူး။ မျှော်လင့်တဲ့လူတွေရဲ့ အပြစ်ပဲ ။အဲဒီတော့ နည်းဗျူဟာတွေ ရှာဖို့လိုတယ်။သူများ တစ်ယောက်ကို အပြစ်ပုံချတာက အင်မတန်လွယ်တယ်။ Very easy to push your problem to other people’s shoulder။ ကိုယ်ဘာလုပ်လဲပြောပါ။ အကြံဉာဏ်တွေပေး ခိုင်းပါ။အဲဒီငါးဖွဲ့ကို ခိုင်း ခင်များပြောလိုက်၊ ကျွန်တော်သူတို့ကိုပြန်ပြီး ဒီမက်စေ့တွေ ပေးလိုက်ပါ့မယ်။ ခင်များတို့ဘာလုပ်ဆိုပြီးပြောမယ်။ သူတို့ဘာလုပ်နေတယ် ဆိုတာလည်း ကိုယ်ကသိဖို့လိုတယ်နော်။ To be Fair,i’m not defending them.။

သူတို့ဘာလုပ်နေသလဲ ။ အကျိုးသက်ရောက်မှု ဘယ်လောက်ရှိသလဲ။ကဲကောင်းပြီ။

၂၀၁၅ ရွေးကောက်ပွဲ အတွက် ကျွန်တော်တို့ မွတ်စလင်ပါတီတွေရှိပါတယ်။ ရိုဟင်ဂျာပါတီလည်းရှိတယ်။ ပသီပါတီလည်း ရှိတယ်။ အဲဒီပါတီတွေကလည်းပဲ သူတို့ ရွေးကောက်ပွဲဝင်မလား။ အခုနပြောသလို မွတ်စလင့် အရေးကို ဦးစားပေးပြီးဆောင်ရွက်ပေးမယ့် အင်အားတောင့်တင်းသော Super ပါတီကြီးတွေကို ဝိုင်းရံမလား။ သူတို့လေ့လာစောင့်ကြည့်နေတယ်။ အဲတော့ ကျွန်တော်တို့အနေနဲ့ကလည်းပဲ ၊ အကြမ်းဖျင်းအားဖြင့်တော့ သန်းခေါင်စာရင်းမှာ တရားဝင် မဲပေးနိုင်မဲ့သူ အစ္စလာမ် ဘာသာဝင် ၁၀သန်းကျော်လောက်ဆိုတဲ့ စကားကတော့ ထွက်နေပါတယ်။ အဲဒီ ၁၀သန်းကျော်ထဲမှာမှ မဲပေးနိုင်တဲ့လူ ဘယ်လောက်ရှိမလဲ။ အနည်းဆုံး လေး၊ငါး၊ခြောက်သန်းတော့ ရှိမယ်။ ဒါကို ကျွန်တော်တို့ အလေးအနက်ပြုရမယ်။ကျွန်တော်တို့ သိထားဖို့ အချက်တွေပြော ချင်ပါတယ်။ကြံ့ခိုင်ရေး ပါတီကလည်း အများကြီး စည်းရုံးနေပါတယ်။ ကြံ့ခိုင်ရေးပါတီက ဗလီတွေဝင်ပြီး စည်းရုံးတာရှိသလို ကြံ့ခိုင်ရေး ပါတီမှာ တက်တက်ကြွကြွ လှုပ်ရှားနေသော စီးပွါးရေး လုပ်ငန်းရှင်များလည်း ရှိပါတယ်။ ကျွန်တော် ခရိုနီလို့ မသုံးပါဘူး။

အန်အယ်လ်ဒီမှာလည်း လှုပ်ရှားနေတဲ့ လူကြီးတွေ ၊လူငယ်တွေ၊ ပညာတတ်တွေ၊ ရှေ့နေတွေ အများကြီးရှိကြတယ်။အဲတော့ အင်အားကြီး ပါတီနှစ်ခုမှာ မိမိတို့ရဲ့ အကျိုးစီးပွါးကို တိုက်ရိုက်ကြီး ပြောမယ်ဆိုလို့ရှိရင်သိပ်ပြီး တကိုယ်ကောင်းဆန် သွားမှာပေါ့ဗျာ။ တတိုင်းပြည်လုံးရဲ့ အကျိုးကိုကြည့်ရမယ်။ မိသားစုတစ်ခုမှာ ဘယ်လောက် အင်အားငယ်နေတဲ့ မိသားစုဝင်တွေဖြစ်စေ လျစ်လျူရှု့ခြင်း ခံရရင် အဲဒီမိသားစုတစ်ခုလုံး နစ်နာထိခိုက်သွားပြီဆိုတာကို သဘောပေါက်မယ့် ပါတီကို ကျွန်တော်တို့က အားပေးရမှာဖြစ်ပါတယ်။ အဲဒါကို သဘောပေါက်အောင် ကျွန်တော်တို့ဘက်ကလည်း လော်ဘီတွေ လုပ်ရမယ်။ ကျွန်တော်တို့ လိုအပ်တာတွေ ကိုလည်း တင်ပြရမယ်။ အဲဒီနည်းနဲ့ပဲ ကျွန်တော်တို့လုပ်လို့ရမယ်လို့ ကျွန်တော်ထင်ပါတယ်။ မကျေလည်ရင်လည်း ထပ်မေးလို့ရပါတယ်။ ကျွန်တော် ငါးဖွဲ့ကို ခုခံဖို့ ဒီကို ထွက်လာတာ မဟုတ်ပါဘူး။….

အစ္စလာမ်ဓမ္မဗိမာန် ဦးဆောင် ဆော်သြရေးမှုး အလ်ဟဂ်ျ ဦးအေးလွင်ကို လန်ဒန်မြို့မှာ ပြုလုပ်တဲ့ မြန်မာမွတ်စလင် မိသားစုဝင်များနှင့် တွေ့ဆုံပွဲမှာ (အမ်မီဒီယာ CJ ) မှ တွေ့ဆုံ မေးမြန်းခဲ့တာ ဖြစ်ပါတယ်ခင်ဗျာ……..

June 16, 2014
နိုင်ငံရေးနဲ့ ဘာသာရေးကို ဘာကြောင့် မရောထွေးသင့်တာလဲ ဖြေကြားခဲ့တဲ့ ဦးကိုနီ

ဇွန် ၄ ၊ ၂၀၁၄
M-Media
.ဇေယျာသူ တွေ့ဆုံမေးမြန်းသည်။

ဇန်န၀ါရီလ ၁-ရက်နေ့မှာ Peace Alliance က စီစဉ်ပြုလုပ်တဲ့ ဒီမိုကရေစီနဲ့ အရပ်ဘက် လူ့အဖွဲ့အစည်းများရဲ့ အခန်းကဏ္ဍ ခေါင်းစဉ်နဲ့ ဆွေးနွေးပွဲ တရားလွှတ်တော်ရှေ့နေ ဆရာဦးကိုနီက ဆွေးနွေးပြောဆိုခဲ့တယ်။ ဆရာဆွေးနွေးပြောဆိုသွား ခဲ့တာတွေဟာ အခုခေတ်ကာလမှာ ကျွန်မတို့တွေ တတွေမှာ လိုအပ်နေတဲ့၊ ဖြည့်ဆည်းရမယ့် တကယ့်လိုအပ်ချက်လေးတွေ ဖြစ်နေတယ်။

ဆရာဦးကိုနီ ဆွေးနွေးတာတွေက နိုင်ငံမှာ အရပ်ဘက်လူမှုအဖွဲ့အစည်းတွေ အများကြီးလိုအပ်တယ်။ အရပ်ဘက် လူမှုအဖွဲ့အစည်းတွေ အားကောင်းလာရင် အာဏာသိမ်းယူလို့ မရပါ။ ဒီမိုကရေစီစနစ် အခြေခံအားကောင်းဖို့က အရပ်ဘက်လူမှုအဖွဲ့အစည်းတွေ အင်အားကောင်းအောင် ဖွဲ့စည်းဖို့လိုတယ်။

နိုင်ငံသားဆိုရာမှာ အုပ်ချုပ်သူလူတန်းစားနဲ့ အုပ်ချုပ်ခံ လူတန်းစားဆိုပြီး လူတန်းစား ၂-ရပ်သာရှိပြီး နိုင်ငံတော် အာဏာရဲ့ ပင်ရင်းပိုင်ရှင်ဟာ နိုင်ငံသားတွေ သာဖြစ်တယ်။ မိမိကိုယ်ကို နိုင်ငံရဲ့ တာဝန်ရှိသူတစ်ယောက်ကဲ့သို့ သတ်မှတ်တဲ့ စိတ်ထားနိုင်ရမယ်ဆိုတာပြောတယ်။ နောက်ပြီးတော့ အမှားကြာရင် အမှန်ဖြစ်တယ်ဆိုတဲ့ စကားပုံရှိပေမယ့် အမှားက အမှားပဲ အမှန်ဖြစ်မသွားဘူး။ တစ်ယောက်နဲ့တစ်ယောက် အထင်လွဲရင် ကြားဝင်ဖြန်ဖြေရတာ လွယ်ကူပေမယ့် ပြဿနာဖြစ်အောင် ရည်ရွယ်ချက်ရှိရှိ ဖန်တီးလုပ်ဆောင်နေတာကိုတော့ ဖြေရှင်းရခက်တယ်။ ကျွန်မတို့ ကွန်မြူနတီမှာလည်း ယဉ်ကျေးမှု ထိုးဖောက်လာတာတွေရှိနေပြီး လူမျိုးနဲ့ဆိုင်တဲ့ ယဉ်ကျေးမှုကို ဘာသာရေးနဲ့ ရောယှက် လာတာတွေ ရှိလာတယ်ဆိုတာ ဆွေးနွေးခဲ့တယ်။ ဆရာဆွေးနွေး သွားတာတွေက ကျွန်မတို့ လက်ရှိဘ၀နဲ့ အလွန်တရာမှ ထင်ဟပ်လွန်းလှပါတယ်။

ဆရာဆွေးနွေးသွားတာတွေမှာ ကျွန်မ အမှတ်ထင်ထင်အဖြစ်ဆုံးက

(၁) နိုင်ငံရေးကို ဘာသာရေးနဲ့ ရောလိုက်ရင် ဘာသာမတူသူတွေကြားမှာ ပဋိပက္ခဖြစ်ပြီး ဘာသာတူသူတွေကြားမှာလည်း အစွန်းရောက်သူတွေနဲ့ အလယ်အလတ်သမားတွေ ပဋိပက္ခဖြစ်နိုင်တယ်။

(၂) ကျွန်တော်တို့ ကွန်မြူနတီ အနေနဲ့ နိုင်ငံမှာ လုပ်ဆောင်နိုင်တာက ဘာသာရေးအဖွဲ့၊ လူမှုရေး အဖွဲ့အနေနဲ့ လုပ်ဆောင်နိုင်တယ်။ နိုင်ငံရေးအနေနဲ့ ကျွန်တော်တို့ မလုပ်နိုင်ဘူး။ ကျွန်တော်တို့တွေက လူနည်းစုဖြစ်လို့ ကိုယ်တိုင် သမ္မတ မဖြစ်နိုင်ဘူး။ ကျွန်တော်တို့ အစိုးရ မဖြစ်ဘူး။ ဒါပေမယ့် ကျွန်တော်တို့ ထောက်ခံသူ အစိုးရဖြစ်အောင် လုပ်ဆောင်နိုင်တယ်။ ဒါတွေအတွက် တစ်ဦးချင်းတော့ မစွမ်းဆောင်နိုင်ဘူး လို့ ဆရာပြောခဲ့တာအပေါ်မှာ ဆရာ့ကို မေးခွန်း အနည်းငယ် မေးဖြစ်ခဲ့တယ်။

မေး – ဆရာ ဆွေးနွေးသွားတာမှာ နိုင်ငံရေးကို ဘာသာရေးနဲ့ ရောလိုက်ရင် ဘာသာမတူသူတွေကြားမှာ ပဋိပက္ခဖြစ်ပြီး ဘာသာတူသူတွေကြားမှာလည်း အစွန်းရောက်သူတွေနဲ့ အလယ်အလတ်သမားတွေ ပဋိပက္ခဖြစ်နိုင်တယ် ဆိုတာ ပြောသွားတယ်။ အခုအချိန်မှာ မွတ်စလင်များ အနေနဲ့လည်း နိုင်ငံရေးကို အရင်ကာလ ထက်ပိုပြီး လုပ်ဆောင်လာသူတွေရှိပါတယ်။ နိုင်ငံရေး လုပ်သူတွေက ဘာသာရေးကို နိုင်ငံရေးနဲ့ မရောထွေးပါနဲ့လို့ ပြောတဲ့အချိန်မှာ တချို့သူတွေ ပြန်ပြော လာတာက နိုင်ငံရေးဆိုတာက မွတ်စလင်တွေအနေနဲ့ အစ္စလာမ်မှာပါပြီးသားပဲ။ ဒီအတွက် နိုင်ငံရေးကို ဘာသာရေးနဲ့ မရောပါနဲ့လို့ပြောသူကို ဘာသာရေး မရှိသူ တစ်ယောက် အဖြစ် ပြောဆိုမှုတွေ ရှိလာတဲ့အပေါ် ဆရာအနေနဲ့ ဘယ်လိုများ ထင်မြင်ချက်ပေးချင်ပါလဲ။

ဖြေ – အဲ့ဒီလို နိုင်ငံရေးနဲ့ ဘာသာရေးဟာ အတူတူပဲ။ နိုင်ငံရေးနဲ့ ဘာသာရေးဟာ အတူတူပဲလို့ အစ္စလာမ်က ပြဋ္ဌာန်းထားတယ်လို့ပြောရင် ဆရာ့အမြင်က ဒီလူဟာ နိုင်ငံရေးဆိုတာ ဘာလဲဆိုတာကို ကောင်းကောင်း နားမလည်ဘူးလို့ ထင်တယ်။ ဘာကြောင့်လဲဆိုတော့ နိုင်ငံရေးဆိုတဲ့ ဘာသာရပ်နဲ့ ဘာသာရေးဆိုတဲ့ ဘာသာရပ် ဒီနှစ်ခုက လုံးဝ ကွဲပြား ခြားနားတယ်။ ဘာသာရေး လုပ်တယ်ဆိုတာ အဓိက နောက်ဆုံးရည်မှန်းချက်က အစ္စလာမ် တစ်ယောက်အနေနဲ့ပြောရင် ဂျန္နသ် (မြန်မာ လိုဆိုရင်တော့ နိဗ္ဗာန်)ကို ရည်မှန်းပြီးလုပ်တာ။ ဗုဒ္ဓဘာသာလည်း ဒီအတိုင်းပဲ။ ခရစ်ယာန်လည်း ဒီအတိုင်းပဲ။ ဆိုလိုတာက ဘာသာရေးဆိုတာက အဆုံးစွန်သော ရည်မှန်းချက်။ ဘာအတွက် ဒီဘာသာထဲမှာ ၀င်ပြီး ဒီကို သက်ဝင် ယုံကြည်နေသလဲဆိုတော့ လူသားတစ်ယောက်ဟာ ဧည့်သည်ပဲ။ မွေးဖွားခြင်း ဆိုတဲ့ နေရာ ကနေလာတယ်။ ဧည့်သည်ဖြစ်နေတယ်။ လမ်းဆုံး ခရီးက သေဆုံးခြင်းပဲ။ သေဆုံးပြီးတဲ့နောက်ပိုင်း ထာဝရ ဘ၀ကောင်းဖို့ဆိုတဲ့ ရည်ရွယ်ချက်နဲ့ ဒီယုံကြည်မှုကို လက်ခံကျင့်သုံးနေတာ။

နိုင်ငံရေးဆိုတာက သေသွားသူနဲ့ ဘာမှ မဆိုင်ဘူး။ လူ့လောကမှာ သက်ရှိ ထင်ရှားရှိနေစဉ် အမြင့်ဆုံး ကိုယ်နေတဲ့ တိုင်းပြည်၊ အဲ့ဒီကနေ ကိုယ့်လူမျိုး၊ ကိုယ့်အရပ်၊ ကိုယ့်အိမ်နီးနားချင်း၊ ကိုယ့်မိသားစု အစရှိတဲ့ လူတွေရဲ့ အဆင်ပြေမှု၊ ကောင်းစားမှု၊ ဖွံ့ဖြိုးတိုးတက်မှု ဒါတွေကို အဓိကအာရုံထား လုပ်ပေးရတာက နိုင်ငံရေး။ နိုင်ငံ့အရေး။ နိုင်ငံ အတွင်း မှီတင်းနေထိုင်သူ အားလုံးအရေး။ အဲဒါကို နိုင်ငံရေးလို့ အဓိပ္ပါယ် ဖွင့်ရတယ်။

နိုင်ငံရေးဟာ အစ္စလာမ်ဘာသာနဲ့ အတူတူပဲလို့ပြောချင်ရင် တစ်နိုင်ငံလုံး အစ္စလာမ်၊ နိုင်ငံတော် ဘာသာက အစ္စလာမ်ဆိုတဲ့ နိုင်ငံတွေမှာပြောရင် အဲ့ဒီစကားကို လက်ခံကောင်း လက်ခံလိမ့်မယ်။ ဘာကြောင့်လဲဆိုတော့ နိုင်ငံ တစ်နိုင်ငံရဲ့ ဘတ်ဂျတ်ထဲမှာ ၀င်လာတဲ့ငွေတွေအားလုံးဟာ ဘာသာပေါင်းစုံက ငွေတွေပါတယ်။ အဲဒီတော့ အစ္စလာမ်ဘာသာဝင်တွေရဲ့ ငွေတွေလည်းပါမယ်၊ ဗုဒ္ဓဘာသာဝင်တွေရဲ့ငွေတွေလည်းပါမယ်။ ခရစ်ယာန် ဘာသာဝင်တွေရဲ့ ငွေတွေလည်း ပါမယ်။ နိုင်ငံတော်ရဲ့ဘတ်ဂျက်ဟာ ဘာသာပေါင်းစုံ လူတွေဆီကနေ စီးဝင်လာတဲ့ငွေ။ အဲ့ဒီငွေကိုသုံးပြီး တိုင်းပြည် အုပ်ချုပ်တဲ့အခါကျရင် အမြဲတမ်း ဘာသာ အားလုံးအတွက် လုပ်ရမယ်။ ဘာသာ တစ်ခုတည်းအတွက် လုပ်လို့ မရဘူး။ ဒါကြောင့် နိုင်ငံရေးနဲ့ ဘာသာရေးဟာ စည်းခြားကို ခြားထားရမယ်။ နိုင်ငံရေးနဲ့ ဘာသာရေးကို စည်းခြား မထားတဲ့ တိုင်းပြည်ဟာ ဘယ်တော့မှ တည်ငြိမ်အေးချမ်းမှု ရမှာမဟုတ်ဘူး။ ဒါကြောင့် ခုနက မေးတဲ့မေးခွန်းနဲ့ ပတ်သက်ပြီး အဲ့ဒီအယူအဆဟာ နိုင်ငံရေး ဆိုတာ ဘာလဲလို့ သဘောမပေါက်တဲ့သူ မကွဲတဲ့သူလို့ ပြောချင်ပါတယ်။

မေး – မြန်မာနိုင်ငံမှာ Civil Society တွေအနေနဲ့ပတ်သက်တာ ဆရာ ပြောသွားတယ်။ နောက် မွတ်စလင် ကွန်မြူနတီ အတွက် ပြောသွားတယ်။ နိုင်ငံ အတွက်ဆို ဘာသာရေးအဖွဲ့၊ လူမှုရေးအဖွဲ့၊ နိုင်ငံရေးအဖွဲ့တွေ ရှိမယ်။ မွတ်စလင် ကွန်မြူနတီ အနေနဲ့ နိုင်ငံ အတွက် အများဆုံးလုပ်နိုင်မှာက လူမှုရေးအဖွဲ့ရယ် ဘာသာရေး အဖွဲ့ရယ် အနေနဲ့ လုပ်နိုင်မယ်။ ဒါလူမှုရေးအဖွဲ့ရယ် ဘာသာရေးအဖွဲ့ရယ် အနေနဲ့ လုပ်နိုင်မယ်။ ဒါပေမယ့် ဆရာက ဦးစားပေးပြောသွားတာက လူမှုရေး အဖွဲ့တွေ အနေနဲ့ လုပ်သင့်တယ်ဆိုတဲ့ အကြောင်းပြောသွားတယ်။ နောက်တစ်ခု ကျွန်တော်တို့တွေ ကိုယ်တိုင်က သမ္မတဖြစ်ဖို့၊ နိုင်ငံ အုပ်ချုပ်သူဖြစ်ဖို့၊ အစိုးရဖြစ်ဖို့ မွတ်စလင် ကွန်မြူနတီက လူတွေအတွက် ဘယ်လိုမှ မဖြစ်နိုင်ဘူး။ ဖြစ်နိုင်တာက ကိုယ်ထောက်ခံတဲ့သူ အစိုးရဖြစ်ဖို့အတွက် ကြိုးစားနိုင်တယ်လို့ ဆရာပြောသွားတဲ့ အပေါ် သုံးသပ်မိတာကို မေးချင်တာက ကျွန်မတို့တွေက နိုင်ငံရေး အဖွဲ့တွေအနေနဲ့ လုပ်ဆောင်လာပြီးတော့ လွှတ်တော်ထဲကို လူထုကိုယ်စားလှယ် အဖြစ် ရောက်သွားမယ် ဆိုရင် အဲ့ဒီမှာ ကျွန်မတို့တွေရဲ့ လွှတ်တော် ကိုယ်စားလှယ် တစ်ဦးချင်းအနေနဲ့ စွမ်းဆောင်နိုင်ရည်တွေ ပိုရှိလာမယ်လို့ ခံယူမိတဲ့အတွက် ကျွန်မတို့ ကွန်မြူနတီက ကိုယ်စားပြု နိုင်ငံရေး အဖွဲ့တွေ လွှတ်တော် အထိရောက်အောင် သွားဖို့ လိုအပ်ပါသလား၊ လုပ်သင့်တယ်လို့ ဆရာမြင်ပါသလား။

ဖြေ – ထင်တယ်၊ မြင်တယ်။ လုပ်ရမယ်။ ဆရာပြောတဲ့ စကားက အစိုးရအဖွဲ့ဟာ ဘယ်တော့မှ မွတ်စလင်မဖြစ်ဘူး။ သို့သော် မွတ်စလင် ၀န်ကြီး တစ်ပါး နှစ်ပါး ပါနိုင်တယ်။ ဘာကြောင့် အစိုးရ မဖြစ်နိုင်ဘူးဆိုတာက minority ဖြစ်လို။ သန်း ၆၀-လောက်ရှိတဲ့ လူထဲမှာ သန်း ၆၀-လောက်ရှိတဲ့လူထဲမှာ ၆-သန်းလောက်ပဲရှိတဲ့ လူစုက တိုင်းပြည်ကို စီမံခန့်ခွဲဖို့ဆိုတာ မဖြစ်နိုင်ဘူး။ ဒါပေမယ့် အဲ့ဒီ တိုင်းပြည်ကို စီမံခန့်ခွဲတဲ့အဖွဲ့ကြီးဟာ NLD ဖြစ်စေချင်ရင် NLD ကို ပံ့ပိုးပေးနိုင်တယ်။ ပြည်ခိုင်ဖြိုးဖြစ်စေချင်ရင် ပြည်ခိုင်ဖြိုးကို ပံ့ပိုးပေးနိုင်တယ်။ အဲ့ဒါ ကွန်မြူနတီတစ်ခုလုံး အနေနဲ့ လုပ်နိုင်တဲ့အနေနဲ့။ ဒါကြောင့် မွတ်စလင် ကွန်မြူနတီအနေနဲ့ ပါတီထောင်ပြီး နိုင်ငံရေး လုပ်မယ်ဆိုရင် နိုင်ငံရေး အာဏာတော့ ရဖို့မရှိဘူး။ ဒါပေမယ့် အမတ်ဖြစ်နိုင်တယ်။ အမတ်ဖြစ်နိုင်တဲ့ အတွက်ကြောင့် လွှတ်တော်မှာ အသံမြည်နိုင်တယ်။ အစိုးရအဖွဲ့ဝင် ၀န်ကြီးဖြစ်နိုင်တယ်။ အစိုးရကို အကြံကောင်း ဥာဏ်ကောင်းတွေ ပေးနိုင်တယ်။

နိုင်ငံအကျိုးပြု လုပ်ငန်းတွေကို မွတ်စလင်တွေလည်း လုပ်နိုင်တယ်။ ဟိုးတချိန်က ဆရာကြီး ဦးရာဇတ်တို့ ဦးရာရှစ်တို့ လုပ်ခဲ့သလိုပေါ့။ ဆိုလိုတာက အဲ့ဒါက တစ်ဦးချင်း အနေနဲ့ အစိုးရအဖွဲ့ထဲမှာ ပါဝင်ပြီးလုပ်တာ။ ဒီအတွက်က မွတ်စလင်များတဲ့နေရာမှာ ပါတီထောင် အရွေးခံ။ မဟုတ်ရင်လည်း တခြားပါတီတစ်ခုကနေ ၀င်အရွေးခံ။ ဒါက တစ်ဦးချင်းအနေနဲ့ နိုင်ငံအကျိုးပြုနိုင်တဲ့ကိစ္စ။ ဆရာပြောတာ ကွန်မြူနတီကြီး တစ်ခုလုံး အနေနဲ့ လုပ်ရမယ့်ကိစ္စ။ အဲဒါက နည်းနည်းလေးကွာတယ်။ ကွန်မြူနတီ တစ်ခုလုံး အနေနဲ့ မြန်မာ မွတ်စလင်အစိုးရဆိုတာ မရှိနိုင်ဘူး။ သို့သော် မွတ်စလင်များ လိုလားသူ အစိုးရဖြစ်အောင် ပံ့ပိုးနိုင်တယ်။ ဒါကိုပဲ ပြောတာပါ။ ဆိုလိုတာက တစ်ဦးချင်းကတော့ ပါဝင်ရမယ်။ ဒါပေမယ့် ၂၀၁၅-နောက်ပိုင်း ၂၀၂၀ လောက် ဆိုရင်တော့ မွတ်စလင် အမတ်တွေ ၀င်ကောင်းဝင်နိုင်တယ်။ အခုလောလောဆယ် Hate Speech တွေနဲ့ ပြဿနာတွေ များနေတဲ့အချိန်မျိုးမှာတော့ နည်းနည်းအခက်အခဲရှိနိုင်မယ်။ အခုမေးတာလေးက ကွန်မြူနတီအနေနဲ့ လုပ်နိုင်တဲ့အလုပ်နဲ့ တစ်ဦးချင်းလုပ်နိုင်တဲ့ အလုပ်။ ဆရာပြောတာက ကွန်မြူနတီ အနေနဲ့ ပြောတာဖြစ်တယ်။ အခုမေးတာက တစ်ဦးချင်းအတွက် မေးခွန်းဖြစ်တယ်။ ဒါပေမယ့် ကောင်းတယ်။

နောက်ဆုံး လွှတ်တော်ကို ပါရမယ်။ ၆-သန်းအားက မသေးဘူး။ ပါတီတစ်ခုက အနိုင်ရလို့ တိုင်းပြည်ကို အုပ်ချုပ်ပြီဆို သူတို့ကို ထောက်ခံမှုရဖို့အတွက် ဒီ ၆-သန်းကိုလည်း အားကိုးရမှာပဲ။ မွတ်စလင်တွေ အနေနဲ့လည်း ၀န်ကြီး တစ်ပါးဖြစ်အောင် ကြိုးစားခွင့်ရှိတယ်။ ဒါပေမယ့် ကွန်မြူနတီက တောင့်တင်းဖို့တော့ လိုတယ်။ ညီညွတ်နေဖို့လိုတယ်။ ဒါကို ပြောချင်တာပါ။

ကျွန်မ သိချင်တဲ့ မေးခွန်းလေးတွေကို ဆရာဦးကိုနီကို မေးမြန်း ခွင့်ရခဲ့သလို ဖြေကြားပေးခဲ့တဲ့ ဆရာ့ကိုလည်း ကျေးဇူးတင်မိတယ်။ ကျွန်မတို့ ကွန်မြူနတီမှာ နိုင်ငံရေးနဲ့ ဘာသာရေးကို ရှင်းလင်းစွာ မမြင်ကြသေး သူများလည်း မြင်နိုင်လာကြပါစေလို့သာ ဆန္ဒပြုရင်း။

June 4, 2014