ဇူလိုင် ၂၁၊ ၂၀၁၈
M-Media
– အမေရိကန်နဲ့ဆွေးနွေးမှုဟာ ‘အသုံးမ၀င်တော့ဘူး’ လို့ အီရန်အဓိပတိ အယာတိုလာ အလီ ခါမေနီက ပြောကြားလိုက်ပြီး ဥရောပနဲ့ ဆွေနွေးမှုတွေ ဆက်လုပ်သွားမယ်လို့ ဆိုပါတယ်။
ဒီကနေ့ မြို့တော် တီဟီရန်မှာ အီရန် သံအမတ်တွေ၊ သံတမန်အရာရှိတွေနဲ့ တွေ့ဆုံမှုအတွင်း ခါမေနီက ဒီလိုပြောကြားလိုက်တာဖြစ်ပြီး အီရန်အနေနဲ့ အနောက်နိုင်ငံတွေရဲ့ အဆိုပြုချက်တွေ အပေါ်မှာ သိပ်ပြီး မလေးမထားတော့ဘူးလို့လည်း ဆိုပါတယ်။
“အမေရိကန်ရဲ့ စကားတွေ၊ သဘောတူညီချက်တွေကို ယုံလို့မရဘူးလို့ ကျွန်တော် အရင်ကတည်းက ပြောခဲ့ဖူးပါတယ်။ ဒါ့ကြောင့် အမေရိကန်နဲ့ ညှိနှိုင်းဆွေးနွေးမှုဟာ အသုံးမ၀င်တော့ပါဘူး”
အမေရိကန်က အီရန်အပေါ် ရန်လိုမုန်းထားမှုဟာ ‘အမြစ်တွယ်နေ’ ပြီး၊ ၁၉၇၉ ခုနှစ် အစ္စလာမ့် တော်လှန်ရေးမတိုင်ခင် မဟာမိတ်ဖြစ်ခဲ့တဲ့ အနေအထားမျိုးကို အမေရိကန်က ပြန်လိုချင်နေတယ်လို့လည်း ခါမေနီက ထည့်သွင်းပြောဆိုခဲ့ပါတယ်။
၂၀၁၅ ခုနှစ် အမေရိကန်အပါအ၀င် အင်အားကြီး ၆ နိုင်ငံနဲ့အတူ ရရှိခဲ့တဲ့ အီရန် နျူသဘောတူညီချက်ကနေ နှုတ်ထွက်ကြောင်း အမရိကန်က မေလမှာ ကြေငြာခဲ့ပါတယ်။ ဥရောပသမဂ္ဂနဲ့ အခြားနိုင်ငံတွေက အဲဒီသဘောတူညီချက်အတိုင်း ဆက်လက်ဆောင်ရွက်သွားမယ်လို့ ပြောကြားထားပါတယ်။
အဲဒီ သဘောတူညီချက် ဆက်လက်တည်မြဲနေစေဖို့ အခုလအစောပိုင်းမှာ ဥရောပသမဂ္ဂက အဆိုပြုချက်တစ်ချို့ကို တင်ပြခဲ့ပေမယ့် အီရန်က ဒီအဆိုပြုချက်တွေကနေ အီရန်ဟာ ဘာအကျိုးအမြတ်မှ မရနိုင်ဘူးလို့ဆိုကာ ပယ်ချခဲ့ပါတယ်။
ခါမေနီက အမေရိကန်နဲ့ ညှိနှိုင်းဆွေးနွေးရင် အီရန်ဟာ ပြဿနာတွေကို ဖြေရှင်းနိုင်လိမ့်မယ်လို့ ယုံကြည်မိတာ မဟာအမှားဖြစ်တယ်လို့ ပြောကြားခဲ့ပါတယ်။
“အာဖရိက၊ အာရှနဲ့ လက်တင်အမေရိကမှာ အမေရိကန်နဲ့ အဆက်အသွယ်ရှိတဲ့ နိုင်ငံတွေ တော်တော်များများ ရှိပါတယ်။ ဒါပေမယ့် သူတို့တွေဟာ ပြဿနာတွေနဲ့ ရင်ဆိုင်နေရတာပါပဲ”
အီရန်ရဲ့ ရေနံတင်ပို့မှုကို ပိတ်ပင်မယ်ဆိုရင် ဒေသတွင်းကရေနံတွေ တင်ပို့မှုကိုလည်း အီရန်က ပိတ်ပင်သွားမယ်လို့ သမ္မတရူဟာနီရဲ့ ပြောကြားမှုကို ခါမေနီက ထောက်ခံခဲ့ပါတယ်။
Ref: Press TV
