Tag: Iran

ဇွန် ၅၊ ၂၀၁၈
M-Media

– ကမ္ဘာ့အင်အားကြီးနိုင်ငံတွေနဲ့ ရရှိထားတဲ့ သဘောတူညီချက်ဘောင်ထဲကနေ မိမိတို့ဟာ ယူရေနီယံ သန့်စင်မှုကို တိုးမြှင့်လုပ်ဆောင်သွားဖို့ ရှိနေတယ်လို့ အီရန်နျူစွမ်းအင် အေဂျင်စီရဲ့ ပြောရေးဆိုခွင့်ရှိသူ ဘီရုဇ် ကမာလ်ဗန်ဒီက ပြောကြားလိုက်ပါတယ်။

ဒီလုပ်ငန်း စတင်လုပ်ဆောင်ဖို့အတွက် နိုင်ငံတကာ နျူစွမ်းအင်အေဂျင်စီ IAEA ကို အီရန်က ဒီကနေ့မှာ စာပို့ အကြောင်းကြားသွားမှာပါ။

ကမာလ်ဗန်ဒီက အဓိပတိ အယာတိုလာ ခါမေနီဟာ နိုင်ငံရဲ့ နျူကလီးယား လုပ်နိုင်စွမ်းကို ရှေ့ဆက်ဖို့အတွက် လိုအပ်တဲ့ သဘောတူညီချက်တွေ ရယူဖို့ အမိန့်ပေးခဲ့ပြီး ဒီလုပ်ငန်းတွေဟာ ၂၀၁၅ ခုနှစ်မှာ အင်အားကြီး ၆ နိုင်ငံနဲ့ ရရှိခဲ့တဲ့ နျူသဘောတူညီချက်အတိုင်းသာ ဖြစ်စေဖို့ သတိပေးခဲ့တယ်လို့ ပြောကြားခဲ့ပါတယ်။

မနေ့ကမိန့်ခွန်းမှာ ခါမေနီက အီရန်ရဲ့ နျူအင်အားကို ကန့်သတ်ထားပြီး၊ စီးပွားရေးပိတ်ဆို့မှုဒဏ်ကိုလည်း ခံရမယ်ဆိုရင် ဒီလိုအခြေအနေကို လက်ခံမှာမဟုတ်ကြောင်း ထည့်သွင်းပြောဆိုခဲ့ပါတယ်။

နျူသဘောတူညီချက်အရ အီရန်ဟာ သူတို့ရဲ့ ယူရေနီယံသန့်စင်မှု ပမာဏကို ၂၀ ရာခိုင်နှုန်းကနေ ဓာတ်အားထုတ်လုပ်နိုင်တဲ့ ၃.၆၇ ရာခိုင်နှုန်းအထိ လျှော့ချပေးရမှာ ဖြစ်ပါတယ်။ သန့်စင်မှုပမာဏ ၉၀ ရာခိုင်နှုန်းရောက်လာရင် လက်နက်ထုတ်လုပ်နိုင်မှာပါ။

အီရန်ဟာ သဘောတူညီချက်အတိုင်း လိုက်နာဆောင်ရွက်နေတယ်လို့ IAEA က ပြောထားပေမယ့် အမေရိကန်သမ္မတ ဒေါ်နယ်ထရမ့်က သဘောတညီချက်ကနေ နှုတ်ထွက်ကြောင်း မေလ ၈ ရက်နေ့မှာ ကြေငြာခဲ့ပြီး အီရန်အပေါ် ပိတ်ဆို့မှုတွေ ဆက်လုပ်သွားမယ်လို့ ပြောကြားခဲ့ပါတယ်။

သဘောတူညီချက်မှာ ပါဝင်တဲ့ အခြားအင်အားကြီးနိုင်ငံတွေကတော့ စာချုပ်အတိုင်း ဆက်သွားမယ်လို့ ကြေငြာထားပါတယ်။

Ref: Aljazeera

မေ ၁၂၊ ၂၀၁၈
M-Media

– ရန်သူတွေက သွေးခွဲမှုတွေလုပ်နေတဲ့ အခုလိုအချိန်မျိုးမှာ မွတ်စလင်နိုင်ငံတွေအနေနဲ့ စုစည်းညီညွတ်ဖို့ လိုအပ်နေပြီလို့ အီရန်အဓိပတိ အယာတိုလာ အလီ ခါမေနီက ပြောကြားလိုက်ပါတယ်။

တီဟီရန်မှာ ဒီကနေ့ပြုလုပ်တဲ့ အစ္စလာမ့်သိပ္ပံဆိုင်ရာ ဖွံ့ဖြိုးတိုးတက်မှုမှာ ရှီအာမွတ်စလင်တွေရဲ့ အခန်းကဏ္ဍဆိုင်ရာ နိုင်ငံတကာ ထိပ်သီးအစည်းအဝေးမှာ ခါမေနီက အနောက်နိုင်ငံတွေ လက်မခံပေမယ့် လက်ရှိ မွတ်စလင်ကမ္ဘာရဲ့ နိုးထလာမှုဟာ အစ္စလာမ်နဲ့ ပိုမိုနီးစပ်ရေး အခြေခံဖြစ်လာပြီး၊ ပိုကောင်းတဲ့အနာဂတ်ကို မြင်ေ
နရပြီလို့ ဆိုပါတယ်။

မွတ်စလင်တွေ အချင်းချင်းကြားထဲမှာ သွေးကွဲအောင် ရန်သူတွေက ကြိုးပမ်းနေတယ်လို့လည်း သူက ပြောကြားခဲ့ပါတယ်။

“ဒီလိုအခြေအနေမျိးမှာ မွတ်စလင်တွေကြားထဲ ကောင်းကျိုးအတွက် ပိုမိုနားလည်မှု ရှိစေတဲ့ ဘယ်လို လုပ်ရပ်မျိုးမဆို၊ စုစည်းစေတဲ့ ဘယ်လိုအနေအထားမျိုးမဆို မွတ်စလင်တွေ စည်းလုံးညီညွတ်ဖို့အတွက် အကူအညီ ဖြစ်စေပါလိမ့်မယ်”

မွတ်စလင်ကမ္ဘာမှာ အရေးပါဆုံးနဲ့ အလိုအပ်ဆုံးဟာ သိပ္ပံပညာ ရှေ့ရောက်ဖို့ဖြစ်ပြီး လက်ရှိ ကမ္ဘာပေါ်မှာ မွတ်စလင်နိုင်ငံတွေ အောက်ကျနောက်ကျ ဖြစ်နေရတာဟာ သိပ္ပံပညာ မဖွံ့ဖြိုးမှုကြောင့် ဖြစ်တယ်လို့လည်း ခါမေနီက ထည့်သွင်း ပြောဆိုခဲ့ပါတယ်။

“မွတ်စလင်တွေက သိပ္ပံပညာပိုင်းဆိုင်ရာမှာ ရာစုနှစ်ချီ နောက်ပြန်သွားနေတဲ့အချိန် အနောက်နိုင်ငံတွေက မွတ်စင်ကမ္ဘာရဲ့ သိပ္ပံဆိုင်ရာ တိုးတက်မှုတွေကို အသုံးချကာ ကြွယ်ဝမှု၊ သိပ္ပံပညာ၊ စစ်ရေး၊ နိုင်ငံရေး၊ ၀ါဒဖြန့်စွမ်းအားတွေကို မြှင့်တင်ကာ ကိုလိုနီစနစ်ကနေတစ်ဆင့် မွတ်စလင်တွေ ဒီနေ့လိုအဖြစ်မျိး ရောက်လာအောင် အပြည့်အ၀ လုပ်ဆောင်သွားတာ ဖြစ်ပါတယ်”

သိပ္ပံပညာဆိုင်ရာ တိုးတက်မှုမှာ အီရန်နိုင်ငံဟာ အကောင်းဆုံးဥပမာတစ်ခုဖြစ်တယ်လို့ ခါမေနီက ထပ်လောင်းပြောကြားခဲ့ပြီး၊ မွတ်စလင် နိုင်ငံတွေအနေနဲ့ ဒီလိုတိုးတက်အောင်ဆောင်ရွက်မှ တစ်ချိန်ကရှိခဲ့တဲ့ လူ့အဖွဲ့အစည်းရဲ့ ထိပ်ပိုင်းကို ပြန်ရောက်နိုင်မယ်လို့လည်း ထည့်သွင်းပြောဆိုခဲ့ပါတယ်။

Ref: Press TV

မေ ၁၁၊ ၂၀၁၈
M-Media

– ဆီးရီးယားက အီရန်တပ်ဖွဲ့တွေ ဂိုလန်တောင်ကုန်းကို ဒုံးကျည်နဲ့ပစ်တယ်ဆိုတဲ့ အစ္စရေးရဲ့ စွပ်စွဲချက်ဟာ လုပ်ကြံပြောဆိုမှုသာဖြစ်ပြီး အခြေအမြစ်မရှိဘူးလို့ အီရန်က တုန့်ပြန်လိုက်ပါတယ်။

ကြာသာပတေးနေ့မှာ အစ္စရေးဟာ ဆီးရီးယားနိုင်ငံအတွင်း ကျူးကျော်ဝင်ရောက်ကာ တိုက်ခိုက်ခဲ့ပြီး အီရန်က ဒုံးကျည်တွေနဲ့ ပစ်ခတ်မှုကို တုန့်ပြန်တာဖြစ်တယ်လို့ ပြောကြားခဲ့ပါတယ်။ နောက်ပြီး သူတို့တိုက်ခိုက်ခဲ့တာတွေဟာ အီရန်စစ်အခြေစိုက်စခန်းတွေ ဖြစ်တယ်လို့လည်း ဆိုပါတယ်။

အီရန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဘဟ်ရမ် ကာစင်ကာ အစ္စရေးဟာ အမြဲတမ်းလိုလို လီဆယ်ပြောဆိုပြီး ဆီးရီးယားကို ၀င်ရောက်တိုက်ခိုက်လေ့ရှိတယ်လို့ ဝေဖန်ခဲ့ပါတယ်။

“ဇိုင်ယွန်အစိုးရဟာ လီဆယ်မှုတွေ၊ အခြေအမြစ်မရှိတဲ့ စွပ်စွဲမှုတွေနဲ့ နိုင်ငံတစ်ခုရဲ့ အချုပ်အခြာအာဏာ၊ ပိုင်နက်ကို ချိုးဖောက်ကာ ဆီးရီးယားကို ၀င်ရောက်တိုက်ခိုက်လေ့ရှိပါတယ်။ ဒါဟာ နိုင်ငံတကာ ဥပဒေ၊ စည်းမျဉ်းစည်းကမ်းတွေကို ချိုးဖောက်တာပါ”

အစ္စရေးရဲ့ ဒီတိုက်ခိုက်မှုဟာ ပြီးခဲ့တဲ့နှစ်တွေအတွင်း အရှေ့အလယ်ပိုင်းမှာ ကြီးမားတဲ့တိုက်ခိုက်မှုကြီးဖြစ်ပြီး ဆီးရီးယားစစ်တပ်ရဲ့ လေကြောင်းရန်ကာကွယ်ရေး စနစ်တွေကိုလည်း ဖျက်ဆီးခဲ့ပါတယ်။

ဆီးရီးယားနိုင်ငံပိုင်သတင်းဌာနက ဒမတ်စကတ်ကိုရောက်လာတဲ့ ဒုံးကျည်အများစုကို ပစ်ချနိုင်ခဲ့ပေမယ့် ရေဒါစခန်းတစ်ခုနဲ့ လက်နက်တိုက်တစ်ခုတို့ ပျက်ဆီးခဲ့တယ်လို့ ဖော်ပြခဲ့ပါတယ်။

ဆီးရီးယားမှာ အစ္စရေးက ဒီလိုတိုက်ခိုက်မှုတွေ လုပ်နေတဲ့အပေါ် နိုင်ငံတကာအသိုင်းအ၀ိုင်းရဲ့ နှုတ်ဆိတ်မှုကို ကာစင်က ရှုတ်ချခဲ့ပါတယ်။

Ref: Aljazeera