Tag: Iran

မတ် ၉၊ ၂၀၁၈
M-Media

– အရှေ့အလယ်ပိုင်းတွင် မိမိတို့၏ တည်ရှိမှုနှင့်ပတ်သက်၍ အနောက်နိုင်ငံများနှင့် ညှိနှိုင်းဆွေးနွေးမည်မဟုတ်ဟု အီရန်အဓိပတိ အယာတိုလာ အလီခါမေနီက ပြောကြားလိုက်ပြီး ပြင်သစ်နိုင်ငံခြားရေးဝန်ကြီး၏ မှတ်ချက်ကို ပြန်လည်တုန့်ပြန်လိုက်ခြင်းဖြစ်သည်။

“ဥရောပနိုင်ငံတွေက (တီဟီရန်ကို) လာပြီး ဒေသတွင်းမှာ အီရန်ရဲ့ တည်ရှိမှုအတွက် ဆွေးနွေးချင်တယ်လို့ ပြောကြတယ်။ ဒါခင်ဗျားတို့ကိစ္စ မဟုတ်ပါဘူး။ ဒါဟာ ကျွန်တော်တို့ဒေသဖြစ်ပြီး ခင်ဗျားတို့က ဘာ့ကြောင့် လာပါတာလဲ” ဟု ခါမေနီ၏ ပြောကြားမှုကို ၎င်း၏ တရားဝင်ဝဘ်ဆိုက်၌ ယမန်နေ့တွင် လွှင့်တင်ခဲ့သည်။

နိုင်ငံ၏ အရေးပါသော ကိစ္စတိုင်းတွင် အကြွင်းမဲ့အာဏာပိုင်ဖြစ်သော ခါမေနီက ထိုကိစ္စနှင့်ပတ်သက်၍ ဒေသတွင်း မည်သည့်နိုင်ငံနှင့်မှလည်း ဆွေးနွေးမည်မဟုတ်ဟု ထည့်သွင်းပြောဆိုခဲ့သည်။

အီရန်မှာ ဆီးရီးယားပြည်တွင်းစစ်တွင် သမ္မတ ဘာရှာအလ်အာဆတ်ဖက်မှ ၀င်ရောက်ကူညီ တိုက်ခိုက်ပေးနေသည်။

ဒေသအတွင်း နေရာအများအပြား၌ အမေရိကန်တပ်များ ရှိနေခြင်းမှာ ရန်လိုမှုနှင့် မတည်မငြိမ်ဖြစ်အောင် ဆောင်ရွက်မှုဖြစ်သည်ဟုလည်း ခါမေနီက ပြောကြားခဲ့သည်။

“အမေရိကမှာ ကျွန်တော်တို့တပ်တွေ ရှိချင်ရင် အမေရိကန်နဲ့ ကျွန်တော်တို့ ဆွေးနွေးမှာပါ”

အစ္စရေးဝန်ကြီးချုပ် နေတန်ယာဟုမှာ အရှေ့အလယ်ပိုင်း ဒေသအတွင်း အီရန်၏ စစ်ရေးလှုပ်ရှားမှုများနှင့် ပတ်သက်၍ ယခုတစ်ပတ်တွင် အမေရိကန်သမ္မတထရမ့်နှင့် ဆွေးနွေးခဲ့သည်။

အီရန်မှာ အီရတ်အစိုးရကိုလည်း အကြမ်းဖက်တိုက်ဖျက်မှုကိစ္စတွင် ကူညီပေးနေသည်။ အီရန်ကာကွယ်ရေးဝန်ကြီး အမီရ် ဟာတာမီက မိမိတို့အနေဖြင့် အကြမ်းဖက်ဝါဒ တိုက်ဖျက်ရေးနှင့်ပတ်သက်၍ အာဖဂန်နစ္စတန်ကို ကူညီရန် အဆင်သင့်ရှိနေသည်ဟု ပြောကြားထားသည်။

သမ္မတ ဟာဆန်ရူဟာနီက အီရန်၏ စစ်အင်အားမှာ ဒေသတွင်း မည်သည့်နိုင်ငံကိုမှ ခြိမ်းခြောက်မှုမရှိဟု ဗုဒ္ဓဟူးနေ့တွင် ပြောကြားခဲ့သည်။

Ref: Aljazeera

ဖေဖော်ဝါရီ ၁၉၊ ၂၀၁၈
M-Media

– အရှေ့အလယ်ပိုင်းကို မတည်ငြိမ်အောင်လုပ်နေတယ်ဆိုတဲ့ ဆော်ဒီနဲ့ အစ္စရေးတို့ရဲ့ စွပ်စွဲချက်တွေကို အီရန်က ပယ်ချလိုက်ပြီး ‘အမေရိကန်နဲ့ အပေါင်းအပါတွေက’ သူတို့ရဲ့ ‘မဟာဗျူဟာအမှားတွေ’၊ ‘ဘက်ရွေးမှားမှုတွေ’ ကို ဖုံးကွယ်ဖို့ ကြိုးစားနေတာသာဖြစ်တယ်လို့ ပြောကြားလိုက်ပါတယ်။

မနေ့က ဂျာမနီနိုင်ငံ မြူးနစ်မြို့မှာလုပ်တဲ့ လုံခြုံရေးဆိုင်ရာ ညီလာခံမှာ အရှေ့အလယ်ပိုင်း ဒေသအတွင်း တင်းမာမှုတွေ မြင့်တက်လာမှုအတွက် အစ္စရေးနဲ့ ဆော်ဒီတို့က အီရန်ကို ပြစ်တင်ပြောဆိုခဲ့ကြတာပါ။

အစ္စရေးဝန်ကြီးချုပ် နေတန်ယာဟုက အီရန်ဟာ ကမ္ဘာကြီးအတွက် အကြီးမားဆုံး ခြိမ်းခြောက်မှုလို့ ပြောကြားခဲ့ပြီး၊ ဆော်ဒီနိုင်ငံခြားရေးဝန်ကြီး အဒဲလ် အလ် ဂျူဘိုင်းရ်က အီရန်အစိုးရဟာ အခြေခံကျကျ ပြောင်းလဲမှုတွေ လုပ်ဖို့ လိုအပ်တယ်လို့ ပြောကြားခဲ့ပါတယ်။

အီရန်နိုင်ငံခြားရေးဝန်ကြီး မိုဟာမက် ဂျာဗဒ် ဇာရစ်ဖ်က သူ့နိုင်ငံရဲ့ အရှေ့အလယ်ပိုင်းပေါ်လစီနဲ့ပတ်သက်လို့ ဝေဖန်ပြောဆိုမှုဟာ လွန်လွန်းတယ်လို့ မိန့်ခွန်းမှာ ထည့်သွင်းပြောကြားခဲ့ပြီး ဒေသတွင်း မတည်မငြိမ်ဖြစ်အောင် လုပ်နေတယ်ဆိုတဲ့ စွပ်စွဲချက်တွေကိုလည်း ငြင်းဆိုခဲ့ပါတယ်။

“အမေရိကန်နဲ့ ဒေသတွင်းက သူ့ရဲ့အပေါင်းအပါနိုင်ငံတွေဟာ ဘက်ရွေးမှားခဲ့တဲ့ နောက်ဆက်တွဲ ဆိုးကျိုးတွေကို ခံစားနေရတာပါ။ ဒါပေမယ့် ဒီကိစ္စနဲ့ အခြားအဖြစ်အပျက်တွေကို အသုံးပြုပြီး အီရန်ရဲ့ နိုင်ငံခြားရေးပေါ်လစီအပေါ် ကြောက်ရွံ့စိုးရိမ်လာအောင်၊ လက်တွေ့အခြေအနေတွေကို မှေးမှိန်သွားအောင် လုပ်နေတာပါ”

၁၉၈၀ ပြည့်နှစ်တွေမှာ အမေရိကန်ကိုယ်တိုင် ထောက်ခံအားပေးတဲ့ အီရတ်ခေါင်းဆောင် ဆက်ဒမ်ဟူစိန်ကို ဖြုတ်ချဖို့ဆိုပြီး ၂၀၀၃ ခုနှစ်မှာ အီရတ်ကို ကျူးကျော်တိုက်ခိုက်မှု၊ အမေရိကန်မဟာမိတ် အစ္စရေးက ပါလက်စတိုင်းပိုင်နက်တွေကို ကျူးကျော်သိမ်းပိုက်မှု၊ ဆော်ဒီက ယီမင်ကို ဗုံးကြဲမှု စတာတွေကို ဇာရစ်ဖ်က ထောက်ပြခဲ့ပါတယ်။

အီရန်က ဆီးရီးယားကနေ သူတို့လေပိုင်နက်ထဲကို ဒရုန်းလွှတ်တယ်ဆိုပြီး စွပ်စွဲကာ ဆီးရီးယားနိုင်ငံအတွင်းက အီရန်စခန်းတွေကို အစ္စရေးက ဖေဖော်ဝါရီ ၁၀ ရက်နေ့မှာ လေကြောင်းကနေတိုက်ခိုက်မှု အကြီးအကျယ်ပြုလုပ်ခဲ့ပြီး ဒါဟာ ပြီးခဲ့တဲ့နှစ်တွေအတွင်း အစ္စရေးနဲ့ အီရန်တို့အကြား အပြင်းထန်ဆုံး ထိပ်တိုက်တွေ့ဆုံမှု ဖြစ်ပါတယ်။

အစ္စရေးက အီရန်ဟာ ဆီးရီးယားပိုက်နက်ကိုသုံးပြီး လက်ဘနွန်က ဟစ်ဇ်ဘိုလာအဖွဲ့ကို လက်နက်ထောက်ပံ့တာ၊ အစ္စရေးကို တိုက်ခိုက်ခိုင်းတာတွေ လုပ်မယ်ဆိုတဲ့ စိုးရိမ်မှုတွေ ရှိနေပါတယ်။

မနေ့က မြူးနစ်ညီလာခံမှာ အစ္စရေးဝန်ကြီးချုပ် နေတန်ယာဟုက အီရန်ကို နာဇီဂျာမနီနဲ့ နှိုင်းယှဉ်ပြောဆိုသွား
ပြီး၊ အီရန်နိုင်ငံခြားရေးဝန်ကြီး ဇာရစ်ဖ်က နေတန်ယာဟုရဲ့ ပြောဆိုချက်တွေဟာ ‘ကလေးတွေ စတန့်ထွင်ြေ
ပာသလိုမျိုး’ ဖြစ်ပြီး တုန့်ပြန်ဖို့တောင် မထိုက်တန်ဘူးလို့ ပြောကြားခဲ့ပါတယ်။

Ref : Aljazeera

ဖေဖော်ဝါရီ ၁၈၊ ၂၀၁၈
M-Media

– အီရန်လေကြောင်းလိုင်းတစ်ခုမှ ခရီးသည်တင် လေယာဉ်တစ်စင်းမှာ ယနေ့မနက်ပိုင်းတွင် ပျက်ကျခဲ့ပြီး လေယာဉ်ပေါ်တွင် လိုက်ပါသွားသည့် ခရီးသည် ၆၆ ဦးစလုံး သေဆုံးခဲ့သည်ဟု သိရသည်။

Iran Aseman လေကြောင်းလိုင်းမှ လေယာဉ်ဖြစ်ပြီး မြို့တော်တီဟီရန်မှ ယာဆူဂ်ျမြို့သို့အသွား တောင်များထူထပ်သည့် ဒေသတွင်း ပျက်ခဲ့ခြင်းဖြစ်သည်ဟု ISNA သတင်းဌာနက ဖော်ပြခဲ့သည်။ အီရန် လခြမ်းနီအဖွဲ့က လေယာဉ်ပျက်ကျသည့်အချိန်တွင် မြူများဆိုင်းနေသည်ဟု ပြောကြားခဲ့သည်။

အဆိုပါလေယာဉ်တွင် ခရီးသည် ၆၀ နှင့် လေယာဉ်အမှုထမ်း ၆ ဦး လိုက်ပါသွားသည်။

စက်ပိုင်းဆိုင်ရာ ချို့ယွင်းမှုကြောင့် လေယာဉ်ပျက်ကျနိုင်ချေကို လေကြောင်းလိုင်းက ပယ်ချခဲ့ပြီး ဆိုးရွားသော ရာသီဥတုကြောင့် ပျက်ကျခြင်းဖြစ်သည်ဟု ပြောကြားခဲ့သည်။

သို့သော်လည်း အဆိုပါလေယာဉ်မှာ ပြီးခဲ့သည့် သီတင်းပတ်များတွင် စက်ပိုင်းဆိုင်ရာ ပြဿနာများကို ကြုံတွေ့ခဲ့ရသည်ဟု ဒေသတွင်း မီဒီယာများက ဖော်ပြခဲ့ကြသည်။

Ref: Aljazeera