နိုဝင်ဘာ ၁၈၊ ၂၀၁၆
M-Media
– အီရန်နိုင်ငံအား ခရီးသည်တင်လေယာဉ်များ ရောင်းချမှုကို ပိတ်ပင်မည့် ဥပဒေမူကြမ်းတစ်ခုကို အမေရိကန် အောက်လွှတ်တော်က ယမန်နေ့တွင် အတည်ပြုလိုက်ပြီး အီရန်နှင့် အင်အားကြီး ၆ နိုင်ငံတို့ကြား ရရှိထားသည့် သဘောတူညီချက်ကို ချိုးဖောက်ခြင်းလည်းဖြစ်သည်။
ရီပက်ဘလစ်ကန်များ ကြီးစိုးသည့် အောက်လွှတ်တော်တွင် ထောက်ခံမဲ ၂၄၃၊ ကန့်ကွက်မဲ ၁၇၄ ဖြင့် အတည်ပြုခဲ့ခြင်းဖြစ်သည်။ ဆိုပါ မူကြမ်းမှာ အိုဘားမားအစိုးရက Boeing နှင့် Airbus တို့ အီရန်ထံ စီးပွားရေးသုံးလေယာဉ်များ ရောင်းချရန် သဘောတူညီချက်ကို ပိတ်ပင်လိုက်ခြင်းလည်းဖြစ်သည်။
ထိုကုမ္ပဏီ ၂ ခုမှာ အီရန်ကို လေယာဉ်အစင်းရေ ၂၀၀ ကျော် ရောင်းချရန် သဘောတူထားခြင်းဖြစ်ပြီး အီရန်နိုင်ငံ၏ လေကြောင်းလိုင်းကို အဆင့်မြှင့်ရန်ဖြစ်သည်။ Airbus မှာ ပြင်သစ်နိုင်ငံတွင် အခြေစိုက်သော်လည်း အမေရိကန်ထုတ် အစိတ်အပိုင်း ၁၀ ရာခိုင်နှုန်း ပါဝင်သည့်အတွက် အမေရိကန်ဘဏ္ဍာရေးဌာန၏ အတည်ပြုချက် လိုအပ်ခြင်းဖြစ်သည်။
ယခုမူကြမ်းက စီးပွားရေးသုံး လေယာဉ်များ ရောင်းဝယ်ရာတွင် လိုအပ်မည့် ငွေကြေးဆိုင်ရာ ကိစ္စများအတွက် အမေရိကန်ဘဏ်များကို ဘဏ္ဍာရေးဌာနက လိုင်စင်ထုတ်ပေးမှုကို တားမြစ်ထားသည်။
မူကြမ်းအတွက် အချို့သောအမတ်များက စိုးရိမ်ကြောင်း ပြောကြားခဲ့ပြီး ထိုသို့ ရောင်းချမှုပိတ်ပင်ခြင်းမှာ အလုပ်အကိုင် ဆုံးရှုံးနိုင်သည်ဟု သတိပေးခဲ့သည်။ သို့သော်လည်း အီရန်နှင့် နျူသဘောတူညီချက်ကို လုံးဝဆန့်ကျင်သည့် ရီပက်ဘလစ်ကန်အမတ်များကမူ အီရန်အနေဖြင့် အဆိုပါ ခရီးသည်တင်လေယာဉ်များကို အမေရိကန်စစ်သားများအား တိုက်ခိုက်ရန် သို့မဟုတ် ဆီးရီးယားရှိ မဟာမိတ်များကို တိုက်ခိုက်ရန်အတွက် စစ်သားများပို့ခြင်းကဲ့သို့ စစ်ဖက်ဆိုင်ရာ ရည်ရွယ်ချက်အတွက် အသုံးပြုနိုင်သည်ဟု ထောက်ပြခဲ့ကြသည်။
အထက်လွှတ်တော်တွင် အတည်ပြုပြီးမှ အဆိုပါမူကြမ်းက ဥပဒေဖြစ်လာမည်ဖြစ်ပြီး အထက်လွှတ်တော်တွင်မူ ဒီမိုကရက်တစ်အမတ်များ၏ ဆန့်ကျင်မှုကို ပြင်းပြင်းထန်ထန် ခံရမည်ဖြစ်သည်။
အိုဘားမားအစိုးရကမူ အဆိုပါဥပဒေမှာ အီရန်အနေဖြင့် နျူလုပ်ငန်းကို ရပ်ဆိုင်းပေးပါက စီးပွားရေး ပိတ်ဆို့မှုများ ဖယ်ရှားပေးမည်ဆိုသည့် နျူသဘောတူညီချက်ကို ချိုးဖောက်ရာကျသည်ဟု ယူဆနေပြီး အိုဘားမားကလည်း အထက်လွှတ်တော်မှ အတည်ပြုပါက ဗီတိုသုံး၍ ပယ်ချဖွယ် ရှိနေသည်။
Ref: reuters
