Tag: Iran

ဇန်န၀ါရီ ၆၊ ၂၀၁၇
M-Media

– မိုင်းကွင်းမှာ ပိတ်မိနေတဲ့ ခွေးလေးတစ်ကောင်ကိုကယ်ရင်း ခြေတစ်ဖက် ဆုံးရှုံးခဲ့ရတဲ့ အီရန်က စွန်နီစစ်သားလေးတစ်ယောက်ဟာ ပြည်သူလူထုရဲ့ ချီးကျူးမှုကို ရရှိခံစားခဲ့ရပြီး နိုင်ငံ့သူရဲကောင်းတစ်ဦး ဖြစ်လာခဲ့ပါတယ်။

အသက် ၁၉ နှစ်အရွယ် မိုဟာမက် ဘက်ခ်တာရ်ဆိုသူဖြစ်ပြီး ပြီးခဲ့တဲ့လ အီရန်စစ်စခန်းတစ်ခုမှာ အဲဒီအဖြစ်အပျက် ဖြစ်ပွားပြီးနောက်ပိုင်း အီရန်ပြည်သူလူထုက ဆိုရှယ်မီဒီယာတွေကနေ သူ့ကို တစ်ခဲနက် ချီးကျူးဂုဏ်ပြုခဲ့ကြပါတယ်။

အင်မတန် အေးခဲလှတဲ့ ဒီဇင်ဘာ ၁၇ ရက်နေ့မှာ သူတာဝန်ကျတဲ့ စစ်စခန်းက လက်နက်တိုက်အနီးမှာရှိတဲ့ မိုင်းကွင်းခြံစည်းရိုး သံဆူးကြိုးမှာ ခွေးလေးတစ်ကောင် ညပ်မိနေတာကို ဘက်ခ်တာရ်တစ်ယောက် တွေ့ခဲ့ပါတယ်။ ဒါ့ကြောင့်သူဟာ အမြန်ပြေးသွားပြီး ဒဏ်ရာကြောင့် စူးစူးဝါးဝါးအော်နေတဲ့ ခွေးလေးကို ကယ်တင်ပေးခဲ့ပါတယ်။

ဒါပေမယ့် သူကတော့ ကံမကောင်းခဲ့ပါဘူး ခွေးလေး အသက်အန္တရာယ်ကလွတ်သွားပြီး စက္ကန့်အနည်းငယ်အကြာမှာပဲ အနားက မိုင်းပေါက်ကွဲလို့ ညာဖက်ခြေထောက်တစ်ဖက်ကို ဆုံးရှုံးခဲ့ရပါတယ်။

“အဲဒီနေ့က ကျွန်တော် တာဝန်ကျတဲ့နေရာမှာ ရပ်နေတဲ့အချိန် ခွေးက မပြတ်တမ်းအော်နေတာကို ကြားခဲ့ပါတယ်။ အဲဒါ မိုင်းကွင်းဖြစ်နေပြီး ခွေးဆီကို သွားလို့မရဘူးဆိုတာ ကျွန်တော်သိတယ်ဗျ။ ဒါပေမယ့် နောက်ဆုံး ခြံစည်းရိုးရဲ့တစ်ဖက်မှာ ခြေထောက်တစ်ချောင်းချလိုက်ပါတယ်။ ခွေးလေး လွတ်သွားပြီး ချက်ခြင်းဆိုသလိုပဲ မိုင်းက ပေါက်ကွဲတာပါ” လို့ ဘက်ခ်တာရ်က သူ့ရဲ့အတွေ့အကြုံကို ပြန်လည်ပြောပြခဲ့ပါတယ်။

ဆရာဝန်တွေက သူ့ရဲ့ ခြေထောက်ကို ပြန်ဆက်ပေးနိုင်ဖို့ အကောင်းဆုံး ကြိုးစားခဲ့ကြပေမယ့် မအောင်မြင်ခဲ့ပါဘူး။

ဘက်ခ်တာရ် ဆေးကုသမှုခံယူနေတဲ့ နိုင်ငံအနောက်မြောက်ပိုင်း တဘ်ရစ်ဖ်မြို့က ဆေးရုံကို အစိုးရတာဝန်ရှိသူတွေအပါအ၀င် လူထောင်ပေါင်းများစွာလာရောက်ကာ တွေ့ဆုံဂုဏ်ပြုခဲ့ကြပြီး ၎င်းရဲ့ဇာတ်မြို့ မာရီဗန်ကို ပြန်သွားတဲ့အချိန်မှာလည်း သူ့ကို သူရဲကောင်းတစ်ဦးသဖွယ် ပြည်သူတွေက ကြိုဆိုခဲ့ကြပါတယ်။ ဆိုရှယ်မီဒီယာမှာတော့ အီရန်ပြည်သူတစ်ရပ်လုံးဟာ ဘက်ခ်တာရ်ရဲ့ ဓာတ်ပုံနဲ့တကွ ချီးကျူးသြဘာပေးမှုတွေ ပြုလုပ်နေကြပါတယ်။

“ဒီစစ်သားငယ်လေးရဲ့ သူရသတ္တိအတွက် ကျွန်မ အလေးပြုပါတယ်။ ပြီးတော့ အရှေ့အလယ်ပိုင်းမှာ အမြစ်တွယ်နေတဲ့ ပြဿနာတွေကို ကုစားပေးနိုင်မယ့် သူ့လိုလူမျိုး များများစားစားရှိလာဖို့လည်း ဆန္ဒပြုပါတယ်” လို့ Twitter အသုံးပြုသူ အမျိုးသမီးငယ်တစ်ဦးက ရေးသားခဲ့ပါတယ်။

ဘက်ခ်တာရ်ကို အာမခံကြေပေးဖို့ အလုပ်သစ်တစ်ခုရှာပေးဖို့ တောင်းဆိုနေသူတွေလည်းရှိနေပြီး အီရန် ဒုတိယသမ္မတ မာဆူမေဟ် အဘ်တီကာရ်ကတော့ ဘက်ခ်တာရ်ဟာ ‘အီရန်ပြည်သူတိုင်း ဂုဏ်ယူရမယ့် သားကောင်းတစ်ယောက်’ ဖြစ်တယ်လို့ ချီးကျူးခဲ့ပါတယ်။

နောက်ပြီးသူဦးဆောင်တဲ့ သဘာဝပတ်ဝန်းကျင် ကာကွယ်စောင့်ရှောက်ရေးအဖွဲ့ EPO မှာ အလုပ်တစ်နေရာပေးဖို့လည်း ကမ်းလှမ်းခဲ့ပြီး ဘက်ခ်တာရ်ကတော့ ဒါဟာ သဘာဝတရားနဲ့ နီးနီးကပ် အလုပ်လုပ်ချင်တဲ့ သူ့ရဲ့ ငယ်ဘ၀အိပ်မက် အမှန်တကယ်ဖြစ်လာတာပဲလို့ ပြောကြားခဲ့ပါတယ်။

Ref: Aljazeera

ဇန်န၀ါရီ ၃၊ ၂၀၁၇
M-Media

– အရှေ့အလယ်ပိုင်းအတွင် အကြမ်းဖက်ဝါဒမှာ သံခင်တမန်ခင်း အောင်မြင်မှုနှင့် ခုခံတွန်းလှန်မှုတို့ကြောင့် လုံးဝ ပြိုလဲလုနီးပါး ဖြစ်နေပြီဟု အီရန်သမ္မတ ဟာဆန်ရူဟာနီက ပြောကြားလိုက်သည်။

တနင်္ဂနွေနေ့က ရုပ်မြင်သံကြားမှတစ်ဆင့် အီရန်ပြည်သူများသို့ မိန့်ခွန်းတွင် ရူဟာနီက ထိုကဲ့သို့ ပြောကြားလိုက်ခြင်ဖြစ်ပြီး ဒေသတွင်းနှင့် ကမ္ဘာတစ်ဝှမ်းကို ခြိမ်းခြောက်နေသော အကြမ်းဖက်ဝါဒအား တိုက်ဖျက်ရေး အရေးပါမှုကိုလည်း အလေးထား ပြောကြားခဲ့သည်။

ထို့ပြင် အီရန်မှာ အရှေ့အလယ်ပိုင်း ဒေသအတွင်း ခြွင်းချက်မဲ့ လုံခြုံမှုကို ခံစားနေရပြီး နိုင်ငံအနောက်ပိုင်းအပါအ၀င် တစ်နိုင်ငံလုံးတွင် လုံခြုံရေးအဆင့်အမြင့်ဆုံးဖြစ်အောင် ဆောင်ရွက်ထားကြောင်း အီရတ်နှင့် ဆီးရီးယားတို့ကို ဥပမာပေးကာ မိမိတို့အနေဖြင့် အကြမ်းဖက်ဝါဒကို တိုက်ဖျက်ရန် တောင်းဆိုလာသည့် မည်သည့်နိုင်ငံကိုမဆို ကူညီမှုအား နောက်ဆုတ်သွားမည်မဟုတ်ကြောင်း ထည့်သွင်းပြောကြားခဲ့သည်။

ဒေသတွင်းနိုင်ငံများအား အစိတ်စိတ်အမွှာမွှာဖြစ်ရေး မည်သည့် ဆောင်ရွက်မှုမျိုးကိုမဆို ဆန့်ကျင်သည်ဟုလည်း ရူဟာနီကဆိုပြီး ပဋိပက္ခဖြစ်ပွားနေသော နိုင်ငံများတွင် သံတမန်နည်းလမ်းဖြင့်သာ နောက်ဆုံးအဖြေရမည်ဟု ပြောကြားခဲ့သည်။

ဆီးရီးယားငြိမ်းချမ်းရေး ကာဇက်စတန်နိုင်ငံ အက်စတာနာမြို့တွင် ဆွေးနွေးပွဲပြုလုပ်ရန် ရှိနေပြီး အဆိုပါဆွေးနွေးပွဲမှာ ဆီးရီးယားပြဿနာအတွက် သံတမန်နည်းကျ အဖြေတစ်ခု ရရှိမည်ဟု မျှော်လင့်ကြောင်းလည်း ရူဟာနီက ထပ်လောင်း ပြောဆိုခဲ့သည်။

Ref: Press TV

ဒီဇင်ဘာ ၁၁၊ ၂၀၁၆
M-Media

– အီရန်နိုင်ငံရှိ မတူကွဲပြားသော ဘာသာတရားများအကြား ညီညွတ်မှုကို သမ္မတ ဟာဆန် ရူဟာနီက ချီးကျူးလိုက်ပြီး တိုင်းပြည်ညီညွတ်ရေးအတွက် အကြောင်းအရင်းတစ်ရပ်ဖြစ်သည်ဟု ပြောကြားလိုက်သည်။

အစ္စလာမ့်ညီညွတ်ရေး သီတင်းပတ် အထိမ်းအမှတ်အဖြစ် နိုင်ငံတစ်ဝှမ်းမှ စွန်နီဓမ္မပညာရှင်များနှင့် ယနေ့တွင်ဆုံစဉ် ရူဟာနီက ထိုကဲ့သို့ ပြောကြားလိုက်ခြင်းဖြစ်သည်။ အဆိုပါ ညီညွတ်ရေးသီတင်းပတ်ကို အီရန် အစ္စလာမ့်မစ်တော်လှန်ရေး ခေါင်းဆောင်၊ ခေတ်သစ်အီရန်နိုင်ငံကို ထူထောင်ခဲ့သူ အီမာမ် ခိုမေနီက သတ်မှတ်ပေးခဲ့ခြင်း ဖြစ်သည်။

ရူဟာနီကမူ နိုင်ငံအတွင်း မတူကွဲပြားသော ဘာသာတရားများ၊ လူမျိုးများ ညီညွတ်ခြင်းကို ခြိမ်းခြောက်မှုဟုမမြင်ဘဲ နိုင်ငံတော် ညီညွတ်ရေးနှင့် ဖွံ့ဖြိုးတိုးတက်ရေးကို မြှင့်တင်ပေးသည့် ကြီးမားသော အခွင့်အလမ်းဖြစ်သည်ဟု ထည့်သွင်း ပြောကြားခဲ့သည်။

“တိုင်းပြည်က လူမျိုးစုတွေ၊ ဘာသာဝင်တွေရဲ့ စွမ်းအားကို အမြင့်ဆုံးအသုံးချပြီး ယဉ်ကျေးမှုနဲ့ တိုင်းပြည်စည်းလုံးရေး အားကောင်းကောင် အစိုးရက လုပ်သွားမှာပါ။ ကျွန်တော်တို့ အစ္စလာမ့်သမ္မတနိုင်ငံဟာ စတင်တည်ထောင်ကတည်းက ဘာသာရေး သည်းခံခြင်း၊ လူမျိုးရေးနဲ့ ယဉ်ကျေးမှုတွေ မတူကွဲပြားစွာ ညီညွတ်ခြင်းတို့ကို အခြေခံထားတာပါ”

စွန်နီ ဓမ္မပညာရှင်များကလည်း စွန်နီနှင့် ရှီအာအကြား ညီညွတ်ရေးလိုအပ်ကြောင်းကို အဓိကထား ပြောကြားခဲ့ပြီး၊ ဘာသာတရားကို ခုတုံးလုပ်၍ အီရတ်နှင့် ဆီးရီးယားတို့မှ IS အကြမ်းဖက်အဖွဲ့၏ လုပ်ရပ်များကိုလည်း ရှုတ်ချခဲ့သည်။ ထို့နောက် သမ္မတနှင့် စွန်နီပညာရှင်များမှာ နိုင်ငံအတွင်းနှင့် ဒေသတွင်း ကိစ္စရပ်များကို ဆွေးနွေးခဲ့ကြသည်။

Ref: Press TV

ဒီဇင်ဘာ ၇၊ ၂၀၁၆
M-Media

– အီရန်နိုင်ငံမှာ ရေနံနှင့် သဘာဓာတ်ငွေ့လုပ်ငန်းတွင်သာမကဘဲ သိပ္ပံနှင့် နည်းပညာနယ်ပယ်တွင်လည်း ကမ္ဘာ့ထိပ်တန်းနိုင်ငံဖြစ်ရန် လိုအပ်သော ကျွမ်းကျင်မှုများ ရှိနေပြီဟု ကုလ၏ အစီရင်ခံစာတစ်ခုတွင် ဖော်ပြထားသည်။

ကုလသမဂ္ဂ ကုန်သွယ်ရေးနှင့် ဖွံ့ဖြိုးတိုးတက်ရေးအဖွဲ့ UNCTAD က ယမန်နေ့တွင် ထုတ်ပြန်သော အစီရင်ခံစာ၌ ထိုကဲ့သို့ ဖော်ပြထားခြင်းဖြစ်ပြီး သိပ္ပံ၊ နည်းပညာနှင့် တီထွင်ဆန်းသစ်မှုဆိုင်ရာ နိုင်ငံ၏မူဝါဒများကို နောက်ဆုံး သုံးသပ်ခဲ့သည့် ၂၀၀၅ ခုနှစ်နောက်ပိုင်းတွင် အီရန်၏ သိပ္ပံဆိုင်ရာ တိုးတက်မှုများမှာ အံ့သြလောက်ဖွယ် ဖြစ်သည်ဟုလည်း ဆိုသည်။

အီရန်မှာ ကမ္ဘာပေါ်တွင် သိပ္ပံဆိုင်ရာတိုးတက်မှု အလျင်အမြန်ဆုံး တိုင်းပြည်များထဲမှ တစ်နိုင်ငံ ဖြစ်လာပြီး သိပ္ပံအထွန်းကားဆုံး တိုင်းပြည်များစာရင်းတွင် အဆင့် ၃၄ မှ ၁၆ သို့ ခုန်တက်လာခဲ့သည်။

လူဦးရေအချိုးအစားအရလည်း အီရန်နိုင်ငံမှာ ကမ္ဘာပေါ်တွင် အင်ဂျင်နီယာဘွဲ့ရ ဒုတိယအများဆုံး တိုင်းပြည်ဖြစ်သည်။ UNCTAD က မူ အီရန်အနေဖြင့် နာနိုနည်းပညာကဲ့သို့ ဖွံ့ဖြိုးလာသော ကဏ္ဍများတွင် ထိပ်တန်းသုတေသနနှင့် လုပ်ငန်းများကို ဆောင်ရွက်နိုင်ကြောင်း ပြသခဲ့သည်ဟု ထည့်သွင်းပြောကြားခဲ့သည်။

ထို့ပြင် အမေရိကန်ဦးဆောင်သည့် အနောက်နိုင်ငံများ၏ ပိတ်ဆို့မှုများကို ၁၉၈၀ ပြည့်နှစ်ကတည်းက ခံစားခဲ့ပြီး ၂၀၀၈ ခုနှစ်တွင် ပိုမိုဆိုးရွားခဲ့ကာ အီရန်အနေဖြင့် နိုင်ငံရပ်ခြား ဘဏ္ဍာရေး၊ နည်းပညာနှင့် ဈေးကွက်များသို့ ၀င်ရောက်ခွင့် ကန့်သတ်ခံခဲ့ရသော်လည်း မိမိကိုကိုယ်ကို အားကိုးနိုင်စွမ်း ရှိလာခဲ့ကြောင်း၊ ၂၀၀၅ ခုနှစ်တည်းက သိပ္ပံ၊ နည်းပညာနှင့် တီထွင်ဆန်းသစ်မှုများတွင် မှန်ကန်သော မူဝါဒများကို ချမှတ်ရန် အရေးပါသောခြေလှမ်းများ လှမ်းခဲ့ကြောင်း၊ ကုန်သွယ်ရေး၊ ရင်းနှီးမြှုပ်နှံမှု၊ စက်မှုလက်မှု ဖွံ့ဖြိုးတိုးတက်ရေး၊ ပညာရေးနှင့် ယှဉ်ပြိုင်နိုင်စွမ်းတို့ကဲ့သို့ အခြား အဓိကပေါ်လစီများနှင့် ပိုမိုကောင်းမွန်စွာ ချိန်ညှိရန်လိုအပ်ကြောင်း အစီရင်ခံစာတွင် ထည့်သွင်းဖော်ပြခဲ့သည်။

Ref : PressTV