Tag: Iran

သြဂုတ် ၂၈၊ ၂၀၁၆
M-Media

– သြစတေးလျက ရန်ပုံငွေထောက်ပံ့ပေးထားပြီး ပါပူအာနယူးဂီနီကျွန်းတွင် ဖွင့်လှစ်ထားသည့် ထိန်းသိမ်းရေးစခန်းမှ အီရန်ဒုက္ခသည်တစ်ဦးမှာ စခန်းတွင်းဘ၀ကို သရုပ်ဖော်ထားသည့် ၎င်း၏ ကာတွန်းလက်ရာများအတွက် နိုင်ငံရေးကာတွန်းဆုတစ်ခုကို ဆွတ်ခူးရရှိခဲ့သည်ဟု သိရသည်။

ကလောင်အမည် Eaten Fish ဖြင့် ကာတွန်းများရေးသည့် အသက် ၂၅ နှစ်အရွယ် အလီဆိုသူဖြစ်ပြီး မာနွတ်စ်ကျွန်းပေါ်၌ ၎င်း၏ သုံးနှစ်တာ ထိန်းသိမ်းခံရမှုအတွင်း မော်ကွန်းရေးထိုးနိုင်ခဲ့ခြင်းလည်း ဖြစ်သည်။ ၎င်းမှာ စွဲလမ်းမှုပြင်းထန်သည့်ရောဂါ၊ စိတ်ဒဏ်ရာဖိစီးမှုရောဂါနှင့် ကြောက်စိတ်မွှန်လောက်အောင် တိုက်ခိုက်မှုများကို ခံစားနေရသူဖြစ်သည်။

သြစတေးလျ၏ တင်းကြပ်သော လူဝင်မှုကြီးကြပ်ရေးစနစ်အောက်တွင် နိုင်ငံတွင်းသို့ လှေဖြင့်ဝင်ရောက်ရန် ကြိုးစားသည့် မည်သူ့ကိုမဆို တောင်ပစိဖိတ်ရှိ မာနွတ်စ် သို့မဟုတ် နာအူရူကျွန်းများပေါ်ရှိ ထိန်းသိမ်းရေးစခန်းများသို့ ပို့ဆောင် ထိန်းသိမ်းလေ့ရှိပြီး၊ သြစတေးလျတွင် ပြန်လည်အခြေခွင့် မပေးတော့ချေ။

ကာတွန်းပညာရှင်များ အခွင့်အရေးဆိုင်ရာ နိုင်ငံတကာကွန်ရက် (CRNI) က ထိုဆုကို ပေးအပ်ခြင်းမှာ သြစတေးလျ၏ ကမ်းလွန်ထိန်းသိမ်းရေးစခန်း စီမံချက်အောက်တွင် ဖြစ်ပျက်နေသည့်ဘ၀များကို မှတ်တမ်းတင်နိုင်ခဲ့သည့် အလီ၏ ရဲစွမ်းသတ္တိကို အသိအမှတ်ပြုခြင်းဖြစ်သည်ဟု ပြောကြားခဲ့သည်။

ယင်းကဲ့သို့ ထိန်းသိမ်းရေးစီမံချက်အပေါ် မကျေနပ်သဖြင့် ဆန္ဒပြသူထောင်ပေါင်းများစွာက ၎င်းစခန်းအား ပိတ်ပစ်ရန် စနေနေ့က နိုင်ငံတစ်ဝှမ်း ဆန္ဒထုတ်ဖော်ခဲ့ကြသည်။

“Eaten Fish ဟာ ပြောပြလို့မရတဲ့ ညှင်းပမ်းမှုတွေ၊ စခန်းက အစောင့်တွေနဲ့ အုပ်ချုပ်သူတွေရဲ့ အင်အားအလွန်အကျွံသုံးမှုတွေကို ကာတွန်းပေါင်းများစွာနဲ့ မှတ်တမ်းတင် ဖော်ပြခဲ့ပါတယ်။ ဒီအတွက်ကြောင့် သူဟာ ရိုက်နှက်မှု၊ အစာအငတ်ထားမှု၊ လူ့ဂုဏ်သိက္ခာ ညှိုးနွမ်းစေတဲ့ နှိပ်စက်မှုတွေကို ခံခဲ့ရပါတယ်” ဟု CRNI ၏ ဥက္ကဌဖြစ်သူ ဂျိုအီလ်ပတ်က ပြောကြားခဲ့သည်။

အလီ၏ သြစတေးလျအခြေစိုက် ရှေ့နေဖြစ်သူ ဂျာနတ် ဂေါလ်ဘရစ်သ်ကမူ ထိုဆုက အလီအတွက် အလွန်အဓိပ္ပါယ်ရှိသော်လည်း သြစတေးလျ၏ ဖမ်းဆီးထိန်းသိမ်းမှုစနစ်အား ထိုးနှက်မှုတစ်ခုဖြစ်သည်ဟု ပြောကြားခဲ့သည်။ အလီ၏ ကာတွန်းများကို Guardin သတင်းစာက ပုံမှန်လိုလို ဖော်ပြလေ့ရှိသည်။

ထို့ပြင် အလီမှာ နေမကောင်းဖြစ်နေပြီး အထူးကျန်းမာရေးစောင့်ရှောက်မှုကို လိုအပ်နေသည်ဟု ဂေါလ်ဘရစ်သ်က ထည့်သွင်းပြောကြားခဲ့သည်။

သြစတေးလျ လူဝင်မှုကြီးကြပ်ရေးနှင့် နယ်စပ်ဒေသ ထိန်းသိမ်းရေးဌာနကမူ CRNI ၏ စွပ်စွဲချက်များကို ငြင်းဆိုခဲ့ပြီး ထိန်းသိမ်းရေးစခန်းများတွင် အပြည့်အစုံ ဆောင်ရွက်ပေးထားသည်ဟု တုန့်ပြန်ခဲ့သည်။

Ref; Reuter

သြဂုတ် ၂၀၊ ၂၀၁၆
M-Media

– “သမီးလေး ကီမီယာ – သမီးဟာ အီရန်ပြည်သူအားလုံး-အထူးသဖြင့် အီရန်က အမျိုးသမီးတွေအားလုံးကို ပျော်ရွှင်စေခဲ့ပါတယ်။ ဘ၀သက်တမ်းတစ်လျှောက်လုံး စိတ်ချမ်းသာ ကိုယ်ကျန်းမာ ရှိပါစေ”

ဒါကတော့ အီရန် အစ္စလာမ့်ပြည်သူ့သမ္မတနိုင်ငံရဲ့ သမ္မဖြစ်သူ ဟာဆန် ရူဟာနီက အိုလံပစ်ပြိုင်ပွဲဝင် အမျိုးသမီး တိုက်ကွမ်ဒိုကစားသမား ကီမီယာ အလီဇာဒါ ဇီနူရင်ကို ချီးကျူးပြောဆိုလိုက်တာ ဖြစ်ပါတယ်။

အသက် ၁၈ နှစ်အရွယ်သာရှိသေးတဲ့ ကီမီယာဟာ လက်ရှိ ဘရာဇီးလ်မှာ ကျင်းပနေတဲ့ ရီယိုအိုလံပစ်မှာ ကြာသာပတေးနေ့က ၅၇ ကီလိုတန်းမှာ ဆွီဒင်က နီကီတာ ဂလက်စ်နိုဗစ်ကို ၅ ပွဲ ၁ ပွဲနဲ့ အနိုင်ရရှိခဲ့ပြီး တတိယကြေးတံဆိပ် ရခဲ့ပါတယ်။

ရွှေတံဆိပ်မဟုတ်ပေမယ့် ဒီဆုဟာ ကီမီယာအတွက် သမိုင်းဝင်မယ့် ဆုတံဆိပ်တစ်ခု ဖြစ်ခဲ့ပါတယ်။ ဘာ့ကြောင့်လည်းဆိုတော့ အီရန်ရဲ့ ပထမဆုံး အမျိုးသမီးအိုလံပစ်ဆုတံဆိပ်ရှင်အဖြစ် မှတ်တမ်းဝင်ခဲ့လို့ ဖြစ်ပါတယ်။

“အီရန်အမျိုးသမီး တိုက်ကွမ်ဒိုအသင်းအတွက် သမီး အရမ်းပျော်ပါတယ်။ ဘာ့ကြောင့်လည်းဆိုတော့ ဒါဟာ ပထမဆုံးဆုတံဆိပ်ဖြစ်ပြီး နောက်တစ်ကြိမ်အိုလံပစ်မှာ သမီးတို့ ရွှေတံဆိပ်ရဖို့ မျှော်လင့်ပါတယ်။ သမီး အရမ်းစိတ်လှုပ်ရှားခဲ့ပါတယ်။ မိဘနှစ်ပါးနဲ့ နည်းပြတွေကိုလည်း သမီး ကျေးဇူးတင်ပါတယ်။ သူတို့က သမီးနောက်မှာ မားမားမတ်မတ် ရပ်တည်ခဲ့တာပါ။ သိပ်ပျော်တာပဲရှင်” လို့ ကီမီယာက ပြောကြားခဲ့ပါတယ်။

ဘရာဇီးလ်အိုလံပစ်မှာ နပန်း၊ အလေးမ၊ တိုက်ကွမ်ဒိုနဲ့ ပြေးခုန်ပစ်အားကစားတွေမှာ ၀င်ရောက်ယှဉ်ပြိုင်ခဲ့တဲ့ အီရန်ဟာ အိုလံပစ်သမိုင်းမှာ ဆုတံဆိပ် ပေါင်း ၆၅ ခု သိမ်းပိုက်ထားနိုင်ပြီး၊ ကီမီယာရဲ့ ကြေးတံဆိပ်ဟာ ဒီအိုလံပစ် အီရန်ရဲ့ ၅ ခုမြောက် ဆုတံဆိပ်ဖြစ်ပါတယ်။

အီရန်နိုင်ငံ ကာရာ့ဂ်ျမြို့မှာ ၁၉၉၈ ခုနှစ်က မွေးဖွားခဲ့တဲ့ ကီမီယာရဲ့ ကမ္ဘာ့အဆင့်အောင်မြင်မှုဟာ ဒါ ပထမဆုံးအကြိမ် မဟုတ်ပါဘူး။ ၂၀၁၄ ခုနှစ် လူငယ်အိုလံပစ် ၆၃ ကီလိုတန်းမှာ ရွှေတံဆိပ်ရခဲ့ပြီး ပြီးခဲ့တဲ့နှစ်က ကမ္ဘာ့ချန်ပီယံရှစ် တိုက်ကွမ်ဒိုပြိုင်ပွဲမှာလည်း ကြေးတံဆိပ် ရခဲ့ဖူးပါတယ်။

သူမရဲ့ အောင်မြင်မှုကို အီရန်နိုင်ငံဆိုင်ရာ ကုလ ကိုယ်စားလှယ်အဖွဲ့ကလည်း တခုတ်တရ ချီးကျူးခဲ့ပြီး ဒီအောင်မြင်မှုဟာ အခြားသော အီရန်အမျိုးသမီးအားကစားသမားတွေအနေနဲ့ သူတို့ရဲ့ အိပ်မက်တွေကို အကောင်အထည်ဖော်ဖို့ တွန်းအားဖြစ်လိမ့်မယ်လို့ ပြောကြားခဲ့ပါတယ်။

Ref: PressTV, huffingtonpost