Tag: Iran

ဒီဇင်ဘာ ၁၁၊ ၂၀၁၆
M-Media

– အီရန်နိုင်ငံရှိ မတူကွဲပြားသော ဘာသာတရားများအကြား ညီညွတ်မှုကို သမ္မတ ဟာဆန် ရူဟာနီက ချီးကျူးလိုက်ပြီး တိုင်းပြည်ညီညွတ်ရေးအတွက် အကြောင်းအရင်းတစ်ရပ်ဖြစ်သည်ဟု ပြောကြားလိုက်သည်။

အစ္စလာမ့်ညီညွတ်ရေး သီတင်းပတ် အထိမ်းအမှတ်အဖြစ် နိုင်ငံတစ်ဝှမ်းမှ စွန်နီဓမ္မပညာရှင်များနှင့် ယနေ့တွင်ဆုံစဉ် ရူဟာနီက ထိုကဲ့သို့ ပြောကြားလိုက်ခြင်းဖြစ်သည်။ အဆိုပါ ညီညွတ်ရေးသီတင်းပတ်ကို အီရန် အစ္စလာမ့်မစ်တော်လှန်ရေး ခေါင်းဆောင်၊ ခေတ်သစ်အီရန်နိုင်ငံကို ထူထောင်ခဲ့သူ အီမာမ် ခိုမေနီက သတ်မှတ်ပေးခဲ့ခြင်း ဖြစ်သည်။

ရူဟာနီကမူ နိုင်ငံအတွင်း မတူကွဲပြားသော ဘာသာတရားများ၊ လူမျိုးများ ညီညွတ်ခြင်းကို ခြိမ်းခြောက်မှုဟုမမြင်ဘဲ နိုင်ငံတော် ညီညွတ်ရေးနှင့် ဖွံ့ဖြိုးတိုးတက်ရေးကို မြှင့်တင်ပေးသည့် ကြီးမားသော အခွင့်အလမ်းဖြစ်သည်ဟု ထည့်သွင်း ပြောကြားခဲ့သည်။

“တိုင်းပြည်က လူမျိုးစုတွေ၊ ဘာသာဝင်တွေရဲ့ စွမ်းအားကို အမြင့်ဆုံးအသုံးချပြီး ယဉ်ကျေးမှုနဲ့ တိုင်းပြည်စည်းလုံးရေး အားကောင်းကောင် အစိုးရက လုပ်သွားမှာပါ။ ကျွန်တော်တို့ အစ္စလာမ့်သမ္မတနိုင်ငံဟာ စတင်တည်ထောင်ကတည်းက ဘာသာရေး သည်းခံခြင်း၊ လူမျိုးရေးနဲ့ ယဉ်ကျေးမှုတွေ မတူကွဲပြားစွာ ညီညွတ်ခြင်းတို့ကို အခြေခံထားတာပါ”

စွန်နီ ဓမ္မပညာရှင်များကလည်း စွန်နီနှင့် ရှီအာအကြား ညီညွတ်ရေးလိုအပ်ကြောင်းကို အဓိကထား ပြောကြားခဲ့ပြီး၊ ဘာသာတရားကို ခုတုံးလုပ်၍ အီရတ်နှင့် ဆီးရီးယားတို့မှ IS အကြမ်းဖက်အဖွဲ့၏ လုပ်ရပ်များကိုလည်း ရှုတ်ချခဲ့သည်။ ထို့နောက် သမ္မတနှင့် စွန်နီပညာရှင်များမှာ နိုင်ငံအတွင်းနှင့် ဒေသတွင်း ကိစ္စရပ်များကို ဆွေးနွေးခဲ့ကြသည်။

Ref: Press TV

ဒီဇင်ဘာ ၇၊ ၂၀၁၆
M-Media

– အီရန်နိုင်ငံမှာ ရေနံနှင့် သဘာဓာတ်ငွေ့လုပ်ငန်းတွင်သာမကဘဲ သိပ္ပံနှင့် နည်းပညာနယ်ပယ်တွင်လည်း ကမ္ဘာ့ထိပ်တန်းနိုင်ငံဖြစ်ရန် လိုအပ်သော ကျွမ်းကျင်မှုများ ရှိနေပြီဟု ကုလ၏ အစီရင်ခံစာတစ်ခုတွင် ဖော်ပြထားသည်။

ကုလသမဂ္ဂ ကုန်သွယ်ရေးနှင့် ဖွံ့ဖြိုးတိုးတက်ရေးအဖွဲ့ UNCTAD က ယမန်နေ့တွင် ထုတ်ပြန်သော အစီရင်ခံစာ၌ ထိုကဲ့သို့ ဖော်ပြထားခြင်းဖြစ်ပြီး သိပ္ပံ၊ နည်းပညာနှင့် တီထွင်ဆန်းသစ်မှုဆိုင်ရာ နိုင်ငံ၏မူဝါဒများကို နောက်ဆုံး သုံးသပ်ခဲ့သည့် ၂၀၀၅ ခုနှစ်နောက်ပိုင်းတွင် အီရန်၏ သိပ္ပံဆိုင်ရာ တိုးတက်မှုများမှာ အံ့သြလောက်ဖွယ် ဖြစ်သည်ဟုလည်း ဆိုသည်။

အီရန်မှာ ကမ္ဘာပေါ်တွင် သိပ္ပံဆိုင်ရာတိုးတက်မှု အလျင်အမြန်ဆုံး တိုင်းပြည်များထဲမှ တစ်နိုင်ငံ ဖြစ်လာပြီး သိပ္ပံအထွန်းကားဆုံး တိုင်းပြည်များစာရင်းတွင် အဆင့် ၃၄ မှ ၁၆ သို့ ခုန်တက်လာခဲ့သည်။

လူဦးရေအချိုးအစားအရလည်း အီရန်နိုင်ငံမှာ ကမ္ဘာပေါ်တွင် အင်ဂျင်နီယာဘွဲ့ရ ဒုတိယအများဆုံး တိုင်းပြည်ဖြစ်သည်။ UNCTAD က မူ အီရန်အနေဖြင့် နာနိုနည်းပညာကဲ့သို့ ဖွံ့ဖြိုးလာသော ကဏ္ဍများတွင် ထိပ်တန်းသုတေသနနှင့် လုပ်ငန်းများကို ဆောင်ရွက်နိုင်ကြောင်း ပြသခဲ့သည်ဟု ထည့်သွင်းပြောကြားခဲ့သည်။

ထို့ပြင် အမေရိကန်ဦးဆောင်သည့် အနောက်နိုင်ငံများ၏ ပိတ်ဆို့မှုများကို ၁၉၈၀ ပြည့်နှစ်ကတည်းက ခံစားခဲ့ပြီး ၂၀၀၈ ခုနှစ်တွင် ပိုမိုဆိုးရွားခဲ့ကာ အီရန်အနေဖြင့် နိုင်ငံရပ်ခြား ဘဏ္ဍာရေး၊ နည်းပညာနှင့် ဈေးကွက်များသို့ ၀င်ရောက်ခွင့် ကန့်သတ်ခံခဲ့ရသော်လည်း မိမိကိုကိုယ်ကို အားကိုးနိုင်စွမ်း ရှိလာခဲ့ကြောင်း၊ ၂၀၀၅ ခုနှစ်တည်းက သိပ္ပံ၊ နည်းပညာနှင့် တီထွင်ဆန်းသစ်မှုများတွင် မှန်ကန်သော မူဝါဒများကို ချမှတ်ရန် အရေးပါသောခြေလှမ်းများ လှမ်းခဲ့ကြောင်း၊ ကုန်သွယ်ရေး၊ ရင်းနှီးမြှုပ်နှံမှု၊ စက်မှုလက်မှု ဖွံ့ဖြိုးတိုးတက်ရေး၊ ပညာရေးနှင့် ယှဉ်ပြိုင်နိုင်စွမ်းတို့ကဲ့သို့ အခြား အဓိကပေါ်လစီများနှင့် ပိုမိုကောင်းမွန်စွာ ချိန်ညှိရန်လိုအပ်ကြောင်း အစီရင်ခံစာတွင် ထည့်သွင်းဖော်ပြခဲ့သည်။

Ref : PressTV

နိုဝင်ဘာ ၂၃၊ ၂၀၁၆
M-Media

– ကုန်သွယ်ရေး၊ လုံခြုံရေးတို့ကို ကာကွယ်ရန်နှင့် နိုင်ငံ၏ ရေတပ်အင်အားကို တိုးမြှင့်ရန်အတွက် အီရန်မှာ ပါရှန်ပင်လယ်ကွေ့နှင့် အိုမန်ပင်လယ်ကွေ့တို့တွင် ရေတပ်စစ်အခြေစိုက်စခန်း ၃ ခု စတင်ဆောက်လုပ်နေသည်ဟု သိရသည်။

“ကျွန်တော်တို့ မက္ကရန်ကမ်းရိုးတန်းပေါ်မှာ ရေတပ်ဇုန်နှစ်ခုနဲ့ ရေတပ်စခန်းသုံးခု တည်ဆောက်နေပါတယ်၊ ဒီဆောင်ရွက်ချက်တွေဟာ ကျွန်တော်တို့ရဲ့ ပင်လယ်ပြင်ဆိုင်ရာမူဝါဒတွေနဲ့အညီ ဆောင်ရွက်တာ ဖြစ်ပါတယ်” ဟု ရေတပ်ဗိုလ်ချုပ် ဟာဘီဘိုလာ ဆေယာရီက တနင်္လာနေ့က တီဟီရန်၌ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။

မက္ကရန်ကမ်းရိုးတန်းပေါ်တွင် ရေတပ်အင်အားတိုးချဲ့ခြင်းသည် အီရန်အဓိပတိ အယာတိုလာခါမေနီက ဒေသတွင်းလုံခြုံစေရေး ဆောင်ရွက်ရန် ၂၀၁၄ ခုနှစ်က တိုက်တွန်းခဲ့ပြီးနောက် ဆောင်ရွက်လာခဲ့သည့် အီရန်၏ ထိပ်တန်းဦးစားပေး လုပ်ငန်းများအနက်မှ တစ်ခုလည်းဖြစ်သည်။

ယခုဆောင်ရွက်သည့် ရေကြောင်းလုံခြုံရေးလုပ်ငန်းများမှာ ကုန်သင်္ဘောများကို ပင်လယ်ဓားပြများလက်မှ ပိုမိုလုံခြုံအောင် ကာကွယ်ပေးနိုင်မည် ဖြစ်သည်။ ၂၀၀၈ ခုနှစ် နိုဝင်ဘာလတွင် ဆိုမာလီပင်လယ်ဓားပြအုပ်စုမှာ ယီမင်သို့ပို့မည့် အီရန်ကုန်သင်္ဘောတစ်စင်းကို ပြန်ပေးဆွဲခဲ့သည်။

ဆေယာရီကမူ ယခုနှစ်အတွင်း အီရန်ရေတပ်မှာ ကုန်တင်သင်္ဘောနှင့် ဆီတင်သင်္ဘော စုစုပေါင်း ၃၈၄၄ စင်းကို ပင်လယ်ဓားပြများရန်မှ ကာကွယ်စောင့်ရှောက်ပေးခဲ့ကြောင်း၊ ယခုရေတပ်စခန်းများက လုံခြုံရေးကို ပိုမိုဆောင်ရွက်ပေးနိုင်မည်ဖြစ်ကြောင်း ထည့်သွင်းပြောကြားခဲ့သည်။

လက်ရှိတွင် အီရန်ရေတပ်သင်္ဘောများမှာ ဧရိယာ ၂,၁၀၀,၀၀၀ စကွဲယားမီတာကို ဖြန့်ကျက်စိုးမိုးထားပြီး အိုမန်ပင်လယ်ကွေ့၊ ကက်စပီယံပင်လယ်နှင့် အိန္ဒိယသမုဒ္ဒရာတို့တွင် တာဝန်ထမ်းဆောင်နေသည့် စစ်သင်္ဘောအုပ်စုမှာ ၄၄ စု ရှိနေသည်။

Ref : RT