Tag: Iran

မတ် ၂၈၊ ၂၀၁၆
M-Media

– အီရန်နဲ့ပါကစ္စတန်တို့ဟာ မရှိမဖြစ်လိုအပ်တဲ့ မဟာဗျုဟာတွေ လက်ခံကျင့်သုံးဖို့နဲ့ နှစ်ဦးနှစ်ဖက်ကုန်သွယ်မှုတန်ဖိုးကို ကန်ဒေါ်လာ ၅ ဘီလီယံထိ တိုးမြင့်ဆောင်ရွက်ဖို့ သဘောတူညီခဲ့ကြတယ်လို့ သိရပါတယ်။

ပြီးခဲ့တဲ့သီတင်းပတ်က အီရန်သမ္မတ ရူဟာနီနဲ့အဖွဲ့က ပါကစ္စတန်ကို လာရောက်လည်ပတ်စဉ်အတွင်းမှာ ဒီလို သဘောတူညီခဲ့ကြတာဖြစ်ပြီး လာမယ့်လအနည်းငယ်အတွင်းမှာ အီရန်-ပါကစ္စတန် စီးပွားရေး ပူးပေါင်းဆောင်ရွက်မှု ကော်မတီရဲ့ အကြိမ် ၂၀ မြောက် အစည်းအဝေးကို ကျင်းပဖို့လည်း ရှိနေပါတယ်။ အီရန်သမ္မတရဲ့ ဒီခရီးစဉ်မှာ စီးပွားရေးလုပ်ငန်းရှင် အယောက် ၆၀ လောက်လည်း ပါဝင်ခဲ့ပါတယ်။

အီရန်အပေါ် နျူကလီးယားအစီအစဉ်နဲ့ပက်သက်လို့ အရေးယူဒဏ်ခတ်မှုတွေ ရုပ်သိမ်းလိုက်ခြင်းနဲ့ ဥပဒေဆိုင်ရာ အဟန့်အတားတွေ အထူးသဖြင့် ဘဏ်လုပ်ငန်းနဲ့ ငွေကြေးဖလှယ်ရေး ပိတ်ဆို့မှုတွေ ဖယ်ရှားပြီးတဲ့နောက် အီရန်နဲ့ ပါကစ္စတန်ကြား ကုန်သွယ်မှုနဲ့ စီးပွားရေး ပူးပေါင်းဆောင်ရွက်မှုတွေ ပိုမိုအရှိန်မြင့်ဆောင်ရွက်နိုင်မယ်လို့ မျှော်လင့်ကြောင်း ပါကစ္စတန်က ပြောကြားခဲ့ပါတယ်။

ပါကစ္စတန်ဝန်ကြီးချုပ် နာဝဇ် ရှရစ်ဖ်က ပါကစ္စတန်နဲ့ အီရန်တို့ နှစ်စဉ်ကုန်သွယ်မှုတန်ဖိုးဟာ ၂၀၂၁ ခုနှစ်မှာ ကန်ဒေါ်လာ ၅ ဘီလီယံထိ တိုးမြင့်နိုင်ဖို့ သဘောတူလက်မှတ် ရေးထိုးခဲ့တယ်လို့ ပြောကြားခဲ့ပါတယ်။

ပါကစ္စတန်နဲ့ အီရန်ကြား ကုန်သွယ်မှုမှာ ၂၀၀၈-၀၉ မှာ ကန်ဒေါ်လာ ၁.၃၂ ဘီလီယံ ရှိပြီး ၂၀၁၀-၁၁ မှာ ကန်ဒေါ် ၄၃၂ သန်း ထိကျဆင်းခဲ့တယ်လို့ ပါကစ္စတန် ကုန်သွယ်မှုဖွံ့ဖြိုးရေးဌာနရဲ့ ပြောကြားချက်အရ သိရပါတယ်။

ရူဟာနီရဲ့ ဒီခရီးစဉ်မှာ နှစ်နိုင်ငံတာဝန်ရှိသူတွေက ကုန်သွယ်ရေး၊ စီးပွားရေး၊ အာမခံ၊ ယဉ်ကျေးမှု၊ အဆင့်မြင့်ပညာရေး၊ ကျန်းမာရေးနဲ့ ဆေးဘက်ဆိုင်ရာ နယ်ပယ်အမျိုးမျိုးနဲ့သက်ဆိုင်တဲ့ သဘောတူစာချုပ် စုစုပေါင်း ၆ ခုမှာ လက်မှတ်ရေးခဲ့ကြပါတယ်။

Ref: Presstv

မတ် ၂၆၊ ၂၀၁၆
M-Media

– အစ္စလာမ်ကမ္ဘာတွင် လက်ရှိဖြစ်ပွားနေသည့် ပြဿနာများနှင့် ပဋိပက္ခများ၏ နောက်ကွယ်မှ အဓိက အကြောင်းအရင်းမှာ မွတ်စလင်များအကြား စည်းလုံးညီညွှတ်မှု မရှိခြင်းကြောင့်ဖြစ်သည်ဟု အီရန်သမ္မတ ဟာဆန် ရူဟာနီက ပြောကြားလိုက်သည်။

ပါကစ္စတန်သို့ ရောက်ရှိနေသည့် ရူဟာနီမှာ ယနေ့တွင် မြို့တော်အစ္စလာမ်မာဘတ်၌ ဓမ္မပညာရှင်၊ တတ်သိပညာရှင်များနှင့် တွေ့ဆုံစဉ် ပြောကြားခဲ့ခြင်းဖြစ်ပြီး ရှီယိုက်နှင့် စွန်နီမွတ်စလင်များ ထိခိုက်ခံစားနေရသည့် ပြဿနာများကို ဖြေရှင်းရန် တစ်ခုတည်းသော ကုသနည်းမှာ စည်းလုံးညီညွတ်ခြင်းပင်ဖြစ်သည်ဟု ဆိုသည်။

ထို့ပြင် အစ္စလာမ့်နိုင်ငံများမှ ဘာသာရေးကျောင်းများမှာ အစ္စလာမ်ဘာသာဝင်များအကြား ညီညွတ်ရေးကို သင်ကြားသင့်ပြီး၊ မွတ်စလင်များအနေဖြင့် လက်ရှိ အစ္စလာမ်ကမ္ဘာတွင် ဖြစ်ပွားနေသည့် ပြဿနာများကို ကျော်လွှားချင်ပါက မွတ်စလင်လူ့အဖွဲ့အစည်းများအကြား စည်လုံးညီညွတ်ရေး ရရှိရန် ကြိုးစားခြင်းမှတစ်ပါး အခြား ရွေးချယ်စရာမရှိဟု အီရန်သမ္မတက ထပ်လောင်းပြောကြားခဲ့သည်။

အစ္စလာမ်သာသနာမှာ အလယ်အလတ်လမ်းစဉ်ကို ပြသထားကာ ကိုယ်ကျင့်တရားကောင်းမွန်ရန် သွန်သင်ထားသည့် သာသနာဖြစ်ကြောင်း၊ ရှီယိုက်မွတ်စလင်များ၏ သဘာဝမှာ စွန်နီမွတ်စလင်များအား စိန်ခေါ်မှုတွင် အခြေမခံကြောင်း ၎င်းက ထည့်သွင်းပြောကြားခဲ့သည်။

ရှီယိုက်နှင့် စွန်နီမွတ်စလင်အုပ်စုတို့အကြား သဘောထားကွဲလွဲအောင် လုပ်ဆောင်သူများမှာ အဆိုပါ အုပ်စုနှစ်ခုစလုံး ပျက်ဆီးရန် ဆောင်ရွက်ခြင်းမှလွဲ၍ အခြား ရည်ရွယ်ချက်မရှိဟုလည်း ရူဟာနီက သတိပေးခဲ့သည်။

“ကျွန်တော်တို့ရဲ့ အစ္စလာမ်ဆိုတဲ့ အမှတ်သညာကို အားကောင်းအောင် ပြုလုပ်ရပါမယ်” ဟု ပါကစ္စတန်သို့ ၂ ရက်ကြာ အလည်အပတ်ခရီးစဉ်အဖြစ် ရောက်ရှိနေသည့် အီရန်သမ္မတက ထည့်သွင်းပြောကြားခဲ့ပြီး အစ္စလာမ်၏ စွမ်းပကားကို အသုံးချရန်နှင့် စည်းလုံးညီညွတ်မှုကို အားကောင်းအောင်ဆောင်ရွက်ရန် လိုအပ်သည်ဟုလည်း ဆိုသည်။

ထိုကဲ့သို့ စည်းလုံးညီညွတ်မှုမှာ အစ္စလာမ်ခေါင်းစဉ်အောက်ရှိသည့် အုပ်စုများ လေးစားမှုမခံရသမျှ ကာလပတ်လုံး ရရှိ မည်မဟုတ်ဟုလည်း ၎င်းက သတိပေးခဲ့သည်။

အစ္စလာမ်သာသနာ၏ စစ်မှန်သော သင်ကြားမှုများကို မြှင့်တင်ရေးနှင့် ပတ်သက်၍ ရူဟာနီက ” ရန်သူတွေကို ရင်ဆိုင်ဖို့အတွက် ကုရ်အာန်ကျမ်းတော်မြတ်ရဲ့ သင်ကြားမှုအစစ်အမှန်ကို မြှင့်တင်ဖော်ဆောင်ပေးဖို့ လိုပါတယ်” ဟု ထည့်သွင်းပြောကြားခဲ့သည်။

ထို့ပြင် မွတ်စလင်များအနေဖြင့် သိပ္ပံနှင့် အသိပညာများကို ရှာဖွေဆည်းပူးခြင်းအားဖြင့်သာ ၎င်းတို့၏ စွမ်းအားတိုးမြှင့်သင့်ကြောင်း၊ အစ္စလာမ်၏ စွမ်းပကားကို အားကောင်းစေရန်အတွက် မွတ်စလင် အမျိုးသား၊ အမျိုးသမီး ပညာရှင်များအားလုံး အတူတကွ ဆောင်ရွက်ရမည်ဖြစ်ကြောင်း အီရန်သမ္မတက နိဂုံးချုပ် ပြောကြားခဲ့သည်။

“အစ္စလာမ်ဆိုတဲ့သစ်ပင်ကြီးက အသီးအပွင့်တွေ မသီးပွင့်နိုင်တာကို ရန်သူတွေက လိုချင်ကြတာပါ။ မွတ်စလင်အနေနဲ့ စစ်မှန်တဲ့ အစ္စလာမ်ကို ပြန်လည်ရှင်သန်လာအောင် လုပ်ဆောင်ဖို့ လိုအပ်ပါတယ်”

Ref: Press TV