Tag: Iran

မတ် ၁၀၊ ၂၀၁၅
M-Media

– အီရန်နှင့် ကမ္ဘာ့ခေါင်းဆောင်များ လက်ရှိဆွေးနွေးနေသည့် နျူကလီးယား သဘောတူညီချက်မှာ ၎င်းတို့ပါတီ ၂၀၁၆ ခုနှစ်တွင် အာဏာရလာပါက အကြုံးဝင်မည်မဟုတ်ဟု အမေရိကန်ရှိ ရီပက်ဘလစ်ကန် အမတ်များက စာဖြင့် အီရန်အစိုးရအား သတိပေးလိုက်သည်။

ဆီနိတ်တာ တွမ်ကော်တွန်နှင့် အာရ်အာ့က်တို့ ဦးဆောင်ကာ ရီပက်ဘလစ်ကန် လွှတ်တော်အမတ် ၄၇ ဦး လက်မှတ်ရေးထိုးသားသည့် အဆိုပါအိတ်ဖွင့်ပေးစာကို ယမန်နေ့က ပေးပို့ခဲ့ခြင်းဖြစ်ပြီး ယခုသဘောတူညီချက်မှာ သမ္မတ အိုဘားမားသက်တမ်းအတွက်သာဖြစ်ကာ ၎င်းအား ဆက်ခံမည့်အစိုးရတွင် ပြန်ပြောင်းသွားမည်ဟု ထည့်သွင်း ပြောကြားခဲ့သည်။

“နောက်တက်မယ့် သမ္မတက ဒီသဘောတူညီချက်ကို မင်တစ်ချက်တည်းနဲ့ ရုပ်သိမ်းနိုင်ပါတယ်။ ပြီးတော့ အချိန်မရွေး ဒီသဘောတူညီချက်ရဲ့ အချက်အလက်တွေကို ပြင်ဆင်ဖြည့်စွက်နိုင်ပါတယ်” ဟု အဆိုပါစာတွင် ရေးသားဖော်ပြထားသည်။

အိမ်ဖြူတော်ကမူ ရီပက်ဘလစ်ကန်များ၏ ထိုလုပ်ရပ်အတွက် ဝေဖန်ခဲ့ပြီး ပါတီကွဲပြားမှုကို အခြေခံ၍ တိုက်ခိုက်ခြင်းသာဖြစ်သည်ဟု ဆိုသည်။ အမေရိကန်ဒုတိယသမ္မတ ဂျိုးဘိုင်ဒန်ကလည်း နိုင်ငံတကာနှင့် ဆွေးနွေးညှိနှိုင်းမှုများ ထိလွယ်ရှလွယ်ဖြစ်နေသည့် ယခုအချိန်တွင် လက်ရှိသမ္မတ၏ အားထုတ်မှုကို ပျက်ဆီးစေရန် ရည်ရွယ်သည့် အဆိုပါစာမှာ မိမိအလေးအမြတ်ထားသည့် အခြေခံဥပဒေ၏ ဂုဏ်သိက္ခာကို ကျဆင်းစေသည်ဟု ပြောကြားခဲ့သည်။

အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်ကလည်း အီရန်နိုင်ငံပိုင် သတင်းဌာနမှတစ်ဆင့် ရီပက်ဘလစ်ကန်များအား ဝေဖန်ခဲ့ပြီး ၎င်းတို့မှာ အီရန်နှင့် သဘောတူညီချက်ကို ပျက်ဆီးစေသည်သာမက နိုင်ငံတကာ သဘောတူညီချက်များကိုလည်း ပျက်ဆီးအောင် ဆောင်ရွက်နေခြင်းဖြစ်သည်ဟု ထည့်သွင်းပြောကြားခဲ့သည်။

Ref: Aljazeera

ဖေဖော်ဝါရီ ၂၆၊ ၂၀၁၅
M-Media

– အီရန်နျူကလီးယားအရေး ဆွေးနွေးမှုအတွက် ထင်မြင်ချက်ပေးနေခြင်းနှင့်ပတ်သက်၍ အစ္စရေးဝန်ကြီးချုပ် နေတန်ယာဟုအား အမေရိကန်အာဏာပိုင်များက မေးခွန်းထုတ်လိုက်ပြီး ၎င်း၏ ထိုကဲ့သို့ မဆင်မခြင်ပြောဆိုမှုက အမေရိကန်-အစ္စရေး ဆက်ဆံရေးတွင် အပျက်သဘောဆောင်လာမည်ဟု ပြောကြားလိုက်သည်။

နေတန်ယာဟုမှာ အီရန်၏ နျူကလီးယားဗုံး ထုတ်လုပ်မှုကို တားဆီးမည်ဟူသော ကတိကို ကမ္ဘာ့နိုင်ငံများက စွန့်လွှတ်လိုက်ပြီဟု ပြောဆိုခဲ့ပြီး အမေရိကန်အပါအ၀င် အင်အားကြီး ၆ နိုင်ငံနှင့် အီရန်တို့ ဆွေးနွေးမှုကို ဝေဖန်ရှုတ်ချခဲ့သည်။

အီရန်နှင့် ဆွေးနွေးပွဲတွင် ပါဝင်နေသည့် အမေရိကန်နိုင်ငံခြားရေးဝန်ကြီး ဂျွန်ကယ်ရီကမူ နေတန်ယာဟု၏ ပြောကြားချက်များမှာ မှားယွင်းလိမ့်မည်ဟု ယမန်နေ့တွင် ပြောကြားခဲ့ပြီး လာမည့်သီတင်းပတ် အမေရိကန် ကွန်ဂရက်တွင် ပြောကြားမည့် နေတန်ယာဟု၏ မိန့်ခွန်းကို စောင့်ကြည့်ရန်လည်း အကြံပြုခဲ့သည်။

ကွန်ဂရက်အား ထိန်းချုပ်ထားသည့် ရီပက်ဘလစ်ကန်များမှာ အီရန်အရေးနှင့်ပတ်သက်၍ နေတန်ယာဟုနှင့် သဘောထားခြင်းတူပြီး ၎င်းတို့ကပင် နေတန်ယာဟု မိန့်ခွန်းပြောရန် ဖိတ်ကြားထားခြင်းဖြစ်သည်။

“အီရတ်ကိုကျူးကျော်ဖို့ အရေးကြီးနေပြီလို့ ဂျော့ဂ်ျ ဘုရ်ှလက်ထက်တုန်းက နေတန်ယာဟုဟာ မဆင်မခြင်ပြောခဲ့ပါတယ်။ ဒီဆုံးဖြတ်ချက်နဲ့ပတ်သက်လို့ ဘာတွေဖြစ်ခဲ့တယ်ဆိုတာ ကျွန်တော်တို့ အားလုံးသိကြတာပဲ” ဟု ဂျွန်ကယ်ရီက ထည့်သွင်းပြောကြားခဲ့သည်။

Ref: aljazeera

ဖေဖော်ဝါရီ ၂၄၊ ၂၀၁၅
M-Media

– ၂၀၁၂ ခုနှစ် ကုလသမဂ္ဂ အထွေထွေညီလာခံတွင် အစ္စရေးဝန်ကြီးချုပ် နေတန်ယာဟုက အီရန်မှာ နျူကလီးယားဗုံးထုတ်လုပ်မှု ၇၀ ရာခိုင်နှုန်း ပြီးစီးနေပြီဟု ပြောကြားခဲ့ခြင်းမှာ အစ္စရေးထောက်လှမ်းရေးအဖွဲ့ မော့ဆက်၏ စုံစမ်းထောက်လှမ်းမှုနှင့် ကွဲလွဲနေပြီး ထွင်လုံးသာဖြစ်သည်ဟု သိရသည်။

စက်တင်ဘာလတွင် ပြုလုပ်ခဲ့သည့် အထွေထွေညီလာခံတွင် နေတန်ယာဟုမှာ ရုပ်ပုံကားချပ်ဖြင့် အီရန်၏ နျူကလီးယားဗုံးထုတ်လုပ်မှုမှာ ၇၀ ရာခိုင်နှုန်းပြီးစီးနေပြီး မကြာမီ လုံးဝ ပြီးစီးတော့မည်ဟုအသေအချာ ဖော်ပြခဲ့ခြင်းဖြစ်သော်လည်း ထိုညီလာခံကျင်းပပြီး တစ်လကျော်အကြာ အောက်တိုဘာလတွင် မော့ဆက်မှ တောင်အာဖရိကသို့ ပေးပို့သော ထိပ်တန်းလျှို့ဝှက်ချက် ထောက်လှမ်းရေးကိစ္စရပ်များ၌ အီရန်မှာ နျူလက်နက် ထုတ်လုပ်နိုင်သည့်အဆင့်သို့ မရောက်သေးဟု ဖော်ပြခဲ့သည်။

အဆိုပါ ထောက်လှမ်းရေး လျှို့ဝှက်ချက်ကို အလ်ဂျာဇီးရား သတင်းဌာန၏ စုံစမ်းရေးအဖွဲ့မှ ရရှိခဲ့ခြင်းဖြစ်ပြီး မော့ဆက်၏ ထောက်လှမ်းမှုများအရ အီရန်မှာ နျူလက်နက်တည်ဆောက်ရန် လိုအပ်သော ဆောင်ရွက်မှုများပင် မစတင်ရသေးဟု ဖော်ပြထားသည်။

ထို့ပြင် အီရန်သိပ္ပံပညာရှင်များမှာ ဓာတ်ပေါင်းဖိုများ အဆင့်မြှင့်တင်ခြင်းကဲ့သို့သော လုပ်ငန်းများတွင် လုပ်ကိုင်နေကြခြင်းသာဖြစ်ပြီး ယူရေနီယမ် ကီလိုဂရမ် ၁၀၀ အား နျူလက်နက်ထုတ်လုပ်ရာတွင် အသုံးပြုနိုင်သည့် ပြည့်ဝယူရေနီယမ်အဖြစ် ၂၀ ရာခိုင်နှုန်းသာ သန့်စင်နိုင်သေးသည်ဟု အဆိုပါ လောက်လှမ်းရေး မှတ်တမ်းများတွင် ဖော်ပြထားသည်။

အမေရိကန်အမျိုးသားထောက်လှမ်းရေး အေဂျင်စီကလည်း ၎င်းတို့၏ တွေ့ရှိချက်များကို ၂၀၁၂ ခုနှစ်အတွင်းက ထုတ်ပြန်ခဲ့ရာ အီရန်မှာ လက်ရှိရှိနေသည့် နျူကလီးယား အဆောက်အဦးများကို နျူလက်နက်ထုတ်လုပ်ရာတွင် အသုံးပြုရန် ဆုံးဖြတ်ချက်ပင် မချရသေးဟု ဖော်ပြထားသည်။

နေတန်ယာဟုမှာ အီရန်၏ နျူအရေးနှင့်ပတ်သက်၍ အမြဲလိုလို ဝေဖန်ပြောကြားခဲ့သူဖြစ်ပြီး အခြားသောအာရပ်နိုင်ငံများမှ နျူဓာတ်အားပေးစက်ရုံများကိုလည်း နျူကလီးယားလက်နက် ထုတ်လုပ်သည်ဟုဆိုကာ အစ္စရေးက ၀င်ရောက်ကျူးကျော် ဖျက်ဆီးခဲ့ဖူးသည်။

Ref: aljazeera

ဖေဖော်ဝါရီ ၁၆၊ ၂၀၁၅
M-Media

– ချစားမှုစွဲချက်အတွက် အပြစ်ရှိကြောင်းတွေ့ရှိရ၍ ဒုတိယသမ္မတဟောင်း မိုဟာမက် ရီဇာရာဟီမီကို ထောင်ဒဏ် ၅ နှစ် ချမှတ်လိုက်သည်ဟု အီရန် နိုင်ငံပိုင်မီဒီယာမှ ကြေညာခဲ့သည်။

ရာဟီမီမှာ ယခင်သမ္မတဟောင်း အဟ်မဒ်ဒီနီဂျဒ်၏ လက်ထက်တွင် ထိပ်တန်းအကြံပေးတစ်ယောက်ဖြစ်ပြီး အီရန် တရားရုံးချုပ်က ပြီးခဲ့သည့်လတွင် ပြစ်ဒဏ်ချမှတ်ခဲ့ခြင်းဖြစ်ကာ ယမန်နေ့တွင် မြို့တော်တီဟီရန်မြောက်ပိုင်း အီဗင်အကျဉ်းထောင်သို့ ပို့ဆောင်ခဲ့သည်။

ရာဟီမီကို ဒေသတွင်းတရားရုံးက ထောင်ဒဏ် ၁၅ နှစ် ချမှတ်ခဲ့သော်လည်း တရားရုံးချုပ်ကမူ ပြစ်ဒဏ်အား ၅ နှစ်နှင့် ၃ လသို့ လျှော့ချခဲ့ခြင်းဖြစ်သည်။ ထို့ပြင် ရာဟီမီမှာ ဒဏ်ငွေ ကန်ဒေါ်လာ ၃ သိန်းနှင့် နစ်နာကြေး ကန်ဒေါ်လာ ၈ သိန်းကိုလည်း ပေးဆောင်ရမည်ဖြစ်သည်။

သမ္မတဟောင်း အဟ်မဒ်ဒီနီဂျဒ်က ၎င်းမှာ အီရန်သမိုင်းတွင် အသန့်ရှင်းဆုံး အစိုးရကို ဦးဆောင်ခဲ့သည်ဟု ပြောကြားခဲ့သော်လည်း ၎င်း၏ အတိုက်အခံများကမူ ကြီးကြီးမားမား ချစားမှုများရှိခဲ့သည်ဟု ယခင်ကတည်းက စွပ်စွဲခဲ့သည်။

ပြီးခဲ့သည့်နှစ် မေလကလည်း အီရန်မှာ ဘီလီယံနာ စီးပွားရေးလုပ်ငန်းရှင် မာဟာဖာရစ် အမီရ် ခိုဆရာဗီအား နိုင်ငံတော်ဘဏ်မှ ကန်ဒေါ်လာ ၂.၆ ဘီလီယံ လိမ်လည်မှုဖြင့် သေဒဏ်ချမှတ်ခဲ့သည်။

Ref: aljazeera