Tag: Iran

မေ ၂၃ ၊ ၂၀၁၄
M-Media

– မိမိတို့၏ စစ်တပ်မှာ အမြဲတမ်း အသင့်ရှိနေပြီး မည်သည့်ကျူးကျော်မှုများကိုမဆို ချက်ချင်း လက်တုံ့ပြန်နိုင်သည်ဟု အီရန်ကြည်းတပ် တပ်မှူး အဟ်မဒ် ရီဇာ ပေါ်ဒါစတန်က ယနေ့တွင် ပြောကြားလိုက်သည်။

“အစ္စလာမ့်ပြည်သူ့သမ္မတနိုင်ငံရဲ့ စစ်တပ်ကို ဘယ်တော့မှ အငိုက်ဖမ်းလို့ရမှာမဟုတ်ပါဘူး။ ရန် သူက ကျူးကျော်ရန်စလာမယ်ဆိုရင်တော့ အီရစ်စစ်တပ်ရဲ့ တူညီတဲ့တုံ့ပြန်ချေမှုန်းမှုကို ရင်ဆိုင်ရပါလိမ့်မယ်။ ယနေ့အချိန်မှာ နည်းလမ်းပေါင်းစုံနဲ့ ပုံစုံမျိုးစုံနဲ့ ခြိမ်းခြောက်မှုကို ရင်ဆိုင်နေရပါတယ်” ဟု ပေါ်ဒါစတန်က ဆိုသည်။

အီရန်ထောက်လှမ်းရေးများမှာ နယ်စပ်၊ ဒေသတွင်းနှင့် ဒေသအပြင်ဘက်သို့ထွက်ကာ ရန်သူ၏ လှုပ်ရှားမှုများကို စောင့်ကြည့်နေသည်ဟု ၎င်းက ထပ်လောင်းပြောကြားခဲ့သည်။

မကြာသေးမီနှစ်များအတွင်းကပင် အီရန်ကာကွယ်ရေးကဏ္ဍမှာ တိုးတက်လာခဲ့ပြီး အရေးပါသော စစ်လက်နက်ပစ္စည်းများနှင့် စနစ်များကို တီထွင်ထုတ်လုပ်နိုင်ခဲ့သည်။ မိမိတို့၏ စစ်တပ်မှာ အခြားသောတိုင်းပြည်များအား ခြိမ်းခြောက်ရန်မဟုတ်ဘဲ တိုင်းပြည်အားကာကွယ်ရန်အတွက်သာဖြစ်ကြောင်း အီရန်နိုင်ငံက မကြာခဏပြောကြားခဲ့သည်။

YH/NN/HMV

ဧပြီ ၁၇၊ ၂၀၁၄
M-Media

– နျူကလီးယားလက်နက် ထုတ်လုပ်နိုင်သည့် လောင်စာအဆင့်သို့ အချိန်တိုအတွင်း ပြောင်းလဲနိုင်သော ပြည့်ဝယူရေနီယံ ပမာဏ ထက်ဝက်ကို အီရန်က ဖျက်ဆီးပစ်ခဲ့သည်ဟု သိရသည်။

အီရန်တွင် နျူကလီးယားဗုံး လောင်စာအဖြစ် အချိန်တိုအတွင်း ပြုလုပ်နိုင်သည့် ပြည့်ဝယူရေနီယံ ၂၀ ရာခိုင်နှုန်းရှိနေပြီး ထိုထဲမှထက်ဝက်ကို ဖျက်ဆီးလိုက်ကာ နိုင်ငံတကာ အဏုမြူအေဂျင်စီ IAEA က သတင်းထုတ်ပြန်လိမ့်မည်ဖြစ်ကြောင်း သံတမန် ၂ ဦးက AFP သတင်းဌာနသို့ ပြောကြားခဲ့သည်။

ထိုလုပ်ရပ်မှာ အီရန် အပေါ်ထားရှိသည့် စီးပွားရေး ပိတ်ဆို့မှုအချို့ကို ရုပ်သိမ်းပေးရေးအတွက် နျူလက်အစီအစဉ် အလျှော့ပေးမည်ဟူသော ကတိက၀တ်၏ အစိတ်ပိုင်း တစ်ခုလည်းဖြစ်သည်။ အီရန်နှင့် အင်အားကြီး ၆ နိုင်ငံတို့မှာ နျူကလီးယား ကိစ္စသဘောတူညီချက်ရရန် အတွက် ဆွေးနွေးနေကြသည်။

ထို့ပြင် အီရန်က အသစ်ခန့်အပ်လိုက်သည့် ကုလသမဂ္ဂဆိုင်ရာ သံတမန် ဟာမစ် အဘူတာလီဘီကို ၁၉၇၉ ခုနှစ် အီရန်ရှိ အမေရိကန် သံရုံးအား စီးနင်းသိမ်းပိုက်မှုတွင် ပါဝင်သည်ဟု စွပ်စွဲကာ အမေရိကန်က ပြည်ဝင်ခွင့် ဗီဇာ ထုတ်မပေးမှုအတွက်လည်း အီရန်က တရားဝင်ဆန္ဒပြခဲ့ပြီး ထိုကဲ့သို့ ဆောင်ရွက်မှုက နိုင်ငံတကာ သံတမန်ဆက်ဆံရေးကို ပျက်ဆီးစေပြီး၊ အန္တရာယ်ရှိသည့် ထုံးစံတစ်ခုကို သတ်မှတ်ခြင်းဖြစ်သည်ဟု ပြောကြားခဲ့သည်။

AP

ဖေဖော်ဝါရီ ၂၁၊ ၂၀၁၄
M-Media

– အနောက်နိုင်ငံများမှ စီးပွားရေးပိတ်ဆို့မှုများအား ဖြေလျှော့ရန် ကြိုးစားခြင်းထက် ထိုပိတ်ဆို့မှုများ၏ ဆိုးရွားသော အကျိုးသက်ရောက်မှုများကို တုံ့ပြန်ရန် ကာကွယ်ရေးအစီအစဉ်များကို လုပ်ဆောင်နေသည်ဟု အီရန်နိုင်ငံ၏ ဥသျှောင် အယာတိုလာ ခါမေနီက ပြောကြားလိုက်သည်။

အီရန်လေတပ်၏ တပ်မှူးများ၊ အမှုထမ်းများနှင့် ဖေဖော်ဝါရီ ၈ ရက်နေ့က တွေ့ဆုံစဉ်အတွင်း ပြောကြားခဲ့ခြင်းဖြစ်ပြီး ထိုမှတ်ချက်များအား ခါမေနီ၏ ကိုယ်ပိုင် ၀ဘ်ဆိုဒ်တွင် ယမန်နေ့ ဖော်ပြထားသည်။

အမေရိကန်ကို ရည်ညွှန်း၍ ပြောကြားသော ခါမေနီ၏ မိန့်ခွန်းတွင် “သူတို့က အီရန်ကို ခြိမ်းခြောက်လေ့ရှိပါတယ်။ ပြီးတော့ အီရန်ရဲ့ တိုက်ခိုက်နိုင်တဲ့ စွမ်းရည်ကို လျှော့ချဖို့ မျှော်လင့်နေပါတယ်။ ဒါပေမယ့် ဒါဟာကျွန်တော်တို့ လုပ်မယ့် အရာမဟုတ်ပါဘူး။ အလ္လာဟ်အရှင်မြတ်ရဲ့ ကူညီမှုနဲ့ တာဝန်ရှိသူတွေ၊ နိုင်ငံရဲ့ဌာနတွေ စစ်တပ် စတာတွေရဲ့ ကာကွယ်ရေး စွမ်းရည်တွေကို နေ့စဉ် အခြေခံကအစ တိုးမြှင့်သွားမှာပါ” ဟု ပါဝင်သည်။ ထို့ပြင် အီရန်၏ ကာကွယ်ရေးပေါ်လစီ အသစ်ကို မကြာမီကြေညာ သွားမည်ဟု ၎င်းက ထပ်လောင်းပြောကြားခဲ့သည်။

ထိုကဲ့သို့ ခါမေနီက ပြောကြားခဲ့မှုနှင့် ပတ်သက်ပြီး အီရန်အရေး ဆွေးနွေးနေသည့် အင်အားကြီး ၆ နိုင်ငံက မည်သည့်တုံ့ပြန်မှုမှ ပြုလုပ်ခြင်းမရှိသေးပေ။ ကုလသမဂ္ဂ လုံခြုံရေးကောင်စီအဖွဲ့ဝင် ၅ နိုင်ငံနှင့် ဂျာမနီတို့မှာ အီရန်၏ နျူးအရေးအပေါ် ဖြစ်ပွားနေသည့် ဆယ်စုနှစ်ကြာ အငြင်းပွားမှုအား ပပျောက်ရန် ၃ ရက်ကြာမြင့်မည့် အစည်းအဝေး တစ်ခုကို ပြုလုပ်နေသည်။

အီရန်နှင့် အင်အားကြီး ၆ နိုင်ငံမှာ ကာလတို သဘောတူညီချက်တစ်ခုကို ပြီးခဲ့သည့် နိုဝင်ဘာလက ရရှိခဲ့ပြီး၊ ယခုပြုလုပ်နေသာ ဆွေးနွေးပွဲမှာ ရေရှည် တည်တံ့မည့် သဘောတူညီချက် တစ်ခုရရှိရန်အတွက် နောက်ဆုံးအဆင့် ဆွေးနွေးပွဲလည်းဖြစ်သည်။

အီရန်၏ နျူးကလီးယား အရေးကြောင့် အမေရိကန်နှင့် အပေါင်းအပါများက အီရန်အပေါ် စီးပွားရေး ပိတ်ဆို့မှုများပြုလုပ်ထားပြီး အထူးသဖြင့် ဘဏ်လုပ်ငန်းနှင့် ရေနံလုပ်ငန်းတို့တွင်ဖြစ်သည်။

Ref:Al Jazeera