Tag: Iran

နိုင်ငံအတွင်း ရင်းနှီးမြှုပ်နှံမှုများပြုလုပ်ရန် အီရန်ဖိတ်ခေါ်

ဇန်နဝါရီ ၂၄၊ ၂၀၁၄
M-Media

– နိုင်ငံ၏ နျူးကလီးယားအစီအစဉ်နှင့် ပတ်သက်၍ ကမ္ဘာ့ခေါင်းဆောင်များနှင့် ပြည့်စုံသော သဘောတူညီချက်ရရှိရန်အတွက် ညှိနှိုင်းဆောင်ရွက်သွားရန် ဆုံးဖြတ်ထားသည့် အီရန်နိုင်ငံ၏ စီးပွားရေးမှာ ဖွံ့ဖြိုးလာနိုင်သည်ဟု အီရန်သမ္မတ ရူဟာနီက ကမ္ဘာ့စီးပွားရေးဖိုရမ်တွင် ပြောကြားလိုက်သည်။

ဆွစ်ဇလန်နိုင်ငံ ဒါဗို့စ်မြို့တွင် ပြုလုပ်နေသည့် အဆိုပါ စီးပွားရေးဖိုရမ်တွင် အီရန်နိုင်ငံ အတွင်း ရင်းနှီးမြှုပ်နှံမှုများပြုလုပ်ရန် ဥရောပ ကုမ္ပဏီများကိုလည်း ဖိတ်ခေါ်ခဲ့ပြီး၊ နျူးကလီးယား အရေးဆွေးနွေးမှုများပြုလုပ်နေသည့် အမေရိကန်နိုင်ငံ အနေဖြင့် ၎င်းတို့၏ စကားများကို အလုပ်ဖြင့် သက်သေပြခြင်းအား လိုချင်သည်ဟု ရူဟာနီက ထည့်သွင်းပြောကြားခဲ့သည်။

အီရန်နိုင်ငံအား ပြင်ပကမ္ဘာနှင့် ဆက်ဆံရေးတိုးတက် ကောင်းမွန်ရန် ဆောက်ရွက်ပေးမည်ဆိုသော ကတိဖြင့် ယမန်နှစ်က ရွေးကောက် တင်မြှောက်ခြင်းခံခဲ့ရသည့် ရူဟာနီမှာ နျူးကလီးယား အစီအစဉ် ရပ်တန့်ရေးအတွက် အင်အာကြီး ၆ နိုင်ငံနှင့် ပဏာမ သဘောတူညီချက်ရရှိခဲ့ပြီးနောက် နိုင်ငံ၏ နျူးကလီးယားစက်ရုံရှိ ယူရေနီယံ သန့်စင်မှုလုပ်ငန်းအားရပ်ဆိုင်းခဲ့သည်။

ရူဟာနီလက်ထက်တွင် အမေရိကန်၊ ဥရောပနိုင်ငံများနှင့် သံတမန်ဆက်ဆံရေးများ ပိုမိုကောင်းမွန်လာခဲ့ပြီး မကြာသေးခင်ကလည်း အမေရိကန်နှင့် ဥရောပနိုင်ငံတို့က အီရန်အပေါ် ၎င်းတို့ထားရှိသည့် ပိတ်ဆို့မှုအချို့အား ဖယ်ရှားပေးခဲ့သည်။

January 24, 2014
အီရန်အပေါ်ထားရှိသည့် ပိတ်ဆို့မှု အချို့ အမေရိကန်နှင့် ဥရောပသမဂ္ဂ တို့မှ လျှော့ချ

ဇန်နဝါရီ ၂၁၊ ၂၀၁၄
M-Media

– နျူးကလီးယားအစီအစဉ်အား ရပ်တန့်ရန် ကိစ္စကို အီရန်နိုင်ငံ စတင်အကောင်အထည်ဖော်ခဲ့ပြီးနောက် ဥရောပသမဂ္ဂနှင့် အမေရိကန်နိုင်ငံတို့က အီရန်အပေါ်ထားရှိသည့် ပိတ်ဆို့မှုအချို့အား ဖြေလျှော့ပေးခဲ့သည်ဟု သိရသည်။

ထိုဖြေလျှော့မှုများတွင် ရေနံနှင့် ပတ်သက်သည့် ဓာတုပစ္စည်းများနှင့် အဖိုးတန် ဓာတ်သတ္တုများ ကုန်သွယ်မှု၊ ရေနံပို့ဆောင်ရေးလုပ်ငန်းများအပေါ် အာမခံထားခြင်းများ ဆောင်ရွက်နိုင်မှုတို့ ပါဝင်သည်။

အီရန်အနေဖြင့် နျူးကလီးယားအစီအစဉ်ရပ်တန့်ရန် ပဏာမ သဘောတူညီချက်အား အကောင်ထည်ဖော်ခဲ့သောကြောင့် အီရန်နိုင်ငံ၏ ရေနံတင်ပို့မှုကဏ္ဍအတွက် ပြုလုပ်ထားသော ပိတ်ဆို့မှုများအား ဖြေလျှော့ပေးရန် လိုအပ်သော လုပ်ငန်းများကို စီမံရေးဌာနမှ လုပ်ဆောင်ပြီးပြီဟု အမေရိကန် ဘဏ္ဍာရေးဌာနမှ ပြောကြားခဲ့သည်။

ထို့ပြင် ယမန်နေ့က ထုတ်ပြန်ခဲ့သော ဥရောပသမဂ္ဂ၏ ကြေညာချက်တွင်လည်း အီရန်အပေါ်ထားရှိသည့် သောပိတ်ဆို့မှုအချို့အား ဖယ်ရှာခဲ့ပြီး စောင့်ကြည့် ကာလ ၆ လထားရှိမည်ဟု ဖော်ပြထားသည်။

ပြီးခဲ့သည့်နှစ် နိုဝင်ဘာလအတွင်းက အီရန်နှင့် အင်အားကြီးနိုင်ငံ ၆ နိုင်ငံတို့၏ နျူးကလီးယား သဘောတူညီချက်အရ နိုင်ငံအလယ်ပိုင်းရှိ နျူးကလီးယား သန့်စင်မှုလုပ်ငန်းအား အီရန်နိုင်ငံမှ ယမန်နေ့ အစောပိုင်းတွင် ရပ်တန့်ခဲ့ပြီး၊ နိုင်ငံတကာ နျူးကလီးယားအေဂျင်စီ IAEA ကလည်း ထိုကဲ့သို့ ရပ်တန့်ခဲ့မှုအား အတည်ပြုခဲ့သည်။
Ref: aljazeera.

January 21, 2014
နျူကလီးယား အရေးဆွေးနွေးမှု နောက်ဆုံး သဘောတူချက်သာ ကျန်ရှိတော့ဟု အီရန်ပြော

ဇန်န၀ါရီ ၁၁-၂၀၁၄
M-Media

နျူးကလီးယားကိစ္စအတွက် ဆွေးနွေးမှုမှာ တိုးတက်မှုများရရှိနေပြီး နောက်ဆုံး သဘောတူညီချက်သာ ကျန်ရှိတော့သည်ဟု အီရန်ဆို

– အင်အားကြီး ၆ နိုင်ငံနှင့် ဆွေးနွေးနေသည့် နျူးကလီးယားကိစ္စမှာ တိုးတက်မှုများရရှိနေပြီး နောက်ဆုံး သဘောတူညီချက်ရရှိရန် အတွက် ဆွေးနွေး ညှိနှိုင်းမှုများကို ပြုလုပ်နေသည်ဟု အီရန် လက်ထောက်နိုင်ငံခြားရေး ၀န်ကြီး အဘတ်စ် အာရက်ချီက ယမန်နေ့က ပြောကြားလိုက်သည်။

အဘတ်စ်အာရက်ချီမှာ ယမန်နေ့က ဥရောပသမဂ္ဂ အကြီးတန်းကိုယ်စားလှယ်နှင့် ဂျီနီဗာတွင်တွေ့ဆုံခဲ့သည်။ ထိုတွေ့ဆုံမှုအတွင်း အီရန်၏ နျူးကလီးယား အစီအစဉ်အား ရပ်တန့်ရန်နှင့် အီရန် အပေါ် ပြုလုပ်ထားသည့် ပိတ်ဆို့မှုမျာအား ဖြေလျော့ပေးရန်အတွက် အနောက်နိုင်ငံများနှင့် ပြုလုပ်ထားသည့် သဘောတူညီချက် မူကြမ်း၏ အသေးစိတ် အချက်အလက်များကို ဆွေးနွေးခဲ့ကြပြီး၊ မတူညီသော အချက်များအတွက် အဖြေရှာတွေ့ခဲ့သော်လည်းနောက်ဆုံး သဘော တူညီချက်ကို ကြေညာရန်အတွက် အကြံဥာဏ် ရယူမှုများကို ပြုလုပ်ရန် လိုအပ်နေသေးသည်ဟု တွေ့ဆုံဆွေးနွေးမှု အပြီးတွင် အာရက်ချီက ပြောကြားခဲ့သည်။

ကမ္ဘာ့အင်အားကြီး ၆ နိုင်ငံဖြစ်သည့် အမေရိကန်၊ ရုရှား၊ တရုတ်၊ ပြင်သစ်၊ ဗြိတိန်နှင့် ဂျာမနီတို့၏ ကိုယ်စား ဥရောပ သမဂ္ဂက ဆွေးနွေးပေးခြင်းဖြစ်ပြီး နျူအရေးနှင့် သက်ဆိုင်သော ကိစ္စရပ်များ အားလုံးတွင် တိုးတက်မှုများကို ပြုလုပ်နိုင်ခဲ့ကြောင်း ဆွေးနွေးမှု၏ ရလဒ်များအား အခြားသောအကြီးတန်းအရာရှိများမှ အတည်ပြုရန် လိုအပ်နေသေးကြောင်း ဥရောပသမဂ္ဂ၏ ပြောရေးဆိုခွင့်ရှိသူ မိုက်ကယ် မန်က ပြောကြားခဲ့သည်။
Ref: aljazeera

January 11, 2014
လွှတ်တော်က အီရန်အပေါ် ပိတ်ဆို့မှုအသစ်ပြုလုပ်ပါက ဗီတိုသုံးကာ ပယ်ချသွားမည်ဟု အိုဘားမားပြော

ဒီဇင်ဘာ ၂၁၊ ၂၀၁၃
M-Media

နျူးလီးယား ကိစ္စအတွက် အီရန်နိုင်ငံအပေါ် ပိတ်ဆို့မှုအသစ်များပြုလုပ်ရန် စီစဉ်ထားသည့် ဥပဒေမူကြမ်းအား သမ္မတအိုဘားမားက ဗီတိုသုံး၍ ပယ်ချမည်ဟုသိရသည်။

‘အီရန်နျူးကလီးယားကင်းစင်ရေး အက်ဥပဒေ ၂၀၁၃’ ဟု အမည်ရသည့် အဆိုပါ ဥပေဒမူကြမ်းကို ကြာသာပတေးနေ့က ဆီးနိတ်လွှတ်တော်တွင် တင်သွင်ခဲ့ခြင်းဖြစ်ပြီး ဒီမိုကရတ်တစ်နှင့် ရီပက်ဘလစ်ကန် လွှတ်တော်မတ် ၂၆ ဦးက ထောက်ခံခဲ့သည်။ ထိုမူကြမ်းတွင် အီရန်နိုင်ငံ၏ စွမ်းအင်ကဏ္ဍအတွက် ပိတ်ပတ်မှုများကို တိုးချဲ့ရန်ရေးသားထားပြီး၊ အစ္စရေးက အီရန်ကို တိုက်ခိုက်ပါက အမေရိကန်က အစ္စရေးအား စစ်ရေး၊ စီးပွားရေးနှင့် သံတမန်ရေးရာ ထောက်ပံမှုများ ပေးအပ် သင့်သည်ဟုလည်း ဖော်ပြထားသည်။

သို့သော်လည်း သမ္မအိုဘားမားက သံတမန်ရေးအရ ဖြေရှင်းမှုအတွက် အီရန်နိုင်ငံ၏ ကတိအား ဆက်လက်စောင့်ကြည့်ရန် အမေရိကန်နှင့် အင်အားကြီး ၆ နိုင်ငံတို့အား အမေရိကန် ဥပဒေပြုအမတ်များက ခွင့်ပြုပေးရမည်ဟု ပြောဆိုခဲ့သည်။ ထိုမူကြမ်းအား လာမည့် ဇန်န၀ါရီအထိ ဥပဒေအဖြစ် ပြဌာန်းနိုင်မည်မဟုတ်ပေ။

အချို့သော စီပွားရေးဆိုင်ရာ ပိတ်ဆို့မှုများ ဖြေလျော့ပေးရန်အတွက် တီဟီရန်၏ နျုးကလီးယားအစီအစဉ်အား ရပ်တန့်ရန် သဘောတူညီချက်အတွက် အီရန်နှင့် အင်အားကြီး ၆ နိုင်ငံတို့မှာ အဆင့်မြင့်အရာရှိများအဆင့် ဆွေးနွေးပွဲကို ကြာသာပတေးန့က ဂျီနီဗာတွင် ဆက်လက်ပြုလုပ်ခဲ့ကြသည်။
Ref: Voa News

December 21, 2013
အကြီးဆုံး လေတပ် စစ်ရေးလေ့ကျင့်မှု တစ်ခု အီရန်ပြုလုပ်

ဒီဇင်ဘာ ၂၁၊ ၂၀၁၃
M-Media

– Harim Velayat 4 ဟု အမည်ရသည့် လေတပ်ဆိုင်ရာ အကြီးဆုံးစစ်ရေးလေ့ကျင့်မှုကို အီရန်နိုင်ငံက ပြုလုပ်နေပြီး ထိုစစ်ရေးလေ့ကျင့်မှုမှာ အီရန်လေတပ် IRIAF မှ ပြုလုပ်သော လေးကြိမ်မြောက် စစ်ရေးလေ့ကျင့်မှုဖြစ်သည်ဟု အီရန်လေတပ်အကြီးအကဲ ဗိုလ်မှူးချုပ် အလီရီဇာ ဘာခိုရ်က ပြောကြားခဲ့သည်။

ယမန်နေ့က စတင်ပြုလုပ်ခဲ့ခြင်းဖြစ်ပြီး အီရန်တောင်ပိုင်းနှင့် Hormozgan ပြည်နယ်ရှိ ဝေဟင်ပြင်တွင် အဓိကပြုလုပ်သွားမည်ဖြစ်ကြောင်း၊ စစ်ရေးလေ့ကျင့်မှုအား အဆင့်သုံးဆင့်ဖြင့် ပြုလုပ်သွားမည်ဖြစ်ပြီး ပထမဆင့်တွင် ကင်းထောက်ကာ လေ့ကျင့်မည့် ပစ်မှတ်များကို ရှာဖွေခြင်း၊ ဒုတိယအဆင့်တွင် တိုက်လေယာဉ်များ၊ ဗုံကြဲလေယာဉ်များနှင့် ထိုပစ်မှတ်များအား ဖျက်စီးခြင်း၊ ထို့နောက် တတိယအဆင့်တွင် ပြည်သူ့ကာကွယ်ရေး နည်းစနစ်များကို လေ့ကျင့်ခြင်း စသဖြင့် စီစဉ်ထားကြောင်း ဘာခိုရ်က သတင်းထောက်များအား ပြောကြားခဲ့သည်။

အီရန်နိုင်ငံမှာ ပြီးခဲ့သည့် အောက်တိုဘာလကလည်း နိုင်ငံအနောက်မြောက်ပိုင်းဒေသတွင် လေတပ်ဆိုင်ရာ စစ်ရေးလေ့ကျင့်မှုတစ်ခုကိုပြုလုပ်ခဲ့ပြီး ထိုလေ့ကျင့်မှုတွင် အီရန်တော်လှန်ရေး အစောင့်တပ်ဖွဲ့မှ တပ်သား ၁၂၀၀၀ ပါဝင်ခဲ့ကာ သတ်မှတ်ထားသည့် လေ့ကျင့်ခန်းများကို အပြည့်အ၀ဆောင်ရွက်နိုင်သည်ဟု အီရန်လေတပ်မှ ပြောကြားခဲ့သည်။

Ref:Tasnimnews.com

December 21, 2013