Tag: Islam in China

ဖေဖော်ဝါရီ ၁၉၊ ၂၀၁၈
M-Media

– နိုင်ငံအနောက်မြောက်ပိုင်း ၀ီဂါမွတ်စလင်တွေ အများစုနေထိုင်ရာ ရှင်ကျန်းပြည်နယ်က ဒေသအချို့မှာ ဆင်းရဲမွဲတေမှုပပျောက်ရေး စီမံကိန်းကို တရုတ်အစိုးရက စတင်လိုက်ပါတယ်။

၃ နှစ်တာကြာမြင့်မယ့် ဒီစီမံကိန်းမှာ ရှင်ကျန်းပြည်နယ် ခရိုင် ၂၂ ခုနှစ်က လူပေါင်း ၄ သိန်းလောက် အကျုံးဝင်မှာဖြစ်တယ်လို့ Xhinhua သတင်းဌာနက မနေ့မှာ ဖော်ပြခဲ့ပါတယ်။

ရှင်ကျန်းပြည်နယ်မှာ ၀ီဂါမွတ်စလင် ၁၀ သန်းလောက် နေထိုင်ပြီး ဗဟိုအစိုးရရဲ့ ရိုးရာယဉ်ကျေးမှုနဲ့ ဘာသာရေးဖိနှိပ်မှုတွေကို နေ့စဉ်နဲ့အမျှ ခံစားနေရတယ်လို့ ပြောပါတယ်။ တရုတ်အစိုးရကတော့ ဒီပြောကြားချက်တွေကို ငြင်းဆိုထားပါတယ်။

ရှန်ကျန်းမှာလုပ်မယ့် ဆင်းရဲမွဲတေမှု ပပျောက်ရေး စီမံကိန်းမှာ အစိုးရက ငွေဘယ်လောက်သုံးစွဲမလဲဆိုတာကိုတော့ Xhinhua သတင်းဌာနက ဖော်ပြခြင်း မရှိပါဘူး။ ပြီးခဲ့တဲ့နှစ်မှာ ဆင်းရဲမွဲတေမှု ပပျောက်ရေးအတွက် တရုတ်အစိုးရဟာ ကန်ဒေါ်လာ သန်း ၉၆၀ အသုံးပြုခဲ့ပြီး အဲဒီအထဲက ၈၀ ရာခိုင်နှုန်းကို ရှန်ကျန်းပြည်နယ်က အဆင်းရဲဆုံး ဒေသတွေဖြစ်တဲ့ ဟာရှီ၊ ဟိုတန်၊ ကီဇီလီဆူ၊ အာ့ခယ်ဆူဒေသတွေအတွက် ခွဲပေးခဲ့ပါတယ်။

၂၀၂၀ ခုနှစ် နောက်ဆုံးသတ်မှတ်ထားတဲ့ အဲဒီ ဆင်းရဲမွဲတေမှု တိုက်ဖျက်ရေး စီမံကိန်းကို အကောင်အထည်ဖော်ဖို့အတွက် ဒေသ ၁၉၂ ခုကို အစိုးရတာဝန်ရှိသူတွေ စေလွှတ်မှာ ဖြစ်ပါတယ်။

ဒါဟာ တရုတ်ကွန်မြူနစ်ပါတီက လုပ်ဆောင်နေတဲ့ နိုင်ငံအတွင်း ဆင်းရဲမွဲတေမှု တိုက်ဖျက်ရေး တစ်စိတ်တစ်ပိုင်းဖြစ်ပြီး ၂၀၂၀ ခုနှစ်မှာ နိုင်ငံသားတိုင်းရဲ့ ၀င်ငွေဟာ အနိမ့်ဆုံးဖြစ်တဲ့ တစ်နှစ် ဒေါ်လာ ၃၆၀ ထက် ကျော်လွန်ဖို့ ရည်မှန်းထားတာပါ။

တရုတ်နိုင်ငံရဲ့ တစ်ဦးချင်း ဂျီဒီပီဟာ ကန်ဒေါ်လာ ၈၁၃၂ ရှိတယ်လို့ ကမ္ဘာဘဏ်ရဲ့ ထုတ်ပြန်ချက်မှာ ဖော်ပြထားပြီး ၂၀၁၇ ခုနှစ်အတွင်း ကျေးလက်ဒေသက လူပေါင်း ၁၃ သန်းနီးပါးကို ဆင်းရဲတွင်းကနေ ထုတ်နိုင်ခဲ့ပါတယ်။

Ref: Aljazeera

ဖေဖော်ဝါရီ ၁၈၊ ၂၀၁၈
M-Media

– ဗလီဝတ်ကျောင်းတော်တွေက ဘာသာရေးသင်ကြားမှုတွေမှာ လူငယ်တွေ ပါဝင်လို့မရဘူးလို့ တရုတ်အာဏာပိုင်တွေရဲ့ မကြာသေးခင်က တားမြစ်မှုဟာ တရုတ်နိုင်ငံက လူနည်းစု ဟွေမွတ်စလင်တွေအတွက် လက်မခံနိုင်စရာဖြစ်ပြီး သူတို့ရဲ့ဘ၀ ရှင်သန်ရပ်တည်မှုအပေါ် ၀င်ရောက်စွက်ဖက် ဟန့်တားမှုပဲလို့ ရှုမြင်နေကြပါတယ်။

သူတို့ရဲ့ ကြောက်ရွံ့မှုကြီးတစ်ခုက တရုတ်အစိုးရဟာ နိုင်ငံအနောက်ပိုင်း ရှင်ကျန်းပြည်နယ်က ၀ီဂါမွတ်စလင်တွေအပေါ် ဖိနှိပ်ရာမှာ အသုံးပြုတဲ့ နည်လမ်းတွေထဲက တစ်ချို့ကို နိုင်ငံအနောက်မြောက်ပိုင်း ဂန်းဆူပြည်နယ်မှာ လုပ်ဆောင်လာမလားဆိုတာပဲ ဖြစ်ပါတယ်။

လူ့အဖွဲ့အစည်းနဲ့ တစ်သားတည်းဖြစ်နေပြီး ဆယ်စုနှစ်များစွာ အစိုးရနဲ့ ချောမွေ့တဲ့ ဆက်ဆံရေးရှိခဲ့တဲ့ ဟွေလူမျိုးတွေဟာ ရှင်ကျန်းပြည်နယ်မှာ လက်နက်ကိုင် ရဲတွေနဲ့ စစ်ဆေးရေးဂိတ်တွေ၊ ဦးနှောက်ကျင်းစင်တာတွေ၊ လူထုရဲ့ DNA စုဆောင်းမှုတွေနဲ့ မာရှယ်လောနီးပါး လုပ်ထားတဲ့အခြေအနေကို ကောင်းကောင်း မြင်တွေ့ခဲ့ရသူတွေပါ။

ဒါပေမယ့် ဇန်န၀ါရီလက ဟွေမွတ်စလင်အများစုတည်ရှိရာ ဂွမ်ဟီ ခရိုင်မှာ တရုတ်နှစ်ကူးအတွင်း ကလေးငယ်တွေ ဓမ္မသင်တန်း တက်ရောက်မှုကို ဒေသတွင်း အာဏာပိုင်တွေက ပိတ်ပင်ခဲ့ပါတယ်။ ပြီးခဲ့တဲ့တစ်ပတ် ကြာသာပတေးနေ့က စတင်ခဲ့တဲ့ ဒီ နှစ်သစ်ကူးကာလဟာ သီတင်းပတ်ချီ ကြာမြင့်မှာဖြစ်ပြီး အစိုးရကလည်း တစ်ပတ်တာ ပိတ်ရက်အဖြစ် သတ်မှတ်ထားပါတယ်။

ဝီဂါလူ့အဖွဲ့အစည်းမှာ ပြုလုပ်တဲ့ ပုံစံမျိုးနဲ့ တူညီနေတဲ့ ကလေးတွေအပေါ် ဒီလိုပိတ်ပင်မှုကို နှစ်သစ်ကူး ပိတ်ရက်နောက်ပိုင်း ဆက်လက်လုပ်ဆောင်သွားမလားဆိုတာ ရှင်းရှင်းလင်း မသိရသေးပါဘူး။ ဒါပမယ့် ဘာသာတရားတွေအပေါ် စောင့်ကြည့်မှု တိုးမြှင့်ရေး ရည်ရွယ်ပြီး ဖေဖော်ဝါရီ ၁ ရက်နေ့က စတင်သက်ရောက်တဲ့ နိုင်ငံတော် စည်းမျဉ်းသစ်ထဲမှာ ပါတဲ့အတိုင်း ဆောင်ရွက်ပုံ ရပါတယ်။

ဂွမ်ဟီဒေသအနောက်ဖက် ကီလိုမီတာ ၅၀ အကွာမှာ တည်ရှိပြီး ဟွေလူမျိုးတွေရဲ့ ကိုယ်ပိုင်အုပ်ချုပ်ခွင့်ရပြည်နယ်အဖြစ် သတ်မှတ်ပေးထားတဲ့ ဂန်းဆူပြည်နယ်ရဲ့ မြို့တော် လင်ရှာမှာလည်း ဒီလို ကန့်သတ်မှုတွေကို လုပ်ဆောင်ထားတယ်လို့ ဆိုပါတယ်။

“အဓိပ္ပါယ်မရှိတာတွေ၊ အံ့အားသင့်စရာတွေလို့ ကျွန်တော်တို့ ခံစားရပါတယ်” လို့ အရှေ့ပိုင်း ဟီနန်ပြည်နယ်က ဟွေလူမျိုး ရှေ့ဆောင်အီမာမ် လီဟိုင်ယန်က ပြောကြားခဲ့ပါတယ်။ ဒီလို အမိန့်ထုတ်မှုဟာ တရုတ်နိုင်ငံရဲ့ အခြေခံဥပဒေကို ဆန့်ကျင်တာဖြစ်တယ်ဆိုပြီး ဝေဖန်ရှုတ်ချတဲ့ ဆောင်းပါးတစ်ပုဒ်ကို လီက ရေးသားခဲ့ပြီး အွန်လိုင်းစာမျက်နှာတွေမှာ တော်တော်လေး ပြန့်နှံ့နေပါတယ်။

ဒီလို ပိတ်ပင်တားဆီးမှုမျိုးတွေကို ပြီးခဲ့တဲ့နှစ်တွေမှာ နှုတ်မိန့်နဲ့ ပြုလုပ်ခဲ့ပြီး လက်တွေ့ အကောင်အထည်ဖော်တာမျိုးတော့ သိပ်မရှိပါဘူး။ ဒါပေမယ့် ဒီနှစ်မှာ ပိုမိုတင်းကြပ်တဲ့ ပုံစံမျိုးနဲ့ လုပ်လာတာက အာဏာပိုင်တွေဟာဒီကိစ္စကို အမှန်တကယ် အကောင်အထည်ဖော်လာတော့မယ်ဆိုတာကို ပြသနေတာဖြစ်တယ်လို့ လီက ပြောပါတယ်။

လင်ရှာမြို့နဲ့ ဂွမ်ဟီခရိုင်တို့ကို ကြီးကြပ်နေတဲ့ ဒေသခံအစိုးက ပေါ်လစီ အသေးစိတ်ကို ပြောကြားခဲ့ခြင်း မရှိပါဘူး။ ဒါပမယ့် တရုတ်နိုင်ငံရဲ့ ဖွဲ့စည်းပုံ အခြေခံဥပဒေအရ နိုင်ငံရေးနဲ့ ဘာသာရေးကို ခွဲခြားထားဖို့ လိုအပ်တယ်လို့ ပြောပါတယ်။

“ဘာသာတရားတွေ တရုတ်စစ်စစ်ဖြစ်ရေး လမ်းညွှန်ချက်တွေကို ဘာသာရေးဆိုင်ရာ စီမံခန့်ခွဲမှုအဖွဲ့က လိုက်နာဆောင်ရွက်တာ၊ အစွန်းရောက် ဘာသာရေးအယူအဆ ၀င်ရောက်ပြန့်နှံ့မှုကို ခိုင်ခိုင်မာမာ တားဆီးကာကွယ်တာမျိုးကို လုပ်ဆောင်တာပါ။ ဥပဒေအရ စီမံခန့်ခွဲမှုဟာ ဘာသာတရားကို ကာကွယ်ရာမှာ အရေးပါဆုံး
ဆောင်ရွက်ချက်ပါပဲ” လို့ လင်ရှာအစိုးရရဲ့ ပြန်ကြားရေးဌာနက ရိုက်တာသတင်းဌာနကို ပေးပို့တဲ့ ကြေငြာချက်မှာ ဖော်ပြထားပါတယ်။ သူတို့အနေနဲ့ တည်ငြိမ်အေးချမ်းရေးကို အလေးထားတယ်လို့လည်း ဆိုပါတယ်။

ဂွမ်ဟီ ပညာရေးဗျူရိုရဲ့ ၀ါဒဖြန့်ချီရေးဌာနကို ရိုက်တာက အကြိမ်ကြိမ် ဖုန်းခေါ်ခဲ့ပေမယ့် ပြန်လည်ဖြေကြားခြင်း မရှိခဲ့ပါဘူး။

တရုတ် သာသနာရေးဆိုင်ရာ စီမံခန့်ခွဲမှုဌာနက မှတ်ချက်ပေးဖို့ တောင်းဆိုမှုကို ပြန်လည် တုန့်ပြန်ခြင်းမရှိပေမယ့် နိုင်ငံတော်ကောင်စီရဲ့ သတင်းအချက်အလက်ရုံးက တရုတ်နိုင်ငံဟာ ကလေးငယ်တွေအပါအ၀င် နိုင်ငံသားတွေရဲ့ ဘာသာရေးလွတ်လပ်ခွင့်ကို ဥပဒေအောက်မှာ အပြည့်အ၀ အာမခံပေးထားတယ်လို့ ပြောကြားခဲ့ပါတယ်။

“တိုင်းရင်းသားလူမျိုးတွေရဲ့ ဘာသာရေး လွတ်လပ်ခွင့်သာမက ဥပဒေအောက်မှာ ဥပဒေနဲ့ညီတဲ့ အခြားသော အခွင့်အရေးတွေကိုလည်း ကာကွယ်ပေးထားပါတယ်။ တရားမ၀င်လုပ်ရပ်တွေလုပ်ဖို့ ဘာသာရေးကို အသုံးချမှုနဲ့ပတ်သက်လို့ တရုတ်နိုင်ငံဟာ တိတိကျကျ တားဆီးကာ ပြင်းပြင်းထန်ထန် နှိမ်နှင်းသွားမှာ ဖြစ်ပါတယ်” လို့ သတင်းအချက်အလက်ရုံးရဲ့ ကြေငြာချက်မှာ ဖော်ပြထားပါတယ်။

ငါတို့ အစွန်းရောက်များမဟုတ်

တရုတ်အာဏာပိုင်တွေက ဟွေမွတ်စလင်တွေအပေါ် ဖိအားပေးလာမှုဟာ ရှင်ကျန်းပြည်နယ်က ၀ီဂါမွတ်လင်တွေ ခံစားနေရတာလောက် မဆိုးပါဘူး။ ရှင်ကျန်းမှာ တင်းကြပ်တဲ့ လုံခြုံရေးဆိုင်ရာ ဆောင်ရွက်မှုတွေကြောင့် လူမျိုးရေးတိုက်ခိုက်မှုတွေအထိ ဖြစ်လာပြီး တရုတ်အစိုးရက အစွန်းရောက်တွေကို ပြစ်တင်ပြောဆိုခဲ့ပါတယ်။

ဒါပေမယ့် ဟွေလူမျိုးတွေ နေထိုင်ရာဒေသက ဗလီဝတ်ကျောင်းတော်တွေမှာ နိဗ္ဗာန်ဆော်ရာမှာ အသုံးပြုတဲ့လော်စပီကာတွေကို ဆူညံမှုတားဆီးရေးဆိုတဲ့ ခေါင်းစဉ်နဲ့ ဖယ်ရှားတဲ့သတင်းကို နိုင်ငံပိုင်သတင်းဌာနက ဖော်ပြခဲ့ပါတယ်။

ဧပြီလမှာ အစိုးလက်အောက်ခံ တရုတ်အစ္စလာမ်အသင်းက ဗလီဝတ်ကျောင်းတော် အသစ်တွေမှာ အာရပ်အငွေ့အသက်ပါတဲ့ ဗိသုကာလက်ရာတွေကို မသုံးစွဲဖို့၊ အလွန်အမင်းကြီးကျယ်ခမ်းနားတဲ့ ပုံစံတွေ မဆောက်လုပ်ဖို့၊ တရုတ်ရိုးရာဒီဇိုင်းတွေကိုသာ အသုံးပြုဖို့ ပြောကြားခဲ့ပါတယ်။

ဂွမ်ဟီနဲ့ လင်ရှာမြို့တွေမှာ ပညာရေးဆိုင်ရာ တင်းကြပ်မှုတွေနဲ့ပတ်သက်ပြီး ဒေသခံတွေက ကျယ်ကျယ်ပြန့်ပြန့် ဝေဖန်မှုတွေ ရှိနေပါတယ်။

“ဆန့်ကျင်လို့မရဘူးဗျ။ လိုက်နာရတာမျိုး” လို့ အသက် ၄၆ နှစ်အရွယ် မာရှာကျင်းက ပြောကြားခဲ့ပါတယ်။ ဂွမ်ဟီမြို့က Halal China ဗလီဝတ်ကျောင်းတော်အနီးမှာ ရှေးဟောင်းပစ္စည်းဆိုင်ဖွင့်ထားတဲ့ မာက သူဟာ တိုင်းချစ်ပြည်ချစ် မွတ်စလင်တစ်ယောက်ဖြစ်တယ်လို့လည်း ပြောကြားခဲ့ပါတယ်။

New China Mosque ဗလီဝတ်ကျောင်းတော်ကနေ နေ့လည်ခင်း ၀တ်ပြုဆုတောင်းမှုအပြီး ထွက်လာတဲ့ အခြားအမျိုးသားတစ်ဦးက ဒေသတွင်းအာဏာပိုင်တွေဟာ သမ္မတရှီကျင့်ဖျင်ရဲ့ ပေါ်လစီတွေကို မှားယွင်း ကျင့်သုံးနေတယ်လို့ ဆိုပါတယ်။

“ဘာသာတရားဟာ ပြဿနာတွေ ယူလာလိမ့်မယ်ဆိုတဲ့ ကြောက်ရွံ့မှုကြောင့် မိသားစုတွေဟာ သူတို့ကလေးတွေကို ဘာသာတရားအကြောင်း သင်ပေးဖို့အတွက် ကြောက်ရွံ့လာပါတယ်။ ဒါမျိုးဆိုရင် ရိုးရာယဉ်ကျေးမှုတွေကို ဘယ်လို လက်ဆင့်ကမ်းရတော့မလဲ”

အာရှ၊ ဥရောပနဲ့ အာဖရိကကို ဆက်သွယ်တဲ့ ဒေါ်လာဘီလီယံချီ အခြေခံအဆောက်ဦးတွေ ရင်းနှီးမြှုပ်နှံမယ့် သမ္မတရှီရဲ့ Belt and Road အစီအစဉ်ကို တရုတ်နိုင်ငံက အင်တိုက်အားတိုက် ဆောင်ရွက်နေတဲ့အချိန် ကမ္ဘာ့တစ်ဝှမ်းမွတ်စလင်လူ့အဖွဲ့အစည်းတွေအကြား တရုတ်နိုင်ငံရဲ့ ပုံရိပ်ဟာ အရေးပါလာပါတယ်။ တရုတ်နိုင်ငံဟာ သူ့နိုင်ငံအတွင်းက သန်း ၂၀ သော် မွတ်စလင်တွေထဲမှာ ပါဝင်တဲ့ ဟွေတွေကို ဘာသာရေးဆန်မှု လျော့ကျဖို့အတွက် ပိုမိုလုပ်ဆောင်လာနေပြီး စက်တင်ဘာလက ဟွေလူမျိုးတွ အများစုနေထိုင်တဲ့ နင်ရှာမှာ တရုတ်-အာရပ် ကုန်စည်ပြပွဲတစ်ခု လုပ်ခဲ့မှုက ဒါကို မီးမောင်းထိုးပြခဲ့ပါတယ်။

ရှေ့ဆောင်အီမာမ်တစ်ပါးဖြစ်ဖို့အတွက် ၁၀ နှစ်ကျော်ကြာ ပညာသင်ကြားခဲ့ရပြီး မိသားစုနာမည် ဇူလို့ခေါ်တဲ့ အသက် ၃၀ နားနီး အမျိုးသားတစ်ဦက လင်ရှာမြို့မှာ နိုင်ငံရေးအခြေအနေဟာ အလွန်အမင်း တင်းကြပ်ပြီး ရိုက်တာသတင်းဌာနနဲ့ စကားပြောဖို့တောင် ဗလီဝတ်ကျောင်းတော်ရဲ့ ၀င်းတံးခါးပေါက်နဲ့ဝေးတဲ့ နေရာမှာသာ ခွင့်ပြုခဲ့ပါတယ်။

ဇူက ဟွေလူမျိုးတွေကြားထဲမှာ အကြမ်းဖက်ဝါဒ ပြန့်နှံ့မယ်ဆိုတဲ့ အစိုးရရဲ့ စိုးရိမ်မှုတွေဟာ တစ်လွဲဖြစ်နေတယ်လို့ ဆိုပါတယ်။

“ဒါမျိုးဖြစ်နိုင်ချေဟာ လုံးဝကို မရှိတာဗျ။ ဘာ့ကြောင့်လဲဆိုတော့ ကျွန်တော်တို့အားလုံးက ဒီလမ်းစဉ်ကို မယုံကြည်လို့ပါ။ ကျွန်တော်တို့ဟာ အစွန်းရောက်တွေမဟုတ်ပါဘူး”

(Reuters သတင်းဌာနတွင် ဖော်ပြထားသည့် China’s Hui Muslims fearful Chinese New Year education ban a sign of curbs to come ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)