ဇူလိုင် ၂၂၊ ၂၀၁၉
M-Media
-ကမ္ဘ္ဘာပေါ်မှာ အီရန်တွေကို သတ်နိုင်တဲ့ နိုင်ငံဟာ မိမိတို့တစ်နိုင်ငံတည်းသာ ရှိတယ်လို့ အစ္စရေး ၀န်ကြီးတစ်ဦးက ပြောကြားလိုက်ပြီး အီရန်နဲ့ အနောက်နိုင်ငံတွေအကြား တင်းမာမှုတွေ မြင့်တက်နေတဲ့အချိန် ဒီမှတ်ချက် ပေါ်ထွက်လာတာ ဖြစ်ပါတယ်။
ပြီးခဲ့တဲ့နှစ်တွေအတွင်း အစ္စရေးဟာ ဆီးရီးယားက အီရန်တပ်စခန်းတွေ၊ လက်ဘနွန်က အီရန်ကျောထောက်နောက်ခံပြု ဟစ်ဇ်ဘိုလာအဖွဲ့တွေကို အကြိမ်ကြိမ် တိုက်ခိုက်ခဲ့ပါတယ်။
“အီရန်တွေကို ၂ နှစ်လုံးလုံး သတ်ဖြတ်နိုင်တဲ့ တိုင်းပြည်ဟာ ကမ္ဘ္ဘာပေါ်မှာ အစ္စရေးတစ်နိုင်ငံတည်းသာ ရှိပါတယ်။ ဆီးရီးယားမှာ အီရန်တွေကို အကြိမ်ရာနဲ့ချီ တိုက်ခိုက်ခဲ့ပြီး တစ်ချို့တိုက်ခိုက်မှုတွေကို ကျွန်တော်တို့က အတည်ပြုကာ၊ တစ်ချို့တွေကိုတော့ နိုင်ငံခြားမီဒီယာတွေက ဖော်ပြကြပါတယ်” လို့ အစ္စရေး ဒေသတွင်း ပူးပေါင်းဆောင်ရွက်ရေးဝန်ကြီး Tzachi Hanegbi က အစ္စရေးရေဒီယို Kan Bet နဲ့ မနေ့က အင်တာဗျူးမှာ ဖြေကြားခဲ့ပါတယ်။
အီရန်ဟာ ပဋိပက္ခတွေဖြစ်ပွားအောင် လုပ်ဆောင်နေသလို၊ လွတ်လပ်စွာ ရေကြောင်းသွားလာမှုကိုလည်း နှောက်ယှက်နေကြောင်း၊ မိမိတို့ရဲ့ အဓိကရန်သူဖြစ်ကြောင်း ၀န်ကြီးက ထည့်သွင်းပြောကြားခဲ့ပါတယ်။
အီရန် နိုင်ငံပိုင်သတင်းဌာန Press TV က “အီရန်တွေကို သတ်ဖြတ်တာကို အစ္စရေးတွေက ဒီလို လူသိရှင်ကြား ဂုဏ်ယူပြောဆိုကြပါတယ်။ တကယ့်အခြေအနေမှန်ကို စဉ်းစားသာ ကြည့်ကြတော့” လို့ ရေးသားကာ Hanegbi ရဲ့စကားကို ပြန်လည်တုန့်ပြန်ခဲ့ပါတယ်။
အီရန်နဲ့ ပဋိပက္ခဖြစ်ရင် အမေရိကန်က အစ္စရေးကို မထောက်ပံ့မှာ မစိုးရိမ်ဘူးလားလို့ မေးမြန်းရာမှာ အီရန်က ဒီလိုအနေအထားမျိုးကို ရှောင်ကျဉ်မှာဖြစ်ကြောင်း၊ တိုက်နိုင်စွမ်းမရှိတာကြောင့်မဟုတ်ဘဲ အစ္စရေးဟာ စီးပွားရေးဆိုတာ သိနေလို့ဖြစ်ကြောင်း Hanegbi က ပြန်လည်ဖြေကြားခဲ့ပါတယ်။
အစ္စရေးဝန်ကြီးချုပ် နေတန်ယာဟုကလည်း ပြီးခဲ့တဲ့တစ်ပတ် ဗိုလ်သင်တန်းဆင်းပွဲ မိန့်ခွန်းမှာ အီရန်ကို တိုက်နေတဲ့ စစ်တပ်ဟာ ကမ္ဘ္ဘာပေါ်မှာ အစ္စရေးစစ်တပ်တစ်ခုပဲ ရှိတယ်လို့ ပြောကြားခဲ့ပါတယ်။ အစ္စရေး တိုက်လေယာဉ်တွေဟာ အီရန်အပါအ၀င် အရှေ့အလယ်ပိုင်းက ဘယ်နေရာကိုမဆို ရောက်နိုင်တယ်လို့လည်း ပြီးခဲ့တဲ့လမှာ ၀န်ကြီးချုပ်က ပြောကြားခဲ့ဖူးပါတယ်။
Ref: Aljazeera
