News @ M-Media

Tag: Italy

  • အရှေ့အလယ်ပိုင်းနှင့် ဥရောပနိုင်ငံတစ်ချို့သို့ COVID-19 ဗိုင်းရပ်စ် ထပ်မံ ပြန့်နှံ့ (နောက်ဆုံးရသတင်းများ)

    အရှေ့အလယ်ပိုင်းနှင့် ဥရောပနိုင်ငံတစ်ချို့သို့ COVID-19 ဗိုင်းရပ်စ် ထပ်မံ ပြန့်နှံ့ (နောက်ဆုံးရသတင်းများ)

    ဖေဖော်ဝါရီ ၂၆၊ ၂၀၂၀
    M-Media

    • COVID-19 ဗိုင်းရပ်စ်ဟာ တစ်နိုင်ငံလုံးအတိုင်းအတာနဲ့ ပြန့်နှံ့သွားနိုင်တဲ့အန္တရာယ်ရှိတယ်လို့ အီရန် ကျန်းမာရေးဝန်ကြီးဌာန ပြောရေးဆိုခွင့်ရှိသူက မနေ့မှာ သတင်းထောက်တွေကို ပြောကြားလိုက်ပါတယ်။ ဗိုင်းရပ်စ် ကူးစက်သူအရေအတွက်ဟာ အီရန်မှာ အနည်းဆုံး ၉၅ ဦးရှိပြီး သေဆုံးသူက ၁၁ ဦး ရှိနေတာပါ။ ကူးစက်ခံရသူတွေထဲမှာ ကျန်းမာရေးဝန်ကြီးဌာန ဒုတိယဝန်ကြီးလည်း ပါဝင်ပါတယ်။ အရှေ့အလယ်ပိုင်းနိုင်ငံတွေမှာတော့ အီရတ်၊ အိုမန်၊ ယူအေအီး၊ အာရှက အာဂဖန်နစ္စတန်နိုင်ငံတွေမှာ ရောဂါကူးစက်နေသူတွေကို ပထမဆုံး တွေ့ခဲ့ရပါတယ်။
    • တောင်ကိုရီးယားနိုင်ငံမှာ မနေ့က လူတစ်ဦး သေဆုံးခဲ့ပြီး စုစုပေါင်း သေဆုံးသူ ၁၁ ဦးအထိ ရှိလာပါတယ်။ အင်္ဂါနေ့မှာ ကူးစက်မှု ၁၆၉ ခုကို ထပ်တွေ့ခဲ့ရတာကြောင့် စုစုပေါင်း ကူးစက်သူ ၁၁၄၆ ဦး ရှိလာပြီ ဖြစ်ပါတယ်။ တောင်ကိုရီးယားက အမေရိကန်စစ်စခန်းမှာ တာဝန်ထမ်းဆောင်နေတဲ့ စစ်သားတစ်ဦးမှာ ဗိုင်းရပ်စ်ပိုးရှိနေကြောင်း တွေ့ရတယ်လို့ အမေရိကန် စစ်ဖက်တာဝန်ရှိသူတွေက ဒီကနေ့မှာ အတည်ပြုလိုက်ပါတယ်။
    • အီတလီနိုင်ငံမှာလည်း အင်္ဂါနေ့က အသက် ၇၆ နှစ်အရွယ် အမျိုးသမီးတစ်ဦး သေဆုံးခဲ့ပြီး စုစုပေါင်း သေဆုံးမှုက ၁၁ ဦး ရှိလာပြီ ဖြစ်ပါတယ်။ ကူးစက်မှုက ၃၀၀ ကျော် ရှိနေပြီး အများစုဟာ နိုင်ငံမြောက်ပိုင်းမှာ ဖြစ်ပါတယ်။ ဥရောပမှာ ဩစ‌တြီးယား၊ ခရိုအေးရှားနဲ့ စပိန်က ကနေရီကျွန်းတို့မှာ ရောဂါကူးစက်နေသူတွေကို အင်္ဂါနေ့က ပထမဆုံး တွေ့ခဲ့ရပါတယ်။
    • တရုတ်နိုင်ငံမှာ မနေ့က ကူးစက်မှု ၄၀၆ ခု ရှိခဲ့ပြီး စုစုပေါင်း ၇၈၀၆၄ ဦး ရှိလာတာပါ။ သေဆုံးသူကတော့ ၅၂ ဦး ရှိပြီး စုစုပေါင်း ၂၇၁၅ ဦး ရှိလာပါတယ်။ ‌နိုင်ငံအနောက်မြောက်ပိုင်း ဒေသတွေဖြစ်တဲ့ အတွင်းမွန်ဂိုလီးယား၊ ရှင်ကျန်း၊ အနောက်တောင်ဘက်က ဆီချွမ်ပြည်နယ်တွေမှာ ဗိုင်းရပ်စ်ပိုး ပြန့်နှံ့နိုင်ချေ ကျဆင်းလာတဲ့အတွက် အရေးပေါ်တုန့်ပြန်မှုအဆင့်ကို လျော့ချလိုက်ပါတယ်။
    • အမေရိကန်ပြည်ထောင်စု ဆန်ဖရန်စစ္စကိုမြို့မှာ COVID-19 ဗိုင်းရပ်စ်အတွက် အရေးပေါ်အခြေအနေ ကြေငြာလိုက်ပါတယ်။ ကူးစက်မှုမရှိသေးပေမယ့် ရောဂါပြန့်နှံ့နိုင်ချေအတွက် ပြင်ဆင်ထားကြဖို့ အာဏာပိုင်တွေက ပြည်သူတွေကို တိုက်တွန်းထားပါတယ်။ ဘရာဇီးလ်နိုင်ငံမှာ အီတလီကပြန်လာတဲ့ အသက် ၆၁ နှစ်အရွယ် အမျိုးသားတစ်ဦး ရောဂါလက္ခဏာပြတဲ့ အနေအထားရှိတာကြောင့် စောင့်ကြည့်စစ်ဆေးမှုတွေ လုပ်ဆောင်နေပါတယ်။ ဒီအမျိုးသားမှာသာ COVID-19 ဗိုင်းရပ်ရှိကြောင်း အတည်ပြုနိုင်ရင် တောင်အမေရိကရဲ့ ပထမဆုံး ဗိုင်းရပ်စ်ကူးစက်မှု ဖြစ်လာမှာ ဖြစ်ပါတယ်။
    • ယိုကိုဟားမားမှာ ဆိုက်ကပ်ထားတဲ့ ကမ္ဘာလှ‌ည့် သင်္ဘောကနေ ဗိုင်းရပ်စ်မရှိဘူးဆိုပြီး ဆင်းခွင့်ပေးလိုက်တဲ့ လူ ၉၇၀ ထဲက ၅၀ လောက်မှာ COVID-19 ဗိုင်းရပ်စ် ကူးစက်တဲ့လက္ခဏာမျိုး တွေ့ရတာကြောင့် ရောဂါ ရှိ၊ မရှိ စစ်ဆေးသွားမယ်လို့ ဂျပန် ကျန်းမာရေးဝန်ကြီးဌာနက ဒီကနေ့မှာ ပြောကြားခဲ့ပါတယ်။ လူ ၃၇၀၀ လောက် လိုက်ပါလာတဲ့ အဲဒီသင်္ဘောမှာ ၆၀၀ ကျော်လောက်က ဗိုင်းရပ်စ် ကူးစက်နေတာပါ။ ဟိုကိုင်းဒိုးပြည်နယ်က စာသင်ကျောင်းအားလုံးကို ပိတ်ထားဖို့လည်း ဂျပန်က စီစဉ်နေပါတယ်။
    • ထိုင်းနိုင်ငံမှာ ဗိုင်းရပ်စ်ရှိသူ ၃ ဦး မနေ့က ထပ်တွေ့ပြီး စုစုပေါင်း ကူးစက်သူ ၄၀ အထိ ရှိလာပြီ ဖြစ်ပါတယ်။

    Ref: Aljazeera

  • အီတလီနိုင်ငံတွင် အိမ်တစ်လုံး ၁ ဒေါ်လာဖြင့်ရောင်းချသည့်စျေးကွက် မြင့်တက်

    အီတလီနိုင်ငံတွင် အိမ်တစ်လုံး ၁ ဒေါ်လာဖြင့်ရောင်းချသည့်စျေးကွက် မြင့်တက်

    ဒီဇင်ဘာ ၁၈၊ ၂၀၁၉
    M-Media

    အိမ်တစ်လုံး ၁ ဒေါ်လာဖြင့်ရောင်းချသည့် အီတလီမြို့တစ်မြို့

    -အီတလီနိုင်ငံ စစ္စလီကျွန်းပေါ်က ဘီဗိုနာဆိုတဲ့မြို့ငယ်လေးမှာ အိမ်တစ်လုံးကို ၁ ဒေါ်လာနဲ့ ရောင်းချနေပြီး ဝယ်ယူသူတွေအနေနဲ့ တစ်ခြားခံစားခွင့်တွေလည်း ရရှိမယ်လို့ ဆိုပါတယ်။

    ပညာရေး၊ စီးပွားရေး အခွင့်အလမ်းတွေ ပိုများမယ့် မြို့ကြီးတွေကို ရွှေ့ပြောင်းနေသူတွေ များလာတာကြောင့် ‌အီတလီနိုင်ငံရဲ့ ဒေသတစ်ချို့က မြို့ငယ်တွေမှာ လူနေထိုင်မှုတွေ နည်းလာပါတယ်။ ဒါ့ကြောင့် အာဏာပိုင်တွေက မြို့တွေ မပျောက်သွားရေး နည်းလမ်းမျိုးစုံနဲ့ ကြိုးစားနေကြပါတယ်။

    နိုင်ငံတောင်ပိုင်း စစ္စလီကျွန်းက ဘီဗိုနာဆိုတဲ့မြို့လေးမှာလည်း ဒီလိုအခြေအနေမျိုးကို ကြုံတွေ့နေရပါတယ်။ ၁၆ ရာစုလောက်ကနေ စည်ကားခဲ့တဲ့ ဒီမြို့မှာ လွန်ခဲ့တဲ့ နှစ် ၄၀ အတွင်း လူဦးရေ ထက်ဝက်လောက် ကျဆင်းသွားပြီး ဒီကနေ့မှာတော့ လူဦးရေ ၃၈၀၀ သာ ကျန်ရှိပါတော့တယ်။

    မြို့မသေဆုံးဖို့အတွက် မြို့တော်ကောင်စီက မြို့တွင်းမှာရှိနေတဲ့ နေအိမ်တွေကို တစ်ဒေါ်လာနဲ့ ရောင်းချပေးမယ့်အပြင် အခွန်ကင်းလွတ်ခွင့်ပါ ပေးမယ်လို့ ကမ်းလှမ်းထားပါတယ်။

    စစ္စလီကျွန်း

    မြို့တောင်ကောင်စီရဲ့ ယဉ်ကျေးမှုဆိုင်ရာ တာဝန်ရှိသူ အိန်ဂျလာ ကာနီဇာရိုက ဒီဆောင်ရွက်ချက်ဟာ တစ်ချိန်က စည်ကားခဲ့တဲ့ မြို့ရဲ့သမိုင်းကြောင်းကို ထိန်းသိမ်းဖို့ဖြစ်တယ်လို့ ပြောကြားခဲ့ပါတယ်။

    ဘီဗိုနာမြို့အပြင် စစ္စလီကျွန်းက အခြားမြို့တွေမှာလည်း လူနေထိုင်မှု နည်းလာတာကြောင့် နေအိမ်တွေကို ၁ ဒေါ်လာလောက်နဲ့ ရောင်းချမှုတွေ ပြုလုပ်နေပါတယ်။ တစ်ချို့ဒေသတွေမှာဆိုရင် ဝယ်ယူသူတွေကို ထောက်ပံ့ကြေးပေးမယ်၊ စီးပွာရေးလုပ်ငန်း ထူထောင်ပေးမယ်ဆိုတဲ့ ကမ်းလှမ်းမှုတွေတောင် ရှိနေပါတယ်။

    အဲဒီတစ်ဒေါ်လာဟာ အိမ်ရဲ့ တန်ဖိုးဖြစ်ပြီး မဝယ်ခင်မှာ ဒေါ်လာ ၃ ထောင်ကနေ ၅ ထောင်အထိ စပေါ်ပေးရတာတွေ ရှိပါတယ်။ ၁ နှစ်ကနေ ၃ နှစ်အတွင်း အိမ်ကို ပြင်ဆင်မယ်ဆိုတဲ့ ကတိကဝတ်နဲ့ စပေါ်ပေးထားရတာဖြစ်ပြီး အဲဒီကာလမှာ အိမ်ပြင်ဆင်ပြီးရင်တော့ စပေါ်ငွေကို ပြန်ထုတ်နိုင်မှာပါ။

    Ref: CNN

  • ဗလီကို ဗုံးခွဲရန် ကြံစည်ထားသည့် အစွန်းရောက်အုပ်စုတစ်ခုကို အီတလီဖမ်းဆီး

    ဗလီကို ဗုံးခွဲရန် ကြံစည်ထားသည့် အစွန်းရောက်အုပ်စုတစ်ခုကို အီတလီဖမ်းဆီး

    နိုဝင်ဘာ ၁၃၊ ၂၀၁၉
    M-Media

    ယမနေ့စီးနင်းမှုအတွင်း ဖမ်းဆီးရမိခဲ့သည်များ

    -နိုင်ငံအလယ်ပိုင်းက ဗလီတစ်လုံးကို ဗုံးခွဲဖို့ကြံစည်နေတဲ့ နာဇီထောက်ခံသူ လက်ယာအုပ်စုကို အီတလီရဲတပ်ဖွဲ့က ဖော်ထုတ်ဖမ်းဆီးလိုက်ပါတယ်။

    Siena မြို့မှာ မနေ့ကမနက်ပိုင်း စီးနင်းမှုအတွင်း လူ ၁၂ ဦးကို ရဲတပ်ဖွဲ့က ဖမ်းဆီးနိုင်ခဲ့တာပါ။ စီးနင်းမှုအတွင်း ဒုံးကျည်လောင်ချာ၊ သေနတ်မျိုးစုံနဲ့ ဓားတွေကို သိမ်းဆည်းရမိခဲ့ပါတယ်။ ဖမ်းဆီးခံလိုက်ရတဲ့အဖွဲ့ဟာ နာဇီဝါဒကို ပုံမှန်လိုလို ထောက်ခံအားပေးပြီး၊ လူမျိုးရေးမုန်းတီးမှုတွေကို ပေါ်ပေါ်ထင်ထင် ဖြန့်ဝေနေတဲ့အဖွဲ့ ဖြစ်တယ်လို့ စုံစမ်းစစ်ဆေးမှုမှာ တွေ့ခဲ့ရပါတယ်။

    ဒီအဖွဲ့ဟာ Siena မြို့က Colle Val d’Elsa ဗလီဝတ်ကျောင်းတော်ကို ဂက်စ်ပိုက်လိုင်းအသုံးပြုကာ ဖောက်ခွဲဖျက်ဆီးဖို့ ကြံစည်ထားကြတာဖြစ်ပါတယ်။ အဖွဲ့မှာပါဝင်တဲ့ လက်ယာစွန်းရောက်တွေဟာ ဒေသတွင်း လက်နက်ကိုင်ဆောင်တဲ့ ကင်းလှည့်အဖွဲ့တစ်ခုဖွဲ့စည်းကာ ရာဇတ်မှုတွေကို ရဲလက်မအပ်ဘဲ ကိုယ်တိုင်ကိုင်တွယ်ဖို့ အစီအစဉ်လည်း ရှိနေပါတယ်။ ဒါပေမယ့် အခြားသော လက်ယာစွန်းရောက်အဖွဲ့တွေနဲ့ ပတ်သက်မှုမရှိဘူးလို့ အီတလီအာဏာပိုင်တွေက ထုတ်ပြန်ခဲ့ပါတယ်။

    အခုနှစ်အစောပိုင်းကလည်း အီတလီရဲတပ်ဖွဲ့ဟာ လက်ယာအစွန်းရောက်တွေထံကနေ မြေပြင်က ဝေဟင်ပစ် ဒုံးကျည်အပါအဝင် အခြားလက်နက်မျိုးစုံ၊ နာဇီဝါဒဖြန့်ပစ္စည်းတွေကို သိမ်းဆည်းရမိခဲ့ပါတယ်။

    Ref: TRT World

  • နာဇီလက်မှလွတ်မြောက်လာသည့် အီတလီအမျိုးသမီး ခြိမ်းခြောက်ခံရမှုကြောင့် ရဲအစောင့်အရှောက် ချထား

    နာဇီလက်မှလွတ်မြောက်လာသည့် အီတလီအမျိုးသမီး ခြိမ်းခြောက်ခံရမှုကြောင့် ရဲအစောင့်အရှောက် ချထား

    နိုဝင်ဘာ ၈၊ ၂၀၁၉
    M-Media

    -အီတလီနိုင်ငံမှာ နာဇီတို့ရဲ့ အစုလိုက်အပြုံလိုက် သတ်ဖြတ်မှုကနေ လွ‌တ်မြောက်လာတဲ့ ဂျူးအမျိုးသမီးတစ်ဦးအပေါ် လက်ယာသမားတွေက ခြိမ်းခြောက်မှု မြင့်တက်လာတာကြောင့် ရဲတပ်ဖွဲ့က ကာကွယ်စောင့်ရှာက်မှု ပေးထားရပါတယ်။

    အသက် ၈၉ လီလီယာနာ ဆီဂရီဆိုသူဖြစ်ပြီး ဆိုရှယ်မီဒီယာမှာ လူမျိုးရေးခွဲခြားစော်ကားမှုတွေ အဆက်မပြတ် ခံနေရတာကြောင့် အီတလီလွှတ်တော်မှာ စုံစမ်းစစ်ဆေးရေးကော်မရှင်ဖွဲ့ဖို့ ပြီးခဲ့တဲ့လမှာ တိုက်တွန်းခဲ့သူပါ။ သူမရဲ့ တိုက်တွန်းမှုကို လွှတ်တော်က လက်ခံခဲ့ပေမယ့် မဲခွဲနိုင်ခြင်း မရှိပါဘူး။

    ဒီတိုက်တွန်းမှု ပေါ်ထွက်လာပြီးတဲ့နောက် ဆီဂရီအပေါ် နာဇီလက်သစ်အုပ်စုတွေရဲ့ စော်ကားမှု၊ ခြိမ်းခြောက်မှုတွေ ပိုမိုများပြားလာခဲ့ပြီး အခုတစ်ပတ်မှာတော့ သူမ ဟောပြောနေကြ နေရာတစ်ခုမှာ ဖက်ဆစ်ဆန့်ကျင်မှုကို ရှုတ်ချတဲ့ ပိုစတာ လာရောက်ချိတ်ဆွဲတဲ့အထိ ဖြစ်ခဲ့ပါတယ်။

    ခြိမ်းခြောက်မှုတွေကြောင့် ဆီဂရီလုံခြုံရေးအတွက် ပြည်သူ့စစ်အဖွဲ့တစ်ခုကို သတ်မှတ်တာဝန်ပေးထားတယ်လို့ အီတလီရေဒီယိုက မနေ့မှာ ‌ဖော်ပြခဲ့ပါတယ်။ လုံခြုံရေးအစောင့်အရှောက်ဟာ ဆီဂရီ လူမြင်ကွင်းကိုထွက်တဲ့အခါမှသာ ချထားပေးမှာဖြစ်ပြီး နေအိမ်မှာ အချိန်ပြည့် ချထားဖို့မရှိဘူးလို့ ဆိုပါတယ်။

    ဆီဂရီရဲ့ ပြောရေးဆိုခွင့်ရှိသူ ပါအိုလာ ဂါဂွီလိုက အမုန်းစကားတွေထက် အားပေးထောက်ခံမှုတွေကို ပိုရနေတယ်လို့ ပြောကြားခဲ့ပါတယ်။

    ဂျူးဆန့်ကျင်ရေး မြင့်တက်

    ဒုတိယကမ္ဘာစစ်အတွင်းက အီတလီကနေ နာဇီအကျဉ်းစခန်းတွေကို ပို့ဆောင်ခံရတဲ့ အသက် ၁၄ နှစ်အောက် ဂျူးကလေးငယ်အရေအတွက်ဟာ ၇၇၆ ဦးရှိခဲ့ပြီး အဲဒီအထဲက ဆီဂရီအပါအဝင် ၂၅ ဦးသာ အသက်ရှင်လျက် လွတ်မြောက်ခဲ့ပါတယ်။

    ဆီဂရီဟာ နာဇီလက်ထက် ဂျူးတွေအစုလိုက်အပြုံလိုက် သတ်ဖြတ်ခံရတဲ့ Holocaust အကြောင်းကို အီတလီက ကျောင်းတွေမှာ လိုက်လံဟောပြောခဲ့ပြီး ၂၀၁၈ ခုနှစ်မှာတော့ တစ်သက်သာ လွှတ်တော်အမတ်အဖြစ် သတ်မှတ်ခံခဲ့ရပါတယ်။

    မီလန်မြို့အခြေစိုက်ပြီး ဆိုရှယ်မီဒီယာမှာ ဆီဂရီကို ပစ်မှတ်ထားတိုက်ခိုက်တဲ့ အမုန်းစကားတွေကို စုဆောင်းဖော်ထုတ်တဲ့ Center of Contemporary Jewish Documentation (CDEC) အဖွဲ့က အီတလီမှာ ဂျူးဆန့်ကျင်ရေးလှုပ်ရှားမှုဟာ အလွန်အမင်း မြင့်မားလာပေမယ့် ပြင်သစ်နဲ့ ယူကေတို့က အခြေအနေ‌လောက် ဂရုစိုက်ခြင်း မခံရဘူးလို့ ပြောကြားခဲ့ပါတယ်။

    Ref: Aljazeera

  • အီတလီ လက္ယာစြန္းေရာက္မ်ားထံမွ ဒံုးက်ည္ႏွင့္ လက္နက္အေျမာက္မ်ား သိမ္းဆည္းရမိ

    အီတလီ လက္ယာစြန္းေရာက္မ်ားထံမွ ဒံုးက်ည္ႏွင့္ လက္နက္အေျမာက္မ်ား သိမ္းဆည္းရမိ

    ဇူလိုင္ ၁၆၊ ၂၀၁၉
    M-Media

    ဖမ္းဆီးရမိသည့္ ဒံုးက်ည္

    -အီတလီႏိုင္ငံမွာ လက္ယာအစြန္းေရာက္ေတြနဲ႔ နာဇီလက္သစ္အဖြဲ႕ေတြကို ၀င္ေရာက္စီးနင္းမႈအတြင္း ဒံုက်ည္ေတြအပါအ၀င္ ေခတ္ေပၚ လက္နက္ေတြကို သိမ္းဆည္းရမိခဲ့တယ္လို႔ အီတလီ ရဲတပ္ဖြဲ႕က မေန႔မွာ ထုတ္ျပန္လိုက္ပါတယ္။

    ရဲတပ္ဖြဲ႕ရဲ႕ အၾကမ္းဖက္တိုက္ဖ်က္ေရးဌာနဟာ မီလန္၊ ဗာရီစီ၊ ေဖာ္လီနဲ႔ ႏိုဗာရာၿမိဳ႕ေတြမွာ စစ္ဆင္ေရးေတြ လုပ္ေဆာင္ခဲ့တာပါ။ ဒါဟာ ယူကရိန္းႏိုင္ငံ အေရွ႕ပိုင္းက ႐ုရွားေက်ာေထာက္ေနာက္ခံျပဳ ခြဲထြက္ေရးအဖြဲ႕ေတြကို အကူအညီေပးေနတဲ့ အီတလီက လက္ယာစြန္းေရာက္ ႏွိမ္ႏွင္းေရး တစ္စိတ္တစ္ပိုင္းလည္း ျဖစ္ပါတယ္။

    စစ္ဆင္ေရးအတြင္း အီတလီနဲ႔ ဆြစ္ဇာလန္ႏိုင္ငံသား ၃ ဦးကို ဖမ္းဆီးႏိုင္ခဲ့သလို ဒံုးက်ည္တစ္ခုနဲ႔ လက္နက္အမ်ားအျပားကိုလည္း သိမ္းဆည္းရမိခဲ့ပါတယ္။ ဒံုးက်ည္ဟာ ျပင္သစ္ႏိုင္ငံလုပ္ Super 530 F အမ်ိဳးအစားျဖစ္ၿပီး၊ ကာတာစစ္တပ္မွာ အသံုးျပဳတဲ့ ဒံုးက်ည္မ်ိဳး ျဖစ္တယ္လို႔ အီတလီရဲတပ္ဖြဲ႕ရဲ႕ ထုတ္ျပန္ခ်က္မွာ ေဖာ္ျပထားပါတယ္။ နာဇီ ဝါဒျဖန္႔ စာရြက္စာတမ္းေတြကိုလည္း ရဲတပ္ဖြဲ႕က သိမ္းဆည္းႏိုင္ခဲ့ပါတယ္။

    ဂ်ီႏိုအာၿမိဳ႕မွာ လူ ၃ ဦးကို ယူကရိန္းအေရွ႕ပိုင္းက ခြဲထြက္ေရးသမားေတြနဲ႔ ပူးေပါင္းမႈအတြက္ ဇူလိုင္လ ၃ ရက္ေန႔မွာ ေထာင္ဒဏ္ေတြ ခ်မွတ္ခဲ့ၿပီး အခုဖမ္းဆီးမႈဟာ အဲဒီ စစ္ေဆးမႈကေန ေပၚထြက္လာတာ ျဖစ္ပါတယ္။

    ၂၀၁၄ ခုႏွစ္ ဧၿပီလက ယူကရိန္းအေရွ႕ပိုင္းေဒသေတြမွာ စတင္ခဲ့တဲ့ ခြက္ထြက္ေရးလႈပ္ရွားမႈေၾကာင့္ လူ တစ္ေသာင္းေက်ာ္ ေသဆံုးခဲ့ပါတယ္။ ခြဲထြက္ေရးသမားေတြကို ႐ုရွားက အေထာက္အပံ့ေပးထားတယ္လို႔ သတင္းေတြထြက္ေနၿပီး လက္ရွိအခ်ိန္မွာေတာ့ တိုက္ပြဲေတြ ရပ္ဆိုင္းေနတာ ၁ ႏွစ္ေက်ာ္ေနၿပီ ျဖစ္ပါတယ္။

    ဖမ္းဆီးရမိသည့္ လက္နက္မ်ား

    ဖမ္းဆီးရမိသည့္ လက္နက္မ်ား

    Ref: BBC