Tag: Japan

နိုဝင်ဘာ ၂၃ ၊ ၂၀၁၄
M-Media

– ဂျပန်နိုင်ငံ အလယ်ပိုင်းတွင် ယမန်နေ့ညပိုင်းက အင်အားပြင်းငလျင်တစ်ခု လှုပ်ခတ်ခဲ့သောကြောင့် လူအများအပြား ဒဏ်ရာရခဲ့ကြပြီး အိမ်များလည်း ပျက်ဆီးခဲ့သည်ဟု သိရသည်။

တောင်တန်းများရှိရာ  နာဂါနိုပြည်နယ်တွင် လှုပ်ခတ်ခဲ့ခြင်းဖြစ်ပြီး ပြင်းအား ၆.၈ မဂ္ဂနီကျု ရှိသည်ဟု ဂျပန်မိုးလေ၀သ အေဂျင်စီက ကြေညာခဲ့သည်။ အမေရိကန် မိုးလေ၀သဆိုင်ရာ လေ့လာရေးစင်တာကမူ အင်အား ၆.၂ မဂ္ဂနီကျုဟု ဖော်ပြခဲ့သည်။

ငလျင်ဒဏ်အခံရဆုံး ဒေသမှာ နှင်းလျှောစီးအပန်းဖြေစခန်းများရှိရာ ဟာကူဘာရွာဖြစ်ပြီး အိမ် ၅ လုံးနှင့် ဂိုထောင်များ ပြိုကြခဲ့သည်။ လူပေါင်း ၃၉ ဦး ဒဏ်ရာရရှိခဲ့ပြီး ထိုအထဲမှ ၇ ဦးမှာ စိုးရိမ်ရသော အခြေအနေတွင် ရှိနေသည်ဟု နာဂါနိုပြည်နယ် ရဲတပ်ဖွဲ့က ပြောကြားခဲ့သည်။

ငလျဉ်ဒဏ်ကြောင့် မြေပြိုမှုများလည်း ဖြစ်ပွားခဲ့ပြီး ကားလမ်းများ၊ ရထားလမ်းများလည်း ပျက်ဆီးခဲ့သည်။ သို့သော်လည်း လျှပ်စစ်ဓာတ်အားပေးစက်ရုံနှင့် နျူကလီးယား ဓာတ်အားပေးစက်ရုံများ ထိခိုက်ခဲ့ခြင်း မရှိချေ။

ပျက်ဆီးမှုများအား ရှင်းလင်းခြင်းနှင့် ပိတ်မိနေသူများကို ကယ်တင်ရန်အတွက် ကယ်ဆယ်ရေလုပ်သား ၃၀၀ ကျော်ဖြင့်ဆောင်ရွက်ခဲ့ပြီး ကယ်ဆယ်ရေးလုပ်ငန်းများ ပြီးဆုံးခဲ့ပြီဟု ဂျပန်တာဝန်ရှိသူများက ပြောကြားခဲ့သည်။

အဆိုပါငလျင်ပြီးနောက် အင်အား ၄.၁ မဂ္ဂနီကျုရှိသည့် နောက်ဆက်တွဲငလျင်တစ်ခုလည်း ထပ်မံ လှုပ်ခတ်သွားသည်ဟု ဂျပန်မိုးလလေ၀သ အေဂျင်စီမှ ထပ်မံကြေညာခဲ့သည်။

ref_ CNN

အောက်တိုဘာ ၂၆ ၊ ၂၀၁၄
M-Media

– လာမည့် ရာစုနှစ်အတွင်း အချိန်မရွေးဖြစ်နိုင်သည့် ကြီးမားသော မီးတောင်ပေါက်ကွဲမှုကြောင့် ဂျပန်လူဦးရေ၏ ၉၅ ရာခိုင်နှုန်းမှာ အန္တရာယ်ရှိနေသည်ဟု ဂျပန်သိပ္ပံပညာရှင်များ၏ လေ့လာမှုများအရ သိရသည်။

အဆိုပါလေ့လာမှုမှ တွေ့ရှိချက်များကို ကိုဘေးတက္ကသိုလ်တွင် ပြီးခဲ့သည့် ဗုဒ္ဓဟူးနေ့က ရှင်းလင်းပြောကြာခဲ့ခြင်းဖြစ်သည်။

လွန်ခဲ့သည့် နှစ်ပေါင်း ၁၂၀၀၀၀ က ဖြစ်ပွားခဲ့သည့် မီးတောင်ပေါက်ကွဲမှု ကြိမ်နှုန်းများနှင့် အင်အားများကို လေ့လာခဲ့သည့် အဆိုပါ တက္ကသိုလ်မှ ပါမောက္ခ ယိုရှိယုကီနှင့် ကီကို ဆူဇူးကီး တို့ကမူ လာမည့် နှစ်ပေါင်း ၁၀၀ တွင် ကြီးမားသည့် မီးတောင်ပေါက်ကွဲမှုကြီး ဖြစ်ပွားနိုင်ချေမှာ ၁ ရာခိုင်နှုန်ရှိနေပြီး ဂျပန်၏ အဓိကကျွန်းမကြီးဖြစ်သော ဟွန်ရှူတွင် နေထိုင်သည့် လူပေါင်း သန်း ၁၂၀ မှာ ပျောက်ကွယ်သွားနိုင်သည်ဟု ပြောကြားခဲ့သည်။

“အလွန်ကြီးမားတဲ့ မီးတောင်ပေါက်ကွဲမှုကြီးကြောင့် ဂျပန်နိုင်ငံပျောက်ကွယ်သွားမယ်လို့ ပြောဆိုခြင်းဟာ ချဲ့ကားပြောဆိုခြင်း မဟုတ်ပါဘူး” ဟု ရှင်းလင်းပွဲတွင် ပညာရှင်တစ်ဦးက ပြောကြားခဲ့သည်။

ထို့ပြင် ထိုကဲ့သို့တွက်ချက်မှုကို လျော့တွက်၍ မရဟုလည်း သိပ္ပံပညာရှင်များက ပြောဆိုခဲ့သည်။ ၁၉၉၅ ခုနှစ်က ကိုဘေးမြို့တွင် လူပေါင်း ၆၄၀၀ သေဆုံးခဲ့သော ပြင်းအား ၇.၂ မဂ္ဂနီကျုရှိသည့် ငလျင်မလှုပ်ခင်ကလည်း ဆိပ်ကမ်းမြို့ဖြစ်သော ကိုဘေးတွင် ငလျင်လှုပ်နိုင်ခြေမှာ ၁ ရာခိုင်နှုန်းရှိသည်ဟု ပညာရှင်များက တွက်ချက်ခဲ့ဖူးသည်။

လူဦးရေ ၁၂၇ သန်းရှိသော ဂျပန်နိုင်ငံအတွင်းရှိ မီးတောင်များ၏ ၇ ရာခိုင်နှုန်းမှာ လွန်ခဲ့သည့် နှစ် ပေါင်း ၁၀၀၀၀ အတွင်း ပေါက်ကွဲခဲ့သည်။

ref_ RT