နိုဝင်ဘာ ၂၃ ၊ ၂၀၁၇
ဂျက်ဖရီတင်အုန်း (ရန်ကုန်စက်မှုတက္ကသိုလ်) ရေးသည်။
၂၀၁၇ နိုဝင်ဘာလ ၁၂ရက်နေ့က ရပ်ကွက်၊ကျေးရွာ (ရပ်ကျေး) အုပ်ချုပ်ရေးမှူးရွေးကောက်ပွဲ အတွက် ကြီးကြပ်ရေးအဖွဲ့သား ခေတ္တရပ်ဆိုင်းထားရန် ညွှန်ကြားခဲ့ပြီးနောက် နိုဝင်ဘာလ ၁၃ ရက်တွင် ရွေးချယ်မှုကို ပြန်လည်ပြုလုပ်ရန် ညွှန်ကြားချက်ကို စာရေးသူတို့ နေထိုင်သည့် သင်္ကန်းကျွန်းမြို့နယ် ၏ ရပ်ကွက်အုပ်ချုပ်ရေးမှူး ရုံးခန်းရှေ့တွင် တွေ့ရပါသည်။ နိုဝင်ဘာလ ၂၂ ရက် စာရေးသူတို့ ရပ်ကွက် တွင် ရပ်ကွက်အုပ်ချုပ်ရေးမှူးတစ်ဦးအား ရွေးချယ်နိုင်ရန်အတွက် ကြီးကြပ်ရေးအဖွဲ့ဝင် (၅) ဦး ကို အိမ်ထောင်စုတစ်ခု၏ အိမ်ထောင်ဦးစီး သို့မဟုတ် အသက် ၁၈နှစ် ပြည့်ပြီးသည့် မိသားစုဝင် တစ်ဦးဦး က ပုံစံ ၆၆/၆ လဝက သန်းခေါင်းစာရင်းတွင်ပါလျှင် ဆန္ဒပြုရွေးချယ်ခွင့်ရမည်ဖြစ်သည်။
လက်ရှိတာဝန်ထမ်းဆောင်နေသော ရပ်ကျေးအုပ်ချုပ်ရေးမှူးများသည် ၂၀၁၆ ဇန်နဝါရီလက ရွေးချယ်ခံထားရသူများဖြစ်ပြီး တာဝန်ထမ်းဆောင်ခဲ့သည့်ကာလမှာ လပေါင်း ၂၀ခန့်သာ ရှိပေသည်။
မြန်မာတစ်နိုင်ငံလုံးရှိ ပြည်နယ်နှင့်တိုင်းဒေသကြီးရှိ ခရိုင်ပေါင်းမှာ ၆၆ခု၊ မြို့နယ်ပေါင်းမှာ ၃၇၂၊ ရပ်ကွက်ပေါင်းမှာ ၂၈၂၇၊ ကျေးရွာပေါင်း ၆၄၈၅၃ ခု၊ ကျေးရွာအုပ်စုပေါင်းမှာ ၁၃၇၀၈ ဖြစ်ပါသည်။ စာရေးသူတို့နေထိုင်သည့် ရန်ကုန်တိုင်းဒေသကြီးတွင် မြို့နယ်ပေါင်း ၄၅မြို့နယ် ရပ်ကွက်ပေါင်း ၇၀၈ ကျေးရွာအုပ်စုပေါင်း ၆၂၅၊ ကျေးရွာပေါင်း ၂၀၉၃ခုရှိလေသည်။
ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးဥပဒေ တတိယအကြိမ် ပြင်ဆင်သည့် ဥပဒေ ကို ၂၀၁၆ ခုနှစ်ဒီဇင်ဘာလ ၂ရက်တွင် ပြည်ထောင်စုလွှတ်တော်က ပြဋ္ဌာန်းခဲ့ပေသည်။ ထိုဥပဒေတွင် အုပ်ချုပ်ရေးမှူးသည် သင့်တင့်သောပညာ အရည်အချင်းရှိသူဖြစ်ခြင်းနှင့် စားဝတ်နေရေး ဖူလုံမှုရှိသူ ဖြစ်ခြင်းဆိုသည့် အချက်(၂)ချက်ကို ပယ်ဖျက်ခဲ့သည်။ ရပ်ကွက်ကျေးရွာအတွင်း တစ်ဆက်တည်းနေ အနည်းဆုံး (၁၀)နှစ် နေထိုင်သူဖြစ်ခြင်းအစား (၅) နှစ်နေထိုင်သူဟု ပြောင်းလဲသတ်မှတ်ခဲ့သည်။ ကျန်းမာရေးကောင်းမွန်ပြီး ပေးအပ်သည့် တာဝန်ကို ထမ်းဆောင်နိုင်စွမ်းရှိသူဖြစ်ခြင်း ဆိုသည်ကို ပေးအပ်သည့်တာဝန်ကို ထမ်းဆောင်နိုင်သူ ဟူ၍ ပြင်ဆင်ခဲ့ပေသည်။ တတိယအကြိမ်ပြင်ဆင်ချက်တွင်
ရပ်ကျေးအုပ်ချုပ်ရေးမှူး၏ သက်တမ်းမှာ နိုင်ငံတော်သမ္မတ၏ ရာထူးသက်တမ်းအတိုင်းဖြစ်သည်ဟု ဖော်ပြထားပေသည်။ ၂၀၁၇ရပ်ကျေးအုပ်ချုပ်ရေးမှူး ရွေးကောက်ပွဲကို နိုဝင်ဘာလ (၁၀) ရက်မှ ဒီဇင်ဘာလ (၁၀)ရက်အထိ တစ်လအတွင်းကျင်းပရန် အထက်မှ ညွှန်ကြားထားပေသည်။
ယခင့်၊ ယခင် ရပ်ကျေးအုပ်ချုပ်ရေးမှူးများကို လေ့လာဆန်းစစ်ကြည့်သောအခါ အနည်းစု သာ လျှင် ရပ်ကွက်၊ကျေးရွာအကျိုးကို အမှန်တကယ် စွန့်လွတ်အနစ်နာခံပြီး လုပ်ဆောင်ခဲ့ကြောင်း တွေ့ရ သည်။ အုပ်ချုပ်ရေးမှူး အများစုသည် ဘဝမြင့် အောက်ခြေလွတ်ကာ အာဏာရှင်စိတ်ပေါက်လျက် ပြည်သူလူထုအားဟောက်စား၊ ငေါက်စားပြုလုပ်၍ မိမိအား အမြဲမျက်နှာချိုသွေး ငွေလမ်းခင်းပေးနေသူ များနှင့်သာ အဆင်ပြေနေပေသည်။ ထို့ကြောင့်လည်းလူထုက သူတို့အား ပြည်သူ့ချဉ်ဖတ်စာရင်းတွင် သွတ်သွင်းခဲ့ခြင်းဖြစ်ပါသည်။
ရပ်ကျေးအုပ်ချုပ်ရေးမှူးရွေးချယ်ပွဲကို ပြည်သူအချို့စိတ်မဝင်စားရသည့် အကြောင်းရင်းကို စာရေးသူ လက်လှမ်းမှီသလောက်တင်ပြရလျှင် (၁)စားဝတ်နေရေးအတွက် အချိန်ပြည့် ရုန်းကန်နေရ ခြင်း (၂) ထိုသူတို့၏စိတ်ထဲတွင် “လူတွေသာပြောင်းသွားတယ်။စကားလုံးတွေ ခေါင်းစဉ်တွေသာ ပြောင်းသွားတယ်။ မူကတော့ သိသာထင်ရှားစွာ ပြောင်းလဲမှုမရှိခြင်း” (၃) ဆယ်စုနှစ်ပေါင်းများစွာ ခေါက်ရိုးကျိုးရန်းမထွက်နိုင်သည့် “အထက်ဖား၊ အောက်ဖိ အုပ်ချုပ်ရေး နွံထဲမှ ရုန်းမထွက်နိုင်ခြင်း” (၄) ဆယ်အိမ်မှူး၊ ရာအိမ်မှူးဆိုသူများသည် လစာမဲ့လုပ်အားပေးသူများဖြစ်၍ လာဘ်ပေး၊လာဘ်ယူစနစ် တွင် သာယာနေခြင်းကို ရပ်ကျေးလူထု အချို့က သတိပြုမိခြင်း။ စသည့် အကြောင်းအချက်တို့ကြောင့် ရပ်ကျေးလူထုသည် အုပ်ချုပ်ရေးမှူးလောင်းရွေးပွဲကို အာရုံစိုက်မှု့ အားနည်းနေခြင်း ဖြစ်ဟန်တူပေ သည်။
ဒီမိုကရေစီစနစ်ကို သွားချင်သည့် ပြည်သူလူထုသည် အပြောင်းအလဲများကို မိမိကိုယ်တိုင် မိမိ၊ မိသားစုဝင်၊ မိမိနေထိုင်သည့် ရပ်ကွက် စသည်တို့မှ အစပြု၍ ပြုပြင်ပြောင်းလဲမှု့များကို ပြုလုပ်ရပါမည်။
မိမိရပ်ကွက်၊ကျေးရွာကို အုပ်ချုပ်မည့် အုပ်ချုပ်ရေးမှူးသည် ရပ်ကျေးလူထု အများရဲ့သဘောထား ဆန္ဒ နှင့်အညီ ပွင့်လင်းမြင်သာစွာ ရွေးကောက်တင်မြှောက်ခြင်းခံရသူဖြစ်ဖို့ လိုပေသည်။ ရပ်ကွက်နေလူထု နှင့် အနီးကပ်ထိတွေ့ဆက်ဆံနေသူကို ဦးစားပေးရွေးချယ်သင့်ပေသည်။
စာရေးသူအနေဖြင့် ရပ်ကျေးအုပ်ချုပ်ရေးမှူးရွေးချယ်ကြမည့် ပြည်သူလူထုကြီးအား “စံ” ထား ရွေးချယ်စေချင်တဲ့ အချက်များရှိပါသည်။ ယင်းတို့မှာ ကိုယ်ရွေးချယ်သည့် အုပ်ချုပ်ရေးမှူးသည်
(၁) အကျင့်စာရိတ္တ ကောင်းသူဖြစ်ရပါမည်။
(၂) ဒီမိုကရေစီဝါဒကို လိုလားပြီး ဝေဖန်ခံနိုင်သူဖြစ်ရပါမည်။
(၃) မတူကွဲပြားစွာ ရောပြွမ်းနေထိုင်သည့် ရပ်ကျေးမျိုးတွင် ဘာသာပေါင်းစုံ၊ လူမျိုးပေါင်းစုံ နှင့် သဟဇာတဖြစ်သူ ဖြစ်ရပါမည်။
(၄) စာပေဗဟုသုတ နှင့် ရင်းနှီးကျွမ်းဝင်သူ ဖြစ်ပြီး၊ ပရဟိတလူမှုရေးစိတ်ဓာတ်ရှိသူဖြစ်ရပါမည်။
(၅) လက်ရှိ ရပ်ကျေးအုပ်ချုပ်ရေးမှူးတာဝန်ကို ယူဆောင်နေသူဖြစ်ပါက ထိုသူသည် လူထုကြား ပြဿနာကြီးငယ်ပေါ်တိုင်း မိမိ အစွမ်းအစနှင့် ပြေလည်အောင် မဖြေရှင်းပဲ၇ဲစခန်းနှင့် တရားရုံးကိုသာ အားကိုးပို့ဆောင်နေသူမျိုးကို မရွေးချယ်မိဖို့ အလွန်အရေးကြီးပါသည်။ ထိုလူမျိုးကို ရွေးချယ်မိပါက ကိုယ့်သေတွင်း၊ ကိုယ်တူးသလို ဖြစ်ပြီးမြွေပွေးခါးပိုက် ပိုက်သလိုမျိုး ဖြစ်နေမည်ဖြစ်ပြီး ပြည်သူလူထု ကြီး စိတ်ဆင်းရဲ ရမည်သာဖြစ်သည်။
“အစကောင်းမှ အနှောင်းသေချာမည်” ဖြစ်သည်။ “ဘယ်သူမပြု၊ မိမိမှုပင်” ဖြစ်သည်။ မိမိ ရပ်ကွက်၊ကျေးရွာ၏ အလုံးစုံ၊သာယာဝပြောရေးအတွက် ဦးဆောင်လမ်းညွှန်နိုင်သူ အုပ်ချုပ်ရေးမှူး ကောင်းကို စဉ်းစားရွေးချယ်ဖို့ အရေးကြီးပါသည်။
ရပ်ကွက်ကျေးရွာအုပ်ချုပ်ရေးမှူးရာထူးသည် ရပ်ကျေးအတွင်းတွင် အမြင့်ဆုံးထိပ်တန်းရာထူး တစ်ခုဖြစ်သော်လည်း ပြည်ထဲရေးဝန်ကြီးဋ္ဌာနမှ ပေးအပ်သည့်လစာမှာ ၁၂၀၀၀၀ ကျပ်ဝန်းကျင်သာ ဖြစ်လေသည်။ယနေ့လို အခြေအနေမျိုးတွင် အဆိုပါလစာငွေသည် မိသားစုတစ်စု၏ စားဝတ်နေရေး အတွက် လုံးဝ လုံလောက်မှုမရှိပေ။ ဒိရေအလားမြင့်တက်နေသည့် ကုန်ဈေးနှုန်းကြီးကို ကာမိစေခြင်းမ ရှိပေ။
ထို့ကြောင့်လည်း ပြည်သူလူထုက ရွေးချယ်တင်မြှောက်လိုက်သည့် ရပ်ကျေး အုပ်ချုပ်ရေးမှူး များကို သက်ဆိုင်ရာတာဝန်ရှိ အာဏာပိုင်များအနေဖြင့် လုံလောက်သည့် လစာထောက်ပံ့ကြေးကို ပံ့ပိုး ပေးဆောင်နိုင်မှသာ အဆိုပါအုပ်ချုပ်ရေးမှူးများသည် မိမိတို့၏တာဝန်ဝတ္တရားများကို အဂတိတရား ကင်းစွာ တာဝန်ယူမှု၊ တာဝန်ခံမှု၊ တာဝန်သိမှု အပြည့်ဖြင့် ရပ်ကျေးပြည်သူလူထု၏ အကျိုးကို ထိထိ ရောက်ရောက်ဆောင်ရွက်နိုင်မည် ဖြစ်ပါကြောင်း အကြံပြုတိုက်တွန်းလိုက်ပါသည်။ ။
ဂျက်ဖရီတင်အုန်း (ရန်ကုန်စက်မှု့တက္ကသိုလ်)
