Tag: JefreyTinOhn

“အကျဉ်းထောင်တွေ ဆက်လက် တည်ဆောက်နေမည့်အစား”

အင်္ဂလိပ်အဘိဓာန် Merriam Webster Dictionary တွင် အကျဉ်းထောင်ဟူသည် တရားရုံးတစ်ခုတွင် အမှုရင်ဆိုင်နေရစဉ်ဖြစ်စေ၊ တရားရုံးမှ တရားစီရင်ပြီးသည့်အခါ ပြစ်မှုအတွက် ကျူးလွန်သူအား ပြစ်ဒဏ်အနေဖြင့် ထိန်းသိမ်းထားရာနေရာတစ်ခုဟု ပြန်ဆိုထား ပါသည်။

မြန်မာနိုင်ငံတွင်အကျဉ်းထောင်ပေါင်း၎ခု ရှိလေသည်။ အကျဉ်းထောင်အသီးသီးတွင် အကြောင်းအမျိုးမျိုးကြောင့် အကျဉ်းချခံနေရသူ အကျဉ်းသားပေါင်း ၈၀၀၀၀ (ရှစ်သောင်းခန့်) ရှိ ကြောင်းသိရပါသည်။ အကျဉ်းထောင်များကို အမျိုးအစားခွဲခြားရာတွင် လူ ၁၀၀၀ဆံ့သည့် အကျဉ်း ထောင်ကို (က)အဆင့်ဟူ၍လည်းကောင်း၊ လူ၅၀၀ဆံ့သည့် အကျဉ်းထောင်ကို (ခ) အဆင့်ဟူ၍ လည်းကောင်း ခွဲခြား သတ်မှတ်ထားပါသည်။

မြန်မာနိုင်ငံတွင် လူဦးရေ ၁၀၀၀ဆံ့သည့် အကျဉ်းထောင် ၃ ခုကို သမ္မတဟောင်း ဦးသိန်းစိန် အစိုးရလက်ထက်ကတည်းက တည်ဆောက်ခဲ့ရာ ယခုအခါတွင် ပြီးစီးလုနီးပါးဖြစ်နေပြီဖြစ်ကြောင်း၊ ၂၀၁၇ ခုနှစ် နှစ်ကုန်တွင် ဖွင့်လှစ်နိုင်မည်ဖြစ်ကြောင်း။ ထိုအကျဉ်းထောင် အသစ်မှာ ၃ခုမှာ (၁) ကချင်ပြည်နယ်ရှိ မိုးညှင်းထောင် (၂) ပဲခူးတိုင်းဒေသကြီးရှိ ဒိုက်ဦးထောင်နှင့် (၃) မွန်ပြည်နယ်ရှိ ကျိုက်မရောထောင်တို့ပင်ဖြစ်ကြောင်းသိရှိရပါသည်။ မကွေးတိုင်းဒေသကြီးတွင်လည်း အကျဉ်း ထောင် အသစ်တစ်ခု ထပ်မံတည်ဆောက်သွားရန် စီစဉ်နေကြောင်း။ အခုလို အကျဉ်းထောင်တွေကို ထပ်မံတိုးချဲ့တည်ဆောက်နေတာဟာ ဝေးလံတဲ့ဒေသတွေမှာရှိတဲ့ အကျဉ်းသားတွေ သွားလာပို့ ဆောင်ရေး လွယ်ကူအောင် ရည်ရွယ်တာဖြစ်တယ်လို့ မြန်မာနိုင်ငံအကျဉ်းဦးစီးဋ္ဌာန ဒုတိယညွှန်ကြားရေးမှူး ဦးမင်းထွန်းစိုးက ပြောခဲ့ပါသည်။

မြန်မာနိုင်ငံတွင် အကျဉ်းဦးစီးဋ္ဌာနသည် ပြည်ထဲရေးဝန်ကြီးဋ္ဌာန လက်အောက်တွင် ရှိပါသည်။

အခုလို အကျဉ်းထောင်တွေ ထပ်မံတိုးချဲ့နေတာကို အကောင်းမြင်ရှုထောင့်အရ ကြည့်လျှင် ထောင်ထဲမှာ အကျဉ်းသားတွေ စုပြုံပြွတ်သိပ်ထားရှိနေရသည့် အခက်အခဲပြဿနာများကို ဖြေရှင်း ရာရောက်သဖြင့် ကောင်းသော်လည်းပဲ၊ ထောင်ထဲမှာ အကျဉ်းသားတွေ များပြားနေရခြင်းသည် မြန်မာနိုင်ငံ၏ တရားဥပဒေစိုးမိုးမှု အားနည်းနေခြင်းကို ဖော်ထုတ်ပြသရာ ရောက်ပေလိမ့်မည်။ တရားဥပဒေစိုးမိုးမှု အားနည်းနေသည့် တိုင်းပြည်တိုင်းတွင် အကျင့်ပျက်၊ခြစား၊ လာဘ်ပေး၊ လာဘ်ယူမှု့များ ဒုနဲ့ဒေး ဖြစ်ပေါ်နေတတ်ပြီး ရာဇဝတ်မှု့များလည်း များပြားတတ်ကြောင်း စာရေးသူ လေ့လာဖူးပါသည်။

ထင်ပေါ်ကျော်ကြား လူသိများသည့် နိုင်ငံအချို့၏ လူဦးရေ အချိုးအစားနှင့် အကျဉ်းသား ဦးရေတို့ကို တင်ပြရလျှင် အမေရိကန်နိုင်ငံ၏ လူဦးရေ သန်းပေါင်း ၃၂၀ကျော်တွင် အကျဉ်းသား ၂၁၉၃၇၉၈ နီးပါး တရုတ်နိုင်ငံ၏လူဦးရေ သန်းပေါင်း ၁၃၀၀ကျော်တွင် အကျဉ်းသား ၁၅၄၈၄၉၈ ဦး နီးပါး ရုရှားနိုင်ငံ၏ လူဦးရေ သန်းပေါင်း ၁၄၃သန်းကျော်တွင် အကျဉ်းသား ၈၇၄၁၆၁ ဦးနီးပါး သက်ဆိုင်ရာနိုင်ငံ၏ အကျဉ်းထောင် အသီးသီးတွင် အကျဉ်းကျခံနေရပါသည်။ မြန်မာနိုင်ငံ၏ လူဦးရေ ၅၁.၄၉ သန်းကျော်တွင် အကျဉ်းကျခံနေရသူပေါင်း ရှစ်သောင်းနီးပါး ရှိနေကြပါသည်။ ယူအေအီး(UAE)နိုင်ငံတွင် အကျဉ်းထောင်များသည် ကြီးကျယ်ခန့်ညားလှသည်။ သို့သော် ထိုအကျဉ်းထောင်များတွင် အကျဉ်းသားများကား မရှိသလောက်ဖြစ်သည်။ အကြောင်းမှာ တရား ဥပဒေစိုးမိုးမှု၊ အပြည့်အဝရှိသောကြောင့် ဖြစ်သည်။ ဥပမာ “ကားမရပ်ရ”ဟု သတ်မှတ်ထားသော နေရာတွင် ကားရပ်မိပါက ပထမဆုံးနှင့်နောက်ဆုံးအကြိမ်အဖြင့် ယူအေအီးသုံးငွေ ဒဲဟမ် (dirham) ၅သိန်းကို ဒဏ်ငွေအဖြင့်ပေးဆောင်ရလေသည်။ ဒုတိယအကြိမ် “ကားမရပ်ရဇုံ”တွင် ကားရပ်မိပါက ယာဉ်မောင်းသူ၏ လိုင်စင်ကို ထာဝရ ရုတ်သိမ်းသည်အထိ အရေးယူဆောင်ရွက်သည်ကို လေ့လာဖူးပါသည်။

ဥရောပတိုက်ရှိ နယ်သာလန်နိုင်ငံတွင် တရားဥပဒေစိုးမိုးမှု့ အပြည့်အဝရှိပြီး ပြည်သူလူထုသည် တရားဥပဒေကို လေးစားလိုက်နာပြီး နိုင်ငံအနှံ့ ပြစ်မှုကျူးလွန်သူများ မရှိသလောက်ဖြစ်နေခဲ့သောကြောင့် အကျဉ်းထောင်များကို တဖြည်းဖြည်းချင်း ပိတ်သိမ်းနေရပြီး ဟိုတယ်များအဖြစ် အစားထိုးပြောင်းလဲနေသည်ကို အံ့သြဖွယ်ရာ တွေ့နေရပါသည်။

အမေရိကန်နိုင်ငံတွင် ရာဇဝတ်မှု့ကြောင့် အကျဉ်းကျနေသူများကို နောင်တရ သင်ခန်းစာ ရပြီး လမ်းမှန်သို့ ပြန်လည်ရောက်ရှိလာစေရန် အပတ်စဉ် အလှည့်ကျ ဘာသာရေး ဓမ္မကထိက ဆရာများအား ထောင်တွင်းသို့ ပင့်ဖိတ်၍ ဟောပြောပို့ချစေပါသည်။ တရားနာယူစေပါသည်။

စင်္ကာပူ၊မလေးရှားနှင့် အင်ဒိုနီးရှားနိုင်ငံတို့တွင် လိင်မှု့ကိစ္စနှင့် အကျဉ်းကျနေသူ အမျိုးသမီး များကို အသက်မွေးဝမ်းကြောင်းပညာများ ဖြစ်သည့် ဇာထိုး၊ပန်းထိုး၊အချုပ်အလုပ်၊လက်မှု့ပညာရပ် များကို ပြင်ပ ပညာရှင်များကို အချိန်ပေးခေါ်ယူ၍ အကျဉ်းထောင်များတွင် သင်ကြားပေးစေပါသည်။ အကျဉ်းထောင်မှ လွတ်မြောက်ပြီးနောက် ပြင်ပတွင် သမာအာဇီဝနည်းဖြင့် ဘဝရပ်တည်နိုင်ရန် ဖန်တီးပေးခြင်းဖြစ်ပါသည်။

တကယ်တော့ အကျဉ်းထောင်ဟူသည် ရာဇဝတ်မှု့၊ ဒုစရိုက်မှု့စသည်တို့ကို ကျူးလွန်ဖောက် ဖျက်သူများကို သင်ခန်းစာပေးရာ နေရာတစ်ခုဖြစ်သည်။ သို့သော် မြန်မာပြည်တွင် တရားဥပဒေ သည် “ချိန်ခွင်လျှာပမာ” မဖြစ်သေးပဲ။ “လူကိုခင်ရင်၊မူကိုပြင်သည်။ လူကိုမုန်းရင်၊ မူကိုသုံးသည့်ပုံစံ မျိုး” ကျင့်သုံးနေခြင်းကြောင့် လူကောင်း၊သူကောင်း များသည်ပင် ပစ်မှတ်ထားခံရပြီး “သားရေကွင်းလို” တရားစီရင်မျိုး၌ မတရားဖမ်းဆီး အကျဉ်းကျခံနေရသူများသည် မြန်မာပြည်နှံ့ အကျဉ်းထောင်အသီးသီးတွင် ရှိနေကြပေသည်။ မြန်မာနိုင်ငံ၏ တရားစီရင်ရေး ခေတ်အဆက်ဆက် အစိုးရများလက်ထက်က လာဘ်ပေး၊လာဘ်ယူ အကျင့်ပျက်၊ခြစားမှု့များကြောင့် “စည်း” ပေါက်နေ ကြောင်း နိုင်ငံတကာက မီးမောင်းထိုးပြနေပါသည်။

ပညာဗဟုသုတ အခြေခံနည်းပါးကြ၍ ခိုး၊ဆိုး၊လုယက်၊သတ်ဖြတ်မှု၊လောင်းကစား၊ မူးယစ် ဆေးဝါးမှု စသည်တို့ကြောင့် အကျဉ်းကျခံနေရသူများ၏ စိတ်ဓာတ် (Mind Set) များကို ပြုပြင် ပြောင်းလဲစေရန် အပြောအဟောကောင်းသည့် စာပေပညာရှင်များကို ပင့်ဖိတ်ကာ လစဉ် သို့မဟုတ် အပတ်စဉ် ပညာပေး အစီအစဉ်များကို ပြုလုပ်ခြင်း၊ အကျဉ်းထောင်အသီးသီးတွင် စာကြည့်တိုက်ငယ်လေးများ ဖန်တီးပြီး၊ စာပေနှင့် နီးစပ်အောင်ပြုလုပ်ခြင်း၊ နေ့စဉ်သတင်းစာများ၊ အပတ်စဉ်ဂျာနယ်များကို အကျဉ်းထောင်အသီးသီးတွင် ထားကာ အချိန်ပေး ဖတ်ရှုလေ့လာစေခြင်း၊ အသက်မွေးဝမ်းကြောင်း၊ လက်မှု့ပညာရပ်များကို သင်ကြားပေးခြင်း စသည်တို့သည် လူ့စွမ်းအား အရင်းအမြစ်များ တိုးတက်မြင့်မားလာစေရန် ဖန်တီးပေးခြင်းဖြစ်ပါသည်။ သို့မဟုတ်ပါက အကျဉ်းထောင်ဟူသည် ရာဇဝင်လူဆိုးများပြောသလို “အမေကမွေး၊ ထောင်ကကျွေး” ပုံစံဖြစ်နေပါ တော့မည်။ တရားဥပဒေစိုးမိုးမှု့ အားနည်းနေခြင်းကြောင့် လူဆိုး၊သူခိုး၊ရာဇဝတ်သားများ၊ တစ်နေ့ ထက် တစ်နေ့ များပြားလာခြင်းသည် ပြည်သူလူထု၏ အသက်အိုးအိမ်စည်းစိမ်များကို ခြိမ်းခြောက် ခြင်းခံလာရပြီး နိုင်ငံတည်ငြိမ်ရေးကိုပါ ထိခိုက်စေပါသည်။ နိုင်ငံပုံရိပ်ကိုပါ တရိပ်ရိပ်ကျဆင်းလာ စေပါသည်။

ထို့ကြောင့် အကျဉ်းထောင်တွေကို ထပ်မံဆောက်လုပ်ရန်ကြံစည်နေခြင်းသည် အကျဉ်းသားများ ထပ်မံရောက်ရှိလာစေရန် ဖိတ်ခေါ်နေ သလိုမျိုးဖြစ်နေသည်ဟု နိုင်ငံရေး အကျဉ်းသားတစ်ဦးက ဝေဖန်ထောက်ပြပြောဆိုပါသည်။ စာရေးသူ၏ မြတ်ဆရာ နိုင်ငံကျော် စာရေးဆရာကြီး၊ မြန်မာစာဆရာကြီးလည်းဖြစ် ကွယ်လွန်သွားခဲ့ပြီဖြစ်တဲ့ ဆရာအောင်သင်းပြောခဲ့ သလို “စာကြည့်တိုက် တစ်ခုဖွင့်လိုက်နိုင်ခြင်းသည် အကျဉ်းထောင်တစ်ခုကို ပိတ်ပစ်နိုင်လိုက်ခြင်း” ဖြစ်သည်ဟူသော စကားကို နာယူမှတ်သားပြီး နိုင်ငံတစ်ဝန်း မြို့နယ်၊ကျေးရွာ၊ရပ်ကွက်များတွင် စာကြည့်တိုက်များ၊ ရွေ့လျားစာကြည့်တိုက်များ၊ တစ်နိုင်တစ်ပိုင်တည်ထောင်ခြင်းသည် နိုင်ငံတော်၏ အမှန်တကယ်လိုအပ်သော ကွက်လပ်များကို ဖြည့်စွက်ကူညီရာရောက်သည်ဟု စာရေးသူ ထင်မြင်မိပါသည်။ ခေတ်အဆက်ဆက် ချည့်နဲ့ ဆုတ်ယုတ်ခဲ့သော အကျဉ်းထောင်စနစ် ကိုလည်း ပြုပြင်ပြောင်းလဲပြီး နိုင်ငံတော်၏ ဘဏ္ဍာငွေများကို ပညာရေးဆိုင်ရာ အလုပ်အကိုင် အခွင့် အလမ်းများဖန်တီးပေးခြင်းဆိုင်ရာ ကဏ္ဏအသီးသီးတွင် ရင်းနှီးမြှပ်နှံပြီး နိုင်ငံတော်အတွက် အလုပ် လုပ်ကြပါစို့ဟု အကြံပြုတိုက်တွန်းလိုက်ပါသည်။

ဂျက်ဖရီတင်အုန်း (ရန်ကုန်စက်မှုတက္ကသိုလ် R.I.T)

September 3, 2017
“ဖုန်း Bill ဖြတ်ခံနေရသည့် ကိစ္စ တာဝန်ရှိသူများဖြေရှင်းပေးကြပါ”

ယနေ့သည် သတင်းအချက်အလက်နည်းပညာခေတ် (Information Technology) ဖြစ်သည်။ လူဦးရေသန်းပေါင်း ၇၀၀၀ကျော် နေထိုင်နေကြသော ကမ္ဘာကြီးသည် အင်တာနက် သတင်း အချက်အလက်နည်းပညာများကြောင့်ပင် “ရွာပုံစံ” ဖြစ်သွားခဲ့ရသည်။ ရွာ၏ သဘောကား ဟုတ်တာလုပ်ရင်လည်း ကျော်စောသည်။ မဟုတ်တာလုပ်ရင်ပေါ်သည့် သဘောဖြစ်သည်။ မြန်မာနိုင်ငံတွင် မိုဘိုင်းဖုန်းများကို စတင်သုံးစွဲခွင့်ပြုစဉ်တွင် ပြည်သူလူထုအားအင်တာနက် ဝန်ဆောင်မှုကို လုံးဝ မပေးခဲ့ပေ။ ၂၀၁၁ခု၊စက်တင်ဘာလမှစ၍ အများပြည်သူလူထုအား အင်တာနက် ဝန်ဆောင်မှု့ကို ရယူလိုလျှင် မြန်မာ့ဆက်သွယ်ရေးသို့ ငွေ ၁၀၀၀၀ကျပ် ပေးသွင်းမှ သာ ထိုဝန်ဆောင်မှု့ကို သုံးစွဲခွင့်ရပါသည်။

သမ္မတဟောင်း ဦးသိန်းစိန်အစိုးရလက်ထက် ၂၀၁၃ ခုနှစ်တွင် နော်ဝေနိုင်ငံ အခြေစိုက် Telenor Myanmar ဆက်သွယ်ရေးကုပ္မဏီနှင့် ကာတာနိုင်ငံအခြေစိုက် Ooreedoo Myanmar ဆက်သွယ်ရေးကုပ္မဏီတို့ကို ၁၅နှစ်တာ မြန်မာနိုင်ငံတွင် လုပ်ပိုင်ခွင့် လိုင်စင်တရားဝင်ချပေးခဲ့ပါ သည်။ ထိုပြည်ပအခြေစိုက်ဆက်သွယ်ရေး ကုမ္ပဏီများအနေဖြင့် မြန်မာနိုင်ငံတွင် ဆက်လက်ရင်းနှီး မြှုပ်နှံလိုပါက နောက်ထပ် (၁၀ နှစ်) အတွက် သက်တမ်းတိုး လျောက်ထားနိုင်ပါသည်။

လက်ရှိမြန်မာနိုင်ငံ၏ လူဦးရေ ၅၁.၄၉ သန်းကျော်အား ဝန်ဆောင်မှုပြုနေသော ဆက်သွယ် ရေးကုပ္မဏီကြီး (၃)ခု ရှိနေပါသည်။ ယင်းတို့မှာ (၁) MPT (Myanmar Posts And Telecommunication) (၂) Telenor Myanmar ( Norwegian Telenor Group) (၃) Ooredoo Myanmar တို့ဖြစ်ပါသည်။ မြန်မာ့စီးပွားရေးကော်ပိုရေးရှင်းပိုင် (ယခင်ဦးပိုင်စီးပွားရေး) (Myanmar Economic Coporation (MEC)) ကလည်း MECTel အနေနဲ့ CDMA Network ဝန်ဆောင်မှု့ကို ပေးနေပါသည်။ Viet tel ကလည်း တတိယမြောက်၊ ပြည်ပဆက်သွယ်ရေး၊ ကုပ္မဏီအနေဖြင့် ဝန်ဆောင်မှု့ပေးရန် အသင့်ဖြစ်နေပြီဟု သိရသည်။

လက်ရှိမြန်မာနိုင်ငံတွင် MPT သုံးစွဲသည့် မှတ်ပုံတင်ထားသူဦးရေမှာ ၂၃.၁၈သန်း ကျော်ရှိသည်။ Telenor သုံးစွဲသူ မှတ်ပုံတင်ထားသူပေါင်း ၁၈. ၈သန်းကျော်ရှိသည်။ အော်ရီဒူး (Ooredoo) မှတ်ပုံတင်၍ သုံးစွဲနေသူပေါင်းမှာ ၈.၁၁ သန်းကျော်ရှိလေသည်။ အထက်ပါ ဆက်သွယ်ရေး ဝန်ဆောင်မှု့များအတွက် ဖုန်းဘစ်လ်ဖြည့်ရာတွင် E-load ပုံစံဖြင့်လည်းကောင်း၊ OK software ဝန်ဆောင်မှု့ဖြင့်လည်းကောင်း၊ True money ပုံစံဖြင့်လည်းကောင်း၊ wave money ပုံစံဖြင့်လည်းကောင်း၊ Top-up ငွေဖြည့်ကတ် ၁၀၀၀ကျပ်တန်၊ ၃၀၀၀ကျပ်တန်၊ ၅၀၀၀ကျပ်တန်၊ ၁၀၀၀၀ကျပ်တန်များ ဝယ်၍လည်းကောင်း ဖုန်းBill များကို ငွေဖြည့်နိုင်ပေသည်။

လူသိအများဆုံး ဆက်သွယ်ရေးကုပ္မဏီကြီး (၃)ခုသည် E- load ဖြင့် ဖုန်းဘေစ်လ်မည်မျှ ထည့်လျှင် အပိုဆုကြေး Bonus အနေဖြင့် Facebook, Viber,Youtube,Line စသည့် လူမှု့ရေး ကွန်ရက်များသုံးစွဲခွင့်ကို ရက်အပိုင်းအခြား အကန့်အသတ် တစ်ခုပေး၍လည်းကောင်း ကွန်ရက်တူ ဆက်သွယ်ရေးကုပ္မဏီအချင်းချင်း စာတိုပို့ခြင်း၊ Phone Bill အပိုသုံးစွဲခွင့်များပေးခြင်း၊ အင်တာနက် ဒေတာ အပို 50MB ၊100 MB များပေးကာ ဖုန်းသုံးစွဲသူများကို မက်လုံးများပေး၍ အပြိုင်အဆိုင် ဖုန်းသုံးစွဲသူများထံ Message များပို့ကာ ကြော်ငြာလျက်ရှိပါသည်။

အကျိုးရလာဒ်များအနေနဲ့ On-line ဖြင့် အသက်မွေးဝမ်းကြောင်းပြုနေသူများ၊ ပညာရှာနေ သူများ၊ လူမှုရေးလုပ်ဆောင်နေသူများ၊ ဗဟုသုတ ရှာမှီးနေသူများ၊ ရုပ်ရှင်ဂီတဖြင့် အပမ်းဖြေနေ သူများအတွက် အခြေအနေ အတိုင်းအတာ တစ်ခုထိ ခရီးရောက်လျက်ရှိနေပါသည်။

ဆိုးကျိုးရလာဒ်များကို လက်လှမ်းမှီသလောက် တင်ပြရလျှင် စာရေးသူနေထိုင်သည့် မဟာရန်ကုန်မြို့တွင် မိမိတို့၏မှတ်ပုံတင် (သို့) ယာဉ်မောင်းလိုင်စင် (သို့) နိုင်ငံကူးလက်မှတ် စသည့် အထောက်အထားများ တစ်ခုမျှမပြပဲ၊ မပေးပဲ၊ MPT၊ Ooredoo၊ Telenor နှင့် MEC sim card အမြောက်အများကို ယနေ့အချိန်ထိ ဆင်းကတ်တစ်ကတ်လျှင် ၁၀၀၀ကျပ်မှ စ၍ ငွေ ၅၀၀၀၀ ကျပ်အထိ နံပါတ်လှလျှင် လှသလောက် ဈေးကြီးပေး၍ Online မှ လည်းကောင်း ရန်ကုန်မြို့လယ်ခေါင် လူစည်ကားရာနေရာများတွင် လည်းကောင်း၊ လမ်းဘေးဈေးသည်များထံမှ ဝယ်ယူရရှိနိုင်ပါသည်။ ထိုရောင်းချသည့် ဆင်းကတ်များကို မှတ်ပုံတင်ပြီးကြောင်း အာမခံ၍ ရောင်း နေရာ စာရေးသူသည်လည်း MPT ဆင်းကတ်တစ်ကတ်နှင့် Telenor ဆင်းကတ် တစ်ကတ်ကို ဝယ်၍ မှတ်ပုံတင်ထားခြင်း ရှိ၊မရှိ MPT code *601# call ကိုခေါ်၍လည်းကောင်း၊ Telenor code *979*3*3# call ကိုခေါ်၍ စစ်ဆေးကြည့်ရာ ထိုဆင်းကတ်နှစ်ခုလုံးမှာ မှတ်ပုံတင်ထားပြီးဖြစ် ကြောင်း Message တွင်ဖော်ပြထားသည်ကို တွေ့ရသောအခါ စိုးရိမ်ထိတ်လန့်ခဲ့ရပါသည်။ အကြောင်းမှာ ရာဇဝတ်မှု၊ ဒုစရိုက်မှုတစ်ခုခုကို ကျူးလွန်ခဲ့သူများရှိလျှင် ထိုဆင်းကတ်မှတ်ပုံ တင်ထားသူများကို ခြေရာခံ၍ အမှုမှန်ကို ဖော်ထုတ်ခဲ့သည့် အထောက်အထားများကို အနောက်နိုင် ငံအတော်များများတွင် တွေ့ရသောကြောင့်ဖြစ်ပါသည်။ စာရေးသူတို့နိုင်ငံတွင် မိုဘိုင်းဆင်းကတ် များကို ထိုကဲ့သို့ လက်လွတ်စပယ် အထောက်အထားမဲ့ ဝယ်၍ရနေခြင်းသည် လုံခြုံရေး စည်းတစ်ခု ပေါက်နေသည်ဟု စာရေးသူခံစားမိပါသည်။ ဒီမိုကရေစီနှင့်ဖယ်ဒရယ်ပြည်ထောင်စု စနစ်သို့ သွား နေသည့် အမိ မြန်မာနိုင်ငံတော်ကြီး၏ တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးကို ထိခိုက်အောင် ထိုလမ်းဘေးဆင်းကတ်များ သုံးကာ လူမှု့ရေးကါန်ရက် Facebook ပေါ်တွင် ကောလဟာလများ ထုတ်လွင့်ခြင်း၊ လူမျိုးရေး၊ဘာသာရေး၊ အဓိကရုဏ်းများ ဖြစ်အောင် အမုန်းတရားများ ဖြန့်ရာတွင်လည်းကောင်း အသုံးချလာဖွယ်ရှိသည်ကို မျှော်တွေးမိ၍ စိတ်လေးခဲ့ ရပါသည်။

နောက်ထပ် ကိုယ်တွေ့ဆိုးကျိုး ရလာဒ်တစ်ခုကိုလည်း တင်ပြချင်ပါသည်။ လူမှု့ရေးကွန်ရက် နှင့် အရပ်ထဲတွင် လူပြောများနေသည့် Telenor ဖုန်းဘေလ် ဖြတ်တောက်နေသည့် ကိစ္စဖြစ်ပါသည်။ စာရေးသူသည် ရန်ကုန်စက်မှု့တက္ကသိုလ်မှ အင်ဂျင်နီယာဘွဲ့တစ်ခု ရရှိထားသည့် အပြင် ယနေ့ ရေပန်းစားနေသည့် အင်တာနက် နည်းပညာကိုလည်း အတိုင်းအတာတစ်ခုထိ လေ့လာထားပါသည်။ ၂၀၁၇ခု သြဂုတ်လ ၁၀ရက်နေ့က Handset အလွတ်တစ်ခုထဲရှိ တယ်လီနောဆင်းကတ် ဖုန်းဘေလ်လျော့နည်းနေသဖြင့် Top-Up ငွေဖြည့်ကတ် ၁၀၀၀ ကျပ်တန် ဝယ်ယူခဲ့ပြီး ငွေဖြည့်ခဲ့ပါသည်။ Facebook ကို ၅ မိနစ်ခန့်သုံးခဲ့ပါသည်။ Download မလုပ်ခဲ့ပါ။ Auto download များလည်း မလုပ်ထားခဲ့ပါ။ ကုတ်နံပါတ် *124#call ဖြင့် လက်ကျန်ငွေကို စစ်ဆေးကြည့်ခဲ့သောအခါ ၁၂၇ကျပ်သာ ကျန်တော့သည်ကို တွေ့ရပါသည်။ မကျေနပ်သဖြင့် နောက်ထပ် တယ်လီနော ဆင်းကတ်တစ်ခုကိုယူ၍ လက်ကျန်ငွေကို ပထမစစ်ဆေးပြီး Top-Up ငွေ ၁၀၀၀ကျပ်ကို ထပ်ထည့်ပါသည်။ ကံဆိုးနေလို့လားတော့ မသိပါ။ ဒုတိယ sim card ဖြင့် စက္ကန့် ၃၀ စာ ဖုန်းခေါ်ခဲ့ပြီး ငွေစစ်ကြည့်ခဲ့သောအခါ ငွေ ၈၅၀ကျပ် ပါသွားပြန်သည်။ ထို့ကြောင့်စာရေးသူ သည် ဒေါသအတော်အတန် ထွက်သွားမိခဲ့သည်။ ဖုန်းကွန်ရက်စနစ်ကို ထိမ်းချုပ်နေသည့် ကွန်ပြူတာ စက်များ၏ ဖုန်းဆော့ဝဲများကြောင့် အခုလို ပြဿနာများ ဖြစ်ရကြောင်း ပြင်ပတွင် ကြား နေရသော်လည်း တကယ့်လက်တွေ့တွင် တစ်နေ့လုပ်၊တစ်နေ့စား အခြေခံလူတန်းစားများ၏ ငွေများ အလဟသ ဖုန်းဘစ်လ် ဖြတ်တောက်မှု့ထဲ ပါနေခြင်းသည် “တစ်ရက်၊တစ်ပါတ်၊တစ်လ” မဟုတ်တော့ဘဲ လပေါင်းအတော်ကြာနေပြီ ဖြစ်သဖြင့် လက်ရှိအစိုးရ တာဝန်ရှိသူများအနေဖြင့် ထိုပြဿနာကို အမြန်ဆုံးဖြေရှင်းနိုင်ရန် “call centre” တစ်ခု အမြန်ဆုံးပြုလုပ်ပြီး စာရေးသူ အပါအဝင် ဖုန်းဘေလ် ဖြတ်တောက်ခံရသည့် ပြည်သူလူထု၏အသံ (People’s voice) များကို စစ်တမ်းကောက်နားထောင်ပြီး ထိထိရောက်ရောက် ဖြေရှင်းသင့်သည်ဟု စာရေးသူထင် မြင်မိပါသည်။ စာရေးသူအနေဖြင့်လည်း ကိုယ်သုံးစွဲသည့် မိုဘိုင်းဖုန်း တယ်လီနောဆင်းကတ်နှင့် တယ်လီနော ၁၀၀၀ကျပ်တန် Top- Up ငွေဖြည့်ကတ်ကို ယခုတိုင် အထောက်အထားတစ်ရပ် အနေဖြင့် သိမ်းဆည်းထားပါသည်။ လိုအပ်လျှင် သက်သေပြနိုင်ရန် ဖြစ်ပါသည်။ အချို့ကလည်း စာရေးသူအား “ဆရာတယ်လီနောမှ ငွေချေးထားလျှင် အခုလိုဖြတ်သည်” ဟု ပြောပါသည်။ စာရေး သူအနေဖြင့် မည်သည့် operator ဆီကမျှ ဖုန်းဘစ်လ်ငွေချေးခြင်းမရှိခဲ့ဖူးပါ။ “ဆွမ်း ဆန်ထဲ ကြွက် ချေး ရောသလို” ဆင်းကတ်တစ်ခုကို ကြိုက်သလိုသုံးပြီး ထိုဆင်းကတ်ကို အကြောင်းအမျိုးမျိုး ကြောင့် မစွန့်ပစ်မှီ ဖုန်းအော်ပရေတာ တစ်ခုဆီမှ ငွေချေးကာ ငွေကုန်အောင်သုံးစွဲပြီး ဖုန်းဆင်းကတ် အစဖျောက်ပစ်သူ မရိုးသားသည့် လူတစ်စုကြောင့်သော်လည်း၊ promotion တွေ၊ bonus တွေ၊ အပြိုင်အဆိုင်ပေးခဲ့ပြီး တွက်ချေကိုက်ရန် ရည်ရွယ်ချက်ဖြင့်သော်လည်းကောင်း ‘ငါးကြင်းဆီနှင့် ငါးကြင်းကြော်၊ ခေါင်းပုံဖြတ်၊ အမြတ်ထုတ်သည့်၊ ရိုးသားပွင့်လင်းမှုမရှိသည့် လုပ်ရပ်မျိုး’ ကို Telenor အပါအ၀င် လက်ရှိ ဆက်သွယ်ရေးဝန်ဆောင်မှုများ ပြုနေသည့် အော်ပရေတာများကို လွှတ်တော်မှ ဥပေဒတစ်ခု အမြန်ဆုံးရေးဆွဲပြီး ပြည်သူလူထု၏ ဆုံးရှုံးနစ်နာနေမှုများကို ထိထိရောက်ရောက် အကောင်အထည်ဖော်သင့်ပါကြောင်း လေးလေးနက်နက် တိုက်တွန်း အကြံပြုလိုက်ပါတယ်။

လေးစားလျက်
ဂျက်ဖရီတင်အုန်း (ရန်ကုန် စက်မှု့တက္ကသိုလ် R.I.T)

August 20, 2017
“ယာဉ်ကြောပိတ်ဆို့၊ လိပ်လိုသွားနေရခြင်းမှ ကင်းဝေးရအောင်”

လှည်းတန်း မှ ယာဉ်ကြောပိတ်ဆို့မှု Photo: Aung Myin Ye Zaw / The Myanmar Times

မဟာရန်ကုန်မြို့ရဲ့လူဦးရေမှာ ၇သန်းကျော်လောက်ရှိကြောင်းစာရေးသူဖတ်ဖူးပါသည်။ ရန်ကုန်တိုင်းဒေသကြီးရှိ ၄၅ မြို့နယ်မှ ပြည်သူလူထုအများစုသည် ရုံးဆင်း၊ရုံးတက်၊ ကျောင်းကြို၊ ကျောင်းပို့၊ ဈေးရောင်း၊ ဈေးဝယ် အသက်မွေးဝမ်းကြောင်းမှု့ပြုရန် နေ့တဓူဝ ကိုယ်ပိုင်ကားများဖြင့် လည်းကောင်း၊ အငှားယာဉ်များဖြင့်လည်းကောင်း၊ လိုင်းကားများ(ယခု YBS ယာဉ်လိုင်းများ) ဖြင့် လည်းကောင်း၊ မီးရထားများဖြင့်လည်းကောင်း၊ ဟိုဖက်ကမ်း၊ ဒီဖက်ကမ်း မြစ်ကူးရန်အတွက် လှေ၊ သင်္ဘောများဖြင့်လည်းကောင်း မဖြစ်မနေ သွားလာလှုပ်ရှားနေရပါသည်။

တစ်နေ့ ရုံးဆင်းချိန် မိုးသည်းထန်စွာရွာသဖြင့် YBS အမှတ် ၇ ယာဉ်လိုင်းမှာလည်း အလွန် ကြပ်သဖြင့် အိမ်အပြန်စောရောက်ချင်တဲ့ အတွက် အငှားယာဉ် Taxi တစ်စီးကို ပန်းဆိုးတန်းထိပ်မှ သင်္ဃန်းကျွန်းသို့ ၃၅၀၀ကျပ်ပေးကာစီးခဲ့ရပါသည်။ အငှားယာဉ်မောင်းသည် အပြောကောင်း၊ သဘောကောင်း၊ စာပေဗဟုသုတ နှံ့စပ်သူတစ်ဦးဖြစ်သည့်အပြင် ရန်ကုန်မြို့မှာမွေး၊ ရန်ကုန်မြို့လယ်မှာ ကြီးပြင်းခဲ့သူ အသက်၁၆နှစ်သားမှ ယခုအသက် ၆၈နှစ်အထိ ယာဉ်မောင်း အတွေ့အကြုံရှိသူတစ်ဦးဖြစ်ပါသည်။ မဟာရန်ကုန်မြို့၏ ယာဉ်သွားယာဉ်လာထူထပ်၍ ခရီးသွားပြည်သူလူထုများ ကားပေါ်အချိန်ကုန်ကာ စိတ်ပမ်း၊လူပမ်းဖြစ်ရပုံတို့ကို စကားစမြည် ပြော ဆိုဆွေးနွေးဖြစ်ခဲ့ပါသည်။ ဒါကြောင့် ဗဟုသုတအကြံဥာဏ်များ သူ့ထံမှ အမြောက်အမြားရရှိခဲ့ပါ သည်။ ထို့ကြောင့်လည်း စာဖတ်ပရိသတ်ကြီးနှင့်တကွ ရန်ကုန်တိုင်းဒေသကြီး တာဝန်ရှိသူတွေကို စာရေးသူတစ်ယောက်အနေနဲ့ ခရီးသွားပြည်သူလူထု နေ့စဉ်ရင်ဆိုင်ကြုံတွေ့နေရသောပြဿနာ အချို့ကို မိမိတတ်စွမ်းသလောက် ကူညီဖြေရှင်းပေးလိုစိတ်များ ဖြစ်ပေါ်မိ၍ ဤဆောင်းပါးကို ရေးသားရခြင်းဖြစ်ပါသည်။

မြန်မာနိုင်ငံတွင် ယာဉ်များကို ညာဖက်(လက်ယာရစ်ဘက်) မောင်းစနစ်ဖြင့် မောင်နှင်ခွင့် ပြုထားပါသည်။ ဘယ်ဖက်(လက်ဝဲရစ်ဘက်) မောင်းနှင်ခဲ့ပါက ယာဉ်စည်းကမ်း ဖောက်ဖျက်ကျူး လွန်ရာရောက်သဖြင့် ယာဉ်ထိန်းရဲက အရေးယူလိမ့်မည် ဖြစ်ပါသည်။ လမ်းပြောင်းပြန်မောင်းသည့် သဘောဖြစ်သွား၍ ဖြစ်ပါသည်။

အရှေ့တောင်အာရှနိုင်ငံများ၊ အာရှနိုင်ငံများနှင့် ဥရောပနိုင်ငံအများစုတွင် လက်ဝဲရစ်မောင်း စနစ်ကို ယနေ့တိုင်ကျင့်သုံးနေဆဲဖြစ်ပါသည်။ မြန်မာနိုင်ငံတွင် ယခင်က ထိုလက်ဝဲဖက်ယာဉ်ကြောမှ မောင်းနှင်သည့်စနစ်ရှိခဲ့ဖူးပါသည်။ ၁၉၇၀ခု ဝန်းကျင် မြန်မာ့ဆိုရှယ်လစ်လမ်းစဉ် ပါတီခေတ်တွင် Left side ယာဉ်ကြောမှ မောင်းနှင်နေသည့်စနစ်မှ Right side ညာဖက်ယာဉ်ကြောမှ မောင်းနှင် သည့်စနစ်ကို ပြောင်းလဲကျင့်သုံးခဲ့ကြောင်း ယာဉ်မောင်းအဖိုးအိုတစ်ဥိးက စာရေးသူအား ရှင်းပြခဲ့ ဖူးပါသည်။

အမေရိကန်နိုင်ငံပြီးလျှင် ဂျပန်နိုင်ငံသည် ကားထုတ်လုပ်ရာတွင် စံချိန်တင်သော နိုင်ငံဖြစ်ပါ သည်။ မြန်မာနိုင်ငံသည် ဂျပန်နိုင်ငံထုတ်ကားများကို ယနေ့တိုင်မှာယူ တင်သွင်း အသုံးပြုနေရသော နိုင်ငံဖြစ်ပါသည်။ ဂျပန်နိုင်ငံသည် ကမ္ဘာ့နိုင်ငံအများစုသို့ ကားတင်ပို့ရာတွင် steering (စတီရာတိုင်)အား ကား၏ညာဖက်တွင်ထားကာ တတ်ဆင်ထုတ်လုပ်ပြီး လက်ဝဲရစ်ယာဉ်ကြော မောင်းစနစ်နှင့် အံ့ဝင်ခွင်ကျ ဖြစ်အောင် ထုတ်လုပ်လျက်ရှိပါသည်။ လက်ဝဲရစ်ယာဉ်ကြောမှ မောင်း နှင်နေစဉ်တွင် steering မောင်တံသည် ယာဉ်မောင်း၏ ညာဖက်အခြမ်းတွင် ရှိသဖြင့် ရှေ့ကားကို မြင်နေရသောကြောင့် ကျော်တက်သင့်၊ မသင့် ချင့်ချိန်နိုင်ပါသည်။ သို့သော် ယခင်က တင်သွင်းခဲ့ သော ယာဉ်များသည် လက်ဝဲရစ်မောင်းယာဉ်ကြောစနစ်အတွက် အဆင်ပြေစေရန် ရည်ရွယ်ထုတ် လုပ်ထားသဖြင့် လက်ယာဘက်မောင်း၊ ယာဉ်ကြောများတွင် မောင်းနှင်ရသောအခါ ၂လမ်းမောင်း သွားလမ်းများတွင် ယာဉ်တစ်စီးနှင့်တစ်စီး ကျော်တက်သောအခါ မျက်နှာချင်းဆိုင်မှ မောင်းလာ သောယာဉ်အား တိုက်မိပြီး မတော်တဆ Car Accident များနေ့စဉ်နှင့်အမျှ ကြုံတွေ့နေရပါသည်။ ယာဉ်မောင်းနေရသည့်ဘက်နှင့် စတီရာတိုင်ရှိသည့်ဘက် အံ့မဝင်သောကြောင့်ဖြစ်သည်။

ထိုပြဿနာကိုဖြေရှင်းနိုင်ရန် နောက်တင်သွင်းမည့်ယာဉ်များကို လက်ယာဖက်အခြမ်း မောင်းစနစ်နှင့် အံ့ဝင်ခွင်ကျဖြစ်စေမည့် စတီရာတိုင်(Steering) ဘယ်အခြမ်းတတ် ယာဉ်များကိုသာ နိုင်ငံအတွင်းတင်သွင်းသင့်ပါသည်။ လက်ဝဲဘက်၊ လက်ယာဘက်မောင်းသည့် စနစ်အား ရုတ်တရက်ပြောင်းလဲဖို့ရန်ကား စိန်ခေါ်မှု့များ၊ အဆင်မပြေမှု့များစွာ ရှိနိုင်ပါသည်။

မဟာရန်ကုန်မြို့ရှိ လူစည်ကားရာ နေရာများရှိ လူကူးမျဉ်းကျားများတွင်ပင် ခရီးသည်များ သည် လမ်းဖြတ်ကူးရန်၊ ကားများကိုယာဉ်ကြောပြတ်သည်အထိ စောင့်ဆိုင်းနေရပါသည်။ ယာဉ် အသွားအလာကျဲသွားမှ လမ်းဖြတ်ကူးရသည့် ဒုက္ခကို နေ့စဉ်နှင့် အမျှရင်ဆိုင်ရပါသည်။ အင်္ဂလန်နိုင်ငံလို နေရာမျိုးကို စာရေးသူရောက်ခဲ့စဉ် အရှိန်နှင့်လာသောကားများသည် ခရီးသည် များ လမ်းဖြတ်ကူးမည်ကို မြင်သောအခါ ရပ်တန့်ပေးကြပါသည်။ ကျောင်းသားလေးတစ်ဦး လူကူးမျဉ်းကျားအနီးရှိ Bell ခလုတ်တစ်ခုကို နှိပ်လိုက်ရုံဖြင့် ကားများ အရှိန်လျော့ကာ လမ်းဖြတ် ကူးသူများကို ဦးစားပေးသည့် ယဉ်ကျေးမှု့မှာ မှတ်သား ဂုဏ်ယူဖွယ်ရာကောင်းလှပါသည်။

ယနေ့ ရန်ကုန်မြို့ရှိ ယာဉ်ကြောပိတ်ဆို့မှု ယာဉ်တန်းရှည်ကြီးများ ဖြစ်ပေါ်ကာ ကားများက “လိပ်သွား သွားနေမှု့” လမ်းခရီးများတွင်ပင် တန်ဖိုးရှိအချိန်များဆုံးရှုံးကာ ရုံးဆင်း၊ရုံးတက် အလုပ်သွား၊ အလုပ်ပြန်၊ကျောင်းတက်၊ကျောင်းဆင်း စသည်တို့ နောက်ကျမှု့တို့ကြောင့် စိတ်ဖိစီး မှု့များကို နေ့စဉ်နှင့်အမျှ ခံစားနေရပါသည်။ ရန်ကုန်မြို့နေ ပြည်သူလူထုကြီး ထိုရင်ဆိုင်ကြုံတွေ့ နေရသော စိန်ခေါ်မှု့များကို လျော့နည်း၊လျော့ပေါ့သွားစေရန် ပြည်သူလူထုနှင့် အစိုးရတာဝန်ရှိ ပုဂ္ဂိုလ်များ၊ နှစ်ဦးနှစ်ဘက် ပူးပေါင်းဆောင်ရွက်ဖို့လိုပါသည်။ ဥပမာ- ယာဉ်မောင်းများအနေဖြင့် လူကူးမျဉ်းကြားအနီး၊ မီးပွိုင့်များအနီး၊ သင်္ဘောဆိပ်များ၊ မီးရထားဘူတာရုံများအနီး လူစည်ကားသည့် ဈေးများ၊ ကျောင်းများအနီးတွင် ခရီးသည် အတင်အချကို အချိန်ကြာမြင့်စွာ လုပ်နေခြင်း၊ အငှားယာဉ်များ အနေဖြင့် ထိုနေရာများတွင် ခရီးသည်ရရန်၊ အချိန်ကြာမြင့်စွာ စောင့်ဆိုင်းနေခြင်း စသည်တို့ ကင်းဝေးပပျောက်သွားစေရန် CCTV- ကင်မရာများကို လုံလုံ လောက်လောက် အသုံးပြုကာ မှတ်တမ်းတင်စေပြီး ကျူးလွန်သူများကို ပညာပေးကာလများ ကန့် သတ်၍ အရေးယူ အပြစ်ပေးခြင်းများကို ပြုလုပ်ရပေမည်။

ပုံမှန်ညာဘက် ယာဉ်ကြောမှ မောင်းနှင်နေသောကားများကို ကွေ့ကြောပေးလိုပါက ညာ ဖက်လမ်းများရှိရာဖက်သို့သာ ကွေ့ကြောပေးသင့်ပါသည်။ အကယ်၍ ညာဘက်ယာဉ်ကြော အတိုင်း မောင်းလာနေသော ကားတစ်စီးသည် အကြောင်းကြီး၊ငယ်၊ကိစ္စတစ်စုံတစ်ခုကြောင့် ဘယ် ဘက်အခြမ်းရှိ လမ်းချိုးများကို ချိုးကွေ့လိုက်လျှင် နောက်မှကပ်ပါလာသော ကားနဲ့ဖြစ်စေ၊ မျက်နှာ ချင်းဆိုင်ယာဉ်ကြောမှ မောင်းလာသော ကားနဲ့ ဖြစ်စေ ရှောင်တိမ်း ကျော်ဖြတ်ရင်း ယာဉ်ကြော ပိတ် ဆို့မှု့ ပြဿနာကို ကြိမ်ဖန်များစွာ ဖြစ်စေနေပါသည်။ ထို့ကြောင့် ၂ လမ်းမောင်းစနစ်ခွင့်ပြုထားသည့် ယာဉ်ကြော၌ ကွေ့ကြောကို ညာဖက်အခြမ်းရှိ လမ်းတို၊ လမ်းရှည်များအတွက်သာ ရည်ရွယ်၍၊ ညာဖက်ကွေ့ကြောမောင်းနှင်သည့်စနစ်ကို ကျင့်သုံးသင့်ပါသည်။

ထို့အပြင် ခရီးသွားလူထုများ၊ အသွားအလာကျဲသည့်၊ အသွားအလာနည်းသည့်၊ ယာဉ်ကြောများရှိရာဖက်တွင် တစ်လမ်းမောင်းစနစ်ယာဉ်ကြောကို သတ်မှတ်သင့်ပါသည်။ အဝိုင်း ပတ်လမ်းများရှိရာနေရာမျိုးတွင် မီးပွိုင့်များထားခြင်းသည် ယာဉ်အသွားအလာကိုပို၍ ထူထပ်များ ပြားစေပြီး ယာဉ်ကြောပိတ်ဆို့မှု့ကို ဖန်တီးပေးသလို ဖြစ်စေပါသည်။

ရုံးချိန်၊ ကျောင်းဆင်း၊ ကျောင်းတက်ချိန်များတွင် ပင်မလမ်းမကြီး (Main Road)များပေါ် တွင် ရပ်တန့်နေသော ကားမှန်သမျှကို အချိန်တို အကန့်အသတ်တစ်ခုပေးကာ ခွင့်ပြုပေးပြီး သတ်မှတ်ချိန်ကျော်လွန်သွားပါက Video Camera များဖြင့်ပါ မှတ်တမ်းတင်စေပြီး ကျူးလွန်သူများ ကိုအရေးယူ အပြစ်ပေးသင့်ပါသည်။

မည်သို့ပင်ဆိုစေ ရန်ကုန်မြို့နေ ပြည်သူအများစုကြီးသည် YBS ယာဉ်များကိုသာ အားကိုးပြီး စီးနေရသူများဖြစ်၍ စာရေးသူ အကြံပြုသည့်အတိုင်း တိတိကျကျ လုပ်ဆောင်နိုင်ပါက ယာဉ်ကြော ပိတ်ဆို့မှု့များသည် အတိုင်းအတာတစ်ခုထိ လွယ်ကူပြေလည်သွားမည်ကို ထင်မြင်မိပါကြောင်း အကြံပြုလိုပေသည်။

ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု့ အာဏာပိုင်အဖွဲ့ (YRTA) က YBS ယာဉ်လုပ်သားများ၊ ယာဉ်စည်းကမ်း၊လမ်းစည်းကမ်း ဖောက်ဖျက်မှု့နှင့် သတ်မှတ်ထား သည့် စည်းကမ်းများ၊ မလိုက်နာခြင်းများကို YBS Complain Center ဖုန်း ၀၉-၄၄၉၂၁၆၅၇၈ ကို ဆက်သွယ်တိုင်ကြားနိုင်ခြင်းသည်လည်း ယာဉ်ကြောပိတ်ဆို့မှု့ကို ကူညီဖြေရှင်းရာတွင် အပေါင်း လက္ခဏာဆောင်သော လုပ်ဆောင်ချက် တစ်မျိုးပင် ဖြစ်ပါသည်။ နှစ်ပေါင်းများစွာ ပျက်စီးနေသော စ်ိတ်ဓာတ်များ၊ အကျင့်စရိုက်များကို အများပြည်သူလူထု အကျိုးကို မျှော်ကိုး၍ မိမိတို့ ကိုယ်တိုင်က စတင်ပြီး နည်းမှန်၊ လမ်းမှန် ပြုပြင်ကြပြီး အခက်အခဲဟူသရွေ့ကို ဝိုင်းဝန်းဖြေရှင်းကြပါစို့ဟု တိုက်တွန်းအပ်ပါသည်။

ဂျက်ဖရီတင်အုန်း(ရန်ကုန်စက်မှု့တက္ကသိုလ် R.I.T )

August 12, 2017
“ရှစ်လေးလုံး အရေးတော်ပုံကြီးက လူထုကို ဘာသင်ခန်းစာတွေပေးခဲ့လဲ”

သြဂုတ် ၈ ၊ ၂၀၁၇

မြန်မာပြည်အဝန်း ရဟန်းရှင်လူ၊ကျောင်းသားပြည်သူလူထုအပေါင်း၊ မြန်မာ့ဆိုရှယ်လစ် လမ်းစဉ် ပါတီ (မဆလ) တစ်ပါတီ အာဏာရှင်စနစ်ကို ဆန့်ကျင်သောအားဖြင့်် အံတုဆန္ဒပြခဲ့သည့် ရှစ်လေးလုံး (၈-၈-၁၉၈၈) နှစ်ပတ်လည် အခမ်းအနားကြီးသည်လည်း ၂၀၁၇ခု သြဂုတ်လ ၈ ရက် အင်္ဂါနေ့တွင် ၂၉နှစ်ပြည့်ပြီဖြစ်သည်။ ထိုရှစ်လေးလုံး အရေးတော်ပုံကြီးတွင် လူသတ်၊ခေါင်းဖြတ်၊ မင်းမဲ့စရိုက်များရှိခဲ့ကြောင်း၊ ဇောင်းပေးဖော်ပြပြီးပြောဆိုနေသူများ၊ လူမှု့ရေးကွန်ရက်များပေါ်တွင် ထိုအရေးတော်ပုံကြီးအား သေးသိမ်အောင်၊ အကျည်းတန်အောင်၊ လူနည်းစုအခွင့်ထူးခံ အာဏာ စနစ်ကို ခုံမင်စွဲမက်နှစ်သက်သူများအလိုကျ ရေးသားနေသူများကိုတွေ့ရသောအခါ “ဆင်သေကို ဆိတ်သားရေဖြင့် ဖုံး၍မရ ”ဟူသော ဆိုရိုးစကားလေးက အမှန်တရားဖော်ထုတ်သူများဘက်က သက်သေခံနေပေသည်။

ရှစ်လေးလုံးဒီမိုကရေစီအရေးတော်ပုံကြီး ဖြစ်ပေါ်ခဲ့ရခြင်းသည် မဆလတစ်ပါတီ အာဏာ ရှင် ဦးနေဝင်းအစိုးရ၏ နောက်ခံသမိုင်းဆိုးများကြောင့် ဖြစ်ပေသည်။ အတိုချုပ်တင်ပြရလျှင် ၁၉၆၂ ခု မတ် ၂ရက်နေ့တွင် ဗိုလ်ချုပ်ကြီးနေဝင်းဦးဆောင်သော စစ်အစိုးရသည် ပြည်သူလူထုကြီးရွေး ကောက်တင်မြှောက်ထားခဲ့သော ပါလီမန်ဒီမိုကရေစီ အစိုးရအား အာဏာသိမ်းခဲ့သည်။ ၁၉၆၂ခု ဇူလိုင်လ ၇ရက်နေ့တွင် သမိုင်းဝင် ရန်ကုန်တက္ကသိုလ်ဝင်းအတွင်းရှိ တက္ကသိုလ်ကျောင်းသားသမဂ္ဂ အဆောက်အအုံကြီးကို ဒိုင်းနမိုက်ဖြင့်ဖြိုခွင်းခဲ့သည်။ တက္ကသိုလ်ကျောင်းဝင်းအတွင်းရှိ ဆန္ဒပြ ကျောင်းသား၊ကျောင်းသူများအား လက်နက်အားကိုးကာ အကြမ်းဖက် ဖြိုခွင်းခဲ့မှု့ကြောင့် ကျောင်း သားတစ်ရာနီးပါး အသက်ဆုံးပါးခဲ့ရသည်။ ၁၉၇၄ခု နိုဝင်ဘာ ၂၅ ရက်နေ့တွင် အမေရိကန်ပြည် ထောင်စုတွင် အဆုတ်ကင်ဆာဖြင့် ကွယ်လွန်သွားခဲ့သော ကမ္ဘာ့ကုလသမဂ္ဂ အထွေထွေအတွင်း ရေးမှူးချုပ်ဟောင်း ဦးသန့်၏ဈာပဏကို ရန်ကုန်မြို့ရှိ ကျိုက္ကဆံကွင်းရှေ့ သင်္ချိုင်းတွင်ထားရာမှ ကျောင်းသားများ မကျေနပ်ဆန္ဒပြကာ ရန်ကုန်တက္ကသိုလ်ဝင်းအတွင်း သမဂ္ဂအဆောက်အဦးရှေ့ တွင် ရုပ်ကလပ်ကို ဂူသွင်းရာမှ အာဏာသိမ်းခေါင်းဆောင် ဗိုလ်ချုပ်ကြီးဦးနေဝင်း၏ အမိန့်ပေးလမ်း ညွှန်မှု့ကြောင့် စစ်အင်အားသုံးအကြမ်းဖက်ဖြိုခွင်းရာမှ ကျောင်းသားအများအပြား သေဆုံးဒဏ်ရာ ရကာ ကျောင်းသားများ၏ သမိုင်းသွေးများကား မှတ်တမ်းဝင်သွားခဲ့ပေသည်။ ထို့အပြင် မဆလအစိုး ရသည် ၁၉၇၆ခု မတ်လ ၂၃ရက်နေ့တွင် မှိုင်းရာပြည့် အရေးအခင်းကိုလည်းကောင်း၊ ဆန်ရှားပါးမှု့ ပြဿနာကိုအာရုံလွဲလိုသောကြောင့် ၁၉၆၇ခုနှစ် ဇွန်လ ၂၂ရက်နေ့တွင် တရုတ်၊ဗမာအရေးအခင်း ကိုလည်းကောင်း၊ ၁၉၈၇ ခုနှစ်တွင် ပြည်၊တောင်ကြီး စသည့်မြို့များ၌ ကုလား-ဗမာ လူမျိုးရေး၊ ဘာသာရေး အဓိကရုဏ်းများကိုလည်းကောင်း ဖန်တီးကာ နိုင်ငံရေးပြဿနာများကို အာရုံလွဲကာ တိုင်းပြည်ကို ၂၆ နှစ်ကြာအုပ်ချုပ်ခဲ့ပေသည်။

ထို့ကြောင့်လည်း မြန်မာ့ဆိုရှယ်လမ်းစဉ်ပါတီ (မဆလ)ပါတီကြီးတွင် လက်ညှိုးထောင် ခေါင်းညိတ်လူပုတ်သင်ညိုများ အပေါ်ဖား အောက်ဖိ အရည်အချင်းမရှိ အချောင်သမား လူတန်းစား များ မဆလအစိုးရထဲတွင် ဒုနဲ့ဒေးဖြစ်လာခဲ့တော့သည်။ တစ်ချိန်က ပါလီမန်ဒီမိုကရေစီခေတ်က စင်္ကာပူထက်သာလွန်ခဲ့သော မြန်မာနိုင်ငံတော်ကြီးသည် ကမ္ဘာ့ဖွံ့ဖြိုးတိုးတက်မှု့ အနှေးကွေးဆုံး (Least Developed Country- LDC ) စာရင်းဝင်နိုင်ငံတစ်ခုဖြစ်သွားခဲ့ရပေသည်။

ထို့အပြင် ပြည်သူလူထု၏ ချွေးနည်းစာငွေများဖြစ်သည့် ၁၀၀ကျပ်တန်၊ ၉၀ကျပ်တန်၊ ၄၅ကျပ်တန်၊ ၃၅ကျပ်တန် ငွေစက္ကူများ သုံးစွဲနေခြင်းကို တရားမဝင်ငွေများဖြစ်ကြောင်း အမိန့်အာဏာဖြင့် ထုတ်ပြန်ခဲ့ခြင်း၊ ရန်ကုန်စက်မှုတက္ကသိုလ် (R.I.T) ကျောင်းဝင်းအတွင်း ဆန္ဒပြ ကျောင်းသား ၂ ဦးဖြစ်သည့် ကိုဖုန်းမော်နှင့် ကိုစိုးနိုင်တို့ကို လုံထိန်းရဲများ၏ ပစ်ခတ်မှု့ကြောင့် သေဆုံးခဲ့ရသည်ကို နောက်နေ့နိုင်ငံပိုင်သတင်းစာများတွင် အချွန်ဖြင့်ထိုးမိ၍ သေဆုံးခဲ့ကြောင်း မုသားသုံးလိမ်ညာကာ မဆလအစိုးရ တာဝန်ရှိသူများက ထုတ်ပြန်ခဲ့ခြင်းသည် ကျောင်းသားထု၏ လောင်မြိုက်နေသော ဒေါသမီးကို လောင်စာဆီပက်ဖြန်းသလိုဖြစ်ခဲ့ပြီး အခြားဝိဇ္ဇာ၊သိပ္ပံ တက္ကသိုလ် များကိုပါ ပြန့်နှံ့ရောက်ရှိခဲ့ပြီး ကျောင်းသားများက ထိုအကြမ်းဖက်လုပ်ရက်ကို ပြစ်တင်ရှုတ်ချခဲ့ပြီး ကျူးလွန်သူများကို အမြန်ဆုံးစုံစမ်းဖော်ထုတ် အရေးယူပေးရန်အစိုးရထံ တောင်းဆိုခဲ့သော်လည်း ထူးမခြားနားသာဖြစ်ခဲ့ပါသည်။ ထုိ့အပြင် မဆလတစ်ပါတီ အာဏာရှင်ကြီး ဦးနေဝင်းသည် ရန်ကုန် မြို့၊ ကျိုက္ကဆံ အားကစားကွင်းအတွင်း ပြည်နယ်တိုင်း ၁၄ခု ကိုယ်စားပြု အရေးပေါ်ညီလာခံကြီး တွင် ကျောင်းသား၊ ကျောင်းသူများအပါဝင်၊လူထုတစ်ရပ်လုံးကို ရည်ညွှန်းကာ “စစ်တပ်ဆိုတာ ပစ်ရင်၊ တည့်တည့်ပစ်တယ်။ မိုးပေါ်ထောင်မပစ်ဖူး” ဟု လူမိုက်ဆန်ဆန် တာဝန်ယူမှု၊တာဝန်ခံမှု ကင်းမဲ့စွာ ပြောဆိုခဲ့မှု့ကြောင့် ၈-၈-၈၈ ခုနှစ်တွင် ရန်ကုန်မြို့၌ ကျောင်းသား၊ကျောင်းသူများ ဦးဆောင်ကာ ဒီမိုကရေစီအရေးတောင်းဆို ဆန္ဒပြပွဲများ ဖြစ်ပေါ်ခဲ့ရပါသည်။ နောက်ဆက်တွဲရလာဒ် အနေဖြင့် ပါတီဥက္ကဋ္ဌ ဦးနေဝင်းသည် တရားဝင်နှုတ်ထွက်ခဲ့ပြီး၊ ဦးစိန်လွင် သမ္မတဖြစ်လာခဲ့သည်။

အာဏာရ သမ္မတဦးစိန်လွင်သည် တပ်မ ၂၂ စစ်တပ်အင်အားကိုသုံးကာ လက်နက်ဆိုလို့ အပ်တို တစ်ချောင်းမျှမရှိသော ဆန္ဒပြကျောင်းသား၊ကျောင်းသူများကို “ဗကပ”ယူဂျီ (ဗမာပြည်၊ ကွန်မြူနစ်ပါတီဝင် မြေအောက်အဖွဲ့အစည်းဝင်များ)ဟု တံဆိပ်မည်းတပ်ကာ သူ့စစ်တပ်အား အဆိပ်မှိုင်းများ သွတ်သွင်းကာ မတရားဝါဒဖြန့်ခဲ့ပါသည်။ ထို့ကြောင့်လည်း အလယ်တန်း၊ အထက် တန်း အဖြူအစိမ်းဝတ် ကျောင်းသား၊ကျောင်းသူလေးများ ရင်ဘတ်များ၊ကျောများ ပွင့်ထွက်ကာ၊ မြင်မကောင်း၊ ရှု့မကောင်း ကြေကွဲဖွယ် သေပွဲဝင်ခဲ့ရသည်ကို စာရေးသူမျက်မြင်ကိုယ်တွေ့ဖြစ်ပါ သည်။ ထိုကဲ့သို့သွေးစွန်းခဲ့သော အဓမ္မလုပ်ရပ်များကို မခံနိုင်လွန်းသော ရဟန်းရှင်လူ၊ ပြည်သူလူ ထုကြီးသည် ပြည်နယ်နှင့်တိုင်း မြို့ကြီးပြကြီးများတွင် အာဏာရှင်စနစ်ဆန့်ကျင်ရေး၊ဆန္ဒပြပွဲများကို ပြုလုပ်ခဲ့ကြသည့် “လူပင်လယ်လှိုင်းလုံးကြီးများ”သည် မြန်မာ့သမိုင်းတွင် မော်ကွန်းတင်ခဲ့ပေသည်။

ရှစ်လေးလုံး ဒီမိုကရေစီအရေးတောင်းဆိုဆန္ဒပြပွဲကြီးတွင် မဆလအစိုးရ၏ အကြမ်းဖက် ဖြိုခွင်းမှု့ဒဏ်ကို အခံရဆုံးမှာ ရန်ကုန်တိုင်းရှိ ဒီမိုကရေစီအင်အားစုများပင်ဖြစ်ပါသည်။ တစ်တိုင်းပြည်လုံးရှိ ဒီမိုကရေစီအင်အားစုများ၏ ဆက်တိုက်ဆန္ဒပြ တောင်းဆိုမှု့ကြောင့် ဦးစိန်လွင် သည် (၁၇)ရက်သာ သမ္မတလုပ်နိုင်ခဲ့ပြီး ဥပဒေပညာရှင် ဒေါက်တာ မောင်မောင်သည် တစ်လသာ သမ္မတလုပ်နိုင်ခဲ့ပေသည်။

ဒေါက်တာမောင်မောင် သမ္မတဖြစ်လာသောအခါ စစ်အုပ်ချုပ်ရေးကိုရုတ်သိမ်းပေးခဲ့သည်။ ထို့ကြောင့်လည်း စာပေ၊ဂီတ၊ရုပ်ရှင်လောက၊ရှေ့နေလောက၊တက္ကသိုလ်၊ကောလိပ်များအပြင် ပြည်ထဲရေးဝန်ကြီးလက်အောက် ရဲတပ်ဖွဲ့အချို့၊စ.စ.စ (အထူးစုံစမ်းစစ်ဆေးရေးအဖွဲ့)၊ မီးသတ် တပ်ဖွဲ့စသည်တို့ပါ ဒီမိုကရေစီအရေးတောင်းဆို ဆန္ဒပြပွဲများတွင် ပါဝင်လာကြတော့သည်။

တစ်ပြိုင်နက်တည်းမှာပင် မဆလအစိုးရသည် တိုင်းနှင့်ပြည်နယ်အသီးသီးရှိ အကျဉ်း ထောင်များကို ရည်ရွယ်ချက်ရှိရှိ “ခါ”နေပေသည်။ ထိုကဲ့သို့ မသိမသာထောင်ခါခဲ့ရခြင်း၏ ရည်ရွယ် ချက် (၁) လတ်တလောဆန္ဒပြနေသူ ဒီမိုအင်အားစုများ ထောင်ထဲထည့်ရန် (၂) ရာဇဝင်လူဆိုး သူခိုး ဒုစရိုက်သမားများအား ပြင်ပတွင်ရောက်စေပြီး၊ပြည်သူလူထုကြီး ကျီးလန့်စာ စားသလို၊ နေရင်း ခိုး၊ဆိုး၊လု၊ယက်၊ တိုင်းပြည်မငြိမ်မသက်ဖြစ်သောအခါ စစ်တပ်မှ အာဏာသိမ်းစေရန် အကွက်ချပေးခြင်း။ ဖြစ်သည်ကို ဝါရင့်နိုင်ငံရေးသမားများက သတိပေးခဲ့ပါသေးသည်။ သို့သော် အရာမထင်ပါ။

အမေကမွေး၊ ထောင်ကကျွေးနေသူ ရာဇဝတ်ကောင်ဟောင်းများသည် ဒိမိုကရေစီအရေး တောင်းဆိုဆန္ဒပြနေကြသည့် အုပ်စုများအတွင်း ပြန့်နှံ့ရောက်ရှိသွားခဲ့ပြီး၊ ဇာတိရုပ်များကို ပြကာ တရားဥပဒေစိုးမိုးမှု့ကင်းမဲ့နေသော၊အားနည်းနေသော နေရာများတွင် ဘီလူးဆိုင်းတီးကာ ထွက်လာကြတော့သည်။ မင်းမဲ့စရိုက်ဆန်ဆန် အမှု့အခင်းများကို ရှစ်လေးလုံးဒီမိုကရေစီအရေး တော်ပုံကာလ အတွင်း ကျူးလွန်ခဲ့ကြသောကြောင့် ၈.၈.၈၈ အရေးတော်ပုံကြီးသည် “ဆွမ်းဆန်ထဲ ကြွက်ချေးရောသွားသည့်အလား”၊ “ငခုံးမတစ်ကောင်ကြောင့် တစ်လှေလုံး ပုပ်သွားသည့်အလား” အရုပ်ဆိုးအကျည်းတန်အောင် ဖြစ်ခဲ့ရသည်များလည်းရှိခဲ့ပါသည်။

သမ္မတဒေါက်တာမောင်မောင်၏ မာရှယ်လောစစ်မိန့်များ ရုတ်သိမ်းပြီးသောအခါ စစ်တပ်မှ TE ကားများဖြင့် အစိုးရပိုင်ကုန်လှောင်ရုံများမှ ပစ္စည်းများကို အကြိမ်ကြိမ်သယ်ခဲ့ကြသည်။ မသယ် ဆောင်ပဲ အကြောင်းအမျိုးမျိုးကြောင့်ထားခဲ့သော ပစ္စည်းများကို ထိုရပ်ကွက်အနီးအနားရှိ သေမထူး နေမထူး ဆင်းရဲသားများနှင့် ထောင်နန်းစံခဲ့ကြသူများက သွားယူခဲ့ကြသည်။ ပစ္စည်းများကိုယူနေစဉ် မဆလ စစ်တပ်နှင့် ရှောင်တခင်ပက်ပင်းတိုးမိခဲ့ပြီး ပစ်ခတ်ဖြိုခွင်းခံခဲ့ ရသူများလည်းရှိသည်။ ထိုအချိန် မဆလအစိုးရ၏ စစ်ထောက်လှမ်းရေးများကလည်း ဒီမိုအင်အားစုများအကြား ထိုးဖောက် ဝင်ရောက် ပူကပ်၊သွေးခွဲ၊သပ်လျှိုကာ တစ်ဖွဲ့နှင့် တစ်ဖွဲ့အထင်မှား၊အမြင်မှား သံသယများ ဖြစ်ပေါ် ပြီး စည်းလုံးညီညွတ်မှု့ ပြိုကွဲအောင် ပြုလုပ်ခဲ့ပါသည်။ ဥပမာပြောရလျှင် ဒေါ်အောင်ဆန်းစုကြည် ရွှေတိဂုံဘုရားဝင်းအတွင်း လူထုဟောပြောပွဲကျင်းပမည့်နေ့ ရန်ကုန်မြို့လယ်ခေါင်အတွင်း ထိုစဉ်က စစ်ထောက်လှမ်းရေး ဗိုလ်ကြီးအဆင့်ရှိသူနှင့် အပေါင်းပါတစ်စုအား ဒီမိုခေါင်းဆောင်နှင့်ပတ်သက်၍ မဟုတ်မဟ လုပ်ကြံဝါဒဖြန့်စာရွက်များအား လက်ပူး၊လက်ကြပ်ဖမ်းဆီးမိခဲ့ခြင်းသည် ထင်ရှားသော သက်သေသာဓက တစ်ခုပင်ဖြစ်သည်။

မည်သို့ပင်ဆိုစေကာမူ ရှစ်လေးလုံး အရေးတော်ပုံကြီးသည် ယူတတ်လျှင် သင်ခန်းစာများကို ပေးစွမ်းပါသည်။ (၁) စစ်အာဏာရှင်များ၏လက်သုံးစကားတစ်ခုဖြစ်သည့် “အာဏာသည် သေနတ်ပြောင်းဝမှာရှိသည်။”ဟူသောစကားကို ချေဖျက်ခဲ့သည်။ (၂) ပြည်သူတင်း လျှင် ဘယ်အစိုးရမင်းမှ မခံနိုင်ကြကြောင်းကို သက်သေထူခဲ့သည်။ (၃) ပြည်သူလူထုကြီးသည် အာဏာရှင်စနစ်ကို မလိုလားကြောင်း၊မနှစ်သက်တော့ကြောင်းကို ဆန္ဒပြပွဲများကသက်သေပြခဲ့ သည်။ (၄) ပြည်သူလူထု၏ ထောက်ခံမှု့မရှိသော အစိုးရတစ်ရပ်သည် ရေရှည် မရပ်တည်နိုင် ကြောင်း၊အမှန်တရားကိုလိုလားသော၊ ပြည်သူလူထုကြီးသည် မုချဧကန် တစ်နေ့ အောင်ပွဲခံရမည် သေချာကြောင်း စတဲ့အဖိုးတန် သင်ခန်းစာများကို ပေးခဲ့သောကြောင့်လည်း ဒီမိုကရေစီ ခေါင်းဆောင် ယခု နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဦးဆောင်သော အရပ်သားအစိုးရ တစ်ရပ် လက်ရှိ တိုင်းပြည်ကို ဦးဆောင်နေပါကြောင်း ထင်ရှားသော သာဓကတစ်ရပ်ကို တင်ပြလိုက်ပါသည်။

ဂျက်ဖရီတင်အုန်း (ရန်ကုန်စက်မှုတက္ကသိုလ် R.I.T)

August 7, 2017
“ပြည်သူ့ဆေးရုံပေါ်တွေမှာ တောကြောင်များကို သတိထားကြပါစို့လား”

ဆေးရုံ၊ ရဲစခန်း၊ တရားရုံး စသည်တို့သည် လူတိုင်းမသွားချင်ဆုံးသော နေရာများဖြစ်ကြ ပါသည်။ သို့သော် အခြေအနေ အကြောင်းအမျိုးမျိုးကြောင့် ထိုနေရာများသို့ မသွားချင်ပေမယ့် လည်း သွားခဲ့ကြရသူတွေ ရှိကြပါသည်။ ဇူလိုင်လ နောက်ဆုံး အပတ်လောက်က စာရေးသူသည် ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊စံပြ ဆေးရုံကြီးကို ရောက်ရှိခဲ့ပါသည်။ ထိုစံပြ ဆေးရုံကြီးကို ၁၉၉၄ ခုနှစ် စစ်အစိုးရလက်ထက်တွင် တည်ဆောက်ခဲ့ပြီး လူနာကုတင် ၅၀၀ ဆံ့ အ တွက်ရည်ရွယ်ခဲ့ပါသည်။ စံပြဆေးရုံကြီးသည် ရန်ကုန်တိုင်းဒေသကြီး၊ မြောက်ဥက္ကလာပမြို့နယ် တွင် ဖွင့်လှစ်ထားသော ဆေးတက္ကသိုလ်(၂) နှင့် ချိတ်ဆက်ထားသော ဆရာဝန်လောင်းများအ တွက် ဆေးကျောင်းတော်ကြီး တစ်ခုလည်းဖြစ်ပါသည်။ နေ့စဉ်နှင့်အမျှ လူအသက်ပေါင်းများစွာကို ကယ်တင်ပေးနေသော နေရာလည်းဖြစ်ပါသည်။

စာရေးသူ၏ တူတစ်ယောက် အစာအိမ် အူအတက်ရောင်၍ စံပြပြည်သူ့ဆေးရုံကြီးသို့ ည ၁၀ နာရီတွင်တင်ပြီး အရေးပေါ်ခွဲစိတ်ကုသမှု့ခံလိုက်ရပါသည်။ လူနာကြည့်ရန် ခွဲစိပ်ပြီး နောက်နေ့ ဆေးရုံသို့ရောက်ရှိခဲ့ပါသည်။ ခွဲစိပ်လူနာများအား ဒုတိယထပ် အဆောင်(B) တွင် ထားရှိပြီး စိုးရိမ် စရာမလိုသော ခွဲစိတ်ခံလူနာများအား အပေါ်ဆုံးထပ် တိုးချဲ့ဆောင်သို့ ပို့ထားလေ့ရှိပါသည်။

အရပ်သားအစိုးရလက်ထက်တွင် အပြုသဘောဆောင်သော တိုးတက်မှု့များကို တင်ပြရ လျှင် တာဝန်ကျဆရာဝန်များ၊ သူနာပြုများသည် လူနာများနှင့် လူနာရှင်များအား ကောင်းမွန်စွာ ဆက်ဆံပါသည်။ ဆေးရုံအတွင်းအပြင် သန့်ရှင်းမှုများလည်း အတော်အတန် ရှိသည်ကို တွေ့ရပါ သည်။ တာဝန်ရှိသူများကို အကြံဥာဏ်ပေးရန် အကြံပေးစာများထည့်ရန် Box ကိုလည်း တွေ့ရပါ သည်။ လေးထောင့်ကန်၊ပဲခူး၊ကော့မှူး စသည်တို့မှလာသော လူနာများကိုတွေ့ရပါသည်။ လူနာ များအတွက် အချို့ဆေးဝါးများကို ဆေးရုံက အခမဲ့ ပေးပါသည်။ အချို့ဆေးဝါးများကို ပြင်ပဆေး ဆိုင်များမှဝယ်ယူပေးရပါသည်။ အစစအရာရာ ကုသစရိတ်များလွန်းလှသော ပုဂ္ဂလိကပိုင် အထူးကု ဆေးရုံများထက် စာလျှင် စံပြဆေးရုံလို ပြည်သူ့ဆေးရုံမျိုးသည် အခြေခံလူတန်းစားများ အတွက် အတိုင်းအတာ တစ်ခုထိ ခရီးရောက်နေသည်ကို စာရေးသူတင်ပြချင်ပါသည်။ ရပ်ဝေးလူနာများ၊ ထမင်းစားချိန်တွင် စားစရာအခက်အခဲရှိလျှင် ပရဟိတ အလှူရှင်များက မကြာခဏ လာရောက် လှူဒါန်းကြသည်ကိုလည်းတွေ့ရပါသည်။

တက်ရောက်နေကြသည့် တက်ရောက်နေကြသည့် လူနာများမှာ ၁၀၀၀ ကျော်ပင်ရှိနိုင်ပါသည်။ ထို့ ကြောင့် ကျန်းမာရေးဝန်ထမ်း အင်အား၊အတိုင်းအတာ၊တစ်ခုထိ အားနည်းနေသည်ကိုလည်း အကြံ ပြုခဲ့ပါသည်။

စိတ်ပျက်စရာမြင်ကွင်းတချို့ကိုတင်ပြရလျှင် ထိုခွဲစိတ်လူနာဆောင်တွင် အရက်နာကျပြီး တက်ရောက်ကုသနေသော လူနာအချို့သည် ဆရာဝန်၊သူနာပြုများ အလစ်တွင် အရက်ခိုးသောက် ပါသည်။ Maskများတတ်ထား၍ တာဝန်ကျ သူနာပြုများ အရက်နံ့မရကြသော်လည်း ဘေးရှိ လူနာ နှင့် လူနာစောင့်များ အရက်နံ့ မွှန်ထူနေသောကြောင့် စိတ်သောက ရောက်ရပါသည်။ ဆေးရုံလာတက်ကြသည့် လူနာများနှင့် လူနာအကူမိသားစုဝင်တိုင်း သောကမီး၊ ဒုက္ခမီးများကို ရင်ဆိုင်ဖြတ် သန်း ကျော်ဖြတ်ရန် ရောက်ရှိလာကြသူများသာဖြစ်ကြပါသည်။

ထို့အပြင် ပြည်သူ့ဆေးရုံသို့ လူနာအကူပုံစံ လူနာသတင်းမေးပုံစံဖြင့် လာရောက်ကြသူများ ထဲတွင် အုတ်ရောရော၊ ကျောက်ရောရောပုံစံဖြင့် “သူခိုးတောကြောင်များ” ခြေရှုပ်နေသည်ကို တစ်လကျော်ကြာ လူနာစောင့်အနေဖြင့် စံပြဆေးရုံကြီးတွင် ရှိနေသူတစ်ဦးက စာရေးသူအား ပြောပြခဲ့ပါသည်။ လက်တွေ့သာဓက တစ်ရပ်အနေဖြင့် ဇူလိုင်လ ၃၀ ရက်တွင် စံပြဆေးရုံ ခွဲစိပ်လူ နာဆောင်သို့ လူနာစောင့်ပုံစံမျိုးဖြင့် ဇနီးမောင်နှံ နှစ်ဦး ရောက်ရှိလာပါသည်။ ဇနီးဖြစ်သူက “သူတို့ သည် ပဲခူးမှလာခဲ့ကြကြောင်း ရွာသာကြီးဘူတာတွင် ငွေ၅ သောင်း အခိုးခံခဲ့ရကြောင်း” အနီးအနား ရှိသူများအား သနားစဖွယ်ကြင်နာအောင် ဟိတ်ဟန်ထုတ်၍ ရှင်းပြပါသည်။ ထိုအချိန်တွင် တော် ဝင်ဖောင်ဒေးရှင်းမှ လူနာများနှင့် လူနာစောင့်များအား စတုဒိသာကျွေးသည့်အပြင် ခြုံစောင်တစ် ထည်နှင့် ထီးတစ်လက်ကိုပါ လှူဒါန်းနေပါသည်။

ခင်ပွန်းဖြစ်သူသည် ထိုစတုဒိသာထုတ်များ၊ထီးနှင့်စောင်ကိုတောင်းယူပြီး ခွဲစိပ်လူနာဆောင် ဒုတိယထပ်သို့ တက်လာပြန်သည်။ ထို့နောက်အိပ်ပျော်နေသော လူနာတစ်ဦးအနီးတွင် တင်ထားသော mobile handset တစ်ခုအား လူနာစောင့်ဂိုက်ဖမ်း၍ ခိုးယူသွားခဲ့သည်ကို ခပ်လှမ်း လှမ်းမှ လူနာအချို့နှင့်လူနာစောင့် အချို့တွေ့မြင်ခဲ့ပါသည်။ အချိန်တော်ကြာပြီး ဖုန်းခိုးခံရသူ လူနာ အိပ်ယာမှနိုးလာသောအခါကျမှ ဖုန်းယူသွားသူသည် လူနာရှင်၊လူနာစောင့် မဟုတ်ဘဲ လူနာစောင့် ဟန်ဆောင်ထား ခိုးယူသွားမှန်း သိလိုက်ရပေသည်။

ယခုလို စီးပွားရေးအကြပ်အတည်းများ၊ လူအများစု ရင်ဆိုင်နေရချိန် ကျန်းမာရေးပြဿနာ များကြောင့် ပြည်သူ့ဆေးရုံကြီးများသို့ အားကိုးတကြီး ဆေးကုသမှု့ခံယူရန် တက်ရောက်ကုသမှု့ ခံကြသောအခါ ဆေးရုံတက်နေစဉ်ကာလ အအိပ်ပျက်၊ အစားပျက် သောကမီးတောက်လောင်နေ သောအခါတွင် ဆေးရုံပေါ်တွင် ကျင်လည်ကျက်စာား အမြှီးရ၊ အမြှီးစား၊ ခေါင်းရ၊ခေါင်းစား နေကြ သော သူခိုးတောကြောင် လူတန်းစားများသည် လူနာဆောင် အသီးသီးသို့ တစ်ခန်းဝင် တစ်ခန်း ထွက် လှည့်လည်ကာ လစ်ရင် လစ်သလို လူနာများ လူနာရှင်များ၏ ဖုန်းဟမ်းဆက် စသည့် ပစ္စည်း များကို ခိုးယူနေကြောင်း စာရေးသူ စုံစမ်းသိရှိရပါသည်။ နေ့စဉ်ဆိုသလို အဆောင်တိုင်းမှ ဖုန်း ပျောက်သူများရှိနေပါသည်။

ထို့ကြောင့် အကြောင်းအမျိုးမျိုးကြောင့် ဆေးရုံတက်သည့်အခါ ဆေးရုံများပေါ်ရှိ တော ကြောင်များ၏ အန္တရာယ်မှ ကင်းဝေးစေရန် အသိ သတိရှိဖို့လိုနေပြီဖြစ်ကြောင်း အကြံပြုတင်ပြလိုက် ပါသည်။

လေးစားလျက်

ဂျက်ဖရီတင်အုန်း (ရန်ကုန်စက်မှု့တက္ကသိုလ် R.I.T)

August 2, 2017