သြဂုတ် ၁၂၊ ၂၀၁၇
မလအွန် ဒုက္ခသည်စခန်းမှ ကရင်အမျိုးသမီး တစ်ဦး
– ကမ္ဘာ့အရှည်ကြာဆုံး ပြည်တွင်းစစ်ဖြစ်ပွားရာ မြန်မာနိုင်ငံကနေ အိုးအိမ်စွန့်ခွာ ထွက်ပြေးလာရတဲ့ ဒုက္ခသည်တွေဟာ ထိုင်း-မြန်မာနယ်စပ်က မိမိကိုယ်ကို သတ်သေနှုန်း မြင့်မားနေတဲ့ စခန်းတွေမှာ အနာဂတ်မဲ့စွာ နေထိုင်နေရပါတယ်။ တတိယနိုင်ငံတွေမှာ နေရာချထားပေးရေး မျှော်လင့်ချက်တွေ ကျဉ်းမြောင်းလာခဲ့တာကြောင့် တစ်ချို့တွေက မြန်မာနိုင်ငံကို ပြန်သွားနေကြပြီး လူ့အဖွဲ့အစည်းထဲ ပြန်လည်ပေါင်းစည်းရေးမှာ စိန်ခေါ်မှုတွေကိုလည်း ကြုံတွေ့နေရပါတယ်။
ဒုက္ခသည် တစ်သောင်းလောက်ရှိတဲ့ မယ်လအွန်ဒုက္ခသည်စခန်းမှာ မီးစက်နဲ့ တစ်ညကို တစ်နာရီလောက်သာ ဓာတ်အားလွှတ်ပေးပါတယ်။ အသက် ၂၁ နှစ်အရွယ် ကွန်ပျူတာဆရာ နေကောထူးတစ်ယောက် မီးရတဲ့အချိန်အများစုကို ဖုန်းအာသွင်းတာ၊ သူနှစ်သက်တဲ့အဆိုတော် ဘရူနိုမားစ်ရဲ့သီချင်း နားထောင်တာတွေ လုပ်လေ့ရှိပါတယ်။ ဒုက္ခသည်စခန်းကနေ လွတ်မြောက်ရင် ကွန်ပျူတာပညာရှင်တစ်ယောက်၊ ဒါမှမဟုတ် ပရိုဂရမ်မာတစ်ယောက် ဖြစ်အောင်ကြိုးစားမယ်ဆိုတဲ့ အိပ်မက်တွေလည်း သူ့မှာ ရှိနေပါတယ်။
ကရင်ပြည်နယ်မှာ မြန်မာအစိုးရစစ်တပ်နဲ့ တိုင်းရင်းသားလက်နက်ကိုင်တွေအကြား နှစ်ပေါင်း ၆၀ ကျော်ကြာ ဖြစ်ပွားခဲ့တဲ့ စစ်ပွဲတွေကြေင့် မြန်မာနိုင်ငံအရှေ့ပိုင်းက ဒုက္ခသည် တစ်သိန်းလောက်ဟာ အိုးအိမ်စွန့်ခွာ ထွက်ပြေးခဲ့ရပါတယ်။ သူတို့ထဲကအများစုဟာ ထိုင်းမြန်မာနယ်စပ်က စခန်း ၉ ခုမှာ နေထိုင်နေရတာပါ။
နေကောထူးဟာ တတိယနိုင်ငံတစ်ခုမှာ ခိုလှုံ့ခွင့်ရဖို့ စောင့်နေတာ ၃ နှစ်လောက်ရှိပါပြီ။ ဒါပမယ့် သူ့မှာ ရွေးချယ်စရာ သိပ်မရှိပါဘူး။ ကုလဒုက္ခသည်များအေဂျင်စီ UNHCR က ဒုက္ခသည်တွေကို တတိယနိုင်ငံမှာ အခြေချနိုင်ဖို့ စာရင်းသွင်းမှုကို ၂၀၁၄ ခုနှစ်မှာ ရပ်နားလိုက်ပြီးနောက်ပိုင်း သူဟာ ထိုင်းနိုင်ငံကို ရောက်လာတာဖြစ်ပါတယ်။
အမေရိကန်မှာ အခြေချရေးဆိုတဲ့ အိပ်မက်နဲ့ နေကောထူးတစ်ယောက် ဒုက္ခသည်စခန်းကို ရောက်လာခဲ့ပေမယ့် စခန်းထဲက တစ်ချို့ကတော့ မျှော်လင့်ချက်မဲ့မှုတွေသာ ပိုမိုတိုးလာခဲ့ပါတယ်။ နယ်စပ်မှာ အကြီးဆုံးဖြစ်တဲ့ မယ်လဒုက္ခသည်စခန်းမှာ လွန်ခဲ့တဲ့ ၂ နှစ်အတွင်းမှာ ဒုက္ခသည် ၂၈ ဦးဟာ မိမိကိုယ်ကို သတ်သေသွားခဲ့ပြီး ၆၈ ဦးကလည်း အဲဒီလို သတ်သေဖို့ ကြံစည်ခဲ့တယ်လို့ နိုင်ငံတကာ ပြောင်းရွှေ့အခြေချသူများအဖွဲ့ (IOM) ရဲ့ လေ့လာမှုက ပြသနေပါတယ်။
ထိုင်းနိုင်ငံက IOM အဖွဲ့အကြီးအကဲ ဒါနာ ဂရာဘာရ် လာဒက်က ဒီနှုန်းဟာ ကမ္ဘာ့ပျမ်းမျှ မိမိကိုယ်ကို သတ်သေမှုနှုန်းထက် ၃ ဆလောက်ရှိတယ်လို့ ဆိုပါတယ်။
၂၀၁၅ ခုနှစ် နိုဝင်ဘာလမှာ နှစ်ဖက်မိသားစုက တော်တော်လေး ချစ်ကြတဲ့ ဇနီးမောင်နှံနှစ်ဦးဟာ ပိုးသတ်ဆေးတွေသောက်ပြီး အဆုံးစီရင်ခဲ့ပါတယ်။
“တကယ့်ကို စိတ်မချမ်းမြေ့စရာပါပဲ” လို့ စိတ်ကျန်းမာရေးဆရာဝန် ဒေါက်တာ ဂရာစီယာ ဖဲလ်မက်သ်က ပြောပါတယ်။
သူမဟာ အဲဒီဇနီးမောင်နှံက အသက် ၁၈ နှစ်အရွယ် ကိုယ်ဝန်ဆောင်အမျိုးသမီးငယ်ကို အခင်းမဖြစ်ပွားခင် ၂ ရက်အလိုမှာ တွေ့ခဲ့သူပါ။
အောက်စဖို့ဒ်တက္ကသိုလ်က ပီအိခ်ျဒီကျောင်းသူ ဖဲလ်မက်သ်တစ်ယောက် ဒုက္ခသည်စခန်းအတွင်း ၂ နှစ်ကြာ သုတေသနတွေအရ အမျိုးသမီးတွေ မီးမဖွားခင်နဲ့ မီးဖွားပြီးနောက်ပိုင်း ဖြစ်ပွားတတ်တဲ့ စိတ်ကျရောဂါလိုမျိုး စိတ်ကစဥ့်ကလျား ဖြစ်စဉ်တွေဟာ ဒုက္ခသည်အမျိုးသမီးတွေကြားမှာ တိုးလာနေတယ်ဆိုတာ တွေ့ခဲ့ရပါတယ်။ သူမကတော့ ဒီလို စိတ်ရောဂါတွေ ဖြစ်နေကြောင်း စောစောစီးစီးသိတာဟာ မိမိကိုယ်ကိုသတ်သေမှုကို တားဆီးဖို့အတွက် သော့ချက်တစ်ခုဖြစ်ပြီး အသက်ရွယ်၊ လိင်အလိုက် ထောက်ပံ့ကူညီရေးအဖွဲ့တွေကလည်း အရေးကြီးတယ်လို့ ဆိုပါတယ်။
မယ်လစခန်းက အမည်မဖော်လိုတဲ့ အခြား အကြံပေးတစ်ဦးကလည်း ဒုက္ခသည်စခန်းတွေအတွင်းမှာ စိတ်ပိုင်းဆိုင်ရာ ကျန်းမာရေးစောင့်ရှောက်မှုတွေ ဆိုးဆိုးဝါးဝါး အားနည်းနေပြီး အထူးသဖြင့် လေ့ကျင့်ပေးထားတဲ့ ကျွမ်းကျင်သူမျိုးမရှိတာဖြစ်တယ်လို့ ဆိုပါတယ်။
အမျိုးသမီး တော်တော်များများက သူတို့ဟာ အနာဂတ်အတွက် စိုးရိမ်ကြောင့်ကြနေကြောင်း၊ တစ်ချို့ကတော့ ကရင်ပြည်နယ်ကို အတင်းပြန်ပို့ခံရမှာ ကြောက်နေကြောင်း ဖဲလ်မက်သ်ကို ပြေကြားခဲ့ပါတယ်။ စစ်ပွဲအနိဌာရုံတွေကြောင့် တွယ်တာစရာမိသားစု၊ ပိုင်ဆိုင်ရာမြေယာတွေ မရှိတော့အတွက်အကြောင့် မပြန်ချင်သူတွေလည်း ရှိနေပါတယ်။
နယ်စပ်မှ မသေချာမှုများ
မယ်လအွန်ဒုက္ခသည်စခန်းရဲ့ အစိတ်အပိုင်းတွေက ရွာတွေလိုဖြစ်နေပြီး အိမ်တွေကို ၀ါးဓနိတွေနဲ့ ဆောက်လုပ်ထားတာပါ။ လူငယ်အချို့ဟာ မြေပြောင်ပြောင်မှာ နှစ်ဖက်ခွဲကာ ပိုက်တားပြီး ကြိမ်လုံးတစ်လုံးကို ခတ်နေကာ ဘေးမှာလည်း လူတွေက ၀ိုင်းကြည့်နေကြပါတယ်။ ဒီကစားနည်းကို ‘ခြင်းလုံးခတ်တယ်’ လို့ခေါ်ပြီး အနု
ထိုင်းမှာ ဒုက္ခသည်တွေဟာ အလုပ်လုပ်ခွင့်မရှိပါဘူး။ တစ်ချို့ဆိုရင် သီးခြားဖြစ်နေတဲ့ ဒုက္ခသည်စခန်းကနေ ထွက်ခဲပါတယ်။
“တရားမ၀င်အလုပ်လုပ်ရင် ထိုင်းအာဏာပိုင်တွေက ကျွန်မကိုဖမ်းပြီး ထောင်ထဲ ထည့်လို့ရပါတယ်” လို့ ထမင်းချက်ဖို့ ဆန်ဆေးနေတဲ့ ကော်ကေပေါက ပြောပါတယ်။ မယ်လအွန် ဒုက္ခသည်စခန်းမှာ မွေးဖွားကြီးပြင်းခဲ့တဲ့ သူမဟာ အသက် ၂၀ အရွယ်ရောက်နေပေမယ့် ပြင်ပကမ္ဘာနဲ့ ထိတွ့ဆက်ဆံဖူးခြင်း မရှိသေးပါဘူး။
အသက် ၂၄ နှစ်အရွယ် စောကူဒဟ်ကတော့ လူငယ်တွေကို စိတ်ပျက်စေတာက နေ့စဉ်နေ့တိုင်း တစ်ပုံစံတည်း ဖြစ်နေတာကြောင့်လို့ ဆိုပါတယ်။ ဒုက္ခသည်တွေက ဦးစီးဖွင့်လှစ်ထားတဲ့ ပညာဒါန ကျောင်းလေးတွေမှာ စာသင်ပြီးသွားရင် ဘာလုပ်ရမယ်ဆိုတဲ့ ရည်ရွယ်ချက်မျိုး လူငယ်တွေမှာ မရှိပါဘူး။
ပြန်လည်နေရာချထားရး အစီအစဉ် ရပ်တန့်သွားတာကြောင့် တစ်ချို့ဒုက္ခသည်တွေက မြန်မာနိုင်ငံကို ပြန်သွားကြပါတယ်။ ပြီးခဲ့တဲ့နှစ် အောက်တိုဘာမှာ UNHCR အကူအညီနဲ့ ပထမဆုံး နေရပ်ပြန်ပို့မှုအတွင်း ဒုက္ခသည် ၇၁ ဦးဟာ သူတို့ဆန္ဒအလျောက် အိမ်ပြန်ခဲ့ကြပါတယ်။
လက်နက်ကိုင်အုပ်စုတွေက ၂၀၀၅ ခုနှစ်မှာ အပစ်ရပ်ရေးသဘောတူညီချက်ကို လက်မှတ်ရေးထိုးပြီးနောက်ပိုင်း ကရင်ပြည်နယ်မှာ ငြိမ်းချမ်းတယ်လို့ ပြောနိုင်ပေမယ့် ပြန်ရောက်လာတဲ့အရေအတွက်က သိပ်ပြီး များများစားစား မရှိပါဘူး။ ကရင် လူ့အခွင့်အရေးအဖွဲ့က စောဝေလေးကတော့ ငြိမ်းချမ်းရေးဟာ အာမခံချက်မရှိဘူးလို့ ဆိုပါတယ်။
“ဒုက္ခသည်တွေပြန်လာဖို့ဆိုတာဟာ စစ်မက်ဇုန်မဖြစ်တော့တာနဲ့ ဆက်စပ်နေပါတယ်။ အစိုးရတပ်ဖွဲ့တွေ၊ စခန်းတွေဟာ ကရင်ဒေသမှာ ဆက်ရှိနေတုန်းပါပဲ”
တိုက်ခိုက်မှုဖြစ်ပွားစဉ်အတွင်းမှာ စစ်တပ်ကရော၊ တိုင်းရင်းသားလက်နက်ကိုင်တွေဖက်ကရော မြေမြှုပ်မိုင်းတွေကို ထင်သလို ချထားမှုကြောင့် ကရင်ပြည်နယ်မှာ မိုင်းတွေကလည်း ပြန့်ကျဲနေပါတယ်။
ဒုက္ခသည်စခန်းကနေ ပြန်ရောက်လာသူတွေ ကြုံတွေ့ရမှုကို စောင့်ကြည့်နေတဲ့ KHRG က လူတစ်ချို့ဟာ လူ့အဖွဲ့အစည်းထဲ ပြန်လည်ဝင်ရောက်ဖို့အတွက် စိန်ခေါ်မှုတွေနဲ့ ရင်ဆိုင်နေရတယ်လို့ ဆိုပါတယ်။
“ပြန်လာလိုက်တာကောင်ပါတယ်” လို့ စောဘီလို့သာ အမည်ပြောတဲ့ အသက် ၂၅ နှစ်အရွယ် အမျိုးသားတစ်ယောက်က သူ့ရဲ့ဇနီးနဲ့အတူ ကြာအင်းဆိပ်ကြီးမြို့နယ်ကို ပြန်ရောက်လာမှုအကြောင်း KHRG ကို ပြောပါတယ်။ နိုဟ်ပိုး ဒုက္ခသည်စခန်းမှာ အထောက်အထားမဲ့ နေထိုင်ခဲ့ရပြီးတဲ့နောက် သူတို့ဟာ နိုင်ငံသားစီစစ်ရေးကဒ်ပြားကို ရရှိခဲ့ပါတယ်။
“လူတစ်ယောက်ဟာ နိုင်ငံသားဖြစ်ခွင့် ရှိပါတယ်” လို့ စောဘီက ဇွန်န၀ါရီမှာ KHRG ကို ပြောပါတယ်။
ဒါပေမယ့် အလုပ်ရှာလို့မရတာကြောင့် UNHCR က ပေးတဲ့ အကူအညီနဲ့ပဲ သူတို့ဟာ ရပ်တည်နေကြပါတယ်။
“ဒီမှာ အရင်ကတည်းက နေလာကြတဲ့ ရွာသားတွေက ကျွန်တော်တို့ကို ခွဲခြားဆက်ဆံချင်တဲ့ပုံပဲဗျ။ အလုပ်ရှိတယ်ုဆိုရင် ကျွန်တော်တို့ကို မပြောချင်တာမျိုး၊ မရစေချင်တာမျိုး ရှိနေတယ်”
မြေနဲ့ အခြားအကူအညီတွေ ရရှိပေမယ့် ဒုက္ခသည်စခန်းကနေ ပြန်လာသူတွေက ရေ၊ ကျောင်းတက်ခွင့်၊ ကျန်းမာရေးစောင့်ရှောက်မှုတွေလို အခြားအရာတွေ မရဘူးလို့ KHRG ကို ပြောပါတယ်။ အလုပ်နဲ့ အခြားဝန်ဆောင်မှုတွေလို အခွင့်အလမ်းမျိုးတွေ မရဘဲနဲ့ ဒုက္ခသည်တော်တော်များများဟာ ပြန်လာနိုင်မှာမဟုတ်ဘူးလို့ စောဝေလေးက ပြောကြားခဲ့ပါတယ်။ တွေ့ကြုံခံစားခဲ့ရတာတွေက စိတ်ထဲစွဲထင်နေတာကြောင့် ဘယ်တော့မှ ပြန်မလာဘူးလို့ တစ်ချို့ဒုက္ခသည်တွေက ပြောခဲ့ကြပါတယ်။
ကရင်သဘာဝပတ်ဝန်းကျင်ဆိုင်ရာ လူမှုကွန်ယက်က ရှာမူးက လူတွေ အစုလိုက်ပြန်လာဖို့အတွက် ကရင်ရွာတွေရဲ့အခြေအနေဟာ မလုံလောက်သေးဘဲ လက်ရှိ စခန်းအတွင်း အကူအညီတွေ ဖြတ်တာက်ထားမှုဟာ ဒုက္ခသည်တွေ အဆင်သင့်မဖြစ်သေးခင် ကရင်ပြည်နယ်ကို ပြန်ဖို့အတွက် ဖိအားဖြစ်စေတယ်လို့ ပြောကြားခဲ့ပါတယ်။
Ref: Newsdeeply
(Refugees Deeply တွင် ဖော်ပြထားသည့် Karen Refugees Wary of Return to Myanmar as Despair Rises in Camps ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)
