Tag: Laliga 2015-2016

သြဂုတ် ၃၀၊ ၂၀၁၅
M-Media

– ရီးယဲလ်ဘက်တစ်အသင်းအား ဂိုးပြတ်နှင့် အနိုင်ရခဲ့သည့်ပွဲတွင် ခြေစွမ်းပြခဲ့သော ရီးယဲလ်တိုက်စစ်မှူး ဂျိမ်းစ်ရော်ဒရီဂက်စ်ကို နည်းပြ ဘန်နီတက်ဇ်က ချီးကျူးလိုက်ပြီး ရော်နယ်ဒို၏ ဂိုးမသွင်းနိုင်မှုကိုလည်း ကာကွယ်ပြောဆိုခဲ့သည်။

လာလီဂါအဖွင့်ပွဲတွင် တန်းတက် စပို့တင်းဂီဂျွန်အသင်းအား ဂိုးမရှိသရေသာ ရခဲ့သည့် ရီးယဲလ်မှာ ယမန်နေ့က ဘက်တစ်အား ၅ ဂိုးပြတ်ဖြင့် အနိုင်ရခဲ့သည်။ ထိုပွဲတွင် ရော်ဒရီဂက်စ်မှာ ဒုတိယမြောက်ဂိုးကို ဖရီးကစ်မှတစ်ဆင့် တိကျစွာ သွင်းယူပေးခဲ့ပြီး စတုတ္ထမြောက်ဂိုးကိုလည်း ဘိုင်စကယ်ကန်ချက်ဖြင့် လှလှပပ သွင်းယူပေးခဲ့သည်။

တိုက်စစ်မှူးဘေးလ်လည်း ၂ ဂိုးသွင်းယူပေးခဲ့ပြီး၊ ဘင်ဇီမာက တစ်ဂိုးသွင်းယူပေးခဲ့ကာ ပြီးခဲ့သည့်ရာသီက ဂိုးသွင်းစက်ဖြစ်ခဲ့သည့် ရော်နယ်ဒိုမှာ ဂိုးသွင်းယူနိုင်ခဲ့ခြင်းမရှိချေ။ ဘင်နီတက်ဇ်ကမှာ ခြေစွမ်းပြခဲ့သည့် တိုက်စစ်မှူးများကို ချီးကျူးခဲ့သည်။

“ဂျိမ်းစ်ဟာ အခြားအသင်းဖော်တွေရဲ့ ကြံ့ခိုင်မှုမျိုးကို ရရှိနေပါပြီ။ သူ့ရဲ့ စွမ်းရည်ကို ငြင်းပယ်လို့ မရပါဘူး။ ဒီကောင်လေး ကစားနိုင်တယ်ဆိုတာ လူတိုင်းသိပါတယ်။ ဒါနဲ့ပတ်သက်ပြီး ငြင်းခုံစရာမရှိပါဘူး” ဟု ဘင်နီတက်ဇ်က ပွဲအပြီးတွင် သတင်းထောက်များအား ပြောကြားခဲ့သည်။

ထို့ပြင် ရာသီသစ်တွင် ဂိုးပေါက်ပျောက်နေသည့် တိုက်စစ်မှူးရော်နယ်ဒိုကိုလည်း ၎င်းက ကာကွယ်ပြောကြားခဲ့သည်။

“ရော်နယ်ဒိုဟာ ဂိုးပေါက်ကို ကန်သွင်းမှုအများဆုံး လုပ်တဲ့သူတစ်ယောက်ပါ။ တကယ်လို့ အသင်းဟာ အခွင့်အရေးတွေအများကြီးကို ဆက်လက်ဖန်တီးမယ်ဆိုရင် မကြာခင်သူဟာ ဂိုးလုံလုံလောက်လောက် သွင်းနိုင်မှာပါ”

အန်ဆယ်လော့တီအား ထုတ်ပယ်ခဲ့ပြီးနောက် ခန့်အပ်ခဲ့သော်လည်း ရီးယဲလ်ပရိတ်သတ်များအကြား ကြိုက်နှစ်သက်မှုနည်းပါးသည့် ဘင်နီတက်ဇ်အတွက် ယခုနိုင်ပွဲမှာ ဖိအားလျော့ကျစေသည့် နိုင်ပွဲလည်းဖြစ်သည်။

Ref: Goal

သြဂုတ် ၂၉၊ ၂၀၁၅
M-Media

– မိမိ၏ အချိန်များကို မိသားစုဖြင့် ကုန်ဆုံးရခြင်းမှာ အရေးပါဆုံးဖြစ်ပြီး မိမိအကြောက်ဆုံးမှာ ငယ်ငယ်ရွယ်ရွယ်ဖြင့် သေဆုံးခြင်းဖြစ်သည်ဟု ရီးယဲလ်မက်ဒရစ်တိုက်စစ်မှူး ရော်နယ်ဒိုက ပြောကြားလိုက်သည်။

ရော်နယ်ဒိုတွင် အသက် ၅ နှစ်အရွယ် သားတစ်ဦးရှိပြီး ၎င်းကမူ မိမိအတွက် မိသားစုနှင့် သူငယ်ချင်းများထက် မည်သည့်အရာမှ ပို၍ အရေးမကြီးဟု ပြောကြားခဲ့သည်။ ထို့ပြင် ၎င်းမှာ ပျော်ပျော်ရွှင်ရွှင်ဖြင့် အသက်ရှည်စွာဖြင့် နေလိုသည်ဟု ဆိုသည်။

“ကျွန်တော်အကြောက်ဆုံက ငယ်ငယ်ရွယ်ရွယ်နဲ့ သေရမှာကိုပါပဲ။ ငယ်ငယ်လေးနဲ့ ကျွန်တော် မသေချင်ပါဘူး။ အသက် ၈၀၊ ၉၀ အရွယ်လောက်မှ သေချင်ပါတယ်။ ကျွန်တော့် မိသားစု၊ သူငယ်ချင်းတွေနဲ့ ရိုးရိုးကိစ္စလေးတွေလုပ်ဖို့ ကြိုးစားပါတယ်။ တတ်နိုင်သလောက် ကျွန်တော် သာမန်လိုနေဖို့ ကြိုးစားပါတယ်။ ကျွန်တော် အနှစ်သက်ဆုံး အချိန်ကုန်ဆုံးခြင်းကတော့ သားနဲ့ ကစားတဲ့အချိန်ပါပဲ” ဟု ရော်နယ်ဒိုက Libero သတင်းစာသို့ ပြောကြားခဲ့သည်။

ထို့ပြင် မိမိပတ်ဝန်းကျင်ရှိ လူများမှာ မိမိအား အမြဲတမ်း လှုံ့ဆော်ပေးပြီး၊ ကောင်းမွန်သော စိတ်နေစိတ်ထားကို ဖြစ်စေကာ အပြုသဘောဆောင်သည့် စွမ်းအားများကိုလည်း ပေးကြောင်း၊ ထိုအရာများမှာ မိမိအတွက် အရေးပါဆုံးဖြစ်ကြောင်း ၎င်းက ထည့်သွင်းပြောကြားခဲ့သည်။

“အချိန်တွေကို ပျော်ရွှင်အောင် ကျွန်တော် ကြိုးစားပါတယ်။ ဘောလုံးကစားရတာကို ကျွန်တော်ကြိုက်ပြီး၊ ကျွန်တော်ပျော်ရွှင်သလောက် ပရိတ်သတ်တွေကိုလည်း ပျော်ရွှင်စေချင်ပါတယ်”

Ref: Goal