News @ M-Media

Tag: Lebanon

  • ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၁၂)

    ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၁၂)

    M-Media

    (ဓာတ်ပုံ – အစ္စရေး၏တိုက်ခိုက်မှုကို ခံရပြီးနောက် တွေ့ရသည့် လက်ဘနွန် စစ်သားများ)

    လက်ဘနွန်တွင် အသတ်ခံရသူ မြင့်တက်
    ———–
    မနေ့က အစ္စရေးရဲ့ တိုက်ခိုက်မှုကြောင့် လက်ဘနွန်မှာ ၆၀ ထက်မနည်း သေဆုံးခဲ့ပြီး ၁၆၈ ဦး ဒဏ်ရာရခဲ့ပါတယ်။ အစ္စရေးရဲ့ သတ်ဖြတ်မှုကို ခံရသူအရေအတွက်ဟာ လက်ဘနွန်မှာ ၂၂၂၉ ဦး ရှိလာပြီ ဖြစ်ပါတယ်။ စာသင်ကျောင်း၊ အသက်မွေး၀မ်းကြောင်းစင်တာ၊ တက္ကသိုလ်နဲ့ အခြား အများပိုင်အဆောက်အဦး ၁၀၃၂ ခု ဖျက်ဆီးခံထားရပြီး အိုးအိမ်စွန့်ခွာ ထွက်ပြေးရသူက ၁၈၇၀၀၀ ရှိလာပါပြီ။

    နီဂါရာကွာက အစ္စရေးနဲ့ အဆက်အသွယ်ဖြတ်
    ———-
    ပါလက်စတိုင်းနဲ့ လက်ဘနွန်မှာ အစ္စရေးက အကြမ်းဖက်မှုတွေ ကျူးလွန်နေတဲ့အတွက် သံအဆက်အသွယ် ဖြတ်တောက်တယ်လို့ နီဂါရာကွာနိုင်ငံက သောကြာနေ့မှာ ကြေငြာပါတယ်။ အစ္စရေးအစိုးရကို ဖက်ဆစ်၊ လူမျိုးတုန်းသတ်ဖြတ်သူအဖြစ် ဒုတိယသမ္မတ ရိုဆာရီယို မူရီလိုက ရှုတ်ချပြောဆိုခဲ့ပါတယ်။ တောင်အမေရိက နိုင်ငံတွေဟာ အစ္စရေးကို ပြင်းပြင်းထန်ထန် ရှုတ်ချလေ့ရှိပါတယ်။

    လက်ဘနွန်စစ်စခန်းကို အစ္စရေးက တိုက်ခိုက်
    ————-
    နိုင်ငံတောင်ပိုင်းက စစ်စခန်းတစ်ခုကို အစ္စရေးက သောကြာနေ့မှာ တိုက်ခိုက်ခဲ့တာကြောင့် စစ်သား ၂ ဦး သေဆုံးတယ်လို့ လက်ဘနွန်စစ်တပ်က ထုတ်ပြန်ပါတယ်။ တစ်နှစ်အတွင်း အစ္စရေးလက်ချက်ကြောင့် သေဆုံးခဲ့ရတဲ့ လက်ဘနွန်စစ်သား ၈ ဦးအထိ ရှိလာပြီ ဖြစ်ပါတယ်။ ၀န်ကြီးချုပ် နာဂျစ်ဘ် မီကာတီက အစ္စရေးရဲ့ ရာဇ၀တ်မှုတွေကို ရပ်တန့်ပေးဖို့အတွက် ကမ္ဘာကြီးကို တောင်းဆိုခဲ့ပါတယ်။

    Ref: Aljazeera


  • ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၁၁)

    ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၁၁)

    M-Media

    (ဓာတ်ပုံ – အောက်တိုဘာ ၁၀ ရက်နေ့ ဂျာဘာလီယာ ဒုက္ခသည်စခန်း မြင်ကွင်း)

    ကုလတပ်ဖွဲ့ ထပ်မံတိုက်ခိုက်ခံရ
    ———-
    လက်ဘနွန်မှာရှိတဲ့ ကုလငြိမ်းချမ်ရေးတပ်ဖွဲ့ကို အစ္စရေးက တင့်ကားတွေနဲ့ ထပ်မံတိုက်ခိုက်ခဲ့ပြီး သီရိလင်္ကာ တပ်ဖွဲ့၀င် ၂ ဦး ဒဏ်ရာရခဲ့ပါတယ်။ ၂ ရက်အတွင်း ၂ ကြိမ်မြောက် တိုက်ခိုက်တာဖြစ်ပြီး ထိခိုက်သူ ၄ ဦး ရှိလာတာပါ။ ကုလ အတွင်းရေးမှုး အန်တိုနီယို ဂူတာရက်စ်က တိုက်ခိုက်မှုကို ထပ်မံရှုတ်ချခဲ့ပါတယ်။

    ဂါဇာတွင် အကြမ်းဖက်မှုများ ဆက်လုပ်နေ
    ————-
    အစ္စရေးဟာ ဂါဇာက စစ်ရှောင်စခန်း အနည်းဆုံး ၄ ခုမှာ တိုက်ခိုက်သတ်ဖြတ်မှုတွေ လုပ်ဆောင်နေပြီး ပြီးခဲ့တဲ့ ၂၄ နာရီအတွင်း ပါလက်စတိုင်းပြည်သူ ၆၁ ဦး သေဆုံးခဲ့ပါတယ်။ ပြီးခဲ့တဲ့နှစ် အောက်တိုဘာက စတင်တဲ့ ဂါဇာက အစ္စရေးရဲ့ တစ်ကျော့ပြန် လူသတ်ပွဲအတွင်း သေဆုံးသူအရေအတွက်ဟာ ၄၂၁၂၆ ဦး ရှိလာပြီ ဖြစ်ပါတယ်။

    အကူအညီပိတ်ပင်ထားမှုကို အမေရိကန် သတိပေး
    ————
    ဂါဇာကမ်းမြှောင်ကို ၀င်ရောက်မယ့် လူသားချင်း စာနာထောက်ထားမှုဆိုင်ရာ အကူအညီတွေကို အစ္စရေးက ကန့်သတ် ပိတ်ပင်ထားတဲ့အတွက် အလွန်စိုးရိမ်မိတယ်လို့ အမေရိကန်က ထုတ်ပြန်ပါတယ်။ အစ္စရေးဟာ တိုက်ခိုက်သတ်ဖြတ်မှုတွေ လုပ်နေသလို တစ်ဖက်မှာလည်း နိုင်ငံတကာက ပေးအပ်တဲ့ အကူအညီတွေ ပါလက်စတိုင်းပြည်သူတွေ မရအောင် နည်းမျိုးစုံနဲ့ ဆောင်ရွက်နေပါတယ်။


  • ပါလက်စတိုင်းနှင် လက်ဘနွန် တိုက်ခိုက်ခံရမှု နောက်ဆုံးရ သတင်းများ (အောက်တိုဘာ ၁၀)

    ပါလက်စတိုင်းနှင် လက်ဘနွန် တိုက်ခိုက်ခံရမှု နောက်ဆုံးရ သတင်းများ (အောက်တိုဘာ ၁၀)

    M-Media

    (ဓာတ်ပုံ – လက်ဘနွန်မှ ကုလငြိမ်းချမ်းရေးတပ်စခန်း)

    ကုလငြိမ်းချမ်းရေးတပ်ကို အစ္စရေးက တိုက်ခိုက်
    —————–
    လက်ဘနွန်မှာရှိနေတဲ့ မိမိတို့ရဲ့ ငြိမ်းချမ်ရေးတပ် UNIFIL ဌာနချုပ်ကို အစ္စရေးက တင့်ကားတွေနဲ့ တမင် ပစ်မှတ်ထားကာ အကြိမ်ကြိမ်တိုက်ခိုက်ခဲ့တယ်လို့ ကုလသမဂ္ဂက ထုတ်ပြန်ပါတယ်။ တိုက်ခိုက်မှုအတွင်း ကုလတပ်ဖွဲ့၀င် ၂ ဦးထက်မနည်း ဒဏ်ရာရခဲ့ပြီး ကားတွေ၊ အဆောက်အဦးတွေ ပျက်ဆီးခဲ့သလို ဆက်သွယ်ရေးလည်း ပြတ်တောက်သွားခဲ့တယ်လို့ ဆိုပါတယ်။ လက်ဘနွန်မှာ ကုလငြိမ်းချမ်းရေးတပ်ဖွဲ့၀င် ၁ သောင်းခန့် ရှိနေပါတယ်။

    ဂါဇာသတ်ဖြတ်မှုမှာ စစ်ရာဇ၀တ်မှုဖြစ်သည်
    ————–
    ဂါဇာမှာ စစ်ရှောင်စခန်းတွေကို ဗုံးကြဲတာတွေအပါအ၀င် အစ္စရေးရဲ့ အစုလိုက်အပြုံလိုက် တိုက်ခိုက်သတ်ဖြတ်မှုတွေဟာ စစ်ရာဇ၀တ်မှုဖြစ်ပြီး၊ အမေရိကန်ကို အကာကွယ်ယူ ကျူးလွန်နေတာလို့ ပါလက်စတိုင်းလွတ်မြောက်ရေးအဖွဲ့ ဟားမက်စ်က ထုတ်ပြန်ပါတယ်။ နိုင်ငံတကာအသိုင်းအ၀ိုင်းက ဒီအခြေအနေကို ထိန်းသိမ်းဖို့လည်း ဟားမက်စ်က တောင်းဆိုခဲ့ပါတယ်။

    အစ္စရေးက လူမျိုးစုလိုက်ရှင်းလင်းမှု လုပ်ဆောင်နေကြောင်း ကုလတွေ့ရှိ
    ————–
    ဂါဇာမှာ ကျန်းမာရေးစနစ် ဖျက်ဆီးဖို့ အစ္စရေးက မူ၀ါဒချမှတ် လုပ်ဆောင်နေတဲ့ အထောက်အထားတွေကို တွေ့ရှိရပြီး ဒါဟာ လူမျိုးစုလိုက်ရှင်းလင်းမှုဖြစ်ကာ စစ်ရာဇ၀တ်မှု၊ လူသားထုအပေါ် ကျူးလွန်တဲ့ရာဇ၀တ်မှု မြောက်တယ်လို့ ကုလ စုံစမ်းစစ်ဆေးရေးအဖွဲ့က ထုတ်ပြန်ပါတယ်။ အစ္စရေးဟာ ကျန်းမာရေး၀န်ထမ်းတွေကို ညှင်းပမ်းသတ်ဖြတ်တာ၊ ကျန်းမာရေးယာဥ်တွေကို တိုက်ခိုက်တာ၊ လူနာတွေကို ဂါဇာပြင်ပထွက်ပြီး ဆေးကုဖို့ ခွင့်မပြုတာတွေ လုပ်ဆောင်နေတယ်လို့လည်း အစီရင်ခံစာမှာ ဖော်ပြထားပါတယ်။


  • ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၉)

    ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၉)

    (ဓာတ်ပုံ – ဂါဇာမှ စစ်ရှောင်ပြည်သူများ)

    M-Media

    ဟစ်ဇ်ဘိုလာ၏ လက်တုန့်ပြန်တိုက်ခိုက်မှု ၂ ဦးသေဆုံး
    ————
    ပြီးခဲ့တဲ့ရက်ပိုင်းက အစ္စရေးမြောက်ပိုင်းကို ဟစ်ဇ်ဘိုလာရဲ့ ဒုံးကျည်တွေနဲ့ ပစ်ခတ်တိုက်ခိုက်မှုအတွင်း အနည်းဆုံး ၂ ဦး သေဆုံးခဲ့ပါတယ်။ ဟစ်ဇ်ဘိုလာက သူတို့ဟာ လက်ဘနွန်ထဲ၀င်လာတဲ့ အစ္စရေးတပ်တွေကို ခုခံတိုက်ထုတ်နေတယ်လို့ ထုတ်ပြန်ထားပါတယ်။

    လက်ဘနွန်ကိစ္စ ကျူးကျော်မှုဟု စပိန်၀န်ကြီးချုပ်ပြော
    ———–
    လက်ဘနွန်ကို အစ္စရေးရဲ့ တိုက်ခိုက်မှုဟာ အချုပ်အခြာအာဏာပိုင် နိုင်ငံတစ်ခုကို ကျူးကျော်တိုက်ခိုက်မှုဖြစ်ပြီး နိုင်ငံတကာအသိုင်းအ၀ိုင်းက တားဆီးဖို့ ဆောင်ရွက်ရမယ်လို့ စပိန်၀န်ကြီးချုပ် ပက်ဒရိုဆန်းချက်က ပြောပါတယ်။ ယူကရိန်းကို ရုရှားက ကျူးကျော်မှု၊ ဂါဇာကို အစ္စရေးက ကျူးကျော်မှုတွေကို မိမိတို့က ရှုတ်ချခဲ့သလို လက်ဘနွန်ကိစ္စကိုလည်း ရှုတ်ချတယ်လို့ ၀န်ကြီးချုပ်က ဆိုပါတယ်။

    ဂျာဘာလီယာ ဒုက္ခသည်စခန်းတွင် လူ ၄၀ ကျော် အသတ်ခံရ
    ———-
    ဂါဇာကမ်းမြှောင် မြောက်ပိုင်း ဂျာဘာလီယာ ဒုက္ခသည်စခန်းမှာ ၅ ရက်ကြာမြင့်နေပြီဖြစ်တဲ့ အစ္စရေးရဲ့ တိုက်ခိုက် သတ်ဖြတ်မှုမှာ သေဆုံးသူအရေအတွက်ဟာ ၄၃ ဦး ရှိလာပြီ ဖြစ်ပါတယ်။ ဒီ ဒုက္ခသည်စခန်းဟာ အစ္စရေးရဲ့ အကြိမ်ကြိမ် စီးနင်းတိုက်ခိုက်မှုကို ခံနေရတဲ့စခန်း ဖြစ်ပါတယ်။ ဂါဇာမှာ တစ်နှစ်အတွင်း အစ္စရေးရဲ့ သတ်ဖြတ်မှုကိုခံရသူ ၄၂၀၀၀ ကျော်လာပြီ ဖြစ်ပါတယ်။

    Ref: Aljazeera


  • ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၇)

    ပါလက်စတိုင်းနှင့် လက်ဘနွန် တိုက်ခိုက်ခံရမှု နောက်ဆုံးရသတင်းများ (အောက်တိုဘာ ၇)

    M-Media

    ဘေရွတ်မြို့ မြင်ကွင်းတစ်ခု

    အစ္စရေးအတွင်းပိုင်းကို ဟစ်ဇ်ဘိုလာက တိုက်ခိုက်
    —————-
    ဟိုင်ဖာမြို့နဲ့ တိုက်ဘေးရီးယက်မြို့မှာရှိတဲ့ အစ္စရေးရဲ့ စစ်စခန်းတွေကို ဟစ်ဇ်ဘိုလာက Fadi 1 ဒုံးကျည်တွေနဲ့ ပစ်ခတ်တိုက်ခိုက်ခဲ့ပြီး အနည်းဆုံး ၁၁ ဦး ဒဏ်ရာရခဲ့ပါတယ်။ နိုင်ငံအတွင်းပိုင်းအထိ ကျလာတဲ့ ဒုံးကျည်တွေကို အစ္စရေးရဲ့ နာမည်ကျော် ဒုံးခွင်းစနစ်တွေက ဘာ့ကြောင့် မဖျက်ချခဲ့သလဲဆိုတာ တိတိကျကျ မသိရပါဘူး။

    ဂျာဘာလီယာက လူသတ်ပွဲ
    ———
    ဂါဇာကမ်းမြှောင် ဂျာဘာလီယာဒုက္ခသည်စခန်းကို အစ္စရေးက မနေ့ကစတင်ကာ စီးနင်းသတ်ဖြတ်မှုတွေ လုပ်ဆောင်နေပြီး အနည်းဆုံး ၁၇ ဦး သေဆုံးခဲ့ပါတယ်။ အစ္စရေးရဲ့ အသက်အန္တရာယ် ခြိမ်းခြောက်မှုကို ခံထားရသူ အသက် ၁၉ နှစ်အရွယ် ဂျာနယ်လစ် ဟာဆန်ဟာမဒ်လည်း အသတ်ခံခဲ့ရပါတယ်။

    ဘေရွတ်မှာ အကြမ်းဖက်မှုတွေ ရှိနေဆဲ
    ————-
    လက်ဘနွန်မြို့တော် ဘေရွတ်တောင်ပိုင်းက မြို့တွေကို အစ္စရေးက လေကြောင်းကနေ တိုက်ခိုက်သတ်ဖြတ်မှု လုပ်ဆောင်ရာမှာ မနေ့က အနည်းဆုံး ၁၂ ဦး ထပ်မံသေဆုံးခဲ့ပါတယ်။ အဲဒီအထဲက ၇ ဦးဟာ ကလေးငယ်တွေ ဖြစ်ပြီး ဒဏ်ရာရရှိသူ ၂၀ ကျော် ရှိပါတယ်။ လက်ဘနွန်မှာ အစ္စရေးရဲ့ သတ်ဖြတ်မှုကို ခံရသူ အရေအတွက်က ၂ ထောင်ကျော် ရှိနေပါပြီ။

    Ref: Aljazeera