Tag: M-Media Knowledge

သြဂုတ် ၂၁၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

ယနေ့အချိန်အထိ မြေထဲပင်လယ်ထဲမှာရှိတဲ့ ရှေးဟောင်းမြက်ပင်ကြီးတွေကို ကမ္ဘာပေါ်က အသက်အကြီးဆုံး သက်ရှိတွေလို့ ယူဆထားကြပါတယ်။ သိပ္ပံပညာရှင်တွေက ဒီအပင်တွေဟာ သက်တမ်း နှစ်ပေါင်း ၂ သိန်းရှိပြီလို့ ဆိုပါတယ်။

Posidonia oceanic လို့ သိပ္ပံအမည်ရှိတဲ့ ဒီမြက်ပင်ကြီးတွေရဲ့ DNA တွေကို စပိန်ကနေ ဆိုက်ပရပ်စ်အထိ မိုင်ပေါင်း ၂၀၀၀ လောက်ရှိတဲ့ ရေအောက်ကြမ်းပင်ထဲက မြက်ခင်းပေါင်း ၄၀ လောက်ကနေ သြစတေးလျသိပ္ပံပညာရှင်တွေ ရယူ လေ့လာခဲ့ကြပါတယ်။ PLos ONE ဂျာနယ်မှာဖော်ပြခဲ့တဲ့ လေ့လာတွေ့ရှိချက်မှာ ဒီပင်လယ်မြက်ပင်တွေဟာ နှစ်ပေါင်း ၁၂,၀၀၀ ကနေ ၂၀၀,၀၀၀ ကြားရှိနိုင်ပြီး အဖြစ်နိုင်ဆုံးကတော့ အနည်းဆုံး နှစ်ပေါင်း ၁၀၀,၀၀၀ ရှိတယ်လို့ ဖော်ပြခဲ့ပါတယ်။ ဒါဟာ လက်ရှိအသက်အကြီးဆုံးလို့ ယူဆထားကြပြီး သက်တမ်း နှစ်ပေါင်း ၄၃,၀၀၀ ရှိတဲ့ သြစတေးလျနိုင်ငံ Tasmania က အပင်ထက် တော်တော်ပိုတဲ့ သက်တမ်းဖြစ်ပါတယ်။

ကိုးကား – General Knowledge

သြဂုတ် ၁၉၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

အသက် ၁၉ နှစ်မှာ အီဂျစ်လူငယ် ရူပဗေဒပညာရှင် အိုင်အေရှား မွတ်စ်တဖား (Aisha Mustafa) ဟာ ရွေ့လျား နည်းပညာသစ် တစ်ခုကို Quantum Theory အပေါ်အခြေခံပြီး တည်ဆောက်ခဲ့ပါတယ်။ ဒီနည်းပညာဟာ အာကာသယဉ်တွေနဲ့ ဂြိုလ်တုတွေကို ဘာလောင်စာစွမ်းအင်မှ မသုံးစေပဲနှင့် ရွေ့လျားစေနိုင်ပါတယ်။

အသက် ၁၇ နှစ်အရွယ် တရုတ်ကျောင်းသူ အန်ဂျလာဇန်း (Angela Zhang) ဟာ အဆင့်မြင့် နာနိုနည်းပညာပစ္စည်း တစ်မျိုးကို တီထွင်ခဲ့ပါတယ်။ ဒီပစ္စည်းဟာ ကင်ဆာဆဲလ်တွေကို သေစေနိုင်ပါတယ်။

အသက်ငယ်သည် ကြီးသည် အမျိုးသားဖြစ်သည် အမျိုးသမီးဖြစ်သည် ဘယ်နိုင်ငံကဖြစ်သည် ဘယ်ဘာသာဝင်ဖြစ်သည်ထက် ပညာသည်သာ အဓိက စကားပြောသော အရာဖြစ်ပါသည်။

ကိုးကား – General Knowledge

သြဂုတ်လ-၁၈ ရက်၊ ၂၀၁၃

စုစည်းတင်ဆက်သူ- မြင့်မိုရ်
M-Media Knowledge ကဏ္ဍ

အချို့ လူ့ကိုယ်ရည်ကိုယ်သွေး ၅၀၀၀ ခန့်သည် လက်ရေးပေါ်မူတည်၍ ခန့်မှန်းနိုင်ကြောင်းကို အမေရိကန်နိုင်ငံရှိ National Pen Company မှ သုတေသနပြုလုပ်ချက်တစ်ရပ်မှ ဆိုသည်။

ဂရဖ်ဖိုလော်ဂျီ (graphology) ဟု ခေါ်ဆိုသော လူတစ်ဦး၏လက်ရေးအား အဆင့်ဆင့်လေ့လာခြင်းဖြင့် သူ၏အမူအကျင့်များကို ဆုံးဖြတ်သိရှိနိုင်သည်ဟု ယင်းလေ့လာမှုအရ တွေ့ရှိခဲ့ရသည်။

အင်ဖိုဂရဖ်ဖစ် (infographic) ဟု လတ်တစ်လောအမည်ပေးထားသည့် ပညာသည် လူတစ်ဦးချင်းစီ၏ ရေးသားသော စာလုံးအကွာအဝေး၊ သူ့နာမည်အား လက်မှတ်ထိုးပုံ၊ O (အို) စာလုံးနှင့် S(အက်စ်)အား လက်ရေးဆက်ရေးဟန် တို့အပေါ် အနုစိပ်လေ့လာခြင်း ဖြစ်သည်။

လူတို့၏ လက်ရေးအရွယ်အစားသည်လည်း ၄င်းတို့ထံရှိ ပင်ကိုယ်အရည်အသွေးများကို ပြသနေကြာင်း သုတေသနအတွင်း၌ တွေ့ရှိရသည်။

“ သေးငယ်သော လက်ရေးသမားများသည် ရှက်ကြောက်တတ်၏၊ ဆည်းပူးလေ့လာတတ်၏၊ တိကျမှုရှိတတ်၏။  လက်ရေးကြီးသူများမှာမူ ဖော်ရွေ၏၊ အပင်ပန်းခံအလုပ်လုပ်တတ်၏၊ လူအများ၏အာရုံစိုက်မှုကို အလွန်သဘောကျသူများ ဖြစ်၏ ” ဟု လေ့လာချက်တစ်ရပ်က ပြသထားသည်။

၎င်း လက်ရေးဆန်းစစ်မှုများအရ ဥပမာတစ်ရပ်မှာ (အိုင်) I စာလုံး နှင့် (အီး) E စာလုံးအား ဆက်၍ရေးသားလေ့ရှိသူသည် လက်ရေးဆက်ကြောင်းကျယ်ပြန့်ပါက သက်တောင့်သက်သာနေထိုင်တတ်ပြီး ပွင့်လင်းသောစိတ်နေသဘောထားရှိသူ၊ လက်ရေးဆက်ကြောင်း ကျဉ်းမြောင်းပါက သူတစ်ပါးအပေါ်သံသယထားတတ်သူ၊ မိမိကိုယ်ကိုချုပ်တည်းသူဖြစ်ပြီး စိတ်တင်းကြပ်မှုအား ခံစားရသူ ဟူ၍ ဖြစ်သည်။

လူတစ်ဦးချင်းစီ၏ ကိုယ်ခန္ဓာဖွဲ့စည်းပုံ၊ စိတ်နေစိတ်ထား၊ စိတ်ကစဥ့်ကလျားဖြစ်ခြင်း နှင့် သွေးတိုးခြင်း စသော ကျန်းမာရေးပြဿနာများကိုပင်လျှင် ထိုစမ်းသပ်ချက်များမှတစ်ဆင့် ကောက်ချက်ချနိုင်လေသည်။

“ စိတ်ကစဥ့်ကလျားဖြစ်နေသူတွေဟာ အများအားဖြင့် လက်ရေးစာလုံးစောင်းပုံက ဘယ်မရောက် ညာမရောက် ဖြစ်နေတတ်တယ်။ လားရာတစ်ဖက်တည်းကို ပုံမှန်စောင်းနေတာမဟုတ်တဲ့အတွက် အမှန်တရားနဲ့ပုံမှန်ထိတွေ့မရှိသူရဲ့ လက္ခဏာတစ်ရပ်အဖြစ် ယူဆလို့ရနေပါတယ် ” ။

ဂရဖ်ဖိုလော်ဂျီ၏နည်းလမ်းသစ်သည် လူများအား မိမိတို့၏ အတွင်း စိတ်အား နားလည်သွားစေရန် အထောက်အကူပြုလိမ့်မည် ဟု သုတေသနပြုလေ့လာသူများက ဆိုသည်။

FGP/FGP

သြဂုတ် ၁၄၊ ၂၀၁၃
M-Media Knowledge ကဏ္ဍ
ရှာဖွေတင်ဆက်သူ – မိုးတိမ်

CD တွေ၊ Memory Stick တွေ၊ Hard disk တွေပေါများလာတဲ့ ယခုခေတ်မှာ သိုလှောင်သိမ်းဆည်းနိုင်တဲ့ ပမာဏကိုပြောတဲ့ ယူနှစ် Byte တွေနဲ့ တော်တော်ရင်းနှီးလာကြပါပြီ။ ဘယ်ပမာဏရှိတဲ့ ပစ္စည်းတစ်ခုက ရုပ်ရှင်၊ သီးချင်းနှင့် ဓါတ်ပုံတွေ ဘယ်လောက်သိမ်းထားနိုင်လဲ လွယ်လွယ် ကူကူနဲ့ သိလာကြပါပြီ။ ဒါဖြင့် ကျွန်တော်တို့ ကိုယ်ခန္ဓာထဲက မှတ်ဥာဏ်ပစ္စည်း ဦးနှောက်ကရော ဘယ်လောက် Byte သိမ်းနိုင်ပါလိမ့်?

ဦးနှောက်ထဲက အချက်အလက်တွေကို Byte တွေနဲ့ နှိုင်းတာ သိပ်ကောင်းတဲ့ ဥပမာ မဟုတ်ပေမယ့် 2.5 petabytes (2,500 terabytes) ထိရှိတယ်လို့ ခန့်မှန်းကြပါတယ်။ တကယ်လို့ video recorder တစ်လုံးဆိုပါက နာရီပေါင်း ၃ သန်းထိ ရုပ်ရှင်တွေသိမ်းထားလို့ရပါတယ်။ နှစ် ၃၀၀ လောက်တောက်လျောက် TV ဖွင့်ထားနိုင်တဲ့ ပမာဏဖြစ်ပါတယ်။

ဦးနှောက်ထဲမှာ အာရုံစနစ် (Neuron) ပေါင်း ၅၀ ကနေ ၂၀၀ ဘီလီယံခန့်ရှိပြီး Neuron တစ်ခုဟာ အချက်အလက်သိမ်းဆည်းဖို့ အခြား Neuron တွေနဲ့ အဆက်အစပ်ပေါင်း ၁၀၀၀ ကနေ ၁ သိန်းခန့်ပြုနိုင်ပါတယ်။ အဆက်အစပ် တစ်ခုကို အချက်အလက် Byte တစ်ခုစာမျှ သိမ်းနိုင်တယ်လို့ ခန့်မှန်းတွက်ချက်ထားတာ ဖြစ်ပါတယ်။ ဒါဟာ တော်တော်နည်းနိုင်သလို တော်တော်များတာလည်း ဖြစ်နိုင်ပါတယ်။

ကိုးကား – Scientific American