News @ M-Media

Tag: malaysia

  • အရှေ့တောင်အာရှ၏ အမြင့်ဆုံး အဆောက်အဦးကို မလေးရှား၌ မကြာခင် ဖွင့်လှစ်မည်

    အရှေ့တောင်အာရှ၏ အမြင့်ဆုံး အဆောက်အဦးကို မလေးရှား၌ မကြာခင် ဖွင့်လှစ်မည်

    အောက်တိုဘာ ၆၊ ၂၀၁၉
    M-Media

    -အရှေ့တောင်အာရှမှာ အမြင့်ဆုံးဖြစ်လာမယ့် အဆောက်အဦးတစ်ခုကို မလေးရှားနိုင်ငံ မြို့တော် ကွာလာလမ်ပူမှာ မကြာခင် ဖွင့်လှစ်တော့မှာဖြစ်ပါတယ်။

    Exchange 106 လို့ အမည်ပေးထားတဲ့ အဲဒီအဆောက်အဦးဟာ အမြင့် ၄၉၂ မီတာရှိပြီး လက်ရှိ အရှေ့တောင်အာရှမှာ အမြင့်ဆုံး အဆောက်အဦးဖြစ်တဲ့ ဗီယက်နမ်က Landmark 81 ကို ကျော်ဖြတ်နိုင်ခဲ့ပါတယ်။ Landmark 81 အဆောက်အဦးဟာ ၄၆၉.၅ မီတာ မြင့်ပါတယ်။

    တစ်ချိန်က မလေးရှားနိုင်ရဲ့ အမြင့်ဆုံးအဆောက်အဦးက Petronas Twin Towers ဖြစ်ပြီး အမြင့် ၄၅၂ မီတာ ရှိပါတယ်။

    Exchange 106 စီမံကိန်းကို မလေးရှားနိုင်ငံပိုင်လုပ်ငန်း 1MDB က ဖော်ဆောင်တာဖြစ်ပြီး အင်ဒိုနီးရှား ဆောက်လုပ်ရေးလုပ်ငန်း Mulia Property Development နဲ့ ဘဏ္ဍာရေးဝန်ကြီးဌာနတို့က ပိုင်ဆိုင်တာ ဖြစ်ပါတယ်။

    ဘဏ္ဍာရေးဆိုင်ရာနဲ့ စီးပွားရေးဆိုင်ရာ ရုံးခန်းတွေ တည်ရှိမယ့် ဒီအဆောက်အဦး တည်ဆောက်ထားတဲ့နေရာဟာ တစ်ချိန်မှာ နိုင်ငံရဲ့ ဘဏ္ဍာရေးအချက်အခြာ နေရာတစ်ခုဖြစ်လာဖို့ မလေးရှားအစိုးရက ရည်မှန်းထားပါတယ်။ အဆောက်အဦးအတွက် ဘယ်လောက်ကုန်ကျသလဲဆိုတာ တရားဝင်ထုတ်ပြန်ထားခြင်းမရှိပါဘူး။

    ကမ္ဘာ့အမြင့်ဆုံး အဆောက်အဦးဟာ ဒူဘိုင်းက Burj Khalifa ဖြစ်ပြီး ထိပ်ဖျားအထိ အမြင့် ၈၃၀ မီတာ ရှိပါတယ်။

    ကွာလာလမ်ပူမြို့မှာပဲ အမြင့် မီတာ ၅၀၀ လောက်ရှိမယ့် Merdeka PNB 118 အဆောက်အဦးကို လာမယ့်နှစ်မှာ ဖွင့်လှစ်ဖို့ရှိနေတာကြောင့် Exchange 106 ရဲ့ အရှေ့တောင်အာရှ အမြင့်ဆုံး အဆောက်အဦးဘွဲ့ဟာ ကြာရှည်တည်တံ့ဖို့ မရှိပါဘူး။

    Ref: Free Malaysia Today

  • အစ္စလာမ်ကြောက်ရောဂါ တိုက်ဖျက်ရေး ရုပ်သံလိုင်းတစ်ခုကို ၃ နိုင်ငံ ပူးပေါင်းတည်ထောင်မည်

    အစ္စလာမ်ကြောက်ရောဂါ တိုက်ဖျက်ရေး ရုပ်သံလိုင်းတစ်ခုကို ၃ နိုင်ငံ ပူးပေါင်းတည်ထောင်မည်

    စက်တင်ဘာ ၂၇၊ ၂၀၁၉
    M-Media

    မလေးရှားဝန်ကြီးချုပ် မဟာသီယာ မိုဟာမက်နှင့် ပါကစ္စတန်ဝန်ကြီးချုပ် အင်မရန်းခန်း

    -အစ္စလာမ်ကြောက်ရောဂါ၊ ဒီရောဂါကြောင့် ဖြစ်လာတဲ့ နောက်ဆက်တွဲဆိုးကျိုးတွေကို တိုက်ဖျက်နိုင်ရေး အင်္ဂလိပ်ဘာသာစကားနဲ့ ရုပ်သံလိုင်းတစ်ခု ထုတ်လွှင့်သွားဖို့ ပါကစ္စတန်၊ တူရကီ၊ မလေးရှားခေါင်းဆောင်တွေက သဘောတူလိုက်ပါတယ်။

    နယူးယောက်မြို့က ၇၄ ကြိမ်မြောက် ကုလ အထွေထွေညီလာခံကို တက်ရောက်လာတဲ့ ပါကစ္စတန်ဝန်ကြီးချုပ် အင်မရန်းခန်း၊ တူရကီသမ္မတ အာဒိုဂန်၊ မလေးရှားဝန်ကြီးချုပ် မဟာသီယာ မိုဟာမက်တို့ တွေ့ဆုံစဉ်မှာ ဒီသဘောတူညီချက် ရခဲ့တာပါ။

    “အစ္စလာမ်ကြောက်ရောဂါကြောင့် ဖြစ်လာတဲ့ စိန်ခေါ်မှုတွေကို တိုက်ဖျက်ဖို့နဲ့ ကျွန်တော်တို့ ဘာသာတရားရဲ့ အရှိတရားတွေကို ချပြဖို့အတွက် အင်္ဂလိပ်ဘာသာရုပ်သံလိုင်းတစ်ခု ပူးပေါင်းတည်ထောင်ဖို့ ကျွန်တော်တို့ ၃ နိုင်ငံက ဆုံးဖြတ်ခဲ့ပါတယ်” လို့ ပါကစ္စတန်ဝန်ကြီးချုပ် အင်မရန်းခန်းက Twitter စာမျက်နှာမှာ ရေးသားခဲ့ပါတယ်။

    အစ္စလာမ်သာသနာကို ဆန့်ကျင်လာစေတဲ့ အထင်မှားအမြင်မှားတွေကို ဖယ်ရှားနိုင်ရေး ဒီရုပ်သံလိုင်းကနေတစ်ဆင့် လုပ်ဆောင်သွားမယ်လို့လည်း အင်မရန်းခန်းက ဆိုပါတယ်။

    အစ္စလာမ့်သမိုင်းကြောင်းကို အစ္စလာမ်ဘာသာဝင်တွေနဲ့ အစ္စလာမ်ဘာသာဝင်မဟုတ်သူတွေ သိရှိနိုင်စေရေး ရုပ်ရှင်တွေ၊ ရုပ်သံဇာတ်လမ်းတွဲတွေ ရိုက်ကူးထုတ်လွှင့်ဖို့လည်း ရှိနေပါတယ်။

    ကုလဆိုင်ရာ ပါကစ္စတန်သံအမတ် မာလီဟာ လော့ဒ်ဟီကလည်း ဒီသဘောတူညီချက်ကို အတည်ပြုခဲ့သလို၊ သုတေသနနဲ့ ဖွံ့ဖြိုးရေး လုပ်ငန်းတွေ ပူးပေါင်းလုပ်ဆောင်ရေးကိုပါ ၃ နိုင်ငံစလုံးက သဘောတူခဲ့ကြတယ်လို့ ပြောကြားခဲ့ပါတယ်။

    Ref: Gulf News

  • အကြမ်းဖက်ရန် ကြံစည်ထားသည့်  IS အဖွဲ့ဝင် ၁၆ ဦးကို မလေးရှားဖမ်းဆီး

    အကြမ်းဖက်ရန် ကြံစည်ထားသည့် IS အဖွဲ့ဝင် ၁၆ ဦးကို မလေးရှားဖမ်းဆီး

    စက်တင်ဘာ ၂၆၊ ၂၀၁၉
    M-Media

    မလေးရှားရဲတပ်ဖွဲ့ သရုပ်ပြမှု

    -အကြမ်းဖက်တိုက်ခိုက်မှုတွေ ပြုလုပ်ဖို့ စီစဉ်ထားတဲ့ IS အကြမ်းဖက်အဖွဲ့ဝင် အနည်းဆုံး ၁၆ ဦးကို ဖမ်းဆီးလိုက်တယ်လို့ မလေးရှားနိုင်ငံက ဒီကနေ့မှာ ထုတ်ပြန်ကြေငြာလိုက်ပါတယ်။

    သြဂုတ်လ ၁၀ ရက်နေ့ကနေ စက်တင်ဘာ ၂၅ ရက်နေ့အထိ ကွာလာလမ်ပူမြို့၊ ဆာဘားပြည်နယ်တို့အပါအ၀င် နိုင်ငံတစ်ဝှမ်းမှာ ပြုလုပ်တဲ့ စစ်ဆင်ရေးတွေအတွင်း အင်ဒိုနီးရှားနိုင်ငံသား ၁၂ ဦး၊ မလေးရှားနိုင်ငံသား ၃ ဦးနဲ့ အိန္ဒိယနိုင်ငံသား ၁ ဦးတို့ကို ဖမ်းဆီးခဲ့တာဖြစ်တယ်လို့ မလေးရှားရဲ့တပ်ဖွဲ့ရဲ့ အကြမ်းဖက်တိုက်ဖျက်ရေးဌာန အကြီးအကဲ အယွဘ် ခန်း မိုင်ဒင်း ပစ်ချေးက ပြောကြားခဲ့ပါတယ်။

    အကြမ်းဖက်သမားတွေဟာ နိုင်ငံရေးသမားတွေနဲ့ မွတ်စလင်မဟုတ်တဲ့ အုပ်စုတွေကို တိုက်ခိုက်ဖို့ ကြံစည်နေပြီး အခြား၊ အင်ဒိုနီးရှားနဲ့ မလေးရှား နိုင်ငံသားတွေကိုလည်း ဆိုရှယ်မီဒီယာတွေကနေတစ်ဆင့် သွေးဆောင်နေတယ်လို့ ပစ်ချေးက ဆိုပါတယ်။

    ဆာဘားပြည်နယ်မှာ ဖမ်းဆီးရမိခဲ့တဲ့ မလေးရှားနိုင်ငံသားနှစ်ဦးဟာ ဖိလစ်ပိုင်နိုင်ငံတောင်ပိုင်း ဂျိုလိုမြို့က ခရစ်ယာန်ဘုရားကျောင်းတစ်ခုမှာ အသေခံ ဗုံးခွဲတိုက်ခိုက်မှုတွေ ပြုလုပ်ခဲ့တဲ့ အင်ဒိုနီးရှားမိသားစုကို ကူညီပေးခဲ့သူဖြစ်ကြောင်း မလေးရှား သတင်းဌာန Malaysiakini က ဖော်ပြခဲ့ပါတယ်။

    ဖမ်းဆီးခံရတဲ့ မလေးရှားနိုင်ငံသားတွေဟာ IS အကြမ်းဖက်အဖွဲ့အတွက် ဝါဒဖြန့်ပေးတာ၊ ဖိလစ်ပိုင်အခြေစိုက် Maute လက်နက်ကိုင်အဖွဲ့အတွက် ငွေကြေးထောက်ပံ့တာတွေ လုပ်ဆောင်ခဲ့တယ်လို့ ဆိုပါတယ်။ Maute အဖွဲ့ဟာ ၂၀၁၇ ခုနှစ်က မာရာဝီမြို့ကို တစ်လကြာ စီးနင်းသိမ်းပိုက်ခဲ့ပါတယ်။

    သြဂုတ်လအစောပိုင်းမှာ ဖမ်းဆီးခံရတဲ့ အသက် ၃၈ နှစ်အရွယ် အိန္ဒိယနိုင်ငံသားကတော့ IS အကြမ်းဖက်အဖွဲ့အတွက် ငွေကြေးရှာဖွေပေးသူလို့ စွပ်စွဲခံထားရပါတယ်။

    မလေးရှားအစိုးရဟာ ပြီးခဲ့တဲ့နှစ်တွေအတွင်း IS အဖွဲ့ဝင် ရာနဲ့ချီကို ဖမ်းဆီးထိန်းသိမ်းခဲ့ပါတယ်။ ၂၀၁၆ ခုနှစ် ဇွန်လက ဆီလန်ဂေါပြည်နယ် နိုက်ကလပ်တစ်ခုမှာ လက်ပစ်ဗုံးနဲ့ ပစ်ခတ် တိုက်ခိုက်မှုကြောင့် လူ ၈ ဦး ဒဏ်ရာရရှိခဲ့ပြီး ဒါဟာ မလေးရှားနိုင်ငံမှာ IS အကြမ်းဖက်အဖွဲ့ရဲ့ ပထမဆုံး တိုက်ခိုက်မှု ဖြစ်ပါတယ်။

    Ref: Aljazeera

  • မလေးရှားရှိ လေထုအရည်အသွေး ကျန်းမာရေးထိခိုက်စေသည့်အဆင့်သို့ ရောက်ရှိနေ

    မလေးရှားရှိ လေထုအရည်အသွေး ကျန်းမာရေးထိခိုက်စေသည့်အဆင့်သို့ ရောက်ရှိနေ

    စက်တင်ဘာ ၁၆၊ ၂၀၁၉
    M-Media

    ပူထရာဂျာယာမြင်ကွင်း

    -အုပ်ချုပ်ရေးမြို့တော် ပူထရာဂျာယာအပါအ၀င် နိုင်ငံအတွင်း နေရာ ၅ နေရာက လေထု အရည်အသွေးဟာ ကျန်းမာရေး အလွန်ထိခိုက်စေတဲ့အနေအထားအထိ ရောက်ရှိနေတယ်လို့ မလေးရှားက ဒီကနေ့မနက်မှာ ထုတ်ပြန်လိုက်ပါတယ်။

    ပူထရာဂျာယာမှာ မနက် ၇ နာရီ တိုင်းထွာချက်အရ လေထုညစ်ညမ်းမှု အညွှန်းကိန်း (API) ဟာ ၁၉၉ ရှိရာကနေ ၉ နာရီမှာတော့ ၂၀၃ အထိ မြင့်တက်လာပါတယ်။ ဆီလန်ဂေါပြည်နယ် ကလန်းမြို့က ဂျိုဟန် စတီယာမြို့မှာ ၂၀၈ API၊ ဆာရာဝပ်ပြည်နယ်က ဆရီအေမန်မြို့မှာ ၂၁၇ API၊ ဆာမာရာဟန်မြို့မှာ ၂၂၃ API နဲ့ ကူချင်းမြို့မှာ ၂၄၈ API အသီးသီးရှိနေပါတယ်။

    API သုညကနေ ၅၀ အထိကို လေထုအရည်အသွေး ကောင်းမွန်တယ်လို့ သတ်မှတ်ပြီး၊ ၅၁ ကနေ ၁၀၀ ကို အလယ်အလတ်လို့ သတ်မှတ်ထားပါတယ်။ ၁၀၁ ကနေ ၂၀၀ အတွင်း ရောက်လာရင် ကျန်းမာရေးထိထိခိုက်စေတဲ့အဆင့် ဖြစ်ပြီး ၂၀၁ ကနေ ၃၀၀ ကတော့ အလွန်ဆိုးရွားတဲ့အဆင့် ဖြစ်ပါတယ်။ ၃၀၀ ကနေ အထက်က အန္တရာယ်ရှိတဲ့အဆင့်ပါ။

    မလေးရှားနိုင်ငံမှာ API ၁၀၁ ကနေ အထက် ရှိနေတဲ့ နေရာ ၂၉ နေရာရှိနေပြီး အဲဒီထဲမှာ မြို့တော် ကွာလာလမ်ပူတစ်ဝိုက်က မြို့တွေဖြစ်တဲ့ ဘာတူမူဒါ၊ ချရက်စ်၊ ပက်တလင်းဂျာယာ၊ ရှားအလမ်၊ ကလန်းနဲ့ ဘန်တင်းတို့လည်း ပါဝင်ပါတယ်။

    နိုင်ငံအတွင်း ၂၄ နေရာမှာတော့ လေထုအရည်အသွေးဟာ အလယ်အလတ်အဆင့်ရှိတယ်လို့ မလေးရှားအစိုးရက ထုတ်ပြန်ထားပါတယ်။

    အင်ဒိုနီးရှားနိုင်ငံ ဆူမားတြားကျွန်းနဲ့ ကာလီမန်တန်ပြည်နယ်တွေမှာ တောင်ယာစိုက်ပျိုးဖို့အတွက် တောမီးရှို့မှုကြောင့် မလေးရှားနဲ့ စင်ကာပူနိုင်ငံတို့မှာ မီးခိုးငွေ့ ဖုံးလွှမ်းမှုဒဏ်ကို အကြီးအကျယ် ခံစားနေရပါတယ်။

    မလေးရှားက စာသင်ကျောင်းပေါင်း ၃၀၀ ကျော်လောက် ပိတ်ထားရသလို၊ အသက်ရှုလမ်းကြောင်းဆိုင်ရာ ရောဂါဖြစ်ပွားမှုတွေလည်း ပြည်သူလူထုကြားမှာ မြင့်တက်လာတယ်လို့ တာဝန်ရှိသူတွေက ဆိုပါတယ်။

    Ref: CNA

  • အစ္စလာမ်တွင် ‘ဘာသာတူရာဆိုင်မှာ အားပေးပါ’ လှုပ်ရှားမှုကို လက်ခံခွင့်ပြုထားသလား

    အစ္စလာမ်တွင် ‘ဘာသာတူရာဆိုင်မှာ အားပေးပါ’ လှုပ်ရှားမှုကို လက်ခံခွင့်ပြုထားသလား

    စက်တင်ဘာ ၉၊ ၂၀၁၉
    M-Media

    -မွတ်စလင်မဟုတ်သူများက ထုတ်လုပ်သည့် ပစ္စည်းများကို မွတ်စလင်များက သပိတ်မှောက်ခြင်း၊ မွတ်စလင်ထုတ်ပစ္စည်းများကို မွတ်စလင်မဟုတ်သူများက သပိတ်မှောက်ခြင်းတို့သည် တစ်ဖက်နှစ်တစ်ဖက် သွေးကွဲစေပြီး လူမျိုးစုံဘာသာစုံရှိသည့် လူ့အဖွဲ့အစည်းတွင် မလိုမုန်းထားမှုကိုသာ ပေါက်ဖွားစေသည်။ အပြန်အလှန် တုန့်ပြန်မှုကို ဖိတ်ခေါ်နေသည့် ထိုလှုပ်ရှားမှုသည် ဗဟုလူ့အဖွဲ့အစည်းအတွက် အနာဂတ်ကောင်း ဖြစ်လာမည်မဟုတ်။

    အမှန်ကိုဆိုရလျှင် – မွတ်စလင်မဟုတ်သူများ၏ ပစ္စည်းများကို သပိတ်မှောက်ရန် အုပ်စုတစ်ချို့က လတ်တလော ဆော်သြဆောင်ရွက်နေမှု အဓိကအကြောင်းအရင်းမှာ နိုင်ငံရေးအကျိုးစီးပွားဖြစ်ပြီး၊ နိုင်ငံ၏ လူမျိုးစုံ ညီညွတ်နေမှုကို ဖျက်ဆီးသည့် လှုံ့ဆော်မှုမျိုး ဖြစ်လာနိုင်သည်။ မွတ်စလင်အချင်းချင်း လုပ်သည်ဖြစ်စေ၊ မွတ်စလင်မဟုတ်သူများနှင့် လုပ်သည်ဖြစ်စေ သမ္မာအာဇီဝမကျသော စီးပွားရေးမျိုးကိုသာ အစ္စလာမ်သာသနာက တားမြစ်ထားခြင်းဖြစ်သည်။

    သပိတ်မှောက်လှုပ်ရှားမှုကို ဆောင်ရွက်သူများက ဆိုရှယ်မီဒီယာကို အသုံးပြု၍ ဝါဒဖြန့်ရာတွင် မွတ်စလင်မဟုတ်သူများ ပိုင်ဆိုင်သည်ဟုဆိုသည့် ကုမ္ပဏီများ၊ အမှတ်တံဆိပ်များကိုပင် စာရင်းထုတ်ထားသည်။ ထိုလုပ်ငန်းများ အမှတ်တံဆိပ်များကို သပိတ်မှောက်ခြင်းသည် စိန်ခေါ်မှုတစ်မျိုးဖြစ်ပြီး အောင်မြင်မည်လည်း မဟုတ်ပေ။ နိုင်ငံအတွင်း သုံးစွဲနေသည့် ပြည်တွင်းထုတ်ပစ္စည်း၊ နိုင်ငံခြားမှ တင်သွင်းသည့်ပစ္စည်းအများစုကို မွတ်စလင် မဟုတ်သူများက ထုတ်လုပ်ဖြန့်ဖြူးခြင်းဖြစ်သည်။

    ပြည်တွင်းကို ကြည့်လျှင် မွတ်စလင်မဟုတ်သူများပိုင်ဆိုင်သည့် ကုမ္ပဏီအားလုံးနီးပါးက ထောင်သောင်းချီသော မွတ်စလင်များကို အလုပ်ခန့်ထားသည်။ မွတ်စလင်များ၏ ၀င်ငွေရင်းမြစ်ဖြစ်သည်။

    ဖိနှိပ်ခြင်း၊ ခြိမ်းခြောက်ခြင်း၊ မသမာသည့်နည်းလမ်းများ အသုံးပြုခြင်း မရှိသည့် စီးပွားရေးလုပ်ငန်းများကို သပိတ်မှောက်ရန် လိုအပ်ပါ၏လော??? မွတ်စလင်မဟုတ်သူများ ထုတ်လုပ်သော်လည်း တစ်ပါးသူကို ထိခိုက်နစ်နာစေခြင်းမရှိသည့် ကုန်ပစ္စည်းများကို သပိတ်မှောက်ခြင်းသည် အစ္စလာမ်သာသနာ၏ အခြေခံသင်ကြားမှုနှင့် ဆန့်ကျင်နေသည်။ စီးပွားရေးလုပ်ရာတွင်ဖြစ်စေ၊ ပေါင်းသင်းဆက်ဆံရာတွင်ဖြစ်စေ ‘ကျွန်းကိုင်းမှီ ကိုင်းကျွန်းမှီ’ နည်းလမ်းကိုသာ အစ္စလာမ် သာသနာက အားပေးထားသည်။ မိမိတို့၏ စီးပွားရေးသည် အခြားသူများ၏ သာယာဝပြောမှုကို မထိခိုက်စေရန် အမြဲတမ်း အပြန်အလှန် နားလည်မှုထားရှိရမည် ဟူ၏။

    အစ္စလာမ့်သမိုင်းက သင်ခန်းစာများ

    လွန်ခဲ့သည့် နှစ်ပေါင်း ၁၄၀၀ အစ္စလာမ်သာသနာ ပေါ်ပေါက်စဉ်ကတည်းက အစ္စလာမ်ဘာသာဝင်များသည် လူမျိုးစုံ၊ ဘာသာစုံ လူ့အဖွဲ့အစည်းအဖြစ် ရပ်တည်နေထိုင်လာခဲ့ကြပြီး ယခုကဲ့သို့ ‘သူ၊ ငါ စည်းခြား’ လှုပ်ရှားမှုလည်း အလျင်းမရှိခဲ့။ တကယ်တော့ ထိုလှုပ်ရှားမှုကို ဆော်သြသူများကိုယ်တိုင် အစ္စလာမ်သမိုင်းကို ထဲထဲဝင်ဝင် နားမလည်ကြ။

    သမိုင်းကိုပြန်ကြည့်လျှင် မွတ်စလင်မဟုတ်သူများနှင့် ပေါင်းသင်းဆက်ဆံခြင်း၊ စီးပွားရေးပြုလုပ်ခြင်း မှားယွင်းသည်ဟု အစ္စလာမ်က မပြောခဲ့။ တမန်တော် မုဟမ္မဒ်သခင်၏ ဇနီးဖြစ်သူ ခတီဂျာသခင်မကိုယ်တိုင် ဂျူးများအပါအ၀င် မွတ်စလင်မဟုတ်သူများနှင့် လူမှုရေး၊ စီးပွားရေး ဆက်နွယ်ပတ်သက်မှု ရှိသည်။ သူမသည် အလွန်အောင်မြင်သော စီးပွားရေးလုပ်ငန်းရှင်တစ်ဦးလည်း ဖြစ်သည်။

    တမန်တော် မုဟမ္မဒ်သခင် ကိုယ်တော်တိုင်ပင် ဂျူးများနှင့် စီးပွားရေးဆက်ဆံမှုကို ထိန်းသိမ်းထားခဲ့သည်။ ခိုင်ဘာဒေသ စီးပွားရေးစီမံခန့်ခွဲမှုများအတွက် အကျိုးအမြတ်မျှစားသည့် ပုံစံဖြင့် တမန်တော်က ဂျူးများကို ယုံကြည်စွာ လွှဲအပ် တာဝန်ပေးခဲ့သည်။ တမန်တော်မှာ ကွယ်လွန်ချိန်အထိ ဂျူးများနှင့် စီးပွားရေးအဆက်အသွယ် ပြုခဲ့လေသည်။

    အီမာမ် ဘူခါရီ၊ အီမာမ် မွတ်စလင်၊ အီမာမ် အဟ်မဒ်နှင့် အခြားသော အစ္စလာမ့်ပညာရှိ ကဝိကျော်များကလည်း ၎င်းတို့၏ ဟဒီးစ်သြဝါဒတော်ကျမ်းများတွင် အောက်ပါအတိုင်း မှတ်တမ်းတင်ထားသည်။

    “…..တစ်ခါက တမန်တော်မြတ် (ငြိမ်းချမ်းမှုအပေါင်း သက်ရောက်ပါစေ) သည် ဂျူးကုန်သည်တစ်ဦးထံမှ ဂျုံအနည်းငယ် ၀ယ်ယူခဲ့သည်။ သို့သော်လည်း ပေးချေစရာ ငွေမရှိသောကြောင့် ဒိုင်းလွှားတစ်ခုကို အပေါင်အဖြစ် ဂျူးကုန်သည်ထံ ထားခဲ့လေသည်။ ကိုယ်တော်သည် ကွယ်လွန်သွားသည့်အချိန်အထိ အဆိုပါ ဒိုင်းလွှားကို ငွေသားဖြင့် ပြန်လည်ရွေးယူနိုင်ခြင်းမရှိပေ”

    တမန်တော်၏နောက်ပိုင်း သြဇာအာဏာ အထွပ်အထိပ်သို့ ရောက်ခဲ့သည့် အချိန်တွင်လည်း မွတ်စလင်များသည် အခြားဘာသာဝင်များနှင့် စီးပွားရေးဆောင်ရွက်မှုကို ရပ်တန့်ခဲ့ခြင်းမရှိပေ။ အူမရ် အစ်ဗနေ့ အလ် ခသဘ် ဘုန်းမီးနေလ ထွန်းတောက်သည့် အချိန်တွင် ထိုအခြေအနေက ဆက်ရှိနေခဲ့သည်။ မွတ်စလင်များအခြား အခြားဘာသာဝင်များအကြား တစ်ဖက်နှစ်တစ်ဖက် ရန်စောင်နေသည့်အချိန်မျိုးတွင်ပင် စီးပွားရေးဆက်ဆံမှုက ပျက်သုဉ်းခြင်းမရှိဘဲ ပိုမိုတိုးတက်၍လာခဲ့သည်။ အူမရ်သခင်သည် ၎င်း၏ အင်ပါယာအတွင်းသို့ ၀င်ရောက် ရောင်းဝယ်ဖောက်ကားသည့် မွတ်စလင်မဟုတ်သော စီးပွားရေးလုပ်ငန်းရှင်များကို တန်းတူညီမျှ ဆက်ဆံခဲ့သည့် သမိုင်းလည်း ရှိခဲ့သည်။

    အတိတ်ကိုပြန်ကြည့်လျှင် တမန်တော် မုဟမ္မဒ်သခင်သည် ဂျူးမျိုးနွယ်တစ်ချို့၊ ကိုရိုက်ရ်ှမျိုးနွယ်တို့နှင့် ငြိမ်းချမ်းရေးစာချုပ်များ ချုပ်ဆိုခဲ့သည်။ အစ္စလာမ်သာသနာ စတင်ပေါ်ပေါက်လာခဲ့သည့်အချိန်မှ အထွပ်အထိပ်သို့ ရောက်ရှိချိန်၊ ‘အစ္စလာမ့်ရွှေခေတ်’ ဟု ခေါ်တွင်သည့် ၈ ရာစုမှ ၁၄ ရာစုကာလတို့ကို လေ့လာကြည့်လျှင် ထိုကာလသည့် အစ္စလာမ့်သမိုင်းတွင် ယဉ်ကျေးမှု၊ စီးပွားရေးနှင့် သိပ္ပံဆိုင်ရာ တိုးတက်ထွန်းကားဆုံးဖြစ်သည်ကို တွေ့ရမည်။ အခြားဘာသာဝင်များနှင့် စီးပွားဆက်နွယ်သည့် မွတ်စလင်များ၏ အလေ့အထလည်း ပြောင်းလဲမှုမရှိပေ။ ယနေ့ကမ္ဘ္ဘာတွင်လည်း မွတ်စလင်ကမ္ဘ္ဘာသည် မွတ်စလင်မဟုတ်သည့် နိုင်ငံများနှင့် ကုန်သွယ်နေကြသည်။ စီးပွားရေးလုပ်ရာတွင် မည်သည့်မွတ်စလင်နိုင်ငံကမှ အပယ်ခံလိုခြင်း မရှိကြ။ သိပ္ပံနှင့် နည်းပညာဆိုင်ရာ ဖြစ်ပေါ်တိုးတက်မှုအပါအ၀င် မွတ်စလင်နိုင်ငံများသည့် မွတ်စလင်မဟုတ်သည့်နိုင်ငံများမှ အများအပြား ရယူခံစားနေကြသည်။

    အထက်ပါအချက်များက တရားတော်တွင်တားမြစ်ထားသည့် လုပ်ငန်းများအပ အခြားဘာသာဝင်များနှင့် စီးပွားရေး ဆက်နွယ်ပတ်သက်မှုကို အစ္စလာမ်က လက်ခံသည်ဆိုသည့် အထောက်အထားပင် ဖြစ်သည်။

    တားမြစ်ထားမှုမရှိ

    နိုင်ငံတကာကုန်သွယ်မှုတွင် မွတ်စလင်နိုင်ငံ၊ မွတ်စလင်မဟုတ်သည့်နိုင်ငံ စသဖြင့် မည်သည့်နိုင်ငံနှင့် ကုန်သွယ်သင့်သည်ဆိုသည်ကို ဆုံးဖြတ်ရန်မှာ အစိုးရ၏ အခန်းကဏ္ဍဖြစ်သည်။ နိုင်ငံရေးအကျိုးစီးပွား မျှော်ကိုးသည့် အဖွဲ့များ၏ ကိစ္စမဟုတ်။ တရားတော်နှင့် မကိုက်ညီသည့် ကုန်ပစ္စည်းများကို ပိတ်ပင်ခြင်း၊ အခြားနိုင်ငံများက ကုန်ပစ္စည်းများကို သပိတ်မှောက်ခြင်း တင်သွင်းခွင့်ပိတ်ပင်ခြင်း စသည့်ဆုံးဖြတ်ချက်များသည် အစိုးရအာဏာပိုင်များ၏လက်တွင်သာရှိပြီး သာမန်နိုင်ငံသားများနှင့် မဆိုင်ပေ။ အစိုးရက ဆုံးဖြတ်ခြင်းမဟုတ်ဘဲ မိမိတို့၏ နိုင်ငံရေးအကျိုးစီးပွားအတွက် ထိုကဲ့သို့ သပိတ်မှောက်မှုကို ခွင့်ပြုပေးထားပါက လူမျိုးစုံ ဘာသာစုံရှိသော မိမိတို့တိုင်းပြည်တွင် မလိုလားအပ်သည့် ဆိုးကျိုးများကိုသာ ဖြစ်လာစေမည်ဖြစ်သည်။

    ပြည်တွင်းတွင် မွတ်စလင်နှင့် မွတ်စလင်မဟုတ်သူ စီးပွားရေးလုပ်ငန်းများမှ ထုတ်လုပ်သော ကုန်ပစ္စည်းများကို မလေးရှားနိုင်ငံသားအများစုက လက်ခံသုံးစွဲကြသည်။ မလေးရှားနိုင်ငံသား လူမျိုးစုံသည် နိုင်ငံအတွင်း ငြိမ်းချမ်းစွာ၊ သဟာဇတဖြစ်စွာ နေထိုင်နေကြပြီး တစ်မိုးအောက်တွင် အလုပ်အတူ တွဲလုပ်ကြသည်။ ပြည်တွင်း ပြည်ပ စီးပွားရေးလုပ်ငန်းများတွင် မိတ်ကောင်းဆွေကောင်းများ ဖြစ်နေကြသည်။ တရားတော်ကတားမြစ်ထားသည့် ပစ္စည်းမျိုး မဟုတ်လျှင် မွတ်စလင်မဟုတ်သူများ ထုတ်လုပ်ရောင်းချသည့် ပစ္စည်းများကို ၀ယ်ယူသုံးစွဲမှုကို တားမြစ်ထားခြင်းမရှိဆိုသည့် သဘောထားမျိုးကို လက်ခံကြပါစို့။ မွတ်စလင်မဟုတ်သူများကလည်း မွတ်စလင်များ ထုတ်လုပ်သည့် ထုတ်ကုန်များကို မ၀ယ်ဘဲ ရှောင်ရှားမှုမျိုး မရှိသင့်ပေ။

    Ref: Freemalaysiatoday

    ( မလေးရှားနိုင်ငံသား Moaz Nair ရေးသားထားပြီး Free Malaysia Today တွင် လွှင့်တင်ထားသည့် ဆောင်းပါးကို လေးမောင်က ဆီလျော်အောင် ဘာသာပြန်ဆိုပါသည်။ ဆောင်းပါးသည် မလေးရှားနိုင်ငံတွင် ပြီးခဲ့တစ်ပတ်က ပေါ်ထွက်လာသော ‘မွတ်စလင်ထုတ်ကုန်များကို အရင်ဝယ်ပါ’ ဆိုသည့် လှုပ်ရှားမှုကို သုံးသပ်ရေးသားထားခြင်းဖြစ်ပါသည်။)