Tag: Man City

စက်တင်ဘာ ၁၅၊ ၂၀၁၆
M-Media

– နည်းပြ ဂွာဒီယိုလာ၏ ကစားကွက်က မိမိအား ပိုကောင်းသည့်ကစားသမား ဖြစ်စေခဲ့ပြီး ဂိုးများလည်း ယခုထက်ပို၍ သွင်းနိုင်လိမ့်မည်ဟု မန်စီးတီးတိုက်စစ်မှူး ဆာဂျီယိုအဂူရိုက ပြောကြားလိုက်သည်။

အဂူရိုမှာ ယနေ့မနက်က မိုချန်ဂလာဘက်ခ်ျအသင်းအား ၄ ဂိုးပြတ်ဖြင့် အနိုင်ရခဲ့သည့် ချန်ပီယံလိဂ် အုပ်စုပွဲစဉ်တွင် ဟက်ထရစ်သွင်းယူနိုင်ခဲ့ပြီး မန်စီးတီးအတွက် ကစားခဲ့သည့် ၅ ပွဲတွင် စုစုပေါင်း ၉ ဂိုး သွင်းယူထားနိုင်ခြင်းဖြစ်သည်။ ဂွါဒီယိုလာမှာ မန်စီးတီးသို့ မရောက်ခင်ကတည်းက အဂူရိုအနေဖြင့် ၎င်း၏ ကစားကွက်နှင့် အံဝင်ရန်အတွက် လုပ်အားနှုန်း တိုးမြှင့်ရမည်ဟု ပြောကြားခဲ့ဖူးသည်။

အဂူရိုကမူ မိမိမှာ နည်းပြ၏ တောင်းဆိုမှုကို ဖြည့်ဆည်းပေးနိုင်ခဲ့သည်ဟု ယုံကြည်နေသည်။

“နည်းပြသစ်နဲ့ပတ်သက်ပြီး ကျွန်တော် တော်တော်လေး ကျေနပ်ပါတယ်။ ကျွန်တော့်ရဲ့ ကစားသမားသက်တမ်းမှာ အကူအညီဆုံးပေးနိုင်ဆုံး နည်းပြတွေထဲက တစ်ဦးလည်းဖြစ်ပါတယ်။ ဂိုးနားက ကျွန်တော့်ရဲ့ ကစားပုံဟာ တိုးတက်လာပြီး ဂိုးတွေ သွင်းနိုင်လာပါတယ်။ ဂွါဒီယိုလာနဲ့ဆို ကျွန်တော် ဂိုးတွေပိုသွင်းနိုင်မှာပါ” ဟု အဂူရိုက ပြောကြားခဲ့သည်။

Ref: Goal

သြဂုတ် ၇၊ ၂၀၁၆
M-Media

– မိမိအနေဖြင့် အသင်းရှိကစားသမားများအကြောင်း သိရှိနားလည်ရန်အတွက် ၎င်းတို့နှင် သွားအတူ စားအတူ နေသွားမည်ဟု မန်စီးတီးနည်းပြ ဂွါဒီယိုလာက ပြောကြားလိုက်သည်။

စပိန်နှင့် ဂျာမနီတို့တွင် ဘာစီလိုနာ၊ ဘိုင်ယန်မြူးနစ်တို့နှင့် အောင်မြင်မှုသရဖူ ဆောင်းနိုင်ခဲ့သည့် ဂွာဒီယိုလာမှာ ပရီးမီးယားလိဂ်ပွဲထွက်ရန် ပြင်ဆင်နေပြီး အချိန်တိုတိုနှင့် အောင်မြင်မှုရနိုင်ရေး အဓိကကြိုးစားရမည့်ကိစ္စကို ဖွင့်ဟခဲ့သည်။

“ကစားသမားတွေရဲ့အကြောင်းကိုသိဖို့အတွက် ကျွန်တော်ဟာ သူတို့နဲ့အတူ နေထိုင်ဖို့ လိုပါတယ်။ သူတို့နဲ့ အတူစား၊ အတူသွား၊ အတူ လေ့ကျင့်တာမျိုးဖြစ်ပြီး ဒါမှသာ သူ့တို့အကြောင်း သိမှာပါ။ ရာသီအကြို အခြေအနေတွေအတွက် ကျွန်တော် တော်တော်လေး ကျေနပ်ပါတယ်။ ကစားသမားတွေအားလုံးရဲ့ ကစားပုံနဲ့ပတ်သက်ပြီးလည်း ကျွန်တော် ကျေနပ်ပါတယ်” ဟု ဂွါဒီယိုလာက ပြောကြားခဲ့သည်။

ထို့ပြင် မိမိတို့အသင်းမှာ စိတ်ဓာတ်နှင့် အပြုအမူကောင်းမွန်မှသာ အသင်းကောင်းတစ်သင်း ဖြစ်မည်ဖြစ်ပြီး မိမိလိုချင်သည်မှာလည်း ထိုကဲ့သို့ပင်ဖြစ်ကြောင်း၊ မိမိတို့မှာ တစ်ဦးကိုတစ်ဦး ကူညီဖေးမကာ ရှေ့ဆက်ရမည်ဖြစ်ကြောင်း ၎င်းက ထပ်လောင်းပြောကြားခဲ့သည်။

မန်စီးတီးမှာ ယနေ့တွင် အာဆင်နယ်အသင်းနှင့် ခြေစမ်းပွဲကစားရမည်ဖြစ်ပြီး လာမည့် သီတင်းပတ်တွင် ဆန်းဒါးလန်းအသင်းနှင့် ပရီးမီးယားလိဂ်အဖွင့်ပွဲကို စတင်ရမည်ဖြစ်သည်။

Ref: Goal

မေ ၁၃၊ ၂၀၁၆
M-Media

– ရာသီပြီးဆုံးရန် တစ်ပွဲလိုတော့သည့်အချိန် မြို့ခံပြိုင်ဘက် မန်ယူနှင့် ချန်ပီယံလိဂ်ဝင်ခွင့်နေရာအတွက် ယှဉ်ပြိုင်နေရသည့် မန်စီးတီးနည်းပြ ပယ်လီဂရီနီက မိမိအသင်းမှာ ချန်ပီယံလိဂ်နေရာနှင့် ထိုက်တန်သည်ဟု ပြောကြားလိုက်သည်။

မန်စီးတီးမှာ လက်ရှိတွင် အဆင့် ၄ နေရာ၌ ရှိနေပြီး အဆင့် ၅ မှ မန်ယူအား ၂ မှတ်ဖြတ်ထားကာ နောက်ဆုံးပွဲအဖြစ် ဆွမ်ဆီးအသင်းနှင့် အဝေးကွင်တွင် သွားရောက်ယှဉ်ပြိုင်ရမည်ဖြစ်သည်။ မန်စီးတီးတွင် ၃ နှစ် တာဝန်ယူပြီး ပရီးမီးယားလိဂ် ၁ ကြိမ်နှင့် လိဂ်ဖလား ၂ ကြိမ် ရယူပေးထားသည့် ပယ်လီဂရီနီက အသင်းသားများမှာ ချန်ပီယံလိဂ်နေရာနှင့် ထိုက်တန်သည်ဟု ဆိုသည်။

“ကျွန်တော်တို့ ချန်ပီယံလိဂ်ရောက်ဖို့ ထိုက်တန်ပါတယ်။ (၂ ဂိုးစီသရေကျခဲ့သည့်) အာဆင်နယ်နဲ့ပွဲမှာ ကျွန်တော်တို့ ကောင်းကောင်းကစားနိုင်ခဲ့ပြီး ဥရောပ၀င်ခွင့်ရဖို့လည်း ကျွန်တော်တို့ ထိုက်တန်ပါတယ်။ ဒါပေမယ့် ပရီးမီးယားလိဂ်ဆိုတာ မလွယ်ကူပါဘူး။ အာဆင်နယ်နဲ့တုန်းက ကစားပုံမျိုးနဲ့ပဲ ရာသီကို အဆုံးသတ်ချင်ပါတယ်။ (ချန်ပီယံလိဂ်) ရီးယဲလ်နဲ့ပွဲအတွက် ကျွန်တော်စိတ်ပျက်ခဲ့ရပြီး အဲဒီတုန်းက ကျွန်တော့်အသင်းနဲ့ကို မတူပါဘူး။ ဖလားတွေရတာကို ကျွန်တော်ဂုဏ်ယူမိသလို ကစားပုံအတွက်လည်း ဂုဏ်ယူမိပါတယ်။ ကျွန်တော်တို့ဟာ ပရိတ်သတ်တွေအတွက် ကစားကြတာပါ” ဟု ပယ်လီဂရီနီက ပြောကြားခဲ့သည်။

Ref : Goal

ဧပြီ ၁၇၊ ၂၀၁၆
M-Media

– မိမိ၏ တိုက်စစ်မှူး ဆာဂျီယိုအဂူရိုအနေဖြင့် အင်္ဂလန်၌ ကစားသည့် ကာလအတွင်း တစ်နှစ်တာအကောင်းဆုံး ဘောလုံးသမားအဖြစ် ရွေးချယ်မခံရမှုမှာ ထူးဆန်းသည်ဟု မန်စီးတီးနည်းပြ မန်နျူယဲလ် ပယ်လီဂရီနီက ပြောကြားလိုက်သည်။

အဂူရိုမှာ ပရီးမီးယားလိဂ်၌ ကျင်လည်နေသည်မှာ ၄ ရာသီရှိပြီဖြစ်ပြီး ပရော်ဖက်ရှင်နယ် ဘောလုံးသမားများအသင်း PFA နှင့် ဘောလုံးအားကစားကလောင်ရှင်များအသင်း PWA တို့မှ ချီးမြှင့်သော ဆုများကို တစ်နှစ်မှမရခဲ့ဘဲ ယခုနှစ်တွင်လည်း ရရှိနိုင်မည့် အနေအထား မရှိပေ။

မန်းစီးတီးအသင်းတွင် အဓိကအခန်းကဏ္ဍမှ ပါဝင်နေပြီး ပြီးခဲ့သည့်နှစ်က ဂိုးအများဆုံးသွင်းသည့် ရွှေဖိနပ်ဆုကိုပင် ရရှိခဲ့သော်လည်း PFA တစ်နှစ်တာအကောင်းဆုံး အသင်းတွင်လည်း ၎င်းမှာ ပါဝင်ခဲ့ခြင်းမရှိပေ။ ပယ်လီဂရီနီကမူ ယမန်နေ့က ချယ်ဆီးအား ဟက်ထရစ်သွင်းခဲ့သည့် ၎င်း၏ တိုက်စစ်မှူး တစ်ဦးချင်းဆု မရရှိသည့်အတွက် အံ့အားသင့်နေသည်။

“ဆာဂျီယို အဂူရိုဟာ ပရီးမီးယားလိဂ်မှာ အကောင်းဆုံး တိုက်စစ်မှူးလို့ ကျွန်တော် အသေအချာ ပြောရဲပါတယ်။ သူဒီမှာ ကစားတဲ့နှစ်တွေမှာ ပရီးမီးယားလိဂ် အကောင်းဆုံးကစားသမားအဖြစ် အရွေးမခံရတာကတော့ ထူးခြားပါတယ်။ တစ်ကယ်လို့ အကောင်းဆုံး မဟုတ်ဘူးဆိုရင်လည်း အဂူရိုဟာ အကောင်းဆုံးထဲက တစ်ယောက်ပါ” ဟု ပယ်လီဂရီနီက ပြောကြားခဲ့သည်။

Ref: Gaol