Tag: Man City

မန်စီးတီးကွင်းလယ်လူ တိုးရေး အသင်းမှ ထွက်မည်

မတ် ၃၀၊ ၂၀၁၆
M-Media

– မန်စီးတီးအသင်း၏ အားထားရသည့် ကွင်းလယ်ကစားသမား ယာယာတိုးရေးမှာ ရာသီကုန်လျှင် အသင်းမှ ထွက်ခွာတော့မည်ဖြစ်ပြီး လက်ရှိတွင် ဥရောပအသင်းများနှင့် ဆွေးနွေးမှုများ ပြုလုပ်နေသည်ဟု အေးဂျင့်ဖြစ်သူ ဒီမီထရီ ဆီလက်က ပြောကြားလိုက်သည်။

တိုးရေး၏ စာချုပ်သက်တမ်းမှာ ရာသီကုန်တွင် ကုန်ဆုံးမည်ဖြစ်ပြီး အချိန်မီ သက်တမ်းတိုးရန် မကမ်းလှမ်းပါက အသင်းမှထွက်ခွာမည်ဟု ဆီလက်က စောစောပိုင်းတွင် သတိပေးထားသည်။ တိုးရေးအား ပီအက်စ်ဂျီ၊ ဘိုင်ယန်မြူးနစ်နှင့် ဂျူ ဗင်တပ်စ်တို့က ခေါ်ယူရန် စိတ်ဝင်စားနေသည်ဟု သတင်းများလည်း ထွက်ပေါ်နေသည်။

“လက်ရှိအချိန်မှာတော့ နွေရာသီမှာ ယာယာထွက်ခွာဖို့အတွက် အသင်းတစ်ချို့နဲ့ ဆွေးနွေးမှုတွေ စတင်နေပါတယ်။ မန်စီးတီးက ခိုင်ခိုင်မာမာ ဘာမှ မလုပ်ပါဘူး။ ယာယာဟာ အသင်းအတွက် အရာအားလုံးကို ပေးဆပ်ခဲ့ပြီး အသင်းရဲ့ ဒီလိုပုံစံမျိုးက ယာယာကို အသင်းမှာဆက်ရှိနေစေချင်တဲ့ ဆန္ဒရှိတယ်လို့ မခံစားရပါဘူး” ဟု အေးဂျင့်ဖြစ်သူက ပြောကြားခဲ့သည်။

တိုးရေးမှာ ယခုနှစ် ပရီးမီးယားလိဂ်တွင် ၂၆ ပွဲ ပါဝင်ကစားခဲ့ကာ ၆ ဂိုး သွင်းယူပေးထားသည်။

Ref: Goal

March 30, 2016
မန်စီးတီးမှာ အသင်းကြီးအဖြစ် တိုးတက်နေသည်ဟု နည်းပြပြော

မတ် ၁၆၊ ၂၀၁၆
M-Media

– ဒိုင်နမိုကိဗ်အား ဖြုတ်ချကာ ချန်ပီယံလိဂ် ကွာတားဖိုင်နယ်သို့ တက်ရောက်သွားခြင်းမှာ အသင်းအတွက် အရေးပါသော အောင်မြင်မှုဖြစ်ပြီး အသင်းမှာလည်း အသင်းကြီးတစ်သင်းအဖြစ် ဆက်လက် တိုးတက်နေသည်ဟု မန်စီးတီးနည်းပြ ပယ်လီဂရီနီက ပြောကြားလိုက်သည်။

ယနေ့မနက်က ကစားခဲ့သည့် ချန်ပီယံလိဂ် ၁၆ သင်းအဆင့် ဒုတိယအကျော့ အိမ်ကွင်းတွင် မန်စီးတီးအသင်းမှာ ဂိုးမရှိသရေ ကျခဲ့သော်လည်း ပထမအကျော့က ၃ ဂိုး ၁ ဂိုးဖြင့် အနိုင်ရရှိထားသောကြောင့် နောက်တစ်ဆင့် တက်ရောက်နိုင်ခဲ့ခြင်းဖြစ်ကာ အသင်းသမိုင်းတစ်လျှောက် ချန်ပီယံလိဂ်ကွာတားဖိုင်နယ်ကို ပထမဆုံးအကြိမ် ရောက်ရှိခြင်းလည်းဖြစ်သည်။

ရာသီကုန်တွင် ဂွာဒီယိုလာလက်သို့ လွှဲပေးရတော့မည့် ပယ်လီဂရီနီကမူ အသင်း၏အောင်မြင်မှုအတွက် ကျေနပ်နေသည်။

“ဒါဟာ အသင်းအတွက် အင်မတန်အရေးပါတဲ့ အောင်မြင်မှုပါပဲ။ အသင်းဟာ အသင်းကြီးတစ်သင်းအဖြစ် ဆက်လက်တိုးတက်ဖွံ့ဖြိုးနေပါတယ်” ဟု ၎င်းက ပြောကြားခဲ့သည်။

ထိုပွဲတွင် နောက်ခံလူများဖြစ်သည့် အသင်းခေါင်းဆောင် ဗင်းဆင့်ကွန်ပနီနှင့် နီကိုလက်စ် အိုတာမန်ဒီတို့မှာ ဒဏ်ရာရရှိခဲ့ပြီး ကွန်ပနီမှာ အနည်းဆုံး ၁ လခန့်အနားယူရဖွယ်ရှိနေသည်။

Ref: Channelnewsasia

March 16, 2016
မိမိ၏တိုးတက်မှုအတွက် အဂူရိုကို စတာလင် ချီးကျူး

မတ် ၈၊ ၂၀၁၆
M-Media

– ဂိုးရှေ့တွင် ကစားသမားကောင်းတစ်ယောက်ဖြစ်လာအောင် ကူညီပေးခဲ့သည့် အသင်းဖော် ဆာဂျီယိုအဂူရိုအား မန်စီးတီးတောင်ပံကစားသမား ရဟီမ်းစတာလင်က ချီးကျူးခဲ့ပြီး ယခုနှစ်တွင် ဂိုးများများသွင်းယူနိုင်ရန် ကြိုးစားသွားမည်ဟု ပြောကြားလိုက်သည်။

ပြီးခဲ့သည့်တစ်ပတ် အက်စတွန်ဗီလာအား ၄ ဂိုးပြတ်ဖြင့် အနိုင်ရရှိခဲ့သည့်ပွဲတွင် စတာလင်မှာ ၁ ဂိုး သွင်းယူပေးခဲ့ပြီး ယခုရာသီ မန်စီးတီးအတွက် ၎င်း၏ ပရီးမီးယားလိဂ် ၁၁ ဂိုးမြောက်လည်းဖြစ်သည်။ ထိုအရေအတွက်မှာ လီဗာပူးလ်တွင် ၎င်းကစားစဉ်က တစ်ရာသီအတွင်း အမြင့်ဆုံးသွင်းယူထားခဲ့သည့် ဂိုးအရေအတွက်နှင့် တူညီခဲ့ခြင်းဖြစ်သည်။

စတာလင်ကမူ ၎င်း၏ တိုးတက်မှုအတွက် အဂူရိုအား ချီးကျူးခဲ့သည်။

“အဆုံးသတ်ပိုင်းအတွက် ကျွန်တော် ကြိုးစားနေပြီး၊ ဒါဟာ ကျွန်တော် တိုးတက်ချင်တဲ့ အရာတစ်ခုလည်း ဖြစ်ပါတယ်။ သိသာတာတစ်ခုက ကျွန်တော်တို့မှာ အဂူရိုလို ကစားသမားမျိုး ရှိတယ်။ သူဟာ ပွဲကို သုံးသပ်ပြီး တိုးတက်မှုရှိအောင် ဆောင်ရွက်နိုင်တဲ့ ကစားသမားမျိုးပါ။ ကျွန်တော့်ကိုလည်း သူက ကူညီပေးပါတယ်။ နေ့တိုင်းနေ့တိုင်း ကျွန်တော်ရဲ့ အရည်အသွေး တိုးတက်ဖို့ ကြိုးစားနေပြီး ဆက်လက်ကြိုးစားသွားနိုင်မယ်လို့လည်း ကျွန်တော် မျှော်လင့်ပါတယ်” ဟု စတာလင်က ပြောကြားခဲ့သည်။

လက်ရှိတွင် လီဗာပူးလ်၌ ရရှိခဲ့သည့် တစ်ရာသီအမြင့်ဆုံး သွင်းဂိုးအရေအတွက်နှင့် တူညီသည့် အနေအထားကို ရရှိသော်လည်း ရှေ့ဆက်၍ ဂိုးများ ဆက်လက်သွင်းယူရန် ကြိုးစားသွားမည်ဟု ၎င်းက ထည့်သွင်းပြောဆိုခဲ့သည်။

Ref: Goal

March 8, 2016
အရန်ဂိုးသမား၏လက်စွမ်းကို မန်စီးတီးနည်းပြ ချီးကျူး

ဖေဖော်ဝါရီ ၂၉၊ ၂၀၁၆
M-Media

– လိဂ်ဖလားဗိုလ်လုပွဲတွင် လက်စွမ်းပြခဲ့သည့် အရန်ဂိုသမား ၀ီလီ ကာဘာလာရိုအား မန်စီးတီးနည်းပြ မန်နျူယဲလ် ပယ်လီဂရီနီက ချီးကျူးလိုက်ပြီး ၎င်းအား ချန်လှပ်ထားခြင်းထက် လိဂ်ဖလားရနိုင်ခွင့်ကိုသာ အဆုံးရှုံးခံသွားရန် ဆုံးဖြတ်ထားခဲ့သည်ဟု ပြောကြားခဲ့သည်။

ယမန်နေ့က ၀င်ဘလေကွင်းတွင် လီဗာပူးလ်နှင့်ကစားခဲ့သည့် အဆိုပါဗိုလ်လုပွဲ၌ ပွဲချိန်အတွင်း ၁ ဂိုးစီ သရေကျခဲ့သောကြောင့် ပင်နယ်တီကန်သွင်းခဲ့ရာ အသက် ၃၄ နှစ်အရွယ် ၀ီလီကာဘာလာရိုက လီဗာပူးလ်အသင်း၏ ပင်နယ်တီ ၃ လုံးကို ကာကွယ်နိုင်ခဲ့သည်။ ၎င်းမှာ ပြီးခဲ့သည့်တစ်ပတ်က ချယ်ဆီးအသင်းနှင့် ကစားခဲ့သည့် FA ဖလား ပဉ္စမအကျော့တွင် ၅ ဂိုး ၁ ဂိုးဖြင့် ရှုံးနိမ့်မှုအတွက် ဝေဖန်ခံခဲ့ရသူ ဖြစ်သည်။

ပယ်လီဂရီနီကမူ မိမိ၏ နံပါတ် ၂ ဂိုးသမားအပေါ် ယုံကြည်မှုအပြည့် ရှိနေသည်ဟု ပြောကြားခဲ့သည်။

“ဘယ်လောက်နိုင်ချင်လဲလို့မေးရင်တော့ ကျွန်တော်က တော်တော်လေးနိုင်ချင်တယ်လို့ ဖြေမှာပါ။ ပထမဆုံးပြောချင်တာက ၀ီလီကာဘာလာရို ဒီညမှာ မကစားလို့မဖြစ်ဘူးဆိုတဲ့ ကျွန်တော့်စကားကို တည်ဖို့အတွက် ဖလားကိုလည်း အဆုံးအရှုံး ခံနိုင်ပါတယ်။ ၀ီလီက အမှားလုပ်နိုင်တယ်ဆိုပြီး မီဒီယာတော်တော်များများက ကျွန်တော့်ကို ဝေဖန်ကြပါတယ်။ ကျွန်တော်က သူ့ကို ခြွင်းချက်မရှိ ယုံပါတယ်။ အသင်းပရိတ်သတ်တွေအတွက်၊ အသင်းအတွက်၊ ကစားသမားတွေအတွက် လိဂ်ဖလားရယူပေးရတာကို ကျွန်တော် ပျော်ပါတယ်။ ဒါပေမယ့် ၀ီလီ့အတွက်တော့ ပိုပြီးပျော်ပါတယ်” ဟု ပယ်လီဂရီနီက ပွဲအပြီးတွင် ပြောကြားခဲ့သည်။

မန်စီးတီးမှာ လက်ရှိအချိန်တွင် ပရီးမီးယားလိဂ် ပြေးလမ်းကြောင်း၌ ဆက်လက်ရှိနေသေးပြီး၊ ချန်ပီယံလိဂ် ၁၆ သင်းအဆင့် ပထမအကျော့တွင် ဒိုင်နမိုကိဗ်အား အနိုင်ရထားကာ နောက်တစ်ဆင့်တက်ရေး အခြေအနေကောင်းနေသည်။

Ref: Goal

February 29, 2016
မန်စီးတီးအသင်း၏ ချန်ပီယံလိဂ် တိုးတက်မှုအတွက် နည်းပြ ပယ်လီဂရီနီ ချီးကျူး

ဖေဖော်ဝါရီ ၂၅၊ ၂၀၁၆
M-Media

– ချန်ပီယံလိဂ် ၁၆ သင်းအဆင့် ပထမအကျော့တွင် ဒိုနမိုကိဗ်အား အနိုင်ကစားနိုင်ပြီးနောက် အသင်း၏ တိုးတက်မှုကို မန်စီးတီးနည်းပြ ပယ်လီဂရီနီက ချီးကျူးပြောဆိုလိုက်သည်။

ယနေ့မနက်က ကစားခဲ့သည့် အဆိုပါပွဲတွင် မန်စီးတီးမှာ အဝေးကွင်း၌ ကစားခဲ့ရသော်လည်း ဆာဂျီယိုအဂူရို၊ ဒေးဗစ်ဆေးလ်ဗားနှင့် ယာယာတိုးရေးတို့၏ ဂိုးများကြောင့် ၃ ဂိုး ၁ ဂိုးဖြင့် အနိုင်ရပြီး နောက်တစ်ဆင့်တက်ရေးအတွက် အခြေအနေ ကောင်းလာခဲ့သည်။ ၁၆ သင်းအဆင့်ကို ကျော်ဖြတ်နိုင်ပါက မန်စီးတီးမှာ အသင်းသမိုင်းတစ်လျှောက် ပထမဆုံးအကြိမ်အဖြစ် ချန်ပီယံလိဂ် ကွာတားဖိုင်နယ်သို့ ရောက်ရှိမည်ဖြစ်သည်။

“ရလဒ်ကောင်းဖြစ်တဲ့အတွက် ကျွန်တော်တို့ အရမ်းပျော်ပါတယ်။ ကံသေကံမ ပြောလို့မရသေးပေမယ့် ၂ ဂိုးအသာနဲ့ အဝေးကွင်းနိုင်ပွဲဟာ ကောင်းမွန်တဲ့ ရလဒ်ပါပဲ။ ကျွန်တော်တို့ဟာ အခွင့်အရေးအများကြီး လွဲချော်ခဲ့တယ်။ ၂ ဂိုး ၁ ဂိုးနဲ့ နိုင်နေတဲ့အချိန်မှာ သံသယနည်းနည်း ရှိခဲ့ပေမယ့် နောက်ဆုံးမှာတော့ တတိယဂိုးကို သွင်းယူနိုင်ခဲ့ပါတယ်” ဟု ပယ်လီဂရီနီက ပွဲအပြီးတွင် ပြောကြားခဲ့သည်။

ထို့ပြင် မိမိတို့အသင်းအနေဖြင့် နောက်တစ်ဆင့်သို့ တက်ရောက်နိုင်ကြောင်း၊ ကွာတားဖိုင်နယ်သို့ ရောက်ရှိပါက ဥရောပရှိ အကောင်းဆုံး ၈ သင်းစာရင်းတွင် ပါဝင်မည်ဖြစ်ကာ မည်သည့်အရာမဆို ဖြစ်နိုင်ကြောင်း ၎င်းက ထည့်သွင်းပြောဆိုခဲ့သည်။

Ref: Goal

February 25, 2016