News @ M-Media

Tag: Minority In Myanmar

  • မြန်မာနိုင်ငံတွင် အမုန်းစကားတားဆီးရေး Facebook ၏ ဆောင်ရွက်မှု လိုအပ်နေသေး

    မြန်မာနိုင်ငံတွင် အမုန်းစကားတားဆီးရေး Facebook ၏ ဆောင်ရွက်မှု လိုအပ်နေသေး

    ဇွန် ၁၇၊ ၂၀၁၈
    M-Media

    – မြန်မာနိုင်ငံမှာ အမုန်းစကားတွေ ပြန့်ပွားမှုကို နှိမ်နှင်းဖို့အတွက် Facebook ဟာ ပိုမိုကြိုးစားအားထုတ်ဖို့ လို အပ်တယ်လို့ လေ့လာဆန်းစစ်သူတွေက ပြောကြားလိုက်ပါတယ်။

    ဆယ်စုနှစ်နဲ့ချီ ကြာမြင့်ခဲ့တဲ့ စစ်အာဏာရှင်စနစ် အဆုံးသတ်သွားပြီးတဲ့နောက် ဒီမိုကရေစီ အသွင်ကူးပြောင်းရေးကာလမှာ မြန်မာနိုင်ငံအတွင်း အဆိပ်ရှိတဲ့ အမျိုးသားရေးဝါဒနဲ့ လူနည်းစုတွေအပေါ် သည်းမခံနိုင်မှု မြင့်တက်လာတာပါ။

    ဖုန်းနဲ့ အင်တာနက်အသုံးပြုမှု လွယ်ကူလာခဲ့ပြီး အမုန်းစကားတွေဟာလည်း အွန်လိုင်းစာမျက်နှာမှာ ပိုမိုပြန့်နှံလာခဲ့ပါတယ်။ ကုလ စုံစမ်းစစ်ဆေးရေးမှူးတွေက မြန်မာနိုင်ငံမှာ Facebook ဟာ အမုန်းတရား ၀ါဒဖြန့်ရာမှာ အဓိက အခန်းကဏ္ဍကနေ ပါဝင်နေတယ်လို့ ပြောဆိုထားပါတယ်။

    မြန်မာနိုင်ငံက နိုင်ငံသားအခွင့်အရေးနဲ့ ဒစ်ဂျစ်တယ်အခွင့်အရေး လှုပ်ရှားသူတွေကတော့ ဒီလို အမုန်းဝါဒဖြန့်မှုတွေကို တားဆီးရေး ဆောင်ရွက်နေပြီး၊ Facebook အနေနဲ့လည်း ပိုမိုအားထုတ်ကြိုးပမ်းဖို့ တိုက်တွန်းခဲ့ပါတယ်။

    ဧပြီလက Facebook စီအီးအို မာ့ခ် ဇက်ကာဘတ်ကို လိပ်မူပြီး မြန်မာနိုင်ငံက အဖွဲ့ ၆ ဖွဲ့ရဲ့ အိတ်ဖွင့်ပေးစာမှာ Facebook က ပို့စ်တွေကြောင့် အကြမ်းဖက်မှု ဖြစ်ပွားနှုန်းဟာ အခြားနိုင်ငံတွေနဲ့စာရင် မြန်မာနိုင်ငံမှာ တော်တော်လေး မြင့်မားနေကြောင်း၊ အဆိပ်အတောက်ရှိတဲ့ အမုန်းစကားတွေ၊ လုပ်ကြံသတင်းတွေကို Facebook က ထိထိရောက်ရောက် ဖြေရှင်းမှု မရှိဘူးဆိုတာကို မိမိတို့အဖွဲ့တွေက တွေ့ရကြောင်း ဖော်ပြထားပါတယ်။

    ဇက်ကာဘတ်ကလည်း သူတို့အနေနဲ့ မြန်မာနိုင်ငံဆိုင်ရာ ၀န်ထမ်းတွေကို တိုးမြှင့်ခန့်ထားခြင်း အပါအ၀င် မြန်မာနိုင်ငံက ပြဿနာတွေကို ဖြေရှင်းဖို့ ပိုမိုကြိုးစားနေတယ်လို့ တုန့်ပြန်ခဲ့ပါတယ်။

    “ဒီလို အရေးကြီးတဲ့ ပြဿနာတွေကို လျော့ပါးအောင်လုပ်ဖို့၊ ဒီအတွက် အဖြေရှာဖို့အတွက် Facebook ရဲ့ ပြန်လည်တုန့်ပြန်မှု၊ လုပ်နိုင်စွမ်းခွဲဝေမှုတွေကို ကျွန်တော်တို့ သိပ်မမြင်ရပါဘူး” လို့ ရန်ကုန်အခြေစိုက် ဖန်တီးရာအဖွဲ့ရဲ့ စီအီးအို ဂျက် ပီတာဆန်က ပြောကြားခဲ့ပါတယ်။

    လူဦးရေ ၅၃ သန်းလောက်ရှိတဲ့ မြန်မာနိုင်ငံမှာ Facebook အကောင်းပေါင်း ၂၇ သန်းလောက် ရှိနေပါတယ်။

    ရန်ကုန်အခြေစိုက် ဒဏ်ဂျစ်တယ်ဆိုင်ရာ တက်ကြွလှုပ်ရှားသူ ကိုသန့်စင်က ဒစ်ဂျစ်တယ်အသိပညာကြွယ်ဝရေး ထိရောက်အောင် မဆောင်ရွက်နိုင်သေးကြောင်း၊ ကိုယ့်ရဲ့ အချက်အလက်တွေကို ကာကွယ်ဖို့၊ အွန်လိုင်းမှာတွေ့ရတဲ့ သတင်းအချက်အလက်တွေကို ထိန်းချုပ်ဖို့၊ အွန်လိုင်းဆွေးနွေးမှုတွေမှာ အမုန်းစကားလွတ်ကင်းဖို့ စတာတွေအတွက် တိုးမြှင့်ပြုလုပ်နေကြောင်း ပြောကြားခဲ့ပါတယ်။

    အမုန်းစကားတွေ ပြန့်နှံ့မှုကို တင်းတင်းကြပ်ကြပ် ထိန်းချုပ်ထားတဲ့ ဂျာမနီမှာ ပို့စ်တွေကို စောင့်ကြည့်ဖို့အတွက် ၀န်ထမ်း ၁၂၀၀ လောက် ထားရှိတာကိုလည်း ပီတာဆန်က ထောက်ပြပါတယ်။

    “မြန်မာနိုင်ငံမှာ အသုံးပြုသူနဲ့ စောင့်ကြည့်သူ အချိုးချပြီး ခန့်မယ်ဆိုရင် စောင့်ကြည်သူ ၇၀၀ လောက် လိုအပ်ပါလိမ့်မယ်။ အဲဒီလူတွေအားလုံးဟာ မြန်မာစကားကို ပြောတတ်၊ ရေးတတ်တဲ့သူတွေ ဖြစ်ရပါမယ်”

    Facebook ဟာ မြန်မာနိုင်ငံမှာ အမုန်းစကားတွေကို ဖော်ထုတ်ဖို့အတွက် ဉာဏ်ရည်တု နည်းပညာကို အသုံးပြုနေပေမယ့် လေ့လာစောင့်ကြည့်သူတွေကတော့ ဒါဟာ အလုပ်မဖြစ်ဘူးလို့ ဆိုပါတယ်။

    ပီတာဆန်က Facebook အနေနဲ့ သူတို့ရဲ့ဆောင်ရွက်ချက်တွေ ပိုမို ပွင့်လင်းမြင်သာရေး ဖန်တီးရာအဖွဲ့က တွန်းအားပေးနေတယ်လို့လည်း ထည့်သွင်း ပြောဆိုခဲ့ပါတယ်။

    “ဆိုးရွားတဲ့ပို့စ်တွေ ဘယ်လောက် ဖယ်ရှားထားသလဲ။ report ဘယ်လောက်များများရသလဲ။ အကောင့် ဘယ်နှစ်ခုကို ပိတ်ထားလဲ ဆိုတာတွေပါ။ ထိလွယ်ရှလွယ်တဲ့ အချက်အလက်ကို ထုတ်ပြန်ပေးဖို့ ကျွန်တော်တို့ တောင်းဆိုနေတာမဟုတ်ဘူးဗျ။ တစ်ချို့အချက်အလက်တွေကိုပဲ သိချင်တာပါ”

    Ref : NPR

  • လက်ဟန်ဘာသာစကားဖြင့် အစ္စလာမ့်ရေးရာသင်ကြားပို့ချမှု ပထမဆုံးအကြိမ် သင်တန်းဆင်းပွဲကျင်းပ

    လက်ဟန်ဘာသာစကားဖြင့် အစ္စလာမ့်ရေးရာသင်ကြားပို့ချမှု ပထမဆုံးအကြိမ် သင်တန်းဆင်းပွဲကျင်းပ

    ဇွန် ၄၊ ၂၀၁၈
    M-Media

    သင်တန်းဆင်းပွဲအခမ်းအနားပြီးနောက် သင်တန်းသားများ၏ စုပေါင်းဓာတ်ပုံ

    –  မြန်မာမွတ်စလင် လူငယ်ပညာဒါနအဖွဲ့တစ်ခုဖြစ်သည့် Myanmar Muslim Deaf (MMD) က နားမကြား မွတ်စလင်ကလေးငယ်များအား လက်ဟန်ဘာသာစကား(Sign Language) ဖြင့် အစ္စလာမ့်ရေးရာများ သင်ကြားပို့ချမှု ပထမဆုံးအကြိမ် သင်တန်းဆင်းပွဲအခမ်းအနားကို ဇွန်လ ၃ ရက်နေ့က ဗိုလ်အောင်ကျော်လမ်းရှိ City Hotel အင်းဝခန်းမတွင် ကျင်းပပြုလုပ်ခဲ့သည်။

    အခမ်းအနားကို သင်တန်းသူတစ်ဦးက ကုရ်အာန်ကျမ်းတော်မြတ်၏ အဖွင့်ကဏ္ဍကို လက်ဟန်ဘာသာစကားဖြင့် ဖော်ကြူးကာ ဖွင့်လှစ်ခဲ့သည်။

    ထို့နောက် သင်တန်းသား သင်တန်းသူများက အစ္စလာမ့် ယုံကြည်ချက်များ၊ အစ္စလာမ့်မဏ္ဍိုင်များအကြောင်း စသဖြင့် ၎င်းတို့ သင်ကြားတတ်မြောက်ထားမှုများကို တက်ရောက်လာသူများအား လက်ဟန်ဘာသာစကားများဖြင့် သရုပ်ဖော်ပြသခဲ့သည်။

    သင်တန်းသားများ၏ စွမ်းရည်များ သရုပ်ပြပွဲပြီးနောက် ထူးချွန်သူများအား ဆုချီးမြှင့်ခြင်းအခမ်းအနားကို ဆက်လက်ကျင်းပကာ တက်ရောက်လာသူများအား အစ်ဖ်သာရ် ၀ါဖြေညစာစားပွဲဖြင့် တည်ခင်းဧည့်ခံ၍ သင်တန်းဆင်းပွဲကို ရုပ်သိမ်းခဲ့သည်။ အဆိုပါ သင်တန်းဆင်းပွဲအခမ်းအနားသို့ နယ်ပယ်အသီးသီးမှ လူ ၁၀၀ ကျော် တက်ရောက်ခဲ့သည်။

    မွတ်စလူငယ် ပညာဒါနအဖွဲ့ MMD က နားမကြား မွတ်စလင်ကလေးများအား လက်ဟန်ဘာသာစကားဖြင့် အစ္စလာမ့်ဓမ္မရေးရာများ သင်ကြားပေးမှုမှာ ယခုအကြိမ်သည် ပထမဆုံးအကြိမ်ဖြစ်ပြီး ရက်ပေါင်း ၄၀ ကြာမြင့်သည့် အဆိုပါသင်တန်းသို့ သင်တန်းသား သင်တန်းသူ စုစုပေါင်း ၁၆ ဦး တက်ရောက်ခဲ့ကြသည်။

    နောက်ပိုင်းတွင်လည်း ထိုကဲ့သို့ ပညာသင်ဒါနတန်းများကို အချိန်ပြည့်၊ အချိန်ပိုင်း ဖွင့်လှစ်သွားရန် စီစဉ်ထားပြီး ရန်ကုန်မြို့တွင်းသာမက မြန်မာနိုင်ငံလုံးမှ မွတ်စလင် နားမကြား ကလေးသူငယ်များ တက်ရောက်နိုင်ရန် စီစဉ်ပေးသွားမည်ဟု MMD အဖွဲ့မှ တာဝန်ရှိသူတစ်ဦးက ပြောကြားခဲ့သည်။

    (ဓာတ်ပုံများကို – MMD အဖွဲ့၏ Facebook စာမျက်နှာတွင် ၀င်ရောက်ကြည့်ရှုနိုင်ပါသည်။)

    MMD အဖွဲ့၏ Facebook စာမျက်နှာ – https://www.facebook.com/Myanmar-Muslim-Deaf-128017198054079/

     

     

  • ကချင် (သို့) အမိမြေမှ ‘ပ’ ထုတ်ခံနေရသည့် လူမျိုးစုတစ်ခု

    ကချင် (သို့) အမိမြေမှ ‘ပ’ ထုတ်ခံနေရသည့် လူမျိုးစုတစ်ခု

    မေ ၃၁၊ ၂၀၁၈
    M-Media

    အိုးအိမ်စွန့်ခွာ ထွက်ပြေးရသည့် ကချင်ပြည်သူများ

    – တိုင်းပြည်က ရိုဟင်ဂျာမွတ်စလင်အများစုကို အိမ်နီးချင်း ဘင်္ဂလားဒေ့ရ်ှနိုင်ငံဖက် မောင်းထုတ်ခဲ့တဲ့ အကြမ်းပတမ်းစစ်ဆင်ရေး ပြီးပြီးချင်းမှာပဲ မြန်မာစစ်တပ်ဟာ တရုတ်နဲ့ကပ်နေတဲ့ နိုင်ငံမြောက်ပိုင်း နယ်စပ်တစ်လျှောက်က တိုင်းရင်းသားလက်နက်ကိုင်အဖွဲ့ကို တိုက်ခိုက်ရေးရဟတ်ယာဉ်တွေ၊ တိုက်လေယာဉ်တွေ၊ လက်နက်ကြီးတွေအသုံးပြုပြီး ထိုးစစ်အသစ် စတင်လာပါတယ်။

    မြန်မာနိုင်ငံမြောက်ပိုင်း ဝေးလံခေါင်ဖျားတဲ့ တောင်တန်းဒေသတွေမှာနေထိုင်ပြီး ခရစ်ယာန်အများစုဖြစ်တဲ့ ကချင်လူမျိုးတွေအပေါ် ဒီလို တိုက်ခိုက်မှုဟာ နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်ကို လက်မှတ်ထိုးဖို့ ငြင်းဆန်တဲ့ ခေါင်းမာတဲ့လက်နက်ကိုင်အဖွဲ့ကို ထိုးနှက်ရေး အားထုတ်ကြိုးပမ်းမှုကို ထင်ဟပ်နေ
    ပါတယ်။ နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်ဆိုတာ နယ်စပ်ဒေသမှာ အများစုရှိနေတဲ့ တိုင်းရင်းသားလက်နက်ကိုင်အဖွဲ့တွေကို မြန်မာအစိုးရနဲ့ စစ်တပ်တို့ရဲ့ ကျောသပ်မှုတစ်ခု ဖြစ်ပါတယ်။

    ကချင်နဲ့ တစ်ခြားတိုင်းရင်းသားလက်နက်ကိုင်တွေက ကျောက်စိမ်းနဲ့ ပယင်းတွင်းတွေကို ရန်ပုံငွေရရှိရေးအတွက် အသုံးပြုနေတာကို တားဆီးဖို့ မြန်မာစစ်တပ်က ကြိုးစားနေတယ်ဆိုတာ မြောက်ပိုင်းက ဒီပဋိပက္ခက ညွှန်းဆိုနေပြီး တိုက်ခိုက်မှုတွေ ချက်ခြင်းရပ်စဲဖို့အတွက် အမေရိကန်နဲ့ တရုတ်တို့က တိုက်တွန်းခဲ့ကြပါတယ်။

    ဗဟိုအစိုးရထိန်းချုပ်မှုအောက်ကနေ လွတ်မြောက်ပြီး ကိုယ်ပိုင်ပြဌာန်းခွင့်ရရးအတွက် လိုလားကြတဲ့ တိုင်းရင်းသားလက်နက်ကိုင်တပ်ဖွဲ့တွေကို မီးကုန်ယမ်းကုန် တိုက်ခိုက်တာထက် စစ်တပ်က ညှိနှိုင်းဆွေးနွေးမှုကို ပိုလိုလားခဲ့တဲ့ ၅ နှစ်နီးပါးကာလ ကုန်ဆုံးသွားခဲ့ပြီးတဲ့နောက် ကချင်နဲ့ အခြား မဟာမိတ်တိုင်းရင်းသားလ
    က်နက်ကိုင်တွေအပေါ် အခုလိုတိုက်ခိုက်မှုမျိုး ဖြစ်လာတာပါ။

    အိုးအိမ်စွန့်ခွာ ထွက်ပြေးရသည့် ကချင်ပြည်သူများ ၀တ်ပြုဆုတောင်းနေမှု

    ကချင်ပြည်နယ်မှာ ချထားတဲ့ တပ်တွေထဲက တစ်ချို့ဟာ နိုင်ငံအနောက်ပိုင်းက ရိုဟင်ဂျာတွေအပေါ် ရက်စက်ကြမ်းကြုတ်မှုတွေ ကျူးလွန်ခဲ့တယ်လို့ လူ့အခွင့်အရေး အဖွဲ့တွေက စွပ်စွဲခဲ့ကြတဲ့အမှတ် (၃၃) ခြေမြန်တပ်မနဲ့ အခြားတပ်ဖွဲ့တွေ ဖြစ်နေပါတယ်။ ဒါပေမယ့် ကချင်တွေဟာ မီးကျိုးမောင်းပျက် ရိုဟင်ဂျာအဖွဲ့လို မဟုတ်ဘဲ ဆယ်စုနှစ်ချီ ပြောက်ကျားစစ် ဆင်နွှဲထားတဲ့ အင်အား ၁၀၀၀၀ ၀န်းကျင်ရှိ တိုက်ရည်ခိုက်ရည်ပြည့် တပ်ဖွဲ့တစ်ခုပါ။ သူတို့ဟာ မြန်မာစစ်တပ်က ခက်ခက်ခဲခဲရင်ဆိုင်နေရတဲ့ တိုင်းရင်းသားလက်နက်ကိုင်အချို့ထဲက တစ်ခုလည်း ဖြစ်နေပါတယ်။

    ကချင်ပြည်နယ်က တိုက်ခိုက်မှုဖြစ်ပွားတဲ့ ဒေသတွေမှာ ဂျာနယ်လစ်တွေ၊ နိုင်ငံတကာ စောင့်ကြည့်လေ့လာသူတွေ ၀င်ရောက်ခွင့်ကို စစ်တပ်က ကန့်သတ်ထားတာကြောင့် အခုနောက်ဆုံးဖြစ်နေတဲ့ တိုက်ခိုက်မှုတွေရဲ့ အချက်အလက်အပြည့်အစုံ ရရှိဖို့အတွက် ခက်ခဲနေပါတယ်။ ထိခိုက်သေဆုံးမှုစာရင်း အတိအကျ မကောက်ယူနိုင်ပေမယ့် ပြည်နယ်ရဲ့ အခြားဒေသတွေကို ထွက်ပြေးတိမ်းရှောင်ရသူတွေ၊ အကူအညီပေးရေးအဖွဲ့တွေနဲ့ ဒေသခံနိုင်ငံရေးသမားတွေရဲ့ ပြောကြားမှုအရ တိုက်ခိုက်မှုဟာ တော်တော်ပြင်းထန်ပြီး လူသားချင်းစာနာထောက်ထားမှုဆိုင်ရာ အခြေအနေကလည်း ပိုမိုဆိုးရွားလာတယ်ဆိုတာ တွေ့ရပါတယ်။

    အရပ်သားတွေဟာ တိုက်ပွဲအတွင်းမှာ ပိတ်မိနေပြီး ထောင်နဲ့ချီတဲ့သူတွေက တောတွေတောင်တွေထဲ ထွက်ပြေးပုန်းရှောင်ရသလို၊ တစ်ချို့ကတော့ နယ်စပ်ကိုဖြတ်ကာ တရုတ်ဖက် ပြေးကြပါတယ်။ အရပ်သားတွေကို အစားအသောက်တွေ၊ အခြားလိုအပ်တဲ့ပစ္စည်းတွေ ထောက်ပံ့ပေးနေတဲ့ နိုင်ငံတကာ ကြက်ခြေနီအဖွဲ့က ဧပြီလ အစောပိုင်းကစလို့ ကချင်ပြည်သူ ၇၅၀၀ လောက် အိုးအိမ်စွန့်ခွာ ထွက်ပြေးခဲ့ရတယ်လို့ ခန့်မှန်းပြောကြားခဲ့ပါတယ်။

    ပြီးခဲ့တဲ့သီတင်းပတ်မှာ မြောက်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ် တေဇကျော်က တိုက်ခိုက်မှုတွေကို သူပုန်တွေက အရင်စတင်လုပ်ဆောင်တာဖြစ်တယ်လို့ မီဒီယာကို ပြောကြားခဲ့ပြီး စစ်တပ်က ရွာတွေကို တိုက်ရိုက်ပစ်ခတ်တာမျိုး ရှိတယ်ဆိုတဲ့ သတင်းတွေကိုလည်း ငြင်းဆိုခဲ့ပါတယ်။

    အိုးအိမ်စွန့်ခွာ ထွက်ပြေးရသည့် ကချင်ပြည်သူများ

    တိုက်ခိုက်မှုကြောင့် အိုးအိမ်စွန့်ခွာထွက်ပြေးခဲ့ရတဲ့သူတွေကို စခန်းဖွင့်ကာ အကူအညီပေးနေတဲ့ ကချင်အမျိုးသား Ntap Tu Mai က ဧပြီလနှောင်းပိုင်း တိုက်ပွဲဖြစ်ကတည်းက ထွက်ပြေးလာကြတဲ့ ပြည်သူ ၁၃၀၀ လောက်ဟာ ကျန်းမာရေးဆိုးရွားတာ၊ ၀မ်းပျက်ဝမ်းလျှောရောဂါ ခံစားရတာတွေ ရှိတယ်လို့ ပြောကြားခဲ့ပါတယ်။ ဧပြီလနှောင်းပိုင်းမှာ သူနေထိုင်ရာပတ်ဝန်းကျင်ကို စစ်တပ်က လေကြောင်းက တိုက်ခိုက်မှုတွေ မကြာခဏ ပြုလုပ်ခဲ့တာကြောင့် ရွာသားတွေဟာ လယ်ယာတွေစွန့်ကာ ထွက်ပြေးရတယ်လို့လည်း သူက ဆိုပါတယ်။

    ကချင်လက်နက်ကိုင်တွေက သူတို့ဟာ စစ်တပ်ရဲ့ အထူးတပ်ဖွဲ့က တပ်မှူးတွေကို သုတ်သင်နိုင်ခဲ့တယ်လို့ Facebook မှာ ပြောကြားခဲ့ပေမယ့် နေရာအတည်တကျ စခန်းချလို့မရဘူးလို့ ဆိုပါတယ်။ သူတို့ရဲ့ပြောကြားမှုကိုတော့ အတည်ပြုလို့ မရပါဘူး။

    “လက်နက်ကြီးတွေ၊ လေကြောင်းက တိုက်ခိုက်မှုတွေကို တုန့်ပြန်နိုင်စွမ်းမရှိတာကြောင့် တစ်ဖြည်းဖြည်းနဲ့ ကျွန်တော်တို့ နယ်မြေတွေ ဆုံးရှုံးလာတယ်” လို့ ကချင်လွတ်မြောက်ရေးအဖွဲ့ (KIO) က ပြောရေးဆိုခွင့်ရှိသူ Daung Kar ပြောကြားခဲ့ပါတယ်။ KIO ရဲ့ လက်နက်ကိုင်တပ်ဖွဲ့ဟာ မြန်မာစစ်တပ်နဲ့ တိုက်ပွဲတွေ ဖြစ်နေတာပါ။

    အခုတိုက်ပွဲဟာ ကချင်လက်နက်ကိုင်အဖွဲ့၊ ရှမ်းပြည်နယ်က ပလောင်လူမျိုးတွေကို ကိုယ်စားပြုတဲ့ တအောင်းလွတ်မြောက်ရေးတပ်ဖွဲ့တွေအပါအ၀င် နိုင်ငံမြောက်ပိုင်းက တိုင်းရင်းသားလက်နက်ကိုင်တွေပါဝင်တဲ့ မြောက်ပိုင်းမဟာမိတ်အဖွဲ့က အဓိကအဖွဲ့တွေကို စစ်တပ်က ပစ်မှတ်ထားကာ ထိုးစစ်ဆင်မှု တစ်စိတ်တစ်ပိုင်း
    လည်း ဖြစ်ပါတယ်။

    “စစ်တပ်ဟာ ပိုပြီတော့ ရန်လိုလာပါတယ်” လို့ Human Rights Watch အဖွဲ့က ပညာရှင် ရစ်ချက်ဝီယာက ပြောကြားခဲ့ပါတယ်။ ကုလက လူမျိုးစုလိုက် သုတ်သင်ရှင်းလင်းမှုအဖြစ် သမုတ်ထားတဲ့ ရိုဟင်ဂျာတွေအပေါ် စစ်တပ်ရဲ့ကျူးလွန်မှုတွေကို အပြစ်ပေးတဲ့အနေနဲ့ နိုင်ငံတကာအသိုင်းအ၀ိုင်းက နောက်ဆက်တွဲ ပိတ်ဆို့မှုတွေ မလုပ်တာဟာ စစ်တပ်က နောက်ထပ်လူမျိုးစုတွေကို ကျူးလွန်ဖို့ အားပေးသလို ဖြစ်နေတယ်လို့လည်း သူက ပြောပါတယ်။

    မြန်မာနိုင်ငံဟာ ၁၉၄၈ ခုနှစ် လွတ်လပ်ရေးရပြီးကတည်းက ပြည်တွင်းစစ်ပွဲတွေနဲ့ ကြုံတွေ့ခဲ့ရတာ ဖြစ်ပါတယ်။ လူများစု ဗမာ ဗုဒ္ဓဘာသာဝင်တွေနဲ့ ဘာသာအယူမတူကြတဲ့ နယ်စပ်ဒေသက တိုင်းရင်းသားတွေဟာ ကိုယ်ပိုင်အုပ်ချုပ်ခွင့်၊ ဒါမှမဟုတ် လုံးဝလွတ်လပ်ရေးကို လိုချင်ကြတာပါ။ တိုင်းရင်းသားလက်နက်ကိုင်တွေကို အစိုးရက ဆယ်စုနှစ်ချီ တိုက်ခိုက်လာမှုမှာ ရက်စက်ကြမ်းကြုတ်မှုတွေ ရှိတယ်လို့ နိုင်ငံတကာ လူ့အခွင့်အရေးအဖွဲ့တွေ၊ အနောက်နိုင်ငံအစိုးရတွေက ဝေဖန်ခဲ့ကြပါတယ်။

    ၂၀၁၆ ခုနှစ်သမိုင်းဝင်ရွးကောက်ပွဲမှာ စစ်တပ်ကျောထောက်နောက်ခံပြု ပါတီကို အနိုင်ရပြီး အရပ်သားအစိုးရခေါင်းဆောင် ဖြစ်လာခဲ့ပြီးတဲ့နောက် နိုဘယ်ဆုရှင်ဒေါ်အောင်ဆန်းစုကြည်က တိုင်းရင်းသားလက်နက်ကိုင်တွေနဲ့ ငြိမ်းချမ်းရေးရရှိဖို့ဟာ သူ ဦးစားအပေးဆုံးကိစ္စဖြစ်တယ်လို့ ပြောကြားခဲ့ပါတယ်။ ရွေးကောက်ပွဲ မကျင်းပခင်လေးမှာပဲ အစိုးရဟာ အင်အားကြီးတဲ့ တိုင်းရင်းသားလက်နက်ကိုင်တော်တော်များများနဲ့ အပစ်ရပ်ကြောင်း ကြေငြာခဲ့ပေမယ့် အဲဒီအထဲမှာ ကချင်လွတ်မြောက်ရေးတပ်ဖွဲ့ (KIA) မပါဝင်ပါဘူး။

    တိုင်းပြည်ကို ဆယ်စုနှစ်ချီ အုပ်ချုပ်ခဲ့ပြီး အခုအချိန်အထိ အရပ်သားအစိုးရရဲ့ ထိန်းချုပ်မှုအောက်မှာ ရှိမနေတဲ့ စစ်တပ်နဲ့ ဒေါ်အောင်စုကြည်ဦးဆောင်တဲ့ အစိုးရတို့ဟာ လက်မှတ်မထိုးထားတဲ့ လက်နက်ကိုင်အဖွဲ့တွေကို မဆွယ်နိုင်ခဲ့ပါဘူး။

    တစ်ချို့ လေ့လာဆန်းစစ်သူတွေက စစ်တပ်ရဲ့ ထိုးစစ်တွေဟာ ငြိမ်းချမ်းရေးလုပ်ငန်းစဉ်ကို နှောက်ယှက်ဖို့၊ ဒေါ်အောင်ဆန်းစုကြည်နဲ့ သူမရဲ့ပါတီ NLD အရှက်ရစေဖို့ ဆောင်ရွက်တဲ့ မဟာဗျူဟာ တစ်စိတ်တစ်ပိုင်းဖြစ်တယ်လို့ ရှုမြင်ကြပါတယ်။ NLD က ဒီရှုမြင်ချက်ကို လက်မခံပါဘူး။ ဒီအမြင်အတွက် စစ်တပ်ရဲ့ ပြောရေးဆိုခွင့်ရှိသူကို ဆက်သွယ်ခဲ့ပေမယ့် ပြန်လည်ဖြေကြားခြင်း မရှိပါဘူး။

    “NLD ရဲ့ ဦးဆောင်ဦးရွက်ပြုရေးမူဝါဒ လုံးဝ မအောင်မြင်ဘူးဆိုတာ မြင့်တက်လာတဲ့ စစ်ပွဲက သက်သေပြနေပါတယ်။ လာမယ့် ၂ နှစ်အတွင်း ရွေးကောက်ပွဲလာတော့မယ်။ NLD အတွက် ဘာပြစရာရှိလဲ” လို့ လုံခြုံရေးဆိုင်ရာ လေ့လာဆန်းစစ်သူ အန်သိုနီ ဒါးဗစ်က ပြောကြားခဲ့ပါတယ်။

    အစိုးရပြောရေးဆိုခွင့်ရှိသူ ဦးဇော်ဌေးက လက်ရှိဖြစ်နေတဲ့ တိုက်ပွဲဟာ စစ်သား ၂၆ ဦးသေဆုံးခဲ့တဲ့ ဧပြီလအစောပိုင်း ကချင်လက်နက်ကိုင်တွေရဲ့ ခြုံခိုတိုက်ခိုက်မှုကြောင့်ဖြစ်တယ်လို့ ပြောကြားခဲ့ပါတယ်။ ‘စစ်တပ်က အခြေအနေကို ကောင်းမွန်စွာ ကိုင်တွယ်နေတယ်’ လို့လည်း သူက ဆိုပါတယ်။ ကချင်တပ်ဖွဲ့ကတော့ စစ်တပ်က စစ်ရေးအရ ကျူးကျော်မှုလုပ်လာတာကြောင့် တိုက်ခိုက်မှုဖြစ်ခဲ့တာလို့ ပြောဆိုပါတယ်။

    အခုနှစ်အတွင်း ကျင်းပဖို့ စီစဉ်ထားတဲ့ ပြည်ထောင်စု ငြိမ်းချမ်းရေးညီလာခံကို နှစ်ကြိမ်တိုင်တိုင် နောက်ဆုတ်ခဲ့ရပြီး လေ့လာစောင့်ကြည့်သူ တော်တော်များများက ဖြစ်လာမှာမဟုတ်တော့ဘူးလို့ ခန့်မှန်းသုံးသပ်ကြပါတယ်။

    “ငြိမ်းချမ်းရေးလုပ်ငန်းစဉ်က လုံးဝ ရပ်ဆိုင်းသွားပြီဗျ” လို့ မြန်မာငြိမ်းချမ်းရေးစင်တာက အကြီးတန်းတာဝန်ရှိသူ အမရာသီဟက ပြောကြားခဲ့ပါတယ်။ စင်တာဟာ စစ်တပ်နဲ့ လက်နက်ကိုင်တွေအကြား ညှိနှိုင်းမှုတွေကို ပြုလုပ်ပေးနေတာလည်း ဖြစ်ပါတယ်။

    မိုးတွင်းမှာ ကျေးလက်ဒေသကလမ်းတွေ သွားလို့လာလို့ မလွယ်တာကြောင့် နိုင်ငံမြောက်ပိုင်းက စစ်ပွဲဟာ ဇွန်လအလယ်ပိုင်းမှာ လျော့ပါးဖို့ ရှိနေပါတယ်။ ဒါပေမယ့် ပြီးခဲ့တဲ့နှစ်တွေမှာ မြန်မာစစ်တပ်က လေကြောင်းအင်အားကို သိသိသာသာ ပိုမိုအသုံးပြုလာပါတယ်။ မစ္စတာ ဒါးဗစ်နဲ့ အခြား လေ့လာဆန်းစစ်သူတွေက စစ်တပ်ဟာ  မိုးရွာရွာနေပူပူ ကချင်တွေရဲ့နေရာတွေကို ဆက်လက်ပြီး ဗုံးကြဲသွားလိမ့်မယ်လို့ သုံးသပ်ကြပါတယ်။

    Ref: Wall Street

    (Wall Street Journal တွင် ဖော်ပြထားသည့် Myanmar Military Targets Other Ethnic Groups After Driving Rohingya Out ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။)