ဇူလိုင် ၂၂၊ ၂၀၁၇
M-Media
– NLD အစိုးရသစ်လက်ထက်မှာ ၃ ကြိမ်မြောက် မြန်မာနိုင်ငံကို လာရောက်ကာ နိုင်ငံအတွင်းက လူ့အခွင့်အရေးအခြေအနေတွေကို ၁၂ ရက်ကြာ လေ့လာခဲ့တဲ့ မြန်မာနိုင်ငံရဲ့ လူ့အခွင့်အရေးဆိုင်ရာ ကုလအထူးကိုယ်စားလှယ် ယန်ဟီးလီဟာ ခရီးစဉ်နဲ့ပတ်သက်ပြီး မနေ့က သတင်းစာရှင်းလင်းပွဲ လုပ်ခဲ့ပါတယ်။
စစ်အာဏာရှင်အတိုင်း ကန့်သတ်မှုတွေရှိဆဲ
လီက အစိုးတပ်နဲ့ တိုင်းရင်းသားသူပုန်တွေအကြား တိုက်ခိုက်မှုတွေအတွင်း စစ်တပ်က အရပ်သားတွေအပေါ် အခွင့်အရေးချိုးဖောက်မှုတွေ ရှိတယ်လို့ စွပ်စွဲခံထားရတဲ့ နိုင်ငံအရှေ့မြောက်ပိုင်း သူသွားလိုတဲ့နေရာတွေကို လုံခြုံရေးအကြောင်းပြချက်နဲ့ သွားရောက်ခွင့်မရခဲ့ဘဲ အရင်လာရောက်မှုတွေထက်ကို ပိုပြီး ကန့်သတ်ချုပ်ချယ်ခံခဲ့ရတယ်လို့ ဆိုပါတယ်။
ပြီးခဲ့တဲ့လမှာ ဂျာနယ်လစ် ၃ ဦးကို စစ်တပ်က ထိန်းသိမ်းခဲ့တဲ့နေရာကိုလည်း ယန်းဟီးလီ သွားရောက်ခွင့်မရခဲ့ဘဲ ဒီ ဂျာနယ်လစ်တွေဟာ တရားမ၀င်အသင်းအဖွဲ့နဲ့ ဆက်သွယ်တယ်ဆိုတဲ့ပုဒ်မနဲ့ တရားစွဲဆို ခံထားရပါတယ်။ ယန်ဟီးလီကတော့ ဒီလူ ၃ ဦး ထိန်းသိမ်းခံထားရတဲ့နေရာဟာ ခရီးသွားတွေနဲ့ လူသိများတဲ့နေရာတစ်ခုဖြစ်တယ်လို့ ဆိုပါတယ်။
သူမနဲ့ တွေ့ဆုံတဲ့သူတွေကို စောင့်ကြည့်တာ၊ ရဲတပ်ဖွဲ့ အထူးဌာနကလို့ ထင်ရတဲ့ ထောက်လှမ်းရေးတွေက လိုက်နေတာဟာလည်း လက်ခံနိုင်စရာမရှိဘူးလို့ အထူးကိုယ်စားလှယ်က ပြောကြားခဲ့ပါတယ်။
“အရင်အစိုးရက ချမှတ်ခဲ့တဲ့ နည်းလမ်းတွေကို အခုအစိုးရက ဆက်လက်အသုံးပြုနေတာကို မြင်ရတဲ့အတွက် စိတ်ပျက်တယ်လို့ ပြောပါရစေ။ အရင်ခေတ်တွေတုန်းက လူ့အခွင့်အရေး ကာကွယ်စောင့်ရှောက်သူတွေ၊ ဂျာနယ်လစ်တွေ၊ အရပ်သားတွေဟာ နောက်ကလိုက် စောင့်ကြည့်ခံရတယ်၊ စစ်ဆေးမေးမြန်းခံခဲ့ရတာတွေ ရှိပါတယ်။ ဒါတွေဟာ အခုအချိန်အထိ ဆက်ဖြစ်နေတုန်းပါပဲ” လို့ ယန်းဟီလီက ပြောကြားခဲ့ပါတယ်။
ရခိုင်ကိစ္စ
ရခိုင်ပြည်နယ်ကို သွားရောက်ခဲ့တဲ့ ယန်ဟီးလီက ယခင်က မလုပ်ပေးခဲ့တဲ့ ရိုဟင်ဂျာကလေးငယ်တွေကို မွေးစာရင်းထုတ်ပေးရေးအပါအ၀င် ကိုဖီအန်နန်ကော်မရှင်ရဲ့ အကြံပေးချက်တစ်ချို့ကို အစိုးရက အကောင်အထည်ဖော်နေမှုအတွက် ချီးကျူးခဲ့ပေမယ့် ရုိုဟင်ဂျာလူ့အဖွဲ့အစည်းရဲ့ အခြေအနေက တိုးတက်မှု မဆိုစလောက်သာ ရှိတယ်လို့ ဆိုပါတယ်။
“ပြီးခဲ့တဲ့ဇန်န၀ါရီက ကျွန်မလာရောက်ခဲ့တဲ့အချိန်ကနဲ့ယှဉ်ရင် ရိုဟင်ဂျာတွေရဲ့ ယေဘူယျအခြေအနေက မတိုးတက်သလောက်ဖြစ်နေပြီး ရခိုင်မြောက်ပိုင်းက အခြေအနေက ပိုပြီး ရှုပ်ထွေးလာပါတယ်”
အစိုးရ လုံခြုံရေးတပ်ဖွဲ့တွေက ရိုဟင်ဂျာတွေအပေါ် ညှင်းပမ်းမှုတွေရှိနေတာ၊ အစိုးရနဲ့ ပူးပေါင်းဆောင်ရွက်သူတွေကို ရိုဟင်ဂျာစစ်သွေးကြွလို့ ဆိုတဲ့သူတွေက သတ်ဖြတ်နေတာတွေဟာ နှစ်ဖက်အဖွဲ့ကြားမှာ ညပ်နေတဲ့ ရိုဟင်ဂျာတော်တော်များများကို တုန်လှုပ်ခြောက်ခြားစေတယ်လို့လည်း အထူးကိုယ်စားလှယ်က ပြောကြားခဲ့ပါတယ်။
မြန်မာအစိုးရ၏ တုန့်ပြန်မှု
ဇူလိုင် ၂၁ ရက် ရက်စွဲနဲ့ ဒီနေ့မနက်မှာ ထုတ်ပြန်ခဲ့တဲ့ နိုင်ငံတော်အတိုင်ပင်ခံရုံး ၀န်ကြီးဌာနရဲ့ ထုတ်ပြန်ချက်မှာတော့ အထူးကိုယ်စားလှယ် ယန်ဟီးလီရဲ့ ခရီးစဉ်အဆုံးသတ် ထုတ်ပြန်ချက်အပေါ်မှာ မိမိတို့အနေနဲ့ စိတ်ပျက်ရတယ်လို့ ဆိုပါတယ်။
“ဆယ်စုနှစ်များစွာ ကြုံတွေ့ခဲ့ရသော ပြည်တွင်းပဋိပက္ခ၊ အထီးကျန်မှုနှင့် ဖွံဖြိုးတိုးတက်မှု နောက်ကျခဲ့မှုတို့ကြောင့် ဖြစ်ပေါ်သည့် ပြဿနာများကိုဖြေရှင်းရာ၌ တွေ့ကြုံရသည့် အခက်အခဲများကို အထူးအစီရင်ခံစာတင်သွင်းသူ၏ ထုတ်ပြန်ချက်တွင် ထည့်သွင်းဖော်ပြလိမ့်မည်ဟု မျှော်လင့်ခဲ့ပါသည်။ သို့သော် အထူးအစီရင်ခံစာတင်သွင်းသူ၏ ထုတ်ပြန်ချက်တွင် ယေဘုယျဆန်သောစွပ်စွဲချက်များနှင့် မှားယွင်းသော အချက်အလက်များစွာပါဝင်နေပါသည်” လို့ အချက် ၉ ချက်ပါဝင်တဲ့ အဲဒီ ထုတ်ပြန်ချက်မှာ ဖော်ပြထားပါတယ်။
ဒီမိုကရေစီထွန်ကားတဲ့နိုင်ငံဖြစ်ပေါ်ရေး ကြိုးပမ်းဆောင်ရွက်ရာမှာ စိန်ခေါ်မှုများစွာ ရှိနေပြီး အဲဒီစိန်ခေါ်မှုတွေကို ချက်ခြင်းဖြေရှင်းနိုင်မှာမဟုတ်တာကို လက်ခံထားကြောင်း၊ အားလုံးအတွက် လွတ်လပ်ပြီး ညီမျှတဲ့အခွင့်အရေး၊ တရားမျှတမှုရှိရေးအပေါ် အခြေခံတဲ့ ဖက်ဒရယ်ဒီမိုကရေစီပြည်ထောင်စုစနစ်တစ်ရပ်ကို တည်ဆောက်ရန် အစိုးရက သန္ဓိဌာန်ချထားပါကြောင်း နိုင်ငံတော်အတိုင်ပင်ခံရုံး ၀န်ကြီးဌာနရဲ့ အဲဒီထုတ်ပြန်ချက်က ဆိုပါတယ်။
Ref: Reuters, State Counsellor Office
