Tag: mmFootballNews

ဇွန် ၁၃၊ ၂၀၂၃

M-Media 

-လက်ရှိစာချုပ် သက်တမ်းပြည့်သွားရင် အသင်းမှာ ဆက်မနေတော့ဘူးလို့ တိုက်စစ်မှူး အမ်ဘက်ပေက ပီအက်စ်ဂျီအသင်းကို စာရေးသား အသိပေးလိုက်ပါတယ်။ 

အမ်ဘက်ပေရဲ့ စာချုပ်သက်တမ်းဟာ လာမယ့်နှစ် ဘောလုံးရာသီအကုန်မှာ ပြည့်မှာပါ။ ပီအက်စ်ဂျီကတော့ ဇူလိုင် ၃၁ ရက်နေ့မတိုင်ခင် ရောင်းချဖို့ ပြင်ဆင်နေပါတယ်။ 

ပြီးခဲ့တဲ့လအနည်းငယ်အတွင်း အမ်ဘက်ပေကို စာချုပ်သက်တမ်းတိုးဖို့ အသင်းက ကြိုးစားခဲ့ပါသေးတယ်။ ဒါပေမယ့် မအောင်မြင်ခဲ့ပါဘူး။ 

အသင်းမှာဆက်မနေတော့ဘူးဆိုတဲ့စာ အပြင်ကို စောစောစီးစီး ပေါက်ကြားသွားတဲ့အတွက် အက်ဘက်ပေဟာ အသင်းကို သစ္စာဖောက်တယ်လို့ အသင်း တာ၀န်ရှိသူတွေက ခံစားနေရပါတယ်။ 

အသက် ၂၄ နှစ်အရွယ် ပြင်သစ်တိုက်စစ်မှူးကို ဥရောပ ကလပ်အသင်း တော်တော်များများက ခေါ်ယူဖို့ စိတ်၀င်စားနေပြီး ရီးယဲလ်မက်ဒရစ်ကို ရောက်မယ်လို့ သင်းတွေလည်း ကျယ်ကျယ်ပြန့်ပြန့် ထွက်ပေါ်နေပါတယ်။ 

Ref: BBC

ဇွန် ၈၊ ၂၀၂၃

M-Media 

-အမေရိကန် မေဂျာလိဂ်ကလပ် Inter Miami အသင်းကို ပြောင်းရွှေ့မယ်လို့ အာဂျင်တီးနား တိုက်စစ်မှူး လီယွန်နယ်မက်ဆီက ပြောကြားလိုက်ပါတယ်။ 

ပီအက်စ်ဂျီကနေ ထွက်တော့မယ့် မက်ဆီဟာ အသင်းဟောင်း ဘာစီလိုနာကို ပြန်သွားမယ်လို့ သတင်းတွေ ကျယ်ကျယ်ပြန့်ပြန့် ထွက်နေတာပါ။ 

လာမယ့်နှစ် လာလီဂါမှာ စတင်ကျင့်သုံးမယ့် ဘဏ္ဍာရေးညီမျှမှု စည်းမျဥ်းကြောင့် ဘာကာကိုပြန်ဖို့ ဖြစ်မလာခဲ့ဘူးလို့ မက်ဆီက ပြောပါတယ်။ 

“ဥရောပကိုစွ့န်ခွာပြီး၊ မိုင်ယာမီကိုသွားမယ်ဆိုတဲ့ ဆုံးဖြတ်ချက်ကို ကျွန်တော်ကိုယ်တိုင် ချခဲ့တာပါ” လို့ မက်ဆီက စပိန်ပြည်တွင်းသတင်းဌာနတွေကို ပြောကြားခဲ့ပါတယ်။ 

ဥရောပအသင်းတစ်ခုက သူ့ကို ကမ်းလှမ်းခဲ့ပြီး ဘာစီလိုနာမဟုတ်ရင် တစ်ခြားအသင်းမှာ မကစားချင်တာကြောင့် ငြင်းဆိုခဲ့တယ်လို့လည်း မက်ဆီက ဆိုပါတယ်။ 

မက်ဆီကို ဆော်ဒီထိပ်သီးကလပ် အလ်ဟီလာက ငွေကြေးအမြောက်အများပေးပြီး ကမ်းလှမ်းခဲ့ပါသေးတယ်။ 

Inter Miami အသင်းကို ပြောင်းရွှေ့မှုမှာ Adidas နဲ့ Apple လို ကုမ္ပဏီတွေနဲ့ စပွန်ဆာစာချုပ် ချုပ်ဆိုထားမှုကလည်း တစ်စိတ်တစ်ပိုင်း ပါ၀င်ပါတယ်။ 

မက်ဆီဟာ မိုင်ယာမီမှာ အိမ်တစ်လုံး၀ယ်ထားပြီး လက်ရှိမှာ ငှားစားထားပါတယ်။

Inter Miami အသင်းဟာ အင်္ဂလန်လက်ရွေးစင်ဟောင်း ဒေးဗစ်ဘက်ခမ်း ပိုင်ဆိုင်တဲ့အသင်းဖြစ်ပြီး၊ သူ့အသင်းမှာ လာကစားဖို့ ဘက်ခမ်းက မက်ဆီကို အရင်က ကမ်းလှမ်းဖူးပါတယ်။ 

Ref: BBC

ဇွန် ၇၊ ၂၀၂၃

M-Media 

-ဥရောပမှာ အောင်မြင်မှု ရယူနိုင်ခဲ့သလိုမျိုး ဆော်ဒီမှာလည်း ကြိုးစားရယူသွားမယ်လို့ အလ်-အီတီဟတ်တိုက်စစ်မှူးသစ် ကရင် ဘန်ဇီမာက ပြောကြားလိုက်ပါတယ်။ 

အသက် ၃၅ နှစ်အရွယ် ဘန်ဇီမာကို ဆော်ဒီလိဂ်ချန်ပီယံ အလ်-အီတီဟတ်အသင်းက အခုတစ်ပတ်အစောပိုင်းမှာ ၂ နှစ်စာချုပ်နဲ့ ခေါ်ယူခဲ့တာပါ။ 

အသင်းဖော်ဟောင်း ရော်နယ်ဒိုကို ပြိုင်ဘက်အဖြစ် ဘန်ဇီမာတစ်ယောက် ပြန်လည်ရင်ဆိုင်ရတော့မှာဖြစ်ပါတယ်။

“ကစားသမားကောင်းတွေအများကြီးရှိတဲ့ လိဂ်ကောင်းတစ်ခုပါ။ ကျွန်တော့်သူငယ်ချင်း ခရစ္စတီယာနို ရော်နယ်ဒို ရောက်နေတာက ဆော်ဒီလိဂ်အဆင့်အတန်းဟာ ပိုမို တိုးတက်လာတယ်ဆိုတာ ပြသနေတာ ဖြစ်ပါတယ်။ ဥရောပမှာ အောင်မြင်ခဲ့သလို ဒီမှာလည်း အောင်မြင်အောင် ကစားသွားမှာပါ”

စိန်ခေါ်မှုအသစ်တွေကို ရင်ဆိုင်ချင်တဲ့အတွက် ဆော်ဒီလိဂ်ကို ပြောင်းရွှေ့လာတာလို့လည်း ဘန်ဇီမာက ထည့်သွင်းပြောဆိုခဲ့ပါတယ်။ 

ရီးယဲလ်မက်ဒရစ်မှာ ၁၄ နှစ်ကြာ ကစားခဲ့တဲ့ ဘန်ဇီမှာဟာ ချန်ပီယံလိဂ် ၅ ကြိမ် အပါအ၀င် စုစုပေါင်း ဖလား ၂၅ လုံး ရယူနိုင်ခဲ့ပါတယ်။ 

Ref: BBC

ဒီဖလားဟာ ငယ်ငယ်ကလေးကတည်းက အိပ်မက်မက်ခဲ့ရတဲ့ ဖလားပါ။ နိုင်ငံခြားကစားသမားတွေကတော့ ဒီခံစားချက်ကို သိချင်မှသိလိမ့်မယ်။ ဒီပြိုင်ပွဲမှာ ကစားရတဲ့ဖီလင်၊ ဖိုင်နယ်မှာ ကစားရတဲ့ ဖီလင်ကို အင်္ဂလိပ်ကစားသမားတွေကတော့ ကောင်းကောင်းသိပါတယ်။ အက်စတွန်ဗီလာမှာတုန်းက FA ဖလားဖိုင်နယ်မှာ ကျွန်တော်ရှုံးဖူးတယ်။ ဒီတစ်ကြိမ်တော့ ကျွန်တော် တော်တော်ကို နိုင်ချင်ခဲ့ပါတယ်။  

ဂျက် ဂရစ်လစ်ရှ် – မန်စတီးတောင်ပံကစားသမား 

သမိုင်းရေးဖို့ဆိုတာ မလွယ်တဲ့ကိစ္စပါ။

ဒီလိုလုပ်နိုင်ဖို့ ကျွန်တော့်ကို အသင်းက ခေါ်ယူထားတယ်ဆိုတာ ဖုံးကွယ်ထားစရာ မလိုပါဘူး။ ဒီအောင်ပွဲဟာ အားလုံးအတွက် အဓိပ္ပါယ်ရှိလိမ့်မယ်။ ဒီလိုဖြစ်လာဖို့လည်း ကျွန်တော်တတ်နိုင်သလောက် အစွမ်းကုန် ပေးဆပ်သွားမှာပါ။ 

အသင်းကောင်းနှစ်သင်းနဲ့ ဖိုင်နယ်နှစ်ပွဲ ကစားရမယ့်အတွက် လွယ်တော့ မလွယ်ပါဘူး။ သူတို့ကလည်း ကျွန်တော်တို့ကို ချေမှုန်းဖို့ နည်းလမ်းမျိုးစုံနဲ့ ကြိုးစားကြလိမ့်မယ်။ 

သူတို့အတွက် ဒါက တွန်းအားဖြစ်လိမ့်မယ်။ ပြင်လည်း ပြင်ဆင်ထားကြလိမ့်မယ်။ ကျွန်တော်တို့ဖက်ကတော့ အကောင်းဆုံးပုံစံနဲ့ကစားရင် ဒီအောင်ပွဲ မရနိုင်စရာ မရှိပါဘူး။  

(အာလင် ဟာလန်း – မန်စီးတီးတိုက်စစ်မှူး)