News @ M-Media

Tag: mmFootballNews

  • ဂုဏ်ပြုပြီးတော့ ကျွန်တော့်ကို ၀ိုင်းသမလိုက်ကြတာဗျာ

    ဂုဏ်ပြုပြီးတော့ ကျွန်တော့်ကို ၀ိုင်းသမလိုက်ကြတာဗျာ

    မေ ၄၊ ၂၀၂၃

    M-Media

    ထူးခြားတဲ့ည၊ ထူးခြားတဲ့ အခိုက်အတန့်ပါ။ တော်တော်ပျော်သလို၊ ဂုဏ်လည်း ယူပါတယ်။ အသင်းက ၃ မှတ်ရတဲ့အတွက်လည်း ကျွန်တော် ကျေနပ်ပါတယ်။ 

    ဒီလို(အသင်းကဂုဏ်ပြုတပ်ဖွဲ့) လုပ်တာမျိုး အရင်က မမြင်ဖူးဘူးဗျ။ စံချိန်ချိုးဂိုး သွင်းနိုင်တဲ့ ခံစားချက်က ပြောမပြတတ်အောင်ပါပဲ။ ဂုဏ်ပြုတပ်ဖွဲ့လုပ်ပြီးတော့ အားလုံး ကျွန်တော့်ကို ၀ိုင်းရိုက်ကြတာ၊ နာလိုက်တာ ပြောမနေနဲ့တော့။ 

    -အာလင် ဟာလန်း (မန်စီးတီးတိုက်စစ်မှူး) 

    ဟာလန်းဟာ မနေ့က ၀က်စ်ဟမ်းနဲ့ပွဲမှာ ၁ ဂိုး သွင်းယူပြီး စုစုပေါင်း ၃၅ ဂိုးနဲ့ ပရီးမီးယားလိဂ်သမိုင်းတစ်လျှောက် တစ်ရာသီအတွင်း ဂိုးအများဆုံးသွင်းသူအဖြစ် မှတ်တမ်း၀င်ခဲ့ပါတယ်။ 

    ပွဲအပြီးမှာ နည်းပြနဲ့ အသင်းဖော်တွေက ဂုဏ်ပြုတပ်ဖွဲ့ပုံစံလုပ်ကာ လက်ခုပ်တီး ဂုဏ်ပြုခဲ့ပါတယ်။ 

    Ref: BBC

  • ဆော်ဒီနဲ့ အမေရိကန် မက်ဆီဘယ်ကိုသွားမလဲ

    ဆော်ဒီနဲ့ အမေရိကန် မက်ဆီဘယ်ကိုသွားမလဲ

    မေ ၄၊ ၂၀၂၃

    M-Media 


    ဆော်ဒီရောက်မက်ဆီ

    -အသက် ၃၅ နှစ်အရွယ် အာဂျင်တီးနားတိုက်စစ်မှူး လီယွန်နယ်မက်ဆီဟာ အခုနှစ် ဘောလုံးရာသီအပြီးမှာ ပီအက်စ်ဂျီကနေ အလွတ်ပြောင်းရွှေ့ကြေးနဲ့ ထွက်ခွာတော့မှာ ဖြစ်ပါတယ်။ 

    ဘဏ္ဏာရေးညီမျှမှု စည်းမျဥ်းတွေအရ လစာမြင့်ကစားမသားတစ်ချို့ကို ပီအက်စ်ဂျီက လျှော့ချဖို့ ရှိနေချိန် မက်ဆီရဲ့ ပီအက်စ်ဂျီအနာဂတ်ကလည်း မရေမရာ ဖြစ်နေတာပါ။ 

    ဆော်ဒီကို ခွင့်ပြုချက်မရဘဲ သွားရောက်ခဲ့တဲ့အတွက် မက်ဆီကို အသင်းက ၂ ပတ်တာ ဘောလုံးကစားခွင့် ပိတ်ပင်ကာ ဒဏ်ငွေရိုက်လိုက်တဲ့ အခုရက်ပိုင်း အဖြစ်အပျက်နောက်ပိုင်း ပီအက်စ်ဂျီကနေ ထွက်ခွာတော့မယ်ဆိုတဲ့ သတင်း ခိုင်ခိုင်လုံလုံ ထွက်လာတာ ဖြစ်ပါတယ်။ 

    လက်ရှိမှာ မက်ဆီကို ဆော်ဒီ၊ အမေရိကန်နဲ့ ပရီးမီးယားလိဂ် ကလပ်အသင်းတစ်ချို့က ခေါ်ယူဖို့ စိတ်၀င်စားနေပါတယ်။ 

    ရော်နယ်ဒိုကစားနေတဲ့ အလ် နဆာရ်အသင်းရဲ့ ပြိုင်ဘက် ဆော်ဒီကလပ် အလ် ဟီလာအသင်းဟာ ပေါင် သန်း ၃၂၀ နဲ့ ခေါ်ယူဖို့ ကြိုးစားနေတဲ့ သတင်းတွေ ကျယ်ကျယ်ပြန့်ပြန့် ထွက်ပေါ်နေပါတယ်။ 

    အင်္ဂလန်ဂန္တ၀င်ကစားသမား ဒေးဗစ်ဘက်ခမ်း ပူးတွဲပိုင်ဆိုင်တဲ့ အမေရိကန်ကလပ် အင်တာမိုင်ယာမီကလည်း မက်ဆီကို စိတ်၀င်စားနေပါတယ်။ 

    အစောပိုင်းက မက်ဆီကို ပြန်ခေါ်ဖို့ စဥ်းစားနေတယ်ဆိုတဲ့ အသင်းဟောင်း ဘာစီလိုနာက အပြောင်းအရွှေ့ မဖြစ်ဖို့များတယ်လို့ မနေ့က ထုတ်ပြောထားပါတယ်။ 

    လစာနည်းပါးနိုင်တဲ့ ပရီးမီးယားလိဂ်ကို မက်ဆီက လာဖို့ ဆန္ဒသိပ်မရှိဘဲ ငွေထုတ်ပိုက်ကာ ကစားသမားဘ၀ကို အဆုံးသတ်နိုင်တဲ့အတွက် ဆော်ဒီနဲ့ အမေရိကန် ဘယ်ကိုသွားမလဲဆိုတာ ဆက်လက်စောင့်ကြည့်ရမှာ ဖြစ်ပါတယ်။ 

    Ref: Goal 

  • ဆော်ဒီခရီးကြောင့် ပြဿနာတက်နေတဲ့ မက်ဆီ

    ဆော်ဒီခရီးကြောင့် ပြဿနာတက်နေတဲ့ မက်ဆီ

    မေ ၃၊ ၂၀၂၃

    M-Media


    -အသင်းရဲ့ ခွင့်ပြုချက်မရှိဘဲ ဆော်ဒီကို သွားရောက်ခဲ့တဲ့ မက်ဆီကို ပီအက်စ်ဂျီအသင်းက ၂ ပတ် ကစားခွင့် ပိတ်ပင်လိုက်ပါတယ်။ 

    တနင်္ဂနွေနေ့က အိမ်ကွင်းရှုံးပွဲအပြီးမှာ မက်ဆီက ဆော်ဒီသွားခဲ့တာပါ။ ဒီခရီးစဥ်ကို ပီအက်စ်ဂျီက ခွင့်မပြုခဲ့ပါဘူး။ ကစားခွင့်ပိတ်တဲ့အပြင် ဒဏ်ငွေပါဆောင်ရမှာ ဖြစ်ပါတယ်။ 

    မက်ဆီရဲ့ ပီအက်စ်ဂျီနဲ့ ၂ နှစ်စာချုပ်ဟာ အခုနှစ်နွေရာသီမှာ ကုန်မှာဖြစ်ပြီး အသင်းကနေ ထွက်ခွာဖို့ ရှိနေပါတယ်။ 

    မက်ဆီဟာ ဆော်ဒီမှာ သွားကစားမယ်လို့ သတင်းထွက်နေသလို၊ ဘာစီလိုနာကို ပြန်မယ်လို့လည်း သတင်းတွေက ဖော်ပြပါတယ်။ ဘာစီလိုနာအသင်း ဒုတိယ ဥက္ကဌက မက်ဆီကိုပြန်ခေါ်ဖို့ ဆက်သွယ်နေကြောင်း ပြီးခဲ့တဲ့လအတွင်းမှာ ထုတ်ဖော်ပြောဆိုခဲ့ပါတယ်။ 

    မက်ဆီဟာ ဆော်ဒီအာရေဗျ ခရီးသွားသံတမန်အဖြစ် ခန့်အပ်ခံထားရသူဖြစ်ပြီး အခုခရီးစဥ်ဟာ ဒီတာ၀န်နဲ့ သက်ဆိုင်လားဆိုတာ တိတိကျကျ မသိရပါဘူး။ 

    Ref: BBC

  • ပရီးမီးယားလိဂ်မှာ တားဆီးလို့မရတော့တဲ့ ဟာလန်း

    ပရီးမီးယားလိဂ်မှာ တားဆီးလို့မရတော့တဲ့ ဟာလန်း

    မေ ၁၊ ၂၀၂၃

    M-Media 


    -မနေ့ညက ဖူလ်ဟမ်နဲ့ပွဲမှာ ၁ ဂိုးသွင်းယူခဲ့တဲ့ မန်စီးတီးတိုက်စစ်မှူး အာလင် ဟာလန်းဟာ ၁၉၃၁ ခုနှစ်နောက်ပိုင်း ပြိုင်ပွဲပေါင်းစုံမှာ ဂိုးပေါင်း ၅၀ သွင်းယူနိုင်တဲ့ ပထမဆုံး ပရီးမီးယားလိဂ်ကစားသမား ဖြစ်လာပါတယ်။ 

    ပရီးမီးယားလိဂ်သွင်းဂိုးကလည်း ၃၄ ဂိုး ရှိလာပြီး ၁၉၉၄ ခုနှစ်က အန်ဒီကိုးလ်၊ ၁၉၉၅ ခုနှစ်က အလန်ရှီးယားရားတို့ တင်ထားတဲ့ တစ်ရာသီး ဂိုးသွင်းအများဆုံး စံချိန်ကို လိုက်မှီသွားပါပြီ။ 

    ရှီးယားရာနဲ့ အန်ဒီကိုးလ်တို့ဟာ ၄၂ ပွဲကစားရတဲ့ အချိန်ကရထားတဲ့ စံချိန်ဖြစ်ပြီး ဟာလန်းကတော့ ပွဲ ၃၀ နဲ့ လိုက်မီခဲ့တာ ဖြစ်ပါတယ်။

    ပရီးမီးယားလိဂ် ၃၈ ပွဲ ကစားရတဲ့စနစ် ပြောင်းလဲပြီးနောက်ပိုင်း တစ်ရာသီသွင်းဂိုးအများဆုံး သွင်းထားတဲ့ လီဗာပူးလ်တိုက်စစ်မှူး မိုဟာမက် ဆာလာဟ်ရဲ့ စံချိန်(ဂိုး ၃၀)ကိုလည်း ဟာလန်းက ချိုးဖျက်နိုင်ခဲ့ပြီဖြစ်ပါတယ်။ 

    Ref: BBC 

  • မန်ယူအသင်းပိုင်ရှင်သစ် မကြာခင်ထွက်ပေါ်မည်

    မန်ယူအသင်းပိုင်ရှင်သစ် မကြာခင်ထွက်ပေါ်မည်

    ဧပြီ ၂၉၊ ၂၀၂၃

    M-Media


    -မန်ယူအသင်းကို ၀ယ်ယူရေး ကမ်းလှမ်းမှုပြုလုပ်ဖို့ နောက်ဆုံးသတ်မှတ်ရက်ဟာ မနေ့က ကုန်ဆုံးသွားပြီ ဖြစ်ပါတယ်။ 

    ၀ယ်ယူဖို့ နောက်ဆုံးအဆင့် ကမ်းလှမ်းထားသူက နှစ်ဦးသာရှိပြီး ကာတာလုပ်ငန်းရှင် ရှိခ် ဂျာဆင် ဘင် ဟာမဒ် အလ်သာနီနဲ့ အင်္ဂလိပ်လုပ်ငန်းရှင် ဆာ ဂျင် ရက်ကလစ်တို့ ဖြစ်ပါတယ်။ 

    ရှိခ်ဂျာဆင်ဟာ ပေါင် ၅ ဘီလီယံ စျေးပေးထားပြီး လက်ရှိအသင်းပိုင်ရှင် ဂလေဇာမိသားစု လိုချင်တဲ့ပမာဏမျိုး ဖြစ်ပါတယ်။ 

    ကွင်းသစ်ဆောက်လုပ်ဖို့၊ လေ့ကျင့်ကွင်း မွမ်းမံဖို့ အပါအ၀င် အသင်းရဲ့ အခြေခံအဆောက်အဦး အဆင့်မြှင့်တင်မှု လုပ်ဆောင်ပေးဖို့လည်း ရှိခ် ဂျာဆင်ရဲ့ ကမ်းလှမ်းမှုထဲမှာ ပါ၀င်ပါတယ်။ ရှိခ်ဂျာဆင်ဟာ မန်ယူအသင်းကို ပိုင်ဆိုင်ဖို့ အနိမ့်ဆုံး ပေါင် ၆ ဘီလီယံလောက် သုံးစွဲသွားမှာပါ။

    ဂျင် ရက်ကလစ်ဖ်ရဲ့ ကမ်းလှမ်းမှုက အသင်းရဲ့ ရှယ်ယာ ၅၀ ရာခိုင်နှုန်းကျော် ၀ယ်ယူရေးဖြစ်ပါတယ်။ ဒီကမ်းလှမ်းမှုမှာ ဂလေဇာမိသားစုက ရှယ်ယာ ၂၀ ရာခိုင်နှုန်း ဆက်လက်ရယူထားဖို့ ပါ၀င်ပါတယ်။ 

    အသင်းပရိတ်သတ်တွေက ရှယ်ယာဖဲ့ရောင်းတာမျိုးကို မလိုလားဘဲ ပိုင်ရှင်အသစ်ထံ တစ်သင်းလုံးရောင်းချတာမျိုးကိုပဲ အလိုရှိနေပါတယ်။ 

    ဂလေဇာမိသားစုကို ဖိအားပေးဖို့အတွက် တနင်္ဂနွေနေ့ အက်စတွန်ဗီလာနဲ့ ကစားမယ့်ပွဲမှာ မန်ယူပရိတ်သတ်တွေက ဆန္ဒထုတ်ဖော်ဖို့ ရှိနေပါတယ်။ 

    Ref: BBC, Daily Mail