News @ M-Media

Tag: Myanmar Migrants in Thailand

  • ကိုဗစ်အကြောင်းပြ၍ မြန်မာအပေါ် အမုန်းစကားပြောဆိုမှု ထိုင်းတွင်မြင့်တက်

    ကိုဗစ်အကြောင်းပြ၍ မြန်မာအပေါ် အမုန်းစကားပြောဆိုမှု ထိုင်းတွင်မြင့်တက်

    ဒီဇင်ဘာ ၂၄၊ ၂၀၂၀
    M-Media

    ထိုင်းနိုင်ငံမှ မြန်မာလုပ်သားတစ်ချို့

    – “မြန်မာတွေကို တွေ့တဲ့နေရာပစ်သတ်ပစ်”

    ထိုင်းနိုင်ငံက မြန်မာရွှေ့ပြောင်းလုပ်သားတွေမှာ ကိုဗစ်ကူးစက်မှု အများအပြား တွေ့လာရပြီးနောက် YouTube က ကွန့်မန်တစ်ခုမှာ ထိုင်းဘာသာစကားနဲ့ ရေးထားတာပါ။

    ဘန်ကောက်မြို့အနီး ပင်လယ်စာစျေးမှာ ကိုဗစ် အကြီးအကျယ်ကူးစက်မှု တွေ့လာရပြီးနောက်ပိုင်း ရွှေ့ပြောင်းလုပ်သားတွေအပေါ် သမိုင်းနဲ့ချီ သည်းခံမှုရှိတဲ့ ထိုင်းနိုင်ငံမှာ ဒီလို အွန်လိုင်းအမုန်းစကားတွေ၊ သန်းနဲ့ချီတဲ့ ရွေ့ပြောင်းလုပ်သားတွေအပေါ် ဆက်ဆံမှုအတွက် မေးခွန်းတွေ အများအပြား တွေ့လာရပါတယ်။

    “Covid-19 ပြန့်နှံ့မှုအတွက် မြန်မာတွေကို အပြစ်ဖို့ကြတယ်။ တကယ်တော့ ဒီဗိုင်းရပ်စ်ဟာ လူရွေးကူးတာမဟုတ်ပါဘူး” လို့​ ရွှေ့ပြောင်းလုပ်သားတွေကို ကူညီပေးနေတဲ့ ထိုင်းအဖွဲ့ Labor Protection Network က တာဝန်ရှိသူ Sompong Srakaew က ပြောပါတယ်။

    အွန်လိုင်းက ဒီလိုအမုန်းစကားတွေကြောင့် မြေပြင်မှာ ထိခိုက်မှုတွေ ရှိလာပြီး မြန်မာရွှေ့ပြောင်းလုပ်သားတွေကို ဘတ်စ်ကား၊ ဆိုင်ကယ်ကယ်ရီတွေ ပေးမစီးတာ၊ အလုပ်မလာခိုင်းတာတွေ ရှိတယ်လို့လည်း သူက ဆိုပါတယ်။

    ရိုက်တာသတင်းဌာနက စီစစ်တွေ့ရှိခဲ့တဲ့ အွန်လိုင်းအမုန်းစကားတွေထဲမှာ ကိုဗစ်ကူးနေတဲ့ မြန်မာတွေကို ဆေးမကုပေးဖို့၊ မြန်မာတွေ ထိုင်းနိုင်ငံထဲ သွင်းတဲ့သူကို အပြစ်ပေးဖို့ စတာတွေလည်း ပါဝင်ပါတယ်။

    ကိုဗစ်ကူးစက်မှုအတွက် ​နိုင်ငံခြားသားတွေကို ဒီလို ပြစ်တင်ပြောဆိုတာဟာ ဒီကပ်ရောဂါ စဖြစ်ကတည်းက ကမ္ဘာတစ်ဝှမ်းမှာ မြင်ရတဲ့ပုံစံ ဖြစ်ပါတယ်။

    မိမိတို့ဟာ ကိုဗစ်ကပ်ရောဂါကို ထိန်းချုပ်နိုင်ခဲ့ပေမယ့် တရားမဝင်ရောက်လာသူတွေကြောင့် အခုလို ပြန့်နှံ့ကူးစက်မှုအသစ် ဖြစ်လာတာလို့ ထိုင်းဝန်ကြီးချုပ် ပရာယွတ် ချန်အိုချာက ပြီးခဲ့တဲ့တစ်ပတ်မှာ ပြောပါတယ်။ ထိုင်းအစိုးရရဲ့ ကိုဗစ်နှိမ်နှင်းရေး အထူးအဖွဲ့ကတော့ ရွှေ့ပြောင်းလုပ်သားတွေအပေါ် စာနာထောက်ထားဖို့ ထိုင်းပြည်သူတွေကို တိုက်တွန်းခဲ့ပါတယ်။

    ဆိုရှယ်မီဒီယာ စောင့်ကြည့်ရေးအဖွဲ့ Social Media Monitoring for Peace က YouTube၊ Facebook နဲ့ Twitter စာမျက်နှာတို့မှာ မြန်မာတွေအပေါ် ပစ်မှတ်ထားတဲ့ အမုန်းစကား ရာနဲ့ချီ တွေ့ရတယ်လို့ ရိုက်တာသတင်းဌာနကို ပြောပါတယ်။

    “အဲဒီအမုန်းစကားတွေထဲမှာ လူမျိုးရေးစော်ကားမှု၊ ခွဲခြားဆက်ဆံမှု၊ အမျိုးသားရေးဝါဒကို လှုံဆော်တာတွေ ပါဝင်ပါတယ်။ အွန်လိုင်းက အမုန်းစကားကြောင့် မြေပြင်မှာ ပိုပြီးတော့ ခွဲခြားဆက်ဆံတာ၊ အကြမ်းဖက်တာမျိုးတွေ ဖြစ်လာမှာ ကျွန်တော်တို့ စိုးရိမ်ပါတယ်” လို့ အဖွဲ့ရဲ့ တာဝန်ရှိသူ Saijai Liangpunsakul က ပြောပါတယ်။

    ရိုက်တာသတင်းဌာနက တစ်ချို့ အမုန်းစကားတွေကို အသိပေးခဲ့ပြီးနောက် Facebook က တော်တော်များများကို အမုန်းစကားတားမြစ်ရေးမူဝါဒအရ ဖျက်ပစ်လိုက်ပြီလို့ ပြောပါတယ်။

    “အကာကွယ်နည်းတဲ့ လူ့အဖွဲ့အစည်းတွေအပေါ် ပစ်မှတ်ထားတဲ့ အမုန်းစကားတွေဟာ ထိခိုက်မှု ပိုဖြစ်နိုင်တယ်ဆိုတာ ကျွန်တော်တို့ သိပါတယ်” လို့ Facebook ပြောရေးဆိုခွင့်ရှိသူကဆိုပြီး သူတိုရဲ့ မူဝါဒဟာ အမုန်းစကား ၉၅ ရာခိုင်နှုန်းကို တားဆီးဖယ်ရှားနိုင်တယ်လို့ ပြောပါတယ်။

    Facebook က အမုန်းစကားတွေဟာ ၂၀၁၇ ခုနှစ် မြန်မာနိုင်ငံက ရိုဟင်ဂျာတွေအပေါ် ပစ်မှတ်ထားတဲ့ အကြမ်းဖက်မှု​တွေကို မီးထိုးပေးခဲ့တယ်လို ဝေဖန်မှုတွေ အကြီးအကျယ် ပေါ်လာပြီးတဲ့နောက်၊ အမုန်းစကားတွေကို အလျင်အမြန် သိရှိဖယ်ရှားနိုင်မယ့် စနစ်ကို Facebook က အကောင်အထည်ဖော်ခဲ့ပါတယ်။

    Twitter ကတော့ ထိုင်းနိုင်ငံက အခုကိစ္စကို သုံးသပ်နေတယ်လို့ ရိုက်တာသတင်းဌာနကို ပြောခဲ့ပြီး YouTube က ဖြေကြားခြင်း မပြုသေးပါဘူး။

    ဆိုရှယ်မီဒီယာက ရေးသားမှုတိုင်းဟာ အနှုတ်လက္ခဏာဆောင်တဲ့ စကားတွေ မဟုတ်ပါဘူး။ ထိုင်းနိုင်ငံသားတစ်ချို့က မြန်မာအလုပ်သမားတွေအပေါ် ကာကွယ်ပြောဆိုမှုတွေလည်း ရှိပါတယ်။

    ဒီလိုအမုန်းစကားတွေနဲ့ပတ်သက်ပြီး ရိုက်တာရဲ့ မေးမြန်းမှုကို ထိုင်းနဲ့ မြန်မာအစိုးရ တာဝန်ရှိသူတွေက ဖြေကြားခြင်း မပြုသေးပါဘူး။

    စိတ်မကောင်းစရာ

    လတ်တလော အကြီးအကျယ်ကူးစက်မှုကို ဘန်ကောက်မြို့နဲ့ ၃၅ ကီလိုမီတာအကွာ စမွတ်ဆာခွန်ပြည်နယ်က ပုဇွန်စျေးမှာ စတွေ့တာပါ။ အဲဒီစျေးနဲ့ ဆက်နွယ်နေတဲ့ လူ ၁၃၀၀ လောက်မှာ ကိုဗစ်ပိုးတွေ့ခဲ့ပြီး ထောင်နဲ့ချီတဲ့လူတွေကိုလည်း ကွာရန်တင်းဝင်ခိုင်းထားပါတယ်။

    “မြန်မာအလုပ်သမားတွေ ပြစ်တင်ပြောဆိုခံရတဲ့အတွက် ကျွန်တော်တို့ တော်တော်​လေး စိတ်မကောင်းပါဘူး။ ‘မြန်မာတွေကြောင့် ဖြစ်တာ’ လို့ ကျွန်တော်တို့ အပြောခံရပါတယ်။ များသောအားဖြင့် ကျွန်တော်တို့ ဘာမှပြန်မပြောပေမယ့် တစ်ချို့က ဒေါသမထိန်းနိုင်တာတွေ ရှိပါတယ်” လို့ ကိုဗစ်ကူးစက်သူတွေ၊ ကွာရန်တင်းဝင်တဲ့သူတွေကို ကူညီပေးနေတဲ့ အသက် ၃၅ နှစ်အရွယ် ကိုနေလင်းသူက ပြောပါတယ်။

    တရားဝင်စာရင်းတွေအရ ထိုင်းနိုင်ငံမှာ မြန်မာအလုပ်သမား ၁.၆ သန်းလောက် ရှိတယ်လို့သိရပြီး နိုင်ငံအတွင်း နိုင်ငံခြားသားအလုပ်သမားအရေအတွက်ရဲ့ ၃ ပုံ ၂ ပုံ ဖြစ်ပါတယ်။ ဒါပေမယ့် တရားမဝင် ဝင်ရောက်လုပ်ကိုင်မှုတွေ ရှိတာကြောင့် အမှန်တကယ်အရေအတွက်က ဒီထက်ပိုများနိုင်ပါတယ်။ ရွှေ့ပြောင်းလုပ်သားအများစုဟာ အခြေခံလုပ်သားတွေ၊ ဝန်ဆောင်မှုလုပ်သားတွေအဖြစ် လုပ်ကိုင်ကြရတာပါ။

    “အဲဒီလိုအလုပ်မျိုး ထိုင်းတွေက မလုပ်ကြဘူးဗျ။ မြန်မာတွေဟာ ကျွန်တော်တို့ မိသားစုဝင်တွေ ဖြစ်နေပါပြီ။ မြန်မာတွေလည်း ဗုဒ္ဓဘာသာ၊ ထိုင်းတွေလည်း ဗုဒ္ဓဘာသာပဲလေ” လို့ ကိုဗစ်နှိပ်နှင်းရေးအထူးအဖွဲ့ရဲ့ တာဝန်ရှိသူ Taweesin Wisanuyothin က ပြောပါတယ်။

    ထိုင်းဟာ သမိုင်းကြောင်းအရ နိုင်ငံခြားသားတွေအပေါ် သည်းခံမှုရှိပေမယ့် ၁၈ ရာစု ဗမာဘုရင်လက်ထက်က အယုဒ္ဒယကို သိမ်းပိုက်မှုအကြောင်း ဦးတည်ပြီး သမိုင်းရန်ကြွေး တွေကို ဆိုရှယ်မီဒီယာမှာ ရေးတတ်ကြပါတယ်။

    ကိုဗစ်ကပ်ရောဂါကို မြန်မာနိုင်ငံက ပိုပြီး ခံစားရတာပါ။ ကူးစက်သူ ၁ သိန်း ၂ သောင်းနီးပါးရှိပြီး သေဆုံးသူ ၂၅၀၀​ ကျော်ပါပြီ။ ထိုင်းနိုင်ငံမှာတော့ ကူးစက်မှု ၅၈၀၀ နဲ့ သေဆုံးသူ ၆၀ လောက်သာ ရှိပါသေးတယ်။

    ထိုင်းနိုင်ငံမှာ ကူးစက်မှုအသစ်တွေ ဘယ်လိုပေါ်လာလဲဆိုတာ ရှင်းရှင်းလင်းလင်း မသိရပါဘူး။

    ထိုင်းနဲ့ကပ်နေတဲ့ မလေးရှား၊ စင်ကာပူနိုင်ငံတွေမှာလည်း ရွှေ့ပြောင်းလုပ်သားတွေအကြား ကိုဗစ် အကြီးအကျယ်ကူးစက်မှုတွေကိုကြည့်ရင် ကျန်းမာတဲ့ လူငယ်လူရွယ်တွေမှာ ရောဂါလက္ခဏာမပြဘဲ ကူးစက်နိုင်တယ်ဆိုတာကို တွေ့ရပါတယ်။ ထိုင်းနိုင်ငံက ကူးစက်မှုမှာတော့ အသက် ၆၇ နှစ်အရွယ် အမျိုးသမီးတစ်ဦးမှာ စတွေ့ခဲ့ရတာပါ။

    ပြီးခဲ့တဲ့လအနည်းငယ်အတွင်း ထိုင်းနိုင်ငံမှာ ပြည်တွင်းကူးစက်မှု သိပ်မရှိပေမယ့် မြန်မာနိုင်ငံမှာတော့ ထိုင်းနိုင်ငံကပြန်လာသူတွေမှာ ကိုဗစ်ကူးစက်မှုတွေ တွေ့ခဲ့ရပါတယ်။

    “ထိုင်းနိုင်ငံမှာ ရောဂါလက္ခဏာမပြဘဲ ကူးစက်သူတွေ ရှိနေမယ်လို့ ကျွန်တော်တို့ သုံးသပ်ပါတယ်။ မြန်မာအလုပ်သမားတွေဟာ တစ်ခန်းကို ၃၊ ၄ ယောက် စုပြုံနေရတာကြောင့် ခပ်ခွာခွာနေထိုင်ဖို့ မလွယ်ပါဘူး” လို့ ရန်ကုန်အခြေစိုက် ရွှေ့ပြောင်းလုပ်သားအခွင့်အရေး ကွန်ရက်က ဦးစိန်ဌေးက ပြောပါတယ်။

    မြန်မာအလုပ်သမားတွေ ထိုင်းနိုင်ငံထဲ တရားမဝင် ဝင်ရောက်တယ်လို့ စွပ်စွဲပြောဆိုပေမယ့် ထိုင်းတွေလည်း တရားမဝင် နယ်စပ်ဖြတ်ကျော်မှု ရှိပါတယ်။

    မြန်မာနိုင်ငံက လိင်ဖျော်ဖြေရေးလုပ်ငန်းမှာ ကိုဗစ်ကူးစက်မှုတွေ့ရတဲ့အတွက် ဒီလုပ်ငန်းမှာ လုပ်ကိုင်တဲ့ ထိုင်းအမျိုးသမီးတွေ နယ်စပ်ဖြတ်ကျော် အိမ်ပြကြပြီးတဲ့နောက် ကိုဗစ်အန္တရာယ် မြင့်လာနိုင်တယ်ဆိုတဲ့ စိုးရိမ်မှုတွေ မကြာသေးခင်က ထိုင်းနိုင်ငံမှာ ဖြစ်ပေါ်ခဲ့ပါသေးတယ်။

    Ref: Reuters

    (Reuters သတင်းဌာနမှ Anti-Myanmar hate speech flares in Thailand over virus ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • မြန်မာနိုင်ငံသားများတွင် ကိုဗစ်တွေ့၍ မဲဆောက်ဝင်ပေါက်ကို ထိုင်းက ပိတ်ပစ်

    မြန်မာနိုင်ငံသားများတွင် ကိုဗစ်တွေ့၍ မဲဆောက်ဝင်ပေါက်ကို ထိုင်းက ပိတ်ပစ်

    အောက်တိုဘာ ၁၉၊ ၂၀၂၀
    M-Media

    မဲဆောက်ဖက်မှ နယ်စပ်ဝင်ပေါက်

    -မြန်မာနိုင်ငံသားတွေမှာ ကိုဗစ်ပိုးတွေ့ခဲ့ပြီးတဲ့နောက် တက်ပြည်နယ်က​ မြန်မာနဲ့ထိပ်စပ်နေတဲ့ နယ်စပ်ဝင်ပေါက်တွေအားလုံးကို ထိုင်းနိုင်ငံက ပိတ်ပစ်လိုက်ပါတယ်။

    မဲဆောက်မှာနေထိုင်တဲ့ မြန်မာနိုင်ငံသား မိသားစုထဲက ၆ ဦးမှာ ပြီးခဲ့တဲ့တစ်ပတ်က ကိုဗစ်ကူးစက်မှုကို တွေ့ခဲ့ရတာဖြစ်ပါတယ်။ ၃ ဦးဟာ ကုန်ကားမောင်းသူတွေဖြစ်ပြီး ၃ ဦးကတော့ စက်ရုံ အလုပ်သမားတွေပါ။ ကူးစက်နေသူ အားလုံးမှာ ရောဂါလက္ခဏာတွေ မပြခဲ့ပါဘူး။

    တက်ပြည်နယ်အစိုးရက နယ်စပ်ဝင်ပေါက်တွေကို ဒီနေ့မနက်ကစတင်ကာ ပိတ်ပစ်ခဲ့ပြီး မဲဆောက်မြို့က စာသင်ကျောင်းတွေကိုလည်း ၇ ရက် ပိတ်ထားဖို့ အမိန့်ထုတ်ခဲ့ပါတယ်။ ကိုဗစ်တွေ့ရှိတဲ့ ရပ်ကွက်မှာ စေတနာ့ဝန်ထမ်း အစောင့်တွေချထားပြီး အဝင်၊ အထွက်တွေမှာ ကျန်းမာရေးစစ်ဆေးမှုတွေ လုပ်ဆောင်နေပါတယ်။

    မြ၀တီခရိုင် အုပ်ချုပ်ရေးမှူး ဦးတေဇာအောင်က မြန်မာနိုင်ငံသားတွေမှာ ကိုဗစ်ကူးစက်တယ်ဆိုတာကို ထိုင်းအာဏာပိုင်တွေက အတည်ပြုခဲ့ပြီး နယ်စပ်ဂိတ်ပေါက်ကို တစ်ပတ်တာ ပိတ်ထားဖို့အတွက် ပြည်ထောင်စုအစိုးရထံက ခွင့်ပြုချက် ရထားပြီလို့ ပြောကြားခဲ့ပါတယ်။

    ရှမ်းပြည်နယ် တာချီလိတ်မြို့နဲ့ကပ်နေတဲ့ နယ်စပ်ဂိတ်ပေါက်ကိုလည်း ထိုင်းအာဏာပိုင်တွေက စက်တင်ဘာ ၁၇ ရက်နေ့ကစတင်ကာ တစ်နေ့ကို ကား ၆ စီးသာဝင်ရမယ်လို့ ကန့်သတ်ခဲ့ပါတယ်။

    Ref: AP, Myanmar Times

  • လုပ်အားခေါင်းပုံဖြတ်ခံရသည့် မြန်မာရွှေ့ပြောင်းလုပ်သားများက ထိုင်းစက်ရုံကို တရားစွဲ

    လုပ်အားခေါင်းပုံဖြတ်ခံရသည့် မြန်မာရွှေ့ပြောင်းလုပ်သားများက ထိုင်းစက်ရုံကို တရားစွဲ

    စက်တင်ဘာ ၂၂၊ ၂၀၂၀
    M-Media

    ထိုင်းနိုင်ငံတွင်တွေ့ရသည့် မြန်မာရွှေ့ပြောင်းလုပ်သားများ

    -ထိုင်းနိုင်ငံ မဲဆောက်မြို့က နိုင်ငံခြား ထိပ်တန်းဘရန်းတွေထုတ်လုပ်တဲ့ စက်ရုံမှာ လုပ်အားခေါင်းပုံဖြတ်ခံခဲ့ရတဲ့ မြန်မာရွှေ့ပြောင်းလုပ်သားတွေက စက်ရုံကို ဥပဒေကြောင်းအရ တရားစွဲဆိုမှုတွေ လုပ်ဆောင်ခဲ့ပါတယ်။

    အိမ်နီးချင်း မြန်မာနိုင်ငံကနေ လာရောက်ပြီး ထိုင်းနိုင်ငံအနောက်ပိုင်း မဲဆောက်မြို့က စက်ရုံတွေမှာ အလုပ်လုပ်နေတဲ့ အလုပ်သမားတွေဟာ တစ်နေ့ အနည်းဆုံးလုပ်အားခက ၃၁၀ ဘတ်အောက်သာ ရရှိပြီး ဒါဟာ ခေါင်းပုံဖြတ် အမြတ်ထုတ်ခံရတာ ဖြစ်တယ်လို့ Reuters သတင်းဌာနက ၂၀၁၉ ခုနှစ် စက်တင်ဘာလမှာ ဖော်ထုတ်ပြခဲ့ပါတယ်။

    စက်ရုံပေါင်း ၄၃၀ လောက်ရှိတဲ့ မဲဆောက်မှာ အလုပ်မားအရေအတွက်က ၄၄၅၀၀ လောက်ရှိပြီး အများစုက အိမ်နီးချင်းနိုင်ငံတွေက ရွှေ့ပြောင်းလုပ်သားတွေ ဖြစ်ပါတယ်။

    Reuters ရဲ့ သတင်းကြောင့် ထိုင်းအာဏာပိုင်တွေဟာ စက်ရုံ ၂ ရုံကို ၀င်ရောက်စီးနင်းခဲ့ပြီး၊ အဲဒီအထဲက စက်ရုံတစ်ရုံကိုတော့ အလုပ်သမား ၆၀၀ အတွက် နစ်နာကြေး ဘတ် ၁၈ သန်းပေးဖို့ အမိန့်ချခဲ့ပါတယ်။

    ကမ္ဘာတစ်၀ှမ်းက နာမည်ကြီးဘရန်းတွေအတွက် ပစ္စည်းထုတ်ပေးတဲ့ အခြားစက်ရုံတစ်ခုကတော့ အလုပ်သမား ၂၆ ဦးအတွက် ဘတ် ၃.၄၈ သန်းပေးဖို့ အာဏာပိုင်တွေရဲ့ဆုံးဖြတ်ချက်ကို မလိုက်နာပါဘူး။

    လူ့အခွင့်အရေး အဖွဲ့တစ်ခုဖြစ်တဲ့ HRDF က လုပ်အားခေါင်းပုံဖြတ်ခံရတဲ့ ဒီကိစ္စအတွက် ပြီးခဲ့တဲ့လက ဒေသတွင်း အလုပ်သမားရေးရာတရားရုံးမှာ ဥပဒေကြောင်းအရ တိုင်ကြားမှုတွေ လုပ်ဆောင်ခဲ့ပြီး လာမယ့်လမှာ ပထမဆုံးကြားနာမှု လုပ်ဆောင်မှာ ဖြစ်ပါတယ်။

    “မဲဆောင်မှာ လုပ်နေတဲ့ စီးပွားရေးလုပ်ငန်းတိုင်းဟာ စျေးသက်သာတဲ့ ရွှေ့ပြောင်းလုပ်သားတွေရဲ့ လုပ်အားအပေါ် ခေါင်းပုံဖြတ်နေတယ်ဆိုတာကို ပြသနေပါတယ်” လို့ အလုပ်သမားအရေး ဆောင်ရွက်နေတဲ့ MAP Foundation တာ၀န်ရှိသူ Suchart Trakoonhutip က ပြောကြားခဲ့ပါတယ်။

    ဒေသတွင်းက ဒီလို လုပ်အားခေါင်းပုံဖြတ်မှုကို အာဏာပိုင်တွေက လစ်လျူရှုထားတယ်ဆိုတဲ့ ၀ေဖန်မှုတွကို ထိုင်း အလုပ်သမားကာကွယ်ရေးနဲ့ ဖူလှုံရေးဌာန တာ၀န်ရှိသူ Jarunchai Korsripitakkul က ငြင်းပါတယ်။

    မြန်မာရွှေ့ပြောင်းလုပ်သား ၂၆ ဦးကို နစ်နာကြေးမပေးရသေးတဲ့ စက်ရုံပိုင်ရှင် Kanlayanee က သူမအနေနဲ့ ပေးရမယ့်ပမာဏရဲ့ လေးပုံတစ်ပုံ ဘတ် ၈ သိန်းသာ တတ်နိုင်ပြီး ဒါကို အလုပ်သမားတွေက လက်မခံဘူးလို့ ပြောကြားခဲ့ပါတယ်။

    ဖြစ်ပျက်ခဲ့တာတွေအတွက် ၀မ်းနည်းမိပြီး အလုပ်သမားတွေအပေါ် ခေါင်းပုံဖြတ်လိုတဲ့ စိတ်စေတနာမျိုးမရှိကြောင်း၊ ဥပဒေကို ချိုးဖောက်ဆောင်ရွက်မိတာကိုတော့ ၀န်ခံကြောင်း သူမက ဖွင့်ဟခဲ့ပါတယ်။

    “မဲဆောင်က စက်ရုံအများစုက ဒီလိုပါပဲ။ စက်ရုံကြီးတွေလောက်ပဲ အနိမ့်ဆုံလုပ်အားခကို အတိအကျပေးနိုင်ပါတယ်”

    မြန်မာရွှေ့ပြောင်းလုပ်သားတွေကို ကူညီပေးနေတဲ့ HRDF နဲ့ MAP Foundation တွေက မဲဆောက်မှာ အနည်းဆုံးလုပ်အားခ အတိအကျပေးတဲ့စက်ရုံဟာ တစ်ဒါဇင်အောက်လောက်ပဲ ရှိမယ်လို့ ဆိုပါတယ်။

    တာ့ခ်ပြည်နယ် အလုပ်သမားရေးရာဌာနည်းကလည်း အလုပ်သမား ၂၆ ဦးကို နစ်နာကြေးမပေးတဲ့ကိစ္စအတွက် Kanlayanee ကို တရားစွဲဖို့ လုပ်ဆောင်နေပါယ်။

    Ref: Reuters

  • ထိုင်းတွင် မြန်မာနိုင်ငံသားအချင်းချင်း ဓားထိုးမှုဖြစ်

    ထိုင်းတွင် မြန်မာနိုင်ငံသားအချင်းချင်း ဓားထိုးမှုဖြစ်

    ဇူလိုင် ၁၄၊ ၂၀၂၀
    M-Media

    ဓားထိုးမှုဖြင့် ထိုင်းရဲတပ်ဖွဲ့က ဖမ်းဆီးထားသည့် မြန်မာနိုင်ငံသား ၆ ဦး

    -ထိုင်းနိုင်ငံအလယ်ပိုင်းမှာ မြန်မာနိုင်ငံသားအချင်းချင်း ခိုက်ရန်ဖြစ်ပွားမှုကြောင့် တစ်ဦးသေဆုံးပြီး ၆ ဦးကို ထိုင်းရဲတပ်ဖွဲ့က ဖမ်းဆီးထားပါတယ်။

    ကန်ချနာ​ဘူရီပြည်နယ် မူအန်ခရိုင်က စူပါမားကတ်တစ်ခုရှေ့မှာ တနင်္ဂနွေနေ့က ခိုက်ရန်ဖြစ်ပွားခဲ့တာဖြစ်ပြီး အသက် ၁၉ နှစ်အရွယ် Maung Tho Phe ဆိုသူ ဓားနဲ့ထိုးခံလိုက်ရတာပါ။ Maung Tho Phe ဟာ ဒဏ်ရာကြောင့် နောက်ပိုင်းမှာ သေဆုံးသွားခဲ့ပါတယ်။

    တိုက်ခိုက်ခဲ့သူတွေဟာ ထွက်ပြေးသွားခဲ့ပေမယ့် ထိုင်းရဲတပ်ဖွဲ့နဲ့ လူဝင်မှုကြီးကြပ်ရေးအဖွဲ့တို့ ပူးပေါင်းကာ ကျူးလွန်သူတွေထဲကတစ်ဦးကို ဘန်ကောက်မှာ ဖမ်းမိခဲ့ပြီး၊ ကျန်တဲ့ ၅ ဦးကိုလည်း ဆက်လက်ရှာဖွေ ဖမ်းဆီးနိုင်ခဲ့ပါတယ်။

    ကျူးလွန်သူတွေဟာ အသက် ၂၀ ကနေ ၂၉ နှစ်ကြားရှိတဲ့ လူငယ်တွေဖြစ်ပါတယ်။ စူပါမားကတ်အကိုအသွား အခြားမြန်မာအုပ်စုနဲ့တွေ့ရာကနေ စကားများ ရန်ဖြစ်ကြတယ်လို့ ထွက်ဆိုခဲ့ကြောင်း၊ လူသေသည်အထိ အပြင်းအထန်နာကျင်စေမှု၊ လက်နက်ကိုင်ဆောင်မှုတွေနဲ့ အမှုဖွင့်ထားကြောင်း ထိုင်းရဲတပ်ဖွဲ့က ထုတ်ပြန်ပါတယ်။

    Ref: Bangkok Post

  • ေရႊ႕ေျပာင္းလုပ္သားမ်ားကို ကူညီရန္ ျမန္မာအစုိးရက ထုိင္းေတာင္ပုိင္းတြင္ ႐ံုးခန္းဖြင့္

    ေရႊ႕ေျပာင္းလုပ္သားမ်ားကို ကူညီရန္ ျမန္မာအစုိးရက ထုိင္းေတာင္ပုိင္းတြင္ ႐ံုးခန္းဖြင့္

    စက္တင္ဘာ ၂၄၊ ၂၀၁၈
    M-Media

    – ျမန္မာႏုိင္ငံသားေတြ ထုိင္းငါးဖမ္းလုပ္ငန္းမွာ အလုပ္လုပ္ႏုိင္ေရး ေဆာင္ရြက္ေပးဖုိ႔နဲ႔ လုပ္သားေတြ လုိအပ္တဲ့ အကူအညီေတြ ေပးႏုိင္ဖုိ႔အတြက္ ျမန္မာအစုိးရဟာ ထုိင္းႏုိင္ငံေတာင္ပုိင္း ရေနာင္းၿမိဳ႕မွာ one-stop ႐ံုးခန္းတစ္ခုကုိ ဖြင့္လွစ္လုိက္ပါတယ္။

    ထုိင္းမွာ အလုပ္လုပ္ကုိင္ေနတဲ့ ျမန္မာလုပ္သားေတြအေနနဲ႔ ထုိင္းဗီဇာ သက္တမ္းတုိးတာကုိ ျမန္မာႏုိင္ငံျပန္စရာမလုိဘဲ ဒီ႐ံုးခန္းက ေဆာင္ရြက္ေပးမွာျဖစ္ၿပီး၊ ငါးဖမ္းလုပ္ငန္းေတြက အေျခအေနေတြကုိ ေစာင့္ၾကည့္ဖုိ႔ ျမန္မာလုပ္သားေတြရဲ႕ ကၽြမ္းက်င္မႈေတြကုိ စီစစ္ဖုိ႔အတြက္ ထုိင္း အလုပ္သမား၀န္ႀကီးဌာနနဲ႔ ပူးေပါင္းလုပ္ေဆာင္သြားမွာ ျဖစ္ပါတယ္။

    ျမန္မာနဲ႔ ထုိင္းအစုိးရတုိ႔ဟာ ၂၀၁၆ ခုႏွစ္မွာ နားလည္မႈစာခၽြန္လႊာတစ္ခုကို လက္မွတ္ေရးထုိးခဲ့ၿပီး ထုိင္းငါးဖမ္းလုပ္ငန္းကုိ ျမန္မာလုပ္သား ၄၂၀၀၀ ေစလႊတ္ဖုိ႔လည္း သေဘာတူခဲ့ပါတယ္။ ပထမအသုတ္အျဖစ္ လုပ္သား ၉ ေထာင္ကုိ ပုိ႔ေဆာင္မွာ ျဖစ္ပါတယ္။

    အလုပ္သမား၊ လူ၀င္မႈႀကီးၾကပ္ေရးႏွင့္ ျပည္သူ႕အင္အားဦးစီးဌာန အၿမဲတမ္းအတြင္း၀န္ ဦးမ်ိဳးေအာင္က ဒီ one-stop ႐ံုးခန္းေတြ ဖြင့္လွစ္ရျခင္းဟာ ထုိင္းႏုိင္ငံမွာ တရားမ၀င္ အလုပ္လုပ္ေနၾကတဲ့ ျမန္မာႏုိင္ငံသားေတြကုိ ကူညီဖုိ႔အတြက္လည္း ရည္ရြယ္တယ္လုိ႔ ေျပာၾကားခဲ့ပါတယ္။

    ဒီ႐ံုးခန္းမဖြင့္ခင္ ျမန္မာအစုိးရဟာ စက္တင္ဘာ ၂၂ ရက္ေန႔က ဘန္ေကာက္မွာ ျမန္မာေရႊ႕ေျပာင္းလုပ္သားေတြနဲ႔ ေတြ႕ဆံုခဲ့ၿပီး ထုိင္းငါးဖမ္းလုပ္ငန္းမွာ အႏၱရာယ္ကင္းကင္းနဲ႔ အလုပ္လုပ္ႏုိင္ဖုိ႔အတြက္ ေဆာင္ရြက္ေပးရမယ့္ ကိစၥေတြနဲ႔ ပတ္သက္ၿပီး အႀကံျပဳခ်က္ေတာင္းခဲ့တယ္လုိ႔ ထုိင္းႏုိင္ငံေတာင္ပုိင္း အေျခစုိက္က ျမန္မာေရႊ႕ေျပာင္းလုပ္သားေတြကုိ အကူအညီေပးေနတဲ့ Foundation for Education and Development (FED) က ကုိမင္းဦးက ေျပာၾကားခဲ့ပါတယ္။

    ျမန္မာနဲ႔ ထုိင္းအစုိးရတုိ႔ရဲ႕ နားလည္မႈစာခၽြန္လႊာမွာ ငါးဖမ္းလုပ္ငန္းမွာလုပ္တဲ့ ျမန္မာႏုိင္ငံသားေတြကုိ အေျခခံလစာ ဘတ္ ၁၂၀၀၀ (ေဒၚလာ ၃၇၀) နဲ႔ ၂ ႏွစ္ဗီဇာေပးဖုိ႔လည္း ပါ၀င္ပါတယ္။

    လုပ္ငန္းခြင္မွာ ျပႆနာေတြႀကံဳရမယ္ဆုိရင္ ျမန္မာလုပ္သားေတြဟာ ရေနာင္းက one-stop ႐ံုးကေနတစ္ဆင့္ ျမန္မာအာဏာပုိင္ေတြကို တုိင္ၾကားႏုိင္မွာ ျဖစ္ပါတယ္။

    ထုိင္းႏုိင္ငံေတာင္ပုိင္း ျပည္နယ္ ၃ ခုက ငါးဖမ္းလုပ္ငန္းေတြမွာ လုပ္ကုိင္ဖုိ႔အတြက္ ျမန္မာလုပ္သား ၉၀၀၀ ေလာက္ လုိအပ္ေနၿပီး ထုိင္းကုမၸဏီေတြက ျမန္မာႏုိင္ငံက အလုပ္အကုိင္ရွာေဖြေရး ေအဂ်င္စီေတြနဲ႔ ဆက္သြယ္ဟာ လုပ္သားေတြ ရွာေဖြေနၾကပါတယ္။

    Ref: Irrqwaddy

    (ဧရာ၀တီ အဂၤလိပ္ပုိင္းမွ သတင္းကုိ ေကာက္ႏႈတ္ဘာသာျပန္ဆုိသည္)