ဖေဖော်ဝါရီ ၂၂၊ ၂၀၁၃
M-Media
စာအုပ်မှာ ပြည်ထောင်စု မြန်မာနိုင်ငံဆိုင်ရာ အစ္စရေးသံအမတ်ကြီး တာဝန်ထမ်းဆောင်ခဲ့သူ သမိုင်းသုတေသီ မိုရှေးယေဂရ်က ၄င်း၏ မဟာဝိဇ္ဖာဘွဲ့ ဟီဗရူးတက္ကသိုလ် သို့ တင်သွင်းခဲ့သည် “The Muslim of Burma” ကျမ်းကို စာရေးဆရာ ဝါးခယ်မ မောင်မင်းနိုင်မှ ဘာသာပြန်ဆိုထားခြင်းဖြစ်ပါသည်။
PDF Download ယူရန်
ဇန်နဝါရီ ၂၂ ၊ ၂၀၁၃
M-Media
တင်မင်းထွဋ်
တိုင်းပြည်တစ်ပြည်တည်ထောင်ရာတွင် မတူကွဲပြားသောလူမျိုးစုံ အယူဝါဒကွဲပြားသူများကို စုရုံးကာ တည်ထောင်ခဲ့ကြရသည်။ စုရုံးမှုသည် အား တစ်ခုဟု မှတ်ယူသင့်ပေသည်။ စုရုံးမှုမှ စည်းလုံးညီညွတ်မှု ကို ရှရှိနိုင်ပေသည်။ ပြိုကွဲခြင်းများသည် စည်းလုံးညီညွတ်မှုပျက်သုဉ်းသောအခါ ပေါ်ပေါက်လာခဲ့သည်။ အနော်ရထာမင်းကြီးသည် အစုစုပြိုကွဲနေသော ပြည်နယ်များ လူမျိုးများကို စုရုံးကာ ပထမမြန်မာနိုင်ငံတော်ကို အောင်မြင်စွာ တည်ထောင်နိုင်ခဲ့သည်။ စုစည်းမှု၏ တန်ဖိုးကို ကောင်းမွန်စွာအသုံးချတည်ဆောက်ခဲ့သည်။
ဆက်ခံရာ မင်းဆက်များ၏ သမိုင်းကို ပြန်လည်လေ့လာသော် သမိုင်းလှခဲ့သည့် မင်းများ၏ ဆောင်ရွက်လုပ်ဆောင်ခဲ့သည်များသည် အလွန်မှတ်သားဖွယ် အတုယူဖွယ်များ တွေ့ရသည်။ မြန်မာမင်းများ၏ အမှုတော်ထမ်းရွက်ရန် မင်းမှုထမ်းများ ခန့်ထားမှုများနှင့် ပတ်သက်ပြီး မင်းတုန်းမင်းတရားကြီး၏ လူမျိုးပေါင်းစုံ တာဝန်ခွဲဝေခံထားမှုကို ဦးဖေမောင်တင် (မဟာဝိဇ္ဇာ) ရေးသားပြုစုတဲ့ မြန်မာမင်း လက်ထက်တော် စာတမ်းများ စာမျက်နှာ (၃၃) တွင်အောက်ပါအတိုင်း ဖော်ပြထားသည်။ ဤကဲ့သို့ သမိုင်းအထောက်အထားများ၊ မှတ်တမ်းများ များစွာရှိနေပါသည်။ သို့သော် ဒီသမိုင်းအထောက်အထားကိုတော့ လူသိနည်းသေးသည်ဟု ယူဆသည့် အတွက် ပြန်လည်တူးဖော်ခြင်းဖြစ်ပါသည်
။
ပုဏ္ဏားအမှုထမ်းများလည်း ပုဂံခေတ်မှစ၍ တွေ့ရှိလာရာ မင်းတုန်းမင်းလက်ထက်တော်၌ ခတ္တိယ၊ ဗြဟ္မဏ၊ သုဒ္ဓ၊ ဗိသျှ၊ ပုဏ္ဏားဖြူ ၁၀ဝ၊ ပုဏ္ဏားညို ၁၀ဝ၊ ဘိသိက်တော်ပုဏ္ဏား ၃၀ဝ၊ ရေကြည်တော်ခပ် ၁၀ဝ၊ ဂြိုဟ်စာကျွေး နတ်တင် ၁၀ဝ၊ ဇာတာတော်ဆေး ၁၀ဝ၊ ပုရောဟိတ် ၆၀၊ အခါပေး ၁၀ဝ ရှိ၏။
ကသည်းလူမျိုးအမှုထမ်းများမှာ လှေတော်တန်း၊ မြင်းစီးသူရဲတန်း၊ ယက်ကန်းတော်၊ဆတ္တာတော်၊ ခဝါတော်၊ အနှိပ်တော်၊ ရေကြည်တော် ပျော်ရာက အမှုတော်ထမ်းကြရသည်။
မြန်မာမူဆလင်အမျိုးသားများဖြစ်ကြသော ကင်းတားကုလားပျိုတပ် အမှုထမ်းတို့သည်
(၁)ရန်ပြိုအမြောက်
(၂)ရန်ပုံခွင်းအမြောက်
(၃)ရန်ကင်းအမြောက်
(၄)ရန်လင်းကြီးအမြောက်
(၅)လက်မနှိပ်အမြောက် စသော အမြောက်စုအမှုတော်ထမ်း၌ တသင်းတွင် လူ ၁၀ဝ၀ ခန့်အမှုတော် ထမ်းရွက်ကြရသည်။ ထို့ကြောင့်လည်း မင်းတုန်းမင်းတရားကြီး လက်ထက်တော်၌ ဘာသာရေးလွတ်လပ်မှုရရှိရုံမျှမက မင်းတရားကြီးကိုယ်တော်တိုင် ပလီများ ဆောက်လုပ် လှူဒါန်းခဲ့လေသည်။
မြေထူးကုလားအမှုထမ်းတို့မှာ ကုလားပျိုကင်းတားအမြောက်စစ်သည်တော်တို့ မိမိတို့တတ်စွမ်းရာက အမှုထမ်းကြရသည်။
အက္ကပတ်ကသည်းတို့မှာ မြင်းစီး ဓားခုတ် လှံထိုး စစ်သည်တော်အဖြစ် အမှုထမ်း၏။
ကလယ်အမှုထမ်းတို့မှာ ပန်းဘဲအလုပ်၊ ဆင်တော် မြင်းတော်ကကြိုးတန်ဆာလုပ် အမှုထမ်းများ ဝတ်ဆင်ရန် အဝတ်တန်ဆာအချုပ်အလုပ်၊ ကြေးသွန်း၊ ပန်းတဉ်း၊ မိမိတတ်စွမ်းရာကအမှုထမ်းရသည်။
ဝေသာလီအမှုထမ်းတို့မှာ ဖျာရက်၊ ရိုင်ရက်၊ ခြင်းကြားရက်၊ ပဒေသာတန်ဆောင်တန်လုပ်ဝါးနှင့် ဆိုင်ရာ မိမိတတ်ကျွမ်းရာက အမှုထမ်းကြရသည်။
ရှမ်းအမှုထမ်းဖြစ်ကြသော ကောင်းဟန်ရှမ်း၊ ယွန်းရှမ်း၊ ဓနုရှမ်း၊ ကဒူးရှမ်းတို့သည် လက်နက်ကိုင် စစ်သည်ဘက်၌ အမှုထမ်းကြပြီးပလောင်အမှုထမ်းတို့မှာ လက်ဖက်၊ သစ်ကြားသီး၊ သစ်အယ်၊ သစ်တို၊ လိမ္မော်၊ ဗကျာက် ဟူသမျှအလုပ်နှင့်စစ်မှုတွင် ထမ်းဆောင်ကြရသည်။
တရုတ်အမှုထမ်းတို့မှာ မုန့်တော်ဆက်၊ နဂါးတိုး၊ နရားအက၊ လက်သမား၊ ကျောက်သွေး စသောအမှုတော်ကို ထမ်းရသည်။ ကုလားတိမ်အမှုထမ်းတို့မှာ မီးပန်း မီးကျည် မီးနီ မီးဝါ မီးစိမ်း မီးပြာ မီးဖြူ မီးပန်းအလုပ်၊ မျက်လှည့်၊ ကြေးသွန်း၊ ယမ်းချက်၊ ယမ်းထောင်း၊ အမြောက်ဆံလုပ် အမှုတော်ထမ်းကြရသည်။ (ပေါ်တူဂီ စသော တိုင်းတပါးမှ လာရောက်သော လူမျိုးများကို ကုလားတိမ်ဟုဆိုလိုခြင်း ဖြစ်ပါသည်။)
မရမံအမှုထမ်းများမှာ ဘုရင်ကိုးကွယ်တော်မူသော ဆရာတော် သံဃာတော်များ၏ ကျောင်းဝစ္စပသာကုဋီများကိုသုတ်သင်ရသည်။ ယိုးဒယားအမှုထမ်းတို့မှာ အချက်အပြုတ်အလုပ်၊ ရေကြည်တော်ခပ်၊ ယိုးဒယားရာမဇာတ်ဖြင့် အမှုတော် ထမ်းကြရသည်။ မော်လမြိုင် ဒလဘက်အမှုထမ်းတို့မှာ သင်းဘောသမ္ဘန်လှေတော်လုပ် လက်သမား စသဖြင့် အမှုထမ်းကြရလေသည်။
ဤသို့ဖြင့် မြန်မာမင်းများ၏အုပ်ချုပ်စီမံပုံသည် သဘောထားပြည့်ဝ၍ လွတ်လပ်မှုရှိသည်။
ဆရာဦးဖေမောင်တင်၏ မြန်မာမင်းလက်ထက်တော်များ စာအုပ်တွင် ဤကဲ့သို့ ဖေါ်ပြပါရှိသကဲ့သို့ စာမျက်နှာ (၃၅)တွင် ပေးထားသောမှတ်ချက် ၁-၂ သည်လည်း စိတ်ဝင်စားဖွယ် တွေ့ရပြန်သည်။
(မှတ်ချက် ၁၊ ၂။ ။ဤယံ ကောင်စစ်ဂျင်နရယ်တို့ တည်းခိုသော အခွန်ဝန်မူလာအီဗရာဟင်၏ တိုက်နေရာသည် ယခုမန္တလေးမြို့ ၂၆ ဘီလမ်း၊ အာဇာနီလမ်း ရိုးကုမ္ပဏီတိုက်ပျက်ကြီး၏မြောက်ဖက် ဝင်းကြီးပင်ဖြစ်သည်။ စစ်မဖြစ်မီက မွတ်စလင်အမျိုးသား အထက်တန်းကျောင်းရှိသည်။ ယခုအခါ ကေဘီမော်တော်စတိုး ကားပျက်များထားသည်။ ဈေးချိုတော် မြောက်ဖက်တိုက်တန်းနှင့်ကပ်လျက် စူလတီဗလီ၌ သင်းချိုင်းဂူတခုတွင် မူလာအီဗရာဟင်၏သား မူလာအစ္စမံအလယ်သည် အဖရှိစဉ်ကပင် မင်းတရားကြီးလက်ထက်တော်၌ သူဌေးကြီးတို့အစီးအနင်းအဆောင်အရွက် မဟာဘောဂဓနရာဇာဘွဲ့နှင့်တကွ သူကောင်းပြုတော်မူသည်။ ယင်းနောက် သား မာန်အောင် ရတနာစေတီတော်ဒါယကာသီပေါဘုရင်လက်ထက်တော်တွင် အခွန်ဝန် အကောက်ဝန် လောကဗိမာန် လှေတော်အုပ် ကျောက်ရဲမြို့စား မင်းလှစည်သူ ဘွဲ့အမည် အရည်နှင့် သူကောင်းပြုတော်မူသည်။ နောက် မြန်မာနိုင်ငံတော်ကို အရှင်အင်္ဂလိပ်အစိုးရ မင်းတို့ သိမ်းပိုက်အုပ်စိုးတော်မူရာ လူကြီးလူကောင်းမှန်သည့် အတိုင်း ခန်ဘဟာဒူးဟူသောဘွဲ့ကို ပေးသနားတော်မူ၍ မင်းသုံးဆက်တိုင် ရာထူးဌာနန္တရအမျိုးမျိုး သူကောင်းပြုတော်မူခြင်းကို ခံစံရသောမူလာအစ္စမံအလ်သည် သက္ကရာဇ် ၁၂၀၃ ခု ဒုတိယဝါဆိုလဆန်း ၁၁ ရက် တနင်္ဂနွေဘွား အသက် ၆၆ နှစ် သက္ကရာဇ်၁၂၆၇ နတ်တော်လဆန်း ၂ ရက် တနင်းလာနေ့ နံနက် ၅ နာရီအချိန် ထွက်ကသွာအေလာဟီရှိသည့်အတိုင်း အသျှင်မြတ်အမိန့်တော်ကို ခံရလေသည်}}စသည်ဖြင့် ကျောက်စာ ရေးထိုးထားလေသည်။)
ထိုခေတ်ကာလသမိုင်းများ တစ်လျှောက်တွင်ပင် လူမျိုး ဘာသာထက် အရည်အချင်း အရည်အသွေးကို သာကြည့်၍ ဦးစားပေးရွေးချယ် ချီးမြှင့်မြှောက်စားခဲ့ကြကာ အရောင်အသွေးအစုံ ပြည်သူများ၏ ချစ်ကြည်လေးစားမှုကို မြန်မာဘုရင်များ ရရှိခဲ့ကြသည်။ မြန်မာနိုင်ငံတော်သည် သူ့ကျွန်ဘ၀ရောက်ခဲ့သော်လည်း ကျွန်ဘ၀ရောက်တဲ့ နိုင်ငံအများစုထက် စော၍ လွတ်မြောက်ခဲ့သလို ကျွန်ပြုခံကာလတစ်လျှောက်လုံးတွင်လည်း တိုင်းရင်းသားပေါင်းစုံ၏ နည်းမျိုးစုံ တော်လှန်မှုများကို ကာလအစဉ်အဆက် နယ်ချဲ့ များ ရင်ဆိုင်ခဲ့ရသည်။
ယနေ့အချို့ ပြောကြသလို တိုင်းတပါးသား ကျူးကျော်သူများ ဆိုပါက မိမိနိုင်ငံကိုသာ မိမိ အသက်ပေးချစ်ကာ စွန့်လွတ်ကြမည်သာ ဖြစ်သည်။ မြန်မာနိုင်ငံရှိ မူရင်းနေထိုင်သူ 
တိုင်းရင်းသားအားလုံးသည် သမိုင်းကာလတစ်လျှောက်လုံး မြန်မာမင်းများ၏ ပျိုးထောင်ပေးခဲ့သော မိမိတိုင်းပြည် မိမိနယ်မြေကို ချစ်စိတ် တန်ဖိုးထားစိတ်များကြောင့်သာ ယခု လို ဘ၀ပေါင်းများစွာ ပေးဆပ်ခဲ့ကြခြင်း ဖြစ်ပါသည်။ သမိုင်းတွင် ပေးဆပ်ပြခဲ့သည် လုပ်ပြခဲ့သည် ဆိုသော စကားများသည် ၎င်းပုဂ္ဂိုလ်များ ကိုသာမက လူမျိုးအားလုံးကို စော်ကားသော စကားများပင်ဖြစ်သည်။ ပေးဆပ်ရဲသော လုပ်ရဲသောသတ္တိသည် လူတစ်ထောင်တွင် တစ်ယောက် မလုပ်နိုင်သော စိတ်ဓါတ်ဖြစ်သည်။ ပေးဆပ်ခြင်း၏ နောက်ကွယ်တွင် ဘ၀ပေါင်းများစွာ တန်ဖိုးထားမှုများစွာကို ပေးအပ်ခဲ့ရသည်ကို သိသင့်လှပေသည်။
သမိုင်းတွင် စုပေါင်း အား ကြောင့်သာ အောင်မြင်ခဲ့သည်များသာ ရှိပါသည်။ လူမျိူးတစ်မျိုးတည်း၏ တီထွင်မှုများကြောင့် ကမ္ဘာကြီး တိုးတက်မလာသည်ကို တွေ့မြင်နိုင်သလို ကူးလူးဆက်ဆံ ဖလှယ်ခြင်းကြောင့်သာ တိုးတက်လာခြင်းဖြစ်ပေသည်။
မြန်မာ့နိုင်ငံ၏ တိုးတက်မှုဏ္ဍစုံကို ပြန်လည်လေ့လာပါက နယ်ပယ်စုံတွင် ထူးချွန်ပြောင်မြောက်သူများသည် လူမျိုးစုံ အယူဝါဒစုံသူများ သာ ဖြစ်သည်။ စနစ်ဆိုးများ၏ အောက်တွင် ဘ၀သက်တမ်းတစ်ခုစာမျှ နေထိုင်ခဲ့ရသော မျိုးဆက်များသည် ဆိုးမွေများကို အများအပြား ရရှိခဲ့ကြပေသည်။
ဘက်နှစ်ဖက်ကိုကြည့်တတ်သော စိတ်ဓါတ်များ ပျက်သုဉ်းကာ တစ်ဖက်ဆွဲ စိတ်ဓါတ်များ ရင့်သန်လာခဲ့ကြသည်။ စနစ်၏ သားကောင်များ ဖြစ်မှန်းမသိ ဖြစ်ခဲ့ကြရသည်။
တိုင်းပြည်တွင်းရှိ လူမျိုးပေါင်းစုံ စည်လုံးညီညွတ်ခြင်းကို ဘယ်တော့အခါမျှ မည်သည့်အာဏာရှင်များ မနှစ်မြို့ နိုင်ပေ။ ထိုင်ခုံများတည်မြဲရေးအတွက် မဟာလူမျိုးကြီးဝါဒသည် အာဏာရှင်များ၏အသုံးချ နည်းဗျူဟာများထဲမှ သည်းခြေအကြိုက်တစ်ခု ပေဖြစ်သည်။ နေရာဒေသ နိုင်ငံကွာခြားသော်လည်း အာဏာရှင်ကြီးများ အနည်းနဲ့ အများ ကျင့်သုံးခဲ့ကြသည်ကို သမိုင်းတွင် လေ့လာနိုင်ပေသည်။
ရွှေထီးဆောင်းခဲ့သည်များကို အရိုးဆွေးသည့်အထိ ပြန်လွမ်းနေခြင်း မဟုတ်သလို ဘာကြောင့် ရွှေထီးဆောင်းခဲ့ကြရသည်၊ ဘာကြောင့်ဇန်လျောခဲ့ကြသည် များကိုတော့ ပြန်လည် သုံးသပ်သင့်ပါက လေ့လာသင့်ပေသည်။ ကာလအပိုင်းအခြားကြောင့် ခေတ်ပြောင်းခဲ့ပင်မဲ့ အချို့ သမိုင်းများသည် တစ်ပတ်လည် လာသည်။ ထိုအခါ သမိုင်းထဲက အမှားများကို ပြန်လည်သုံးသပ်မှုမရှိကာ သမိုင်းဟောင်းများထဲက အမှားများအတိုင်း ပြန်လည်မကျူးလွန်ဖို့ကိုတော့ သတိပြုသင့်လှပေသည်။
တင်မင်းထွဋ်
၂၀-ဒီဇင်ဘာ-၂၀၁၂
ဇန်နဝါရီ ၁၀၊၂၀၁၂
စန်းဦးအောင်
M-Media
ပဒေသရာဇ် သက်ဦးဆံပိုင် ဘုရင်များခေတ်တွင် ဘုရင့်မျိုးနွယ်မဟုတ်သော သာမန်အရပ်သားများကို “င” တပ်၍ ခေါ်ဆိုသော ဓလေ့ အရ
Nga Ramankan = ငရမန်ကန်း
တခါတရံ Nga Raman= ငရမန်
ဟုခေါ်တွင်သည်။ သူအမည်အရင်းမှာ ရာမန်ခန်း (Ramankan Khan) သို့မဟုတ် ရာမန် (Raman) သာဖြစ်ပါသည်။
မျက်လုံး တဖက်ကန်း၍ ခေါ်ဆိုခြင်း (သို့) မိသားစု အမည် (ခန်း) မျိုးနွယ်ဖြစ်၍ ခေါ်ခြင်း ဟုတ်မဟုတ် ရေးသားထားခြင်းမရှိပေ။
အထက်ဖော်ပြပါ ကောက်နှုတ်ချက်သည် ဦးဖေမောင်တင်နှင့် GH Luce ဘာသာပြန်ဆိုသော မှန်နန်းရာဇဝင် (The Glass Palace Chronicles of Kings of Burma ) ပထမအကြိမ်ကို အောက်စဖို့ တက္ကသိုလ် လန်ဒန်တွင် ၁၉၂၃ ခုနှစ်တွင် ပုံနှိပ် ထုတ်ဝေပြီး ရန်ကုန် တက္ကသိုလ် ပုံနှိပ်တိုက်မှ ၁၉၆၀ တွင် ထပ်မံပုံနှိပ် သည့် ) မြန်မာနိုင်ငံသုတသန အသင်းမှ ထုတ်ဝေသည့် စာအုပ် စာမျက်နှာ ၁၀၀ မှ ၁၀၃ မှ ကိုးကားဖော်ပြခြင်းဖြစ်သည်။
သို့သော် အစ္စရေးနိုင်ငံသား ဂျူး လူမျိုး ဒေါက်တာ မိုရှေရေးဂါး ( ထိုအချိန်က ရန်ကုန်မြို့ရှိ အစ္စရေး သံ အရာရှိ၊ နောင်တွင် အစ္စရေး နိုင်ငံခြားရေး ဝန်ကြီးဌာန ၊ အပြည်ပြည်ဆိုင်ရာ နိုင်ငံရေး လေ့လာရေး ဌာနမှူး တာဝန်ခံဖြစ်လာသူ ) ရေးသားပြုစုသော မြန်မာ့မြေမှ မွတ်စလင်မ်များ(The Muslims Of Burma) စာအုပ်တွင်မူ ခမည်းတော် အနော်ရထားမင်းကိုရဲ့ ပုဂံ ထီးနန်းကို ဆက်ခံခဲသည့် စောလူးမင်း ( ၁၀၇၇-၁၀၈၈) သည် ငယ်စဉ်က အာရဗ် လူမျိုး မွတ်စလင်မ် တစ်ဦးထံ ပညာသင်ကြားခဲ့ကြောင်း နှင့် သူဘုရင် ဖြစ်ချိန်၌ သူ့ဆရာ၏ သား ရာမန်ခန်း (YAMAN KHAN) ကို ဥဿစား(ပဲခူး)မြို့စားအဖြစ် ခန့်အပ်ခဲ့ကြောင်းရေးသားခဲ့ပါသည်။ ကျမ်းပြုဆရာ မိုရှေးရေးဂါးမှ အောက်ခြေ ရှင်းလင်းချက်တွင် မြန်မာ စကားတွင် R မရှိသဖြင့် နာမည်အမှန် Rahman Khan အား Yaman Khan ရမန်ခန်း(သို့) ရမန်ကန်း ဟုရေးသားကြောင်း ဖော်ပြပါရှိသည်။
အလျဉ်းသင့်၍ ပြောရမည်ဆိုလျင် သူသည် မွတ်စလင်မ်တစ်ယောက် ဖြစ်သည်မှာ သေချာသည်ပင်လျင်ပင် ပထမ မြန်မာနိုင်ငံတော်၏ ဒုတိယမြောက် ဘုရင် စောလူးမင်းအား တော်လှန်ခြင်းကို မပြုလုပ်သင့်ပေ။ အထူးသဖြင့် စောလူးမင်းသည် ငယ်သူငယ်ချင်းဖြစ်ပြီး ဘုရင်က မြို့စားအဖြစ် ချီးမြှင့်မြောက်စားထားလျက် ပုန်ကန်ခြင်း မပြုသင့်ပါ။
ငယ်သူငယ်ချင်းဖြစ်သော်လည်း ဘုရင်နှင့် ဝေးဝေးနေသင့်ပါသည်။ လေးစားကြောက်ရွံ့မှုရှိရပါမည်။ ဘုရင်က ခေါ်၍ အတူတူ ကြွေအံ့ ကစားရခြင်းရှိလျှင်ပင် အနိုင်မကစားသင့်ပါ။ ယခုမူ အနိုင်ကစားရုံမက လက်ခမောင်းပင်ခတ်လိုက်ခြင်းမျာ မသင့်လျော်ပါ။ စောလူးမင်းက ရှက်ရမ်းရမ်း၍ မင်းယောက်ျား ပီသလျှင် သတ္တိရှိက ထောင်ထားခြားနားဟု ပြောလျှင်ပင် ဝန်ချတောင်းပန်သင့်ပါသည်။
ရာမန်ခန်းမှာ ကြွေအံကစားခြင်းသာ တော်သည်မဟုတ် စစ်ပရိယာယ်လည်း ကြွယ်သူဖြစ်သည်။
ပုဂံ ကမ်းလွန် ဧရာဝတီ မြစ်ကမ်း ပြည်တော်သာကျွန်းတွင် ရွှံ့နွံ့တော၌ ဝါးဖြင့်လုပ်သော ဆင်ရုပ်မြင်းရုပ် လူရုပ်များထောင်ထားပြီး ည အချိန် ကျန်စစ်သားနှင့် အင်အားတောင့်တင်းသော ပုဂံစစ်သားများကို စစ်မြှုပြီး ထောင်ခြောက်ထဲ၌ ပိတ်ဖမ်းခဲ့သည်။
စစ်နိုင်ချိန်၌ စောလူးမင်းကို မသတ်ဘဲ ကောင်းစွာ ပြုစု၍ တောင်းပန်ပြိး စစ်ရေး လေ့ကျင့်ခြင်းသာ ဖြစ်ကြောင်း လျောက်ထား အသနားခံပါက အသက်ဘေးမှ လွတ်မြောက်နိုင်သည်ကို မခန့်မှန်းမိဘဲ ဘုရင်ကို သတ်ခဲ့သဖြင့် ကျန်စစ်သား လွှတ်သော မုဆိုး ငဇင် လုပ်ကြံခြင်းခံရပြီး ကွယ်လွန်ခဲ့သည်။
ဒီဇင်ဘာ ၄ ၊ ၂၀၁၂
M-Media
(၁) မြန်မာနိုင်ငံသို့ လွန်ခဲ့သော နှစ်ပေါင်းများစွာကပင် အစ္စလာမ်သာသနာရောက်ရှိ ထွန်းကားခဲ့ပါသည်။ ရှေးမြန်မာမင်းများ လက်ထက်က အစ္စလာမ်သာသနာ သက်ဝင်ယုံကြည်သူ နိုင်ငံသားများကို ပသီများဟု ခေါ်ဝေါ်ခဲ့ကြပါသည်။ ၄င်းအစ္စလာမ်သာသနာဝင် ပသီများသည် အစ္စလာမ့်အဆုံးအမနှင့်အညီ ဘာသာတရားကိုင်းရှိုင်းကြ၍သစ္စာရှိစွာ အမူ့ထမ်းခဲ့ကြသဖြင့် မြန်မာမင်းများက လုပ်မြေ၊နေမြေများ ချီးမြင့်ခြင်း၊၀တ်ပြုကိုးကွယ်ရန် အတွက်၊ ဗလီဝတ်ကျောင်းတော်များနှင့်သာသနိက အဆောက်အအုံများ လှူဒါန်းခြင်းတို့ ဖြင့် မြှောက်စား ချီးမြှင့်ခြင်းခံခဲ့ကြရပါသည်။
(၂) (၁၈၂၄)ခုနစ်တွင်ပထမအကြိမ်၊ (၁၈၅၂)ခုနစ်တွင် ဒုတိယအကြိမ်၊ (၁၈၈၅)ခုနစ်တွင် တတိယအကြိမ်၊ အင်္ဂလိပ်မြန်မာ စစ်ပွဲများဖြစ်ကြပြီးနောက် အင်္ဂလိပ်တို့ကမြန်မာနိုင်ငံ တစ်ဝန်းလုံးအား သိမ်းပိုက် အုပ်စိုးခဲ့ပါသည်။
ထိုစစ်ပွဲများတွင်လည်းကောင်း၊ ထိုစစ်ပွဲများပြီးနောက် မြန်မာမျိုးချစ်တို့၏ နယ်ချဲ့ ဆန့်ကျင်ရေး တိုက်ပွဲများတွင် လည်းကောင်း၊ အခြားတိုင်းရင်းသား ညီနောင်များနည်းတူ အစ္စလာမ်သာသနာဝင်များ ပါဝင်ခဲ့ကြပါသည်။-
(၃) ၎င်းနောက် အင်္ဂလိပ်တို့ မြန်မာတစ်နိုင်ငံလုံးအား ကျွန်ပြုအုပ်ချုပ်ရာတွင် ၄င်းတိုို့၏ စီမံကိန်းများကို အကောင်အထည်ဖော်နိုင်ရန်အတွက် တိုင်းတစ်ပါးမှ အခြေချလိုသူ အမြောက်အမြားကို မြန်မာနိုင်ငံတွင်း ၀င်ရောက်ခွင့်ပြုခဲ့ရာ ၀င်ရောက်လာသူတိုင်းတစ်ပါးသားများအနက် အိန္ဒိယနိုင်ငံဖွား အစ္စလာမ် သာသနာဝင်များလည်း ပါရှိခဲ့ပါသည်။
(၄) ၂၀-ရာစု အစပိုင်းတွင် မြန်မာနိုင်ငံရှိ တိုင်းရင်းသားများသည် အမျိုးသားရေး စိတ်ဓာတ်များနိုး ကြားလာစပြုကာ ဘာသာရေးအဖွဲ့ အစည်းများ ထူထောင်ဖွဲ့စည်းကြရာတွင် အစ္စလာမ်သာသနာဝင်တို့ သည်လည်း(၁၉၀၉)ခုတွင် အစ္စလာမ်ဘာသာဝင် ဗမာ မွတ်စ်လင်မ် များအတွက်ဟူသောကြွေးကြော်သံဖြင့် အေရဟင်နှင့် ဟာဂျီဦးဘအို (KIH)တို့ ဦးဆောင်၍ ဘားမားမွတ်စ်လင်မ်ဆိုစိုက်တီ (BURMA MUSLIM SOCIETY)အဖွဲ့ကို ဖွဲ့စည်း တည်ထောင်ခဲ့ပါသည်။
(၅) (၁၉၁၅)ခုနစ်တွင် မြန်မာနိုင်ငံရှိ အစ္စလာမ်သာသနာဝင်တို့၏ ပညာရေးမြှင့်တင်ရန် ရည်ရွယ်ချက်ဖြင့် မြန်မာမွတ်စ်လင်မ် ပညာရေး အဖွဲ့ချုပ်ကို ဖွဲ့စည်းကာ မြန်မာနိုင်ငံ တစ်ဝန်းမြို့များတွင်အလှည့်ကျ ပညာရေးကွန်ဖရင့်များ နှစ်စဉ်ကျင်းပခဲ့ပါသည်။
(၆) မြန်မာနိုင်ငံရှိတိုင်းရင်းသားများ အစ္စလာမ်သာသနာဝင်တို့က အစ္စလာမ် ဘာသာရေး ကျောင်းများတွင် မြန်မာဘာသာ စာပေဖြင့် သင်ကြားလိုကြခြင်းကို အစ္စလာမ်သာသနာနှင့် အိန္ဒိယယဉ်ကျေးမူ့ကို ကွဲပြားစွာ သုံးသပ်နိုင်စွမ်းမရှိသူ အစ္စလာမ်သာသနာဝင် အချို့တို့က ဆန့်ကျင် ကန့်ကွတ်၍ အိန္ဒိယစာပေ(အူရ်ဒူစာ)၊ယဉ်ကျေးမူဓလေ့ ထုံးတမ်းများကို အတင်းအကြပ်သင်ကြားစေမူကြောင့် လည်းကောင်း၊ သန်းခေါင်စာရင်းကောက်ရာ မြန်မာနိုင်ငံတိုင်းရင်းသားအစ္စလာမ် ဘာသာဝင်များကို အိန္ဒိယနိုင်ငံဖွားစာရင်းထည့်သွင်းသည့်ကိစ္စနှင့်
ပတ်သက်၍ လည်းကောင်း၊မြန်မာနိုင်ငံနှင့် အိန္ဒိယနိုင်ငံ တွဲရေးခွဲရေး ကိစ္စတွင်မြန်မာနိုင်ငံတိုင်းရင်းသားအစ္စလာမ်သာသနာဝင်များက ခွဲရေးဘက်ကထောက်ခံပြီး အိန္ဒိယနွယ်ဖွား အစ္စလာမ်သာသနာဝင် များကတွဲရေးဘက်က ထောက်ခံခဲ့သဖြင့်လည်းကောင်း၊ (၁၉၂၉) ခုနစ်တွင် မြန်မာမွတ်စ်လင်မ်ပညာရေးအဖွဲ့ချုပ်အတွင်း သဘောထားကွဲမူများအထွတ်အထိပ်ရောက်ရှိကာ (၁၉၃၀)ခုတွင် တိုင်းရင်းသားအစ္စလာမ်သာသနာဝင်များခွဲထွက်ပြီးဂျီစီင်္ဘီအမ်အေ (THE GENERAL COUNIL OF BURMA MUSLIM ASSOCIATION) ဖွဲ့စည်းတည်ထောင်ခဲ့ပါသည်။
(၇) (၁၉၃၈)ခုနစ် ဖေဖော်ဝါရီလ(၁၃)ရက်တွင် တိုင်းတစ်ပါးသားတို့၏တိုင်းရင်းသားများအပေါ် နိုင်ငံရေး၊ဘာသာရေး၊ လူမူရေး ၊ယဉ်ကျေးမူနယ်ပယ်များတွင် လွှမ်းမိုးချယ်လှယ်နေခြင်းက်ို ရင်ဆိုင်အံတု၍ အမျိုးသားရေးဘာသာရေးများကိုဆောင်ရွက်ရန်အတွက် ဗမာမွတ်စ်လင်မ်နိုးကြားရေးအဖွဲ့ချုပ်အား မန္တလေးမြို့ ဥက္ကဋ္ဌ ဦးသိန်းမောင်(စကြာနွယ်စဉ်)၊ အတွင်းရေးမူး၊ဦးသန်းရွှေတို့ဦးဆောင်ဖွဲ့စည်းခဲ့ပါသည်။
(၁၉၄၁)ခုနှစ်တွင်ကျင်းပသော ညီလာခံ၌ မန္တလေးမြို့ ဗဟိုအမျိုးသားကျောင်းအုပ်ဆရာကြီး ဦးရာဇတ် (အာဇာနည်ခေါင်းဆောင်ကြီး)ကို ဥက္ကဋ္ဌတင်မြှောက်ခဲ့ပါသည်။
(၈) ဒုတိယစစ်ကြီးပြီးသည့် (၁၉၄၅)ခုနစ်တွင် (ဂျီဘီအမ်အေ)အဖွဲ့ကို ပြန်လည်ဖွဲ့စည်းခဲ့ပြီး ဗမာမွတ်စ်လင်မ်လူငယ်များအစည်းအရုံး (ဗ မ လ)ကို ဖွဲ့စည်းခဲ့ပါသည်။ထိုနှစ်တွင်အမျိုးသားခေါင်းဆောင်ကြီး ဗိုလ်ချုပ်အောင်ဆန်းက ယနေ့တိုင်းပြည်အခြေအနေသည် တစ်မျိုးသားလုံး သွေးစည်း ညီညွတ်ရန် အလွန်လိုအပ် နေသဖြင့် ဗမာမွတ်စ်လင်မ်များညီင်္ညီညွတ်ညွတ်နှင့်အဖွဲ့ အစည်းကြီးတရပ်ဖွဲ့စည်းကာ (ဖ–တ–ပ–လ)အဖွဲ့ကြီးတွင် တပ်ပေါင်းစုအဖြစ်ပါဝင်ရန် တိုက်တွန်းချက်အရ ဆရာကြီးဦးရာဇတ်က ဦးဆောင်ဆော်သြ၍ (၁၉၄၅)ခုနစ်၊ ဒီဇင်ဘာ(၂၄)ရက် (၂၅)ရက်နှင့်(၂၆)ရက်တို့တွင် ပျဉ်းမနားမြို့၌ ညီလာခံကြီးတရပ်ခေါ်ယူ ကျင်းပခဲ့ပါသည်။
(၉) ၎င်းညီလာခံကြီးသို့ မြန်မာနိုင်ငံတစ်ဝန်းမှ တစ်သီးပုဂ္ဂလ မွတ်စ်လင်မ်ခေါင်းဆောင်များ၊ ဖွဲ့စည်းပြီးသော (ဂျီစီဘီအမ်အေ)နှင့်(ဗ-မ-လ) အဖွဲ့တို့မှ ခေါင်းဆောင်များ ပါဝင်တက်ရောက်စေ၍ အဖွဲ့ဟောင်းအားလုံးကိုဖျက်သိမ်းကာ ဗမာနိုင်ငံလုံးဆိုင်ရာဗမာမွတ်စ်လင်မ်ကွန်ဂရက် (ဗ–မ–က) အဖွဲ့ကြီးကို ဆရာကြီးဦးရာဇတ်အား ဥက္ကဋ္ဌအဖြစ်လည်းကောင်း၊ ဦးခင်မောင်လတ် ( နောင်တရားရေးဝန်ကြီးဌာန ၀န်ကြီးနှင့် အစ္စလာမ်ကောင်စီ ဌာနချုပ်ဥက္ကဋ္ဌ) အား အထွေထွေအတွင်းရေးမှုးချုပ် အဖြစ် လည်းကောင်း၊ တင်မြှောက်ဖွဲ့စည်းခဲ့ပါသည်။
( ဗ-မ-က ) အဖွဲ့ကြီး သည် ညီညွတ်သော တိုင်းရင်းသား သာသနာ့ပညာရှင်များ အဖွဲ့အစည်း တစ်ရပ်ဖြစ်ပေါ်လာရေးအတွက် (ဗ-မ-က)၏ဘာသာရေးမှူး မောင်လာနာဃာဇီ မုဟမ္မဒ်ဟာရှင်မ် (နောင်-အိုလမာ ဥက္ကဋ္ဌ ၊ အစ္စလာမ်ကောင်စီဥက္ကဋ္ဌ)ကို လည်းကောင်း၊ စုစည်းညီညွတ်သော မွ တ်စလင်မ် အမျိုးသမီး အဖွဲ့ချုပ်ဖြစ်မြောက်ရေးအတွက် ဒေါ်စောရွှေ ၊ ဒေါ်သက်မေ၊ ဒေါ်မြမြတင်တို့အား လည်းကောင်း တာဝန်ပေးခဲ့ပါသည်။
(၁၀) ထိုသို့ (ဗ-မ-က) အဖွဲ့ကြီး၏တာဝန်ပေးချက်အရ (၁၉၄၆) ခုနှစ်ဖေဖော်ဝါရီလ(၃)ရက်နေ့တွင် ရန်ကုန်မြို့၌ အမျိုးသမီးထု အစည်အဝေးကျင်းပပြီး ဗမာနိုင်ငံလုံးဆိုင်ရာ ဗမာမွတ်စ်လင်မ်အမျိုးသမီးအဖွဲ့ချုပ်(ဗမအ)ကိုဥက္ကဋ္ဌ ဒေါ်စောရွှေအား တင်မြေုာက်၍လည်းကောင်း၊ (၁၉၄၆)ခုနှစ်၊ စက်တင်ဘာလ(၂၃)ရက်တွင် သာစည်မြို့၌ သာသနာ့ပညာရှင်များ အစည်းအဝေးကြီး ကျင်းပ၍ ဥက္ကဋ္ဌဃာဇီမုဟမ္မဒ်ဟာရှင်မ်အား တင်မြှောက်၍ လည်းကောင်းဖွဲ့စည်းခဲ့ပါသည်၊ (အိုလမာအဖွဲ့ချုပ်သည် ၁၉၅၁ခုမေလတွင် ကျင်းပသော အိုလမာညီလာခံ၌ ရန်ကုန်မြို့ရှိ ဂျမီအသ်အဖွဲ့နှင့ပူးပေါင်းလိုက်ပါသည်။)
(၁၁) (ဗ-မ-က)အဖွဲ့ကြီးသည် (၁၉၄၆)ခုနှစ် ဇန်န၀ါရီလတွင် ရွှေတိဂုံ အလယ်ပစ္စယံ၌ကျင်းပသည့် ဖ-ဆ-ပ-လ
ညီလာခံ၌စတင်ကာ လူမျိုးရေးအဖွဲ့အစည်းတစ်ရပ်အဖြစ် (ဖ-ဆ-ပ-လ)တွင် တပ်ပေါင်းစုပါဝင်၍ မြန်မာ့လွတ်လပ်ရေး ကြိုးပမ်းမှုတွင်ပါဝင်ဆောင်ရွက်ခဲ့ပါသည်။ (၁၂) (၁၉၄၈) ခုတွင် မြန်မာ့နိုင်ငံလွတ်လပ်ရေရရှိပြီးနောက် နိုင်ငံတော်အစိုးရက ဘာသာသာသနာအသီးသီးအား နှစ်စဉ် သာသနာ့ထောက်ပံ့ကြေးငွေ ချီးမြှင့်ရာတွင် (ဗ-မ-က) သည် အစ္စလာမ်သာသနာဝင် တစ်မျိုးသားလုံးအား ကိုယ်စားပြုသော်လည်း အမျုးသားရေးဆောင်ရွက်နေသော အဖွဲ့ဖြစ်သဖြင့် သာသနာ့ထောက်ပံကြေး ငွေလက်ခံနိုင်ခဲ့ခြင်းမရှိပါ။
ကျန် ဘာသာရေးအဖွဲ့များ သည်လည်း အစ္စလာမ်သာသနာဝင် တစ်မျိုးသားလုံးကို ကိုယ်စားပြု၍ ထောက်ပံကြေး လက်ခံနိုင်ခဲ့ခြင်းမရှိပါ။ အိုလမာအဖွဲ့သည် သာသနာ့ပညာရှင်များကိုသာ ကိုယ်စားပြုခြင်း၊ အမျိုးသမီးအဖွဲ့သည် အမျိုးသမီးများကိုသာ ကိုယ်စားပြုခြင်း၊ လူငယ်အဖွဲ့သည် လူငယ်များကိုသာကိုယ်စားပြုခြင်းကြောင့်ဖြစ်သည်။
ထို့အတွက် အစ္စလာမ်သာသနာတော်အတွက် နိုင်ငံတော်က ချီးမြှင့်သောသာသနာ့ ထောက်ပံကြေးငွေကို (ဗ-မ-က)အဖွဲ့မှ အောက်ပါပုဂ္ဂိုလ်များအမည်ဖြင့်သာ ဘဏ်၌ ယာယီအပ်နှံ ငွေစာရင်းဖွင့်ထားခဲ့ရပါသည်။
(က) ဦးခင်မောင်လတ် (ထိုစဉ်က- ၀န်ကြီးတရားဝန်ကြီးဌာန)
(ခ) မစ္စတာ စူလတန် အဟ်မဒ် (ထိုစဉ်က- ပါလီမန်အမတ်)
(ဂ) ဒေါ်ခင်ခင် (ဆရာကြီးဦးရာဇတ်၏ဇနီး) (ထိုစဉ်က-ပါလီမန်အမတ်)
(ဃ) ဟာဂျီမ ဒေါ်စောရွှေ (ထိုစဉ်က-လူမျိုးစုလွှတ်တော်အမတ်)
(င) ဦးသန်ညွန့် (ထိုစဉ်က-ပါလီမန်အမတ်)
(၁၃) (၁၉၅၄)ခုနှစ်တွင် ဖ-ဆ-ပ-လအစိုးရက (ဗ-မ-က) အဖွဲသည် ဘာသာရေးနှင့် နိုင်ငံရေးရောထွေးနေသည်ဟုအကြောင်းပြကာ (ဗ-မ-က)အဖွဲ့ကြီးအား ဖျက်သိမ်းရန် အရေးဆိုလားပါသည်။-
ထို့အပြင် အစ္စလာမ်သာသနာဝင်အားလုံးတို့ကို ကိုယ်စားပြု၍ အစ္စလာမ့်သာသနာရေးရာများကို ဆောင်ရွက်သော နိုင်ငံလုံးဆိုင်ရာ အစ္စလာမ့်အဖွဲ့အစည်းတစ်ရပ်ကိုဖွဲ့စည်းရန်လည်း တိုက်တွန်းလာသည် ။ ထိုသို့သောခြေအနေများကြောင့် (ဗ-မ-က)ဌနချုပ်မှ ဥက္ကဋ္ဌ- ဦးခင်မောင်လတ်၊ အထွေထွေအတွင်းရေးမှူး-ဆရာဦးဘိုးချယ်၊ ဒေါက်တာဦးကျော်ညိမ်း၊ ဗမာမွတ်စ်လင်မ်အိုလမာအဖွဲ့ချုပ်မှ ဥက္ကဋ္ဌ-မောင်လာနာအိဗ်ရာဟီမ် အဟ်မဒ် (မဇွာဟီရီ)၊ အထွေထွေ အတွင်းရေးမှူး-မောင်လာနာဃာဇီမုဟမ္မဒ်ဟာရှင်မ်၊ မောင်လာနာ မုဖ်သီ မဟ်မူဒ်ဒါဝုဒ်ယူစွဖ်၊ ဗမာမွတ်စ်လင်မ် အမျိူးသမီးအဖွဲ့ချုပ်မှ ဥက္ကဋ္ဌ ဟာဂျီမ ဒေါ်စောရွှေ ၊ဒေါ်စိန်စိန်၊ ဒေါ်သက်မေတို့ (၁၉၅၄)ခုနှစ်၊ နိုဝင်ဘာလ(၂)ရက်နေ့တွင်(ဗ-မ-က) ဌာနချုပ်ရုံးခန်း၌တွေ့ဆုံစည်းအဝေး၍ ပြည်ထောင်စုမြန်မာနိုင်ငံတော်အစ္စလာမ် သာသနာရေးရာကောင်စီအား ဖွဲ့စည်းရန်ဆုံ ဖြတ်ခဲ့ပါသည်။
၎င်းအစည်းအဝေးကို အိုလမာအဖွဲ့ချုပ်က ဖိတ်ကြားခေါ်ယုရန်ညှိနှိုင်းသဘောတူဆုံးဖြတ်ခဲ့ပါသည်။
(၁၄) ထိုသို့ ညှိနှိုင်းဆုံးဖြတ်ချက်အရ ၁၉၅၄ခုနှစ်၊ ဒီဇင်ဘာလ၊ (၅)ရက်နေ့တွင် ရန်ကုန်မြို့၊ကနေဒီလမ်း ( ကန်ရိပ်သာလမ်း၊ မင်္ဂလာတောင်ညွန်မြို့နယ်) ရှိ ဇိနယ်စ္စလာမ်ယောကျာ်းလေးများဂေဟာ၌ အောက်ပါ ဗဟိုအမှုဆောင်များပါဝင်သော ပြည်ထောင်စုမြန်မာနိုင်ငံအစ္စလာမ်သာသနာရေးရာကောင်စီအား စတင်ဖွဲ့စည်းတည်ထောင်ခဲ့ပါသည်။
(၁၉၅၄)ခုနစ်၊ဒီဇင်ဘာလ (၅) ရက်နေ့တွင် စတင်ဖွဲ့စည်းခဲ့သော ပြည်ထောင်စုမြန်မာနိုင်ငံတော်အစ္စလာမ်သာသနာရေးရာကောင်စီဌာနချုပ် ဗဟိုအမှုဆောင်အဖွဲ့
၁။ ဦးခင်မောင်လတ် (ထိုစဉ်-တရားရေးဝန်ကြီးဌာန၊၀န်ကြီး) – ဥက္ကဋ္ဌ
၂။ မောင်လာနာအိဗ်ရာဟီမ်အဟ်မဒ် -မဇွာဟ်ိရီ – ဒုတိယဥက္ကဋ္ဌ
၃။ (သီရိပျံချီ အလ်ဟာဂ်ျ) မောင်လာနာ ဃာဇီ မုဟမ္မဒ်ဟာရှင်မ် – အတွင်းရေးမှူးချုပ်
၎။ အလ်ဟာဂ်ျဆရာကြီးအဗ်ဒုလ္လာဟ် – တွဲဖက်အတွင်းရေးမှူးချုပ်
၅။ ၀ဏကျော်ထင် ဦးဘအေး – ဘဏ္ဍရေးမှူး
၆။ ပါမောက္ခ ဆရာကြီးဦးကာ(ရန်ကုန်တက္ကသိုလ်-သင်္ချာဌာန) – စာရင်းစစ်
ရ။ (အလ်ဟာဂ်ျ) မောင်လာနာ မုဖ်တီ မဟ်မူဒ် ဒါဝုဒ် ယူစွပ် – ဗဟိုအမှု့ဆောင်
၈။ ဦးရာရှစ်(ထိုစဉ်-ကုန်သွယ်မူ-တိုးတက်ရေးဝန်ကြီဌာန၊၀န်ကြီး) – ဗဟိုအမှု့ဆောင်
၉။ (ဇေယျကျော်ထင်) ဗိုလ်မူကြီးဘရှင် – ဗဟို အမှု့ဆောင်
၁၀။သီရိပျံချီ ဦဘစိန် (တိုင်းမင်းကြီး) – ဗဟိုအမှု့ဆောင်
၁၁။ဆရာဦးဘိုချယ် (ပါလီမန်အမက်) (နိုင်ငံဂုဏ်ရည်ပထမအဆင့်) – ဗဟိုအမှု့ဆောင်
၁၂။ဒေါက်တာ ဦးကျော်ညိမ်း (မော်ကွန်ဝင်ဒုတ်ိယအဆင့်) – ဗဟိုအမှု့ဆောင်
၁၃။ဦးကိုက်ိုလေး (ထိုစဉ်က-စာရင်းစစ်ချုပ်) – ဗဟိုအမှု့ဆောင်
၁၄။(၀ဏကျော်ထင်) (ဟာဂျီမ) ဒေါ်စောရွှေ (ပါလီမန်အမတ်) – ဗဟိုအမှု့ဆောင်
၁၅။ဆရာမ ဒေါ်သက်မေ – ဗဟိုအမှု့ဆောင်
၁၆။ဆရာမ ဒေါ်စိန်စိန် – ဗဟိုအမှု့ဆောင်
၁၇။မစ္စတာ စုလ်တွာန် အဟ်မအ်(ပါင်္လီမန်အမတ်) – ဗဟိုအမှု့ဆောင်
၁၈။(အလ်ဟာဂ်ျ) မောင်လာနာ မက္ကဆူဒ် အဟ်မဒ်ခန်း – ဗဟိုအမှု့ဆောင်
၁၉။မောင်လာနာ ဘရှီရုလ္လာဟ် (တာမွေဒါရုလ်အုလူမ်ကျောင်းအုပ်) – ဗဟိုအမှု့ဆောင်
၂၀ ။စည်သူ ဦးဘကြွယ်(မန္တလေး) – ဗဟိုအမှု့ဆောင်
၂၁။ဦးဘိုခိုင်(စစ်တွေ)(ပါလီမန်အမဟ်) – ဗဟိုအမှု့ဆောင်
၂၂။ ဆရာကြီးပုံ (ရွှေဘို) (ဆားကုန်းအရဗီသိပ္ပံကျောင်းအုပ်) -ဗဟိုအမှု့ဆောင်
၂၃။မောင်လာနာဂျမာလုဒ်ဒီန်(မန္မလေး) – ဗဟိုအမှု့ဆောင်
၂၄။ဆရာကြီးဦးဂိုလာမ် (မော်လမြိုင်) – ဗဟိုအမှု့ဆောင်
၂၅။မော်လာနာအိဗာဒုလ္လာဟ်(ကျောက်မဲ) – ဗဟိုအမှု့ဆောင်
၂၆။ဆရာဦးသန်းဖေ(ပျဉ်းမနား-ကျောင်းအုပ်ဆရာကြီး) – (တိုးချဲ့ခန့်) ဗဟိုအမှု့ဆောင်
၂၇။ဆရာကြီးခင်(မီတ္ထီလာ) ) – (တိုးချဲ့ခန့်) ဗဟိုအမှု့ဆောင်
(၁၅) ထိုသို့အစ္စလာမ်ရေးရာကောင်စီ ဖွဲ့စည်းပြီးနောက် (၁၉၅၅)ခုနစ် ဒီဇင်ဘာ(၂၆)ရက်နေ့တွင်ကျင်းပသော(ဗ မ က)အဖွဲ့ကြီး၏(၈)ကြိမ်မြောက်ညီလာခံကြီး၌ ကိုယ်စားလှယ် ၀န်ကြီး ဦးကျော်ငြိမ်းတက်ရောက်၍ အစ္စလာမ်ရေးရာကောင်စီ ဖွဲ့စည်းပြီးဖြစ်သဖြင့် သာသနာထောက်ပံ့ငွေများကို ယင်းကောင်စီသို့ လွှဲအပ်ပေးပြီး ဖြစ်ကြောင်းနှင့် (ဗ-မ-က)အဖွဲ့ကြီးကို ဖျက်သိမ်းရန် (ဖ-ဆ-ပ-လ)အဖွဲ့ချုပ်၏ သဘောထားကို တင်ပြခဲ့ပါသည်။
(၁၆) ၎င်းညီလာခံသို့ တက်ရောက်လာသူ ဗ-မ-က ကိုယ်စားလှယ်များက (ဗ-မ-က)အဖွဲ့ကြီးအား ချက်ချင်းဖျက်သိမ်းခြင်းကို သဘောမတူဘဲ တဖြည်းဖြည်းနှင့်သာ ဖျက်သိမ်းသွားရန် ဆုံးဖြတ်ခဲ့သဖြင့် (၂၉-၁၂-၁၉၅၅)ရက်တွင် ၀န်င်္ကြီးချုပ် ဦးနု ကိုယ်တိုင် ညီလာခံလူထု ရှင်းလင်းပွဲ ကျင်းပရာ ရန်ကုန်မြို့တော် ခန်းမသို့လာရောက်၍ (၁၉၅၆)ခုနစ် (၃၀) ရက်ကိုနောက်ဆုံးထား၍ (ဗ–မ–က)အဖွဲ့အား ဖျက်သိမ်းရန်နှင့် နိုင်ငံရေးလုပ်လိုလျှင်(ဖ-ဆ-ပ-လ)အထဲကို ၀င်ပါ သာသနာရေး လုပ်ချင်ရင် ကောင်စီကိုဝင်ပါ၊ဟု ပြောဆိုကာ အပြီးသတ်ရက်သတ်မှတ်ညွန်ကြားခဲ့သဖြင့် (ဗ-မ-က)၏ ငွေစာရင်းများအားလုံးကို အစ္စလာမ်သာသနာရေးရာကောင်စီသို့ လွှဲပြောင်းပေးအပ်၍ (ဗ-မ-က)အဖွဲ့ကြီးအား ဖျက်သိမ်းပေးခဲ့ရပေသည်။
အစ္စလာမ် သာသနာရေးရာကောင်စီ FB စာမျက်နှာ https://www.facebook.com/irac.myanmar မှ ကူးယူဖော်ပြပါသည်။
နိုဝင်ဘာ ၂၃၊ ၂၀၁၂
M-Media
တင်မင်းထွဋ်
ဒုတိယကမ္ဘာစစ်အပြီး ဂျပန်အဆုတ်တွင် ဖြစ်ပွားခဲ့သော မြန်မာ့သမိုင်းတွင် တိမ်မြုတ်နေတဲ့ စစ်ရာဇ၀တ်မှုတစ်ခု ဖြစ်သည်။ ဗမာ့မျိုးချစ် တပ်မတော်သားများနဲ့  မဟာမိတ်လေထီးသမားများကို ကူညီဆောင်ရွက်ပေးခဲ့တဲ့အတွက် အစ္စလာမ်ဘာသာ ကိုးကွယ်တဲ့ မွတ်စ်လင်မ် ရွာသူရွာသား ကလေးသူငယ်များအပါအ၀င် ၇၆၉ယောက်ကို ဖက်ဆစ်ဂျပန်များက လူမဆန်စွာ ရွာလုံးကျွတ် သတ်ဖြတ်ခဲ့သည့် သမိုင်းဆိုးဖြစ်ရပ် တစ်ခုဖြစ်ပါသည်။
စစ်ပွဲဖြစ်ပွားတဲ့ အချိန်ဒေသတွေမှာ စစ်ရာဇ၀တ်မှုတွေ ဖြစ်တာတွေကတော့ သမိုင်းမှာ မဆန်းတော့ပါ။ သို့ သော် ယနေ့  အချိန်တွင် မြန်မာနိုင်ငံ၌ ကိုးကွယ်သည့် ဘာသာနဲ့  ပတ်သက်၍ လူမျိုးခွဲခြားနေကြသည်။ မြန်မာ့သမိုင်းတွင် တိုင်းပြည်လွတ် မြောက်ရေးအတွက် လူမျိုးပေါင်းစုံ ဘာသာပေါင်းစုံ သူသာတယ် ငါပိုတယ် စိတ်မထားဘဲ အသက်သွေးချွေး ဘ၀တွေ များစွာ စတေးခဲ့ရ ပေးဆပ်ခဲ့ရသည်ကို တန်ဖိုးထား သိသင့်ပါသည်။ ထိုအတွက်ကြောင့် ဆရာကြီး ၀မ်းအိုဝမ်း ကျော်ဝင်းမောင် ရေးသားပြုစုတဲ့ ကျိုက်မရောနယ်ရဲ့  အလှကို အကျည်းတန်စေခဲ့တဲ့ သမိုင်းဖြစ်ရပ် ကိုအကျဉ်းချုံး ဖော်ပြလိုက်ပါသည်။ အကျည်းချုံးဖော်ပြ သည့်အတွက် တစ်စုံတစ်ရာ အမှားများ လိုအပ်ချက်များရှိပါက မူရင်း ရေးသားသူ၏ အမှားများမဟုတ်ဘဲ ကျွန်တော်၏ အမှားများသာ ဖြစ်ပါကြောင်း နားလည်စေလိုပါသည်
ကျိုက်မရောနယ်ရဲ့  အလှကိုအကျည်းတန်စေခဲ့တဲ့ သမိုင်းဖြစ်ရပ် (၀မ်းအိုဝမ်းကျော်ဝင်းမောင်)
နိဒါန်း
ဖက်ဆစ်ဂျပန်တို့ ရဲ့  လူသတ်ပွဲသတင်း
မွန်ပြည်နယ်၊ ကျိုက်မရောမြို့ နယ် ၊ ကုလားကုန်းကျေးရွာရှိ ရွာသူရွာသားကလေးလူကြီး ၇၆၉ယောက်ကို ဖက်ဆစ်ဂျပန်များက ဓါးနဲ့ ခုတ်၊ လှံစွပ်နဲ့ ထိုး၊ အရှင်လတ်လတ် ရွာရှိရေတွင်း၂၂တွင်းထဲ ပစ်ချသတ်ဖြတ်ခဲ့တဲ့ သတင်းကို အစ္စလာမ့်အလင်းမဂ္ဂဇင်း အမှတ်စဉ်(၁၉)၊ ၁၉၈၀ပြည့်နှစ်၊မတ်လထုတ် စာစောင်မှာ ပါခဲ့ပါတယ်။
ယင်းမဂ္ဂဇင်းထွက်ပြီး တစ်ပတ်အတွင်းမှာ ၎င်းလူသတ်မှုကြီးသတင်းကို စာရေးသူ ဖတ်ရပါတယ်။ အချင်းဖြစ်ပွားခဲ့ရာ နေရာသို့  ကိုယ်တိုင် သွားရောက်စုံစမ်းလိုစိတ်တဖွားဖွား ပေါ်လာခဲ့ပါတယ်။ ဘာကြောင့်လဲဆိုရင် စာရေးသူဟာ ဒုတိယကမ္ဘာစစ်အတွင်း ဖြစ်ရပ်များကို အပတ်တကုတ် တစိုက်မက်မက် စုဆောင်းရေးသားနေသူမို့ ပါ။
စာရေးသူရေးတဲ့ ၀မ်းအိုဝမ်းနဲ့ မြန်မာ့မြေအောက်တော်လှန်ရေး၊ ဆရာကြီး ဦးရာဇတ် ၊ ဂျပန်သုံ့ ပန်းမဂိုကပြားမလေး ၊ မန္တလေး ၁၃၀၀ပြည့်အရေးတော်ပုံမှသည် နယ်ချဲ့ တော်လှန်ရေးသို့  ၊ နယ်ချဲ့ ကိုဒူးမထောက်တဲ့ သခင်နက်ဖေ နှင့် ဂျပန်ဖက်ဆစ်တော်လှန်ရေး လေထီးသမားများ၊ ယင်းစာအုပ်များဟာ ဒုတိယကမ္ဘာစစ်အတွင်းက တကယ့်ဖြစ်ရပ် ပုံရိပ်များကို အဓိကထား ရေးသားခဲ့ခြင်း ဖြစ်ပါတယ်။
ဒုတိယကမ္ဘာစစ်ကြီး ပြီးဆုံးခဲ့တာ အခုနှစ်ပေါင်း (၅၀) ပင်ပြည့်ခဲ့ ပါပြီ။ (ထိုစာရေးချိန် တုန်းက ဖြစ်ပါသည်။) အခုဆိုရင် ဒီဖြစ်ရပ်ဟာ သမိုင်းဖြစ်နေပါပြီ။ အင်္ဂလိပ်နယ်ချဲ့  ကျူးလွန်ခဲ့တဲ့ မလှိုင်လူသတ်ပွဲဟာ ကုလားကုန်းရွာ(ကျိုက်မရော) မှာ ဂျပန်တွေသတ်ခဲ့တဲ့ သတ်ပွဲနဲ့ နှိုင်းယှဉ်ရှင် ဆင်နဲ့ ကြွက် ၊ အလွန်ဆုံး ဆင်နဲ့ ဆိတ်လို ကွာခြားမှုရှိမယ်လို့  စာရေးသူ ထင်မြင်မိပါတယ်။
(၁) ၄-၄-၁၉၅၈ ခုနှစ်ထုတ် “ဒေါ်ရေဂျဒီဒ်” (အူရဒူနေ့ စဉ်) မှာတော့ ကုလားကုန်း လူသတ်ပွဲအကြောင်းကို ယင်းလူသတ်ပွဲမှ အသက်မသေ သီသီကလေး လွတ်မြောက်လာခဲ့တဲ့ မိန်းကလေးတစ်ယောက်ရဲ့ ပြောပြချက်ကို ရေးသား ဖေါ်ပြထားတာ ရှိပါသတဲ့။
(၂) အစ္စလာမ့်အလင်းမဂ္ဂဇင်း အမှတ်(၁၉)၊ ၁၉၈၀ပြည့်နှစ်၊ မတ်လထုတ်တွင် ကုလားကုန်းလူသတ်မှုသတင်းကို အကျဉ်းချုံးပြီး သတင်းဆောင်းပါး ရေးသားထားတယ်။
(၃) စစ်ကြီးပြီးတော့ လူ့ အသက်တစ်ချောင်းကို ပုရွက်ဆိတ်လောက်မှ သဘောမထားဘဲ လူလူချင်းစာနာထောက်ထားမှု၊ လုံးဝမရှိ ၊ ရက်ရက်စက်စက်သတ်ဖြတ်မှုနှင့် ပတ်သက်ပြီး ရန်ကုန်မြို့ တော်တွင် ရုံးထိုင်ကာ မဟာမိတ်စစ်ခုံရုံးက ဂျပန်စစ်ဗိုလ်ကြီး အီရှီကာဝါနဲ့  အပေါင်းအပါ ဂျပန်စစ်ဗိုလ်တို့ ကို သေဒဏ်ပေးခဲ့ပါတယ်။ အဲဒီအချိန်က သတင်းစာများတွင် ယင်းအမှုစစ်ဆေးတာကို အသာပေးရေးသားထားပါတယ်။
(၄) ဒါပင်မဲ့ သမိုင်းမှာ အကျည်းတန်အရုပ်ဆိုးတဲ့ ဒီသတင်းဟာ မလှိုင်လူသတ်ပွဲလောက် လူသိများမယ်မထင်။
(၅) မွန်ပြည်နယ်၊ ကျိုက်မရောမြို့ နယ်၊ ကုလားကုန်းကျေးရွာသူရွာသား အားလုံးနီးပါး ရွာလုံးကျွတ် အမယ်အိုကစပြီး ရင်နှစ်သည်းချာ ကလေးတွေအထိ အရှင်လတ်လတ် ရက်စက်မှု သရဖူဆောင်းခဲ့တဲ့ လူသတ်ပွဲကြီးကိုတော့ မသိလို့  ပေပဲလား၊ ပလူပျံအောင် ထုတ်ဝေဖြန့် ချီကြခြင်းကို မတွေ့ ရပါ။
(၆) ၁၉၉၄ခုနှစ်၊ ဇူလိုင်လထုတ် သုတပဒေသာစာစောင် အတွဲ(၂၁) ၊ အမှတ်(၃)မှာတော့ စာရေးဆရာ ခင်ကြီးအောင်က “ဘုရှိဒိုသူရဲကောင်းတို့ ၏ စစ်ရာဇ၀တ်မှု” ဆိုတဲ့ ခေါင်းစဉ်ဖြင့် ဆောင်းပါးရေးခဲ့တာကို တွေ့ ရပါတယ်။ ယင်းဆောင်းပါးထဲမှာတော့ ကျိုက်မရောမြို့ နယ်၊ ကုလားကုန်းကျေးရွာ လူသတ်မှုသတင်းကို အကျယ်တ၀င့် ဖေါ်ပြမထားပါ။ ဒုတိယကမ္ဘာစစ်အတွင်း အရှေ့ နိုင်ငံများတွင် ဂျပန်များ ဘယ်လိုညှဉ်းပန်းနှိပ်စက်သတ်ဖြတ်ခြင်းတွေနဲ့  အတူ ပူးတွဲဖေါ်ပြထားပါတယ်။
စာရေးသူအနေနဲ့  ဒီသတင်းကို တိုင်းပြည်မှာ စာတစ်အုပ် ပေတဖွဲ့ အနေနဲ့  ရှိနေရန်လိုတယ်ဟု ခံယူလိုက်ပါတယ် ထို့ ကြောင့် မိမိအနေနဲ့  မသွားဖူး မရောက်ဖူးသေးတဲ့ ကျိုက်မရောနယ်က ကုလားကုန်းရွာကို သွားဖို့ ဆုံးဖြတ် လိုက်ပါတယ်။ အသက်ကို ဖက်နဲ့ ထုပ်ပြီး သွားရတယ်လို့  ရေးသားချက်အပေါ်ကြီးကျယ်လွန်း လိုက်တာလို့  ဝေဖန်ကြပါလိမ့်မယ်။ (ထိုအချိန်တုန်းက အခြေအနေများကို သိသူများ ဆရာကြီးရဲ့  စေတနာကို နားလည်နိုင်ပါလိမ့်မယ်)
အစ္စလာမ့်အလင်းမဂ္ဂဇင်းရဲ့  သတင်းဆောင်းပါး
အစ္စလာမ့်အလင်းမဂ္ဂဇင်းထဲမှာပါတဲ့ သမိုင်းဖြစ်ရပ်ဟာ စာရေးသူအား ဆွဲဆောင်စေပါတယ်။ သမိုင်းဖြစ်ရပ်နေရာသို့  မရောက်ရောက်အောင် သွားပြီး မှတ်တမ်းများ ရေးမှတ်ရန် စာရေးသူရဲ့  စိတ်ကို စေ့ဆော် တိုက်တွန်းခဲ့ပါတယ်။ ဒီတော့ အစ္စလာမ့်အလင်း မဂ္ဂဇင်း အယ်ဒီတာချုပ် ဆရာဦးမောင်ကိုဂဖာရီ ထံ ချဉ်းကပ်ပါတယ်။ ဒီခရီးကို ဘယ်သူ့ အကူအညီနဲ့  ဘယ်လိုသွားရမလဲဆိုတာ မေးခဲ့ပါတယ်။
မော်လမြိုင်သို့ 
၁၉၈၀ပြည့်နှစ်၊ ဧပြီလ ၂၁ရက်နေ့  မနက်၎နာရီတွင် စာရေးသူဟာ ရန်ကုန်မှ မနက်အစောဆုံးထွက်တဲ့ ရထားနဲ့ မော်လမြိုင်သို့  လိုက်ခဲ့ပါတယ်။ အဲဒီအချိန်တုန်းက မော်လမြိုင်သွား မီးရထားကြီးမှာ ခရီးသွားများနဲ့ ပြည့်ညှပ် နေပါတယ်။ အများစုကတော့ မှောင်ခိုကုန်များကို ကယ်ရီ(ခေါ်) ပစ္စည်းသယ်သူများ ဖြစ်ပါတယ်။
မနက်၁၁နာရီလောက်မှာ ရထားဟာ မုတ္တမဘူတာထဲ အရှိန်လျှော့ဝင်ကတည်းက ရထားပေါ်ပါ လူအများစုက မုတ္တမ ဆိပ်ကမ်းရှိ ဇက်ပေါ် သူ့ ထက်ငါဦးအောင် ပြေးလွှားနေသလိုပဲ။ ဇက်ပေါ်မှာ လူတွေ လျှံဖိတ်နေတယ်။ မိနစ်၃၀-၅၀ခန့်  အကြာမှာ မော်လမြိုင်ဆိပ်ကမ်းကို ရောက်ပါတယ်။
မှောင်ခိုမြို့ ကြီး
မော်လမြိုင်ရောက်ပြီပဲ စာရေးသူအတွက် လောစရာ ပျာစရာမရှိပါ။ ဒီည မော်လမြိုင် ဘယ်ပြေးမလဲ။ ဆရာဦးမောင်ကို ဂဖာရီ ဆက်သွယ်ပေးလိုက်တဲ့ ကမ်းနားလမ်းရှိ ရုပ်ရှင်ရုံအနီး လမ်းမကြေီးပေါ်က ဦးတင်ရွှေထံ သွားတွေ့  ပါတယ်။ စာရေးသူက လာရင်းကိစ္စကို ပြောပြလိုက်တယ်။ သူ့ အနေနဲ့  မအားလို့  လိုက်မပို့ နိုင်၍ ၀မ်းနည်းကြောင်း ပြောဆိုတောင်းပန်ပါတယ်။ ဒါပင်မဲ့ အစီအစဉ်လုပ်ပေးမယ် လို့ ပြောပါတယ်။
မော်လမြိုင်ဈေးကြီးနားက ကားဂိတ်
နောက်တစ်နေ့  မနက်စာစားပြီးအချိန်ထိ ကုလားကုန်း၊ ရေတွင်းကုန်းဘက်ကလာတဲ့ မိတ်ဆွေတစ်ဦးတစ်လေကို မှ မတွေ့ ။ “ ဘယ်လိုလုပ်မလဲ” လို့့ ကိုတင်ရွှေက မေးပါတယ်။ “ကိစ္စမရှိကြောင်း ခရီးစဉ်လမ်းကြောင်းကိုသာ ညွှန်ပေးပါ။လမ်းမှာ ဆက်သွယ်နိုင်မယ့် မိတ်ဆွေများရဲ့  လိပ်စာကိုသာ ပေးပါ” လို့ တောင်းပြီး ကျိုက်မရော ဆက်သွားမယ့် လိုင်းကားထိ ကိုတင်ရွှေ လိုက်ပို့ ပေးပါတယ်။
မနက်၁၀နာရီလောက်ကျတော့မော်လမြိုင်ဈေးကြီးထဲက အရောင်းအ၀ယ်သမားတွေ တစ်စတစ်စ ဘတ်စကားပေါ် ရောက်လာတယ်။ နောက်ကားဆရာတွေလည်း သူတို့ မျှော်မှန်းထားတဲ့ လူရပြီး တွက်ခြေကိုက်တော့မှ စတင်ထွက်ပါတော့တယ်။
ကျိုက်မရောဆိပ်ကနေ ဇီးပင်ဆိပ်ကို ပဲ့ချိတ်နဲ့  သွားပါတယ်။ ပဲ့ချိတ်စက်တစ်ဖက်ကမ်းမှာ မွန်ရွာရှိပါတယ်။ နွေဆိုရင် ဇီးပင်ဆိပ်အထိ ပဲ့ချိတ်နဲ့  သွားရတယ်တဲ့။ ဇီးပင်ဆိပ် မျက်နှာချင်းဆိုင်မှာ ကျောက်တောင်ကြီး ရှိတယ်။ တောင်ထိပ်မှာ စေတီတစ်ဆူရှိတယ်။ မိုးတွင်း ညောင်ပင်ဆိပ်မှာ လှည်းဂိတ်ရှိတယ်။ ညောင်ပင်ဆိပ်ရောက်လို့  လှေပေါ်က ဆင်းတဲ့အခါ ညာဘက်ခြမ်း မနီးမဝေးမှာ ကျောက်တောင်ကြီးရှိတယ်။ အဲဒီမှာလည်း စေတီတည်ထားပါတယ်။ ပဲချိတ်ခ နှစ်ကျပ်ပေးရ ပါတယ်။
ကုလားကုန်း၊ ဖားဖျောက်စတဲ့ ရွာတွေဘက်သွားမယ့် လှည်းတွေကို တွေ့ ရတယ်။ နွားမောင်းသူတွေဟာ ဘင်္ဂါလီနွယ်ဖွား မွတ်စလင်တွေက အများစုပါ။ စာရေးသူက ဖားဖျောက်ကို သွားမယ့်လှည်းနဲ့  လိုက်ပါလာတယ်။ ဖားဖျောက်က မွန်ပြည်နယ်၊ ကျိုက်မရောမြို့ နယ်ထဲက ရွာကလေးတစ်ရွာပါ။ ပဲ့ချိတ်ဆိပ်နဲ့  ဖားဖျောက်ရွာဟာ ငါးမိုင်ခန့်  ဝေးပါတယ်။ ဖားဖျောက်ကို သွားမယ့်လူဆိုလို့  စာရေးသူပဲ ရှိတယ်ပေါ့။ စာရေးသူ ဖားဖျောက်မှာ တွေ့ ရမယ်ဆိုတဲ့  ဦးဇာလီရဲ့  နာမည်ကို ပြောပြလိုက်တယ်ဆိုပဲ စာရေးသူကိုပါ အလိုလို ရင်းရင်းနှီးနှီးရှိသွားပါတယ်။ လှည်းမောင်းသူနဲ့ ။
လှည်းနဲ့ ထွက်လာတော့ နေကပူဆဲပဲ။ လယ်ကွင်းများကို ဖြတ်မောင်း ခဲ့ကြတယ်။ မွန်ရွာဖြစ်တဲ့ ကော့ဒူးရွာကို ရောက်ပါတယ်။ ဒီရွာရှိ အိမ်တွေက အင်ဖက်မိုး အင်ဖက်ကာနဲ့  အလုပ်ကတော့ တောင်သူ၊ သစ်တိုက်၊ မီးသွေးဖုတ်စတဲ့ လုပ်ငန်းသမားတွေ ဖြစ်ပါတယ်။
ကော့ဒူးက ဆက်ထွက်တော့ လယ်ကွင်းကြီးကို ဖြတ်ပြီး ကော့ပနှော ရောက်တယ်။ အင်တိုင်းတောကြီးကို ဖြတ်ရပါတယ်။ အင်တိုင်းတောက ၄-၅မိုင်ရှည်ပါတယ်။အင်တိုင်းတော ဆုံးတော့ ဗမာနှင့်မွန် တို့ နေထိုင်တဲ့ အန်ဂလဲရွာ ကို ရောက်တယ်။ ရွာထဲကဖြတ်ပြီးပြန်တော့ အင်တိုင်းတောထဲ ၀င်ပြန်တယ်။အင်တိုင်းတောထဲကို ၄-၅ မိုင် ဆက်မောင်းရတယ်။ အင်တိုင်းတောက ထွက်တော့ ဖားဖျောက်ရွာကို ရောက်ပါတယ်။ နွားရိုင်းသွင်းချိန်ပေါ့။
ဦးဇာလီအိမ်အထိ လိုက်ပို့ ပေးတယ်။ ပြည်သူ့ စစ်ခေါင်းဆောင်ဖြစ်တဲ့ ဦးဇာလီနဲ့ အသင့်တွေ့ ရတယ်။ ဦးဇာလီကလည်း လှိုက်လှိုက်လှဲလှဲ ဆီးကြိုပါတယ်။သူက ကုလားကုန်းဟာ သိပ်မဝေးကြောင်း၊ပြောပါတယ်။သူ့ ဆီက နယ်မြေအခြေအနေ မေးမြန်းလို့  သိရတာက ကျိုက်မရောနယ်မြေဟာ လုံခြုံမှု လုံးဝမရှိကြောင်း၊ ဓါးပြကလည်း မကြာမကြာတိုက်ကြောင်း၊ ပြီးတော့ လူမျိုးစု လက်နက်ကိုင်များလည်း မကြာခဏရောက်လာတတ်ကြောင်း၊ သူတို့  ကတော့ ရွာသူရွာသားများအား အန္တရာယ်တစ်စုံတစ်ရာ မပေးကြောင်း ၊ လိုအပ်တဲ့ အကူအညီများ တောင်းရမ်းသွားကြောင်း ၊ ဒါပင်မဲ့ ရွာသူရွာသားများကတော့ ကြောက်ရွံ့ နေရကြောင်း။ ဒီနယ်တစ်ခုလုံး လိုလိုရှိ ရွာသူရွာသားများဟာ လူစိမ်းတစ်ယောက် ၀င်လာရင် အမျိုးသမီးများနဲ့  ကလေးများ ပုန်းကြလျှိုးကြနဲ့ ၊ ဒီရွာတွေက ဘင်္ဂါလီနွယ်ဖွား မွတ်စလင်များ နေထိုင်တဲ့ ရွာဖြစ်ကြောင်း၊ ဘင်္ဂါလီစကားဟာ တခြားနယ်က ပြောလေ့ပြောထရှိတဲ့ ဘင်္ဂါလီ စကားနဲ့ ထပ်တူထပ်မျှ မဟုတ်ကြောင်း စိတ်ရှည်လက်ရှည် ရှင်းလင်းပြပါတယ်။
ဖက်ဆစ်ဂျပန်သို့  စစ်ကြေညာချက်
၁၉၄၅ခုနှစ်၊ မတ်လ ၂၇ရက်နေ့ ညတွင် ဗိုလ်ချုပ်အောင်ဆန်းဦးစီးတဲ့ ဗမာ့ကာကွယ်ရေးတပ်မတော်ဟာ မျိုးချစ်ပြည်သူ့ တပ်မတော်ဆိုတဲ့ အမည်ကိုခံယူပြီး ဖက်ဆစ်ဂျပန်တို့ ကို စစ်ကြေညာခဲ့ပါတယ်။ ယင်းစစ်ကြေညာချက် မူရင်းမှာ အောက်ပါအတိုင်းဖြစ်သည်။
ဤသို့ တပ်ထွက်ပြီးနောက် မြန်မာပြည်အနှံ့ အပြား မိမိတို့ တာဝန်ကျရာသို့ ချီတက်ခဲ့ကြတယ်။ မိမိတို့  သတ်မှတ်ထားသော နယ်အသီးသီးကို ရောက်ရှိတဲ့အခါ တပ်တွေဖျောက်လိုက်ကြ။ လူထုနဲ့ ကွင်းဆက်အများဆုံး ရယူပြီး ဂျပန်ကို တော်လှန်ရန်အတွက် အမြန်ဆုံး စီစဉ်ကြပါ။
ကြိုတင်သတ်မှတ်ထားတဲ့အတိုင်း ၁၉၄၅ခုနှစ်၊ မတ်လ၂၇ရက်နေ့ တွင် ဂျပန်ဖက်ဆစ်တို့ ကို စစ်ကြေညာခဲ့ပါတယ်။ အဲဒီလို တိုင်းပြည်ကိုကြေညာခဲ့တဲ့ ညွှန်ကြားချက်အတိုင်း ပြည်သူများဟာ တပ်မတော်နှင့်ပူပေါင်းကာ ဖက်ဆစ်ဂျပန်များကို ရရာနည်းမျိုးစုံဖြင့် တော်လှန်ခဲ့ကြတယ်။ အခြအနေပေးလို့  မဟာမိတ်တွေနဲ့  ဆက်သွယ်မှုရတဲ့ နယ်မြေဒေသတွေမှာလည်း မဟာမိတ်တပ်တွေကို ကူညီခြင်း၊ လေထီးတပ်သားတွေကို ဂျပန်လက်ထဲ မရောက်အောင် ၀ှက်တန်ဝှက်ထား၊ လိုအပ်တဲ့အကူအညီများပေး၊ ဂျပန်စစ်သတင်းများကို ထောက်လှမ်းပြီး ပိုတန်ပို စတဲ့ လုပ်ဆောင်ချက်များနဲ့  ဖက်ဆစ်ဂျပန် တော်လှန်ရေးတိုက်ပွဲမှာ ပါဝင်ကြပါတယ်။
မွန်ပြည်နယ်၊ မော်လမြိုင်ခရိုင်၊ ကျိုက်မရောမြို့ နယ်ရှိ ကုလားကုန်း ၊ ဖားဖျောက်၊ ကော့ဒူး စတဲ့ ရွာတွေကလည်း မဟာမိတ်တပ် အထူးသဖြင့် ဗြိတိသျှဖို့ ဒ် (၁၃၆) တပ်ဖွဲ့ မှ လေထီးတပ်သားများကို အကူအညီပေးကြပါတယ်။
ဒီအကြောင်းတွေနဲ့ ပတ်သက်ပြီး စာရေးဆရာ ခင်ကြီးအောင်က သူရဲ့  “ဘူရှိဒို သူရဲကောင်းတို့ ၏ စစ်ရာဇ၀တ်မှုများ” ဆိုတဲ့ ဆောင်းပါး ၁၉၉၄ခုနှစ်၊ ဇူလိုင်လထုတ် သုတပဒေသာ စာစောင်၊ အတွဲ(၂၁) အမှတ်(၃)မှာ ရေးသားဖော်ပြထားပါတယ်။ မွန်ပြည်နယ် လူထုက ဂျပန်ကို ဆန့် ကျင်တဲ့ အပိုင်နဲ့ ပတ်သက်ပြီး အောက်ပါအတိုင်း ရေးသားထားသည်။
“၁၉၄၅ ခုနှစ်၊ ဇွန်လတွင် မြန်မာနိုင်ငံအတွင်းရှိ ဂျပန်တပ်များ၏ အခြေအနေမှာ အကျပ်အတည်းနှင့် ကြီးစွာကြုံရတော့သည်။ ဂျပန်တပ်များ နောက်ဆွယ်ရှိ တနင်္သာရီတိုင်း၊ မော်လမြိုင်နှင့် ဗလီသစ်တောအတွင်း ကျေးလက်ဒေသ၌ မြန်မာ့မျိုးချစ်တော်လှန်ရေး ပြောက်ကျားတပ်များနှင့် ဗြိတိသျှ လေထီးတပ်သားများ ပူးတွဲလှုပ်ရှားလျက် ရှိသည်။”
“ဂျပန် ခေတ်တစ်လျှောက်လုံး မြန်မာတိုင်းရင်းသားတွေဟာ မသေရုံ စားခဲ့ နေခဲ့ကြရတယ်။ အရှက်ဖုံးရုံ အ၀တ်များ ၀တ်နေရပါတယ်။ တချို့  ဂုန်နီစများကိုပင် ပတ်ခဲ့ကြရတယ်။ အင်္ဂလိပ်လေထီး အဖွဲ့ တွေဆင်းတော့ ရွာသားတွေကို လေထီးတွေပေးတယ်။ အဲဒီလေထီးစတွေနဲ့  အင်္ကျီချုပ်ဝတ်ကြတယ်။ လေထီးကြိူးကိုလည်း ဂျပန်မသိအောင် လိုသလို သုံးစွဲခဲ့ကြတယ်။ဒါပင်မဲ့ အချို့ သုံးစွဲရာမှာ လျှို့ ဝှက်သိပ်သည်းမှု၊ ကျစ်လစ်မှုမရှိကြတော့ လေထီးကြိုးတွေကနေ ဂျပန်တွေ သဲလွန်စ ရသွားပါတယ်။’’
ကုလားကုန်းလူသတ်မှုအတွက် ဂျပန်တွေ ဘယ်လိုဆောင်ရွက်ခဲ့ကြသလဲဆိုတာကိုလည်း စာရေးဆရာခင်ကြီးအောင်က သူ့ ဆောင်းပါးတွင် အောက်ပါအတိုင်း ရေးထားသည်။
“ဂျပန်တပ်မဟာ(၃၃)မှ တပ်မှူးက ထိုဒေသကို သုတ်သင်ရှင်းလင်းရန် အတွက် တိုက်ခိုက်ချေမှုန်ရေး တပ်စိတ်တစ်စိတ်ကို စေလွှတ်ခဲ့သည်။ ထိုဒေသသို့  ရောက်လျှင် ရောက်ခြင်း ဂျပန်တပ်ရင်း (၂၁၅)မှ တတိယ ဘတ်တလျံတပ်က ပဏာမ ရှင်းလင်းရေး လုပ်ငန်းများ စတင်ခဲ့သည်။
မြန်မာ့ မျိုးချစ်တော်လှန်ရေးတပ်များ၏ လှုပ်ရှားသွားလာမှုကို နယ်မြေခံ ရွာသူရွာသားများအား စစ်ဆေး မေးမြန်းပါသော်လည်း သတင်းပြည့်ပြည့်စုံစုံမရဘဲ ဖြစ်နေပါသည်။ မြန်မာ့မျိုးချစ်တပ်သားများ ခိုအောင်းလျက်ရှိသည်ဟု သင်္ကာမကင်း ဖြစ်သော ကုလားကုန်းရွာကို ဂျပန်တပ်မှူးက မြေလှန်ဖျက်ဆီး ပစ်ရန် ဆုံးဖြတ် ခဲ့သည်။
စစ်ဆင်ရေး မစမီ တပ်တွင်းစည်းဝေးပွဲတွင် ဂျပန်တပ်မှူးက တတိယဘတ်တလျံတပ်မှ ဦးစီးမှူးဗိုလ်အား လိုအပ်လျှင် ကုလားကုန်း ရွာသူရွာသားများအား သတ်ဖြတ်နိုင်ကြောင်း ခွင့်ပြုမိန့် ပေးခဲ့သည်။ တတိယဘတ်တလျံတပ်နှင့်အတူ မော်လမြိုင်ရှိ ကင်ပေတိုင် စစ်ပုလိပ်ဋ္ဌာနချုပ် တပ်မှူးအဖြစ် ကင်ပေတိုင် အရာခံဗိုလ်သုံးယောက်လည်း စစ်ကြောင်းနှင့် လိုက်ပါသွားခဲ့၏။
၁၉၄၅ ခုနှစ်၊ ဇူလိုင်လ ၇ ရက်နေ့ တွင် ဂျပန်တပ်များ ကုလားကုန်းရွာ သို့ ရောက်သွားကြသည်။ ညနေ၄နာရီတွင် ရွာသူရွာသားများ အားလုံးကို သိမ်းကျုံးဖမ်းမိထားပြီး ဖြစ်သည်။
ယောင်္ကျားများကို ကျေးရွာရှိ ဗလီထဲတွင် ပိတ်လှောင်ထားပြီး မိန်းမများနှင့် ကလေးများကို ဗလီနှင့်ဆက်လျက် အဆောက်အအုံများတွင် ထည့်ထားသည်။ ရွာသားများကို ကင်ပေတိုင်တို့ က သူတို့ ၏ လက်သုံးညှဉ်းပန်းနှိပ်စက်မှု နည်းပေါင်းစုံဖြင့် တော်လှန်ရေးပြောက်ကျားများ ရှိမည့်နေရာနှင့် လှုပ်ရှားမှုကို စစ်ဆေးမေးမြန်းကြသည်။
နောက်တစ်နေ့  နံနက်တွင် စစ်ကြောင်းမှူးဘတ်တလျံတပ်မှူးက ဂျပန်အရာရှိများအား ဆင့်ခေါ်စည်းဝေးပြီး ကုလားကုန်းကျေးရွာကို မြေလှန်မီးရိူ့ ဖျက်ဆီးပစ်ရမည်။ ရွာသူရွာသားအားလုံးကို မိန်းမနှင့် ကလေးများပါမကျန် အစုလိုက် အပြုံလိုက် သတ်ဖြတ်ကွပ်မျက်ပစ်ရမည်ဟု အမိန့် ပေးခဲ့သည်။
ထိုနေ့  မွန်းလွှဲချိန်တွင် ခြောက်စုခန့် ရှိသော ရွာသူရွာသားများကို ငါးယောက်တစ်တွဲ၊ ဆယ်ယောက်တစ်တွဲ စသည်ဖြင့် ကြိုးတုပ်၍ ရေတွင်းများရှိရာသို့  ခေါ်သွားသည်။ ရေတွင်းဘေးအရောက်တွင် ကြိုးများကို ဖြေပေးပြီး တစ်ယောက်ချင်း ကြိုးတုပ်သည်၊ မျက်နှာကို အ၀တ်စည်းသည်၊ပြီးတော့မှ လှံစွပ်နဲ့  ထိုးသည်။ သေသည်ရှင်သည်ကို မကြည့်တော့ဘဲ လှံစွပ်နှင့်ထိုးပြီးသမျှ လူတွေကို ရေတွင်းထဲသို့  ပစ်ချသည်။
ရေတွင်းများထဲတွင် အလောင်းများ ပြည့်ကျပ်နေအောင် ဂျပန်စစ်သားများက ၀ါးလုံးရှည်များဖြင့် ထိုးသိပ်သည်။ အသတ်ခံရပြီး ရေတွင်းထဲသို့ ပစ်ချခံရသူများထဲမှ လူနှစ်ယောက်မှာ အသက်မသေ လွတ်မြောက်ခဲ့ပြီး မြန်မာပြည်တွင် ကျင်းပသော ဗြိတိသျှစစ်ခုံရုံးတွင ယင်းအဖြစ်အပျက်ကို သက်သေအဖြစ်ထွက်ဆိုခဲ့သည်။
ဇူလိုင်၉ရက်နေ့ တွင် ဂျပန်တပ်များသည် ကုလားကုန်းရွာမှ ထွက်ခွာပြီး ဒလိသစ်တောအတွင်း မြန်မာ့တော်လှန်ရေး တပ်သားများကို ရှာဖွေကြသေး၏။ နှစ်ရက်အကြာတွင် ဂျပန်တပ်များ ပြန်လာကြပြီး ရွာထဲမှအဖိုးတန်ပစ္စည်းမှန်သမျှကို ရှာဖွေယူကြပြီး ရွာကြီးတစ်ရွာလုံးကို မီးရှို့ ဖျက်စီးပစ်ကြ၏။
ဇူလိုင်၁၂ရက်တွင် သူတို့ ဖယ်ထားသော ကျေးရွာသူဆယ်ယောက် ကိုခေါ်ကာ ထွက်သွားကြသည်။ ၎င်းအမျိုးသမီးများကို နောက်တစ်ကြိမ် ဘယ်သောအခါမျှ ပြန်၍ မတွေ့ ရတော့ပါ’’
ဒါတွေဟာ ကုလားကုန်းရွာက ဂျပန်တွေရဲ့  ရက်စက်ယုတ်မာစွာ သတ်ဖြတ်ခဲ့တဲ့ အနိဋ္ဌာရုံကို စာရေးဆရာ ခင်ကြီးအောင် က အထက်ပါခေါင်းစဉ်နဲ့  သုတပဒေသာစာစောင်မှာ ရေးသားချက်များကို ဖော်ပြထားခြင်း ဖြစ်ပါတယ်။
ဒီလို မဟာမိတ်လေထီးအဖွဲ့ ကို အကူအညီပေးခဲ့တယ်၊ မပေးခဲ့ဘူးဆိုတာ အငြင်းပွားစရာလိုမယ် မထင်ပါဘူး။ အသက်မသေဘဲ ကျန်ရစ်သူများက စာရေးသူအား ပြောပြချက်တို့ ၊ စာရေးဆရာ ခင်ကြီးအောင် ရဲ့ အထက်မှာ ဖေါ်ပြချက်တို့ သည် အထောက်အထားမရှိဘူး ၊ ခိုင်လုံမှု မရှိလို့  စာဖတ်သူတို့ တွင် သံသယသော်လည်းကောင်း ၊ စနောင့်စနင်း သော်လည်းကောင်း ဖြစ်နေဦးမယ်ဆိုရင် စာရေးသူအနေနဲ့  ထပ်မံသက်သေ ထူပြပါဦးမယ်။
ဒါက- မဟာမိတ်တပ်တွေ ကျိုက်မရောနယ်ကို သိမ်းသွားပြီးတဲ့နောက် ကုလားကုန်းက ဂျပန်ဓားသွား လှံစွပ်ကြားတို့  ကနေ ထွက်ပြေးလွတ်မြောက်လာတဲ့ ကုလားကုန်းရွာသူရွာသားများကို စစ်ရိက္ခာတွေ၊ ငွေတွေကို အင်္ဂလိပ်တပ်က ထောက်ပံ့ခဲ့တယ်။ လွတ်လပ်ရေး ပြီးစထိပါတဲ့။ ဒါ့အပြင် ကရုဏာကြေးပေးမယ်လို့  လုပ်ခဲ့သေးတယ်။ သေသူများနဲ့  ပတ်သက်တဲ့ ပုံစံတွင် ထည့်သွင်းဖော်ပြဖို့  စာရွက်စာတမ်းများ ပေးခဲ့ပါတယ်။ ဒါပင်မဲ့ လွတ်လပ်ရေးရပြီး အင်္ဂလိပ်တွေက ကရုဏာကြေးပေးမယ်လို့  စီစဉ်ခဲ့တာတွေဟာလည်း အကောင်အထည်ပေါ်မလာတော့ဘူးတဲ့။
ဒီလို အင်္ဂလိပ်စစ်တပ်က ငွေနဲ့  စစ်ရိက္ခာတွေ အကူအညီပေးခဲ့တယ်။ ကရုဏာကြေးတွေပေးမယ်ဆိုတဲ့ အကြောင်းတွေကို ရှေ့ မီနောက်မီ တဲ့သူတွေ သက်သေခံနိုင်ကြမှာပါ။
သေကံမရောက် အသက်မပျောက်တဲ့သူ
ဦးဇာလီဟာ အသက်(၄၃)နှစ်ပဲ ရှိပါသေးတယ်။ ညီအစ်ကိုမောင်နှမ ခြောက်ယောက်ရှိပါတယ်။ ဦးမူန၊ ဒေါ်ဇလီမာ၊ ဦးဇာကီ၊ ဦးအာမင်နုရီ နဲ့ မေဆင် (ခေါ်) စိုးသိမ်း တို့ ဖြစ်ကြပါတယ်။ ၁၉၈၀ ပြည့်နှစ်ထဲ စာရေးသူ ဦးဇာလီနဲ့  တွေ့  ဆုံစဉ်မှာတော့ ဦးအာမင်တစ်ယောက်ကဖြင့် ဆုံးသွားပြီဖြစ်ပါတယ်။
တောင်သူလယ်လုပ် မိသားစုပါ။ မူလကဦးဇာလီတို့  ညီကိုမောင်နှမနဲ့  မိဘများဟာ ဂျပန်ဝင်လာပြန်တော့ ဖားဖျောက်ရွာမှာပဲ နေကြပါတယ်။ ဖားဖျောက်ရွာကို ဂျပန်အရင်ဝင်သိမ်းပြီးတော့မှ မော်လမြိုင်ကို ၀င်သိမ်းပါတယ်။ နောက် ကရင်လက်နက်ကိုင်တွေကလည်း ရွာတွေမီးရှို့ လို့  တစ်ရွာလုံးပြာပုံဘ၀ ရောက်သွားတယ်။ ဗလီတစ်လုံးပဲကျန်ခဲ့တယ်။ ဒီမယ် ဦးဇာလီတို့ လည်း ကုလားကုန်းကို ပြောင်းသွားတယ်။ ဖားဖျောက်ဟာ ကုလားကုန်းရဲ့  မြောက်ဘက်မှာပါ။ ၃မိုင်လောက်ဝေးပြီး လမ်းလျှောက်ရင် ၄၅မိနစ်လောက် လျှောက်ရတယ်။
မူလရွာဟောင်းတုန်းကတော့ မုဆိုးကျွန်း။ မိုးတွင်းအခါမှာ ရေပတ်လည်ဝိုင်းနေတော့ ကျွန်ကလေးလို ဖြစ်နေတယ်။ အဲဒါကြောင့် ကျွန်ကလေးလို ဖြစ်နေလို့  မုဆိုးကျွန်းလို့ ခေါ်တယ်။ ဗမာသူကြီး အုပ်ချုပ်တယ်။ မုဆိုးကျွန်းနဲ့  ကုလားကုန်းဟာ ရိုးကလေးပဲ ခြားနေတယ်။ မုဆိုးကျွန်းက ကုလားကုန်းအရှေ့ မြောက်ဘက် ကျတယ်။ ရိုးကလေးခြားနေတာကြောင့် နှစ်ရွာ သဘောဖြစ်နေတယ်။
တကယ်က တစ်ရွာတည်းပါ။ သူကြီးကတော့ မုဆိုးကျွန်းမှာနေတယ်။ မုဆိုးကျွန်းကတော့ အိမ်ခြေရာခြေ ပစ်ပြေးရာကနေ တဖြည်းဖြည်းရွာ ပျက်သွားပြီး ကုလားကုန်းပဲ ကျန်တယ်။ မုဆိုးကျွန်းမှာ ဗမာလူမျိုးတွေ အနေများပြီး ကုလားကုန်းမှာတော့ ဘဂီါလီလူမျိုး အနွယ်တွေ နေတယ်။ မွန်၊ ကရင်၊ ဗမာလူမျိုးတွေနဲ့  သွေးနှောမှုရှိတယ်။ ကုလားကုန်းရွာက ရွာသူရွာသားတွေဟာ ဗမာစကားနှင့် ဘင်္ဂါလီစကားကို ပြောတယ်။
မြန်မာပြည်အရပ်ရပ်မှာ အများအားဖြင့် နွေခေါင်ခေါင်မှာ ရေတွင်းရေကန်တွေ ရေခမ်းကြတာ ဓမ္မတာလို ဖြစ်ပါတယ်။ ဒါပင်မဲ့ ကုလားကုန်းမှာတော့ ရေမခမ်းပါ ရေတွင်းတူးရတာလည်း လွယ်ပါတယ်။ တွင်းအနက်ကြီး တူးစရာမလို ၊ ၁၀ပေ ၁၅ပေ လောက် တူးရုံနဲ့  ရေရပါတယ်။
အသက်ထင်ရှားရှိသူ ဦးဇကီတို့  ၊ ဒေါ်စလီမာဘီ (ခေါ်) ဒေါ်အုန်းကြိုင် ၊ ဦးအီစမန်အင် ၊ ဒေါ်အမီနာ (ခေါ်) ဒေါ်မညွန့်  တို့ ရဲ့  အဓိကပြောပြချက်တွေနဲ့  တချို့ ပြောပြချက်တွေ ဖေါ်ပြသွားပါမယ်။ တချို့  တိတိကျကျ မပြောနိုင်ပင်မဲ့ သိသလောက်ပြော၊ ကြားသလောက်ပြောတာလေးတွေကို စုပေါင်း ရေးသားဖေါ်ပြသွားပါမယ်။
ဝါဆိုလမှာ ဂျပန်တပ်တွေ ၀င်လာတယ်။ အင်္ဂလိပ်စပိုင်တွေကို ၀ှက်ထားပြီး ကျွေးမွေးတယ်၊ အကူအညီပေးတယ်၊ အထောကအပံ့တွေ ပေးတယ်ဆိုပြီး အမျိုးမျိုး စစ်ဆေးမေးမြန်းကြတယ်။ နောက်ဆုံး စွပ်စွဲချက်အမျိုးမျိုးနဲ့  တစ်ရွာလုံးကို ရက်ရက်စက်စက်သတ်ဖြတ်ပါတော့တယ်။ အရှင်လတ်လတ်ရေတွင်းထဲ ထိုးချပစ်ချပြီး သုတ်သင် ပစ်တယ်။ ရွာရှိရေတွင်းထဲ သတ်ပြီးပစ်ထည့် ကန်ကျောက်ပြီးထည့်။ ဒီလောက် ရက်ရက်စက်စက် ကြမ်းကြုတ်စွာနဲ့  သတ်တာဖြတ်တာတွေကို သူ(ကိုဇာကီ)က သူ့ မျက်လုံးထဲက နှစ်ပေါင်းဘယ်လောက်ကြာကြာ ထွက်မှာ မဟုတ်ဘူးလို့  ၀မ်းနည်းကြေကွဲစွာ ပြောရှာတယ်။ အဲဒီအချိန် ကိုဇာကီဟာ ကျောင်းသားအရွယ် အသက်(၁၂) (၁၃)နှစ်သား ပဲ ရှိပါသေးတယ်။
ကိုအီစမန်အင်တို့  မိသားစုရဲ့  ရိုး၊ အ ပုံအဖြစ်ကိုပဲကြည့်ပါ။ ဂျပန်တွေက ရေပူကန်ဘက်က ဆင်းလာတယ်။ လူကြီးလူငယ်တွေ လူငယ်တွေ ပြေးကြတယ်။ သုံးချိုးတစ်ချိုးလောက် ရှိပါမယ်။ ကိုအီစမန်အင်တို့ ရဲ့  အမေတို့ လည်း ပြေးကြတယ်။ ကိုအီစမန်အင်က ကလေးပဲရှိသေးတယ်။ သူ့ ကိုခေါ်တယ်။ အပါက အိမ်စောင့်နေတယ်၊ မပြေးဘူး ဆိုပြီး သူလည်း ဖခင်နဲ့ အိမ်မှာပဲ နေလိုက်တယ်။ နောက်တော့ ဖခင်က အခြေအနေတွေ တစေ့တစောင်း သွားကြည့်အုံးမယ်၊ နောက်မှ မင်းလိုက်ခဲ့ပါဆိုပြီး ထွက်သွားတယ်။ သူ့ ဖခင်ပြန်မလာတော့ သူ့ အဖေနောက် ကိုအီစမန်အင် လိုက်သွားတယ်။ အဲဒီမယ် သူပါအဖမ်းခံလိုက်ရတယ်။
ဂျပန်တပ်တွေက အိမ်ပေါက်စေ့ဝင်ပြီး အိမ်ရှိလူအကုန် ဗလီဝတ်ကျောင်းထဲမှာစုဖို့  လှံစွပ်ပြပြီး အော်ငေါက်ဆဲဆိုပါသတဲ့။ လူကြီးလူငယ်၊ အဘွားအို၊ အဘိုးအိုတွေကိုပါမကျန် ပြောစရာရှိတယ်ဆိုပြီး နွားအုပ်၊ ဆိတ်အုပ်တွေ သားသတ်ရုံထဲ ရိုက်နှက်ဆဲဆို သွင်းသလို ဗလီဝတ်ကျောင်းထဲမှာ စုရုံးစေခဲ့တယ်။
ရွာသူရွာသားတွေကလည်း ရင်ထဲထိတ်ထိတ်၊ ကြောက်ကြောက်လန့် လန့် နဲ့ ပဲ အစည်းအဝေးလုပ်မယ်ဆိုတဲ့ ဗလီဝတ်ကျောင်းတော်ထဲ ၀င်ရောက်စုရုံးကြတယ်။ တကယ်ပဲ အစည်းအဝေးလုပ်မယ်လို့  ထင်ကြတယ်ဆိုပဲ။ အိမ်စောင့်ရယ်လို့  အိမ်တွေမှာ တစ်ယောက်မှ မကျန်တော့ဘူး။
အဲဒီမှာ ဂျပန်တွေတွေအတွက် အကောင်းဆုံးနဲ့ အလွတ်လပ်ဆုံး အခွင့်အရေးရသွားပါတော့တယ်။ ဂျပန်စစ်သားတွေဟာ တစ်အိမ်တက်ဆင်း အိမ်ပေါ်မှာရှိတဲ့ အဖိုးတန်ရွှေ ၊ငွေ ပစ္စည်းတွေကို သိမ်းကျုံးယူပါတော့တယ်။ တစ်နည်းဆိုရရင် အေးဓါးပြတိုက်ပါတော့တယ်။ ဂျပန်စစ်ဘက်ထောက်လှမ်းရေး စစ်ရဲတွေက ရွာလူကြီးတွေကို အင်္ဂလိပ်စပိုင် ဘယ်မှာ ၀ှက်ထားသလဲဆိုတာကိုသာ ထပ်တလဲလဲ ပြန်မေးလိုက်၊ ရိုက်လိုက်နဲ့ ။ ဒါပင်မဲ့ ဘယ်သူတစ်ဦးတစ်ယောက်မှ မဖော်ကြဘူး။ အနှိပ်စက်သာ ခံကြတယ်။
ဗလီဝတ်ကျောင်းထဲမှာတော့ ရွာသားအားလုံးကို မေးလည်းမေး၊ စစ်လည်းစစ်၊ ရိုက်လည်းရိုက် ရက်ရက်စက်စက် နှိပ်စက်ကြတော့တယ်။ ဂျပန်က မေးမြန်းနှိပ်စက်ရုံ နှိပ်စက်သလားဆိုရင် မဟုတ်သေးဘူး။ အစာရေစာပါ ဖြတ်ထားတယ်။ အဲဒီတုန်းက လူတွေကလည်း တကယ်ရိုးတယ်။ ဂျပန်က သူတို့ ကို မေးရုံမေးမြန်းပြီး လွှတ်လိမ့်မယ်လို့  ထင်ကြတယ်။ ဂျပန်တွေဟာ သူတို့ ကို အစုလိုက်အပြုံလိုက် အရှင်လတ်လတ် မရဏသင်္ချိုင်းထဲ သွင်းလိမ့်မယ်လို့  မထင်ကြဘူး။
ခြင်းခြင်းနီတဲ့သွေးတွေ မြေခကုန်ပြီ
တချို့  ဒီလိုဖမ်းထားတဲ့အပေါ် မယုံသင်္ကာဖြစ်ပြီး နောက်ဖေးသွားမယ်ဆိုပြီး မပေါ်လာတော့ဘူး။ ထွက်ပြေးလို့  လွတ်မြောက်သွားကြပါသတဲ့။ မိခင်တစ်ယောက်ဟာ သူ့ ကလေးငယ်ကို ထားခဲ့ပြီး ကိုယ်လွတ်ရုန်းပြေးတယ်။ ကလေးချီပြေးရင် ဘယ်လွတ်ပါ့မလဲ။ ကမ္ဘာမီးလောင် သားကောင် ချနင်းရတဲ့ အဖြစ်ပါပဲ။
လူတွေ လျော့လျော့သွားတော့ ဂျပန်တွေ မသင်္ကာလာကြတော့ဘူး။ ဒီတော့ နောက်ဘယ်သူ့ ကိုမဆို အိမ်သာတက်မယ် ဆိုတာနဲ့  ဂျပန်တွေက လှံစွပ်တပ်ထားတဲ့ သေနတ်ကိုင်ပြီး လိုက်ပို့ ပါသတဲ့။ ၂ရက်လောက် ဖမ်းချုပ်ထားပြီး ၁၉၄၅ခုနှစ်၊ဇူလိုင်လ ၁၁ရက်နေ့ မှာ ဒုတိယကမ္ဘာစစ်ကြီးရဲ့  သမိုင်းဝင်လူသတ်ပွဲကြီးကို ဂျပန်တွေက မြိန်ရေယှက်ရေ ဆင်နွှဲပါတော့တယ်။
၁၉၄၅ခုနှစ်၊ ဇူလိုင်လ ၁၁ရက်ဟာ သမိုင်းရက်များကို ခြင်းခြင်းနီတဲ့ သွေးစွန်းတဲ့နေ့ ပါ။ သမိုင်းရက်များကို ခြင်းခြင်းနီတဲ့ သွေးစွန်းတဲ့နေ့ ပါ။သမိုင်းရက်များကို မည်းမှောင်ညစ်ညမ်းသွားအောင် အပြစ်ကင်းမဲ့တဲ့ အဘိုးအို၊ အဘွားအို၊ လူကြီးလူငယ်နှင့် ရင်သွေးများပါမကျန် ရက်ရက်စက်စက် သတ်ဖြတ်ခဲ့လို့  ကျတဲ့သွေးတွေနဲ့  ခြယ်မှုန်းလိုက်တဲ့ ရက်စက်မှုပါပဲ။
ရေတွင်းတွေဆီ လူကြီးတွေကို မျက်နှာအ၀တ်နဲ့ စည်း၊ လက်နောက်ပြန်ကြိုးချည်ပြီး လူစုခွဲသွားပါတယ်။ ကလေးတွေ၊ အဘိုးကြီးတွေကို လှံစွပ်ထောက် ဟိန်းဟောက် ဆဲဆိုပြီး ခေါ်သွားတယ်။ ရွာသားယောကျာ်း၊ မိန်းမကလေးတွေရဲ့  “ကယ်တော်မူကြပါ” ဆိုတာတောင် ဟစ်အော်ကြွေးကြော်သံ မအော်ဟစ်ဝံ့လောက်အောင် လူသတ်ကောင် ဘီလူးသဘက်တွေရဲ့  အော်ဟစ်ကြိမ်းမောင်းသံတွေဟာ လွှမ်းခြုံလျက်ရှိနေတယ်။
ကလေးတွေကို ခြေနှစ်ဖက်က ကိုင် ရေတွင်းဘောင်နဲ့ ရိုက်၊ ရေတွင်းထဲ ပစ်ချလို့ ချ၊ တချို့ ကလေးတွေကို စပါးကျီထဲထည့်ပြီး မီးရှို့ သတ်လို့ သတ်။ လူကြီးတွေကို ဓားနဲ့ ခုတ်ပိုင်းပြီး ရေတွင်းထဲ ပစ်ချ၊ လှံစွပ်နဲ့ ထိုးချမရူမလှ ခံကြရတယ်။ ရက်စက်မှုနည်းမျိုးစုံကို အသုံးပြုကြတယ်။ ဂျပန်တွေဟာ လူတွေကို မြေပေါ်မှာ ခွေးဆွဲသလိုဆွဲပြီး သွေစိမ်းရှင်ရှင် သတ်ဖြတ်ခဲ့ကြတယ်။တချို့ ကိုလည်း သေနတ်နဲ့ ပစ်သတ်၊ အရှင်လတ်လတ် ရေတွင်းထဲကို ကန်ချပြီးလည်း ပစ်သတ်ကြတယ်။
ထွက်ပြေးလွတ်မြောက်သူ အချို့ 
ဂျပန်တွေ ရေပူကန်ဘက်ကနေ ကုလားကုန်းရွာထဲကို ၀င်လာတော့ ဂျပန်တွေ လာတယ်ဆိုတာနဲ့ တချို့ တော့ ထွက်ပြေးလွတ်မြောက်သွားပြီး မပြေးတဲ့သုံးချိုး နှစ်ချိုးကတော့ ဂျပန်တွေရဲ့  သတ်ဖြတ်မှုကို ခံသွားကြရပါတယ်။ တချို့  ဗလီထဲမှာ ချုပ်နှောင်ထားစဉ် ထွက်ပြေးလွတ်မြောက်သွားသူများ၊ နောက်ဆုံး လှံစွပ်နဲ့ ထိုးသတ်ပြီး ရေတွင်းထဲ ပစ်ချရာမှ သေဆုံးတဲ့အလောင်းများကို နင်း၊ သွေးရူးသွေးတန်းနဲ့  ရေတွင်းထဲကနေ အပေါ်ကိုတက်လာပြီး ထွက်ပြေး လွတ်မြောက်လာသူများလည်း ရှိပါတယ်။ ရွာတောင်ပိုင်း ရေတွင်းထဲ ကိုဇာလီရဲ့ အဖေကို ပစ်ချမယ်အလုပ် သေချင်သေဆိုပြီး ထွက်ပြေးလို့  လွတ်မြောက်သွားခဲ့ပါတယ်။
ရေတွင်းထဲကနေ ထွက်ပြေးလွတ်မြောက်လာသူက ခြောက်ယောက်ပါ။ တောင်ပိုင်းရေတွင်းထဲကနေ ကိုဇာလီရယ်၊ သူ့  အဘွား ဆိုင်မွန်ဘီ၊ တခြားအဘွား တစ်ယောက်။ ဒေါ်ဆိုင်မွန်ကတော့ တစ်ခဏတာခံပြီး ဒဏ်ရာများကြောင့် သေဆုံးခဲ့ပါတယ်။ အခြားအဘွားတစ်ယောက်လဲ ၁၀ရက်လောက်ပဲ ခံကာ ကွယ်လွန်ခဲ့တယ်။
နောက်အခြားရေတွင်းက ထွက်ပြေးလွတ်မြောက်သူ သုံးဦးမှာ ဆော်ဖာခါတွန် ဆုံးသွားပြီး ဦးရှာကာမောက်နဲ့  ဒေါ်ယာရာဘီတို့  နှစ်ယောက်ပဲ ကျန်ရစ်တယ်။
ဗမာ့မျိုးချစ်တပ်မတော်သားများနဲ့  မဟာမိတ်လေထီးသမားများကို ကူညီလိုတဲ့
လေထီးတပ်ဖွဲ့ ဝင်များကို ဂျပန်ဖက်ဆစ်တွေ့ ရဲ့ လက်မရောက်အောင် လုံခြုံရာတွင် ၀ှက်ထားပေးခြင်း၊ လိုအပ်တဲ့ အကူအညီများပေးခြင်း၊ ရန်သူစစ် သတင်းများကို ထောက်လှမ်းပေးပို့ ခြင်းများဖြင့် ဂျပန်ဆန့် ကျင်ရေးလုပ်ငန်းများကိုလည်း လိုအပ်သလို အကူအညီပေးကြတယ်။
အဖြစ်ကိုပြောရမယ်ဆိုရင် အပြစ်ကင်းစင်တဲ့ နှလုံးသားပိုင်ရှင်တွေအနေနဲ့  တစ်ဖက်တစ်လမ်းက ဂျပန်ကို တိုက်ခိုက်နေတဲ့ လေထီးသမားတွေနဲ့  ဗမာ့မျိုးချစ်တပ်မတော်သားတွေရဲ့  အသက်တွေကို မိမိတို့ အသက်နဲ့  ရက်ရောစွာလဲခဲ့တဲ့ ကိုယ်ကျိုးစွန့် တော်လှန်ရေးသမားတွေရဲ့  ထုံးစံအတိုင်း အစတေးခံသွားကြရပါပြီတကား။
အုတ်ဘောင်ခတ်ထားတဲ့ ကာဘရ် သင်္ချိုင်းများ
ကိုဇာလီနဲ့ အတူ ယခင် ဂျပန်ဖက်ဆစ်တွေ မညှာမတာ မိုက်မဲဆိုးရွားစွာ ရက်ရက်စက်စက်သတ်ပြီး ရေတွင်းထဲ ပစ်ချ ကန်ချ ခံရလို့  ဆန့် ငင်ဆန့် ငင် ယက်ကန်ကန်နဲ့  အသက်ပျောက်ခဲ့ရသောသူတွေရဲ့  ကာဘရ်သင်္ချိုင်းရေတွင်းဟောင်း များကို ရောက်ခဲ့ပါတယ်။ ရေတွင်းဟောင်းများကို အုတ်ဖြင့် ၀ိုင်းထားပါတယ်။
ရေတွင်းသင်္ချိုင်း ကဘရ်များနေရာတွင် တစ်ပေတစ်မိုက်မြင့်တဲ့ အုတ်များကို စီရီ၍ပင် ဘောင်ခတ်ထားခြင်း မရှိပါ။ တစ်ဦးတစ်ယောက်က ပြောမပြရင် ကာဘရ်သင်္ချိုင်းဆိုတာ အမှတ်တမဲ့မို့  သိရန်ခက်ခဲပါလိမ့်မယ်။
(မှတ်ချက်။ ။ ရှေးနယ်များရှိ ရေတွင်းများသည် မြေကြီးနဲ့  တစ်ပြေညီနီးပါး ရှိပြီး ၊ ရေတွင်း အ၀ တွင်းနှုတ်ခမ်းများကို ယခုကျေးရွာများတွင် ရှိသကဲ့သို့  အကာအရံ နှစ်ပေသုံးပေခန့်  ဘိလပ်မြေဖြင့် ချောကိုင်ကာ ကာရံထားခြင်း မရှိသးပါ။ ကုလားကုန်း ရွာရှိ ရေတွင်းများသည် ထိုကဲ့သို့  တစ်ပြေးညီရေတွင်းများ ဖြစ်သဖြင့်အချိန်ကြာညောင်းလာသောကြောင့် အုတ်များနဲ့  ၀ိုင်းထား၍သာ သိလိုက်သည်ဟု ဆရာကြီးဆိုလိုခြင်း ဖြစ်ဟန်တူပါတယ်။)
အစ္စလာမ့်အလင်းမဂ္ဂဇင်း အမှတ်စဉ်(၁၉) ၊ ၁၉၈၀ ပြည့်နှစ်၊ မတ်လ စာစောင်တွင်-
အာဇာနည် ရှဟီဒီတို့ ၏ သင်္ချိုင်းကဘာရ်များ ဖြစ်နေသော အထက်ဖော်ပြပါ ရေတွင်းဟောင်းများသို့  ဇေယာရတ် မေတ္တာဆုမွန်ပို့ ရန် လာရောက်သူ များပြားလှပေသည်။
ဟူ၍ရေးသားထားသည်ကို တွေ့ ရပါသော်လည်း ဤကဘရ်သင်္ချိုင်းမျာကို ကဘရ်သင်္ချိုင်းများ (သို့ မဟုတ်) အာဇာနည်ဗိမာန်များနဲ့  တူအောင် ထည်ထည်ဝါ၀ါကြီးမဟုတ်သည့်တိုင်အောင် အသင့်တင့်တော့ရှိဖို့  ရန်ပုံငွေများ လှူဒါန်းသင့်တယ်လို့  စိတ်ထဲတွင်အောက်မေ့နေမိပြန်တယ်။
မော်လမြိုင် ကျိုက်မရောဘက် ကုလားကုန်းက ရေတွင်း ၂၂တွင်းမှာ အပြစ်မဲ့တဲ့ ရွာသူရွာသား ၇၆၉ဦးတို့ ရဲ့ ဖြစ်ရပ်ကို ကျောက်စာတိုင်မှာ ကမ္မည်းထိုး ဖေါ်ပြထားသင့်တယ်လို့  ထင်မြင်မိပါတယ်။
သေတွင်း လွတ်မြောက်လာသူ အမျိုးသမီးရဲ့ ကိုယ်တွေ့ ( ဂျပန်များ ရွာသူရွာသားများကို သတ်ဖြတ်ပြီး ၎င်းတို့  ဖယ်ထားသော အမျိုးသမီးများထဲမှ တစ်ဦး)
အသက် (၆၅)နှစ်ခန့် ရှိပြီဖြစ်တဲ့ ဒေါ်စကီမာဘီ(ခ) ဒေါ်အုန်းကြိုင် ရဲ့ ပြောပြချက်ဖြစ်ပါတယ်။
လူကြီးလူငယ်၊ အဘိုးအို၊ အမယ်အိုကစပြီး အိမ်စေ့ လူကုန်လာရမယ်၊ အစည်အဝေးလုပ်မယ်၊ ဗလီထဲမှာ စုရမယ်ဆိုတာနဲ့  ကျွန်မတို့ လည်း ဖလာတူ-ဗလီဝင်းထဲမှာ သွားစုကြရပါတယ်။ ယောင်္ကျားတွေကိုတော့ ဗလီထဲမှာ လှောင်ထားတယ်၊ ရွာကိုတော့ ဂျပန်စစ်တပ်တွေ ၀ိုင်းထားပါတယ်။ နောက်တော့ အစည်းအ၀းလုပ်ဖို့  ခေါ်တာမဟုတ်ဘူး ဆိုတာ တဖြည်းဖြည်းနဲ့  ရိပ်စားမိလာတယ်၊ ဗလီဝင်းထဲကနေ ဘယ်သူမှ အပြင်မထွက်ရဘူး။ တို့ ကိုများ ဗလီထဲမှာ အစုလိုက်အပြုံလိုက် ပစ်သတ်မှာလား၊ မီးလောင်တိုက်သွင်းမှာလားဆိုပြီး အမျိုးမျိုးတွေးတောမိကြပါတော့တယ်။ လှောင်ပိတ်နေတော့ ကလေးတွေလည်း ပူလို့ မနေနိုင်လို့  ငိုကြတယ်၊
အဲဒီတော့ ဂျပန်က လှံစွပ်နဲ့  ထိုးမယ် တကဲကဲလုပ်လာတယ်၊ ကလေးတွေ မငိုစေနဲ့ ဆိုပြီး လှံစွပ်နဲ့  ခြိမ်းခြောက်တယ်။ ထမင်းမကျွေး၊ ရေကလည်းပြတ်၊ အစာရေစာဖြတ်ထားတယ်၊ အငတ်ထားတယ်၊ သုံးရက်လုံးပဲ။ ကလေးတွေလည်း ငိုလိုက်၊ ငိုလွန်းတော့မော၊ မောတော့ အိပ်ပျောသွား၊ ငတ်လိုက်နဲ့ ။
တစ်ချို့ ကတော့ အိမ်သာသွားတက်မယ်ဆိုပြီး ဂျပန်တွေအလစ်ထွက်ပြေးတယ်။ ဒီလို ထွက်ပြေးလို့  လွတ်သွားတဲ့သူတွေလည်း ရှိပါတယ်။ နောက် အဲဒီလိုထွက်ပြေးမှန်းသိတော့ အိမ်သာတက်မယ်ဆိုရင် ဂျပန်က သေနတ်လှံစွပ်တပ်ပြီး လိုက်ပို့ တယ်။ မပြေးသာတော့ဘူးပေါ့။
ကုလားကုန်းကျေးရွာမှာက တစ်အိမ်ရေတွင်းနှစ်တွင်းလောက် ရှိတယ်၊ ဗလီဘက်က သွားရင် ရေတွင်းတွေပဲ တွေ့ ရမယ်၊ ရေတွင်းကို ခေါ်မသွားခင် အိမ်တစ်အိမ်မှာ ပိတ်လှောင်ထားတယ်၊ နောက်လက်ပြန်ကြိုးတုပ်ပြီး နှစ်ယောက်တစ်တွဲ ရေတွင်းဘက်ဆီ ခေါ်သွားတယ်။ မျက်နှာကို အ၀တ်စည်းပြီး ရေတွင်းကို ကျောခိုင်းထားလိုက်တယ်၊ နောက်လှံစွပ်နဲ့ ထိုးပြီး ရေတွင်းထဲ ကန်ချလိုက်တယ်၊ပြန်မထနိုင်အောင် အပေါ်က သစ်တုံးတွေနဲ့  ဖိလိုက်ကြသေးတယ်။ ယောင်္ကျားတွေ ကုန်တော့ မိန်းမတွေကို ဒီတိုင်းပဲ နှစ်ယောက်တစ်တွဲ ကြိုးချည်ခေါ်သွားပြီး လှံစွပ်နဲ့  ထိုးသတ်တယ်။
မိန်းမတွေ၊ ကလေး၊ လူကြီးတွေ ကုန်သလောက်ရှိသွားတော့မှ ကျွန်မတို့  မိန်းမငယ်(၁၁)ယောက်ကိုခေါ်၊ အိမ်တစ်အိမ်မှာ လှောင်ထားတယ်။ မုန့် အမျိုးမျိုးလုပ်ခိုင်းတယ်။ ရွာသူရွာသားတွေ သတ်ပြီးလို့  ၃ရက်လောက်အကြာမှာတော့ ကျွန်မတို့  ညီအစ်မသုံးယောက်က အကြံတစ်ခုရတယ်။ အိမ်မှာ ပစ္စည်းသွာယူမယ် ဆိုပြီးပြောမယ်၊ ဂျပန်က ခွင့်ပေးရင်သွားယူမယ်။ လစ်ရင် လစ်သလို ထွက်ပြေးမယ်ပေါ့။
အကြံအစည်အတိုင်း ဂျပန်ကိုပြောတော့ အစောင့်သုံးယောက်က လှံစွပ်သေနတ်ကိုင်ပြီး လိုက်ပို့ တယ်။ အိမ်မှာ ပစ္စည်းတွေ ရှာတော့ ဘာပစ္စည်းမှ မရှိတော့ဘူး၊ ဂျပန်တွေ လူမရှိတုန်း ဓါးပြတိုက်ယူလိုက်ပြီပဲကိုး ၊ ဒီတော့ဘာပစ္စည်းမှ မရဘဲ ကျွန်မတို့ ကို ဖမ်းထားတဲ့ အိမ်ကို ပြန်ကြရတယ်။
နောက် မုန့် ညက်တွေထောင်းခိုင်းပြီး၊ မုန့် လုပ်ခိုင်းတယ်၊ ကျွန်မတို့ က ဂျပန်အလစ်မှာ ထွက်ပြေးဖို့ ပဲ ကြိုးစားတယ်၊ ဒါပင်မဲ့ ထွက်ပေါက်မရှိဘူး၊ ဂျပန်တွေက မပြတ်စောင့်နေတယ်၊ အစ်မက မုန့် ညက်တွေ ထောင်းရင်း ကျွန်မတို့ ကို ထွက်ပြေးဖို့  တိုင်ပင်တယ်၊ ကျွန်မက ငါထွက်ပြေးလို့  ပြန်မရောက်ရင် နင်တို့ ဆက်ပြီး ထွက်ပြေးလို့  မှာခဲ့တယ်။ အဲဒီလိုပြောဆိုပြီး မနက်(၇)နာရီမှာ ထွက်ပြေးဖို့ ကြိုးစားတယ်။
ကျွန်မမှာ ကလေးကိုလည်း ရင်မှာပိုက်ထားရတယ်၊ ကလေးကလည်း အခါလည်ပဲရှိသေးတဲ့ သမီးလေး၊ ကလေးကို ထားမပစ်ရက်ဘဲ ပိုက်ပြီး ထွက်ပြေးခဲ့တယ်။ ဂျပန်တွေက ကင်းစောင့်နေတယ်၊ ထွက်ပြေးခွင့် အခွင့်မသာလို့  ပြန်ဝင်လာရတယ်။
ကျွန်မတို့  ညီအစ်မတွေ ထွက်လို့ မရတော့ (၁၅)နှစ်အရွယ် အမျိုးသမီးတစ်ဦးက ထွက်ပြေးတယ်။ အရှေ့ စူးစူး ပိန်းတောထဲ ထွက်ပြေးပြီး ပုန်းနေလိုက်တယ်၊ သူက အပျိုပဲ၊ ဒါပင်မဲ့ သူ့ အဒေါ်ရဲ့ ကလေးကို ပွေ့ ပြေးတယ်။ ဂျပန်ကစစ်တော့ အမျိုးသမီးကလေးပျောက်နေတာနဲ့  လိုက်ရှာတယ်။ ပိန်းတောထဲမှာ တွေ့ တယ်။ သေနတ်ဒင်နဲ့  ရိုက်၊ မသေရုံတမယ် အထုအထောင်း အရိုက်အနှက်ကို အလူးအလဲ ခံလိုက်ရရှာတယ်။
အနွန်းနဲ့ မိကျားတို့ ကလည်း အိမ်ထောင်သည်တွေပဲ ဖြစ်တယ်။ ကလေးကိုယ်စီနဲ့ ၊ ကလေးတွေလည်း အခါလည်ပဲ၊ သူတို့ ကိုကို ပြောလိုက်တယ်၊ ငါတော့ ပြေးတော့မယ်လို့ ။
အဲဒီည ၁၀နာရီလောက်မှာ ပြေးတယ်။ ရွာရဲ့ တောင်ဘက်ကို ပြေးရင်း လွတ်သွားတယ်၊ အဲဒီနားမှာပဲ လှည့်ပတ်ပုန်းတယ်၊ လယ်ကန်သင်းရိုးမှာ ၀ပ်သွားပြီး ကလေးရင်ဝယ်ပိုက် လက်တစ်ဖက်နဲ့  ၀မ်းလျားထိုးသွားရင်း ရိုးထဲကို ရောက်လာတယ်။ ကျွန်မ ရေထဲဆင်းပြေးတယ်၊ ရိုးကူးပြီးတာနဲ့  တောစပ်ကို ရောက်သွားတယ်။ အဲဒီတောစပ်ရောက်တော့ မိုးချုပ်ပြီ၊ တအောင့်တနား ထိုင်လိုက်တယ်၊ဘာသံတွေလဲတော့ သဲကွဲစွာ မသိဘူး၊ ဒီတောထဲမှာပဲ လမ်းမသိဘဲ ကျွန်မ လျှောက်နေတယ်၊ မိုးလင်းပိုင်း ရောက်တော့ကော ဗွီးက ယာစင်ဆိုတဲ့ ကောင်လေး(၁၆)နှစ်ရွယ်က ကုလားကုန်းရွာဘက် သွားနေတယ်၊ သူကဘယ်သူလဲလို့  မေးတယ်၊ သူ့ မှာ ဓားလွတ် ကိုင်ထားတယ်။
တစ်ချိန်လုံး ကိုယ့်ကို ရင်ကိုစည်း အံကြိတ်ပြီးလာခဲ့တဲ့ မာနတွေဟာ သူ့ ကိုတွေ့ လိုက်တော့မှ အားရှိရမယ့်အစား တစ်ခါတည်း ကျဆင်း ပျော့ ခွေသွားတယ်။ ကျွန်မတို့ အင်အားချည့်နဲ့ နေလို့  ငိုအားပင်မရှိတော့သလားဘဲ၊ ကလေးကို သူက ကောက်ချီလိုက်တယ်။ ဓားကို ကိုင်ရင်း ဖားဖျောက်ရွာကို လိုက်ပို့ မယ်လို့  ပြောတယ်၊ ဒီတောဆုံးတော့ ကျွန်မမတ်နဲ့  မောင်ပါခွေးတို့ ကို တွေ့ တယ်။
ဖားဖျောက်ရွာ မြောက်ဘက် လယ်တောထဲခေါ်သွားကြတယ်၊ ကျွန်မဦးလေး ဦးရွှေလီနဲ့  ဆုံတယ်။ ဖတ်တလဲကင်း နှုတ်ဆက်တယ်၊ ကျွန်မက အကျိုးအကြောင်း ပြောပြတော့ နှစ်ယောက်သား ငိုကြပါတော့တယ်၊ ဂျပန်တွေက အားလုံးကို သတ်လိုက်ကုန်ပြီ၊ ညီအစ်မနှစ်ယောက်နဲ့  ကလေးမလေးတွေ ကျန်တယ်၊ သူတို့ ကို သတ်လိုက်ပြီးလား မသိဘူးလို့  ပြောပြလိုက်တယ်၊ အဲဒီလို ပြောနေတဲ့အချိန်မှာ ကုလားကုန်းရွာဘက်က သေနတ်သံတွေကြားရတယ်။ ဘယ်သူတွေ ထပ်သတ်ခံရပြီလဲ။ ကျွန်မ ညီမတွေလား မိကျားတို့ ကို နင့်အစ်မ ဘယ်သွားသလဲဆိုတာ မေးမေးပြီး ရိုက်လေမလား၊ မေးမရလို့  သေနတ်နဲ့  ပစ်သတ်လေရော့သလားဆိုပြီး စိုးရိမ်စိတ်တွေ တဖွားဖွား တိုးလာပြန်တယ်။
အဲဒီတောထဲမှာ ယာယီတဲထိုးပြီး ဦးလေးကထားပေးတယ်၊ ရွာထဲဝင်မယ်လုပ်တော့ နင်ဒီမှာ နေဦးဆိုပြီး ထားခဲ့တယ်။ ရွာထဲကို ၀င်သွားပြီး ကျွန်မတို့ သားအမိစားဖို့  ထမင်းဟင်းချက်ပြီး ယူလာတယ်။ ကျွန်မတို့  အစာရေစာငတ်တော့ အားရပါးရ ပလုတ်ပလောင်း စားတယ်။ ဒါပင်မဲ့ ထမင်းဟင်းမစားရတာ သုံးလေးရက်ရှိပြီမို့  လည်ချောင်းကများ ကျဉ်းနေလို့ လား ။ ရုတ်တရက် မျိုမကျဘူး၊ နည်းနည်းချင်း စားရတော့တယ်။ ထမင်းစားပြီး ခရီးဆက်တယ်။
မနက်မိုးမလင်းတလင်းမှာ ဗမာရွာဖြစ်တဲ့ အန်ဂလဲရွာကို ရောက်တယ်။ ရွာသားတွေက ကျွန်မတို့ ကို လက်မခံဘူး။ အဲဒါကြောင့် မွန်ရွာဖြစ်တဲ့ ကောမနှောရွာကို ဆက်သွားတယ်။ အဲဒီမှာလည်း လက်မခံပြန်ဘူး။
နောက် ကော့မနှောကျေးရွာကနေ ကောဗွီရွာကို ပြန်လှည့်ခေါ်သွားတယ်။အဲဒီရွာကတော့ ဘင်္ဂါလီမွတ်စလင်ရွာ ဖြစ်ပါတယ်။ ရွာမှာ ကျွန်မအမျိုးတွေ ရှိပါတယ်။ အမျိူးတွေအိမ်မှာပဲ တစ်ညအိပ်ပါတယ်။ နောက်နေ့ မှာ ပိန္ဒဲကုန်းကျေးရွာ ဘက် ဆက်သွားတယ်။ဘင်္ဂါလီမွတ်စလင် လူကြီးတွေကို ကျွန်မ ကုလားကုန်းက အမျိုးသမီးပါလို့  ပြောပြတယ်။ သူတို့ က ကုလားကုန်းရွာသားတွေကို လက်မခံရဘူးလို့  ဂျပန်က အမိန့် ထုတ်ထားတယ်ဆိုတာနဲ့  ရွာထဲမှာ မနေရဘူး။ ပိန္ဒဲကုန်းကွင်းထဲမှာ သွားနေရတယ်။ ဘကြီးတို့ က ထမင်းလာပို့ ပေးတယ်။
အဲဒီလိုနဲ့ ဂျပန်တွေ လက်နက်ချပြီးမှာ ကျွန်မလည်း ရွာကို အေးအေးလူလူပြန်ပြီး နေထိုင်ပါတယ်။
ကျွန်မရွာရောက်လို့  သတင်းရလိုက်တာက ကျွန်မတို့ (၁၁)ယောက် အုပ်စုထဲက ကျွန်မညီမ အနွန်နဲ့  မိကျားတို့  နှစ်ယောက်ပါ ထွက်ပြေးလွတ်မြောက်သွားတယ်၊ နောက်ကျန် အမျိုးသမီး ရှစ်ယောက်ကို အလယ်တံခွန်တိုင် (သံဖြူဇရပ်လမ်း) ထိ ခေါ်သွားတယ်။ ဂျပန်တွေက အဲဒီအမျိုးသမီးတွေကို အဓမ္မကျင့်ခဲ့တယ်။ အဲဒီမှာ မိန်းကလေးနှစ်ယောက် ထပ်မံထွက်ပြေးလွတ်မြောက်သွားတယ်၊ ကျန်တဲ့ အမျိုးသမီးတွေကို ဂျပန်တွေ ရက်ရက်စက်စက် သတ်ပစ်လိုက်တယ်၊ လူကိုလည်း အဓမ္မကျင့်၊ အသက်ကိုလည်းသတ်၊ ဘက်စုံ ရိုင်းစိုင်းတဲ့ ဖက်ဆစ်ရဲ့  သရုပ်သကန်ပါပဲ။
(ဒေါ်စကီမာဘီ(ခေါ်) ဒေါ်အုန်းကြည် ၏ ပြောပြချက်များဖြစ်ပါတယ်။)
ထိုနည်းတူ စာရေးဆရာခင်ကြီးအောင်ရေးတဲ့ ဘူရှိဒိုသူရဲကောင်းတို့ ၏ စစ်ရာဇ၀တ်မှုများ (သုတပဒေသာ စာစောင် ၂၁၊ အမှတ်(၃) ၊ ဇူလိုင်လ ၁၉၉၄) ဆောင်းပါး စာမျက်နှာ ၁၅၀၊ တတိယကော်လံ၊ တတိယပိုဒ် နောက်ဆုံးကြောင်းမှာ အခုလို ရေးသားထားပါတယ်။
“ဇူလိုင်လ ၁၂ရက်တွင် သူတို့ ဖယ်ထားသော ကျေးရွာသူ ၁၀ယောက်ကို ခေါ်ကာ ထွက်ပြေးသွားကြသည်။ ၎င်းအမျိုးသမီးများကို နောက်တစ်ကြိမ် ဘယ်သောအခါမျှ ပြန်၍ မတွေ့ ရတော့ပါ။’’
ကွဲလွဲချက်အနည်းငယ်
ဆရာကြီး ၀မ်းအိုဝမ်းကျော်ဝင်းမောင် ၁၉၈၀ပြည့်နှစ် ဧပြီလ ၂၂ရက်နေ့ မှာ တွေ့ ဆုံမေးမြန်းခဲ့သော ကုလားကုန်း ကျေးရွာက အသက်(၆၅)ရှိပြီဖြစ်တဲ့ ဒေါ်စကီမာဘီ (ခေါ်) ဒေါ်အုန်းကြိုင် ပြောပြရာတွင် အမျိုးသမီး(၁၁)ယောက် ရွေးဖယ်ထားပြီး ဂျပန်တွေအတွက် သရေစာတွေ လုပ်ပေးရတယ်။ ဖမ်းထားရာကနေ ဒေါ်အုန်းကြိုင် အရင်ဆုံး ထွက်ပြေး လွတ်မြောက်ခဲ့တယ်။
နောက် ၎င်း၏ ပြောပြချက်အရ ဒေါ်အုန်းကြိုင်ရဲ့  ညီမ မအနွန် နဲ့  မိကျားတို့ နှစ်ယောက်ထွက်ပြေး လွတ်မြောက်သွားကြောင်း ကျန်အမျိူးသမီး ရှစ်ယောက်ကို ဂျပန်တွေ အလယ်တံခွန်တိုင် (သံဖြူဇရပ်) ထိ ခေါ်သွားကြောင်း အဲဒီမှာ အမျိုးသမီးနှစ်ဦး ထပ်မံ ထွက်ပြေးလွတ်မြောက်တယ်ဆိုရင် ဂျပန်တွေ ရဲ့ အလယ်တံခွန်တိုင်မှာ သတ်ဖြတ်ခံရသူ အမျိုးသမီး အရေအတွက်သည် ၆ ယောက်ဖြစ်နေပြီး(ဒေါ်အုန်းကြိုင်ရဲ့  ပြောပြချက်) ဆရာခင်ကြီးအောင် ဆောင်ပါးတွင် ၁၀ဦး သတ်ဖြတ်ခြင်းခံရကြောင်း တွေ့ ရတယ်။
ထို့ အတွက်ကြောင့် အလယ်တံခွန်တိုင်(သံဖြူဇရပ်) တွင် ထွက်ပြေးလွတ်မြောက်မှု မရှိခဲ့ဘူးဆိုရင်လည်း ဒေါ်အုန်းကြိုင်၏ ညီမ နှစ်ယောက်ကတော့ ကုလားကုန်းကျေးရွာမှာ ကတည်းက လွတ်မြောက်ခဲ့တယ်ဆိုတော့ အလယ်တံခွန်တိုင် (သံဖြူဇရပ်)တွင် အမျိုးသမီး ၈ဦးတော့ သတ်ဖြတ်ခံခဲ့ရကြောင်း ယူဆရပါသည်။
ဆရာကြီး ၀မ်းအိုဝမ်းကျော်ဝင်းမောင်ရဲ့ မှတ်ချက်
စာရေးဆရာခင်ကြီးအောင် ရေးသားချက်ထဲမှာ (၁၀) ယောက်ဆိုတာ ကလေးနဲ့ ဆို (၁၁)ယောက် ၊ (၁၅နှစ် မိန်းကလေးနဲ့  သူ့ အဒေါ်ကလေး)အဲဒီလိုကွာခြားချက်ရယ်၊ ဂျပန်တွေ ခေါ်သွားတဲ့ အဲဒီ(၁၀)ယောက်ကို နောက်တစ်ကြိမ် ဘယ်သောအခါမျှ ပြန်၍ မတွေ့  ရတော့ပါလို့  ဖော်ပြထားပါတယ်။ အမှန်က အဲဒီလို ခေါ်သွားတဲ့ အမျိုးသမီးတွေ ရဲ့  သတင်းဟာ ပျောက်ကွယ် မသွားခဲ့ပါ။ သူတို့ တစ်တွေကို ဂျပန်တွေက ရက်စက်စွာ သတ်ထားခဲ့ကြောင်း၊ သူတို့ ကို မြှပ်နှံရာသင်္ချိုင်းကို ကုလားမသင်္ချိုင်းဆိုပြီး သမိုင်း မှတ်တိုင်တွင် ကျန်ရစ်ခဲ့တယ်။
အထောက်အထားတစ်ချို့ 
အင်္ဂလိပ်တွေက ၀င်လာတော့ အဲဒီကရွာသားတွေကို စစ်ရိက္ခာတွေ ဖြန့် ဖြူးပေးတယ်။ လွတ်လပ်ရေးရပြီးစထိ ထောက်ပံ့ငွေတွေ ရိက္ခာတွ ပို့ ပေးတယ်လို့  ပြောပြပါတယ်။ ဒုတိယကမ္ဘာစစ်ကြီးပြီးတော့ အင်္ဂလိပ်အစိုးရက ဒီလို ကုလားကုန်းက ကလေးလူကြီး မိန်းမယောက်ျား ၇၆၉ယောက်တို့ အား ဂျပန်ဖက်ဆစ်တွေက ရက်ရက်စက်စက် သတ်ဖြတ်ပြီး ရွာရှိရေတွင်း ၂၂တွင်းထဲ အရှင်လတ်လတ် သွေးစိမ်းရှင်ရှင်နဲ့  မရူမလှ သေဆုံးရတဲ့အတွက် ‘ကရုဏာကြေးပေးမယ်’ ဆိုပြီးလုပ်ခဲ့တယ်။
သေသူများနဲ့  ပတ်သတ်တဲ့ ပုံစံတွင် ထည့်သွင်းဖေါ်ပြရန် စာရွက်စာတမ်းများတောင် ပေးခဲ့ပါတယ်။ ဒါပင်မဲ့ မြန်မာပြည်လွတ်လပ်ရေး ရပြီးတဲ့အခါမှာ စစ်လျောကြေးပေးမယ်ဆိုတဲ့ အစီအစဉ်တွေ အကောင်အထည် မပေါ်တော့ပါ။
စစ်ခုံရုံး
ရေတွင်းကုန်းရွာရှိ ကလေး လူကြီးယောက်ျား မိန်းမ ၇၆၉ယောက်ကို ရက်ရက်စက်စက်သတ်ခဲ့တဲ့ အမှုနဲ့  ပတ်သက်ပြီး ရန်ကုန်မြို့ တော်တွင် မဟာမိတ်တို့ က စစ်ခုံရုံးဖွဲ့ ပြီး စစ်သုံ့ ပန်းတရားခံများဖြစ်တဲ့ စစ်ဗိုလ်ကြီး အီရှီကာဝါ နဲ့  အခြားစစ်ဗိုလ်များကို စစ်ဆေးမေးမြန်းခဲ့တယ်။
ဒီအမှုစစ်ဆေးစဉ် တရားလိုဘက်မှ သက်သေအဖြစ်
အီရှစ်အာမတ် (ဒီဆိပ်ဖူးဟန် အသက်၈၀)
ဦးမာမက်ဒူလာ – ကုလားကုန်း
ဦးရာရှစ် – ဖားဖျောက်
ဦးရှစ်အာမက် – ကုလားကုန်း
ဒေါ်ဆာရာဘီ –
အခြားအမျိုးသမီးကြီး – တို့ ဖြစ်ပါတယ်။
ဂျပန်တွေကို မဟာမိတ်စစ်အရာရှိတွေက စစ်ခုံရုံးတင်တဲ့အခါ ဂျပန်တွေက ဘာတွေ ဆင်ခြင်ပေး လျှောက်လဲကြသလဲဆိုတာ စာရေးဆရာ ခင်ကြီးအောင်၏ ဘူရှိဒိုသူရဲကောင်းတို့ ၏ စစ်ရာဇ၀တ်မှုများဆောင်းပါး (ဇူလိုင်လ ၁၉၉၄ထုတ်၊ သုတပဒေသာစာစောင်) အတွဲ ၂၁၊ အမှတ်(၂၃)မှာ ယခုလို ရေးသားထားပါသည်။
စစ်ခုံရုံးတွင် ရာဇ၀တ်မှု ကျူးလွန်ခဲ့သူ ဂျပန်စစ်ဗိုလ်များက ခုခံကာကွယ် လျှောက်လဲကြပုံ
“ကုလားကုန်းရွာများသည် ထိုဒေသတွင် လှုပ်ရှားသော မြန်မာ့တော်လှန်ရေးတပ်သားများနှင့် ဗြိတိသျှ လေထီးတပ်သားများကို အကူအညီပေးခဲ့ကြသူများဖြစ်၍ ၎င်းတို့ သတ်ဖြတ်နှိပ်ကွပ်ခြင်းမှာ တရားသောဆောင်ရွက်မှု ဖြစ်သည်။ ထိုဒေသရှိ ရန်ပြုသူများအား ရှင်းလင်းရာတွင် ဤကိစ္စမှာ စစ်ဆေးလိုအပ်ချက်အရ လုပ်ဆောင်ရခြင်းဖြစ်၍ အပြစ်မရှိကြောင်း။
မဟာမိတ်ဗုံးကြဲလေယာဉ်များက ဂျပန်နိုင်ငံရှိ မြို့ ကြီးများကို ဗုံးကြဲတိုက်ခုက်၍ မိန်းမနှင့် ကလေးငယ်များကို သေကျေပျက်စီးစေခဲ့သည့် လုပ်ရပ်များနှင့် မခြားနားပါ’’ ဟု ဆင်ခြင်ပေးခဲ့ကြသည်။
မည်သို့ ပင်ဖြစ်စေ စစ်ရာဇ၀တ်ကောင်များ ဆင်ခြင်ပေး လျှောက်လဲကြသည်ဖြစ်စေ လက်နက်မဲ့ ရွာသူရွာသား ၇၆၉ယောက်ကို အစုလိုက်အပြုံလိုက် သွေးအေးအေးနှင့် စိမ်ပြေနပြေသတ်ဖြတ်ခဲ့ခြင်းမှာ စစ်ရာဇ၀တ်မှုကြီး မဟုတ်ဟူ၍ မည်သူမျှ ငြင်း၍မရနိုင်ပါ။
လက်တွေ့ ကျူးလွန်သည့် ဂျပန်စစ်ရာဇ၀တ်ကောင်တို့ က အထက်အမိန့် အရ ဆောင်ရွက်ရပါသည်ဟု ဆင်ခြေပေး လျှောက်လဲကြခြင်းမှာလည်း ပေးသောအမိန့် သည်ပင်လျှင် အပြည်ပြည်ဆိုင်ရာ စစ်ခင်းမှုဥပဒေနှင့် မညီမညွတ်သဖြင့် မည်သည့်နည်းနဲ့ မျှ ကုလားကုန်းရွာ လူသတ်ပွဲကြီးကို စစ်ရာဇ၀တ်မှု ကျူးလွန်ခြင်း မဟုတ်ပါဟုယူဆရန် ခက်ခဲလှပေသည်။
မဟာမိတ်စစ်ခုံးရုံးက ကုလားကုန်း ရွာသူရွာသားများကို သတ်ရန် အမိန့် ပေးပြီး ကိုယ်တိုင်လည်း ပါဝင်ခဲ့တဲ့ ဖက်ဆစ်ဂျပန် ဗိုလ်ကြီး အဆင့်ရှိတဲ့ ဗိုလ်ကြီးအီရှီကာဝါနဲ့  တခြားစစ်ဗိုလ်များကို သက်သေများရဲ့  ထွက်ဆိုချက်အရ အမှုကျူးလွန်ခဲ့ကြောင်း ထင်ရှားတဲ့အတွင် သေဒဏ်ပေးလိုက်ပါတယ်။
ကျေးဇူးတင်ရှိခြင်း
စာရေးသူအား အခုလို စိတ်ရှည်လက်ရှည် ဂျပန်လှံစွပ်ဓါးသွားအောက်က အသက်ကို လုပြီး ထွက်ပြေး လွတ်မြောက်လာခဲ့တဲ့ ဒေါ်စကီမာဘီ(ခေါ်) ဒေါ်အုန်းကြိုင်အား အထူးကျေးဇူးတင် ဂုဏ်ပြုချီးကျူး ပါတယ်။ အစအစအရာရာ အကူအညီပေးခြင်း ၊ ကိုယ်တွေ့ သမိုင်းများ ပြောပြပေးတဲ့ ဦးဇာလီနဲ့ မိသားစု၊ ဦးဒေ၀ါနာလီ ၊ ဒေါ်မိကျား၊ ဒေါ်အီကျွတ်ဘီ၊ မော်လ၀ီ ယာကွတ်( ရန်ကုန် ဆူဖီယာကျောင်းဆရာ) နှင့်တကွ ဖားဖျောက်၊ ကုလားကုန်းရွာတို့ မှ အစစအရာရာ ကူညီပေးခဲ့ကြသူများ အားလုံးကို ကျေးဇူးတင် ဂုဏ်ပြုမှတ်တမ်းတင်အပ်ပါသည်။
ရန်ကုန်သို့ အပြန်
ဦးဇာလီက စာရေးသူအား ကုလားကုန်းရွာမှ လှည်းကြုံရှိတဲ့အတွက် ၁၄-၄-၁၉၈၀ ရက်နေ့  မနက်လှည်းကြုံနှင့် ကျိုက်မရောလှည်းဆိပ်ကို လိုက်ပို့ စေခဲ့ပါတယ်။ ကျိုက်မရောက ဆက်လာပြီး မော်လမြိုင် ဈေးကြီး ဗလီဝင်းမှာပဲ တည်းခိုအိပ်စက် ပါတယ်။ နောက်တစ်နေ့  ၂၅-၄-၁၉၈၀ ရက် မနက် ရန်ကုန်သွားမယ့် ရထားနဲ့ လိုက်ခဲ့ပါတယ်။
ဂျပန်စစ်လျော်ကြေးကိစ္စ
ဒုတိယကမ္ဘာစစ်အတွင်းက တရုတ်ပြည်၊ ကိုရီးယား၊ ဖော်မိုဆာ၊ စင်င်္ကာပူ၊ မလေးရှား၊ အင်ဒိုနီးရှား ၊ ဖိလစ်ပိုင် အစရှိတဲ့ နိုင်ငံများကို ကျူးကျော်မှုတွေ လုပ်ခဲ့တဲ့အတွက် ယနေ့ သက်ဆိုင်ရာ ၀န်ကြီးချုပ်နဲ့ အစိုးရအဖွဲ့ ထံ ၀န်းချတောင်းပန်တာ တွေကြားရပါတယ်။
စစ်တွင်းက ကိုရီးယား အမျိုးသမီးတွေကို ဂျပန်တပ်မတော်သားများအတွက် ပြည့်တန်ဆာများအဖြစ်၊ ဆောင်ကြာမြိုင်မယ်များ အဖြစ် အတင်းအဓမ္မစေခိုင်းခဲ့တဲ့အတွက် အဲဒီတုန်းက ပါဝင်အသုံးတော်ခံခဲ့ရတဲ့ အသက်ထင်ရှား ရှိတဲ့ ကိုရီးယား အမျိုးသမီးကြီးများက လက်ရှိ ဂျပန်အစိုးရထံ လျောကြေးတောင်းခံခဲ့ပါတယ်။
ဒီလို မွန်ပြည်နယ်၊ မော်လမြိုင်ခရိုင် ကျိုက်မရောမြို့ နယ်မှ ကုလားကုန်းကျေးရွာရှိ နိုညှာကလေးတွေနဲ့  အမှည့်ကြွေတော့မယ့် သက်ကြီးရွယ်အိုတွေ၊ လူကြီးလူငယ် စုစုပေါင်း ၇၆၉ယောက်တို့ အား လူမဆန်စွာ ရက်ရက်စက်စက် ကလေးတွေကို ရေတွင်းဘောင်နဲ့  ရိုက် ၊ ရေတွင်းထဲ ပစ်ချ၊ လူကြီးလူငယ်တွေ ကိုသေနတ်နဲ့ ပစ်၊ လှံစွပ်နဲ့ ထိုး ၊ ဓားနဲ့ ခုတ်၊ အမျိုးသမီးတွေကို အဓမ္မကျင့်ပြီးသတ်၊ ကုလားကုန်းရေတွင်း ၂၂ တွင်း ထဲမသေမရှင် အစိမ်းသက်သက်ပစ်ချ၊ သွေးသံရဲရဲ အသေဆိုးနဲ့ သေခဲ့ရတယ်။ ကလေးတွေကို စပါးကျီထဲထည့် မီးရိူ့ သတ်ခဲ့တယ်။
အလယ်တံခွန်တိုင် (သံဖြူဇရပ်လမ်း)မှာ အမျိုးသမီးတွေကို မုဒိမ်းဝအောင် ကျင့်ပြီး သတ်ခဲ့တယ်။ ယခုတိုင် ကုလားမသင်္ချိုင်းလို့  သမိုင်းမှာ အထင်ကရ ရှိခဲ့တယ်။
ဒုတိယကမ္ဘာစစ်ပြီးစကတော့ ဂျပန်က မြန်မာပြည်ကို စစ်လျော်ကြေးပေးတယ်ဆိုတာ ကြားရပါတယ်။ ဒါပင်မဲ့ ဒီလို ရက်ရက်စက်စက် သတ်ဖြတ်ခဲ့တဲ့ ရွာသူရွာသားတွေကို ၀မ်းနည်းစကား တစ်ခွန်းတစ်လေမှ ဒီနေ့ ထိလည်း လာမပြော၊ လျော်ကြေးလည်း တစ်ပြားတစ်ချပ်မှ မပေး။ ဒီလို ဥပေက္ခာပြုထားခြင်း ခံရတာဟာ အရုပ်ဆိုး အကျည်းတန်လှပါတယ်။ ဒီလို လျစ်လျူရူထားတဲ့အတွက်လည်း ၀မ်းနည်းစရာပါ။
ဝမ်းအိုဝမ်း ကျော်ဝင်းမောင်
မေ့ပျောက်လောက်နီးနီးဖြစ်နေသည့် ဆရာကြီး၏ ကျိုက်မရောနယ်ရဲ့ အလှကို အကျည်းတန်စေခဲ့တဲ့ သမိုင်းဖြစ်ရပ်မှန် စာအုပ်ထဲမှ ဖြစ်စဉ်များကို ပြန်လည်ဖေါ်ပြလိုက်ခြင်းဖြစ်ပါတယ်။ တိုင်းပြည်တစ်ပြည် လွတ်မြောက်ဖို့  ရှင်သန်ဖို့ အတွက် အသွေးအရောင်စုံ ရှိသည့် ဘ၀ပေါင်းများစွာ ပေးဆပ်စတေးခဲ့ရခြင်းကို အမှတ်ရ တန်ဖိုးထားတတ်စေဖို့  ရည်သန် ပါသည်။ အကျည်းချုံးဆောင်းပါးသဖွယ် ဖေါ်ပြလိုက်သည့်အတွက် လိုအပ်ချက်များ ရှိခဲ့ပါက ကျွန်တော်၏ အမှားများသာ ဖြစ်ပါကြောင်း နားလည်စေလိုပါသည်။
မူရင်းစာအုပ် အစအဆုံးဖတ်လိုလျှင်
ပြန်လည်ဝေမျှသူ
တင်မင်းထွဋ်