ဩဂုတ် ၁၉၊ ၂၀၂၁
M-Media
-နိုက်ဂျီးရီးယားနိုင်ငံအလယ်ပိုင်းမှာ စနေနေ့က မွတ်စလင် ၉၀ ပါတဲ့ ခရီးသွားတွေကို ခရစ်ယာန် ပြည်သူ့စစ်အဖွဲ့က ဝင်ရောက်တိုက်ခိုက်ခဲ့တာကြောင့် အနည်းဆုံး ၂၂ ဦး သေဆုံးခဲ့ပါတယ်။
နိုက်ဂျီးရီးယားရဲ့ အလယ်ပိုင်းနဲ့ အနောက်မြောက်ပိုင်းတွေမှာ စားကျက်၊ မြေနဲ့ ရေရင်းမြစ် ထိန်းချုပ်လိုမှုတွေကြောင့် မွတ်စလင်မွေးမြူရေးသမားတွေနဲ့ ခရစ်ယာန် လယ်သမားတွေအကြား မကျေလည်မှုဖြစ်နေတာ နှစ်ချီရှိနေပါပြီ။
အဲဒီပြဿနာတွေကနေတစ်ဆင့် အကြမ်းဖက်သတ်ဖြတ်မှုတွေလည်း ပေါ်ပေါက်လေ့ရှိပါတယ်။ အလယ်ပိုင်း ပလက်တိုပြည်နယ်မြို့တော် ဂျို့စ်ရဲ့ ဆင်ခြေဖုံးမှာ ဖြစ်ခဲ့တဲ့ စနေနေ့အဖြစ်အပျက်မှာ ဘတ်စ်ကား ၅ စီးနဲ့ လိုက်ပါလာတဲ့ မွတ်စလင်တွေကို ခရစ်ယာန် ပြည်သူ့စစ်အဖွဲ့တစ်ခုဖြစ်တဲ့ Irigwe က တိုက်ခိုက်ခဲ့တာ ဖြစ်ပါတယ်။
ရဲတပ်ဖွဲ့က တိုက်ခိုက်မှုအတွင်း ၂၁ ဦးသေဆုံးကာ၊ ၁၄ ဦး ဒဏ်ရာရခဲ့ပြီး ၂၁ ဦးကို ကယ်ဆယ်နိုင်တယ်ခဲ့တယ်လို့ ထုတ်ပြန်ပါတယ်။ ပလက်တိုပြည်နယ်အစိုးရ တာဝန်ရှိသူ ဒန်လာဒီ အာတူက သေဆုံးသူအရေအတွက်ဟာ ရဲတပ်ဖွဲ့က ထုတ်ပြန်တာထက် များပြားကာ ပျောက်ဆုံးနေသူတွေ ရှိတယ်လို့ ပြောကြားခဲ့ပါတယ်။
Irigwe အဖွဲ့ဟာ တိုက်ခိုက်မှုမှာ ဓားတွေ၊ ကျောက်ခဲတွေ အသုံးပြုခဲ့တယ်လို့ မျက်မြင်ကြုံရသူတွေက ဆိုပါတယ်။
ပလက်တိုမြို့တော် ဂျို့စ်ဟာ ခရစ်ယာန်နဲ့ မွတ်စလင်တွေအကြား တိုက်ခိုက်မှုတွေဖြစ်ပွားလေ့ရှိရာ နေရာဖြစ်ပြီး ၂၀၀၁ ခုနှစ် စက်တင်ဘာက အပြန်အလှန် တိုက်ခိုက်မှုအတွင်း အနည်းဆုံး ၉၁၃ ဦး သေဆုံးခဲ့ပါတယ်။
Ref: Alarabiya
