စက်တင်ဘာ ၁၉၊ ၂၀၂၀
M-Media
-အသက် ၁၄ နှစ်အောက် ကလေးငယ်တွေကို အဓမ္မကျင့်တဲ့သူတွေကို ကွပ်မျက်မယ့် ဥပဒေကို နိုက်ဂျီးရီးယားနိုင်ငံရဲ့ ပြည်နယ်တစ်ခုမှာ ပြဌာန်းလိုက်ပါတယ်။
ကိုရိုနာကပ်ရောဂါကြောင့် Lock Down ချထားတဲ့အချိန် အဓမ္မကျင့်မှု မြင့်တက်လာတာကို တားဆီးဖို့အတွက် နိုင်ငံ အနောက်မြောက်ပိုင်း ကာဒူနာပြည်နယ်မှာ ဒီလိုပြင်းထန်တဲ့ ပြစ်ဒဏ်မျိုး ပေါ်ပေါက်လာတာ ဖြစ်ပါတယ်။
အသက် ၁၄ နှစ်အထက် လူငယ်တွေကို အဓမ္မကျင့်သူတွေကိုတော့ အခုဥပေဒသစ်အရ သင်းကွပ်မှာ ဖြစ်ပါတယ်။
ကာဒူနာပြည်နယ်အုပ်ချုပ်ရေးမှူး နာဆီရ် အဟ်မန် အလ်-ရူဖိုင်က ကလေးငယ်တွေအပေါ် ဆိုးရွားတဲ့ ရာဇ၀တ်မှု ကျူးလွန်တာကို တားဆီးဖို့အတွက် ဒီလို ပြင်းထန်တဲ့ အပြစ်ပေးမှုတွေ လိုအပ်တယ်လို့ ပြောကြားခဲ့ပါတယ်။
ကုလရဲ့ အချက်အလက်တွေအရ နိုက်ဂျီးရီးယား အမျိုးသမီး ၄ ဦးမှာ ၁ ဦးက အသက် ၁၈ နှစ်ပြည့်ခင်မှာ လိင်ပိုင်းဆိုင်ရာ စော်ကားမှုကို ခံရတယ်လို့ ဆိုပါတယ်။
Ref: RT