Tag: Noble Prize

စနေနေ့မနက် နိုင်ငံတကာသတင်းများ

မေ ၅၊ ၂၀၁၈
M-Media

မလေးရှား ရဲတပ်ဖွဲ့ဝင်များ

မီးတောင်လှုပ်ရှားမှုကြောင့် ဟာဝိုင်ယီတွင် အရေးပေါ် ပြောင်းရွှေ့ရ
===============
အမေရိကန်ပြည်ထောင်စု ဟာဝိုင်ယီက ဘစ်ဂ်ကျွန်းမှာ Kilauea မီးတောင် လှုပ်ရှားမှုကြောင့် ဒေသခံပြည်သူ ၁၇၀၀ လောက်ကို နေအိမ်တွေကနေ အရေးပေါ်ရွှေ့ပြောင်းဖို့အတွက် အစိုးရက အမိန့်ထုတ်ပြန်ခဲ့ပါတယ်။ ကျွန်းပေါ်က လမ်းအက်ကြောင်းတွေကနေ ချော်ရည်တွေ ထွက်တဲ့အထိဖြစ်ခဲ့ပြီး ကြာသာပတေးနေ့မနက်ပိုင်းက အင်အား ၅ မဂ္ဂနီကျုရှိတဲ့ ငလျင်တစ်ခု အပါအ၀င် ပြီးခဲ့တဲ့ရက်ပိုင်းအတွင်း ငလျင်အသေးတွေလည်း လှုပ်ခပ်ခဲ့ပါတယ်။

၂၀၁၈ စာပေဆိုင်ရာနိုဘယ်ဆုချီးမြှင့်မှုကို ရွှေ့ဆိုင်း
=============
အဖွဲ့အတွင်း လိင်ပိုင်းဆိုင်ရာနဲ့ ဘဏ္ဍာရေးဆိုင်ရာ အရှုပ်အထွေးပြဿနာတွေ ရှိနေတာကြောင့် ၂၀၁၈ ခုနှစ်အတွက် စာပေဆိုင်ရာနိုဘယ်ဆု ချီးမြှင့်မှုကို ရွှေ့ဆိုင်းမယ်လို့ ဆွီဒင်အကယ်ဒမီက ပြောကြားလိုက်ပါတယ်။ အကယ်ဒမီဟာ စာပေဆိုင်ရာနိုဘယ်ဆုကို ရွေးချယ်ပေးရတဲ့အဖွဲ့ဖြစ်ပြီး ထင်ရှားတဲ့ အဖွဲ့ဝင် ဂျန် ကလော့ဒီ
အာနော့ လိင်ပိုင်းဆိုင်ရာ စော်ကားမှု လုပ်ခဲ့တယ်လို့ သတင်းတွေထွက်နေတာကြောင့် ဝေဖန်မှုတွေ ခံနေရပါတယ်။ တစ်ခြားနယ်ပယ်တွေအတွက် ဆုတွေကို ဆက်လက်ချီးမြှင့်သွားမှာဖြစ်ပြီး ၂၀၁၈ ခုနှစ်အတွက် စာပေဆိုင်ရာ နိုဘယ်ဆုကို ၂၀၁၉ ခုနှစ်မှာ ချီးမြှင့်မယ်လို့ အကယ်ဒမီက ထုတ်ပြန်ခဲ့ပါတယ်။

မြောက်ကိုရီးယားက စံတော်ချိန်ကို တောင်ကိုရီးယားနှင့် တူအောင် ရှေ့တိုး
===========
မြောက်ကိုရီးယားဟာ သူတို့ရဲ့စံတော်ချိန်ကို တောင်ကိုရီးယားနဲ့တူအောင် ဒီကနေ့မှာ မိနစ် ၃၀ ရှေ့တိုးလိုက်ပါတယ်။ ပြီးခဲ့တဲ့တစ်ပတ် တောင်ကိုရီးယားသမ္မတ မွန်ဂျယ်အင်နဲ့ တွေ့ဆုံမှုအတွင်း မြောက်ကိုရီးယားခေါင်းဆောင် ကင်ဂျုံအွန်က စံတော်ချိန်ကို တူအောင်ညှိသွားမယ်လို့ ကတိပေးခဲ့တာပါ။ မြောက်ကိုရီးယားသတင်း
ဌာနကတော့ ဒီလို အချိန်ရှေ့တိုးမှုဟာ နှစ်နိုင်ငံပေါင်းစည်းရေးအတွက် လက်တွေ့ကျတဲ့ ပထမဆုံးဆောင်ရွက်မှု ဖြစ်တယ်လို့ ပြောကြားခဲ့ပါတယ်။ ဒါ့ကြောင့် ကိုရီးယားနှစ်နိုင်ငံနဲ့ ဂျပန်တို့ဟာ စံတော်ချိန် တူသွားပြီ ဖြစ်ပါတယ်။

မလေးရှားလက်နက်ကိုင်တပ်ဖွဲ့များ လွတ်လပ်စွာ မဲပေးခွင့်ရမည်
=============
မေလ ၅ ရက် (ယနေ့) မှာပြုလုပ်တဲ့ ကြိုတင်မဲပေးမှုအတွင်း ကိုယ်နှစ်သက်ရာပါတီကို မဲထည့်လို့ရတယ်လို့ မလေးရှား ရေတပ်နဲ့ ရဲတပ်ဖွဲ့တွေက တပ်ဖွဲ့ဝင်တွေကို ပြောကြားလိုက်ပါတယ်။ အတိုက်အခံခေါင်းဆောင် မဟာသီယာ မိုဟာမက်က တပ်ဖွဲ့ဝင်တွေ လွတ်လပ်စွာ မဲပေးခွင့်ပေးရေး စစ်တပ်နဲ့ ရဲတပ်ဖွဲ့ကို တိုက်တွန်းပြီးတဲ့နောက်ပိုင်း ရေတပ်နဲ့ ရဲတပ်ဖွဲ့အကြီးအကဲတွေက ဒီလိုအခွင့်အရေးပေးထားကြောင်း မေလ ၂ ရက်နေ့က Facebook စာမျက်နှာမှာ ကြေငြာခဲ့ပါတယ်။

Ref: CNA, Aljazeera

May 5, 2018
ချီကာဂိုတက္ကသိုလ်ပါမောက္ခ စီးပွားရေးဆိုင်ရာ နိုဘယ်ဆုရရှိ

အောက်တိုဘာ ၁၀၊ ၂၀၁၇
M-Media

– အမေရိကန်စီးပွားရေးပညာရှင် ရစ်ချတ် တေလာသည် စီးပွားရေးနှင့် စိတ်ပညာအကြား လစ်လပ်နေသည့် ကွက်လပ်ကို ဖြည့်ဆည်းပေးနိုင်ခဲ့သည့် ၎င်း၏လုပ်ဆောင်မှုအတွက် စီးပွားရေးဆိုင်ရာ နိုဘယ်ဆုကို ရရှိခဲ့ကြောင်း ရွေးချယ်ရေးအဖွဲ့က ယမန်နေ့တွင် ပြောကြားလိုက်သည်။

“ကျိုးကြောင်းဆင်ခြင်နိုင်စွမ်း အကန့်အသတ်၊ လူမှုရေးဆိုင်ရာ အလေးထားမှုနဲ့ ကိုယ့်ကိုယ်ကို ထိန်းချုပ်နိုင်စွမ်းကင်းမဲ့မှုတွေရဲ့ အကျိုးဆက်တွေကို ရှာဖွေဖော်ထုတ်နိုင်ခြင်းအားဖြင့် ဒီအချက်တွေက လူတစ်ဦးချင်းရဲ့ ဆုံးဖြတ်ချက်တွေနဲ့ စီးပွားရေးရလဒ်အပေါ် ဘယ်လိုသက်ရောက်နိုင်လဲဆိုတာကို သူက ပြသခဲ့ပါတယ်” ဟု အဖွဲ့မှ ထုတ်ပြန်သည့် ကြေငြာချက်တွင် ဖော်ပြထားသည်။

ထို့ပြင် လက်တွေ့ကျသည့် ထိုတွေ့ရှိချက်များ၊ သီအိုရီပိုင်းဆိုင်ရာ အယူအဆများက စီးပွားရေးနယ်ပယ်ကို ကျယ်ပြောလာစေခဲ့ပြီး သုတေသနနှင့် ပေါ်လစီဆိုင်ရာများတွင် သိသိသာသာ ရိုက်ခတ်မှုများ ရှိခဲ့သည်ဟုလည်း ဆိုသည်။

တေလာက နိုဘယ်ဆုရရှိခဲ့သည့်အတွက် ၀မ်းသာပီတိ ဖြစ်ရသည်ဟု ဗီဒီယိုမှတစ်ဆင့် နိုဘယ်ဆု ချီးမြှင့်ရေး ကော်မတီကို ပြောကြားခဲ့သည်။

အသက် ၇၂ နှစ်အရွယ်ရှိ တေလာသည် ဆုငွေအဖြစ် ခရိုနာ ၉ သန်း (ကန်ဒေါ်လာ ၁.၁ သန်း) ကို ရရှိမည် ဖြစ်သည်။

တေလာမှာ စီးပွားရေးဆိုင်ရာ နိုဘယ်ဆုအရများသည့် ချီကာဂိုတက္ကသိုလ်မှ ပါမောက္ခတစ်ဦးလည်းဖြစ်သည်။ လက်ရှိအချိန်အထိ နိုဘယ်ဆုရှင် စုစုပေါင်း ၇၉ ဦးတွင် ၃ ပုံ ၁ ပုံကျော်မှာ ချီကာဂိုတက္ကသိုလ် စီးပွားရေးဌာနနှင့် ဆက်နွယ်နေသည်။

Source: AFP

October 10, 2017
၂၀၁၇ နိုဘယ်ငြိမ်းချမ်းရေးဆုကို နျူလက်နက် ဆန့်ကျင်ရေးအဖွဲ့ ရရှိ

အောက်တိုဘ ၆၊ ၂၀၁၇
M-Media

နိုဘယ်ဆုကော်မတီဥက္ကဌ ဘီရစ် ရီအစ်-အန်ဒါဆန်(၀ဲ)

– ၂၀၁၇ ခုနှစ်အတွင် ငြိမ်းချမ်းရေး နိုဘယ်ဆုကို နျူလက်နက်ဆန့်ကျင်ရေးအဖွဲ့ Campaign to Abolish Nuclear Weapons (ICAN) က ရရှိသွားခဲ့သည်ဟု သိရသည်။

နျူလက်နက် မည်သည့်အသုံးပြုမှုမဆို လူသားချင်းစာနာထောက်ထားမှုဆိုင်ရာ နောက်ဆက်တွဲ ဆိုးကျိုးများ ဆိုးဆိုးဝါးဝါး ခံစားရမည်ဆိုသည့် အသိပေးမှု၊ သဘောတူညီချက်အခြေပြု နျူလက်နက် တားဆီးရေး စွမ်းစွမ်းတမံ ဆောင်ရွက်မှုများအတွက် ICNA အဖွဲ့အား ယခုကဲ့သို့ နိုဘယ်ဆုကို ချီးမြှင့်ရခြင်းဖြစ်သည်ဟု နိုဘယ်ဆုကော်မတီဥက္ကဌ ဘီရစ် ရီအစ်-အန်ဒါဆန်က ယနေ့တွင် ပြောကြားခဲ့သည်။

ICAN အဖွဲ့မှာ ဂျီနီဗာအခြေစိုက်ဖြစ်ပြီး အဖွဲ့ အမှုဆောင်ဒါရိုက်တာ ဘီရစ်ဖင်က နျူလက်နက်များ တားဆီးရေးကိစ္စကို နိုင်ငံများက လစ်လျူရှုထားကြသည်ဟု နိုဘယ်ဆု ရရှိကြောင်း သိရှိပြီးနောက သတင်းထောက်များအား ပြောကြားခဲ့သည်။

“လက်ရှိအချိန်မှာ တော်တော် မလွယ်ကူတဲ့အနေအထားပါ။ နျူလက်နက် တားဆီးရေးသဘောတူညီချက်ဟာ ကြီးမားတဲ့ အောင်မြင်မှုတစ်ခုဖြစ်ပြီး လက်ရှိအနေအထားဟာ လက်ခံနိုင်ဖွယ်ရာ မရှိဘူးဆိုတာ နျူလက်နက် ပိုင်ဆိုင်ထားတဲ့ နိုင်ငံတွေကို ပြင်းပြင်းထန်ထန် အသိပေးနေတာလည်း ဖြစ်ပါတယ်။ ဒီသဘောတူညီချက်မှာ နိုင်ငံတိုင်း ပါဝင်လာဖို့အတွက် ကျွန်မတို့ဟာ တကယ့်ကို ကြိုးစားရပါအုံးမယ်”

နိုဘယ်ဆုကော်မတီ ဥက္ကဌက နျူလက်နက်များမှာ ကမ္ဘာကြီးကို ခြိမ်းခြောက်နေပြီး ယခုအချိန် ထိုလက်နက်များကို ဥပဒေဖြင့် တားဆီးနိုင်မည့် နိုင်ငံတကာ သဘောတူညီချက်မျိုး မရရှိသေးဟု ထောက်ပြခဲ့သည်။

Ref: Aljazeera

October 6, 2017
၂၀၁၇ ခုနှစ် စာပေနိုဘယ်ဆုကို ယူကေစာရေးဆရာ ရရှိ

အောက်တိုဘာ ၅၊ ၂၀၁၇
M-Media

၂၀၁၇ ခုနှစ်အတွက် စာပေဆိုင်ရာ နိုဘယ်ဆုရှင် ကာဇူအို အီရီဂူရို

– ၂၀၁၇ ခုနှစ်အတွက် စာပေဆိုင်ရာ နိုဘယ်ဆုကို ဗြိတိသျှ စာရေးဆရာ ကာဇူအို အီရီဂူရိုက ရရှိသွားခဲ့သည်ဟု သိရသည်။

“ဒီစာရေးဆရာဟာ ကမ္ဘာကြီးနဲ့ ဆက်သွယ်မှုမှာ ကျွန်တော်တို့ရဲ့ အသိအောက်က တိမ်မြှုပ်နေတဲ့ နက်ရှိုင်းမှုကို ခံစားမှုအား ကြီးကြီးမားမား ပါဝင်တဲ့ ၀တ္ထုတွေနဲ့ ဖော်ထုတ်သူပါ” ဟု နိုဘယ်ဆုချီးမြှင့်ရေးကော်မတီက ယနေ့တွင်ထုတ်ပြန်သော ကြေငြာချက်၌ ဖော်ပြထားသည်။

အသက် ၆၂ နှစ်အရွယ် အီရီဂူရိုမှာ ဂျပန်တွင် မွေးဖွားခဲ့သူဖြစ်ပြီး အသက် ၅ နှစ်အရွယ်တွင် မိသားစုနှင့်အတူ အင်္ဂလန်သို့ ပြောင်းရွှေ့လာခဲ့သည်။ Kent တက္ကသိုလ်မှ အင်္ဂလိပ်နှင့် ဒဿနိကဗေဒ အထူးပြုဖြင့် ဘွဲ့ရခဲ့သည့် အီရှီဂူရိုမှာ နောက်ပိုင်းတွင် ‘ဆန်းသစ်သောရေးဟန်’ ဖြင့် East Anglia တက္ကသိုလ်မှ မဟာဘွဲ့ ရရှိခဲ့သည်။

၎င်းရေးသားခဲ့သည့် ၀တ္ထုများတွင် Never Let Me Go နှင့် ၄ ပတ်အတွင်း ပြီးစီးအောင် ရေးခဲ့သည်ဆိုသည့် The Remains of the Day စာအုပ်တို့မှာ ကျော်ကြားသည်။ ၎င်းမှာ ပြဇာတ်များကိုလည်း ရေးသားလေ့ရှိသည်။

၎င်း၏ နောက်ဆုံးစာအုပ်မှာ The Bured Giant ဖြစ်တဲ့ ၂၀၁၅ ခုနှစ်တွင် ရေးသားထုတ်ဝေခဲ့သည်။

Ref: Aljazeera

October 5, 2017
၂၀၁၇ ဓာတုဗေဒနိုဘယ်ဆုကို သိပ္ပံပညာရှင် ၃ ဦး ရရှိ

အောက်တိုဘာ ၅၊ ၂၀၁၇
M-Media

– ဇီဝမော်လီကျူးတွေရဲ့ ပုံရိပ်တွေကို လေ့လာကြည့်ရှုရာမှာ ပိုမိုတိုးတက်အောင် ဆောင်ရွက်နိုင်ခဲ့တဲ့ သိပ္ပံပညာရှင်သုံးဦးဟာ ၂၀၁၇ ခုနှစ်အတွက် ဓာတုဗေဒဆိုင်ရာ နိုဘယ်ဆု ရရှိခဲ့တယ်လို့ သိရပါတယ်။

Jacques Dubochet၊ Joachim Frank နှင့် Richard Henderson တို့ ဖြစ်ကြပြီး၊ သူတို့အဖွဲ့ဟာ လူ့ခန္ဓာကိုယ်အတွင်းက ဖြစ်ပျက်နေတဲ့ မော်လီကျူး ဖြစ်စဉ်တွေကို ကြည့်ရှုရမှာ ပိုမိုရှင်းလင်းစေမယ့် cryo-electron microscopy (cryo-EM) နည်းပညာတစ်ခုကို တီထွင်ခဲ့တာပါ။

အဲဒီနည်းပညာကြောင့် ဇီဝမော်လီကျူးတွေရဲ့ တည်ဆောက်ပုံကို ရွေ့လျားနေစဉ်မှာတောင် ဖမ်းယူကြည့်ရှုနိုင်မှာဖြစ်ပြီး တစ်ခါမှ မမြင်ဘူးသေးတဲ့ ပုံစံမျိုးနဲ့ တွေ့မြင်ခွင့်ရရှိခဲ့ပါတယ်။

ပရော်ဖက်ဆာ Dubochet ဟာ ဆွစ်ဇာလန်မှာ မွေးတာဖြစ်ပြီး၊ Frank က ဂျာမနီနိုင်ငံသားဖြစ်ကာ၊ Henderson ကတော့ ယူကေနိုင်ငံသားဖြစ်ပါတယ်။

နိုဘယ်ဆု ချီးမြှင့်ရေးကော်မတီက သူတို့ ၃ ဦးရဲ့ တွေ့ရှိမှုဟာ ခေတ်သ ဇီဝဓာတ်တု နယ်ပယ်မှာ ကြီးမားတဲ့ ဖော်ထုတ်မှုကြီးဖြစ်တယ်လို့ ပြောကြားခဲ့ပါတယ်။

“မကြာခင်မှာ ဘာလျှို့ဝှက်ချက်မှ ရှိနိုင်တော့မှာ မဟုတ်ပါဘူး၊ အခုအချိန်မှာ ကျွန်တော်တို့ ခန္ဓာကိုယ်ရဲ့ ရှိသမျှ အရည်အစက်တိုင်း၊ ဆဲလ်တွေရဲ့ ထောင့်ချိုးတိုင်းမှာရှိနေတဲ့ ဇီဝမော်လီကျူးတွေရဲ့ ရှုပ်ထွေးပွေလီတဲ့ အသေးစိတ်မှန်သမျှကို မြင်နိုင်နေပြီ ဖြစ်ပါတယ်” လို့ နိုဘယ်ဆုချီးမြှင့်ရေးကော်မတီဥက္ကဌ Sara Snogerup Linse က ပြောကြားခဲ့ပါတယ်။

Ref: BBC

October 5, 2017