Tag: north korea

မေ ၁၃၊ ၂၀၁၅
M-Media

– သစ္စာဖောက်သည်ဟူသော စွဲချက်များဖြင့် ကာကွယ်ရေးဝန်ကြီး ဟွန် ယွန် ချိုလ်အား မြောက်ကိုရီးယားက ကွပ်မျက်လိုက်သည်ဟု တောင်ကိုရီးယား အမျိုးသားထောက်လှမ်းရေးက ပါလီမန်တွင် ပြောကြားခဲ့သည်။

ဟွန်အား ရာထူးမှ ထုတ်ပယ်ခဲ့ပြီးနောက် လေယာဉ်ပစ်စက်သေနတ်ဖြင့် လက်ဖြောင့်တပ်ဖွဲ့က ကွပ်မျက်ခဲ့ခြင်းဖြစ်ပြီး ထိုကွပ်မျက်မှုကို လူပေါင်း ရာနှင့်ချီ၍ ကြည့်ရှုခဲ့ကြသည်ဟု တောင်ကိုရီးယားမီဒီယာများက ယနေ့တွင် ဖော်ပြခဲ့သည်။

ဟွန်မှာ ဧပြီလက မော်စကိုတွင်ပြုလုပ်သည့် လုံခြုံရေးဆိုင်ရာ ညီလာခံသို့ တက်ရောက် မိန့်ခွန်းပြောကြားခဲ့သူဖြစ်ပြီး စစ်ဘက်ဆိုင်ရာ အခမ်းအနားတစ်ခုတွင် ငိုက်မျည်းခဲ့ကာ ခေါင်းဆောင် ကင်ဂျုံအန်အား မလေးစားသည့်သဘောမျိုး ဖြစ်စေခဲ့သည်ဟု တောင်ကိုရီးယား ထောက်လှမ်းအေဂျင်စီက ပြောကြားခဲ့သည်။

ကင်ဂျုံအန်မှာ ၎င်း၏ အာဏာကို စိန်ခေါ်မှုအတွက် အပြစ်ပေးခြင်းအဖြစ် ယခုနှစ်အတွင်း အကြီးတန်းအရာရှိ ၁၅ ဦးကို ကွပ်မျက်ခဲ့သည်ဟု အဆိုပါ အေဂျင်စီက ပြီးခဲ့သည့်လတွင် ပြောကြားခဲ့သည်။

“မြောက်ကိုရီးယားရဲ့ ပြည်တွင်းနိုင်ငံရေးက အခုရက်တွေမှာ တော်တော်လေး မတည်မငြိမ် ဖြစ်နေပါတယ်။ မြောက်ကိုရီးယား ခေါင်းဆောင်မှုပိုင်းရဲ့ အတွင်းပိုင်းနဲ့ အလယ်အလတ်အဆင့်တွေမှာ ကင်ဂျုံအန်ကို လေစားမှု ရှိပုံမရပါဘူး” ဟု မြောက်ကိုရီးယား ခေါင်းဆောင်ပိုင်းဆိုင်ရာ ကျွမ်းကျင်သူဖြစ်ပြီး 38 North တတ်သိပညာရှင်များအဖွဲ့အား ကူညီထောက်ပံ့ပေသူ မိုက်ကယ်
မက်ဒန်က ပြောကြားခဲ့သည်။

ထို့ပြင် ကင်ဂျုံအန်၏ ခေါင်းဆောင်မှု သို့မဟုတ် မြောက်ကိုရီးယား၏ တည်ငြိမ်မှုတို့အတွက် လက်အချိန် အန္တရာယ်မှာ ရှင်းရှင်းလင်းလင်း မရှိသေးကြောင်း သို့သော်လည်း ယခုပုံစံမျိုး လာမည့်နှစ်အထိ ဆက်လက်ဖြစ်ပွားပါက ကိုရီးယားကျွန်းဆွယ်အတွက် အရေးပေါ်အစီအစဉ်တစ်ခုကို စီစဉ်ရတော့မည်ဖြစ်ကြောင်း ၎င်းက ထပ်လောင်းပြောကြားခဲ့သည်။

၂၀၁၃ ခုနှစ်ကလည်း ကင်ဂျုံအန်မှာ မြောက်ကိုရီးယားခေါင်းဆောင်ပိုင်းတွင် ဒုတိယ သြဇာအကြီးဆုံးဟု ယူဆကြသည့် ဦးလေးဖြစ်သူ ဂျန်ဆွန်သက်ကို ချစားမှု၊ စီးပွားရေးပျက်စီးသော ရာဇ၀တ်မှုကို ကျူးလွန်မှုတို့ဖြင့် ကွပ်မျက်ခဲ့သည်။

Ref: Todayonline

မေ ၁၁၊ ၂၀၁၅
M-Media

– မြောက်ကိုရီးယားရေငုပ်သင်္ဘောမှ မကြာသေးမီက ပဲ့ထိန်းဒုံးကျည်တစ်စင်း စမ်းသပ်ပစ်လွှတ်မှုကို မိမိတို့အနေဖြင့် အလွန်အမင်း စိုးရိမ်မိပြီး ထိုခြိမ်းခြောက်မှုအတွက် သနားညှာတာမှုကင်းမဲ့စွာ တုံ့ပြန်သွားမည်ဟု တောင်ကိုရီးယားက ပြောကြားလိုက်သည်။

မြောက်ကိုရီးယား နိုင်ငံပိုင်သတင်းဌာနတစ်ခုဖြစ်သော KCNA က မြောက်ကိုရီးယားခေါင်းဆောင် ကင်ဂျုံအန်မှာ ကမ်းလွန်မှ အဆိုပါဒုံးကျည် စမ်းသပ်ပစ်လွှတ်မှုကို ကိုယ်တိုင်ကြီးကြပ်ခဲ့သည်ဟု စနေနေ့က ဖော်ပြခဲ့သည်။ ထိုဒုံးကျည် ထုတ်လုပ်နိုင်မှုက မြောက်ကိုရီးယား၏ အိမ်နီးချင်းနိုင်ငံများနှင့် အမေရိကန်တို့အတွက် ခြိမ်းခြောက်မှုအသစ်လည်း ဖြစ်သည်။

“ဘယ်လိုရန်စမှုမျိုးမဆို အဲဒီရန်စမှုတွေကို (တောင်ကိုရီးယားက) ညှာတာမှုကင်းမဲ့စွာနဲ့ တိုက်ဖျက်သွားမှာ ဖြစ်ပါတယ်။ ရန်စမှုအတွက် ဒဏ်ခတ်ခြင်းဆိုတာ ပြည်သူတွေထံကလာတဲ့ အမိန့်ပါပဲ။ ကျွန်တော်တို့စစ်တပ်ဟာ ခိုင်မာတဲ့ စစ်ဘက်ဆိုင်ရာ အသင့်အနေအထားနဲ့
ရပ်တည်သွားမှာဖြစ်ပြီး၊ နိုင်ငံသားတွေ သူတို့ရဲ့ နေ့စဉ်ဘ၀မှာ လွယ်လွယ်ကူကူ ရှိစေဖို့အတွက် ကျွန်တော်တို့ဟာ ပြည်ဝတဲ့ ဆောင်ရွက်မှုတွေကိုလည်း လုပ်ဆောင်သွားမှာပါ” ဟု မြောက်ကိုရီးယား၏ အဆိုပါ ဒုံးကျည် စမ်းသပ်ပစ်လွှတ်မှုနှင့်ပတ်သက်၍ ဆွေးနွေးရန် ယနေ့တွင်ပြုလုပ်သော အရေးပေါ် လုံခြုံရေးအစည်းအဝေး၌ တောင်ကိုရီးယား ကာကွယ်ရေးဝန်ကြီး ဟန် မင် ကူးက ပြောကြားခဲ့သည်ဟု တောင်ကိုရီးယား သတင်းအေဂျင်စီ Yonhap က ဖော်ပြခဲ့သည်။

တောင်ကိုရီးယား ကာကွယ်ရေးဝန်ကြီးဌာနမှ ပြောရေးဆိုခွင့်ရှိသူ ကင် မင် ဆွတ်ကလည်း မြောက်ကိုရီးယားအနေဖြင့် ရေငုပ်သင်္ဘောမှ ပစ်လွှတ်သည့် ပဲ့ထိန်းဒုံးကျည်များ ထုတ်လုပ်နေမှုကို ရပ်တန့်ရန် ယနေ့တွင် တိုက်တွန်းခဲ့ပြီး ထိုသို့ ထုတ်လုပ်မှုက ကိုရီးယားကျွန်းဆွယ်နှင့် အာရှအရှေ့မြောက်ဘက်ဒေသ တည်ငြိမ်အေးချမ်းမှုကို အနှောက်အယှက်ဖြစ်စေသည်ဟု
ထည့်သွင်းပြောကြားခဲ့သည်။

မြောက်ကိုရီးယားအနေဖြင့် ရေငုပ်သင်္ဘောမှ ပစ်လွှတ်သော ပဲ့ထိန်းဒုံးကျည်စနစ် အပြည့်အ၀ အလုပ်ဖြစ်ရန်အတွက် ထပ်တိုးကိရိယာများကို ထုတ်လုပ်ရန် အချိန်ပေးရမည်ဟု ကင်က ဆိုသည်။ သို့သော်လည်း လာမည့် ၂ နှစ် ၃ နှစ်အတွင်း ပဲ့ထိန်းဒုံးကျည်တပ်ကာ အပြည့်အ၀ အသုံးပြုနိုင်သော ရေငုပ်သင်္ဘောတစ်စီးကို ထုတ်လုပ်နိုင်မည်ဟု ၎င်းက သီးခြား ပြောကြားခဲ့သည်။

Ref: Aljazeera

မေ ၄၊ ၂၀၁၅
M-Media

– မြောက်ကိုရီးယားက ပြီးခဲ့သည့် မတ်လအတွင်း ဖမ်းဆီးထားသော တောင်ကိုရီးယားနိုင်ငံသား ၂ ဦးက ၎င်းတို့မှာ တောင်ကိုရီးယား ထောက်လှမ်းရေးအေဂျင်စီအတွက် အလုပ်လုပ်နေသည်ဟု CNN သတင်းဌာနနှင့် အင်တာဗျူးတွင် ပြောကြားလိုက်သည်။
ကင်မ် ကွက် ဂီနှင့် ချို ချန် ဂီလ်တို့ဖြစ်ကြပြီး ၎င်းတို့မှာ တောင်ကိုရီးယား အမျိုးသား ထောက်လှမ်းရေးအေဂျင်စီအတွက် တရုတ်နယ်စပ်ရှိ ဒန်ဒေါင်တွင် သူလျှိုအဖြစ် ဆောင်ရွက်နေသည်ဟု  မြောက်ကိုရီးယားက ဆိုသည်။ နိုင်ငံပိုင် မီဒီယာကလည်း ၎င်းတို့ထဲမှ တစ်ဦးမှာ မြေအောက် ခရစ်ယာန်အသင်းတော်တစ်ခုကို တည်ထောင်ကာ USB စတစ်များ၊ SD ကဒ်များဖြင့် နိုင်ငံရပ်ခြားမှ သတင်းများကို နိုင်ငံအတွင်း ဖြန့်ဖြူးနေသည်ဟု ပြောကြားခဲ့သည်။

တောင်ကိုရီးယားကမူ ထိုစွပ်စွဲချက်အား အခြေအမြစ်မရှိဟု ငြင်းဆိုခဲ့သည်။ CNN က ၎င်းတို့နှစ်ဦးနှင့် မြောက်ကိုရီးယား အာဏာပိုင်များရှေ့တွင် သီးခြားစီ အင်တာဗျူးခွင့်ရခဲ့သည်ဟု ယမန်နေ့တွင် ပြောကြားခဲ့သည်။ သို့သော်လည်း လွတ်လပ်စွာ မေးမြန်းဖော်ထုတ်ခွင့် မရခဲ့ဘဲ ၎င်းတို့၏ ပြောကြားမှုမှာလည်း မြောက်ကိုရီးယား နိုင်ငံပိုင်သတင်းဌာနမှ မတ်လတွင် ထုတ်လွှင့်မှုနှင့် တူညီနေသည်ဟု CNN က ဆိုသည်။

ချို ချန် ဂီလ်က ၎င်းမှာ စီးပွားရေးသမားတစ်ဦးဖြစ်ပြီး သူလျှိုလုပ်နေသည်မှာ ၃ နှစ်ရှိပြီဖြစ်ကြောင်း မြောက်ကိုရီးယား စစ်တပ် လုပ်ငန်းများနှင့် ဆက်နွယ်သည့် ပစ္စည်းသေတ္တာများကို ရယူရန် ကြိုးစားစဉ် ဖမ်းဆီးခံခဲ့ရကြောင်း ပြောကြားခဲ့သည်။

ကင်မ် ကွတ် ဂီကမူ ၎င်းမှာ သာသနာပြုတစ်ဦးဖြစ်ပြီး သူလျှိုလုပ်နေသည်မှာ ၉ နှစ်ခန့်ရှိပြီဖြစ်ကြောင်း၊ မြောက်ကိုရီးယားသို့ လာရောက်လည်ပတ်သည့် နိုင်ငံခြားခေါင်းဆောင်များ လှည့်လည်သွားလာမှုနှင့် အခြားသတင်းအချက်အလက်များကို တောင်ကိုရီးယား အမျိုးသား ထောက်လှမ်းရေးဌာနသို့ ပေးပို့ရကြောင်း ပြောကြားခဲ့သည်။

မြောက်ကိုရီးယားမှာ သူလျှိုဟုယူဆသူများကို ပြီးခဲ့သည့်နှစ်အနည်းငယ်အတွင်း ဖမ်းဆီးမှုများ ပြုလုပ်ခဲ့သည်။ ပြီးခဲ့သည့် စနေနေ့ကလည်း မြောက်ကိုရီးယားက ၎င်းတို့မှာ အမေရိကန် ဂရင်းကဒ် ကိုင်ဆောင်ထားပြီး နယူးယောက်က တက္ကသိုလ်တွင် ကျောင်းတက်နေကာ တရုတ်နိုင်ငံရှိ ယာလူမြစ်မှ နိုင်ငံအတွင်းသို့ ၀င်ရောက်လာသော တောင်ကိုရီးယားနိုင်ငံသား တစ်ဦးကို ဧပြီ ၂၂ ရက်နေ့တွင် ဖမ်းဆီးထားသည်ဟု ကြေညာခဲ့သည်။

Ref: Reuters

ဧပြီ ၂၃၊ ၂၀၁၅
M-Media

– လက်ရှိအချိန်တွင် မြောက်ကိုရီးယားအနေဖြင့် နျူကလီးယားထိပ်ဖူး ၂၀ ခန့် ပိုင်ဆိုင်ထားနိုင်ပြီး လာမည့်နှစ်တွင် ၂ ဆခန့် ဖြစ်လာနိုင်သည်ဟု တရုတ်နျူကလီးယား ပညာရှင်များက ပြောကြားခဲ့သည်ဟု Wall Street ဂျာနယ်က ယမန်နေ့တွင် ဖော်ပြခဲ့သည်။

ယခုလအတွင်း အမေရိကန် မြောက်ဘက်စစ်ဌာနချုပ်မှ အကြီးအကဲနှင့် မြောက်အမေရိက လေကြောင်းကာကွယ်ရေး စစ်ဌာနချုပ် အကြီးအကဲဖြစ်သူ ဗိုလ်ချုပ်ကြီး ၀ီလီယံ ဂေါ့တ်နေးက မြောက်ကိုရီးယားမှာ ခြေရာခံရန်ခက်ခဲသည့် ရွှေ့ပြောင်းလောင်ချာများမှနေ၍ နျူးကလီးယားထိပ်ဖူးတပ် တိုက်ချင်းပစ်ဒုံးကျည်များကို အမေရိကန် အနောက်ဘက်ကမ်းခြေသို့ ပစ်ခတ်နိုင်စွမ်းရှိသည်ဟု အမေရိကန်စစ်တပ်က ယုံကြည်ကြောင်း ပြောကြားခဲ့သည်။

၂၀၁၅ ခုနှစ် အစောပိုင်းကလည်း ဂျွန်ဟော့ကင်းတက္ကသိုလ် အမေရိကန်-ကိုရီးယား အသင်းမှ ထုတ်ပြန်သော အစီရင်ခံစာတွင် မြောက်ကိုရီးယားက နျူကလီးယားထိပ်ဖူး သိုလှောင်မှု ချဲ့ထွင်ခြင်းလုပ်ငန်း၏ အခြေအနေ ၃ ရပ်ကို ဖော်ပြခဲ့ပြီး လာမည့် ၅ နှစ်အတွင်း ထိပ်ဖူး ၂၀၊ ၅၀ သို့မဟုတ် ၁၀၀ အထိ မြင့်တက်လာနိုင်သည်ဟု ခန့်မှန်းတွက်ချက်ခဲ့သည်။

မြောက်ကိုရီးယား၏ အိမ်နီးချင်းနိုင်ငံများက အဆိုပါခြိမ်းခြောက်မှုကို အကြီးဆုံး ရင်ဆိုင်ရသူများ ဖြစ်မည်ဟုဆိုပြီး အမေရိကန်အား တိုက်ခိုက်နိုင်စွမ်း ရှိမည်လားဆိုသည်မှာ မေးခွန်းထုတ်စရာဖြစ်နေသည်ဟု အဆိုပါအစီရင်ခံစာတွင် ထည့်သွင်းဖော်ပြခဲ့သည်။

သို့သော်လည်း အမေရိကန်အား တိုက်ရိုက်ပစ်လွှတ်နိုင်ရန်အတွက်မူ မြောက်ကိုရီးယားအနေဖြင့် နိုင်ငံရပ်ခြားမှ ပညာရပ်များနှင့် အဆင့်မြှင့်တင်မှုကို လိုအပ်မည်ဟုလည်း ဆိုသည်။ မြောက်ကိုရီးယားမှာ ၂၀၀၆ ခုနှစ်က နျူးကလီးယားစမ်းသပ်မှု ၃ ကြိမ်ပြုလုပ်ခဲ့ပြီး ၂၀၁၃ ခုနှစ် ဖေဖော်ဝါရီလကလည်း တစ်ကြိမ်ပြုလုပ်ခဲ့သည်။

Ref: RT

ဧပြီ ၁၈၊ ၂၀၁၅
M-Media

– ပြီးခဲ့သည့်မတ်လက ဓားဖြင့်တိုက်ခိုက်ခံရခြင်းထက် ပို၍ ကြီးမားသည့် ကံဆိုးမှုကို ထပ်၍ ရင်ဆိုင်ရနိုင်သည်ဟု မြောက်ကိုရီးယားက တောင်ကိုရီးယားဆိုင်ရာ အမေရိကန်သံအမတ်အား သတိပေးပြောကြားလိုက်သည်။

မြောက်ကိုရီးယား၏ ကိုးရီးယား ငြိမ်းချမ်းစွာ ပြန်လည်ပေါင်းစည်းရေး ကော်မတီက ထိုကဲ့သို့ ပြောကြားလိုက်ခြင်းဖြစ်ပြီး တောင်ကိုရီးယားဆိုင်ရာ အမေရိကန်သံအမတ် မာ့က် လစ်ပါ့တ်က မြောက်ကိုရီးယား၏ လူ့အခွင့်အရေးမှတ်တမ်း ဆိုးရွားမှုနှင့် နျူးကလီးယား ကိစ္စများအကြောင်း မကြာသေးမီက ပြောကြားမှုအတွက် ဒေါသတကြီးဖြင့် မြောက်ကိုရီးယားက ပြန်လည်တုံ့ပြန်ခဲ့ခြင်းလည်း ဖြစ်သည်။

ဗုဒ္ဓဟူးနေ့က လစ်ပါ့တ်မှာ မြောက်ကိုရီးယားအနေဖြင့် လူ့ခွင့်အရေးလေးစားမှုကို တိုးမြှင့်ပြီး နျူးကလီးယား အစီအစဉ်ကို ရပ်တန့်မှသာ အမေရိကန်၊ ကမ္ဘာကြီးနှင့် ဆက်ဆံရေး တိုးတက်နိုင်မည်ဟု ပြောကြားခဲ့သည်။

“လစ်ပါ့တ်ဟာ အမှန်တရားကိုပုံဖျက်ပြီး ရောက်တက်ရာရာ လုပ်ကြံပြောဆိုမှုကို မဆင်မခြင်ပြုလုပ်တတ်တဲ့၊ ကျွန်တော်တို့ကို ပြဿနာရှာပြီး စစ်ပွဲဖြစ်အောင် လှုံ့ဆော်တတ်တဲ့ သူ့ရဲ့အကျင့်ဆိုးကို ပြင်ဖို့လိုပါတယ်။ ဒါမှမဟုတ်ရင် နောက်တစ်ကြိမ်မှာ တောင်ကိုရီးယားနိုင်ငံသားက မျက်နှာကို ဓားနဲ့လှီးတာထက် ပိုပြီး ကံဆိုးမှုကို ကြုံတွေ့ရပါလိမ့်မယ်” ဟု မြောက်ကိုရီးယား ကော်မတီက ပြောကြားခဲ့သည်။

ကိုးရီးယားနှစ်နိုင်ငံမှာ ၁၉၅၃ ခုနှစ်တွင် ငြိမ်းချမ်းရေး စာချုပ်အစား စစ်ရပ်ဆိုင်းရေး စာချုပ်သာ ချုပ်ဆိုထားခြင်းကြောင့် စည်းကမ်းများအရ စစ်ဖြစ်ပွားသည့်အခြေအနေတွင် ရှိနေသေးသည်။ မြောက်ကိုရီးယားက အမေရိကန်မှာ ဒေသအတွင်း ပဋိပက္ခများထပ်ဖြစ်လာအောင် ခြိမ်းခြောက်နေသည်ဟု မကြာခဏ စွပ်စွဲပြောဆိုလေ့ရှိသည်။ မကြာသေးမီက ဆိုနီကုမ္ပဏီအား ဆိုက်ဘာတိုက်ခိုက်မှုအတွက် မြောက်ကိုရီးယားက ကြိုးကိုင်ဆောင်ရွက်သည်ဟုဆိုကာ အမေရိကန်ကလည်း စွပ်စွဲခဲ့သည်။

“ဒါဟာ သည်းမခံလောက်တဲ့ စော်ကားမှုဖြစ်ပြီး ကျွန်တော်တို့ကို ပျက်ရယ်ပြုတာလည်း ဖြစ်ပါတယ်။ ပြီးတော့ ဟာသမြောက်တဲ့ မျက်နှာပြောင်တိုက်တဲ့ ကိစ္စမျိုးဖြစ်ပြီး လစ်လျူရှုလို့ မရပါဘူး” ဟု မြောက်ကိုရီးယားက ထပ်လောင်း ပြောကြားခဲ့သည်။

အမေရိကန်အစိုးရကမူ မြောက်ကိုရီးယား၏ ဆိုပါ ကြေညာချက်မှာ အာဏာရှင်၏ သဘောသဘာဝနှင့် ၀သီအတိုင်း ပြောဆိုမှုသာဖြစ်သည်ဟု မှတ်ယူကြောင်း ပြန်လည်တုံ့ပြန်ခဲ့သည်။

Ref: RT