Tag: north korea

အောက်တိုဘာ ၁၇၊ ၂၀၁၅
M-Media

– မိမိတို့က ပိဆို့မှုများနှင့်ပတ်သက်၍ ဆွေးနွေးညှိနှိုင်းမှု ပြုလုပ်ရန်အတွက် တံခါးဖွင့်ထားပြီး မြောက်ကိုရီးယားအနေဖြင့် ၎င်း၏ နျူကလီးယားအစီအစဉ်ကို အမှန်တကယ်စွန့်လွှတ်ရန် ဆန္ဒကို ပြရမည်ဟု အမေရိကန်သမ္မတ ဘာရက်အိုဘားမားနှင့် တောင်ကိုရီးယား သမ္မတ ပတ်ဂျုံဟီးတို့က ယမန်နေ့တွင် ပြောကြားလိုက်သည်။

၎င်းတို့နှစ်ဦးမှာ ၀ါရှင်တန်တွင် ဆွေးနွေးမှု ပြုလုပ်ခဲ့ကြခြင်းဖြစ်ပြီး အီရန်ကဲ့သို့ မြောက်ကိုရီးယားနှင့် သဘောတူညီချက် ရယူနိုင်မည်လားဟု မေးမြန်းရာ နျူကင်းစင်သည့် အနာဂတ်ကို မြောက်ကိုရီးယားက မျှော်လင့်ထားသည့် လက္ခဏာမျိုး မရှိဟု အိုဘားမားက ပြန်လည်ဖြေကြားခဲ့သည်။

ပတ်ဂျုံဟီးကမူ မြောက်ကိုရီးယား၏ နျူကလီးယားပြဿနာအတွက် နိုင်ငံတကာက တိုင်ပင်ကာ ဆောင်ရွက်မှုများ ပြုလုပ်ရန်အတွက် အရေးကြီးနေပြီး၊ သံတမန်နည်းလမ်းအရ ကြိုးပမ်းမှုများကို ခိုင်မာအောင်ဆောင်ရွက်ရန် လိုအပ်ချက်အတွက် အိုဘားမားနှင့် သဘောတူညီချက်ရခဲ့သည်ဟုလည်း ထည့်သွင်းပြောကြားခဲ့သည်။

Ref: Reuters

အောက်တိုဘာ ၁၀၊ ၂၀၁၅
M-Media

– တိုင်းပြည်အာဏာကို ချုပ်ကိုင်ထားသည့် မြောက်ကိုရီးယား အလုပ်သမားပါတီ၏ နှစ် ၇၀ ပြည့် စစ်ရေးပြအခမ်းအနားကို မြို့တော်ပြုံးယမ်း၌ ယနေ့တွင် ခမ်းခမ်းနားနား ကျင်းပပြုလုပ်ခဲ့ပြီး ခေါင်းဆောင် ကင်ဂျုံအန်ကိုယ်တိုင် တက်ရောက်ခဲ့သည်။

ထောင်နှင့်ချီသော စစ်သားများမှာ ကင်အီဆွန်ရင်ပြင်သို့ ချီတက်ခဲ့ကြပြီး တင့်ကားများ၊ လက်နက်တပ်ဆင်ထားသည့် ယာဉ်များနှင့် တိုက်ချင်းပစ်ဒုံးပျံ အမြောက်အများလည်း အဆိုပါ စစ်ရေးပြအခမ်းအနားတွင် ပါဝင်ချီတက်ခဲ့ကာ နိုင်ငံ၏ စစ်အင်အားကို ပြသခဲ့ကြသည်။

“ငါတို့ရဲ့တော်လှန်ရေးတပ်ဖွဲ့တွေဟာ အမေရိကန်က ရန်စတဲ့ ဘယ်လိုစစ်ပွဲမျိုးကိုမဆို တိုက်ခိုက်နိုင်စွမ်းရှိတယ်လို့ ငါတို့ပါတီက ရဲရဲဝံ့ဝံ့ ကြေငြာလိုက်တယ်။ ပြီးတော့ ငါတို့ဟာ ငါတို့ရဲ့ လူမျိုး၊ ငါတို့အမိမြေကို ကာကွယ်ဖို့ အဆင်သင့်ရှိနေတယ်” ဟု ကင်ဂျုံအန်က ၎င်း၏ မိန့်ခွန်းတွင် ထည့်သွင်းပြောကြားခဲ့သည်။

ထိုအခမ်းအနားသို့ မည်သည့်ကမ္ဘာ့ခေါင်းဆောင်မှ တက်ရောက်ခဲ့ခြင်းမရှိဘဲ တရုတ်ကွန်မြူနစ်ပါတီက အကြီးတန်း တာဝန်ရှိသူတစ်ဦးကို စေလွှတ်ခဲ့သည်။ စစ်ရေးပြမှုအပြင် မြို့တော်ပြုံးယမ်၌ ပျော်ပွဲရွှင်ပွဲများ မြောက်ကိုရီးယားရှိ နာမည်ကျော် အမျိုးသမီးအဆိုတော်အဖွဲ့ Moranbong Band ၏ စတိတ်ရှိုးများကိုလည်း ကျင်းပပြုလုပ်မည်ဖြစ်သည်။

စစ်ရေးပြအခမ်းအခမ်းအနားနှင့် အဆိုပါ ပျော်ပွဲရွှင်ပွဲများကို ကြည့်ရှုရန်အတွက် နိုင်ငံခြားသားခရီးသွား အမြောက်အများလည်း မြောက်ကိုရီးယားသို့ ရောက်ရှိနေကြသည်။

Ref: Aljazeera

သြဂုတ် ၁၂၊ ၂၀၁၅
M-Media

– ယမန်နေ့က တောင်နှင့် မြောက်ကိုရီးယားတို့ အပြန်အလှန်ပစ်ခတ်မှုများ ဖြစ်ပွားခဲ့ပြီး တင်းမာမှု မြင့်တက်လာပြီးနောက် မြောက်ကိုရီးယားခေါင်းဆောင် ကင်ဂျုံအန်မှာ ၎င်း၏ ရှေ့တန်းစစ်တပ်များကို စစ်အတွင်းသို့ ခြေချရန် အမိန့်ပေးလိုက်သည်ဟု မြောက်ကိုရီးယား နိုင်ငံပိုင်မီဒီယာ KCNA က ယနေ့တွင် ဖော်ပြလိုက်သည်။

ကင်ဂျုံအန် ဥက္ကဌအဖြစ်ဆောင်ရွက်သော ဗဟိုစစ်ကော်မရှင်က ယမန်နေ့ညပိုင်းတွင် အရေးအပေါ်အစည်းအဝေး ပြုလုပ်ခဲ့ပြီး ထိုအစည်းအဝေးတွင် ကင်က ရှေ့တန်းစစ်မျက်နှာရှိ ကိုရီးယားပြည်သူ့တပ်မတော် KPA မှ ပူးပေါင်းတပ်ဖွဲ့များအနေဖြင့် ဒေသစံတော်ချိန် သောကြာနေ့ ညနေ ၅ နာရီအချိန်မှစ၍ စစ်ဖြစ်နေသည့် အခြေအနေအတွင်းသို့ ၀င်ရောက်ရန် အမိန့်ပေးခဲ့ခြင်းဖြစ်သည်။

တပ်ဖွဲ့များမှာ မထင်မှတ်ထားသည့် စစ်ဆင်ရေးများ ဆင်နွှဲရန် တိုက်ပွဲဝင်အနေအထားဖြင့် အသင့်ရှိနေရမည်ဖြစ်ပြီး ရှေ့တန်းစစ်မျက်နှာတစ်ခုလုံးကိုလည်း စစ်ဖြစ်တော့မည့် အနေအထားအဖြစ် ထားရှိရမည်ဟု KCNA က ထည့်သွင်းဖော်ပြခဲ့သည်။ တောင်ကိုရီးယားနှင့် မြောက်ကိုရီးယားတို့မှာ အပစ်ရပ်ရေးစာချုပ်သာ ချုပ်ဆိုထားပြီး စစ်ပြေငြိမ်းရေးစာချုပ်ကို ချုပ်ဆိုထားခြင်း မရှိသောကြောင့် မူအရ စစ်ဖြစ်ဆဲ အနေအထားတွင်ပင် ရှိနေသည်။

ယခုလအစောပိုင်းက နှစ်နိုင်ငံနယ်စပ်တွင် တောင်ကိုရီးယားတပ်ဖွဲ့ဝင်များ မိုင်းနင်းမိခဲ့ကာ ဒဏ်ရာရရှိခဲ့ပြီးနောက် အဆိုပါမိုင်းမှာ မြောက်ကိုရီးယားမှ ထောင်သည်ဟု စွပ်စွဲ၍ တောင်ကိုရီးယားက မြောက်ကိုရီးယားဘက်သို့ အသံချဲ့စက်များဖြင့် စိတ်ဓာတ်စစ်ဆင်ရေး ပြုလုပ်ခဲ့သည်။

ယမန်နေ့တွင် အဆိုပါအသံချဲ့စက်များဘက်ကို မြောက်ကိုရီးယားက ဒုံးကျည်ဖြင့် ပစ်ခတ်ခဲ့ပြီး တောင်ကိုရီးယားဘက်ကလည်း ဒုံးကျည်လာသည်ဟု ယုံကြည်ရသော နေရာကို အမြောက်များဖြင့် ပြန်လည်ပစ်ခတ်ခဲ့သည်။

မြောက်ကိုရီးယားမှာ စစ်ဘက်ဆက်သွယ်ရေးလိုင်းမှတစ်ဆင့် ဖုန်းခေါ်ကာ အဆိုပါ အသံချဲ့စက်များအား ၄၈ နာရီအတွင်း ဖယ်ရှားပေးရန်နှင့် သို့မဟုတ်ပါက စစ်ရေးအရ တုံ့ပြန်မှုကို ရင်ဆိုင်ရမည်ဟု တောင်ကိုရီးယားအား ရာဇသံပေးထားသည်။ အဆိုပါ ရာဇသံအချိန်မှာ စနေနေ့ညနေ ၅ နာရီတွင် ကုန်ဆုံးမည်ဖြစ်သည်။

တောင်ကိုရီးယား ကာကွယ်ရေးဝန်ကြီးဌာနကမူ အဆိုပါခြိမ်းခြောက်မှုကို ပယ်ချခဲ့ပြီး အသံထုတ်လွှင့်မှုများကို ဆက်လက်လုပ်ဆောင်သွားမည်ဟု ပြောကြားခဲ့သည်။

Ref: channelnewsasia