Tag: north korea

အောက်တိုဘာ ၁၄ ၊ ၂၀၁၄
M-Media

– လူမြင်ကွင်းမှ တစ်လကျော်ကြာ ပျောက်ကွယ်သွားခဲ့သည့် မြောက်ကိုရီးယားခေါင်းဆောင် ကင်ဂျုံအန် မှာ ယနေ့နံနက်တွင် နိုင်ငံအတွင်းရှိ ဆောက်လုပ်ရေး လုပ်ငန်းတစ်ခုသို့ သွားရောက်ခဲ့သည်ဟု မြောက်ကိုရီးယား သတင်းဌာန KCNA က ဖော်ပြခဲ့သည်။

စက်တင်ဘာ ၃ ရက်နေ့က ဖျော်ဖြေပွဲတစ်ခုသို့ ဇနီးဖြစ်သူနှင့် တက်ရောက်ခဲ့ပြီးသည့် အချိန်မှစ၍ ကင်ဂျုံအန်မှာ လူမြင်ကွင်းမှ ပျောက်ဆုံးသွားခဲ့ပြီး၊ ကျန်းမာရေး ပြဿနာကြောင့်၊ သို့မဟုတ် ညီမဖြစ်သူ၏ အာဏာသိမ်းခြင်း ခံခဲ့ရသောကြောင့် ပျောက်သွားခဲ့ခြင်းဖြစ်သည်ဟု ကောလဟာလများ ထွက်ပေါ်လာခဲ့သည်။

သို့သော်လည်း နိုင်ငံအတွင်းရှိ ဆောက်လုပ်ရေးလုပ်ငန်းတစ်ခုအား သွားရောက်လည်ပတ်သည့် ကင်ဂျုံအန်၏ သတင်းကို KCNA သတင်းဌာနက ယနေ့တွင် ထုတ်လွှင့်ခဲ့ပြီး ၎င်း၏ အမှတ်အသားဖြစ်သည့် ကျယ်သီးတပ် ကုတ်အင်္ကျီအနက်နှင့် ပြုံးကာ၊ လက်ပြနေသည့် ကင်ဂျုံအန်၏ ပုံရိပ်အများအပြားကိုလည်း မြောက်ကိုရီးယား အာဏာရပါတီမှ ထုတ်ဝေသော Rodong Sinmun သတင်းစာတွင် ဖော်ပြခဲ့သည်။

သို့သော်လည် KCNA က ထုပ်လွှင့်ခဲ့သည့် ကင်ဂျုံအန်၏ ပုံရိပ်မှာ အောက်တိုဘာ ၁၃ ရက်နေ့တွင် သွားရောက်ခဲ့ခြင်း ဟုတ်မဟုတ် မသေချာကြောင်း မြောက်ကိုရီးယားမှ အလ်ဂျာဇီးရား သတင်းထောက် ထရီဇာဘိုက ပြောကြားခဲ့သည်။

ref_ aljazeera

အောက်တိုဘာ ၉ ၊ ၂၀၁၄
M-Media

– မြောက်ကိုရီးယားမှာ ပြုလုပ်တဲ့ အခမ်းအနားတွေမှာ ခေါင်းဆောင်ကြီး ကင်ဂျုံအန် မတက်ရောက်တာက  ကမ္ဘာတစ်ခုလုံးကို တွေးတောစရာတွေဖြစ်စေပါတယ်။

ခေါင်းဆောင်ကြီး ကင်ဂျုံအန် ဘယ်မှာလဲ? ကမ္ဘာပေါ်က အထီးကျန်ဆုံးနိုင်ငံမှာ ခေါင်းဆောင်အဖြစ် ရှိနေတုန်းပဲလား?

၂၀၁၁ ခုနှစ် ကင်ဂျုံအီကွယ်လွန်ပြီးနောက်ပိုင်း အာဏာရလာခဲ့တဲ့ သားဖြစ်သူ ကင်ဂျုံအန်ဟာ အပြောင်းအလဲကို မလိုချင်တဲ့ မြောက်ကိုရီးယား အကြီးအကဲတစ်ချို့ရဲ့ ဖြုတ်ချခြင်းကို ခံခဲ့ရတယ်လို့ အချို့သော လေ့လာဆန်းစစ်သူတွေက  ထင်ကြေးပေးကြပါတယ်။

အာဏာရပြီး ပထမပိုင်းမှာ ကင်ဂျုံအန်ဟာ ကိုယ်အလေးချိန်တွေတက်လာတယ်။ နောက်ပိုင်းမှာ ထော့နဲ့ထော့နဲ့ ဖြစ်လာပြီး၊ အခုတော့ အသက် ၃၁ နှစ်အရွယ် ကင်ဟာ စက်တင်ဘာ ၄ ရက်နေ့ကစပြီး လူမြင်ကွင်းကနေ ပျောက်ကွယ် သွားခဲ့ပါတယ်။ဒီကာလ အတွင်းမှာ နိုင်ငံရဲ့ အရေးပါတဲ့အစည်းအဝေးတစ်ခုကို လွတ်ခဲ့ပြီး၊ ဖခင် ကင်ဂျုံအီလ် အလုပ်သမားပါတီရဲ့ အထွေထွေ အတွင်းရေးမှူးအဖြစ် ရွေးချယ်ခံရမှု ၁၇ နှစ်မြောက်အထိမ်းအမှတ်အနေနဲ့ အောက်တိုဘာ ၈ ရက်နေ့က  ပြုလုပ်ခဲ့တဲ့ အစည်းအဝေးကိုလည်း တက်ရောက်ခြင်း မရှိခဲ့ပါဘူး။

ဒီလိုအစည်းဝေးမျိုးတွေမှာ ဒါမျိုးဟာ သိပ်မဖြစ်ဖူးပါဘူး။ ကင်ဟာ ကျန်းမာရေး မကောင်းတာ ဖြစ်နိုင်တယ်လို့ လေ့လာ ဆန်းစစ်သူတွေက ဆိုကြပြီး၊ မြောက်ကိုရီးယား မီဒီယာကလည်း ကင်ဟာ နေထိုင်လို့ မကောင်းဘူးဆိုတာကို တရားဝင်ကြေညာခဲ့ပါတယ်။ ဒါပေမယ့် ဘာ့ကြောင့် နေမကောင်းဖြစ်တယ်ဆိုတာကတော့ အသေးစိတ် မပြောခဲ့ပါဘူး။

ဒါပေမယ့် ပြီးခဲ့တဲ့ သီတင်းပတ်အတွင်း မြောက်ကိုရီးယားရဲ့ နံပါတ် ၂ နဲ့ နံပါတ် ၃ ခေါင်းဆောင်တွေ တောင်ကိုရီးယားနိုင်ငံကို အံ့သြဖွယ် လာရောက် ခဲ့တာက မြောက်ကိုရီးယား အစိုးရ ဘာတွေကြိတ်ကြံနေလဲဆိုတာ စဉ်းစားစရာ ဖြစ်လာခဲ့ပါတယ်။

ဒီခေါင်းဆောင်နှစ်ဦးနဲ့ အခြားမြောက်ကိုရီးယား ထိပ်တန်း အရာရှိ တစ်ဦးတို့ဟာ အင်ချွန်းမှာကျင်းပတဲ့ အာရှအားကစားပြိုင်ပွဲ ပိတ်ပွဲကို တက်ရောက် ခဲ့ပါတယ်။ နောက်ပိုင်းမှာတော့ တောင်ကိုရီးယား တာဝန်ရှိသူတွေနဲ့ တွေ့ဆုံခဲ့ပြီး နှစ်နိုင်ငံ အဆင့်မြင့် အစည်းဝေး ပြုလုပ်ဖို့ ဆန္ဒရှိနေတယ်လို့လည်း ပြောဆိုခဲ့ပါတယ်။

ဒီလိုဆွေးနွေးမှုမျိုးတွေကို ယခင်က ပြုလုပ်ဖို့ ကြိုးစားခဲ့တာမျိုး ရှိခဲ့ပေမယ့်၊ အခုအသစ်လုပ်မယ့် ဆွေးနွေးမှုကတော့ ကာလရှည်ကြာစွာကွဲနေတဲ့ ကိုရီးယားကျွန်းဆွယ်က ဒီနှစ်နိုင်ငံအကြား အလားအလာရှိတဲ့ ပြန်လည်ရင်ကြားစေ့ရေး ဖြစ်ပေါ်လာဖို့အတွက် အရေးပါနိုင်ပါတယ်။

ပြီးတော့ ဒါက ကင်ဂျုံအန် ဘယ်ရောက်နေလဲဆိုတဲ့ မေးခွန်းတွေကိုလည်း မြင့်တက်လာစေခဲ့ပါတယ်။

မြောက်ကိုရီးယား ထိပ်တန်းခေါင်းဆောင်တွေဟာ တောင်ကိုရီးယားကို ဘာ့ကြောင့် အာရှအားကစားပြိုင်ပွဲ ပိတ်ပွဲ နောက်ဆုံးအချိန်မှ ရောက်လာတာလဲ?

မကြုံစဖူးထူးခြားမှု

“မြောက်ကိုရီးယား အပြင်ဘက်ကလူတွေက ဒါကိုသိမယ်လို့ ကျွန်တော်မထင်ပါဘူး။ မြောက်ကိုရီးယားရဲ့ နံပါတ် ၁ ခေါင်းဆောင်နဲ့ သူရဲ့ ဇနီး လူမြင်ကွင်း ကနေပျောက်သွားပြီး နံပါတ် ၂ နဲ့ နံပါတ် ၃ ခေါင်းဆောင်တွေ တောင်ကိုရီးယားကို တစ်ချိန်တည်း ရောက်လာတာဟာ ပုံမှန်တော့ မဟုတ်ပါဘူး။ ဒါဟာ မကြုံစဖူးကိစ္စပါပဲ” လို့ မဟာဗျူဟာနဲ့ နိုင်ငံတကာ လေ့လာရေး စင်တာက လေ့လာဆန်းစစ်သူ မိုက်ကယ်ဂရင်းက ဆိုပါတယ်။

ဒီအကြောင်းအရာတွေကြောင့် မြောက်ကိုရီးယားမှာ အဏာသိမ်းမှု ဖြစ်ခဲ့ပြီလားဆိုတာကိုလည်း တွေးစရာဖြစ်လာပါတယ်။

မြောက်ကိုရီးယားအရေး လေ့လာ ဆန်းစစ်သူတစ်ဦးဖြစ်တဲ့ ဂေါ်ဒန် ဂျီ ချန်က Daily Beast မှာ “မြောက်ကိုရီးယားခေါင်းဆောင် ကင်ဂျုံအန် ဖြုတ်ချခံလိုက်ရပြီလား” ဆိုတဲ့ ခေါင်းစဉ်နဲ့ ဒီတစ်ပါတ်ထဲမှာ ဆောင်းပါးတစ်ပုဒ် ရေးခဲ့ပါတယ်။

“တကယ်တော့ ကမ္ဘာ့နားလည်ရ အခက်ဆုံး အာဏာရှင်နိုင်ငံမှာ ဘယ်လိုကိစ္စမျိုးမဆို ဖြစ်နိုင်ပါတယ်။ ဒါပေမယ့် အောက်တိုဘာ ၁၀ ရက်နေ့မှာ ကျရောက်မယ့် အလုပ်သမားပါတီ တည်ထောင်ခြင်း နှစ်ပတ်လည် အခမ်းအနားရဲ့ မိန့်ခွန်းပြောစင်မြင့်ပေါ်မှာ ဘယ်သူ့ကို မြင်ရမလဲဆိုတာ တွေ့တဲ့အခါ ကျွန်တော်တို့ ဒီထက်ပိုပြီး သိနိုင်ပါလိမ့်မယ်” လို့ ချန်က အဲဒီဆောင်းပါးထဲမှာ သူ့အမြင့်ကို ဖော်ပြခဲ့ပါတယ်။

“အဲဒီအချိန်မတိုင်မချင်းတော့ ကင်ဂျုံအန်ဟာ သူရဲ့အာဏာကိုစွန့်လွှတ်လိုက်ရတယ်ဆိုတဲ့ လက္ခဏာမျိုး ရှိတယ်ဆိုတာနဲ့၊ ဒါမှမဟုတ် အမည်ခံခေါင်းဆောင် တစ်ယောက် မကြာခင် ဖြစ်မယ်ဆိုတာလောက်ကိုပဲ ကျွန်တော်တို့ ပြောနိုင်ပါတယ်”

တိုင်းပြည်အတွင်းကထွက်တာ၊ တိုင်းပြည်ထဲကိုဝင်တာ အားလုံးကို မြောက်ကိုရီးယား အစိုးရက ပိတ်ပင်လိုက်ပြီဆိုတဲ့အကြောင်းကိုလည်း Daily Beast ဟာ သတင်းရင်းမြစ်အချို့ကို ကိုးကားပြီး ပြီးခဲ့သည့် သီတင်းပတ်မှာ ဖော်ပြခဲ့ပါသေးတယ်။

ကင်ဂျုံအန်နဲ့ ပတ်သက်တဲ့မေးခွန်းကို မြောက်ကိုရီးယား သံတမန်များ ရှောင်ရှားခဲ့

အောက်တိုဘာ ၈ ရက်နေ့မှာ ကုလသမဂ္ဂဆိုင်ရာ မြောက်ကိုရီးယား ဒုတိယသံအမတ်  Ri Tong Il က ဒီလိုသတင်းထွက်ပေါ်မှုဟာ တိုင်းပြည် မငြိမ်မသက်ဖြစ်တာ၊ ခေါင်းဆောင် အပြောင်းအလဲကို စောင့်ဆိုင်းနေရတာမျိုးတွေလို ကိစ္စတွေရှိနေလို့လားဆိုတဲ့ CNN သတင်းဌာနရဲ့ အမေးကို ဖြေဖို့ ငြင်းဆန်ခဲ့ပါတယ်။

သူဟာ မြောက်ကိုရီးယားရဲ့ ခရီးသွားလာမှုသတင်းကိုသာ ဖြေရှင်းခဲ့ပြီး နိုင်ငံသားအားလုံးဟာ လွတ်လပ်စွာ ခရီးသွားခွင့်ရကြတယ်လို့ ဖြေခဲ့ပါတယ်။

ကင်ဂျုံအန်နဲ့ပတ်သက်ပြီး မေးမြန်းရာမှာလည်း သံအမတ်ဟာ စကားလမ်းကြောင်း လွှဲခဲ့ပြီး ပွဲတစ်ခုတက်ရမယ့်အတွက် သွားတော့မယ်လို့ ပြောကြားခဲ့ပါတယ်။

ကင်ဂျုံအီလက်ထက်မှာ ကျော်ကြားတဲ့ ၀ါဒဖြန့်ချီရေးသမားဖြစ်ပြီး နောက်ပိုင်းမှာ မြောက်ကိုရီးယားကို စွန့်ခွာခဲ့တဲ့ ဂျန် ဂျင်ဆွန်ကတော့ ကင်ဂျုံအန်ဟာ အာဏာကိုင်ထားတဲ့ လူအနည်းစု လောင်းရိပ်အောက်က ရုပ်သေးရုပ်လေးဖြစ်နေပြီလို့ ဖွင့်ဟခဲ့ပါတယ်။

မြောက်ကိုရီးယားရဲ့ အမှတ်သညာ

မြောက်ကိုရီးယားအစိုးရမှာ Organization and Guidance (OGD) ဌာနတစ်ခုရှိပြီး အဲဒီဌာနက အပြောင်းအလဲမလိုချင်သူ လူဟောင်းတွေကသာ အာဏာကိုင်ထားသူတွေ ဖြစ်တယ်လို့ ဂျန်က ပြီးခဲ့တဲ့ တစ်ပါတ် တောင်ကိုရီးယားကနေတစ်ဆင့် ဖုန်းနဲ့ ပြောခဲ့ပါတယ်။ သူတို့တွေဟာ ကင်ဂျုံအီနဲ့ အနီးကပ်ဆက်ဆံရေးတွေ ရှိခဲ့ပေမယ့် ကင်ဂျုံအန် လက်ထက်မှာတော့ အစေးမကပ်တော့ဘူးလို့လည်း ဂျန်က ဆိုပါတယ်။

“ကင်ဂျုံအန်ဟာ တိုင်းပြည်ရဲ့ အမှတ်သညာပါ။ အမည်ခံအရတော့ သူဟာ တိုင်းပြည်ရဲ့ ခေါင်ချုပ်ကြီးပါ။ ဒါပေမယ့် အဖေဖြစ်သူလက်ထက်ကရှိတဲ့ သစ္စာရှိမှု၊ ယုံကြည်မှု၊ အဆက်အသွယ်တွေ၊ အတွေ့အကြုံတွေ အားလုံးကိုတော့ အမွေမဆက်ခံနိုင်ခဲ့ပါဘူး။ ဖခင်ရဲ့ အရိုက်အရာကို ဆက်ခံသူဖြစ်လာပေမယ့် အစိုးရစနစ်မှာတော့ သူဟာ အဖေ့နေရာမျိုး မရပါဘူး”

ဒါဟာ ကင်ဂျုံအန်ရဲ့ အခြေအနေနဲ့ ပတ်သက်ပြီး ဂျန်ရဲ့ ပြောကြားမှုဖြစ်ပါတယ်။

လွန်ခဲ့တဲ့ ၁၀ နှစ်လောက်ကတည်းက တောင်ကိုရီးယားကို ပြေးလာခဲ့တဲ့ ဂျန်က သူဟာ ပြီးခဲ့တဲ့ ရက်နည်းငယ်အတွင်းမှာ မြောက်ကိုရီးယား ခေါင်းဆောင်ပိုင်းမှာရှိသူ တစ်ချို့နဲ့ အဆက်အသွယ်ရှိခဲ့တယ်လို့ ဆိုပါတယ်။ အဲဒီကတစ်ဆင့် သူသိရတာက OGD ဟာ လူတစ်ချို့ကို ပစ်သတ်ဖို့ အမိန့်ပေးခဲ့တယ်ဆိုတာပါပဲ။ အကြောင်းအရင်းကတော့ သူတို့ဟာ အုပ်ချုပ်သူအပေါ် သစ္စာမရှိတော့လို့ဖြစ်တယ်လို့ ဂျန်က ပြောခဲ့ပါတယ်။

ဂျန်ရဲ့ ဒီပြောဆိုမှုဟာ ခိုင်မာလား၊ ယုံကြည်ရလားဆိုတာကိုတော့ တောင်ကိုရီးယားနဲ့ အမေရိကန် ထောက်လှမ်းရေးတို့က အတည်ပြုနိုင်ခြင်း မရှိခဲ့ပါဘူး။ ဒါပေမယ့် အမေရိကန် အစိုးရအေဂျင်စီတွေအတွက် သုတေသနလုပ်ငန်းတွေ၊ ဆန်းစစ်လေ့လာမှုတွေ ပြုလုပ်ပေးနေတဲ့ CNA Corp မှာ မြောက်ကိုရီးယားအရေး နှစ်ပေါင်း ၂၀ လောက် လေ့လာနေတဲ့ ပညာရှင် ကန်ဂေါက်ကတော့ OGD ဟာ ဒီလိုလက်သံပြောင်တာမျိုးတွေ ရှိတယ်ဆိုတာ သဘောတူခဲ့ပါတယ်။

ကင်ဂျုံအန် OGD ရဲ့ ဖြုတ်ချခြင်းကို ခံလိုက်ရတယ်ဆိုတာဟာ မြောက်ကိုရီးယားမှာရှိတဲ့ ဥရောပသံတမန်တွေဆီက ကြားနေကြ သီအိုရီသာ ဖြစ်တယ်လို့ ဂျော့ဂ်ျတောင်း တက္ကသိုလ်က ပရော်ဖက်ဆာ ဗစ်တာချားက ပြောခဲ့ပါတယ်။

သာမန်နေမကောင်းဖြစ်တာလား……….

Booking Institution က အရှေ့အာရှရေးရာတွေကို အထူးပြုလေ့လောသူ ဂျိုနသန် ပိုလက်က ပြုံးယမ်မှာ အာဏာတိုက်ပွဲ ဖြစ်နိုင်ချေရှိတယ်ဆိုတာကို ပယ်ချခဲ့ပါတယ်။ ကင်ဂျုံအန်ကို ရာထူးကနေဖြုတ်ချဖို့ ဆိုတာထက် သူ့အပေါ် လွှမ်းမိုးဖို့  စီစဉ်နေတာက ပိုပြီး ဖြစ်နိုင်တဲ့ကိစ္စလို့ ပြောခဲ့ပါတယ်။

“မြောက်ကိုရီးယားရဲ့ပုံစံက အပေါ်ကနေ အောက်ကိုသွားတဲ့ပုံစံပါတယ်။ နံပါတ် ၂ ဆိုတာ မရှိပါဘူး။ တော်ဝင်စနစ်၊ ထီးနန်းစနစ်ဖြစ်ဖြစ်ပါတယ်” လို့ ပိုလက်က သူ့ရဲ့ ထင်မြင်ချက်ကို ပြောပြခဲ့ပါတယ်။

ကင်ဂျုံအန်ပျောက်နေတဲ့ အခြားအကြောင်းအရင်းတစ်ခုကတော့ ရိုးရိုးနေမကောင်းတာပဲ ဖြစ်ပါတယ်။

သမိုင်းကြောင်းအရေ ခမ်းနားစွာနေထိုင်ကြတဲ့ ကင်ဂျုံအန်တို့ မိသားစုဝင်တွေမှာ ဆီးချိုနဲ့ အ၀လွန်ရောဂါတွေရှိကြတယ်လို့ လေ့လာဆန်းစစ်သူတွေက ဆိုပါတယ်။

“ကင်ဂျုံအန်မှာ ဒါတွေအားလုံးရှိပြီး အနောက်တိုင်းက အဆိုးဆုံး နေထိုင်စားသောက်မှု စနစ်ဖြစ်တဲ့ ကုတ်နဲ့ အာလူချောင်းကိုလည်း နှစ်သက်ပါတယ်” လို့ ဂရင်းက ဆိုပါတယ်။

တောင်ကိုရီးယားနိုင်ငံ ဆိုးလ်မြို့ Kookmin တက္ကသိုလ်က လေ့လာဆန်းစစ်သူ အန်ဒရီ လန်ကော့ဗ်ကတော့ ကင်ဟာ နိုင်ငံရေးအရ မတိုးသာမဆုတ်သာ အခြေအနေကို ရောက်နေတယ်လို့ သုံးသပ်ပါတယ်။

မြောက်ကိုရီးယားခေါင်းဆောင်တွေ တောင်ကိုရီးယားကို ဘာ့ကြောင့် ရောက်လာတာလဲ …..

ကင်ဂျုံအန်ဟာ ခေါင်းဆောင်နေရာမှာ ဆက်ရှိနေပြီး တောင်ကိုရီးယားကို မြောက်ကိုရီးယားခေါင်းဆောင်တွေ လာရောက်တာဟာ စီးဝါးရိုက်ထားတာလို့ လန်ကော့ဗ်က ယုံကြည်နေပါတယ်။

“မြောက်ကိုရီးယားရဲ့ သံခင်းတမန်ခင်းဟာ ပြင်ပကမ္ဘာတစ်ခုလုံးနဲ့ ဆက်ဆံရေးတိုးတက်ဖို့ သေသေချာချာ၊ ကျကျနန ပူးပေါင်းဆောင်ရွက်ထားတာပါ။ ဘယ်သူမှ လက်လွှတ်စပယ် လုပ်နေတယ်လို့ ထင်လို့မရပါဘူး” လို့ လန်ကော့ဗ်ကဆိုပြီး မြောက်ကိုရီးယားတဲ့ အခုလို ပိုမိုရင်းနှီးစွာ ဆက်ဆံလာမှုဟာ စီးပွားရေးအတွက်ဖြစ်တယ်လို့လည်း မှတ်ချက်ပေးခဲ့ပါသေးတယ်။

“သူတို့က တောင်ကိုရီးယားက ထုတ်ပေးမယ့် ငွေတွေ၊ ပုံမှန်ကုန်သွယ်မှုတွေကို လိုချင်နေကြတာပါ” လို့ လန်ကော့ဗ်က ဆိုပါတယ်။

အထူးသဖြင့် တောင်ကိုရီးယားဘက်က ၂၀၁၀ ခုနှစ်မှာ ချမှတ်ခဲ့တဲ့ May 24 Measure လို့ခေါ်တဲ့ ကုန်သွယ်ရေးပိတ်ပင်မှုကြီးကို ပြန်ဖွင့်ပေးစေချင်တာဖြစ်ပါတယ်။ ဒါဟာ မြောက်ကိုရီးယားဘက်က တောင်ကိုရီးယား သင်္ဘောတစ်စင်းကို နှစ်မြှုပ်လိုက်ပြီးတဲ့နောက် တောင်ကိုရီးယားဘက်က ပြုလုပ်ခဲ့တဲ့ အရေးယူမှုလည်းဖြစ်ပါတယ်။ အဲဒီနှစ်မြှုပ်မှုမှာ တောင်ကိုရီးယား သင်္ဘောသား ၄၆ ဦး သေဆုံးခဲ့ပါတယ်။

တကယ်လို့များ နိုင်ငံရေး အရ အဆိုးရွားဆုံး မသမာမှုဖြစ်တဲ့ ကင်ဂျုံအန် ရာထူးက ဖြုတ်ချခံရတာ မျိုးဆိုရင်တော့ မြောက်ကိုရီးယားဟာ ပိုပြီး စိုးရိမ်စရာကောင်းတဲ့ တိုင်းပြည်တစ်ခု ဖြစ်လာပြီလို့ ချားက ဆိုပါတယ်။

“တကယ်လို့များ ကင်ဟာ ခေါင်းဆောင်နေရာက ဖြုတ်ချခံလိုက်ရပြီဆိုရင် သူ့နေရာကို ဆက်ခံဖို့လူ ရှိမနေပါဘူး။ နောက်ပြီး နျူးကလီးယား လက်နက်တွေရဲ့ လုံခြုံရေး၊ ဒုံးကျည်တွေရဲ့လုံခြုံရေးကို ကျွန်တော်တို့ မသိနိုင်သလို မြောက်ကိုရီးယား အစိုးရအတွင်းမှာ အာဏာလုပွဲ ရှိနေမယ်ဆိုရင်လည်း ရည်ရွယ်ချက်ရှိရှိ ဒါမှမဟုတ် အမှတ်တမဲ့ပုံစံမျိုး တောင်ကိုရီးယားနဲ့ စစ်ဖြစ်လာနိုင်ပါတယ်။ ဒါဆိုရင်တော့ ကိုရီးယား ကျွန်းဆွယ်မှာ ကြီးကြီးမားမား ပေးဆပ်စရာတွေအတွက် အစပျိုးပေးတာမျိုးလည်း ဖြစ်သွားနိုင်ပါတယ်။ ဒါ့ကြောင့် မြောက်ကိုရီးယား အစိုးရပိုင်းဟာ တိုင်းပြည်ပြင်ပက ပြည်သူတွေကို ဆိုးရွားတဲ့ နည်းလမ်းတွေနဲ့ ထိခိုက်စေနိုင်မှာ အသေချာပါပဲ” လို့ မြောက်ကိုရီးယား အရေးကို ချားက နိဂုံးချုပ် သုံးသပ်ခဲ့ပါတယ်။

CNN သတင်းဌာနမှ Michael Martinez ၏ ဆောင်ပါးကို လေးမောင် (M-Media) မှ ဆီလျော်အောင် ဘာသာပြန်ဆိုပါသည်။